Chapter 149
Sue Xing NwayApril 21, 2023
Chapter 149
"Prison on fire" မှာ ရှုထျန်းယုနှင့် ဟန်သုံတို့ထံမှ chip ပြားကို မြွေဂိုဏ်းက လိုက်လံလုယက်သည့်အခန်း ဖြစ်သည်။ သူတို့က ကားထဲသို့ မူးယစ်ဆေး အမြောက်အများကို တမင်တကာ ခိုးထည့်ကာ ရဲကို သတင်းပေးလိုက်သည်။ ဤသို့ဖြင့် နှစ်ယောက်လုံး ထောင်ထဲရောက်သွားပါလျှင် သူတို့ပြဿနာကို ကူညီဖြေရှင်းပေးမည့် ထောင်သားများ ဖြစ်သွားတော့မည်ဖြစ်သည်။ ထိုအခါ chip ပြားကို ပြန်သိမ်းနိုင်မည် ဖြစ်ပြီး ထိုသူများလည်း သေဆုံးကာ ပြဿနာ ရှိတော့မည် မဟုတ်ချေ။
ဟန်သုံက အချိုရည်ဝယ်ရန် အလို့ငှာ လမ်းတစ်ဝက်တွင် ကားပေါ်မှ ဆင်းလိုက်ပြီး သီချင်းနားထောင်ရင်း ကားထဲ ကျန်နေခဲ့သည့် ရှောင်ကျားရှုမှာမူ ထိုနေရာတွင်ပင် ရဲတို့၏ ဖမ်းဆီးခြင်းကို ခံလိုက်ရတော့သည်။ အခြေအနေ မဟန်ကြောင်း တွေ့လိုက်ရသည်နှင့် တစ်ပြိုင်နက် ဟန်သုံက ပုန်းအောင်းကာ အခြေအနေကို စောင့်ကြည့်ရင်း ရှုထျန်းယုကို ကယ်တင်ရန် အစွမ်းကုန် ကြိုးစားလိုက်တော့သည်။ အကြောင်းမှာ ရှုထျန်းယုသာ ထောင်ထဲ ရောက်သွားပါလျှင် တစ်ရက်တည်းပင် ဖြစ်နေပါစေ မြွေဂိုဏ်းမှ ငှားရမ်းထားသည့် ထောင်သားတို့၏ လက်ချက်ဖြင့် အသက်ဆုံးရမည်ဖြစ်ကြောင်း သိနေ၍ဖြစ်သည်။
အမေရိကန်ပြည်ထောင်စုတွင် ထောင်ထဲ မသွားလိုပါလျှင် ငွေအမြောက်အများ ပုံအောပေးရန် လိုအပ်ပြီး ဟန်သုံမှာ ခြူးတစ်ပြားမျှပင် မရှိချေ။ ထို့ကြောင့် တရုတ်ပြည်ရှိ အဖေရှုကို ဆက်သွယ်လိုက်ရတော့၏။ ယခင်အကြိမ်ကဲ့သို့ပင် အဖေရှုက ငြင်းဆန်လိုက်သည်။ အမေရိကန်ဒေါ်လာ သန်းခုနစ်ဆယ်မှာ ယွမ်သန်းငါးရာနှင့် ညီမျှရာ အလတ်စားစီးပွားရေးလုပ်ငန်းတစ်ခုကိုပင် ဝယ်ယူနိုင်လောက်သည့် ပမာဏ ဖြစ်ပေသည်။ ရှုထျန်းယုက ထောင်ထဲရောက်ရန် သေချာလုနီးပါး ဖြစ်နေသော်ငြား လုံလောက်သည့် ကြိုတင်ပြင်ဆင်မှုတို့ကိုလည်း ဆောင်ရွက်ထားခဲ့ပေသည်။
ထောင်ထဲ မရောက်မီ ဟန်သုံအား သူ့ကို ကြောက်စရာကောင်းသည်ဟု ထင်ရလောက်သည့် တက်တူးမျိုး ထိုးပေးရန် ပြောခဲ့သည်။ သို့သော် တက်တူးဆရာက သူ့ကို အပ်ဖြင့် ထိုးလိုက်သည်နှင့် တစ်ပြိုင်နက် ဝက်တစ်ကောင်နှယ် စူးစူးဝါးဝါး အော်ဟစ်ခဲ့သဖြင့် ဆေးကြော၍ မရနိုင်တော့သည့် မင်ဖြင့် တက်တူးထိုးခြင်းကိုသာ သည်းခံနိုင်ပေသည်။ ကံမကောင်းစွာပင် တက်တူးဆရာထံ၌လည်း ရေစိုခံဆေး ကုန်နေခဲ့၏။ သို့သော် ဆူဖြိုးလှသည့် သိုးနှစ်ကောင်ကို အလွတ်မပေးလိုသူက သူတို့ကို အရူးလုပ်ကာ သာမန်ဆေးရည်တို့ အစားထိုးပြီး သုံးပေးလိုက်တော့သည်။
ဤသို့ဖြင့် ရှောင်ကျားရှု၏ တစ်ကိုယ်လုံး တက်တူးတို့ဖြင့် ပြည့်နှက်ကာ မောက်မာကြမ်းတမ်းဟန် ဖြစ်သွားသော်ငြား အတွင်းစိတ်ကမူ ထောင်ချခံရမည်ကို နက်နက်ရှိုင်းရှိုင်း ကြောက်ရွံ့နေမိပေသည်။
မိတ်ကပ်ပြင်ဆရာက အယ်လ်ဘမ်ကို ဖွင့်ကာ ရှောင်ကျားရှုအား တက်တူးဒီဇိုင်းများ ရွေးချယ်ပေးရန် ပြောလိုက်သည်။
"ကျိကော ကျွန်တော့်ကို ကူရွေးပေးပါဦး ..."
ရှောင်ကျားရှုက သူ့ကျောပေါ်မှီကာ နားရွက်ကို ငုံခဲရင်း မေးလိုက်သည်။
"ဒီဟာ ..."
ကျိမြန်က သစ်နက်ပုံတစ်ခုကို ထောက်ပြလိုက်သည်။
မိတ်ကပ်ပြင်ပေးသူက ပါးစပ်ကို ဖုံးအုပ်လျက် စိတ်လှုပ်ရှားမှုအပြည့်ဖြင့် ပြောလိုက်သည်။
"ဒါကို ဘယ်လိုလုပ် ဆွဲလို့ ရမှာလဲ သစ်နက်တစ်ကောင်နဲ့ ဒါတွေကို ဖုံးထားလို့ မရဘူးလေ ပြီးတော့ နောက်ပိုင်းကျ မင်တွေကို ဆေးပစ်ရဦးမယ့်ဟာ hickey တွေအကုန် ပေါ်ကုန်မှာပေါ့ ပရိသတ်တွေသာ တွေ့သွားရင် ရူးတောင် ရူးသွားလိမ့်ဦးမယ် နားလည်ရဲ့လား ..."
"ငါကတော့ ပရိသတ် မြင်သွားမယ့်အချိန်အထိကို မလိုဘူး အခုကတည်းက ရူးချင်နေပြီ ..."
ကျောက်ချွမ်က အခန်းထဲသို့ တွန်းဝင်လျက် ပြိုလဲကျနေသည့် အသံဖြင့် တိုးလျှိုးတောင်းပန်လိုက်သည်။
"ဘိုးဘေးလေး နှစ်ပါးရယ် မတော်နိုင်ကြသေးဘူးလား ရှောင်ရှုကိုလည်း ကြည့်လိုက်ပါဦး ကျိကော ကောက လူရော ဟုတ်ရဲ့လား သားရဲကောင်လား ..."
hickey တို့ အပြည့်ဖြစ်နေသော ရှောင်ကျားရှု၏ ခန္ဓာကိုယ်ကို စိုက်ကြည့်ရင်း သူ့အကြည့်တို့ နီရဲလာတော့သည်။
ဖာ့ခ် လည်ပင်း၊ ရင်ဘက်၊ နောက်ကျော အကုန် နေရာအနှံ့ကိုပဲ ချောင်ကြိုချောင်ကြားတွေမှာပါ ရှိနေတာဟ ဒါတွေကို ဖုံးဖို့ဆို ရေစိုခံ concealer ဘယ်နှချောင်းတောင် လိုအပ်မှာလဲ ...
"အသားအရောင်နဲ့ တစ်ထပ်တည်းကျတဲ့ဆေးနဲ့ အရင်ခြယ်ပြီးမှ တက်တူးကို ဆွဲကြတာပေါ့ မြန်မြန်လုပ် လူတိုင်း စောင့်နေတယ် ..."
ကျောက်ချွမ်က သူတို့နှစ်ဦးထံ ကြမ်းကြုတ်သည့် အကြည့်တစ်ချက် ပို့လွှတ်လိုက်သည်။
ရှောင်ကျားရှုက ကနဦးပိုင်းတွင် အနည်းငယ် ရှက်ရွံ့မိသေးသော်ငြား ယခုမူ ဤသို့သာ တွေးမိတော့သည်။
သူနဲ့ကျိကောက ချစ်သူတွေလေ ချစ်သူတွေအချင်းချင်း ရှက်စရာကိစ္စတွေလုပ်တာ ဘာမှားလို့လဲ ဥပဒေကို ချိုးဖောက်နေလို့လား မင်းထမင်းကို လုစားနေလို့လား ကြည့်လေ င့ါကျိကောက အရမ်းကို သန်မာလွန်းလို့ မင်းတို့တွေ မနာလိုဖြစ်နေကြတာကို ...
ပခုံးကို သိုင်းခြုံထားသည့် လက်နှစ်ဖက်အား အမြန်ချကာ ရင်ကိုကော့လျက် ဖြောင့်မှန်လေဟန်ဖြင့် ပြောလိုက်သည်။
"မင်းသာ ငါ့ကို ရိုက်ရမယ့်အခန်း ပြောင်းသွားပြီမှန်း စောစောစီးစီး ပြောခဲ့ရင် ကျိကောနဲ့ ငါလည်း ဒါမျိုး လုပ်မယ်တဲ့လား ဒါအတွက် မင်းကိုယ်မင်းပဲ အပြစ်တင်ရမယ့်ဟာကို ..."
"အိုကေ ငါ့အမှား ငါ့အမှားလို့ပဲ ထားလိုက်တော့ ဟုတ်ပြီလား အရှုပ်ထုပ်တွေ လုပ်မနေနဲ့တော့ မြန်မြန်လေး ဆွဲစရာရှိတာ ဆွဲ ..."
ကျောက်ချွမ်က နဖူးကို အုပ်ကိုင်လျက် ပြောလိုက်သည်။ သူ့ပုံစံမှာ ချက်ခြင်းပင် မူးမေ့လဲသွားတော့မည့်ဟန်ပင်။
ကျိမြန်က ရှောင်ကျားရှု၏ တင်ပါးကို ပြုံးကာ ပွတ်သပ်ရင်း မိတ်ကပ်ဆရာကို ပြောလိုက်သည်။
"ဆေးကိုသာ ပြင်ထားလိုက် ငါ ဒီနေရာက အမှတ်တွေကို ဖုံးဖို့ ကူညီပေးမယ် ..."
"အိုကေ သခင်လေးရှောင်ရဲ့ အသားအရေက အရမ်းဖြူတော့ ဆေးကို သေချာလေး ဂရုတစိုက် ချိန်ထည့်မှ ရမယ် မဟုတ်ရင် သဘာဝမကျဘဲ နေလိမ့်မယ် ..."
မိတ်ကပ်ဆရာက ဆေးရောင်ပစ္စည်းများ တစ်ပုလင်းပြီး တစ်ပုလင်း လောင်းထည့်ကာ အသားအရေနှင့် တစ်ထပ်တည်းကျသည့် အရောင်တစ်ခု ဖန်တီးလိုက်ပြီး ကျိမြန်က hickey တစ်ခုချင်းစီတိုင်းကို လိုက်ဖုံးပေးလိုက်သည်။ ထိုအချိန်တိုင်း ယားယံမှုကို မခံနိုင်သည့် ရှောင်ကျားရှုက တစ်ခစ်ခစ် ရယ်မောလိုက်သည့်အတွက် ခံစားချက်မှာ ပျော်ရွှင်စိတ်လှုပ်ရှားဖွယ် ကောင်းလာတော့သည်။
တစ်နာရီခန့် အကြာတွင် တစ်ကိုယ်လုံး တက်တူးတို့ဖြင့် ပြည့်နှက်နေသော ရှောင်ကျားရှုက အတွင်းခံဘောင်းဘီတစ်ထည် ဝတ်ဆင်လျက် ရိုက်ကွင်းနေရာသို့ လျှောက်လာလိုက်သည်။ ရိုက်ကွင်းနေရာမှာ စွန့်ပစ်ခံ အကျဉ်းထောင်တစ်ခုကို ပြန်လည်ပြင်ဆင်ထားခြင်းဖြစ်ကာ ဗလတောင့်တောင့် ဖြတ်လျှောက်များက နှစ်ယောက်သုံးယောက် စုဝေးလျက် စကားဝိုင်းဖွဲ့ပြောနေကြသည်။
"လာ လာ အားလုံးပဲ အဝတ်ချွတ်ပြီး ပဝါလေးတွေ ပတ်ထားလိုက်ကြတော့ ရိုက်ကူးရေး စရအောင် ..."
ရိုက်ကွင်းပြင်ဆင်သူက ပဝါအသေးလေးများ ကိုင်လျက် ရောက်လာလျှင် ရှောင်ကျားရှုက နှစ်ထည်ယူကာ တစ်ထည်ကို ကျိမြန်အား ပေးလျက် နောက်တစ်ထည်ကို သူ့ခါးတွင် ပတ်လိုက်သည်။ ဤသို့ဖြင့် အားလုံး အဝတ်တစ်ထည်မှ မဝတ်ထားကြသည့်နှယ် ဖြစ်သွားတော့သည်။
နောက်ထပ်ရိုက်ရမည့် အခန်း၏ အဓိကအပိုင်းမှာ ထောင်တစ်ခုလုံး မုန်တိုင်းထန်သွားသည့်အပိုင်းဖြစ်သည်။ ထောင်ထဲသို့ ရောက်လာပြီးနောက် ရှောင်င်ကျားရှုသည် ကိုယ်ပေါ်ရှိ တက်တူးတို့ကို အမှီပြုလျက် ပထမဆုံးနေ့ရက်ကို အေးအေးဆေးဆေး ဖြတ်သန်းနိုင်ခဲ့သည်။ တစ်ညကုန်လွန်ပြီးနောက် သူ့အကျဉ်းသားဝတ်စုံတွင် ဆေးများ စွန်းထင်းနေကြောင်း တွေ့လိုက်ရသည့်အခါ တက်တူးဆရာ၏ လှည့်စားခြင်းကို ခံလိုက်ရပြီဖြစ်ကြောင်း သဘောပေါက်၍ ပျာယာခတ်သွားတော့သည်။ ထောင်စောင့်များက အကျဉ်းသားများကို နေ့တိုင်း ရေပုံမှန်ချိုးရန် စောင့်ကြည့်နေကြရာ ရေမချိုး၍လည်း မရသည့်အတွက် ကြောက်စိတ်တို့ အလုံးလိုက်အရင်းလိုက် ဝင်ရောက်လာတော့သည်။
"ရှောင်ရှု ကျိကော အဆင်သင့်ဖြစ်ပြီလား ..."
ကျောက်ချွမ်က လှမ်းအော်လိုက်သည်။
"ဖြစ်ပြီ ..."
နှစ်ယောက်လုံး သံပြိုင် ပြန်ဖြေလိုက်ကြသည်။
"အိုကေ အက်ရှင် ..."
သူ့စကားသံ ဆုံးသည်နှင့် တစ်ပြိုင်နက် ရှောင်ကျားရှုက ဆပ်ပြာခဲကို လက်တစ်ဖက်က ကိုင်လျက် ပဝါကို ကျန်တစ်ဖက်က ကိုင်ကာ ရေချိုးရာနေရာသို့ သတိကြီးကြီးထားလျက် ဝင်လာလိုက်တော့သည်။ သူ့ဘေးဝဲညာရှိ ရေပန်းတို့ကို ကြမ်းကြုတ်လှသည့် ရာဇဝတ်သားတို့က အပြည့် နေရာယူထားကြပြီးဖြစ်ကာ သူ့ကို ကိုယ်စီကိုယ်ငှ လည်ပြန်ပြန်ကြည့်လိုက်ကြတော့သည်။ နှင်းသဖွယ် ဖွေးဖြူသေးသွယ်သည့် ခန္ဓာကိုယ်ကို မြင်လိုက်ရသည့်အခါ အချင်းချင်း မျက်စပစ်လျက် အချက်ပေးလိုက်ကြတော့၏။
"ဟေး ငါတို့မှာ ခွေးပေါက်လေးတစ်ကောင် ရှိနေပါ့လား သူ့တင်ပါးတွေကို ကြည့်လိုက်ကြပါဦး ဘယ်လောက်တောင် ဆူဖြိုးနေလိုက်သလဲ ..."
ရန်စကားအချို့ စပြောလာသည့်တိုင် ထို့ထက်ပို၍လည်း ရှေ့မတိုးရဲ။ အကြောင်းမှာ ဟန်သုံ၏ တောင်းဆိုမှုကြောင့် တက်တူးဆရာသည် သူ့အား U.S ရှိ အင်အားအကြီးဆုံး တင်းစုန့်ဂိုဏ်းခေါင်းဆောင်၏ အမှတ်အသားတက်တူးကို ရေးဆွဲပေးထား၍ဖြစ်သည်။
ထိုတက်တူးကို မြင်လိုက်သည့်အခါ ထောင်ထဲရှိ အာရှသားတို့က ရှုထျန်းယုအား စတင် ကာကွယ်ပေးလာကြတော့သည်။
ရှုထျန်းယုက ပုခုံးပေါ်ရှိ တက်တူးကို ထိကြည့်ရင်း တိတ်တိတ်လေး အောင်ပွဲခံလိုက်၏။ ရေမစိုစေရန် အလို့ငှာ အတွင်းပိုင်းအထိ ဆက်လျှောက်သွားလိုက်သော်ငြား အတွင်းထဲ ရောက်လေလေ လူများလာလေဖြစ်ကာ ရောက်နှင့်နေပြီးသူများက အတွဲကိုယ်စီဖြင့် ရမ္မက်ကြွဖွယ် ငြီးသံတို့ ထုတ်လွှတ်လျက် အထွတ်အထိပ်သို့ ရောက်ရှိနေကြတော့သည်။
ရှောင်ကျားရှု၏ သုံးလောကအမြင်အားလုံး ကပြောင်းကပြန် ဖြစ်သွားတော့၏။ ရှေ့လည်း ဆက်မတိုး၊ နောက်ပြန်လည်း မဆုတ်ဘဲ ရေချိုးခန်း အလယ်တည့်တည့်တွင်သာ ရပ်နေစဉ် ဖြတ်သွားသော ထောင်သားတစ်ဦးက သူ့ကို အကြမ်းပတမ်း တွန်းတိုက်လိုက်သည့်အတွက် ရေပန်းအောက်သို့ လဲကျသွားတော့သည်။ စီးကျလာသော ရေကြောင့် တက်တူးအားလုံး ပျောက်ကွယ်ကာ ဖြူဖွေးနူးညံ့သည့် အသားအရေသာ ကျန်ရစ်ခဲ့တော့သည်။
သူနှင့် ဝင်တိုက်မိ၍ လက်မောင်းတွင် ဆေးရောင်တို့ စွန်းထင်သွားသော ထောင်သား၏ အမူအယာမှာ တစ်ဖြည်းဖြည်း ရာဂစိတ်တို့ လွှမ်းခြုံလာတော့သည်။
ရှောင်ကျားရှုက အယောင်ယောင်အမှားမှားဖြင့် လက်ခါပြလိုက်သည့်အတွက် သူ့လက်ထဲရှိ ဆပ်ပြာတုံးမှာ ကြမ်းပြင်တစ်လျောက် အဝေးကြီးအထိ ချော်ထွက်သွားတော့သည်။ ဆပ်ပြာခဲ ဖြတ်သွားသည့် လမ်းတစ်လျှောက်ရှိ ထောင်သားတို့က သူ့ကို လှောင်ရယ်လိုသည့် အမူအယာတို့ဖြင့် တစ်ညီတစ်ညာတည်း စိုက်ကြည့်လိုက်ကြတော့၏။
"ဘေဘီ မင်းဆပ်ပြာခဲလေး ကျသွားပြီ လာကောက်လှည့်လေ ..."
အသန်မာဆုံး ကိုယ်ထည်ပိုင်ရှင် ထောင်သားက လျာကိုသပ်လျက် ပြောလိုက်သည်။
ရှောင်ကျားရှုက ကိုယ့်ကိုယ်ကို ပြန်လည်ဖက်တွယ်လျက် ခပ်ဖြည်းဖြည်း ထိုင်ချလိုက်ပြီး ငုံးပေါက်တစ်ကောင်နှယ် တဆတ်ဆတ် တုန်ရီနေတော့သည်။
အကျဉ်းသားများ သူ့အနားသို့ တစ်ဖြည်းဖြည်း နီးကပ်လာစဉ်မှာပင် ရေချိုးခန်းတံခါး ကန်ဖွင့်ခံလိုက်ရပြီး ပဝါတစ်ထည်သာ ပတ်ထားသည့် ကျိမြန်က တစ်လှမ်းချင်း ဝင်လာသည်။ သူ့ကြွက်သားတို့မှာ အခြားထောင်သားများလောက် မသန်မာသည့်တိုင် အရှိန်အဝါတို့ ပေါက်ကွဲထွက်နေပေသည်။ ကြမ်းကြုတ်လှသည့် တက်တူးတို့ကိုလည်း ခန္ဓာကိုယ်အပေါ်ပိုင်းတစ်ခုလုံးအပြည့် လည်ပင်းနှင့် နားရွက်တို့ပါမကျန် ရေးထိုးထားသည့်အတွက် ရက်စက်ကြမ်းတမ်းသည့် သားရဲတစ်ကောင်အလား ထင်မှတ်ရပေတော့သည်။
ဂိုဏ်းသားအများအပြား ခြံရံကာ ဝင်ရောက်လာပြီး ထိုဂိုဏ်းသားတစ်ဦးချင်းစီတိုင်းမှာလည်း သွေးဆာနေသည့် အရိပ်အငွေ့တို့ ဖုံးလွှမ်းနေပေသည်။
ကြက်သေသေနေသည့် ရှောင်ကျားရှုအပါအဝင် လူတိုင်းက သူ့ကိုသာ စိုက်ကြည့်နေကြသည့်အတွက် ရေချိုးခန်းတစ်ခုလုံး အသံတိတ်ဆိတ်သွားတော့၏။ သူက ဆပ်ပြာခဲရှိရာနားအထိ လျှောက်လာကာ ရွှတ်နောက်နောက် ပြောလိုက်သည်။
"ဘေဘီ ဒါက မင်းလေးရဲ့ ဆပ်ပြာလား ..."
ရှောင်ကျားရှုက မျှော်စင်တစ်ခုနှယ် ရှည်လျားတောင့်တင်းလှသည့် နိုင်ငံခြားသားကိုတစ်လှည့်၊ အရပ်ရှည်သည့်တိုင် သိသိသာသာ ပိန်သွယ်လှသော ကျိမြန်ကိုတစ်လှည့် စိုက်ကြည့်ကာ ပိုပြီး ကိုယ်လုံးကိုယ်ထည် သေးသွယ်သူကို ရွေးချယ်လိုက်ရတော့သည်။ သူ့အတွေးအားလုံးမှာ မျက်နှာတွင် ပေါ်နေသည့်အတွက် ကျိမြန်ကို ဒေါသစိတ်နှင့် ရယ်မောလိုမှု နှစ်ခုလုံးကို ပြိုင်တူခံစားစေမိတော့သည်။ သူ့ကို အိပ်ယာပေါ်တွင် အပြင်းအထန် နှိပ်စက်လိုသည့် ဆန္ဒတို့လည်း ပိုမိုပြင်းထန်လာပေတော့သည်။
ရှောင်ကျားရှုက ပုခုံးကိုကျုံ့ကာ လူသန်ကြီးများအကြားမှ ဂရုတစိုက် ဖြတ်လျှောက်လာပြီး ကျိမြန်အနား သွားလျက် ဆပ်ပြာခဲကို ငုံ့ကောက်လိုက်လျှင် ကျိမြန်က သူ့ကို ခပ်တည်တည်ဖြင့် ပြောလိုက်တော့သည်။
"ဟိုဘက်လှည့်ပြီးကောက် ..."
သူ့ဘက် မျက်နှာမူထားသည့် ရှောင်ကျားရှုမှာ ကျောက်ရုပ်တစ်ရုပ်သဖွယ် ကြောင်အသွားကာ အချိန်အတော်ကြာကာမှ မျက်ရည်တစ်ပေါက် မကျဘဲ သူ့ကို ကျောပေးလျက် ဆပ်ပြာကို ကုန်းကောက်လိုက်ရတော့သည်။
ကျိမြန်၏ နှုတ်ခမ်းထောင့်စွန်းတို့ ထူးထူးခြားခြား ကော့တက်လာကာ သူ့တင်ပါးကို အညှာအတာမဲ့စွာ ရိုက်လိုက်သည့်အတွက် ကျယ်လောင်လှသည့် အသံက ရေချိုးခန်းအနှံ့ ပျံ့နှံ့သွားတော့သည်။ ရှောင်ကျားရှုက ချက်ခြင်းပင် ကြမ်းပေါ် ဒူးထောက်လျက် လဲကျသွားကာ ပါးစပ်ကို လက်နှစ်ဖက်ဖြင့် ပိတ်ထားလျက် ငိုကြွေးလိုက်တော့သည်။
"Cut ..."
ကျောက်ချွမ်က မတ်ထပ်ထရပ်ကာ အော်ပြောလိုက်သည်။
"အရင်ဆုံး ပြန်ကြည့်ကြည့်လိုက်ဦးမယ် အားလုံးပဲ ရေသုတ်ပြီး ဘေးနားမှာ အနားယူလို့ ရပါပြီ ပြန်ရိုက်ကောင်း ရိုက်ရနိုင်တဲ့အတွက် ရိုက်ကူးရေးအဖွဲ့က ပြင်ဆင်ပေးထားတဲ့ စားစရာသောက်စရာတွေကို ယူစားရင်း စိတ်တိုင်းကျ အနားယူနေလို့ ရပါပြီ ..."
ဖြတ်လျှောက်သရုပ်ဆောင်အားလုံး နားနေခန်းသို့ ဝမ်းသာအားရ ထွက်သွားလိုက်ကြတော့သည်။ ရှောင်ကျားရှုက ငြီးငြူသံအဖြင့်ပင် မတ်တပ်ထရပ်ကာ ကျိမြန်ကို သွားဖြဲပြလိုက်သည်။
"စောစောက နာသွားသေးလား ..."
ကျိမြန်က သူ့တင်ပါးကို ပွတ်သပ်ပေးရန် ပြင်လိုက်သော်ငြား အပြုံးတစ်ပွင့်ဖြင့် ရှောင်တိမ်းလိုက်သည် ခါးတွင် ပတ်ထားသည့် ပုဝါကို ဆွဲချွတ်ပြီး ရေပန်းအောက်တွင်ရပ်ကာ ခါးကို တွန့်လိမ်လျက် မေးလိုက်၏။
"ကျိကော ကောအတွက် ကပြပေးမယ် ..."
မနေ့ညက သူတို့ ပြန်ရောက်သည့်အခါ ကပြပေးရန် ကျိကောက တောင်းဆိုခဲ့သော်ငြား မေ့သွားခဲ့သည့်အတွက် ယနေ့ ပြန်ဖြည့်ဆည်းပေးရန် ပြင်ဆင်လိုက်သည်။ ကျိကောကို ပေးထားခဲ့သည့် ကတိအားလုံးကို အပြည့်အဝ အကောင်အထည်ဖော်ပေးရမည်ဖြစ်သည်။
ရေထဲတွင် ကပြနေသည့် ချစ်သူလေးကို ငေးကြည့်ရင်း ကျိမြန်က လက်တစ်ဖက်ဖြင့် နဖူးကို အုပ်လျက် သက်ပြင်းချလိုက်သည်။ နောက်ဆုံးတွင်တော့ သူ့အနားသို့ လှစ်ခနဲ ရောက်ချလာကာ ခြေတစ်ချောင်းကို မ ကာ သူ့ခါးတွင် ခွစေလျက် နံရံတွင် ဖိထားရင်း အံတင်းတင်းကြိတ်ကာ ပြောလိုက်သည်။
Xxxxxxxx
Chapter 150
Sue Xing NwayApril 21, 2023
Chapter 150
"ဒီနေရာမှာ မလုပ်စေချင်ရင် ရိုးရိုးသားသားလေးပဲနေ ..."
အခင်းကြွေပြားမှာ အလွန်အေးစက်လှသည့်အတွက် ရှောင်ကျားရှု၏ တစ်ကိုယ်လုံး တခိုက်ခိုက်တုန်လာသော်ငြား နှလုံးသားမှာမူ ပူပြင်းလောင်မြှိုက်နေဆဲဖြစ်သည်။ သူက ကျိမြန်၏ နားနားကပ်ကာ တီးတိုးပြောလိုက်သည်။
"ကျိကော ကျွန်တော်သာ ရိုးရိုးသားသားလေးပဲ နေရင် ပြန်ရောက်တဲ့အခါ ဆုချမှာလား ရေချိုးခန်းထဲမှာ နည်းနည်းလောက် လုပ်ကြရအောင်လေ အခုလိုမျိုး ရေတွေ စိုရွှဲနေပြီး ရေစိမ်ကန်ထဲမှာ ဆပ်ပြာတိုက်ပေးရင်း အိမ်သာအဖုံးပေါ် ထိုင်နေရင်း ပြီးတော့ ဘေစင်ပေါ် ဖိချထားရင်း ..."
သူ့အသက်မှာ ၂၀ သာ ရှိသေးရာ လိင်မှုဆန္ဒ အတောင့်တဆုံးအရွယ် ဖြစ်သည့်အတွက် နေရာမျိုးစုံတွင် ပုံစံအနေအထားမျိုးစုံဖြင့် စမ်းသပ်ကြည့်လိုပေသည်။ ကျိကော၏ စွမ်းရည်မှာလည်း အလွန်ကောင်းမွန်လှရာ သူ့အတွေးထဲတွင် ယမန်ညက ပုံရိပ်များဖြင့်သာ ပြည့်နှက်နေတော့သည်။ ရေချိုးဆောင်ထဲသို့ အဝတ်ဗလာဖြင့် ဝင်လာသော ကျိမြန်ကို တွေ့လိုက်ရသည့် တစ်ခဏတွင်ပင် သူ့အတွေးထဲ၌ ဝတ္ထုတစ်ပုဒ် ထွက်လာပြီးဖြစ်သည်။ သူ့ကို ပြေးဖက်ကာ တောင့်တင်းလှသည့် ခန္ဓာကိုယ်ကို ပွတ်သပ်လျက် ပါးလျလှပသည့် နှုတ်ခမ်းတစ်စုံကို နမ်းရှိုက်လိုက်ချင်သည်။ သူ့ကို ပွေ့ဖက်ကာ ကြီးမားတုတ်ခိုင်လှသည့် လက်နက်ဖြင့် ထိုးသွင်းမည်ကိုလည်း အလိုရှိပေသည်။
သူ့ဆန္ဒတို့ကို သိရှိလိုက်ရသည့် ကျိမြန်က သူ့ခေါင်းအနောက်ဘက်ကို တင်းတင်းကြပ်ကြပ် ဖိကိုင်လျက် ပြင်းရှစွာ နမ်းရှိုက်လိုက်တော့သည်။
ဒီခွေးပေါက်လေးက ဘာဖြစ်နေတာလဲ ဒါက စိတ်ဝိဉာဉ်ကိုပါ သွေးဆောင်နိုင်တဲ့ မှင်စာပေါက်စလေးမှန်း သိသာနေတာကို မဖြစ်ဘူး သူတော့ လေ့ကျင့်ခန်းလုပ်တဲ့ အလေ့အထကို သေချာလေး ထိန်းသိမ်းမှ ရတော့မယ် မဟုတ်ရင် အနှေးနဲ့အမြန် ရှောင်ကျားရှုက သူ့တစ်ကိုယ်လုံးကို စုပ်ယူသွားတော့မှာ ...
ထိုအကြောင်း တွေးလိုက်မိသည့်အခါ ကျိမြန်က အလွန်အမင်း ကျေနပ်အားရစွာဖြင့် တိုးသဲ့သဲ့ရယ်မောလိုက်တော့သည်။ ယောကျာ်းတို့မည်သည် ဆန္ဒရမ္မက်၏ ထိန်းချုပ်မှုကို အလွယ်တကူ ခံရသည့် သားရဲကောင်များ ဖြစ်ကြရာ မည်သည့် ဂုဏ်ယူဖွယ်ရာ ကိစ္စကမှ စိတ်ဆန္ဒကို ပွင့်ပွင့်လင်းလင်း ထုတ်ပြောတတ်သည့် ချစ်ရသူတစ်ဦး ပိုင်ဆိုင်ထားမှုကို မယှဉ်ပြိုင်နိုင်ချေ။ ရှောင်ကျားရှုအပေါ် အလွန်အမင်း ငြိတွယ်လွန်းသည့်အတွက် စိတ်နှလုံးထဲရှိ ဂုဏ်ယူမှုတို့က အပြင်လောကသို့ပင် ဖောက်ထွက်ပျံ့နှံ့လုမတတ် ဖြစ်ပေါ်လာရတော့သည်။
ခန္ဓာကိုယ်ထဲရှိ အပူမီးကို ကြိုးစားငြိမ်းသက်နေစဉ် မစောင့်နိုင်တော့သော ရှောင်ကျားရှုက ခါးကို တွန့်လိမ်ကာ ခန္ဓာကိုယ်အချင်းချင်း ပွတ်သပ်လျက် မေးလိုက်သည်။
"ရလား ရလားလို့ ပြန်သွားပြီး စမ်းကြည့်ကြမလား ..."
ကျိမြန်က မရိုးသားတော့သည့် ခန္ဓာကိုယ်အောက်ပိုင်းကို ဖိနှိပ်ရင်း ပြောလိုက်သည်။
"မပွတ်နဲ့တော့ ကိုယ် မင်းကို အိပ်ယာထဲကနေ မထနိုင်လောက်တဲ့အထိ လုပ်ပစ်လို့ရတယ်ဆိုတာ ယုံရဲ့လား ..."
ယုံတာပေါ့ အဲဒါကြောင့်လည်း ပွတ်သပ်နေတာလေ ...
ရှောင်ကျားရှုက နှုတ်ခမ်းကိုကိုက်ကာ တိတ်တိတ်လေး ခိုးရယ်လိုက်သည်။ ထို့နောက် မကြောက်မလန့်ဖြင့်ပင် ကျိမြန်ကို တွန်းလွှတ်ကာ သူ ပြန်မတုန့်ပြန်နိုင်ခင်မှာပင် လက်မောင်းအောက်မှ ငုံ့လျက် ထွက်ပြေးသွားတော့သည်။ အရင်းနှီးဆုံး ကိစ္စရပ်များကို လုပ်ခဲ့ပြီးသည့်တိုင် အနည်းငယ် ရှက်ရွံ့မိနေဆဲဖြစ်သည်။
စုံတွဲများအကြား အဆင့်တက်သည့်အခြေအနေ သုံးရပ်ရှိကြောင်း ကြားဖူးသည်။ ပထမဆုံးအဆင့်မှာ တစ်ယောက်နှင့်တစ်ယောက် နုားလည်သဘောပေါက်ရန် ဖြစ်ကြောင်းမှာတော့ ပြောနေရန်ပင် မလိုအပ်ချေ။ ဒုတိယအဆင့်မှာ တစ်ယောက်နှင့်တစ်ယောက် လိုက်လျောညီထွေဖြစ်အောင် နေထိုင်ခြင်းဖြစ်ကာ ဤအဆင့်မှာ သူငယ်ချင်းကောင်းထက် များစွာ ပိုလွန်နေပြီးဖြစ်သည်။ သို့သော် တစ်ဖက်သူ၏ စိတ်ထဲရှိ မိမိပုံရိပ် ပျက်စီးမည်ကို စိုးရိမ်စိတ်ကြောင့် ပြုမူပြောဆိုပုံများကို သတိကပ်နေရသေးသည်။ တတိယအဆင့်မှာမူ နှစ်ယောက်လုံး တစ်သားတည်း ကျသွားသည့်နှယ် ခြေထောက်ကိုပဲ ကိုင်နေပါစေ၊ လေလည်ရုံသာမက ဟောက်ပင်ဟောက်နေပါစေ တစ်ဖက်သူ မုန်းတီးသွားလေမလားဟု ပူပန်နေရန် မလိုအပ်တော့ချေ။
ရှောင်ကျားရှုက သူနှင့် ကျိကော၏ ချစ်သူသက်တမ်းမှာ သုံးရက်သာ ရှ်ိသေးသည့်တိုင် ပထမအဆင့်နှင့် ဒုတိယအဆင့်ကို ကျော်လွန်ကာ နှစ်ကိုယ့်တစ်စိတ်အနေအထားသို့ ချက်ခြင်း ရောက်ရှိသွားသည်ဟု ခံစားမိလာတော့သည်။ အကြောင်းပြချက် ရေရေရာရာ မရှ်ိသော်ငြား ကျိမြန်ကို ယုံကြည်ကာ နှလုံးသားတစ်ခုလုံးနှင့်အပြည့် အားကိုးလိုသည့် ဆန္ဒတို့ ရှိနေပေသည်။ ကျိကောနှင့် သူသည် ချစ်သူရည်းစားမျှသာ မဟုတ် မိသားစုဝင်တစ်ဦးနှယ် ခံစားချက်တို့ ပူးကပ်ဆက်နွယ်နေကြသည်။
ထိုအကြောင်း တွေးမိသည့်အခါ အပြုံးတို့က ဖုံးဖိ၍ မရနိုင်လောက်အောင် ထွက်ပေါ်လာတော့သည်။ ကော့တက်နေသည့် မျက်ခုံးတို့ကြောင့် အနည်းငယ် ရူးကြောင်ကြောင်နိုင်ကာ ကလေးဆန်သည်ဟု ထင်ရစေနိုင်သော်ငြား စာဖွဲ့၍ မရနိုင်လောက်အောင်လည်း ချစ်စဖွယ် ကောင်းနေပေသည်။
ကျိမြန်က ရေပန်းအောက်တွင် ရပ်လျက် သူ့ကို ငေးကြည့်နေပြီး သူ့အကြည့်တို့မှာ ပျောက်ကွယ်မသွားနိုင်လောက်အောင် အဆုံးအစမဲ့နေသည့် ကြင်နာမှုတို့ဖြင့် ပြည့်လျှံနေတော့သည်။
........
"Prison Storm" အခန်းမှာ အလွန်အရေးကြီးလှသည့်အတွက် မနက် ၁၀ နာရီကတည်းက စတင်ခဲ့သော ရိုက်ကူးရေးကို ည ၁၀ နာရီထိတိုင် အပြီးမသတ်နိုင်သေး။ နေုက်ရက်အနည်းငယ်ကိုလည်း ဤအတိုင်းသာ ကုန်လွန်ရဦးမည်ဖြစ်သော်ငြား ရှောင်ကျားရှုနှင့် ကျိမြန်မှာမူ ပင်ပန်းနေခြင်း အလျဉ်းမရှိ။ ရိုက်ကူးရေး ပြီးသွားချိန်တိုင်း တောင်ထိပ်သို့ ကားဖြင့်တက်ကာ ကြယ်ကြည့်ရင်း အချိန်အချို့ကို ကုန်ဆုံးလိုက်ကြသေးသည်။
ဟော်တယ်သို့ ပြန်ရောက်လာပြီးနောက် ရှောင်ကျားရှုက ထမင်းဘူးနှင့် ကျောပိုးအိတ်ကိုဖွင့်ကာ ကွန်ဒုံး၊ ချောဆီ၊ မာယင်းလုံ လိမ်းဆေးဘူးနှင့် အခြား လိုအပ်သည့် ပစ္စည်းများကို ထုတ်လိုက်သည်။
ကျိမြန်က အံ့ဩဟန်ဆောင်ကာ မေးလိုက်သည်။
"ဒါတွေ ဘယ်တုန်းက သွားဝယ်လိုက်တာလဲ ..."
ရှောင်ကျားရှုက နားရွက်ကို ပွတ်ဆွဲလျက် မသဲမကွဲ ပြောလိုက်သည်။
"တွေ့တာနဲ့ ဝယ်လာခဲ့လိုက်တာ ဘာပဲဖြစ်ဖြစ် အနှေးနဲ့အမြန် သုံးရမှာပဲလေ ..."
အိပ်ယာပေါ်တောင် လူးလှိမ့်နေပြီးပြီဟာကို ဘာလို့ ဖုံးကွယ်နေရဦးမှာလဲ ကြောင်သူတော် အလုပ်တွေ ...
ကျိမြန်က လက်သီးဆုပ်ကို ပါးစပ်နား တေ့လျက် ခပ်ဖွဖွ ရယ်မောလိုက်သည်။ သို့မဟုတ်ပါလျှင် အကျယ်ကြီး အော်ရယ်ချမိတော့မည်ဖြစ်သည်။ သူ့ချစ်သူကောင်လေးအနားသို့ လျှောက်လာကာ ပါးနှစ်ဖက်ပေါ်ရှိ နူးညံ့အိစက်နေသော အသားစိုင်ကို အသာဖျစ်ညှစ်လျက် တိတ်တဆိတ် ခေါင်းငြိမ့်လိုက်သည်။
ဟုတ်သားပဲ ဒီမျက်နှာလေးက အရင်နေ့ကထက် စင်တီမီတာ နည်းနည်းလောက် ပိုထူလာပြီ ...
ရှောင်ကျားရှုက သူ ဘာကြောင့် အဖျစ်ညှစ်ခံရမှန်း နားမလည်သည့်တိုင် ရုန်းထွက်မသွား။ ခေါင်းကို မော့လျက် စိုစွတ်နေသည့် မျက်ဝန်းတို့ဖြင့် ပြန်လည်စိုက်ကြည့်နေလိုက်သည်။
"ကျိကော ရေချိုးကြမလား ...."
အဝတ်တွေကို မြန်မြန်လေး ချွတ်လိုက်တော့လေ ဒီည ရေအတူတူ ချိုးမယ်လို့ ကတိပေးထားပြီးပြီ မဟုတ်လား လုံးဝ ရှောင်ပြေးလို့ မရဘူးနော် ...
ကျိမြန်က သူ့ပါးနှစ်ဖက်ကို တစ်ဖန် ဖျစ်ညှစ်လိုက်ပြန်ကာ ပြုံးလျက် ပြောလိုက်သည်။
"အိုကေ မင်း အရင်သွားနှင့် ကိုယ် ဖန်ခွင်းကို ဖုန်းဆက်လိုက်ဦးမယ် ..."
"ဒါဆိုလည်း မြန်မြန်လေးလုပ် ..."
ရှောင်ကျားရှုက သူ့ကို ဝမ်းနည်းပက်လက်ဖြင့် စိုက်ကြည့်လျက် ရေချိုးခန်းရှိရာဆီသို့ နှေးကွေးလေးလံစွာ လျှောက်သွားလိုက်သည်။ တစ်ဖန် စားပွဲပေါ်ရှိ ကွန်ဒုံးနှင့် ချောဆီဘူးတို့ကိုယူရန် အမြန်ပြေးထွက်လာလိုက်ပြန်၏။ ရေချိုးခန်းတံခါးကို ဖွင့်ကာ အိမ်သာအဖုံးပေါ် ပျင်းရိစွာ ထိုင်လျက် ဖန်ခွင်းနှင့် အလုပ်အကြောင်း ပြောနေသော ကျိမြန်ကို ငေးကြည့်နေလိုက်သည်။
တစ်ရက်တာက တစ်နှစ်လို့တောင် ထင်ရလိုက်တာ ... မဟုတ်သေးဘူး တစ်စက္ကန့်ကကို တစ်နှစ်လောက်ကြီး ကြာနေသလိုပဲ ...
ကျိမြန်ကလည်း ဖုန်းပြောနေရင်းပင် သူ့ကို လှမ်းကြည့်ကာ အဆက်မပြတ် ပြုံးပြနေပေသည်။
ရှောင်ကျားရှုက သူ့ကို fly kiss များ လှမ်းပေးနေရင်း ဘေစင်တွင် တင်ထားသော ကွန်ဒုံးနှင့် ချောဆီတို့ထံ အကြည့်ရောက်သွားတော့သည်။
မဟုတ်သေးပါဘူး ရေကလည်း စီးကျနေမှာ ပြီးတော့ ရေချိုးဆပ်ပြာကလည်း ချောနေမှာဆိုတော့ ကျိကောနဲ့ ငါက ပစ္စည်းနှစ်မျိုးကို တစ်ပြိုင်တည်း သုံးနေလို့ မရဘူး မဟုတ်လား ကွန်ဒုံးသုံးပြီး လုပ်မှတော့ ဘယ်လိုလုပ် သာယာမှု ရတော့မှာလဲ မဖြစ်သေးဘူး ဒီပစ္စည်းတွေကို အခုအချိန် သုံးလို့ အဆင်မပြေပါဘူး သိမ်းထားလိုက်တာ ပိုကောင်းမယ်ထင်တယ် ...
၎င်းတို့ကို ချက်ခြင်း ပြန်ထုတ်လာကာ အိပ်ယာဘေးရှိ စားပွဲပေါ် တင်ထားလိုက်သည်။ ကျိကောဘေးမှ ဖြတ်လာစဉ်အတွင်း ကျိမြန်က သူ့ခန္ဓာကိုယ်ကို နောက်မှ ပွေ့ဖက်ကာ အသာအယာ ပွတ်သပ်လိုက်သည့်အတွက် စိတ်မရှည်တော့သည့် ခံစားချက်တို့ ရုန်းကြွလာတော့သည်။
ကျိမြန်လည်း အေးခဲသွားကာ ဖန်ခွင်း၏ စကားတို့ကိုပင် မကြားတော့။ ဆိုးသွမ်းလှသည့် ချစ်သူလေးကို သိုင်းဖက်ရင်း ပြင်းရှနက်ရှိုင်းသည့် ပြင်သစ်အနမ်းတစ်ခုကိုသာ မက်မက်မောမော ပေးလိုက်တော့သည်။
"ခဏလောက် လိမ်လိမ်မာမာလေးနေ ဆယ်မိနစ်နေရင် ကိုယ် လာခဲ့မယ် ..."
ဤဖုန်းခေါ်ဆိုမှုတွင် သူကိုင်တွယ်ရမည့် ရင်းနှီးမြှုပ်နှံမှုများစွာ ပါဝင်နေပေသည်။
"ဒါဆိုလည်း မြန်မြန်လေးလုပ်နော် ..."
ရှောင်ကျားရှုက ခေါင်းငြိမ့်ပြကာ ရေချိုးခန်းရှိရာသို့ တစ်လှမ်းချင်း လှမ်းသွားလိုက်တော့သည်။ အိမ်သာအဖုံးပေါ် ထိုင်နေရင်း သုံးမိနစ်ခန့်အကြာတွင် စိတ်မရှည်နိုင်တော့။ တံခါးဝအနားသို့ လျှောက်လာကာ ခါးကို ခါးယမ်းရင်း အဝတ်အစားတို့ကို ဆွဲချွတ်ပြီး ကျိမြန်ကို လက်ညှိုးကွေးညွတ်ပြလျက် လှမ်းခေါ်လိုက်သည်။
သူ့လှုပ်ရှားမှုတို့မှာ ကို့ရို့ကားယား ဖြစ်နေသည့်တိုင် ပါးနှစ်ဖက် နီမြန်းနေပြီး အကြည့်တို့မှာမူ အရှက်ကင်းမဲ့သည့် စိတ်ဆန္ဒတို့ ပြည့်နှက်နေသည့်အတွက် ရိုးသားသည့်တိုင် ညှို့အားပြင်းလှသည့် ပုံစံမျိုး ဖြစ်သွားစေသည့်အပြင် သူ ကပြလိုက်သည့် အက၏ ဆွဲငင်အားကိုလည်း ပိုမိုတိုးမြင့်သွားစေတော့သည်။ ကျိမြန်မှာ ဖန်ခွင်းပြောနေသည့် စကားများကိုပင် မကြားနိုင်တော့။ စူးရှလှသည့် အကြည့်တစ်စုံမှာ သူ့ချစ်သူထံတွင်သာ မြဲမြဲမြံမြံ ကပ်တွယ်နေတော့သည်။
" ဟေး ဟေး ဟေး ကျိကော နားထောင်နေရဲ့လား ..."
ဖန်ခွင်းက အော်ခေါ်လိုက်သည်။
ကျိမြန်က တစ်မိနစ်ခန့် အသံတိတ်နေပြီးကာမှ အက်ကွဲနေသော အသံဖြင့် ပြောလိုက်သည်။
"ငါ့ကို တစ်နာရီ ... မဟုတ်သေးဘူး နှစ်နာရီလောက်စောင့် ထားလိုက်တော့ ဒီနေ့ မကုန်ခင် ငါ မင်းကို ပြန်ခေါ်မယ် ဘုတ်အဖွဲ့ကို စောင့်ခိုင်းထားလိုက် ..."
ထို့နောက် အပေါ်ဝတ်အင်္ကျီကို ချွတ်ကာ ရှပ်အင်္ကျီကြယ်သီးတို့ကို ဖြုတ်လျက် သူ့ချစ်သူလေးထံ အလျင်အမြန် လျှောက်သွားလိုက်တော့သည်။
ရှောင်ကျားရှုက နောက်နှစ်လှမ်းဆုတ်ကာ အရှိန်ယူလိုက်ပြီးကာမှ သူ့ရင်ခွင်ထဲ ပြေးဝင်လျက် ကိုအာလာတစ်ကောင်နှယ် ဖက်တွယ်ရင်း သူ့နားရွက်တို့ကို အသာအယာ ကိုက်ဝါးနေလိုက်သည်။
ကျိမြန်က ခပ်တိုးတိုး ငြီးငြူရင်း သူ့ချစ်သူ၏ ဖြူဖွေးနူးညံ့သော တင်ပါးကို ကြမ်းကြမ်းတမ်းတမ်း ရိုက်ချလိုက်သည်။ သိူ့သော် သူ့ကို အေးစက်နေသည့် ဘေစင်ပေါ် မတင်ရက်သည့်အတွက် ဤအတိုင်း ပွေ့ဖက်ရင်းပင် နီမြန်းနေသော နှုတ်ခမ်းတစ်စုံကို နမ်းရှိုက်လိုက်သည်။ ဆန္ဒပင်လယ်ထဲသို့ အလျင်အမြန် နစ်မြုပ်ကာ ချစ်ဇောအဟုန်တို့ကို ရပ်တန့်၍ပင် မရနိုင်တော့။
အလျင်စလို လုပ်ခဲ့သည့်အတွက် ကျိမြန်က ဖုန်းချရန်ပင် သတိမရခဲ့။ တစ်ခုခုကို ဆက်ပြောနေဆဲဖြစ်သော ဖန်ခွင်းက အလွန်အမင်း အက်ကွဲနေသော အသံတစ်ခုကို ရုတ်တရက် ကြားလိုက်ရတော့သည်။
"အခု ကျေနပ်ပြီလား ..."
"ကျိကော ကျွန်တော့်ကို ပြောနေတာလား ..."
ဖန်ခွင်းက ကြောင်အသွားကာ ဂရုတစိုက် နားထောင်ပြီးမှသာ အခြေအနေကို သဘောပေါက်သွားတော့သည်။
ဟေး ကျိကော မင်းကောင်လေးနဲ့ အိပ်ဖို့အတွက်နဲ့ ဒေါ်လာသန်းနဲ့ချီပြီး တန်ဖိုးရှိတဲ့ ပရောဂျက်တွေကို ဘေးဖယ်ထားတော့မှာလား ရှောင်ကျားရှု မင်း နည်းနည်းလောက် ကျယ်ကျယ်လေး ပိုအော်ပေးလို့ ရမလား ...
တစ်ဖက်မှ ကြားနေရသည့် အသံများမှာ ပို၍ပင် ပူပြင်းလောင်မြှိုက်ဖွယ် ဖြစ်လာကာ ဖန်ခွင်း၏ ကိုယ်ထဲရှိ သွေးများပင်လျှင် ဆူပွက်လာသည့်အတွက် ဖုန်းကို ချက်ခြင်း ချပစ်လိုက်ရတော့သည်။
ရှောင်အာ့ရှောက်လို မာနကြီးတဲ့သူက အိပ်ယာပေါ်မှာ အလှပဂေးလေး ဖြစ်နေလိမ့်မယ်လို့ လုံးဝကို မထင်ထားမိဘူး ကျိကောက တကယ်ကို ကံကောင်းတာပဲ ...
နောက်လေးနာရီ ကြားကာမှ သူ့ထံ ဖုန်းပြန်ဝင်လာတော့၏။ ဖန်ခွင်းက အချိန်ကို တွက်ဆကြည့်လိုက်လျှင် အမေရိကန်ပြည်ထောင်စု၌ မနက်ခင်း နှစ်နာရီ သုံးနာရီအချိန်ခန့် ရှိနေပြီဖြစ်ကြောင်း သိလိုက်ရသည်။ သို့သော် ကျိကော၏ အသံမှာမူ နွမ်းနယ်နေဟန် မရှိ။ ကျေနပ်မှုတို့ဖြင့်ပင် ပြည့်လျှံနေလိုက်သေးသည်။ အိပ်ယာပေါ် လှဲလျက် အဝတ်ဗလာဖြစ်နေသော ချစ်သူလေးကို ရင်ခွင်ထဲ ထည့်ထားရင်း မေးလိုက်သည်။
"အလုပ်ဆင်းပြီလား ..."
"မဆင်းရသေးဘူး ကျိကော မင်းကို စောင့်နေတာ ..."
ဖန်ခွင်းက မှတ်စုကို အမြန် ထုတ်ထားလိုက်သည်။
ကျိမြန်က သူ့ရုံးလုပ်ငန်းတာဝန်များကို စတင် ရှင်းပြလိုက်တော့၏။ ရှောင်ကျားရှုက သူ့ရင်ခွင်ထဲ လဲလျောင်းလျက် ဂိမ်းဆော့နေကာ အဆင့်တစ်ခု တက်သွားချိန်တိုင်း သူ့ပါးနှင့် နားရွက်တို့ကို လာရောက် နမ်းရှိုက်လိုက်သည်။
ကျိကောနှင့် ပူးကပ်နေရခြင်းကို အသားကျနေပြီဖြစ်ရာ သူ့တွင် ပြောစရာစကား မရှိသည့်တိုင် အလွန် သက်တောင့်သက်သာ ဖြစ်နေတော့သည်။
ပြင်းပျသည့် လိင်ဆက်ဆံမှုတစ်ခု ပြီးဆုံးသည့်အခါ အထွတ်အထိပ်ရောက်သည့် ခံစားချက်တို့ ကုန်လွန်ပျောက်ကွယ်သွားသည့်အတွက် အထီးကျန်ဆန်မှုကို အများဆုံး ခံစားရသည်ဟု ပြောကြသော်ငြား ရှောင်ကျားရှုကမူ ထိုသို့မထင်။ ကျိမြန်၏ ရင်ခွင်ထဲ လဲလျောင်းလျက် ပူလောင်နေသော ခန္ဓာကိုယ်ကို တစ်ဖြည်းဖြည်း ငြိမ်သက်စေခြင်းမှာ ကုထုံးတစ်ခုနှယ်၊ တစ်နေ့တာ ကြုံခဲ့ရသမျှ စိုးရိမ်ပူပန်စိတ်အားလုံး လွင့်စင်ပပျောက်သွားတော့သည်။
အိပ်ယာပေါ် လူးလှိမ့်ရခြင်းကို ဘေးဖယ်လိုက်ပါလျှင် ယခုလို နေရသည့် အချိန်မျိုးကို သဘောအကျဆုံးဖြစ်သည်။ နောက်ထပ်အဆင့်တစ်ခုကို အမြန်ဆုံး တက်လိုက်ကာ ထုံးစံအတိုင်းပင် ကျိမြန်ကို အကြိမ်အချို့ခန့် နမ်းရှိုက်လိုက်ရသည့်အတွက် သူ့နှလုံးသားတစ်ခုလုံး လှပနွေးထွေးလာတော့သည်။
ပွေ့ဖက်ပေးထားသည့် ကျိမြန်မှာလည်း သူ့အတွေးတို့ကို အလုံးစုံ ကြားနေရရာ ရှောင်ကျားရှု၏ ပျော်ရွှင်မှုနှင့် စိတ်သက်သာရာရမှုတို့ကို အလုံးစုံ ကြားနေရသည့်အတွက် အလွန်အမင်း စိတ်ကျေနပ်ပျော်ရွှင်သွားတော့သည်။ ဖုန်းပြောနေသည့် အသံပင်လျှင် အလိုလို နူးညံ့သွားကာ မှတ်စုလိုက်မှတ်နေသည့် ဖန်ခွင်းက တစ်ခဏမျှ စောင့်ပေးရန် ပြောလေတိုင်း ရင်ခွင်ထဲရှိ ကောင်လေး၏ နီမြန်းယောင်ကိုင်းနေသော နှုတ်ခမ်းတစ်လွှာကို ငုံထွေး၍ ခံတွင်းထဲရှိ ချိုမြိန်လှသည့် အရည်ကြည်တို့ကို အနည်းငယ် စုပ်ယူလိုက်သည်။
ရှောင်ကျားရှုနှင့် မတွေ့ရသေးခင်အထိ "အချစ်က စစ်ပွဲတစ်ခု" ဟူသည့် စကားမှာ ကျိုးကြောင်းဆီလျော်လှသည်ဟု ထင်ခဲ့မိသော်ငြား ယခုမူ အချစ်စစ်အချစ်မှန်ဟူသည် ပျော်ရွှင်မှုတို့ ပြည့်နှက်နေကာ သန်မာခြင်းအားနည်းခြင်းလည်း မဟုတ်၊ အရှုံးအနိုင်နှင့်လည်း မသက်ဆိုင်ကြောင်း သဘောပေါက်သွားတော့သည်။ စစ်မှန်သည့် ဖူးစာဖက်နှင့် ရှာတွေ့ခြင်းမှာ ဘုရားပေးသည့် ကောင်းချီးဖြစ်ပါလျှင် စိုးရိမ်စိတ်ကြောင့် နောက်မဆုတ်ခဲ့ခြင်းသည် အပိုဆု ရလာသော ကံကောင်းမှုပင် ဖြစ်ပေလိမ့်မည်။
ရှောင်ကျားရှုသာ မရှိပါလျှင် ကမ္ဘာတစ်ခုလုံးကို ဆုံးရှုံးပေလိမ့်မည်။
Xxxxxxx