#منتقم_وغريبه
بقلمي_فاطمه🤎
تصويت...
وتعليق بين الفقرات بنوتات🍀
___________________
الـحـزن لآيـگ يگلـبـي إعليك ،
جـرح شـفـه الضحك يـآذيـك .
______________
اجوان:اركض بكل قوتي دگات كلبي احسهن بلعومي
قبل لاواصل للسياره شخطت ومشت بكل سرعته
وكفت عن الحركه احس الدنيا وكفت عيوني احسهن جمرن من الدموع والشهكه ببلعومي الهث بتعب
احس ضجه بعقلي وأصوات عاليه وصريخ كأنه ولايه عايشه بروحي احس كلبي نبضاته تدك بصدري بقوه وكعت على اركبي وصحت بأخر طاقه عندي
_سااااععععدوووننيي
كمت وكفت رحت بأتجاه سيارتنه اتذكرت السويج رحتله ادور بجيوبه لكيت ركضت بسرعه وشغلت السياره
رجعت عليه اريد اشيله ماكدر احس جبل واكف على كلبي واني اشوفه هيج لايحرك ايد ولا رجل كمت احجي بكلام ممفهوم كل عقلي يسمعني احجي بلعثمه
_بابا حبااب كوم ساعدنيي حتى اشيلك كووم بابا
شلته من جوه ادينه وسحبته بالشارع كوه وصلته بالسياره احس روحي راح اوكع ماعرف شسوي صعدته بالسياره سديت الباب ركضت على الباب صعدت ودست بكل سرعتي امشي والتفت عليه واحجي كل بالي يسمعني
_بابا وصللنه تنفسس حبيبي مابقه شي بابا الخاطري اتنفس راح نوصل .
وصلت المستشفى نزلت وركضت بكل قوتي دخلت لكيت ممرضين اثنين احجي والهث احس بأي لحضه راح اوكع التفتوا عليه وكعت على اركبي اجو يركضون عليه احجي والهث افرك بصدري مكان كلبي
_حباب ابوي اا بوي تعال س سااعدني ابووي بالسياره اتصوب تعال س ساعدني حباب
ركض واحد منهم بسرعه جاب سديه والثاني ركض للسياره احاول استجمع قوتي حتى اكوم ماكدر احس العالم توقف استجمعت قوتي وكمت اركض للسياره حطو بالسديه اجو ممرضين هواي يركضون واني اركض وياهم احس كلبي تهشم واني اشوفه الدم مله السديه احجي وياه واني اركض
_باابا حبيبي تسمعني شووف وصلنه شووف بابا
و.و صللنه
وصلو لغرفه العمليات ماخلوني ادخل وكعت على اركبي الهث ودموعي تجري افرك بصدري اريد اهدء نفسي احس جبل على راسي اتذكرت احمد لازم اخابره كمت وكفت اركض رحت ادور بالغرف ممرضين اي احد بس ينطيني موبايل طبيت غرفه لكيت ممرضه
_حبابه اريد تللفون انطيني تلفون
اجتي تركض عليه كعدتني على الكرسي انطتني موبايل اريد اتذكر ارقم واسجله ماذكره احس عقلي انمسح كتبت اول رقم واتذكرت البقيه دكيت الرقم جاوبني
احمد:الووو
اجوان:الوو احمدد تعاال اببوي ابوويي تصاوب
تعالل للمستشفى ماعرف شسوي تعالل
احجي وارجف دموعي تجري سد الموبايل بوجهي
كعدت اريد اهدء كلبي اجت الممرضه بيده جهاز ضغط قاست ضغطي شافته صاعد احس بأي دقيقه يوكف كلبي اخذتني دخلتني لغرفه نمت على السديه تمشيني واني احس روحي فاقده ماتجاوب وياه أحسه تحجي بس ماسمعه اسمع بس صوت الطلقه واتذكرت شلون نزلو وضربو احس كلشي
رجع بعقلي فززتني نغزه الابره ضربتني مسكن ماعرف شنو ردت اكوم ماخلتني احجي وياه واسئل
-حبابه اا.ابوي بالعملياات ا ااريد اشو.وفه خل خليني اروروح اشوفه
-بعدهم مامطلعينه منعرف وضعه بس ارتاحي خل ينزل ضغطج شويه واني اروح اشوفلجياه
راحت الابنيه رجعت نمت اباوع للسكف احس عقلي فراغ دمعاتي تجري بدون صوت احس كلشي صار فوك طاقتي سمعت هوسه بره وأصوات عاليه بسرعه
كمت شلعت المغذي ركضت على الباب فتحته شفت
احمد يعارك ودموعه تجري يصيح ويغلط اثنين ممرضين لازمينه يريد يدخل للعمليات ميخلوه يردون يثبتونه يمنعوه يدخل مشيت بخطوات اريد اوصل يمه توقفت عن الحركه حسيت ضلام صار بعيوني من سمعته يصيح
-بوووويه لاتتعووفنني ياابووويه ولكم عووفوني خل اروحله عووفوني بووويه ليش عفتتني بوويه
احس الوقت وكف بهل الدقيقه نضراتي جمدت على
احمد اريد اروحله اريد اسئله السمعته صح لو غلط
عيوني احس نار تطلع منهن مو دموع رجليه نملن وكعت على اركبي اريد اسيطر اوكف ماكدر احط ايدي منا ومنا بس حتى اسيطر اوكف ماكدر حسيت أدين لزمتني من متني ومشت بيه الغرفه رجعتني الممرضه الغرفه اريد انطق احجي ماكدر احس لساني معكود احس هذا كله حلم مو حقيقه كوه طلعت مني الكلمات
-اا.ابووي ب بالعملياات عففيه بس احجي احجيلي
ش شبي وضعه
-اهدي شويه والدج توفى البقيه بحياتج
احس ذني الكلمات صارن صدى بأذني مفتحه عيوني على الممرضه تحجي ماسمعه اخس دخلت بعالم مو الي احجي وي عقلي لا لا مستحيل ميسويه ابوي ميعوفني هذا ابووي عطت بعلو صوتي
-اابوووي هذا ميسويه والله ميسووويهه ميعووفني
تحاول تلزمني احس روحي فقدت بس اريده تعوفني اريد اروح له اشوفه ماصدك بيه اريد اشوفه بعيوني غوشت عيوني دموعي تجري اشهك واحجي
-عووفيني اريدد اروحلله عووفيني
غوشت عيوني اخذتني للضلام احس بأصوات عاليه
احس واكعه بحفره ضلمه اريد بس اطلع منه فزيت على صوت صياح اريد احد يكلي هذا حلم مو حقيقه
كمت وكفت حسيت الدنيا افترت بيه ردت بس اوصل الباب فتحته امشي واعثر اريد بس اوصل لمكان الصياح جمدت بمكاني واني اشوف ايات وأمه
كاعدات بالكاع ويلطمن ايات تحاول تلزم أمه وهذيج ملخت روحه شعره تهلس بيه وتصيح
-يايمه الحككينني ولككم ادهم راااح الحككووني
حسيت كلامه مثل الصفعه ورجعتني للواقع
مشيت بخطوات ترجف ناحيتهم وصلت يمهن
بس لمحتني ركضت عليه لزمتني من حجابي تعت بيه تبجي وتصيح
-كلله منن وراااج كلله صووجج انتي الموتي انتي من ورااج اددهم راااح
اباوع بعيونه وساكته وهيه تملخ بيه ماعندي طاقه اقاوم ايات تحاول تبعده عني من شافتني ماقاوم كانت تضرب بيه حسيت أدين تبعدني عنه اجه احمد لزم أمه والممرضه لزمتني احمد يحاول يبعد أمه عني وهيه بس تريد توصلني اخذتني الممرضه دخلتني الغرفه احس الدموع جمدت بعيني كعدتني على السرير صافنه مامستوعبه الجاي يصير احس كل الصار من ايدي بسبي مات اي اي بسبي امي لو ماجاي يشوفني جان ما مات اني السبب اني صرخت
_اااانني السبب والله انني
نيمتني الممرضه على السديه ماعرف شنو انطتني
غمضت عيني ونمت كعدت اخس روحي مبنجه كعدت على حيلي طلعت من الغرفه وامشي بخطوات مليانه تعب احس دموعي حركن خدودي شافتني الممرضه اجت تركض عليه
-اخوج اجه عليج بسرعه تعاي
سحبتني من ايدي مشتني طلعت من المستشفى شفت سيارته واكفه فتحت الباب وصعدت التفتت عليه وجه تعبان عيونه حمر مالتفتلي بس يسوق ماحجينه طول الطريق وصلنه البيت ونزلنه امشي بخطوات ترجف
اول ما دخلت سمعت صوت الصياح
وصلت لباب المطبخ شفت نسوان جوارينه كاعدات يلطمن ايات وأمه بنصهن أمه تملخ بروحه وايات دموعه تجري اول مالمحتني كامت تصيحح
-كللله منج انتي الي موتيي انتي من ورااج راح ادهههمم
اجت نبراس بأتجاهي سحبتني من ايدي صعدتني فوك دخلت الغرفه مامصدكه الجاي يصير أحسه حلم
كعدت على الجربايه اجت كعدت على اركبه كدامي لزمت وجهي بثنين اديه تريدني اباوعله
_اجوان باوعيلي شو بس باوعلي
باوعت عليه دموعي احسهن جمدت بعيوني
_الله يساعدج بس هذا قضاء ربج لازم تتقبلينه واني وياج ماعوفج اتسمعيني اجوان
_اريد انام
وخرت منه تمددت على الجربايه غطتني باست راسي وكعدت يمي غمضت عيوني اريد اشرد من الواقع اريد اكعد والكه هذا كل حلم غفيت
فزيت من حلمي لمحت نبراس كاعده يم راسي وتقره قران بس شافتني كعدت سدت القران وحجت
_كومي غسلي اجوان مو زين عليج هيج ابجي لضلين ساكته سوي اي شي
مكتفيه بنضراتي اله مسحت على راسي
_حلمت بي
_شنو
_حلمت بأبوي
_شحلمتي
_جن امشي اني وياه لازم ايدي ومتونسين ونضحك
فجأه سحب ايده مني بأس راسي وركض بكل قوته
ضليت بمكاني اريد اروح وياه ماعرف ليش ماتحركت رجليه حسيتهن طابوك ميتحركن
_اني يمج ماعوفج لاتخافين هذا قضاء رب العالمين
كومي خل ننزل جوه كومي
كمت كعدت بدلت ملابسي ونزلنه سوه تمشيني وراه امشي بدون روح اسمع بس صياح ام ايات ونواعيه
نسوان هوايه يمنه كاعدات كل ثنين سوه اول ما نزلت كامن يتبسبن وحده وي الثانيه دخلتني نبراس للمطبخ كعدت على الكرسي شفت اخوات ام ايات بالمطبخ ووياهن عمتي واكفه يمهن تنوعي وتبجي يحضرن بالجاي والماي ناس اطب وتطلع اشوف احمد يدخل للمطبخ يركض ياخذ الجاي ويطلع يركض مستعجل صفنت بالفراغ اريد اصدك واستوعب الجاي يصير فززتني نبراس من ندستني خليت بأيده صمونه وحطت جاي يمي
_ماريد
_اكلي اجوان عفيه الخاطري من البارحه ماماكله انتي
_ماريد وخري
ضلت تحجي وتقنع بيه حتى اكل من شافتني قافله بس ساكته ماجاوبه عافاني وراحت من صاحتله أمه
اجت يمي تركض
_اجوان راح اروح خالتي مسويه حادث لازم اروح
مجبوره والله بس ارجعلج
عافتني وراحت اشوف النسوان يباوعلي ويتبسبسن
لليل راحت النسوان الغربه ضلن بس اخوات ام ايات وبناتهن ضليت على كعدتي بالمطبخ اجت ايات يمي عيونه منتفخه من البجي كوه تمشي وصلت يمي حضنتني وكامت تبجي اريد احضنه وابجي ماكدر احس كلبي مقبوض أحسه مقيد ابتعدت عني تمسح بدموعه كامت من عندي بس شافت أمه اجت عليه سحبتني من شعري وكانت تعت بيه تحجي وتصيح
_اطلعي بره ماريدج كلله منن ورااج منريددج اطلعي برهه بنت اللفكر عوففينه ماشبعتي رااح ادهمم من وراجج
تحجي وتضرب بيه بحركه وتعت بشعري ماعندي طاقه امنعه وايات تحاول تحبني منه ماعافتني ماحسيت اله نسحبت مني
احمد:يمه كاافي برووح ابووي كاففي
_ماتضل يممي مارريدده طلعه برره خل تعووفنه
تحجي وتضرب على صدره
احمد:يمه موكت هلحجيي مو وكتجج
_والله والله اذا ماطلعت منا وطردته اعوفلك البيت واهج منا ماريده خل ترووح بننت الفككر ماريدده
ايات تسحب بيه اجت خواته سحبنه دخلنه الغرفه
ضليت بس اني وياه باوع عليه
_تعاي وراي
دخلنه للصاله كعد وكعدت كباله حاني ضهره ومنزل عيونه للكاع
_احجيلي شنو صار
حجيتله كلشي من اول ماجه عليه لمن أخذته للمستشفى احجي وهو منزل راسه ابد مارفع عيونه وباوعلي كام وكف عافني وطلع صعدت فوك للغرفه
تمددت على الجربايه واني اتذكره وأتذكر حجايته
غفيت ماكعدت غير على صوت الدك بالباب وصوت أمه تصيح
_اططلعيي ماضللين يممي اطللعي
اسمع احمد يحاول يهدي بيه وهيه تصيح وتفرفح
اسمع صوته تبتعد دخلت عليه آيات اجت يمي
_احمد يريدج جوه
لبست حجابي ونزلت وياه جوه لكيته كاعد بالصاله وأمه بالغرفه يم خواته كعدت كباله مايخلي عينه بعيني حجه وهو مدنك
_عذريني ماكدر اخليج هنا امي راح تتخبل بس على ماتهده الامور وارجعج
يحجي واني اباوعله ساكته رفع عيونه باوعلي مسح وجه بايده وحجه
_حضري غراضج راح اخذج لبيت عمتي
سحبتني ايات من ايدي صعدنه للغرفه كعدت على الجربايه كعدت كبالي وحجت
_والله مجبورين مانكدر نقنع امي تريد تعوف البيت بس تهدء شويه ناخذج ها اجوان تسمعيني مو
هزيت راسي طلعت جنطه وبدت تحطلي بغراضي وملابسي كملت اخذت ايدي ونزلنه اخس كلشي ميهمني بعد حتلو هسه يموتوني يسولي فضل حتى الحكه واخلص ماكدر اعيش وهو ماموجود وياي
طلعنه للكراج شفت احمد صاعد بالسياره فتحت الباب ايات صعدت شغل السياره وطلعنه بدون ميلتفتلي حجه
_فتره بس تهدء امي واجي اخذج
ساكته اباوع للطريق ماهامني لو يذبوني بنار احس كلشي جاي اسوي بدون وعي وصلته كبال بيت جبير
نزلنه نزل غراضي خلاهم بأيدي حجه
_دكي الباب ودخلي تلكين عمتي هناك
عافني وصعد بالسياره تقدمت بخطوات ثكيله دكيت الباب واني ماعرف شمنتضرني ماعرف مستقبلي المجهول.....
_____________
هاجر:اليوم جمعه العشيره كله يمنه لان كل جمعه نسوي ثواب دائما تجي بيبي علينه وتلتم العائله كله
واكفين نحضر بالغده دخلت ميسم علينه
ميسم:عفيه مي بارد ماكو جيبلي مي عذراء
عذراء:عشتوو مجيبين النفسج شنو خدامه الج
ميسم :اووي شكنالج هو مي
هاجر:عافتنه وطلعت كملنه تحضيرات مدينه السفره
كعدت بيبي والتمينه كلنه
ياسمين:يمه محتاجين هاي اللمه من زمان مامسوين هيج لمه
صائب:تفضلي حجيه
هاجر:بده الكل ياكل بسكوت بس طكطكه الاماعين نسمعه اجه اتصال لصائب رفضه ورجع ياكل رجع اتصل مره ثانيه
ياسمين:يمه جاوب خافنه صاير شي
هاجر:جاوب صائب اول ماسمع الطرف الثاني طفر من السفره
ياسمين:يمه وين رايح
صائب:حجيه شغله ضروريه لازم اروح
هاجر:صعد الغرفته صعدت امي وراه نزل مستعجل بأيده السويج طلع يركض وكفت امي بباب المطبخ تباوعله قلقانه
رضا:ماعنده احترام عافنه وراح
ياسمين:لو مو شغله مستعجله ميروح
هاجر :الكل ساكت كملنه اكل شلنه السفره رجعت الحجيه للبيت ثعدت اني وعذراء نقره صار الليل نزلت شفت امي بباب المطبخ ايده على خده منتضرته كعدت يمه
هاجر:يمه كوني نامي هسه يجي
ضمائر:لا عوفيني انتضره
هاجر:نزلت عمتي سهام هي وميسم شافتنه كاعدين
سهام:ها منتضرين صائب
هاجر:ماجاوبناه عبرتنه وراحت تشرب مي
فززنه صوت الباب من اندك وكفت امي ملهوفه ركضت تفتح الباب واني وراه
فتحت الباب وانصدمنه من شفنه....
انتضروني🦋
________________
احبكم🤎