ရွာဦးကျာင်းကို ဆွမ်းချိုင့်သွားပို့တာ
ပုံမှန်မဟုတ်ဘဲ အလှအပတွေပြင်သွားတဲ့
နှင်းရည်ကြောင့် ရည်းစားရှိနေပြီလားဆိုတဲ့အထင်နဲ့ ရာချီတစ်ယောက် တကောက်ကောက်နဲ့ ညီမနောက်ကိုလိုက်နေရတာအခုထိ..
ဘုန်းဘုန်းကျောင်းကနေ ဆင်းလာတဲ့အထိ
နောက်သစ်ပင်ကနေ ကွယ်ကွယ်ပြီးလိုက်လာတာ လမ်းတစ်ဝက်တောင်ရောက်လို့။
ဒီကောင်မလေးလမ်းလျှောက်တာတောင် တွန့်လိမ်တွန့်လိမ်နဲ့ ငါးရှဉ့်ဆားပတ်ထားတာလားဘဲ။
နေပါအုန်း ဒါငါတို့အိမ်ကိုပြန်တဲ့လမ်းမှမဟုတ်ဘဲ။
"ကိုကို ပုံ"
"လန့်တာ နှင်းရည်ရာ "
ကိုကိုပုံတဲ့ဘယ်လိုတောင်ကဗျာမဆန်တဲ့
နာမည်လဲ။
"ကိုကိုပုံကလည်း ဒီလောက်ထိလှတဲ့နှင်းရည်ကိုလန့်.."
"တော်ပြီတော်ပြီမပြောနဲ့တော့ လန့်လည်းမလန့်တော့ဘူး လာရင်းအကြောင်းကိုပြော"
"ဂျီးတော်ကို ပြောခိုင်းဖို့ပါ "
"နှင်းရည်ရာ အမေ့ကိုပြောမှာများအိမ်သွားလေ "
"သွားပါဘူး ကိုကိုပုံဆီဘဲလာတာဟီးဟီး ဂျီးတော်နဲ့စတဲ့ ဖူးစာလေးများလုပ်မလားလို့လေ"
"ပေါက်ကရ "
"ဟင် "
"ထားပါ အကိုနဲ့ပြောစရာမရှိဘူးမလား အကိုလုပ်စရာရှိသေးတယ် "
"အော်ဟုတ်ဟုတ် "
ဂရုမစိုက်ချက်ကတော့လုံးဝဂရုမစိုက်တာဘဲဟူ၍သာ သက်ပျင်းချ၏ အော်ကိုကိုပုံရယ်။
ဒီမြင်ကွင်းကို ဂရုတစိုက်နဲ့ မျက်လုံးမီးတောက်သည်အထိ ကြည့်နေတဲ့ကောင်လေးတစ်ယောက်ကိုတော့ ပုံတိုင်းရော နှင်းရည်ပါသတိမထားမိပေ။
"ငါ့ညီမက ဒီအပေါင်ဆိုင်သားကိုကြိုက်နေတာလား "
ဘာကြောင့်မှန်းမသိ အလိုမကျတဲ့စိတ်တွေနဲ့ သဘောကျမိတဲ့စိတ်တွေကလည်းတစ်ဝက်တစ်ပြတ်စီရောက်လာ၏။
အလိုမကျတာကတော့ နှင်းရည်က သူ့ကိုမှကြိုက်နေတာကို။
သဘောကျတာကတော့ နှင်းရည်သာ သူနဲ့ရရင် ဂျီးတော်ချက်ကျွေးတဲ့ဟင်းကိုငါပါစားရမှာ သို့ပေမယ့် နှမပေးတဲ့အထိတော့ ငါမငတ်လောက်ပါဘူး။
"အကိုလေးရာချီ ဘာတွေတွေးနေတာလဲ "
သာလှမေးနေပေမယ့် ထန်းပင်ကြီးကိုမော့ကြည့်ပြီး ငါးနီတူခြောက်လေးကိုလည်း
ကိုင်ထားလျှက် အတွေးတစ်ခု၌ စီးမြောနေသည်။
"အကိုလေး တစ်ခုခုကို အလိုမကျနေတာလားဗျ "
"သာလှ "
"ဗျ"
"ဒီရွာမှာ အချောဆုံးက ဘယ်သူလဲ "
"အချောဆုံးက နှင်းရည်နဲ့ မစံပယ်ဘဲရှိတာလေ "
"ယောင်္ကျားတွေကိုပြောတာကွ "
"ကျွန်တော်သိသလောက်တော့ အကိုလေးပုံတိုင်းကတကယ်ချောတာဗျ "
ကြားလိုက်ရတဲ့ အဖြေက စိတ်တိုင်းမကျစရာဘဲ။ငါ့ညီလုပ်နေပြီး ဘယ်တော့မှ မြှောက်စားလုပ်မယ်ဆိုတာကိုမရှိဘူး
"အဟွတ် သူပြီးရင်ရောဘယ်သူချောလဲ "
ဒီတခါတော့ ငါဘဲရှိတော့သည် ဒါကြောင့်စိတ်တိုင်းကျတဲ့အဖြေတော့ထွက်လာမှာဘဲ။
"အကိုလေးကျန်စစ်က ချောတယ်ဗျ "
"ဘာ !!"
"မေးလို့ဖြေလိုက်တာပါဗျာ "
"ဒါဆို ကျန်စစ်ပြီးရင်ရော "
"ကြည်နူး ကချောတယ်လေ "
"ကြည်နူးပြီးရင်ရော "
"ကိုဆင့်ဟန်ကလည်းချောတယ်ထင်တယ် "
"ဆင့်ဟန် ပြီးရင်ရော "
"အကိုလေးရာ ဘာလို့မေးနေတာလဲ ကျွန်တော်လဲမသိတော့ဘူးလေ "
ခွမ်း !!!!(လင်ဗန်းနှင့်တီးသံ)
"အာ့ အကိုလေး!!"
"ငါစောက်ခွက်ကို သေချာကြည့်စမ်း "
ရိုက်ခံရတဲ့ခေါင်းကို ကိုင်ပြီးဘဲ သေချာလေးကြည့်ပေးလိုက်၏ ။ဘာမှတော့သိပ်မထူးဘဲ။
"ကြည့်တယ်လေ"
"ဘာထူးလဲ ငါ့မျက်နှာမှာ"
"မျက်ခုံးဘေးက ဝက်ခြံပေါက်နေတယ် "
"ဘာကွ!!သေချာကြည့် "
"မျက်လုံးပြူးနေတာ "
"သာလှ!!!"
"ဗျ!!"
"ငါစောက်ခွက်ကိုသေချာကြည့်လို့ "
သာလှ၏ ချောတယ်လို့မကြားမချင်းမေးနေမည့်ပုံ။
"ကြည့်တယ်လေလို့ "
သာလှ ရူးချင်စိတ်ပါပေါက်သွားရ၏
"ငါချောလား "
"မချောဘူးလေ "
ခွမ်း!!!
"ချောတယ် စောက်ရမ်းချောတယ် ဟုတ်ပြီလား "
"အေ နောက်ဆိုလည်း ငါချောတာကိုသိထားလိုက် ငါက ဆက်ပြီးချောနေအုန်းမှာဘဲ
ချောနေရတာကိုက အလုပ်တစ်ခုဖြစ်နေတာမို့လို့ "
အရူးစိတ်ချမ်းသာရင် ကမ္ဘာကြီးအေးချမ်းတယ်ဆိုပြီးလွှတ်ထားလိုက်တာကအကောင်းဆုံး။
ရွာမှာလည်း အကိုလေးပုံတိုင်းပြီးရင် အကိုလေးရာချီက တကယ်ချောပါသည်။
ဒါကိုလည်းသိသည် ဒါပေမယ့်သူ့ရှေ့မှာမို့လို့ ချောတယ်လို့မပြောချင် တမင်စကားလမ်းကြောင်းလွှဲနေတာကို ရအောင်ပြောခိုင်းသေးတာ အခုကြည့်ပြောလိုက်တော့ ဘာထူးလဲ ဘဝင်မြင့်သွားတာဘဲ အဖက်တင်တယ်။
<><><>
"ကျန်စစ် မင်းမှန်မှန်ပြော "
"ဘာကိုလဲကွာ "
သူငယ်ချင်း ကြည်နူးနဲ့သာ စကားပြောနေပေမယ့် စိတ်က အလိုမကျ တဲ့အသံတွေနဲ့။
"မင်း အကိုပုံတိုင်းကို ကြိုက်နေတာလား "
"မဟုတ်ပါဘူးနော် မင်းဘယ်လိုသိတာ "
"မလိမ်တက်ဘဲ လီးတွေလိုလိမ် ငါမင်းသူငယ်ချင်းပါကွ မင်းအိမ်က ပိုက်ဆံပေးရဲ့သားနဲ့ အဲ့ဆိုင်မာဘဲ သွားသွားပေါင်နေတာတွေ ပိုက်ဆံချေးနေတာတွေ ချေးပြီးရင်ပြုံးစိစိနဲ့ထွက်သွားတာတွေ နောက်ကခိုးခိုးကြည့်နေတာလေ ငါမမြင်ဘူးထင်နေလား "
အံ့ဩမိပါသည် ဒီလိုအတက်သိနေတဲ့ သူငယ်ချင်းကို။
ဟုတ်တယ် ကျွန်တော်် အကိုပုံတိုင်းကို သဘောကျနေပြီထင်တယ်။သူရဲ့သည်းခံစိတ်ရင့်ကျက်မှု ချောမောမှူတွေက အတိုင်းအတာမရှိစွာကိုဘဲ။
ငယ်ငယ်က အကိုတစ်ယောက်လိုချစ်ပေမယ့် ကြီးလာတော့ ကိုကို တစ်ယောက်လိုချစ်မိနေတာ။
ဒါဆို ဘယ်လိုခေါ်လဲမသိပေမယ့် ခြောက်နေတာလို့တော့ခေါ်တယ်မလား ဒါဆို ငါက ခြောက်နေတာပေါ့ ထားလိုက်ပါ အကို့အတွက်ခြောက်ရတာဘဲ တန်ပါတယ်လေ။
"မင်းတို့ ဘာမှမပြောဘူးလား "
"ဘာပြောရမှာတုန်း "
"ငါယောင်္ကျားချင်းကြိုက် "
"ဟင် အကိုကျန်ရစ်က အခြောက်ပေါ့"
ရုတ်တရက်ဘယ်ကပေါက်လာမှန်းမသိတဲ့ သာလှကြောင့် နှစ်ယောက်လုံး တစ်ယောက်မျက်နှာကို တစ်ယောက်ကြည့်ပြီးလန့်နေမိ၏
"သာလှ?"
"ဟုတ်တယ်ဗျ ကျွန်တော် ဟိုဘက်ဝိုင်းမာထိုင်နေတာလေ ကြားလို့ ဒီကိုရောက်လာတာ လုံးဝ သတင်းထူးဘဲဗျ "
သတင်းထူးဆို ဒီကောင်လျှောက်ဖွတော့မှာ
ဒါဆို ဟိုကောင်ရာချီ သိသွားမှာ ငါ့ကိုလဲ လှောင်နေလိမ့်မည်။
"သာလှ ငါတစ်ခုတောင်းဆိုမယ် "
"ပြောပါ အောင်သွယ်ပေးခိုင်းမို့လား "
"ငါ အခြောက်ဆိုတာကို ဘယ်သူကိုမှမပြောနဲ့"
အကိုကျန်စစ်အတွက် လျို့ဝှက်ချက်ဖြစ်မယ်ဆိုတာ သာလှသိလိုက်ပြီဖြစ်သည်။
ဒါကြောင့်ပိုက်ဆံအိတ်လေးကို မသိမသာလေးမျက်စပြုလိုက်တာကြောင့်
ကျန်စစ်လည်း သတိထားမိ၍သုံးသောင်းထုတ်ပေးလိုက်၏
"ရပြီလား ဘယ်သူမှမပြောနဲ့နော် "
"ဟုတ်ကဲ့ အကိုကျန်ရစ်က အခြောက်ဆိုတာကိုလုံးဝ မပြောဘူး ဒီလျှိူ့ဝှက်ချက်ကို သင်္ချိုင်းကုန်းအထိ ယူသွားပေးမယ် "
"အေပြောတဲ့စကားကိုတည်နော် "
<><>
အဖေဖြစ်သူက အလုပ်က စာရင်းတွေကိုင်နေစဉ် သားဖြစ်သူကတော့ အိမ်နောက်က ခုံမှာ အိပ်ပျော်နေတာများ ဆင်အော်ရင်တောင်နိုးမိပုံမပေါ်။
ဂါးးးးး(ဟောက်သံ)
"စားလို့ကောင်းတယ် ပုံတိုင်း "
ဂါးးးးးးး
ပါးစပ်ကိုလည်းလူပ်စိလူပ်စိနဲ့ ယောင်နေသူတစ်ဦး။
"ကြက်ပေါင်လေး မွေးနေတာကွာ "
"အကိုလေး အကိုလေး"
"ကျွေးအုန်းလို့ "
"အကိုလေးရေလို့ "
ဖြန်း!!
နှစ်ခါသုံးခါခေါ်မရတာတဲ့ ပါးကိုသာ ခက်စပ်စပ် တီးလိုက်၏ ဒါပေမယ့် သူကတော့ ထလာတာတောင် 'ငါ့ကြက်ပေါင်ရော'ဆိုပြီးတနေသေးတာ။
"အကိုလေး သတင်းထူးပြောမလို့ "
သာလှအတွက် ကတိမတည်တာမဟုတ်ဘဲ တည်ခဲ့ပြီးပြီ အမှန်မှန် အကိုလေးကျန်စစ်က အခြောက်မဟုတ်ဘူးဆိုတဲ့စကားကို သင်္ချိုင်းကုန်းအထိ တစ်လှမ်းချင်းစီ ရွတ်ပြီး သယ်သွားပြီးခဲ့ပြီ။
ဒါကြောင့်အခု သင်္ချိုင်းကိုကျော်လာပြီဆိုတော့ ကတိမတည်လဲရပြီ။
"ဘာတုန်းကွာ "
"အရမ်းထူးတာမို့လို့ ငါးသောင်းပေးရင်ပြောပြမယ် "
အခုသာပြောရင် အကိုလေးကျန်ရစ် စိတ်ဆိုးပြီး သုံးသောင်းပြန်တောင်းမှာ သိသည်မို့ အကိုလေးရာချီဆီမှာသာငါးေသာင်းရရင် ကျန်စစ်ကို သုံးသောင်းပြန်ပေးပြီးလုပ်လို့ရပြီး အဲ့ကျ သူလည်း နှစ်သောင်း မြတ်ပြီ။
တကယ်တော့ အခြောက်ဖြစ်တာရှက်စရာမှမဟုတ်တာဆိုပြီးလည်းသိစေချင်တာကြောင့်။
"ငါးသောင်းမပြောနဲ့ ငါးကျပ်တောင်မရှိဘူး"
"ဒါဆိုမပြောဘူး "
"မပြောနဲ့ကွာ ငါအိပ်ချင်တယ်လို့ လီးဘဲ "
ပြောသာပြောနေရတာ မျက်လုံးကမဖွင့်သေး။
"လုံးဝ သတင်းထူးနော်အကိုလေးကိုကျေနပ်စေမာ "
"ဘာတုန်းလို့ "
"ငါးသောင်းပေးရင်ပြောပြမယ်လို့ "
"အကြွေးထဲမှတ်ထားကွာ ဘာလဲမြန်မြန်ပြော"
"အကိုလေးကျန်စစ်က အခြောက်တဲ့ "
"ဘာ!!!"
ထိုမှ မျက်လုံးပြူးမျက်စံပြူးထလာတာများ ပုဆိုးတွေနဲ့လိတ်ပြီး ခုံပေါ်ကနေ ပြုတ်ကျသည်အထိ။
အခုတော့ ရာချီလုံးဝအိပ်ချင်ပြေသွားပြီဖြစ်သည်။
"ဟုတ်တယ် အခုနလေးတင်ကြားလာတာ "
"မထင်ရဘူးဘဲ "
"ထပ်ထူးတာက သူ့ဘယ်သူကိုကြိုက်လဲပါသိခဲ့တယ်"
"ပြောစမ်းဘယ်သူလဲ "
"ထပ်ပြီး နှစ်သောင်းပေးရင်ပြောပြမယ် "
"သုံးသောင်းပေးမယ်ပြောစမ်းဘယ်သူလဲ "
ဟိုက်ရှားသာလှအတွက် အလကားနေရင်း ငါးသောင်းရပြီ။
"အကိုလေးပုံတိုင်းဆောင်ကိုတဲ့ "
"ဘာ !!!"
လုံးဝထူးတဲ့ သတင်းတစ်ခုဘဲ။
ဒီအပေါင်ဆိုင်သားကိုဘဲ ဘာလို့ဝိုင်းကြိုက်နေကြတာ ။
ဒီလိုသာ ကျန်စစ်နဲ့ကြိုက်သွားရင် ငါ့ညီမ ကြေကွဲအုန်းမှာ။
ကျန်စစ်နဲ့မကြိုက်လို့ ငါညီမနဲ့ ကြိုက်သွားရင်လည်း ငါ့နှမကို သူ့ကိုမပေးချင်။
ပြီးတော့ ကျန်စစ်နဲ့လည်းလုံးဝမကြိုက်စေချင်ဘူး ကျန်စစ်နဲ့သာ ပုံတိုင်းဆောင်တို့တွဲရင် ကျန်စစ်က စောက်ကျင့်ယုတ်ပြီးငါ့ကိုကြက်ကြော်ကျွေးခိုင်းမှာမဟုတ်ဘူး။
အဲ့တော့အခုလုပ်ရမှာတစ်ခုတည်း
ကျန်စစ်လည်းသူနဲ့မကြိုက်
ငါ့ညီမလည်း သူနဲ့မကြိုက်အောင်
ငါဝင်လုံးပေးဖို့ဘဲလိုသည်။
ဒါမှ ကြက်ကြော်လည်းစားရသလို
ကျန်စစ်ကိုလည်းငါနိုင်မည်။
ငါ့ညီမကိုလည်းသူများကိုမပေးရတော့ဘူး။
ဘယ်လောက်တောင်ကောင်းတဲ့အကြံလည်း။
ဒါပေမယ့် ငါက သူ့ကိုဘယ်လိုဆွဲဆောင်ရမှာလဲ.....။