الكاتبــه بنت المـهدي
.
.
.
تنفست بقوه من فتحت عيوني كعدت هلكانه من الحلم
ماتگول جنت نايمه وضعي مال واحد جان يحارب كمت گوه اجر بروحي وره ماهديت غسلت ودخلت للمطبخ اكلي شي جهزت الاكل وطلعت اول ماكعدت اكل انفتح الباب دخلت امي
اسيا.. كلت هسه اجي الگاها نايمه
وهج.. قبل اشوي كعدت گلت اكل شي
اسيا.. وشبيج هيج ضايجه المفروض حالتج للاحسن
سكتت فتره وحجيت
وهج.. المفروض من شفت حالتج تعبت ناخذ الفلوس ونطلع ماننتظر لما يصير كل هااذ مو فوگ تعبنه نتعب اكثر احس روحي هلكانه من كل الصار
اسيا.. لا تكبرين الموضوع السالفه خلصت على خير
اعرف الصار مو سهل بس لا تفكرين وتعبين روحج
خلص انسي ونبدي من جديد
بقيت ساكته عنها غمضت عيوني ورجعت نفسي
استند على القنفه مرجعه راسي وانا اتذكر الصار واحجيلها شلون...
بقيت جامده من طلگها ماعرفت اصرف كلشي صار بسرعه بس من لزمها حيل وعتها بره تقدمت عليها
هيه بس لمحتني سحبت نفسها منه طلعت حتى لا يطلعني وياها حسيت من لزمها تاذيت اكثر منها
رجعت دخلت ودخل ملهم عبرني وتقدم عليهم
وسن.. عود صدك وهااي بنتها المن باقيه خوب
طلعوها وياها انا كل ظني تبقى متمسكه بيها
وتاخذها وياها مو رباها وتعبها شني ضلتها يمي
امجد.. وين وين تاخذها بت ميثم تبقى يم ابوها
خليها تبقى اهنا حالها حال بناتج لا تسوين مشاكل
وسن .. لاوالله خاف ماترضى هااي ترباتها وصرفها
كبرتها ودراستها لاسيا مو لميثم بنتها ترا مااريدها
فتح عيونه امجد وهوا نظراته عليه
امجد.. عود صدك ميثم مو بنتك شنو صرفها على اسيا وانا اگول وين الفلوس اسيا ما مشتريه شي لروحها
عمي لو ادري هيج فلا اطلعها غير بنتك انتَ شكو اسيا التصرف عليها ومتكفله بيها
ميثم.. شني عوزي بنات ردت انطيها لاي عائله تريدها كالت بنت اختي انا اخذها وماعليك بيها وبصرفها كله يمي ومااحجي ولااطلب منك شي بعدين تعال انتَ شوف اهمالك وين وصلك البنت على ساعه تعرس وتطلع من البيت وانت ماتدري مرتك اهي الي
ماخذتها بلا مااستحيت على روحك
امجد.. ولكم شمدريني اشگ هدومي بنتك وبيتك
اشوفها دوم يمها اكول خالتها ومتعوده عليها
انا ادري اسيا التصرف عليها وشايله حملها شعدنا
وسن..هل المشاكل والحجي المن عوزنه احنه
ماكافي خلصنه من مشاكل امها تطلعنه هيه
امجد .. ماله داعي هل الحجي اشو الصياح منج
البنيه ماطلعلها حس وانتِ التكمزين عود اذا حجت
لو صارت مشاكل خلي تتبع امها
وهج
.. بقيت مصفنه على الحجي اسيا هاذ كله ماحاجيته
الي صح كالت امج ميته بس ماكايله ابوج مايريدج
وما استغربت هسه تصرفاته صدك ادل ان مارايدني وماطايقني وماحاب خلفه البنات كلها ولا مهتم النه
ابتسمت باستهزاء..وفوگ كل هاذ يتعاركون على
حايتي صرفي وليش اسيا مااخذتني وياها من طلعت لازم اطلع وراها ماابقى اهنا وحدي بينهم المن باقيه محد يريدني مشيت ردت اروح للغرفه التفتت عليه من حجه
ميثم.. تعالي انتِ اسيا صدك عدها فلوس
لو تضم عند وحده من النسوان التطلع يمهن
ردت اجاوب سبقني وحجه وهوا يفر بيده
امجد .. تحجي صدك انت تسال هاي ونگول عندها وضامتها عند وحده راح تعلم هاي على مكانهن اسيا واعرفها اهم شي روحها لو تهمها جان اخذتها وياها
مو تطلع وحدها وماسألت عنها اصلا
وسن.. بس..
امجد..كافي كلتو المشاكل منها اسيا وطلعت بعد اشوف الحجي والمشاكل منين الا الزمها الباب وره اسيا
نسرين
.. كون ينشغلون عن الفلوس لان الجنطه بعدها فوگ الكنتور لازم انزلها قبل لا يلزموها امي لو امجد انا الشفتها اول معناها رزقه الي مايشاركني بيها
طلع امجد ودخل ميثم لغرفته وانا دخلت لغرفتنه
الباب بقى مفتوح وشفت وسن عبرت لغرفه اسيا ركض تبعتها نسرين اسمعها تحجي ويه امها بهدوء
نسرين.. يا يمه شمالج لو عدها صدك تطلع وتعوفهن غير تهرجنه شي والها بعد ماتعرفين لسانها شلونه
وسن.. وين شمرت الجنطه كلتي ذاك اليوم
نسرين.. هاا ءء اهنا يمه شوفي فارغ
تقدمت للباب وعيني عليهن سحبتها من جهه بدايه الكنتور واشرتلها رغم الجنطه بالنهايه ومحد يشوفها لمحت ابوي جااي علينه تراجعت للغرفه
نسرين.. تعالي يمه لا تعبين روحج ماكو شي
دخل ميثم.. خايبه شنو ادورين شهل الفگر هااي وشعدها وبعدين خوش الجن واهس دواره لو شغله
بيها حظ فلا تكومن اطلعن قبل لا يجي امجد ..
ويه حجايته دخل امجد وبقى يباوع عليهن
رادن يطلعن بس
امجد .. لا بويه ابقن لااطلعن ويه دوارتجن الزينه
اريد الغرفه تلمع لا تبقن شي ماتمسحنه يلا كدامي
نسرين.. عمي انا مالي شغل امي صاحتني وهسه طالعه للمطبخ وراي شغل صابرين تنتظرني
بقن نظراته لنسرين لما دخلت المطبخ رجع نظراته
لوسن وميثم يخزر بيها
وسن.. انا وراي غرفتي اكملها هسه البنات بس يكملن شغلهن ينظفنها الك مو انا عوزي فوگ عمري هاذ كله
انظف وصاخه غيري عشتو
امجد.. منا ورايح احترمي عمرج هاذ كله ولا تكمزين
وان ما لگيت شي بالغرفه الي حجي ثاني وياج
مشت لغرفتها ساكته بقى يباوع عليها وانا هم
صافنه عليهن وعلى حركاتهن لمح نظراتي الهم
امجد.. تعالي عمو كومي مادام ماعندج شي
وبس توزعين صفنات ادخلي للغرفه نظفيها
الصدك الغرفه بضيم لابعد درجه بس الفلوس
بيها لازم اعرف اصرف لا تروح عليه هل الفرصه
حتى باقرب فرصه اطلع من البيت هاذا هزيت اله براسي طلعت لبس عريض كلش ولبسته وتقدمت
اريد ادخل لمحت نسرين تدفع بصابرين الي مو راضيه تدخل للغرفه
صابرين.. عمي انا اكملها الك
امجد..ارتاحي انتَ مو جاي تشتغلين بالمطبخ هااي ماعدها شي رجعي انتِ
فرحت صابرين ومثل الهدت ورجعت للمطبخ
دخل للغرفه وتبعته بقيت الباب مفتوح وراي
صار على صفحه ونظراته مو راحه
امجد .. شبيج عمو واگفه ماتتحركين
وهج .. هاا لا مابيه بس جاي اشوف شنو احتاج
حجه مسبل عيونه.. ما تشوفيني انا شحتاج يبعد عمج
يحجي ويوزع نظراته عليه بقيت ساكته اردف
.. ليش هيج لابسه فوك هدومج ماهي بارده وهسه
راح تنظفين انزعيهن حتى تاخذين راحتج بالشغل
وهج .. لا مااكدر مريضه
عوج حلگه ماعاجبه .. سلامتج
عفته وطلعت سحبت الماسحه وصله مسح واكياس
الم بيهن انتبهت نظراتها تتبعني وين مااروح ردت اسحب الكرسي نترت بيه
نسرين .. ماتاخذي
وهج.. اريد انظف اكمل وارجعه مااكله
نسرين.. كتلج لا ولو تعوفين السالفه كلها احسن
وهج
.. رجعت للغرفه خليت الغراض على الارض وتقدمت
لامجد عوجت ملامحي بحجه ضايجه وحجيت
.. عمو هااي نسرين اگللها الكرسي ماتقبل وهيه مجاي اسوي بي شي وتكول لو تعوفين السالفه كلها احسن
طلع وانا نظراتي تتبعه
دخل للمطبخ سحب الكرسي ورجع للغرفه وهوا يحجي
امجد.. التگمز مال امج بطلي لااركع راسج بالحايط
رجعت للغرفه بسرعه خوش سكتها زين وتعلمت
من اسيا هل الحركات تفيد ولو اعرف هاذ الشي
يخلي يتماده بس ميخالف لازم اتحمله دخل ونظراته الي خله الكرسي وكعد عليه صدك يحجي جابه لروحه
نزلت نظراتي للارض من نظراته مسحت ميز المرايه
سحبت الماسحه ودفعت الغراض الي جوا الكنتور
جمعتها بمكان واحد كعدت على الارض
امجد.. هاي ليش كعدت دنگي ولمي شوفي
ملابسج صارت كلها تراب
وهج.. مصار شي هسه اكمل واغير ملابسي
احجي وياه بحزم وانا اشتغل ماارفع نظري اله سكت معاجبه الوضع كملت ولميت كل الوصخ بكيس وخليت ملابس امجد على صفحه واكو قطع قماش مزگه ما تفيد كترتهن منتظره فرصه شاف مامني فايده طلع ركضت سحبت الكرسي نزلت الجنط طلعت الفلوس لافتهن اسيا بقطعه اقماش وخليت ابدالهن القماش
المانحتاجه ورجعت شمرتهن فوگ سحبت الفلوس خليتهن بجنطه جبيره كلش وخليت شكو ملابس
لامجد مايلبسهن بيها ركضت لنضيده الفراشات
بيناتهن التلفون سحبته وخليته بملابسي ومديت
ايدي سحبت الجناسي وخليتها بجنطه يم الفلوس
ودخلت صابرين وراها نسرين شافتني فحطانه
الخانات كلها مفتحه وماضال شي ماطالع اشرتلها
نسرين عليه عرفت راح يحجن شي
صابرين بشك من حالتي .. شنو تسوين وشبيج فحطانه
وهج.. لا مابيه بس تعبت مابقى شي ما طلعه وذني ملابسه الي مايحتاجهن كال لميهن بهاي الجنطه وصعديها للخانات الفوگ مااريدهن وكاعد يشرط
مايريد شي يبقى بالغرفه
صابرين.. هاا يي زين يسوي اكلج عمج هم
دور الغرفه نبش شي شال شي
وهج.. اوو مابقى شي ميز ماحركه خانه ما
نبش وطلع كلشي بيها وكله ع راسي يشمر
بس كنتور الملابس ماكدر يحركه شاف الوراه
وعافه البقيه ما بقى شي
نسرين بسرعه تقدمت تتمشى تسوي روحها تباوع للغرفه وعينها فوك الكنتور شافت الجنطه وانا نزلت نظراتي حتى لا تلمحني اشوفها دخل امجد و بيده
الچاي وهنه نسحبن بسرعه سد الباب وراهن وحجه
امجد.. بعد امجن وسين شترجه منچن تطلعن شريفات غسل اي والله
التفتت عليه واردف ..شنو بعدك يحلو
وهج.. احم اي ملابسك الي ماتحتاجهن
خليتهن اهنا ابدال ما باقيات مطشرات
امجد.. معدله وين اكو مثلج
تجاهلته ورجعت كملت اخذت الجنطه اصلا
خليت جم قطعه بيها وسحبت الكرسي صعدتها
فتريت ردت انزل شفت نظراتها وين اقترب مني
امجد.. تعالي عمي انزلج
نزلت من الكرسي قبل لا يوصل وحجيت
وهج.. لا انا انزل ءء خلص مابقى شي
نظراته وتصرفاته اخذت من حيلي والتلفون بملابسي
سحبت جنطه وجمعت ملابس اسيا كلها وقطع القماش
الي تفيد خليتهن بجنطه وحدهن وفكرت اذا طلعت الفلوس من جوا المكينه خاف انلزم عفتهن ومسحت الارض رتبت الفراش اله
راحت نظراتي للخانات فارغه بس ملابسه جم قطعه الي يلبسهن صحيت من تفكيري من لكيته كاعد ونظراته عليه سحبت الغراض وملابس امي ردت اطلع
امجد.. شنو هااي الجنطه شنو بيها
عفت البيدي وفتحتها وقدمتها عليه شافهن ملابس اسيا سكت
امجد..عاشت ايدج صارت الغرفه تخبل مثلج
بقيت ساكته
اردف .. جهزي روحج اخذج اليوم اشتريلج ملابس
.. لا عمو شكرا عندي مامحتاجه
.. قبل فتره طلعن وسن وبنياتها ماطلعتي منين عندج
.. امي تخيط الي وتشتري ماعايفتني بنقص
.. عوفج من امج ومثل مااكتلج للعصر جهزي
روحج اخذج
سكتت. طلعت اول شي خليت الماسحه بالطارمه وبقى الكرسي بالغرفه جان كاعد عليه دخلت للغرفه وبيدي الجنطه صابرين ونسرين كاعدات على صفحه شافت البيدي وفتحت عيونها ماهتميت دخلتها لخانتي وسديت عليها صابرين من النوع الماتدخل اعرف هاي تصرفات نسرين
صابرين.. شنو هاي الجنطه شنو بيها
وهج.. ملابس لاسيا عمج كال اخذيهن شمريهن بكيفج
ماكدرت اطلع من الغرفه امجد كاعد بالبيت ومااريد
المحه اصلا كعدت بعيد عنهن وافكر بامي وحالها
وانا على هل الحاله سمعت الباب انفتح وانسد
اجت وسن مستعجله دخلت تحجي ويه بناتها
.. طالعه بشغله وابوجن شوي ويجي وامجد طلع هستوه كومن للبيت وللعشه كملنه تحركن يلا
كمزت صابرين .. يمه اروح وياج طگ گلبي من
كعدت البيت شغل وطبخ البنات يكملن البيت
ماكاافي توني خلصت المطبخ هلكت
وسن.. البسي ولو مانتاخر بالباب اسالها
لبست بسرعه وطلعن نسرين صعدت فوك..
اندك الباب وكمت والبنات يدرسن
وهج.. خليجن انتن انا اروح
فتحت الباب ودخلت كريمه فحطانه
.. منو اهنا
.. هاا البنات بالغرفه ونسرين فوك البقيه طالعين
شلون اجيتي
..عوفج مني بس شفت وسن وبنتها طلعن اجيت
اسيا لكت مكان وتكول جيبيها هيه والفلوس
ترحين تلمين الامانه مال اسيا ركض وتجيني
واذا احد اجه بحجه المكينه ركض
دخلت للغرفه اركض بدون كرسي رفعت روحي
على اطراف اصابيعي سحبت الجنطه طلعت منها ملابس امجد الفوگ ورحت دفعت ميز المكينه شلت
القطعه المكسوره من الارض وسحبت الفلوس خليتهن
بالجنطه ماكفن رحت جبت جنطه ملابس اسيا خليت بقيه الفلوس بيها وسديت عليهن اجيت اطلع وسمعت ميثم دخل يحجي وياها تراجعت للخلف ودخلت الجنط بالكنتور كلشي يصير ركضت ع الميز رجعته
ميثم .. هلا ام فلاح ليش وين اهل البيت
وباقيه بالباب وحدج
كريمه.. هااي وهيج فتحت الباب سالتها على اسيا
كالت ماموجوده يابه وسن البنات كالت اشوف منو
موجود راحت وماردت.. شني وينهن؟
ميثم .. ليش مادريتي اسيا اطلگت شنو مااجتج؟
كريمه.. شوكت اطلگت ولاادري بس زين الله رحم بحالها بس شعجب مااجتني
وهج..خاله محد بس انا والبنات الصغار
كريمه.. دام ماتحظر بعد اهنا اخذ مكينتي انا اخيط
بيها امري لله خوش جانت شايله عني حمل
ميثم.. براحتج هيه بعد رجعه لهل البيت مالها
لو تجي تتوسل يلا طلعو المكينه الها
وهج
.. دخلت للغرفه بسرعه قبل للا يجون البقيه شلت
المكينه وطلعت بيها تقدمت على كريمه نكتتها من
ايدي خليتها على الارض وهيه حجت
كريمه.. شمالج يمه فاهيه وايدج عوجه عوفيها
لا تنكسر ايدج ودخلي اكو قطع قماش جبته الها
شوفي المخيطته والما مخيطته لمي كله وجيبي
واكو برده وفراشات هم لا تبقين شي
رجعت دخلت سحبت جنطه الفلوس ثكيله شلتها
بايديه ثنينهن وشلت جنطه الثانيه بجتفي طلعت
بس لمحت الجنطه الجبيره لفت وصله بايدهاخلتها
على راسها تاشرلي اخلي الجنطه عليها
كريمه .. حطي يمه
وهج... خاله اخافن ثكيله عليج
كريمه .. مالج غرض صدگ كبرنه بس بعده عظمنه متين يخاله
تحجي وياي بالي يم الجنطه شلون يربي شلون ماتطيح من راسها شافتني صافنه عليها سحبت
الجنطه الصغيره من ايدي وبهل اللحظه اجت
نسرين وفاتحه عيونها تقدمت علينه
كريمه.. يلا يمه شيلي المكينه وين اكدر بعد
جانت تريد تطلع دنكت على المكينه اشيلها
نسرين.. شني هااي المكينه شسوي اهنا الجنطه شنو
كريمه..يايمه دهر الواحد يسلم اضلين مشلوشه على امج والجنط برده واقماشات خياط شني جديده عليج
نسرين..ماكو هيج حجي تجي امي ياله
ماخذه المكينه ورايحه حطي جنطتج وانتظريها
حجت كريمه مخنزره وعلت صوتها
.. شني يمه بايكه لو شنو انتظر امج وراي شغل فوك راسي عود من توصل خلي تمرلي ماانتظر جنابها انا
طلع ميثم..شكو اصاير
نسرين..مكينه اسيا تريد تاخذها
ميثم..لا بويه منيلها هل الفكر مكينه ام فلاح
وجانت تشتغل بيها وهسه تريد تاخذها
صفنت على ميثم من حجه ورادت تدارك الموقف التفتت لام فلاح وحجت
نسرين.. اعذريني خاله ماعبالي الج اجيبلج ماي واجي
رادت تحجي وماخلتها دخلت جوا جابت ماي
وبيدها شالها والبشت وام فلاح على ساعه تنفجر
نسرين تقدمت وانطتها الماي لبست وحجت
نسرين.. دامها الج انا بنفسي اشيلها
شالتها وحجت
..خاله نزلي الجنطه من راسج خاف تعبتج
كريمه خزرتها التفتت تريد تطلع وكلامها موجهته
لميثم ..مع السلامه خويه ضلت عدكم العافيه
ميثم..الله وياج ام فلاح سلمينه على الولد
كريمه..يوصل خويه
مشيت كدامها لحكتني شايله المكينه وبالي يم وهج ابوها سد الباب ودخلت التفتت شايطه من حجت
نسرين .. على كيفج يخاله شني طايرين
بعدين الجنطه البيدج شنو
ماجاوبتها ودخلت للبيت ونزلت الشنطه اشرت لبنتي تلهي نسرين لما ادخل الفلوس لاسيا دخلت عليها
اسيا.. شني وهج وين مااجت
كريمه.. نسرين وكفت بطريقنه وهيه اجت اخذي
مني خلي اشحتها اجت لهنا اشمشم اخبار وعينها
على الجنطه صرعتني شنو بيهن ونزليهن
طلعت كريمه وبالي يم وهج شلون تطلع
اسمع كريمه تحجي ويه نسرين
كريمه.. جيبن ماي لنسرين تعبت
نسرين.. شني وين الخياط ارد اشوفه دخلتي بيه كبل
كريمه .. وين يخاله لحكت تكملها والضيم فوگ
راسها انا من اكملها اعلگها وتشوفينها انشاء الله
نسرين.. شني مامرت عليج ماحجت الج
..وين ياريتها تجي بالي عدها وين راحت
نسرين.. الله اعلم منو ملفيها وعدمن كاعده
كريمه.. اسيا مره معدله ما ينخاف عليها
نسرين
عرفت مااكدر احجي بالجنط راحن مني وكلبي يكلي الفلوس بيهن متاكده اخخ لو ما صاعده جان مافاتتني
بس شمدريني بيهن متربصات لطلعه امي عبالي فرصه
ورحت اتصل بصاخم يجي بليل ياخذ الفلوس ماردت
يبقن الجنط فوك واحد ياخذهن تالي ذني يغلبني..
طلعت منهن بسرعه ورجعت للبيت ماكدرت اعوف
وهج الله اعلم شتسوي اول مادخلت سالت عنها
البنات كالن بالحمام سحبت كرسي ونزلت الجنط
الفوك اضحك على روحي متاكده الفلوس طلعت
وهج
طلعت كريمه ونسرين مالكيت فرصه اطلع
وسن وبناتها بره اذا طلعت يشوفني من غير
ميثم بالبيت تاكدت البيت هدوء دخلت الحمام
دزيت رساله لكريمه
.. ماكدرت اطلع اذا لگيت فرصه ادزلج
رساله قبل نص ساعه من طلعتي
طلعت من الحمام واشوف نسرين بغرفه امجد منزله
الجنط الفوك وتفتح بيهن مالكت شي غير القماش رفعت عيونها وشافتني تقدمت سحبتي من ايدي دخلت بيه لغرفه امجد سدت الباب تتقدم عليه تريد تكتلني
نسرين.. الجنطه جان بيها فلوس صح
وهج بكل برود .. صح
.. وطلعتيهن ويه كريمه صح
.. صح
.. تدرين اذا كلت لميثم وامجد شيسون بيج
.. مم ادري
.. تصيرين حبابه وتنطيني من الفلوس المبقيتهن الج
او ترجعين الفلوس بأي طريقه لا اجيب لراسج بلاوي اكبر راس مايخلصج منها
.. كلش عادي اليطلع بيدج لا تقصرين
..استري على روحج وانطيني الفلوس لا ترحين برجلين
.. الفلوس ومن تعبنه تحسسيني بايكين المصرف
مالج ومال امج على طاري امج هيه تدري الجنط الفوك جانت بيهن فلوس ما گلتيلها عليهن وجنتي
ناويه تخليهن بينج وبين جسوم حبيب الگلب ؟؟
فتحت عيونها.. انتي شمدريج ومنين عرفتي بجاسم
.. مااتعلمتي من اسيا من دوم تردد يامأمنه لرجال يامامنه للماي بالغربال وسالفه منين دريتي خليها الي
.. اخر مرا اسال الفلوس وين وهاي الخرابيط عوفيها
.. تدرين كلش زين مو خرابيط التفكرن بي اعرفه
وبعدين سالفه الفلوس بححح انسيها محد كايلج
تضمين عن امج وتروح عليج صارلهن اسبوع فوگ
عضت على اصابيعها بقهر وصاحت.. اخخ
اردفت .. ولا احد كايلج تطفرين لسطح وتخلين
ملايين اضيع لو منزلتهن ومخليتهم يم وسن احسن
من ايدج لايد كريمه خلت ايدها على حلگها متفاجئه
..فقيره وسن ماتدري وراها حيه شنو جاي تلعب وانتِ هم فقيره وفطيره ماتدرين جاسم شنو اباله المهم هاي نصيحه الج لوجه الله جويسم مايفيدج انتِ وامج كلمن وراها واحد يضحك عليها ومنا ميثم هم كاسر خاطري اخوه شالع گلبه وتالي يطلعن نسوانه احم اله الله
.. ولج انت منيلج هل الحجي بيمن مسبعه
.. مسبعه بتربيتي وتعبي وسندي بعد الله على امي
ما بانيه أمالي يم رجال مثل جاسم صدك بلا عقل انتِ
باوعتلها وردت اطلع لزمتني واحس وجها انگلب لونه
.. ان ما ندمتج فلا اطلع نسرين
نترت ايدها
.. ما تنلام اسيا من خلتجن راس ينطح براس ومدوهنات وهيه كاعده تبني الها ولبنتها حياه احسن من الكاع الحفرتنها ادورن ورا الوادم ولحد اليوم مستصغراتها وعبالكم لازمه الشوارع دشوفن الحياه الراحتلها من الخياط والطبخ الجنتن تستهزئن بي مو من بوگ وسطح لو متعلگه بالزلم وتترجاهم ياخذونها
ردت اطلع رجعت عليها منبهه
.. شوفي ولج خاف ابالج تحجين لوسن شي
تلفون وعندي وجاي نتواصل انا واسيا ولو شلون اجت كريمه من فرغ البيت وصعدتي خوب ماشمت ايدها وكلشي مسجل بي ومو بس هيج ودزيته لامي تحفظه يمها يعني خاف انا اروح برجلين انتي ترحين للگبور وخلي ابالج احتمال حتى هاذ نقاشنه سجلته
..ولجن انتن شنو من داهيه الله ينتقم منجن
.. لا تخافين دعيتي او لا الله ينتقم من كل
واحد يظلم ويمشي بدرب عوج ومايخافه
اباوعلها كعدت وخلت ايدها على راسها مثل الطايحه بورطه تاكدت اهنا وسن ماتعرف بجاسم
رحت لغرفتنا وعفتها شويه ودخلن وسن وصابرين
نسرين طلعت من الغرفه للحمام غسلت وجها وطلعت
تقدمت عليهن يحجن على كيف بس اسمعهن
نسرين.. هاا يمه عرفتن وين كاعده
وسن .. ولج شنو وين كاعده غير مالها اثر مريت وسالت النسوان ماكو مختفيه الا منذر كال لمحتها
تمر لكريمه مرتين
.. اجت كريمه واخذت المكينه وسألتها گالت مامرت
.. اكيد اسيا الحيه دزتها ما تبقي شي الها يم احد
وبعدين انتِ شبيج وجهج مخطوف صاير شي
.. هاا لا مابيه بس كلت استفاد شي ونقلت المكينه
لبيت ام فلاح مالكيت شي رجعت وماادري شلون تعبت
.. جاا والعشه ماكملتي
.. مو كتلج تعبت هسه اكمله بسرعه
مرت فتره طلعت مريت للمطبخ اشرب ماي لمحتها تطبخ وبالها شارد لليل وره ماتعشينه وكملنه كاعدين ونسرين كل شوي تباوع عليه ومتوتره
ميثم .. شو اليوم من طلعت ماشفت اسيا
وهم امجد يكول فتريت عليها ماكو مختفيه
وسن.. شمدريك ماعدها احد منا منا اشو هيه
كضت عمرها دايحه
ميثم..لو رايحه بغير درب جان اطلگت من زمان
مو هسه ياله تطلع سنين تحملت امجد على شنو
سكتت وسن كملنه ولنص الليل وكلمن بغرفته نايم
صار هدوء كلت اتاكد محد حتى الم غراضي واطلع
بس ينامون الا نسرين لحد الان مااجت للغرفه مشيت للكعده محد بيها غرفه اسيا مفتوحه هم ملهم ماجاي اليوم وغرفه برهم كالعاده مسدود الباب وبنات نايمات وصلت للمطبخ اريد ادخل وسمعت حركه فوگ صعدت على كيف الباب مردود من الشباك رفعت راسي والكاها نسرين جاي تحجي التفتت واشوف بصفها جاسم ..
يـتبع...