الرقطاء وكراتها الثلاث 🐍
اللـدغه الثالثة والعشرين 🐍
بقلم كهرمانه
_________
ومن ثُم دَخلَتْ تحت أمواج بحر عَيناه
وَتلاقت نَظراتهُم سويًا
وَرأت داخلَ عَيناه
" بيتًا غارقًا لمْ تتمكن العَيش فيهِ".. 🐍
_ بقلم أُميم الجنابي
_________________
تفاعلكم اللطيف قبل القراءة🫶🏼
_________
هرم:- رفعت رأسي شفت بـَحـر دفعني وراح يركض لبيبي اللي اشتغل عدها لسان الدلاله تسب بينا أنـي وخواتي وامي وتتحسب علينا خليت ايدي فوگ شفتي
وباوعت لأيدي شفته دم گمت وگفت بـَحـر عاف بيبي بأيد رفيف وأم موسى وسحبني من ايدي اخذني لغرفة بيبي دفعني وسد الباب رفع اصبعه بوجهي وگال
-إنتِ شلوووون هيچ تدفعين أم ياسين لو صايــر شـيي بيها شيييخلصچ ياعاااق ، هاااااي شلاااااببببسسسسسسه
هرم:-إنت شعليك ؟
بـَحـر:-شِــنو شِــنو شعليييه تردين تغلطين ومحد يحاسبچ ، وشلوووون تسمحين لنفسچ تنزليييييين بهيچ لبسسس گدامهم استغفرالله ربِ
هرم:-لازمني من زندي بقوه ، انتبهت أكو مزهريه بصفي عافني وضل يفتر بالغرفه يتمتم بكلمات مامسموعه ويمسح وجهه بتوتر
شلت المزهريه وشمرتها عليه بَــس ماوگعت بيه جمد بمكانه مامستوعب اللي سَـويته ركضت ع الگلاص الگزاز وبصفه دولكه مي هَـم گزاز شلت الگلاص وشمرته عليه انضرب بيه وگع بالگاع وانكسر والدولكه هَـم شمرتها حچيت بنبره شبه صراخ
-شعلييييييييك بَــس فهمنيييييي لاتصدگ روحححك عود انتَ مسؤول علييييه تريـد تتحكم بيييه معليييك انتَ
لزمني من أكتافي وجهُه احمر من العصبيه وعيونه مابييهن ولا ذرة رحمة مليانات شرر
بعده ماحاچي انفتح الباب ودخلت رفيف هـيَ وديالا وكنان ،كنان سحبه وطلعه بره الغرفه وديالا حضنتني خايفه عبالها صــار بيه شـيي
صــار البيت هدوء وبس صوت بچي وجد مسموع طلعنا من الغرفه أنـي والبنات
دخلت للصاله شفت بيبي گاعده ويمها أم موسى تهدي بيها ووجد گاعده بالگاع تبچي ومنزله راسها
كنان ماخذ بحر وطالع وگفت گدام بيبي من شافتني لو بيدها تملخني
-ليششش هيچ تضربييييينهااااا لأن ماعدها أب وأم بضهرها هاااااااا ليششششش لأن ماعدها سند بهاي الدنيااااا
ديالا:-كافي هرم اروحلچ فدووه كافي
هرم:-انحنيت لمستوى وجد وحضنتها لو بيدي أضمها بروحي وماخلي أحد يجيسها
-شِــنو اللي سوته علمود هيچ تزوركينها مرمر بــاعي وجهها عود إحنا مأمنين اكو من يحمينا ردناچ عون طلعتي فرعون
وهذا بـَحـر الغبيي أنـي اعلمه اذا ماخلي يمشي ويتلفت خوف من عندي ماطلع أني هرررم والله لاخلي ينقلونه مستشفى امراض عقليه
الجحش ضربني وخله خشمي يذب دم ، مرمر هسه تخابرينه تگُليله يفصخ الخطوبه
ماريده يرفع ايده عليه عباله تايهتله إله اربيه من جديد واحد صايع ماعنده تربيه إبن ام الزلم جاي يحچي على بابا وهيَ أمه اكبر كـ**** مرمر ساتره عليه چانت
أم ياسين :-ولچ كاااافييي بسسسچ كافي تتجاوزين وتغلطين كفي لسانچ شوويييه فصخ ماكـوو تحلمين تنفصليين عن بـَحـرررر
مو زين منه ملفيچ وآلا إنتِ منو يگلبچ چنچ ولد والنهار كله دايحه بالشوارع شما يسوي قليل بحقچ يـله امشي ولي من وجهي وأني اكول لبحر يعجل بالزواج اليوم قبل باچر وخلال هــاي الايام
هرم:-نشوف منو راح يتزوج بله اشرد وماتزوجه واخلي سيرتكم على كل لسان
أم ياسين :-وخروا هرررم من گدامي راح أگوم اخنگها واموووتهاااا
رفيف:-هرم بسچ روحي اصعدي لغرفتچ بليز
هرم:-صاعده صاعده بَــس انتوا مو أهل اعدااااااء
أم ياسين:-امشي ولي لاا بارك الله بيچن ولا بأمچن الخلفت هيچ بــَنات ماضيات
ديالا:-أخذت وجد وصعدتها للغرفه مالتنا ، من دخلت هرم هـيَ وبـَحـر لغرفة بيبي كنان راح يتوسل بـ بيبي ويحچي بغصه
وزوجته تباوع عليه گاللها لاتحرميني منها شتردين انطيچ عماره والمذاخر وبانزين خانه بَــس في سبيل توافقين على زواجنا أنـي ووجد
بيبي خنست من گاللها هيچ وگلت أفكر ، طبعًا مرام زوجة كنان گايله لبيبي كلشي وعود هـيَ زينه وحبابه وتريد تقنع بيبي عالموافقه وبيبي من عرفت گلبت الدنيا
ماقتنعت بسهوله بَــس بيبي تفقد گدام الفلوس وتقتنع بسهوله اذا صارت الشغله بيها فلوس
.
.
هرم:-صعدت لغرفتي شايطه لزمت تليفوني هذا الصار كله لأن مسك ماتدري لازم ماچذب عليها أبد إتصلت بيها وره شويه رَدت
مسك:-َهَـلـوو هرم
هرم:-هــا مسك شعندچ
مسك:-ماعندي شـيي جاي احضر جنطتي راح انتقل
هرم:-وين؟
مسك:-اگعد يم أهل معاذ
هرم:-صدددك شوووكت
مسك:-باچر الصبح أجي
هرم:-مسك أني ضامه عليچ شـيي ولو تدرين الصار يفور دمچ
مسك:-شصايـر ؟
هرم:-بـَحـر
مسك:-مجبوره عليه مبين بَــس لــيش وافقتي وليش چذبتي عليه
هرم:-حچيتلها كلشيي صايــر وحتى اللي صــار اليوم هَـم حچيته إلها ماچنت متوقعه ردة فعلها رَدت بكل هدوء
-وهذا بـَحـر شعنده ويانه وليش يكره أبوي وامي لحضه أكو شـيي مافاهمته وعلى سالفة وجد أنـي باچر أجي
هرم:-هــا هــوَ بـَحـر چان عايش باليوسفيه ترى بيت اهله هناك چان ومرمر تعرفه
مسك:-بـَحـر منووو وليش يكرهنااا اذا هــوَ مديون لبيبي ع المعروف اللي سوته اله المفروض هسه يريد خاطرنا
هرم:-ماعرف مدوختني هــاي الشغله لــيش يدور وراي وليش ميريدلب الخير رغم أنـي إعتذرت من سالفة المسدس ومشت الأمور طبيعيه
مسك:-معقوله بابا چانت عنده علاقه
هرم:-ماعرف
مسك:-دقيقه هسه وارجعلچ
هرم:-شتسوين ؟
مسك:-شويه واجي سديت الخط منها وطلعت رقم خالو محمد واتصلت بيها ورى شويه إجاني صوته
-هلا مسك
مسك:-هــا خالو شلونك ان شاء الله بخير
محمد:-الحمدلله اسأل عليچ وين مختفيه
مسك:-تعرف زواج ومسؤوليات
محمد:-صرتي چبيره وام بيت هههههه
مسك:-اي هــاي سنة الحياة ، أگُلك خالوا
محمد:-هــا گولي
مسك:-بـَحـر خطيب هرم مو چان گاعد باليوسفيه ؟
محمد:-أي چان بيتهم يمنه
مسك:-زين هــوَ بـَحـر چان عنده علاقه ببيت أهل بابا يعرفهم شِــنو الربط بيناتهم
محمد:-لاا ماعدهم شـيي سوه بَــس قبل أُمه لـ بـَحـر رجعت من أمريكا وعدها بنيه صغيره وگعدوا يم بيت عمچ حمد مره رحتلهم
الوكيل گلي بلغهم جايه الحصه ومن رحت لبيت عمچ جاي ابلغه طلعتلي البنيه فتحتلي الباب بعديـن عمچ گعد يبررلي هذوله منين وليش هنا
واني بقيت صافن لــيش يبررلي واني شعليه بيه وهو هَـم سكت
من شافني مدايرله بال لأن گام ميجمع بالحچي ، بَــس لــيش صايــر شـيي ؟
مسك:-لاا ماصاير شـيي بَــس عبالي گرايبنا من بعيد تگدر تسأل عمي حمد ، ام بـَحـر شِــنو تعودله وشنو أسمها
محمد:-بَــس هسه أم بـَحـر ماموجوده
مسك:-لعد وين ؟
محمد:-امه رجعت لأمريكا حسب كلام امي تگول اهلها متبرين منها يَـعنـي ماعدها مكان تروحله وهاي السالفه قديييمه
مسك:-هاا اي خوش بَــس أسأل عيب نريد نعزمها عالحنه والعرس عيب وهم منها نصالحها ويه بـَحـر علمود تصير الفرحه فرحتين
محمد:-بَــس اشوف حمد افتح وياه الموضوع تدللين وباچر اردلچ خبر
مسك:-شكرًا حمودي اعرف بيك كفووو سديت الخط من عنده ورجعت اتصلت على هرم
هرم:-هــا شسويتي ؟
مسك:-حچيتلها المعلومات الحصلتهن من خالي محمد
هرم:-تتوقعين عمي حمد عنده علاقه بأم بـَحـر ؟
مسك:-لاا ما أعتقد ماطول بـَحـر يحچي بَــس على بابا وماجاب طاري حمد معناها مو يمه السالفه ، إلا إذا
هرم:-قاطعتها واني منفعله
- مسك ماريييده شلووون ماريـد اتزووج احسني مو گد المسؤوليه ماحبه خلصيني
مسك:-اسكتي صوتچ ، باچر الضهر تعاليلي لو أنـي اجيچ
هرم:-تَـمام وتساعديني
مسك:-اي لعد أنـي إلمن عايشه
هرم:-الله يخليچ النا
.
.
مسك:-گاعده وبيدي قلم واشخبط عالحايط وهو گاعد مقابيلي
-شــكوو
معاذ:-راح اطلگ هدير
مسك:-أي ، ورجعت أكمل شخبطه هــوَ تنرفز كُـلش وصاح
-من أحچييي وياااااچ ديري وجهچ علييه
مسك:-سحبني من شعري وگعدي بصفه
-هاااا شتريد وخرررر
معاذ:-گووومي لــيش دتشخبطين عالحايط مسك أنتِ منتبهه على روحچ ترى تصرفاتچ موو طبيعيه
مسك:-وخر خصلات شعري اللي على وجهي
-أگلك أنتَ شعندك هنا اليوم
معاذ:-وضعچ مايطمن ريم گالتلي تعيطين يوميه بالليل والمغرب متقبلين تدخلين للبيت احچي لــيش هيچ دتسوين بيچ شـيي ؟؟
مسك:-وأنتَ هامك وضعي يَـعنـي عايفني هنا وحدي بين اربع حيطان شـلون تريدني أكون صاحيه ووضعي يعجبك
معاذ:-أوديچ لبيت جدي أحسسن حل اي اي حضري غراضچ أنتِ وريم باچر أوديچ هنااك
مسك:-گمت من مكاني ورحت للحمام غسلت وجهي وابتسمت بمكر هــوَ هذا اللي أريده أدخل بيناتهم ههههه غبي غبي معاااذ إستغليت خوفه عليه
واكتشفت إنُ معاذ يحبني ويخاف عليه وصرت اسوي تصرفات علمود يحس هــوَ مراقب البيت بالكاميرات ومخلي ريم هَـم تراقب تصرفاتي فـ حــبيت العب عليهم واخلي ريم توصله تصرفاتي
وهو يجي قلقان عليه كُـلش وخايف لاا يصير بيه شـيي وأني صراحة أستغرب من اشوف شخص حنين عليه ويخاف معقوله أكو هيچ حنيه بالبشر لأن ماشفته لاا بطفولتي ولا بمراهقتي ومن أقرب بشر
منعرف شِــنو العاب اطفال ولا أتذكر لاا أني ولا خواتي امتلكنا لعبه كبرنا عالحقد والتلاعب بعقول البشر والتصرفات السمانيه ماتذكر نذب روحنا وين مانشوف خطر لعبتنا بالأسلحه والسچاچين
كملت لم ملابسي دخلت سبحت عالسريع وطلعت لابسه روب الحمام لگيته مطلعلي ثوب أبيض وبيه فراشات وهو داير وجهه يحچي بالتليفون
بدلت فتحت شعري وبدلت ملابسي نشفت شعري بالشسوار وسويته ذيل حطيت مكياج لوجهي ورتبت روحي وباوعت نظرات أخيره ، وريم تنزل بالجنط مالاتي
اجه معاذ مبدل وكاشخ وبيده سبحه يفر بيها وگف گدامي وگال بتحذير
-مسك
مسك:-همم
معاذ:-مسك انتِ شـلون راح تتوالمين ويه امي
مسك:-شعندي وياها ،
معاذ:-ولبسچ خليه مستور وعريض لأن بيت جدي بيه ولد عمي شباب ويعني تعرفين
مسك:- هزيت راسي وماجاوبته بعد هــوَ أحسه إستغرب منتضرني اجاوبه بَــس سكتت لزمت إيده وطلعنا من البيت واني أتنفس بإرتياح رغم الدنيا المعفوسه يم اهلي بَــس أكو شـيي يفرح وإيجابي إنو خطتنا جاي تمشي عدل گعدنا بالسياره وويانه ريم باوعتله وگلتله
-اريد سياره
معاذ:-شتسوين بيها ووين طالعه شو إنتِ بَــس بالبيت
مسك:-لاا تفيدني
معاذ:-ولازم أعلمچ سياقه
مسك:-ومنو گلك أني ماعرف أسوق
معاذ:-هااا يَـعنـي تعرفين
مسك:-اي جدو علمني مو بس أنـي لاا أني وخواتي وهسه سواقات متمكنات بالسواقه
معاذ:-يوميه جاي اكتشف شـيي حــِلوو بيچ
مسك:-شِــنو اول صفه
معاذ:-أفعى
مسك:-إلي الفخر
معاذ:-أحلى رگطه ، يـله وصلنا
مسك:-شبسرعه
معاذ:-ترى نفس المنطقه گاعدين
مسك:-اي نسيت نزلنا وأستقبلنا كنان مبدل وكاشخ إبتسم بوجهي إبتسامه باهته وسلم عليه يريد يخفي الحزن بغلاف الأبتسامه خطـيـه هذا شمسويه بيه وجد مغيرته ، معاذ سلم على أبوه ببرود إنتبهت علاقته بارده بأبوه
دخلت للبيت الوجوه ماتتفسر منا أم معاذ ضايجه والحجيه تباوع عليها وتخوزر استقبلتني وتهلي بيه واني رحت سلمت عليها وبستها
گعدنا نسولف باوعت على أم معاذ وگلت بحجة الشقه
-خاله لــيش ضايجه خاف بسبب جيتنا
الحجيه:-شحدها تضوج منچ البيت بيتي مالها كلمه هـيَ
مرام:-لاا حجيه ماضايجه شعندي قابل مگعدتهم فوگ رأسي
مسك:-معاذ سمع كلامنا واگف بالباب ويأشرلي أسكت صااار عصبي وگام يزفر بغضب وساد معصم ايده
معاذ:-مسك تعالي ورايه أريدچ شويه
مسك:-اي حبيبي جايه ، حبتك جهنم رحت وراه أخذني للمطبخ البارد صايــر بره ، باوعلي وگال
-ناااويه تجلطيييني مسسك هاااا أنـي وصيتچ لو لااا هــاي بعدنا بسم الله هستوني جبتچ وگمتي تنكثين سم على أمـي ترى والله أرجعج للبيت
مسك:-ماسوي شـيي بعد وعدد بسته بخده عالسريع واني قرفانه من عنده عافني وطلع وأني رحت لسلمى توديني للغرفه مالتي أني ومعاذ
ماگالت لاا اجت وصعدت للطابق الثاني اخذتني للغرفه مالتي دخلت وسديت الباب ورايه الجنط وغراضي كلهن موجودات
بديت ارتب بيهن لحد ماخلصت واني كُـلش تعبانه ، بدلت ولبست شـيي مريح مال نوم تمددت ونمت لثاني يوم
گعدت غسلت ونزلت تريگت يم الحجيه وگلتلها راح اروح لأهلي ووافقت
رحت لأهلي لگيت بيبي هـيَ وأم موسى ورفيف وديالا گاعدات سلمت عليهن وگعدنا وياهن وبيبي تسولف بموضوع وجد وتشكيلي من هرم هدأتها بكم كلمه تطيب خاطرها
وهرم تباوعلي بطرف عينها گاعده يم باب المطبخ المفتوح عالگراج
مسك:-وسالفة هرم ترى هـيَ مامقتنعه بـ بـَحـر
أم ياسين:-هــاي أختچ هَـم بطرانه وين تلگه مثل بـَحـر وضيفه وفلوس وبيت وسياره وجمال والأهم متدين يصلي ويخاف الله
هرم:-چا ماتاخذينه أنتِ وتخلصينا من عنده إذا هيچ حاطه عينچ عليه ضحكت وحچت بمياااعه
أم ياسين:-شفايتلي
ديالا:-بيبي وهرم ضلن وحده تذب كلمه للثانيه واحنا متنا ضحك عليهن ورى شويه گالت مسك بشك
مسك:-بيبي همه اهل معاذ يدرون
أم ياسين:-لاا مايدرون اله يحصل الأوكي من عدنا يـله يگوللهم حتى يخطبون ويعرسون بدون حفله وهوسه عقد وياخذها ويروح يسافر
ديالا:-يَـعنـي قبلتي
أم ياسين:-اي قبلت بَــس بشروط
هرم:- مرمر خلي من ضمن الشروط المذاخر مال الادويه هَـم ونص املاكه لكنان تصير بأسم اختي
أم ياسين:-هيچ يشرد
هرم:-لاا لاا هــوَ ميت عليها ماشفتي شـلون مفرفح عليها ويگول لو تطلب روحي انطيها بَــس احنا منريد روحه نريد فلوسه
أم ياسين:-لاا هـسه يگول هذوله طماعين
هرم:-خاب لاااا شـلون نظمن حقها ومرته وكحه
أم ياسين:-خلي يجون والله كريم
مسك:-رجعت من بيت اهلي وشفت الحجيه گاعد وكنان گدامها وزوجته وبناته
دخلت للمطبخ اشرب مي وسمعته فتح الموضوع ويه امه وگاللها أريد اتزوج وامه فرحت وزوجته گالتلها
-عمه تقبلينها صغيره أصغر من بناته
الحجيه:-الشرع حلل اربعه اقبلي وأكيد ابني ماراح يقصر وياچ
مرام:-شناقصنيي ويلگاه بغيييرييي عمممه
الحجيه:-انچبي ولاتضلين گالبه خلقتچ علينا لاكسر عصاتي عليچ
مسك:-گامت تهلهل الحجيه من الفرح طلعت من المطبخ ورحت گعدت يمها وهيه فرحانه وكلساع تبوسني واني اتخبل من واحد يبوسني ويلح واللي عجبني إنُ بــَنات كنان ماهتمن وعدهن عادي ابوهن يتزوج ماطلعت منهن كلمه
.
.
هرم:-العصر اندگ الباب فتحته ام موسى دخل كنان وأخوه عابد وغسان والحجيه رحبنا بيهم دخلوا للأستقبال بيبي راحت گعدت يمهم وضلت تسولف وياهم
وأم موسى حضرت الضيافه وراحت ضيفتهم گعدنا قريب عالأستقبال أنـي ورفيف وديالا نسمع وجد چانت بغرفتها مانزلت أصلًا
فتحت الموضوع الحجيه ويه بيبي وجابت حديث نبوي وبعدها طلبوا رآي بيبي وگالتلهم إحنا موافقين هلهلت الحجيه ورى شويه رادو يطلعون گمنا من مكاننا وگعدنا بالصاله طبيعي
ابتسامة كنان شاگه حلگه طلعوا الحجيه وولدها بَــس كنان گال لبيبي شروطچ شِــنو هـيَ اعتبريها متنفذه وخابريني وكليلي شِــنو اللي تردينه
أم ياسين :-إن شاء الله
هرم:-نزلت وجد تفرك بعينها گعدت يمنه تباوع بـ لاا مبالاة واني صفگت بحماس گلتلهن امشن بغرفتي صعدت وهنه وراي
طلعت حلويات وجكاير شمرتهن بالگاع مال الغرفه وسديت الباب وقفلته علمود محد يصعد يمنه عوزنا بَــس مسك وتكمل
صفگنا ورگصنا ووجد احسها تماشت واندمجت ويه الوضع
دگ تليفوني مقاطع لحضتي السعيده باوعت عالشاشه شفت إسمه گلبت عيوني بملل ورديت
-خير شعندك متصل ؟
بـَحـر:-ولچ غضب إحچي عددل
هرم:-شتريد
بـَحـر:-حضري روحچ هــاي الأيام نتزوج
هرم:-لاا ميناسبني
بـَحـر:-هــوَ شنواللي مايناسبچ حذاء ومگدرتها لو ملابس
هرم:-ماريـد نتزوج بهالسرعه
بـَحـر:-هذا العندي
هرم:-مووو على كيفك لو تبقى أخر رجال على وجه الكره الارضيه هَـم ماتزوجك
بـَحـر:-لــيش تخليني أطلع عضمچ من حلگج ولچ هررررم ، شِــنو هــوَ بكيفچ وتگولين ماردين
تدرين أكدر بهاي اللحضة اشمرچ بالسجن سلاسل الجمال سمعي كلمتي صيري عاقله وحضري روحچ لاتشلعين گلبي
هرم:-اكررهككك ، تفلت عالتليفون وسديت الخط بوجهه گلب مودي وفرحتي بدقايق
ديالا:-اهدي مسك تحلها
هرم:-مانگدرله هذا چنه ضبععع
ديالا:-خليله سم مال فار وسممي
هرم:-مابيچن فايده بَــس تعلفن ،وصلتني رساله من عنده مضمونها !
-ذبي الجگاره من حلگچ
هرم:-قفلت تليفوني هذا شـلون يعرف بيه معقوله مراقب حتى غرفتييي شمرت روحي عالفراش ماريـد اتورط مارييد اتزوووج بعدنيييي ماريـد بهاي الطريقه
بچيت من كل اعماقي خواتي طلعن من الغرفه مالتي بقيت وحدي أبچي صارت الدنيا ليل والساعه ١٢ الصبح
گمت غسلت وجهي وبدلت ملابسي الولاديه وشفقه ونزلت جوه طلعت من البيت افتر بالشوارع وأبچي بحرگه
تعبــت من البچي والجو كُـلش بارد گعدت عالرصيف الدنيا بدت تمطر تذكرت امي من مره طردتني بره لأن اخاف من المطر والمي طردتني
وأغمى عليه بسبب الخوف رجعتلي نفس الخوفه جمدت مكاني واني احس بقطرات المطر تنزل على وجهي صدري صــار يصعد وينزل ونبضي سريع
أتخيل أمـي بالضلمه وحتى من اغمض عيوني اشوفها كرهتها زياده شوفت شخص نزل من سيارته وينقدم بأتجاهي ماگدرت ارفع رأسي شفت بس حذائه بعدها أغمى عليه وماحسيت على شـيي ..
يتبع