သွေး ရဲ့ ရင်ခွင်ထဲ မှေးစက်နေရင်း က နေ
" သွေး " သဇင် က ခေါ်လိုက်တော့
" ဗျာ.... မ "
" မ ကို ဘာလို့ ချစ်တာလဲဟင် အဲ့တာလေးတော့ မ သိချင်တယ်"
" သွေး လဲ မသိဘူး အရင်က သွေးခြေထောက်ကိုတက်နင်းလို့ အမြင်မကြည်ခဲ့ဘူးဆိုတာ မှန်တယ် အမှန်တိုင်းပြောရရင် သွေးဘက်က ရင့်ရင့်သီးသီးတွေပြောနေတာတောင် မ က တစ်ချက်လေး မျက်နှာမပျက်ပဲ သွေး ကို ဂရုစိုက်ပေးခဲ့တာကြောင့်ဖြစ်မယ်"
" မ က သွေးကိုဘာတွေ များ ဂရုစိုက်မိလို့လဲ "
" သွေး အပြင်မှာ ဆေးလိပ်သောက်နေတဲ့ ညကလေ မ ရဲ့ အင်္ကျီလေး လာခြုံပေးတာ မှတ်မိသေးလား" သဇင်လဲ ပြုံးလိုက်ပြီး
" မှတ်မိတာပေါ့ အဲ့ အင်္ကျီလေး က မ အနှစ်သက်ဆုံး အင်္ကျီလေးလေ"
" အဲ့ညက ဆို မ က ဖက်ထားပေးသလိုပဲ တကယ်ကိုနွေးနေတာ"
" အမယ် စကားတွေ တက်နေတာ "
" ချစ်တက်သွားလို့နဲ့ တူပါတယ် " သွေး က ရယ်ကျဲကျဲနှင့်ပြောလာတော့ သဇင် လဲ မော့ကြည့်လိုက်ရင်း အသည်းယားလာကာ
သွေး ရဲ့ မေးဖျားလေးကို နမ်းလိုက်မိတယ်
" ဟာ....မ " သွေး က ဝမ်းသာအားရ ထ ခေါ်တော့
သဇင် လဲ ရှက်ပြီး ခေါင်းပြန်ငုံလိုက်တယ်
" မ ရယ် ခေါင်းလေးမော့ပါဦး မျက်နှာလေး မြင်ချင်လို့"
" တော်ပြီကွာ အပြင်သွားရအောင် ဗိုက်ဆာနေပြီ မီးကလဲလာဦးမှာ မဟုတ်ဘူး တစ်ခုခု သွားဝယ်ရအောင် " သဇင် တမင် ရှောင်ထွက်လိုက်တာ ဖြစ်သည်။ နှစ်ယောက်သားရင်ခုန်သံတွေ မြန်နေတော့ တစ်ခုခုထပ်ဖြစ်လာနိုင်တာကို တွေးမိသွားလို့လေ
" မ က သွေး ရှိနေတာကို ဗိုက်ဆာနေသေးတယ်ပေါ့ "
" သွေးရယ်ကွာ မဆိုးနဲ့ မနက်ထဲက ဘာမှမစားရသေးတာ မ ဆေးသောက်ဖို့လဲ ရှိတယ်လေ "
" ဟုတ်ပါပြီဗျာ လာ သွားရအောင် " သွေး က သဇင့်လက်လေးကို ဆွဲ ပြီး သဇင့်ရဲ့ဖုန်းနဲ့ သူ့ဖုန်းကို နှစ်လုံးထပ်ကိုင်ပြီး ထွက်လာလိုက်တယ်
ကားလမ်းပေါ်ရောက်တော့
" မ "
" သွေး ရဲ့ လက်ကို ဘယ်တော့မှ မဖြုတ်ဘူးမို့လားဟင်"
" မ သွေးကို ချစ်ပါတယ် ဒါပေမယ့်......."
" ဒါပေမယ့် ဘာဖြစ်လဲ ပြောလေ မ"
" မ ရဲ့ ကိုလေး က လက်ခံမှာ မဟုတ်ဘူး သွေးရယ်"
သွေး လဲ မျက်နှာပျက်သွားပြီး
" မ က သွေး အတူ ရင်ဆိုင်ရဲတဲ့ သတ္တိ မရှိဘူးလားဟင်"
" ကဲပါ သွေး ရယ် မ တို့ အခု တစ်ခုခု စားရအောင်နော် "
"ဟုတ် " သွေး လဲ ဘာမှ ဆက်မပြောတော့ပဲ မ ရဲ့ လက်လေးကို ကိုင်ပြီး ထမင်းဆိုင် ဘက် ထွက်လာလိုက်တယ်
" သမီး သွေးဟေမာန် "
ဒီအသံ ကို သွေး သိတယ် သွေးရဲ့ ဖခင် ဆိုတာကို
" ဘာကိစ္စ ရှိလို့ ကျုပ်ကို ခေါ်တာလဲ "
ဖေဖေ က သွေး ဆုပ်ကိုင်ထားတဲ့ မ ရဲ့ လက်ကိုသာ ကြည့်နေရင်း
" သူ....က "
" ဒါ ကျုပ် ချစ်သူ ကျုပ် တစ်ဘဝ လုံးအတွက် ရည်ရွယ်ထားတဲ့ ကျုပ် ချစ်သူ ဘာဖြစ်လို့လဲ " သွေး ရဲ့ ပုံစံကို ကြည့်ပြီး သွေးရဲ့ ဖခင်ဖြစ်နိုင်တာကို သဇင် ရိပ်မိလိုက်တယ်
သဇင် လဲ သွေး ရဲ့ လက်ကို ဖြုတ်ချ ဖို့ ကြိုးစားပေမယ့် သွေး က လွှတ်မပေး
" သမီး ဘယ်အချိန်မှ မိန်းကလေး ပီသ မှာ သမီးက မိန်းကလေးဆိုတာကို မမေ့နဲ့ "
" ဒါ ကျုပ် ကိစ္စ ပါ ဘာဆိုင်လို့ လာရှုပ်နေတာလဲ ကျုပ်ကိစ္စ တွေ ကိုရော ဝင်ပြောပိုင်ခွင့် ရှိလို့လား " သွေး ရဲ့ ဖခင် က သွေးကို ပြောမရတော့ သဇင့် ဘက် လှည့်လာပြီး
" မင်း က ရော မိန်းကလေးချင်ကြိုက်တာကို ဘာတွေ ဂုဏ်ယူနေတာ လဲ မရှက်တက်ဘူးလား"
" ရှင်" မထင်မှတ်ထားတဲ့ စကားကြောင့် သဇင် အတော်လေးကို ရှက်သွားတယ် ဘေး က ဖြတ်သွားနေတဲ့ လူတွေက လဲ ကွက်ကြည့်ကွက်ကြည့်နဲ့
" ဒီမှာ ဦးဟံသာ ခင်ဗျား ကျုပ်ချစ်သူကို ဘာမှ ပြောစရာမလိုဘူး ကျုပ်တောင် အဲ့ပုံစံနဲ့ မပြောနဲ့ လေသံမာမာတောင် မပြောရက်ဘူး ခင်ဗျား မှာ ဘာမှ ပြောခွင့် မရှိဘူး နောက်တစ်ခါ ဆို ကျုပ် အဆိုးမဆိုးနဲ့ ကျုပ် နဲ့ ဝေးဝေးမှာနေပါ "
" သွေးဟေမာန်... နင်....နင် ငါ့ နင့်အဖေ ဆိုတာ သတိယဦး"
" အိမ်ထောင်ရေးသစ္စာ မရှိတဲ့ မကောင်းတဲ့လူကို ကျုပ် အဖေ အဖြစ် တစ်သက်လုံး မသတ်မှတ်ဘူး....." ပြောပြီးတာနဲ့ သွေး က
" လာ မ သွားရအောင် " သဇင့် လက်ကို ဆွဲပြီး ထွက်လာလိုက်တယ် ဦးဟံသာ တစ်ယောက်ဘယ်လိုကျန်ခဲ့မလဲဆိုတာလဲ သွေး သိတယ်
ဒီလို ထမင်း နဲ့ ဟင်း ဝယ်ပြီး အဆောင်ကို ရောက်တဲအထိ မ က သွေး ကို ဘာတစ်ခွန်း မှ မပြော
" မ " သွေး ခေါ်ပေမယ့် မထူး
" မ " လက်မောင်းလေးကို လှုပ်ပြီးခေါ်လိုက်မှ
" ဟင့်......" သဇင် က ငိုချလိုက်တော့တယ် သွေး လဲ မ ရဲ့ ခန္ဓာကိုယ်လေးကို ဆွဲဖက်လိုက်ပြီး
" သွေး တောင်းပန်ပါတယ် မ ရယ် သွေးကြောင့် မ အပြောခံရတာ ရုတ်တရတ်ဆိုတော့ သွေး မကာကွယ်လိုက်နိုင်ဘူး မ ရယ် "
" ........."
" မ သွေးကို စကားမပြောပဲတော့ မနေပါနဲ့ဗျာ မ စိတ်ထဲ ရှိသလို သွေးကို အပြစ်ပေးပါနော်" သွေး လဲ မ လက်ဖဝါးလေးကို ယူပြီး
ပါးပြင်ပေါ် တင်ပေလိုက်တယ်
သဇင် လဲ သွေးရဲ့ပါးလေးကို လက်နဲ့ ပွတ်လိုက်ပြီး
" ရပါတယ် သွေး ရယ် သွေး အပြစ်မှ မဟုတ်တာ သွေးကို ချစ်မိပြီ ဆိုမှတော့ ပတ်ဝန်းကျင် ရဲ့ ရိုက်ခတ်မှုတွေကို မ ကြိုပြီးတွက်ထားပြီးသားပါ အခုကလဲ ရုတ်တရတ်ဆိုတော့ မ အရမ်းရှက်သွားလို့ပါ"
" တောင်းပန်ပါတယ် မ ရယ် "
ပြောရင်း လွှတ်ထွက်သွားမှာ စိုးသည့်အလား သွေး မ ကို တင်းကြပ်စွာဖက်ထားမိတယ်
အချိန်အတော်ကြာသွားသည်ထင်ပါရဲ့
" သွေး မ ကို လွှတ်ပေးဦး မ အသက်ရှုကြပ်နေပြီ " မ ရဲ့ အသံလေးကြားတော့ သွေး လဲ ဖက်ထားတာကို လွှတ်ပေးလိုက်တယ်
" ထမင်းစားရအောင်လေ သွေး "
" မခွံ့ကျွေးလေ သွေး လက်က မမြှောက်နိုင်ဘူး" သွေး က သူရဲ့လက်လေးကို ထိုးပြ ပြီး သဇင့်ကို ချွဲလာတယ်
" လုပ်ပြီ " သဇင် က မျက်စောင်းထိုးပြီးပြောလိုက်တော့
" ဘာလဲ မ က မကျွေးချင်ဘူးလား"
" မဟုတ်ပါဘူးကွာ "
" အဲ့တာဆို ခွံ့ပါနော် မ "
" ဟုတ်ပါပြီ ကလေးရယ် " သဇင် လဲ ဒီကလေးရှေ့မှာ အကြိမ်ကြိမ်ကို ဒူးထောက်မိလျက်သား ကျရှုံးနေရတယ်
လူကြားထဲမှာ ရစရာမရှိအောင် အပြောခံခဲ့ရတာတောင် သွေး ကို စိတ်မနာနိုင်(အချစ်ရဲ့တန်ခိုးက တယ်လဲ ကြီးမားလှတာကို)
နှစ်ယောက်သား ထမင်းစားပြီးတော့ စကားတွေပြောကြရင်း ညနေ စောင်းမှန်းမသိစောင်းသွားတယ်
တစ်နေကုန်လဲ သွေး က သဇင့်ပါးလေးကိုနမ်းလိုက် သဇင်က လဲ သွေးရဲ့ မေးဖျားလေးကို ပြန်နမ်းလိုက်နဲ့ ထိန်းသိမ်းမှု ရပ်ဝန်းတစ်စုံမှာ အချိန်တွေ ကုန်မှန်းမသိကုန်ခဲ့ရတယ်
" ေဒါက် .....ဒေါက်" တံခါးခေါက်သံကြားတော့ မယုမှန်း သိလိုက်တာမို့ နှစ်ယောက်သား လူချင်းခွာလိုက်ပြီး သွေး က တံခါးကို ထ ဖွင့်ပေးလိုက်တယ်
" မယု လာလေ "
" အမယ် ထူးထူးဆန်းဆန်းပါရော သွေးက အိမ်ကပ်နေလို့ "
" ဟာ...မယု က လဲ " သွေး က ပြောရင်း ဂုတ်လေးသပ်လိုက်တယ်
" ဟင် ဒါနဲ့ သွေး လက်က ယောင်ကိုင်းနေပါရော မယု ကို ပြစမ်း အတော်လေးဆိုးနေလား မနေ့က မယုတွေ့တာ ဒီလောက်မဆိုးပါဘူး" မယု အပြောကြောင့် နှစ်ယောက်သားမျက်လုံးချင် စုံသွားတယ်
" သွေးအေးသွားတော့ ယောင်လာတာနေမှာ ဒါ နဲ့ မယု ဘာပြောစရာ ရှိလို့လဲဟင် " သွေး က မေးလိုက်တာဖြစ်သည်
" သဇင် နေမကောင်းဘူးဆိုလို့လာကြည့်တာ မနက် အလုပ်လိုက်လျောက်နိုင်မှာလားမေးရင်းနဲ့ပေါ့"
" မယု က သွေး ကို တမင်ပြောလိုက်ခြင်းဖြစ်သည်" သွေး က မျက်နှာပျက်သွားပေမယ့် ဘာမှ မပြောပဲ သဇင့် မျက်နှာကိုသားငေးကြည့်နေတယ်
" မယု ရယ် သဇင် ပြောပြီးပြီလေ "
" ပြောပြီးတာက ဟုတ်တယ်လေ သဇင်ရယ် ရေရှည်ကျတော့ မယု ကိုလင်းကို ဘယ်လို ပြောရမလဲ "
သဇင် က လဲ သွေးကိုလှမ်းကြည့်လာတယ် ဘယ်လိုလုပ်ရမလဲလို့ မေးနေသယောင်ယောင်ပင်
" မယု သွေး မ ကိုချစ်တယ် အာ့ကြောင့် မ ပင်ပန်းတာကို မလိုလာဘူး "
" မဟုတ်သေးဘူးလေ သွေး ရယ် သဇင်က အလုပ်လုပ်ဖို့ လာတာ လေ မယု အနေနဲ့ကရော ကိုလင်းကို ဘယ်လို ပြောရမလဲ"
" အလုပ်ရလို့ဆင်းနေပြီလို့ ပြောလိုက်တော့ "
" သွေး ပြောတော့ လွယ်တယ်လေ ကွယ် သဇင့် အိမ်က လစာတွေဘာတွေတောင်းရင်ရော ဘယ်လိုလုပ်မလဲ "
" ရတယ် မယု... သွေး .... မ အတွက် အကုန်တာဝန်ယူတယ် မ သာ သွေးဘေးနားမှာနေဖို့ပဲ လိုတာ "
" ဟူး....ညည်းတို့နှစ်ယောက်အတွက် ရင်မောတယ်အေ
ကိုလင်းက လုံးဝကိုလက်ခံမှာ မဟုတ်ဘူး"
" နောက်ခါလာ နောက်ခါ ရှင်းမယ် မယု အခုလောလောဆယ် မ နဲ့ မဝေးဖို့ပဲ လိုတယ် မ အိမ်က သဘောမတူရင် သွေး မ ကို မရရအောင် ခိုးပြီး အဝေးကြီးကို ထွက်သွားမှာ"
မယု က သွေး စိတ်ကို သိနေတော့ ထိတ်လန့်တကြားနဲ့
" အာ့လိုတော့ လုပ်လို့မရဘူးလေ သွေး" နှစ်ယောက်သားပြောဆိုနေကြတာကို သဇင်က ထိုင်သာကြည့်နေမိတယ်
နောက်ဆုံးတော့ မယု လဲ အလျော့ပေးပြီး ပြန်ဖို့ လုပ်ရင်း
" နှစ်ယောက်သား အစစအရာရာတော့ ဂရုစိုက်ပေါ့ကွယ် သဇင် က ကြုံလာမယ့် အခက်ခဲတွေအတွက်ကြိုတင်ပြင်ဆင်ထား ခံနိုင်ရည်ရှိအောင် လို့ "
" ဟုတ်ကဲ့ပါမယု" နှစ်ယောက်လုံး ဖြေလိုက်မိတယ်
အပိုင်း ၁၆ မျော်
👆
သဇင့် ရဲ့ အကိုက သဇင် နဲ့ သွေးကို လက်ခံနိုင်ပါ့မလား
ကိုလင်းမောင် သိသွားပြီး ဘာဆက်ဖြစ်မကြမလဲပေါ့နော်