မျက်နှာသစ်ပြီးလို့ ရေချိုးခန်းက နေ ထွက်လာတဲ့ သွေး က
" မ ဘာစားချင်လဲ "
" မီးပျက်နေလို့ သွေး ရဲ့ မီးလာမှ ပဲ ထမင်းချက်ပြီး အဆင်ပြေသလိုစားလိုက်တော့မယ် "
" Breakfast ကို မေးတာပါ သွေး သွားဝယ်မလို့"
" သဇင် တော့........အို" သဇင် ရဲ့ နှုတ်ခမ်းပေါ်ကို နူးညံ့လှတဲ့ သွေး ရဲ့ နှုတ်ခမ်းက ထပ်တူကျသွားတယ်
" သွေး ဘာလုပ်တာလဲ "
" နောက်တစ်ခါ မ လို့ မသုံးပဲ သဇင်လို့ သုံးရင် တစ်ခါပြော တစ်ခါနမ်းမယ် "
" သွေး ရယ် အာ့လိုတွေ မလုပ်ပါနဲ့ "
" လုပ်တော့ရော ဘာဖြစ်လဲ"
" သွေး အခုလို လုပ်နေတာတွေက ဟိုညက ကိစ္စတွေအတွက် အားနာလို့လား "
" မ....ဘာပြောလိုက်တယ် " သွေး အသံက အတော်လေးပင် ကျယ်လောင်သွားတယ်
" တကယ်ပြောတာပါ သွေး ရင်ထဲက မပါတာကို သဇင် ဘာမှ မလိုချင်ဘူး "
" မ... တော်လိုက်တော့ ဆက်မပြောနဲ့ သွေးကို မစော်ကားနဲ့"
နှစ်ယောက်ကြား ခဏတာ မျှ တိတ်ဆိတ်သွားပြီးနောက်
" မ " တိတ်ဆိတ်ခြင်းကို သွေး က အရင်ဖြိုခွင်းလိုက်တယ်
" ......" သဇင် က တော့ ဆက်လတ်တိတ်ဆိတ်နေမိသည်
သဇင် နဲ့ သွေး က လုံးဝ မဖြစ်နိုင်ဘူး ကိုလေး နဲ့ ကြီးမြ က လဲ လက်ခံနိုင်မှာ မဟုတ်ဘူး
" မ သွေး ခေါ်နေတယ် လေ "
" သဇင် အခန်းပြောင်းတော့မယ် " ရုတ်တရတ်ထပြောလိုက်တဲ့သဇင်ကြောင့် သွေး စိတ်အရမ်းတိုသွားပြီ
" ခင်ဗျား ဗျာ ဒီကောင် ဖာသီဖာသာ နေတုန်းက ခင်ဗျားပဲ ကျုပ် ရင်ထဲ တိုးဝင်ခဲ့တာဗျ အခု ကျုပ်ရင်ထဲကို ထည့်လိုက်မိပြီးမှ ခင်ဗျား က ဒီစကားလုံးသုံးလာတာ ကျုပ်ကို သက်သက် လှည့်စားတာလား ဟင် ပြောစမ်းပါ ကျုပ်ကို" ဒေါသတကြီးပြောရင်း မျက်ရည်တွေ ကျလာတဲ့ သွေးကို စိတ်ပူသွားပေမယ့် ရှေ့ဆက်ဖို့ကလဲ အဆင်မှမပြေနိုင်တာ
" ဟာကွာ " သွေး က စိတ်လွတ်သွားပြီး နံရံ ကို အဆက်မပြတ် ထိုးချလိုက်တော့တယ် မနေ့က ဒဏ်ရာက မပျောက်သေးတာကြောင့် နာကြင်မှုက မချိမဆန့်ပင် ဒါပေမယ့် လက်က ဒဏ်ရာ သွေး ရင်ထဲက နာကြင်မှုကိုတော့ မမှီ
" သွေး မလုပ်ပါနဲ့ " သဇင်တားပေမယ့် မရ
" သွေး မလုပ်ပါနဲ့လို့ ပြောနေတယ်လေ သွေး ကိုယ့်အသားကို နာအောင်မလုပ်ပါနဲ့ " စီးကျလာတဲ့ သွေး ရဲ့လက်က သွေးက သဇင် ရင်ကို မီးနဲ့တို့နေသလိုပင်
တားမရတဲ့ အဆုံးတော့
" သွေး ရယ် မ တောင်းပန်ပါတယ်နော် မလုပ်ပါနဲ့တော့ "
" ဟင်" သွေး က လှည့်ကြည့်လာပြီး
" ဘယ်လို မ ပြန်ပြောပါဦး မရယ် "
" သွေး ရယ် မ တောင်းပန်ပါတယ် နောက်ကို သွေး အသားနာကို နာကြင်အောင် မလုပ်ပါနဲ့နော် " သွေး ရဲ့ လက်လေးကို ကိုင်ပြီး
သဇင် ငိုချလိုက်မိတယ်
" မငိုပါနဲ့ မ ရယ် နောက်မလုပ်တော့ဘူးနော် မ သာ သွေး နားကနေ ထွက်သွားမယ် ဆိုတဲ့ စကားလုံးနောက်ထပ်မသုံးပါနဲ့နော် "
သဇင် လဲ ခေါင်းညိမ့်ပြလိုက်မိတယ် ဒီကလေးအပေါ် သဇင် တကယ် ၅၂၈ ထက် ကျော်ပြီး ညှိတွယ်သွားမိပြီလား
သွေး က သဇင် ခေါင်းလေး ကို သူ့ရင်ခွင်ထဲ ဆွဲသွင်းလာတော့ သဇင် လဲ အလိုက်သင့်လေးပဲ နေလိုက်မိတယ်
ခဏကြာတော့
" သွေး "
" ဗျာ မ "
" လက်ကို ဆေးစည်းရအောင်လေ "
" မ စည်းပေးမှာလား " မခို့တယို့လေး ရယ်ရင်း သွေး က မေးလိုက်တော့ သဇင် လဲ ခေါင်းညိမ့်ပြလိုက်တယ်
ထိုအချိန်မှာပဲ သဇင် ရဲ့ ဖုန်းက Ring မြည်လာတယ် ကြည့်လိုက်တော့ ကိုလေး ဆက်တာ
" ခဏနော် သွေး...." သဇင် လဲ သွေးကိုပြောပြီး ဖုန်းကိုကိုင်လိုက်တယ်
" ဟဲလို ကိုလေး "
" ညီမလေး ဒီနေ့ အလုပ်သွားလျောက်ဖြစ်လား"
" မလျောက်ဖြစ်ဘူး ကိုလေး "
" ဘာဖြစ်လို့လဲ " သဇင် လဲ သွေးကို လှည့်ကြည့်ပြီး
" နေရာ ပြောင်းလို့ထင်တယ် သဇင် ဖျားချင်သလိုမျိုးဖြစ်နေလို့ မသွားဖြစ်လိုက်တာ "
" အော် အင်းပါ ကျန်းမာရေး ဂရုစိုက်ဦး အလုပ်လျောက်ပြီးရင်လဲ အဆင်ပြေမပြေ ကိုလေး ကို ပြန်ပြောဦး "
" ဟုတ်ကဲ့ပါ ကိုလေး "
" အလုပ်အဆင်မပြေရင်တော့ ရွာကိုပဲ ပြန်ခဲ့လိုက် ရွာမှာ ကိုင်းသီး ခူးဖို့ အချိန်ကလဲ နီးနေပြီ "
" ဟုတ်ကဲ့ပါ ကိုလေး အလုပ်က အဆင်ပြေမှာပါ "
" ကြီးမြ နဲ့ ဖုန်းပြောဦးမလား" သဇင် လဲ ကြီးမြ နဲ့ ဖုန်းပြောချင်ပေမယ့် ခလေးရဲ့ လက်ကို ဆေးထည့်ပေးရဦးမှာမို့
" သဇင် နေမကောင်းနေတာ ကြီးမြ ကို မသိစေချင်ဘူး နောက်မှ ပဲ ဆက်လိုက်တော့မယ် ကိုလေး "
" အေး...အေး အဲ့တာဆို ဒါပဲနော် "
"ဟုတ်... " ကိုလေး ဖုန်းချသွားတော့ သွေး လာလေ လက်ကို ဆေးစည်းရအောင်
သဇင် ခေါ်လိုက် သွေး က သဇင့်အနားကို ရောက်လာတယ်
" လက်ပေး " သဇင်လဲ သွေး လက်လေးကိုကြည့်ပြီး
(ယောင်ကိုင်းနေတာပဲ အထဲက အရိုးတွေဘာတွေများထိ သွားလားမသိဘူး) တွေးပြီး မျက်ရည်က သွေးလက်ပေါ်ကျသွားတော့တယ်
" ဟာ...မ ဘာလို့ငိုနေတာလဲ "
" နောက်ကို သွေး အသားကို ဘာအတွက်နဲ့မှ နာအောင်မလုပ်ပါဘူး လို့ ကတိပေးပါလားဟင် "
" ပေးပါတယ် မ သာ သွေး အပေါ် မစိမ်းကားရင်ပေါ့"
" အင်းပါ သွေး ရယ် အခုဆေးခန်းသွားမလားဟင်"
" မသွားပါဘူး မ ရှိနေရင် သွေး အတွက် ဆေးမလိုဘူး "
" တော်တော်တက်နေ " ငိုရင်း နဲ့ သဇင် သွေးကို မျက်စောင်းထိုးလိုက်မိတယ်
" ချစ်တာကို "
သွေးရင်ထဲက အမှန်တရားကို သဇင် မြင်လိုက်ရတာကြောင့် ပြောခဲ့မိတာအတွက် သဇင့်ကို သဇင်လဲ မကျေနပ်ဖြစ်မိတယ်
ဘာကြောင့်များဒီကလေးကို နာကြင်စေခဲ့ရတာလဲ
( တောင်းပန်ပါတယ် သွေးရယ် )
" မ "
" ဟင် သွေး ဖုန်းခဏ သွားပြောလိုက်ဦးမယ်နော် "
" အင်းပါ သွေး "
ဗိုက်ကဆာနေပေမယ့် Breakfast စားဖို့ အစီစဥ်လဲ ပျက်သွားခဲ့ရတယ်
================
သွေး လဲ ဖုန်းကိုယူ ကာ အခန်းပြင်သို့ထွက်လိုက်ပြီး သရဖီ့ ဆီသို့ ဖုန်းခေါ်လိုက်တယ်
" ဟဲလို သရဖီ"
" အေး သွေး မနက်က ပြောနေရင်း ဘာလို့ဖုန်းချသွားတာ အခုလာခေါ်ရမှာလား"
" ဟင့်အင်း မခေါ်နဲ့ ငါဘယ်မှမသွားတော့ဘူး ငါနင့်ကိုပြောစရာရှိလို့"
" အေး သွေး ပြောလေ ဘာပြောမလို့လဲ"
" ငါ လူတစ်ယောက်ကို ထပ်ချစ်မိသွားပြန်ပြီ "
" ဟင်.... သွေး " မထင်မှတ်ထားတာကြောင့် သရဖီ အံသြသွားတာဖြစ်နိုင်ပါတယ် ဒေါ်မိုးမြင့်သူဇာ နဲ့ ပတ်သတ်ပြီးထဲက သွေးက အချစ်ဆိုတာကို အတော်လန့်သွားခဲ့တာလေ
" ဟုတ်တယ် သရဖီ အဲ့ဒိသူက ဟိုညက ငါ Rape လုပ်မိခဲ့တဲ့သူပဲ"
" နေပါဦး ပြောတော့ နင် မသိရသေးဘူးဆို"
" ငါပြောရမှာရှက်လို့ ညာလိုက်တာ သူက အခြားသူမဟုတ်ဘူး ဟိုနေ့က နင်တို့ကိုပြောပြတဲ့ ငါ့ အခန်းကိုရောက်လာတဲ့ တစ်ယောက် သူ့နာမည်က ခေတ်သဇင်လှိုင်တဲ့"
" ဟင် နင်ပြောတော့ သူ့ကို ကြည့်မရပါဘူး ဆို ဟုတ်ကောဟုတ်ရဲ့လား သွေးရယ် နင် သူ့အပေါ်ကျူးလွန်ခဲ့တာအတွက် နင် အားနာနေတာ ပဲ ဖြစ်မှာပါ"
" မဟုတ်ဘူး သရဖီ ငါသူ့ကိုတကယ်ချစ်မိသွားတာ ငါလဲ အခုလေးတင်ပဲ သိလိုက်ရတာ မြင်ထဲက ချစ်မိတာကို ငါ့ကိုငါ မဝေခွဲနိုင်တာဖြစ်မှာ"
" အေးပါ အခု သူကရော နင့်အပေါ်ဘယ်လိုအခြေနေရှိလဲ ဟိုကိစ္စ အတွက် နင့်ကိုဘာမှ မလုပ်ဘူးလား"
" ဟင့်အင်း ဘာမှမလုပ်ဘူး ငါ့ဆီက အရက်နဲ့ဆေးလိပ် နောက်မသောက်ပါဘူးဆိုတဲ့ ကတိပဲ တောင်းသွားတာ"
"ဟယ်....ငါ ယုံတောင် မယုံနိုင်ဘူး"
" နောက်တော့ ယုံလာမှာပါ ငါ ဖုန်းချလိုက်တော့မယ် "
" အေး...အေး " သရဖီ နဲ့ ဖုန်းပြောပြီး အခန်းထဲဝင်လာတော့ ကုတင်ပေါ်မှာ ထိုင်ငိုနေတဲ့ သဇင်ကြောင့်
" မ ရယ် မငိုပါနဲ့တော့ သွေး တောင်းပန်ပါတယ် မ မျက်ရည်ကျ တာ သွေး မခံစားနိုင်ဘူး"
" ကလေးရယ် " ပြောပြီး သဇင် က သွေး ရဲ့ ရင်ခွင် ထဲ တိုးဝင်လာတယ်
" ကလေး "
" ဗျာ မ "
" မ တို့ ရှေ့ဆက်ဖို့ ဖြစ်နိုင်ပါ့မလားဟင် မ ကြောက်တယ်"
" မ က သွေး ကို မယုံဘူးလား"
" ယုံပါတယ် " အချစ်က အစစအရာရာကို ယုံကြည်မိစေတယ်နဲ့ထင်ပါတယ်
" အာ့ဆို သွေးကို ပဲ အားကိုးလိုက် စိတ်ချ ဘယ်လို အခက်ခဲ ပဲ ရှိရှိ သွေး ရင်ဆိုင်မယ် မ သာ သွေးကို မထားခဲ့နဲ့"
" အင်းပါ "
(ချစ်တယ် ကလေးရယ် ရှေ့ဆက်ဘာဖြစ်လာမလဲဆိုတာ မတွေးချင်တော့ဘူး) သေချာတာကတော့ ကိုလေးကတော့ဘယ်လို လက်ခံနိုင်မည်မထင်
အပိုင်း ၁၅ မျော်