انـه لَيليّ
بَلاَيـه واهَس ماَ انْـام
شَلون لوَ صٌرتَ انتَ واهس لَيليّ
شَلَوَنٌَ لوَ حَبيت شَكَلَك والَخصال
شَلَوَن لوَ باچَـر تَروح وتَعتَذر
وتَرد لَمن اگلك تَعال..
وَتنتضر لَمن اگلك انتَضــــر..
ــــــــــــــــــــــــــــــــــ
نجمـه..
اليوم الخطوبـه
اي خطوبتي اني وفهد
شلون؟ ليش؟ محد يدري؟
حتى اني مادري ليش حننخطب؟
بين الراضيه وبين المغصوبه
شعوور غبي كلش محتلني
نگول واجهت وحاربت ورفضت رفض قاطع
انو يتم اي زواج بيني وبين فهد
راح يضل لاطش مستحيل يبتعد او حتى يخليني اتزوج
عاد خلي اوافق
احسن ما يسوي سوالفه بالحرام
عالاقل بالحلال احسن ما اضل الوم بروحي لان حرام
ومو اني الغلاطانه هو الغلطان شنو ذنبي اني؟
گاعـده گدام ميـز المرايا
وعقلي مدري وين
صافنه بالفراغ
انتضر يخلصن مكياجي ويبتعدن لان ضوجني
هاي تسوي بشعري وهاي تسوي بمكياجي
وحده حايره ترتب بروحها
وحده حايره بـ حمرتها
وحده حايره بـ تسريحتها
عبست شفايفي وهزيت راسي بقبول
وگلت:
(عَسى انَ تَكَرّهو شَيئاً وهَوَ خَيرَاً لَكم)
اجت وحده باستني وحچت
:: عيوني شايفه كل الخير ربي يسعدچ حبيبي
بتسمتلها بهدوء
كملن مكياجي وطلعن حتى البس الفستان
سديت الباب وراهن ونزلت دمعتي
مسحتها وعدلت نفسي
ولبست الفستانن
وگفت گدام المرايا
ركزت بمحلامي ونتبهت طالعه حلوه كلش بتسمت
شلت تليفوني اخذت كم صوره ودزيتهن لـ بـيال
ردت بسرعه كاتبه
ـ يروحيي ماتوقعت الصراحه حتطلعين بهالجمال
كتبتلها
ـ شوكت توصلون؟
ردت
ـ مبقا شي نص ساعه او ساعه هيج ونصل
رديت كتبت
ـ ان شاءالله توصلون بالسلامه احبچ♥
طفيت التليفون
وطلعت من الغرفه
تلگتني صوت الهلالهل القوي نسطرت سطر
عگدت حاجبي معاجبني
اجت عيني بعين ماما خزرتني ماقابله ع ردة فعلي
غيرت ملامحي بسرعه وبتسمت
اجت ام فهد باستني وباركتلي
ام فهد:- حبيبتي الف مبروك ان شاءالله تتهنون
واحطج بكلبي والله بنيتي انت حالج حال قمـر
ثنينجن بناتي
بستها ورديت
نجمـه:- عيوني خاله يبارك بيج
كله جذب لمى هو مقنعها فلا تقبل تجي وتخطبني
اله
اجت قمر هم باستني وباركتلي
كلش احبها قمر ما اذتني بيوم وكافيه خيرها شرها
لا هي حبابه ولا هي حيه
خليها احسن مالي خلگ تسويلي مشاكل
فتت للصاله گعدت ع الكوشه
اجت قمر گعدت بصفي
دنيت يمها وسألتها
نجمـه:- اخوچ وين؟
بتسمت بخبث وحركت حاجبها
قمـر:- ها عينيي هاا شتاقيتيله هسه يجي واشبعي
منه
اجيت ارد عليها واگللها
اييع بس سكتت
بلشت الحفله وگاعده ع نار
اريد بس المح بـيال يمي احس نفسي وحيده
وينها
اجه الشيخ وگفني ورا الباب
نطيته موافقتي وهو هم انطى موافقته
وعتلى صوت الاغاني
رجعت گعدت ع الكوشه..
گالو حيفوت العريس يلبس العروس الذهب
فات وهم هلهلن ذبحني بالهلاهل
مشه مدنگ راسه وگعد يمي
تقرب يم اذني وحچه
ـ مبروك عروستي
رجفت وعيوني دمعت عصرت ايدي قوي
غرست اضافري بأيدي صار اثر مال اضافر
لزم ايدي شبكها بأيده
وضل يباوعلي
اباوع ع الباب اتأملها تفوت وهم بعدها ماكو
فززني صوت وحده تگول
ـ يلا عيني لبسها شمنتضر
درت وجهي عليه اباوعله بترجي
نجمـه:- حباب لاتلبسني هسه الله عليك خلتوصل
بـيال حباب
عگد حاجبه ورد
ـ ليش يعني الا توصل بـيال؟
همست يم اذنه
ـ دا اگلك حباب اسمع كلمتي لمره وحده
لاتسوي كلشي براسك خليها توصل ولبسني
شخسران قابل؟
دار وجهه وگال
ـ تمام
سمعت صوت هلهوله تخبل عرفتها وصلت
الوحيده تقبلت هلهولتها كلهن موحلو يهلهلن
الا هيي
فاتت عبالك هي العروس مو اني
اجت مادايره بال لكل النسوان الموجودات
ولا هتمت الهن
وصلت يمي
گمتلها حضنتها بلهفه احس هسه يلا رتاح گلبي
چنت قلقه ماريد ابتعد عنها الوحيده الي ارتاح
بحضنـها
باستني ع كيف حتى ميخرب مكياجي
وبتعدت
گعدتني وعدلت فستاني
وخزرت فهد
وبتعدت گالت
بـيال:- عيني وين التليفون الي رابطي ع الدي جي؟
نطوها التليفون
غيرت الأغنيه طلعت وحده حلوه نحبها اني وياها
كلش
مو كلمن يهز بالچتف..
مثلك بشغله محترف
بالوصف عديت الوصف
دگ يالگمر
.... شعر شعرررر
سحبت ايدي وگفنه وحيدنه بالنص نرگص اني وياها
نطلقت اني راح ابو الثگل رگصنا لمى تعبت رجلي
لان لابسه كعب
تقربت يم اذني وهمست
بـيال:- لتبينين ضايجه زين عيوني
هسه روحي اگعدي لان تعبتي رتاحي شوي
وفد شوي هم نرگص
نجمـه:- اي عفيه وروحي رتبي ويا امي
هسه حايره ويت تصد
بـيال:- تطمني كلشي عليه
نجمـه:- اي عفيه واردها الج بعرسج
رفعت حاجبها ماقابله
گعدت بصفه
فرحت من كل گلبي من اجتي حتى نسيته
منطلقه واصفگ وقمـر ترگص
واحس اريد نوب اگوم ارگص وياها بس عيب
هسه عبالهم ماعولت
سمعت صوته بأذني
فهد:- عفيه خوش ترگصين
رفعت عيني عليه وحچيت بغرور
نجمـه:- طبعاً اعجبك اذا اني ماعرف ارگص
منو يعرف؟
فهد:- اكيد تعجبيني بنيتي
نجمـه:- نچب
فهد:- وحق الله لوما اگول خطيه وعروس
چان كسرت سنونج بحلكچ اصبريلي
اطلعها منج بعدين
نجمـه:- دصبرلي اذا ما امشيك ع السراط المستقيم
مايطلع اسمي نجمـه وبنت ابوي
اطلع كلبه بت كلب اءا ما طيحت حضك اني
فهد:- هيج عروس اني ماشايف
لسانچ لزمي اذا ما اگول لابوج بتك تغلط عليك
نجمـه:- واني اگله هددني
ضل صافن بعيوني
ودار وجهه
اجت بـيال
اشرتلها بأيدي تجي يمي
اجت يمي همست بأذنها
ـ اريد مي
بـيال:- اي حبيبي هسه
راحت شويه ورجعت بيدها كاس سفري
فتحتليا واخذته من ايدها وشربت
جابت كلينكس عدلت حمرتي
وبتعدت
فهد:- ها البسج مو اجتي؟
نجمـه:- احم اي يلا
صاح الـ قمـر تجيب الذهب
جابته
لبسني التراچي
واخذ الگلاده وتقرب يم رگبتي يلبسنياها
قرب انفه طخ رگبتي غمضت عيوني كزبر جسمي
ضل فترا طويله علساس ديلبسني
رفعت عيوني ادور بـيال
لگيتها تتقرب بأتجاهنا چان تحچي بصوت عالي
بـيال:- هاا عيوني اسااعدك ومبتسمه چذب
تقربت اخذت الگلاده من ايده وسدتها بسرعه
وبتعدت
فهد:- هاي شبيها؟
نجمـه:- نتبهت عليه لعبت نفسي من الوضع
واجت ساعدتني شبيها؟
فهد:- لعبت نفسج؟طاح حضج اي والله
بعد هلتتقرب يمنا وشوفي شسوي
نجمـه:- وبعد افتح حلگك انت وشوف شسوي
فتح عيونه بصدمه وكملت كلامي
ـ اي شعبالك الگدامك نجمـه القديمه؟
لا حبيبي غلطان
فهد:- صديقتچ بـيال شريدج تصيرين انسانه
محترمه قابل
نجمـه:- بقيت الأحترام الك..
خلصت مراسيم الخطوبه
وگال اريد احچي وياها شوي
صعدني الغرفتي
وطلعن كعدت ع الچربايه تربعت
شني عباله راح استحي لگيت لگيت عصير ع الميز
اليم الچربايه اخذته فتحته
وشربت
فات للغرفه وسد الباب
ضل صافن عليه وكتف ايده
مسحت حلگي وحچيت
ـ ها يمعود شردت تحچي وياي ترا نعسانه والله
ماعولت تخلص هاي الحفله موتتني
جوعاااانهههه
بهت فتح حلگه مصدوم
مشه گعد يمي شالني وحطني بحضنه
عبالك شال لعابه وحطها بحضنه مو بنيه
احس روحي خفيفه يمه يحسسني اني گشايه
اخذ العصير من ايدي
ـ لااا نطينيي بعد بي خـلي اخلصهه حبااب
قرب وجهه يم وجهي
وكتم صوتي بشفته
حطيت ايدي ع كتفه ابعده بس مستحيل يندفع
ضل فترا ع هالوضعيه
ختنكت وشهكت اريد هوا اتنفسه ماكو
بتعد اخذت نفس بصعوبه
دخت اريد انام
حطيت جبيني ع كتفه اتنفس بسرعه
بالگوه طلعت مني كلمه
ـ حقيير
ـ نامي بويه نامي
ـ ماحبك
ـ ميخالف تحبيني بعدين مو مشكله
ـ ماطيقك
ـ اي خوش يلا نامي
نزع الستره مالته
وعدلني بحضنه ورفع الغطه وغطاني
وبعد ماحسيت ع شي ونمت بحضنه...
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بـيال...
نخفض نفسـي وعيوني احسها صارت ثگيله
دخت نزلت للگاع
صار غواش واصوات مو واضحه
وبعد ماحسيت ع شي.....
فتحت عيونه وشه بأذني واصوات مو واضحه
گمت عدلت گعدتي راسي حينفجر
فركت عيوني قوي
احاول اتذكر شنو صار
شهگت من تذكرت كلشي
لگيت هيـله يم راسي
رحت بسرعه ذبيت روحي بحضنها وابچي بكل حيلي
ـ هيييلههه ليشش هيج گاا....گحيت حطيت ايدي
ع حلکي وبعدتها لگيت بيها دم
صاحت هيـله عليهم اجه هو فاتت للغرفه
گومني من حضنها وشالني
فترت الدنيا بيا ودخلت بدوامه سوداء
اغمى عليه مره ثانيه
اسمع صوته يم اذني بس ماگدر اركز وافتهم
شنو ديحچي
فتحت عيونـي...
مامستوعبه هو ليش وشنو صار مادري
ايدي بيها كانيولا
وهو بصفي گاعد حاط ايده ع عيونه
حچيت بالگوه ينسمع صوتي
ـ ا ادهـ مي شـ شنوو صاارر؟
رفع راسه بسرعه وگام
ـ انتَ هسه مو مرتي لازم تلبسين حجاب گدامي
لان حرام
نزلن دموعي وحچيت بحرگه
ـ هووو شنووو حرااام والبس حجاااب
گدااامكك ادهمممم
ـ نصي صوتچ ميصير تصيحين
ـ لاااتخبلنيييي ماضل عنديي عقللل
حبااب گلي چذب ليش طلگتنييي مو چنت تتمنى
اصير مرتكك هاا لـ لييشش هيچ تحچيي
ليش فهمنيي ليشش
ـ ماگدر اكمل وياچ
ـ لاااا تگدررر تكملل وياااي بسس حقييررر
حقييرر انت واحد اناانيي
گمت وشلعت الكانيولا من ايدي بسرعه
وگفت كدامه
لزم ايدي وحچه
ـ ليش هييچ
ـ بسببك
تتذكر من مره گتلي ماتستاهلين التعب؟
طلعت انت الما تستاهل التعب...
عمت عيني الي كل دمعه نزلت منها بسببك
حرامات واحد حتى يبچيلك والله
نطقت اخر كلمه ولزم راسي بسرعه وقربني عليه
اخذ شفايفي بين شفايفه بقساوه
اول مره يكون قاسي لهالدرجه كرهته وكرهت روحي
بهالحضه تمنيت الله ماخلقني
بتعد ورا فتره طويله
يباوع بعيوني وعيونه ذبلانه
دفعته كل قوتي
ـ حقييرر والله حقييرر موو قبلل شوييهه گلتت
البسييي صخااااممم براااسچ حراااامم
لووو شعريي يطللع گداامك حرااام وتبووسني
مووو حراام
اطلعع من الغرفه لا وحق الله اسويي شييي
عمرركك وحياتك ما شايفهه منيي
اطلعع دااگووولل
طلع من الغرفه وسد الباب ورا قوي
تمام يـ ادهـم اذا ما اشوفك نجوم الضهر
ما اطلع بـيال
مرت الايـام وطلعتله گلـب ثاني بصف گلبه
شعوطته تشعوط
گاعده ويا البنات وطب هو من بره
بسرعه شلت الشال وحطيته ع راسي
ضل صافن عليه وتأفأف وراح
صعد فوگ وضليت گاعده واسولف واضحك
مامهتمه
نزل مغير ملابسه وراح گعد بصف احمد
ماعبرته اصلاً عبالك ماكو ماشوفه
شنو عباله يأذيني واتأثر؟
ضل صافن عليه واني مندمجه واسولف ويا البنات
گمت من يمهن وصعدت
اريد اعبر غرفته واروح لـ غرفتـي
نسحبت ايدي
شهگت
نصفطت ع الحايط وصار وجهه گدام وجهي
بـيال:- حقيير شنو هالحركاات وخرر
ادهـم:- عود شنو معنى هالحركات؟
بـيال:- يا حركات؟
وخر الشال شوي من ناحيه رگبتي
حط اصبعه ع رگبتي يمشيها ع طولها بـ بطئ
وكمل كلامه
ـ عود ما مهتمه وكذا
ـ لـ ليشش عبالك اهتم؟
ـ اي مبين ما مهتمه لعد شكو معتي بأيدي
فتحت عيوني وحچيت
ـ منو ماع بأيدك؟
ـ ابوي هذا ابوي خطيه ماع بأيدي الله يرحمه
ـ وخر
ـ مشتاقلچ
ـ وخر راح اكفخك
ـ شو بلا مدي ايدچ
ـ وخرر عادد حرااام
تقرب اكثر.. حط شفته ع خدي ونزل ع كيف
يم شفتي
ـ و وخـ رر
ـ ششش
ـ ميصييرر
ـ لا يصير
غمضت عيوني من صارت شفته ع حنچي
عصرت عيوني من بتعد شوي وصارت شفايفه
جوه عيوني
دفعته كل قوتي ارتد لورا
ـ حقيير تقرب بعد وشوف شسوي بيك
والله العلي العضيم اگول لـ هيـله
وتحلم تشوف وجهي بعد وبذيچ الساعه ضل لوم
بروحك حقير
ـ لسانچ طولان
ـ تستاهل واحد يمدلك لسانه متستاهل احترام
عفته وكملت طريقي
فتت لغرفتي سديت الباب صفنت
خرب روحچ بـيال لااتضعفيينن بأيدههه
لاتضعفييين غبيييههه هسهه عباللهه بعدج مامتخطيته اووففف
شمرت نفسـي ع الچربايه وغفيت
مادري شگد مر وكت بس گعدت راسي يموتني
من الالم
حطيت الشال ع راسي ونزلت
ع نص الدرج وفترت الدنيا بيا دخت
گعدت حطيت راسي بين رجلي ايدي ترجف
عيوني غوشت
حسيت بأيد ع كتفي
ادهـم:- بـيال بابا بيج شي؟
بـيال:- امم بيا
ادهـم:- شنو بيج شتحسين؟
اخذج للمستشفى؟
بـيال:- كلشي بيا اني وبيا كومه سوالف
دفعت ايده مني وكملت كلامي
ـ ميحتاج مستشفى شكراً
نزلت فتت للمطبخ لگيت سمـر تاكل وتراسل
وتضحك
بـيال:- ويا منو تحچين ولچ
سمـر:- ههههه ويااا حسـن ههههه
بـيال:- دتتراسلون؟
سمـر:- اييي اضحك عليههه
بـيال:- شلون يعني؟
سمـر:- اگلج بعدين حبيبي
بـيال:- سمـر
سمـر:- لاتخافين ماسوي شي غلط ومايرضي
عمامي وجده
بـبال:- عفيه اني لو ما ادري بيچ انت شنو
صدگي ما اضل ساكته
سمـر:- واني اعرف لـ منو گلت ومأمنه بيچ
صدگ شلونها علاقتكم انت وعمو؟
نزلت راسي ودمعت عيوني
ـ مادري سمـر مادري حموت الوضع الي اني بي
مدري شلون شكو باقيه يمكم؟...
ماخلتني اكمل كلامي وقاطعتني
ـ بـياال هاي مال اني شكو يمكم وخريها من راسچ
فتهمتييي
ـ حطي نفسچ بـ مكاني سمـر شنو تسوين
بهيچ وضع؟
ـ اكو فرق مالچ دخل بيا اني احنا هنا كلنا نحبچ
منو ميحبچ بهالبيت واذا عفتينا وين تروحين؟
ـ وهو هذا الي مخليني ساكته
ـ مستحيل عمو ادهم يسوي هيچ شي لحاله
ـ شنو قصدچ؟
ـ فتهميها انتِ؟
عافتني وراحت صعدت فوگ
گعدت ع الكرسي وحطيت ايدي ع راسي
شنو قصدها؟
معقوله مجبور؟
منو يگدر يجبره يعوفني؟
التفكير اكل عقلي
واحس مضلت عندي طاقه افكر اكثر
فاتت نسريـن للمطبخ وگعدت بصفي
نسريـن:- شبيچ بيلي؟
ـ بيلي راسها حينفجر
ـ ليش يـ عيوني ليش كاتله روحچ بالتفكير
لهالدرجه فكري بنفسچ مو حرام تهلكين روحج هيج
ربنا منطيج هاي النفس امانه عندچ حتى تداريها
حرام تضغطين ع روحج هالكثر هاي اسمها
اذيه النفس واذيه النفس حرام اذا چنتي متقصده
باوعتـلها بترجي
ـ شنو اسويي گليلي
ـ داري نفسج ليش هيج ضعفانه؟
اكلي زين واهتمي بصحتج وبشكلح
عشنو هيج مسويه بروحج؟
وادهـم ماسوا هيج لحاله ترا الا اذا جان مجبور
ـ فهميني منو يگدر يجبر ادهـم ع هيج شي؟
ـ بعد احنا مانعرف شنو الصاير
فـ لاتحكمين ع اي شي
ـ تمام شكرا
ـ العفو حبيبي
ـ صدگ شوكت تعرفون جنس البيبي؟
ـ بعد كم يوم
ـ الله انتو شنو تريدون؟
ـ اي شي يجي انعم الله
ـ اي اكيد بس يعني شنو اكثر شي حابه يجيج؟
ـ اممم بنوته
ـ الله هههه اني هم
ـ شنو انتِ هم؟
ـ يعني اقصد هم اريدج تجيبين بنيه؟
ويين راح بالج نسريـنوووو
ـ ههههههه
ـ هههه
مرت الايام طبيعي عتزلت بغرفتـي صرت
ماحب انزل يمهم
گاعده ادرس وفجأه اجاني اتصال من نجمـه
رديت
ـ هلا نجمـتي شلونچ شو ماكو
ـ هلا بيلي شلونچ اني زينه
شخباركم انت وادهـم شصاير مصاير
ـ مادري مدا انزل يمهم
ـ ليش يروحي
ـ مادرييي اههخخ ملل
تنهدت وحچت
ـ ضايجه ها؟
ـ اي والله كلش وماريد اگول لاحد طلعني
صايره حتى ماحب احچي وياهم
ـ ديلا لعد باچر معزومه ع خطوبتي تعاي وتونسي
مدام ضايجه
ـ نجمـه مو وكت شقاچ گليلي شسوي هسه
ـ ترا مدا اتشاقه وياچ بـيال باچر الخطوبه
ـ شدتحچين؟
ـ فكرت بيلي هواي وصلت لـ نتيـجه ترضي الكل
ـ وشنيه النتيجه؟
ـ اني موافقه اتزوج فهد لان بالحالتين خسرانه
شنو مستفاده اذا اضل رافضه ترا مراح يتغير
شي حيضل ع هاي سوالفه وياي
خلي بالحلال احسن ما اضل الوم بروحي
واني اگدر اسوي كل هذا بالحلال
وترا مراحيعوفني اذا ضليت رافضه طول العمر
حيضل وراي وراي
وباچر الخطوبه اريدچ تجين زين..
ـ عود واللهةصدگ تحچين؟
ـ اي والله
ـ كلشي تسوي وتحسي هو الصح سوي
واني وياچ هذا هو كلامج كله صح
وباچر اجيج
ـ عفيه احبج هواي اني
ـ اني اكثر يروحي اويلييي العب لعب باااجررر
ـ هههههه
ـ والله لخليها تمووت مو خطوبه
ـ بعد گلبي بيلي
ـ تروحلچ فدوه بيلي
ـ ان شاءالله تتغير حياتج وترجع مثل قبل واحسن
ويريح بالج
ـ اميين والچ هم بالمثل
سديت الاتصال منها
وحطيت شال ع راسي ونزلت يمهم
لگيتهم متجمعين بالأستقبال
رحت گعدت ع صفحه وحدي
حطيت ايدي ع خدي وصفنت
فززني صوت هيله وهيَ تأشرلي اروح يمها
گمت اروح يمها ويا كل خطوه احسه مراقبها
وعينه ماتحركت مني
توترت...
هيـله:- ليش صايره ماتنزلين يمنه ها يمه؟.
ليش وجهچ الحلو مانشوفه وانتِ يمنه؟
ليش هيج ييمه ليش لاتحرميني من شوفتج
يبعد هـيله
دمعت عيوني
سحبت نفس عميق وزفرته وحچيت
بـيال:- هيـله اكو ناس ماريد اشوفه من انزل
هيـله:ـ حيقچ ييمه هو انه ماتحمل ذولاك الناس
عاد انتِ شلون متحملتهم
عرف الحچي عليه وهو المقصود
ادهـم:- استغفرالله
هيـله:- ستغفر وليـدي ستغفر بلكي الله يرضى
عليك
ادهـم:-،ليش تحسسيني مسوي الفاحشه؟
سمـر:- والله عمو لو مسوي الفاحشه ولا طلقت بيلي
ادهـم:- حلگچ سدي لا اگوم اشگه
بـيال:- سمـر اسكتي اليحچي الحق محد يريده
سمـر:- اي والله صدگ
سكتت وضلو يسولفون ومندمجين
واني بغير عالم....
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سمـر...
هالفترا كلها الي اراسل بيها حسـن
شلعت گلبه شلع خليته يتندم ع الساعه
الضحك عليه بيها مره اگله اي حوافق وتعال اخطبني
ومره اگله لا ماريدك وماحبك
خبلته خبال
متمدده وداباوع مسلسل
اتصل رفضته لان قطع اهم مشهد بالحلقه
رجع اتصل مره ثانيه
رديت:
- هااا هااااا شتريدد
ـ هاي شبيها فوگ ما اتصل عليچ اشوف شلونچ؟
ـ هسه هوو ياهو العاتب علييكك شلوني يعني
مثلاً اخبلل گطعت علييه اهم مشهدد
ـ فلا تستحين... وين چنتي من وزعو مستحه؟
ـ يمك
ـ اويليي شتسوين يميي
ـ ارضي بيك لان جنت زعلان مانطوك
شويه مستحه واخلاق
ـ سمـرتي
ـ نعم
ـ نعم شنو گولي ها حبيبي ها عمري
ـ عيييعع ويريدني اتزوجه عمي روح بطران
شگد كرنج دخيلك
ـ استغفرالله سمـر طلعتيني من طوريي سمـرررر
ـ اوووف لاتصيح شبيييكك
ـ لا تخليني اسب ابوي بهاليل عيب خلي الرجال نايم بگبره...
ـ زين شنو ردت؟
ـ سمـرتي خلنخطب؟ والله احطچ بعيوني والله
ـ امم افكر
ـ شعلتي ابوي بگبره بعدچ مافكره
لا الشغله مطوله منا لمى تقررين فد سنه
ـ لاا مو لهدرجه يعني مادري شگد بس ماطول
واذا ضوجتني اتراجع
ـ موتيني موتينييي
حچيت بتلاعب
ـ احم لالا اسم الله عليك قررت اني حبيبي
ـ حبيبي؟ واسم الله عليك؟ وقررت شبيچ؟
ـ ترا اتراجع؟
ـ هو بس خليني استوعب ميصير هيج
حرام عليجوصدمه ورا صدمه مو كلهن نفس الحضه
بشر اني ترا ماتحمل كل هالاشياء..
ـ حچيت هواي مو؟ واني ماحب هيچ الرجال
يحچي هواي
احب الرجال الهادء مثل عمو ادهـم.
ـ خرب عمچ
ـ عفوووووااااً
ـ الووو شنووو تسمعيني؟
ـ ها يروحي النت فصل يمك ها؟
ـ هسه شنوو؟
ـ شنوو تريدني تعال اخطبني
ـ هذا هو حضري روحچ باچر
ـ اويلييي
ـاذا ما اخءج غصباً ما ع عمامج مايطلع اسمي
حسـن
ـ من عاب لـ هيچ اسم عود هم قانع بأسمك
ـ چا شبي يخبل
ـ ايييع
ـ اييع بعينچ
ـ يلا روح اريد احضر لـ باچر
سديته منه وبلشت اخطط شلون انفذ السالفه
دصبرلي يا حسـن اذا ما اخليك ماتندل دربك
مايطلع اسمي سمـر
حضرت فستان بسيط كلش
ولفيت راسي ونمت
گعدت الصبح كلي نشاط
غسلت وبدلت ونزلت يمهم
سويت نفسي كلشي ما اعرف اني ومشيت الامر
طبيعي جداً
مرت الساعات وصار الدنيا العصر
ندگت الباب
نسحبت بسرعى وصعدت فوگ
سمعت اصوات هواي وزلم
نفتحت الباب وفاتت بـيال
ـ ها ولچ مسويه نفسچ كلشي ماتدرين
ـ هاا؟ ترا ماعرف شي اني؟
ـ اي اي ادري بيچ فقيره
امشي انزلي يريدون ياخذون رأيچ
ـ يمههه
ـ دمشييي هي طابختها وتخاف تضوگها
ـ هاي منين جبتيها؟
ـ مادري اني خترعتها
رتبت شكـلي ونزلت
فتت للصاله لگيته گاعد ويا كم رجال
حچه واحد منهم
ـ هلو عمو شلونچ
ـ هـ هلاا عمـ عموو اني زينه
مادري ليش خفت وتوترت بنفس الوقت
بس تشجعت
سلمت وطلعت وضلو هم يسولفون
وبعدين صاحولي
گعدت بصف عمو ادهـم
وحچه الرجال
ـ يابه احنه رايدين بنتكم ع سنه الله ورسوله
واحنه جايين ع السمعه الطيبه
حچه عمو ادهـم هوَ وخازرهم
ـ رأيي من رأيها شنو تگولين بابا
رفعت عيني عليه بسرعه
لگيته يباوعلي ينتضر ردي ع نار
غمزتله بدون محد ينتبه ونزلت راسي
وحچيت
ـ عمو اني ماريد اتزوج هسه اريد اكمل دراستي
ادهـم:- هذا هوَ يابه
جيتكم ع راسنا بس مانجبر بنيه ع زواج الي تريده
هيَ يصير واذا ماموافقه ماننطيها
رجعت رفعت راسي شويَ اباوع عليه
عيونه حمر وشكله مو طبيعي صار شرار
تطخه يحرگك
عضيت شفتي وگمت من يمهم
طلعت من الاستقبال وگفتني بـيال عفتها وركضت
ع غرفتي
بسرعه اخذت تليفوني
لگيته داز مسج
ـ شدتلوصين؟ تعاي وافقي لا ومحمد اكسر راسج
كتبتله
ـ شعبالك لعد هيج اوافق بيك بسرعه تحلم...
دزلي كاتب
ـ اذا ما نزلتي وافقتي شوفي شسوي
رجعت كتبت
ـ شتسوي يعني مثلاً؟ ترا ماخاف شتسوي سوي
بعد مارد والاصوات خفت يعني راحو
فاتت بـيال للغرفه
بـيال:- ممكن تفهمينييي هاي شسويتي؟
شدسويين سمـر گليلييي
انتِ گلتيله تعال خطبنيي؟؟
ـ اي
ـ چا شني معناها من يجي وترفضي؟
ـ اشلع گلبه
ـ هوووففف سمـر
ـ مالچ دخل بيا گليلي شحتسوين انتِ وعمو؟
ـ دولي انت وعمچ
ـ هااا مو اگلههه
ـ متگليله هسه هو ياهو الكاضج..
عافتني وطلعت
ضليت گاعده وحسـن ضل يتصل وارفض
طفيت التليفون ونمت...
بـيال.
رحت اجهز لخطوبه نجمـه
عندي فستان اسود شتريته بس مالابسته
ولا مره
طلعته رحت لبسته اريد اشوفه حلو عليه
نفتحت الباب عبالي سمـر
حچيت بدون ما انتبه منو فات
ـ اگلچ سمـر هذا الفستان حلو؟
ادهـم:- اي حبيبي يخبل
درت وجهي بسرعه عليه
وصحت
ـ حقيييررر اطلععع
قفل الباب وتقدم
ادهـم:-اششش شهالجمال هذا حبيبي
حطيت ايدي ع صدري اغطي
ـ حباب شهالحركات ميصير اطلع والله امووتكك
اطلع ادهـم لاتفور دمييي
ـ ليش يفور دمچ بناتي
ـ لكك حقيييررر شدسويي شدتحچييي
اطلعع ميصيررر حراام تشوفنيي هييبجج
ـ اووفف لا بناتي مو حراام
ـ شنو موو حراام تضحك عليه انتَ لو شنووو؟
ـ هو كلمن گال المرته طالگ يعني حرمت عليه؟
ـ شدتحچي وضح ترا مدافهم؟
ـ ماطلگتچ
ـ تريد تخبلني مو ادري بيك والله
ـ اههخخ تعاي الحضني تعاي
سحبني من ايدي وجعصني بحضنه
ما بدرت مني اي ردة فعل لان مداستوعب
حچيت بشهـگه
ـ أدهـم شـ شنوو دتحچيي
رااسيي راح ينفجرررر
ـ اسم الله عليچ يروحي
رفعت راسي
ـ فهمنيي والله حمووت ليش سويت كل هذاا
ليش هيج بعدتني عنكك اذيتنيي هوااايي
تنهد بحسره وگال
ـ اهخخخ
ـ احچيلييي
ـ تتذكرين من گتلچ هددوني رجعو هددوني بيچ
من جديد واذا ما اسوي هيچ مراح يعوفونه بحالنه
ـ وهسه؟
ـ خلص كلشي بعد ماكو احد يهددني بيچ
ـ وهسه لازم اني ارجع وياك مثل قبل؟
ـ طبعاً لعد شنو تريدين ان شاءالله؟؟
دفعته ونترت
ـ ماريدك
ـ استغفرالله بـياال بابا انت واعيه شنو دتحچين؟
ـ اييي واااعييههه
ـ ايي مبين وااعيه مبيين
ـ وليش ما گلتلي من البدايه؟؟
ليشش خليتني اصارعع وحدييي ليييششش
ماحجيتلي من البدايه كتلي خلي نبتعد فترااا
ليش هيج اذيتني ليلي صرت ما اناامهه
تدري يعنيي شنوو ما اناام اباوع ع الشمس
شلوون تطلع الفجر واني كااعدهه
اذيتنيي ادهـم شلون تسوي بيا هييج
ـ علمودچ والله علمودچ شلون ااذيچ اني ها؟
روحــي انتِ روحــيي
ـ ادهـم اطلع وعوفني
ـ ماطلع وماعوفچ
ـ ضل هنا واني طالعه
مشيت اريد اعبره لزم اي وسحبني لـ صدره
حاوط خصري بأدي
وتقرب باس خدي
ـ حليانه وكبرانه
ـ لعد شعبالك؟ اضل ذيج الطفله الي تبجي اذا
ماجبتلها حلويات؟
ـ اووف لو ترجعين لذيج الايام
ـ الحمدالله بس كلام ومنگدر نرجع
ـ ليش؟
ـ ادهـم تعبتني
ـ والحل؟
ـ عوفني
ـ ماعوفج
ـ اذيتني
ـ مو بقصد ماچانت نيتي ااذيچ..
ـ غيرتني صرت ماعرف روحي من اصفن بالمرايا؟
ـ ارجعچ بأيدي نفس ما چنتي..
ـ مستحيل
ـ ماكو شي مستحيل احبچ اني
ـ ضيعتني
ـ الگاچ
نزلن دموعي ومسحهن بأبهامه بنعومه
ـ روووحح
ـ ماروح اريد اشوف هالجمال
ـ صارلك ساعه هنا ماشبعت من جمالي؟
ادهـم كافي روح
ـ لا والله ماشبع وشو تطردين انتِ؟؟
ـ اووووففف
ـ جـؤ مايصير تأفأفين
ـ كافي
ـ شمسوي حتى كافي؟
ـ ضوجتني اطلع
ـ ليش لابسه فستان؟
ـ اريد اشوفه حلو لو لا حتى البسه باچر
ـ ليش شكو باچر
ـ خطوبه نجمـه وفهد
ـ اخخ هذا الكواد حيخطبها وشلون وافقت؟
مو متحبه؟
ـ مااادرييي شدرااني انيي
ـ شبيك معصب يحلو اعصابك محچينا شي احنا
ـ استغفرالله رووح ادهـم طلعت روحيي
ـ ابوس روحچ بناتي
ـ تطلع لو اصيح لـ هيله؟
ـ بس مو قبل ما نعبر عن اشتياقنه؟
ـ شلون عيني تعبر عن اشتياقك؟
ـ اشوفچ شلون؟
ـ امم
تقـرب عليه اكثر سحبني لـ صدره قربني عليه حيل
حط انفه يمشي من خدي لـ طرف شفتي
غمضت عيونه قوي من
حسيت بدفو شفايفه ع رگبتي كزبر جسمي
طبع بوسه ع الشامه الي بناحيه رگبتي
دفعته مايندفع
حاضني قوي
بتعد ورا فتره
ـ روح يلا وتحلم بعد تتقرب يمي
ـ اممم ان شاءالله
عافني وندار يمشي بطيئ
فتح الباب وطلع
رحت نزعت الفستان
ومددت ع الچربايه فرحت كلش لان اىي چان يصير
بيناتنا مو حرام وهو بعده زوجي
وبنفس الوقت ضايجه منه كلش وبعدني ماطيقه
مر اليوم وخلص
وبدينا بيوم جديد واليوم خطوبه نجمـتي
بديت احضر واجهز نفسي
لبست الفستان الي جربته البارحه الاسود
وحطيت ميكب سموكي
وكسرته بحمره حمراء
كملت ورحت البس الكعب
فات ادهـم للغرفه وضل صافن
ادهـم:- ماكو روحه بهالمنضر
حچيت بعدم مبالاه
ـ امم مو هيَ بكيفك
ادهـم:- انت مره طلعي هيچ
ـ ادهـم اروح هيچ وغصباً ما عليك
ـ خففي حمرتچ
ـ ماخففها
ـ خففيها بـيال لاتعاندين
حچيت كلام متقطع
ـ ما ام سح اوك؟
ـ امسحها الچ اني بطريقتي صدگي
ـ مالك دخل
تقرب يمشي سريع سحبني بسرعه
وطبع شفته بـ شفتي
قسى كلش يريد يمسحها
بتعد وصحت بوجهه:
ـ حقيييرر
ـ گتلچ مسحيها
ـ روووححح مناااااا
راد يطلع ورجعت صحت ورا
ـ امسححح الحمرااااا اليي بييككك لايضحكوون
علييييككك
اسمعه يضحك بصوت عالي مامهتم
رحت سديت الباب
ومسحت بقايا الحمرا
وحطيت لون افتح منها
ولبست صايه ولفيت الشال
وشلت جنطتي ونزلت
نسريـن:- اووويي عيني شهالجماال يابهه
صوفرت سمـ، مثل الولد
كفخها ع راسها ادهـم
بـيال:- شعبالچ لعد اني هينه
سمـر:- لا عيني مو هينه يابه
طلعنه من الببت وصلني ادهم
وفتت عليهم طگيتهم هلهوله خليتهن صافنات
النسوان
مشت مراسيم الحفله وبلشت فقره يلبسها الذهب
اباوع عليها مو مرتاحه وهو تأخر كلش يعني
مو معقوله كل هالوقت ديلبسها العقد
رحت عليهم
اخذتها منا ولبستلهيا وبتسمت بوجه فهد
ادري بنيته مو راحه
كملت الحفله وگالو يريد يسولف وياها
خرب اريد اروح يمهمم
تانيتها هواي ماحبيت ارجع وما اسلم عليها
دزيتلها مسج بعد ما ايست تطلع
ـ حبيبي اني تانيتج هواي امداج اني رجعت
طلعت من البيت الدنيا ليل
لگيت ادهـم واگف بعيد يم سيارته وجگارته بأيده
مشيت رحت يمه
ـ همم متانيني؟
ـ چا اتاني ابوي يطلع من الگبر بهاليل غير اتانيچ
ـ عوف ابوك بحاله
ـ عفنيا يلا صعد ورانا طريق طويل
ـ تعبت والله مو مال اتحمل طريق
ـ نروح فندق؟
ـ بكيفك
ـ اذا ماتريدين طريق طويل نروح فندق
ماكو غير حل قابل نام بالشارع
ـ اگلك شتسوي سوي صاير متتحاچه انتَ
صعدنه السياره وحركها
وصلنا يم فندق چبير كلش حلو مبين مرتب
فتنا للفندق لگيت كوومه بنات
وصارت الانضار كلها علينه
شو غرت؟
لزمت كف ايده باوع عليه بتسمت بوجهه
مشينه رحنا حجزنا
صعدنه للطابق الثاني مشينا بالممر
وصلنا للغرفه الحجزناها فتنا
صفنت ع ديكور الغرفه وتصميمها تجنن
فززني من حسيت ايد تلتف ع خصري
نداريت عليه
ـ ادهـم
ـ روح ادهـم روحـااا
ـ ماحـبك اني
ـ اووفف ليش ﯾ بابا ماتريدين ابوچ
حضنته من خصره ودفنت وجهي بـ بصدره
نزلن دموعي وين چنت وين صرت
ـ بابا
ـ عـيون ابوچ ها بناتـي گولي
ـ شلون هيچ فجأه تغير كلشـي؟
ـ ماكو شي يضل ع وضعـا لازم كلشي يتغير
حتى تمشي الدنيا...
ـ احس روحـي مطشره
ـ المچ بحضـني
ـ ليش تزيدين كلشي ع روحـچ؟
عادي بنيتي عادي يروحـي
اكو اصعب واصعب من كللشيي عشتي
شگد هسه تحسين تعبانه ومريتي بضروف موحلوه
بس ترا هينات ﯾ بابا هينات ويهونن
بس هونيها ع روحچ هيَ تهون
وتمُر وتنسي وتنذكر ماتنعاد يروحـي
ـ ليش هيچ سويت
ـ علمودج بنيتي وداعه عيـونچ الاحبهن
هددوني بيچ بيلي گالو نأذيها وخفت عليج
انت تداومين خفت هم تنخطفين وتروحين مني
والي هددوني بيج صعبين عصابه چبيره
شيرجعج الحضني لو اخذوچ مني؟
گلت اطلگچ وابعدچ من السالفه كلها
وفتره اتحمل بعدج وانت گدامي
ولا بعيده ومادري بيج زينه لو لا
رفعت نفسي وگفت ع حذائه
حطيت ايدي ع كتفه
بست خده وأردفت:
- احبك اني
ـ اويلييي صار شگد ماگايلتها
ـ دگولها الي
ـ احبچ
ـ جـؤ مو هييچ
ـ لعد
ـ احبچ بناتـي
ـ احبچ بناتـي
ـ هههه اني همم
تقرب باس شفتي وبتعد
مشه بيه ممدني ع السرير
غمضت عيوني
نساني الوضع الي اني بي ونسيت كلشي مر وياي
فتت لعالم مابي احد غيري وغيره
عالم حلو كلش
كلام حلو وبوسات لطيفات
جردني من ملابسي
وتم كلشي بيناتنا رسمياً
نمت بحضنه متناسيه كلشي وياي
ضل يلعب بشعري وبعد ماحسيت ع شي...
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
نجمـه...
مرت الايام واحنا مخطوبين
فهد يحاول قدر المستطاع يفرحني ويسوي
كلشي اطلبه منه وميرفضلي اي طلب اطلبه منه
وكل طلباتي چانت نيتي بيها
اني اشوف حيمل مني او يضوج؟
مرات احب تصرفاته وياي ومرات ماطيق وجوده
يمي..
ضيـاع
گاعده ورن جهازي
شلته شفته هو المتصل
رديت
ـ الو هلا فهد
ـ هلا بيچ حبيبي شلونج؟
ـ الحمدالله زينه
ـ عندج شي دراسه؟
ـ لا ماعندي شي كملت صار ساعه
رايد شي؟
ـ امم رايد..
ـ شنو دحچي مو موتتني اسحب الحچايه منك
سحب...
ـ اجي اخذج نتعشى سوا؟
ـ كيفك مادري
ـ هذا هو لعد حضري روحچ حجي اخذج
ـ تمام
سديته منه وگمت
فتحت الخزانه طلعت فستان وردي فاتح
وشال اسود وجنطه سوده
رحت ع ميز المرايا رتبت شكلي
وگت بتسمت برضى
حطيت الجنطه ع كتفي وطلعت
انتضره
اجت ماما بأتجاهي
ماما:-،وين رايحه؟
ـ فهد اجه حنروح نتعشى سوا
ـ شنو ماعولتو يوميه طالعين؟
وين اكو هيچ حچي؟
ـ مااماا شنو تريدين بالضبط تراا خبلتينيي
گلتيليي عندهه فلووسس وافقيي
وافقت ومن اوافق ونخطبناا تجين تگليلي
ماكو طلعههه كلل يوووم ماامااا تررا تعبتينيي
والله تعبتينيي
شنو تريدين گليلي حتى اسوي؟
وبعدين وين سويتينا كل يوم طالعين؟
هي مره وحده وجان العقد مال المحكمه وهاي اول
طلعه النا سوا تعتبر
ماما عمرج ماحسستيني انج امي مثل كل الامهات
گضيت عمري احاول افهمج بس مدا اكدر رغم
هواااي حاولت والله هواي
هديتي حيلي وانتِ امي شترجى من الغـريب؟
وافقت بـ فهد گلت اتحمل منه كلشي
ولا امي تحجي حجايه وماكدر اردها لو احجي شي
خيرت نفسي بينج وبين فهد
گلت اذا اضل ويا امي حتأذيني اكثر واكثر
واذا وافقت عاد حتى اذا اءاني اكدر اخذ حقي منه
وارد عليه انتِ ماگدر اخذ حقي منچ..
مسحت دموعي ونداريت
لگيته واگف يباوع علينا
مشيت وگفت گدامه
ضحكت ابينله ماكو شي
اشرتله بأيدي
ـ يـ يلاا؟
لزم ايدي باسها ومشينا
طلعنا من البيت هو ساكت واني ساكته
فتحلي باب السياره صفنت عليه
ـ خلنروح مشي؟ ماريد بالسياره ضايجه
فهد:- تأمرين امر
ابتسمت بخفه ومشينا
امشي وبالي شارد حتى نسيت هو ديمشي وياي
وصلنا يم مطعم
دخلنا
رحنا گعدنه ع الطاوله
طلب اكل واكلنا
صافن ع كل حركاتي
عگدت حاجبي
ـ شبيك؟
تنهد وگال:
ـ مابيه شي ابويَ
ـ همم عبالي بيك شي
ـ لا مادام يمج مابيه شي
ـ تحبني؟
ـ تخطيت مرحله الحب اني
ابيع الدنيا واشتريج
ـ اذا كسرتني بيوم تدري شسوي بيك؟
ـ شنو تسوين؟
ـ انت دسويها وبعدين افكر شسوي بيك
ـ اويلي امووت ع الوكحات
ـ هوَ دواكم الوكحات
ـ هههههه
ـ اضحك هسه بعدين اطلع هذا الضحك من خشمك
ـ عنيفه
ـ كلش
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سمـر..
هاي الفتره طيحت حض حسـن
مره اگله خلص تعال تقدم وراح اوافق
وهو يطير بالسما من الفرح
ومره اگله لا
كملت تجهيز نفسي
اخذت الجنطه وحطيت تليفوني وطلعت
بعد وقت للدوام بس حتى اراجع بالطريق
نزلت من غرفتي لگيت عمو احمـد گاعد بالصاله
احمـد:- حتروحين للدوام؟
سمـر:- اي عمو لعد وين واحد يولي من الصبح
ـ نچبي ام لسان اوصلچ؟
ـ لا بعد وقت اذا نروح بالسياره بسرعه نوصل
واضل صافنه بالكليه اروح مشي حتى اراجع
بالطريق
ـ تمام لعد روحي ترگي
ـ لا عمو اتريگ بالكافتريا
ـ تمام ديري بالج ع روحج
ـ اي عمو بااي
ـ باي بنيتي
طلعت من البيت
ماكو شمس عاليه وغيوم حلوه ونسمات هواء
بارده
امي ودگ تليفوني
توقعت منو غيره يدگ بأوقات غبيه
لو بنص اليل لو من الصبح
رديت
ـ الوو
ـ وجعو
ـ وتريدني اتزوجك؟ يعع
ـ طولي لسانج بعد طولي
ـ لا مو هسه اطوله
ـ شوكت لعد؟
ـ من نتزوج
ـ كرهتيني بالزواج
ـ ايي مبين كلش هو هسه اذا اگلك تعال اخطب
تجي ماعندك مانع حتى اذا الدنيا صبح
ـ نچبي
ـ مانچب
ـ ليش ماخليتي احد يوصلچ؟
ـ هاا؟
ـ كلامي واضح حبيبي ليش ماخليتي احد يوصلج
الدنيا صبح والشوارع فارغه بلا خطفوچ؟
وگفت فتحت عيـوني
هو شمدري؟
نداريت اتلفت ع الشارع خاف موجود
بس ماكو احد
حچيت بأنفعال
ـ باوع لك والمحسن اذا ما گتلي شدراك اني وحدي
ودا امشي ماتلوم الا روحك فتهمت لولا
ـ مايصعب غليه شي
ـچان عفطت بس عيب اني بنيه
ـ ديلا علساس هسه انتِ مستحيه
لو ممسويتها قبل
ـ گلي وين انت؟
ـ نداري وراچ
نداريت بسرعى لگيته واگف مستند ع شجره
وتليفون ع اذنه
سديت الاتصال
رفعت ايدي صفگتها وغميته وطگيتها بركضه
ركض وراي واني بطيئه كلشش
لزمني من رداني وسحبني عليه
ثبتني بحضنه قوي
حسـن:- مو كافي؟ سلگتي شيب اهلي ترا
سمـر:- هو هذا المطلوب
حسـن:- سمـر فحطتيني وافقي
باچر راح اجيب العراق كله واخلي بيتكم حتى توافقين
سمـر:- وخر
حسـن:- ماوخر اذا ماتوافقين
سمـر:- خلص موافقه بس وخر
حسـن:- گوليها مره ثانيه
سمـر:- موافقه
باس خدي وگال
ـ عفيه
ـ نطيتك مجال هواي
تقرب عليه اكثر
ـ صدگ؟
ـ امم
ـ گولي اي
ـ ا أيي
ـ امشي اوصلچ
ـ احمم ماريد
ـ مدا اطلب منج
لزم كف ايدي وسحبني نمشي سوا
وصلنا للكليه البنات كلهن صافنات مستغربات
هذا منو لان كلها متعوده محد يوصلني
غير لو عمو ادهـم لو عمو احمـد لو السايق
وگف هو ومشيت كملت طريقي
حركتله ايدي باي
ابتسم وراح
فتت اخذنا محاضرتين وطلعنا
لگيت سيارته
رحت عليه
دگيت الشباك
فتحه
ـ شنو عجبتك السالفه؟
ـ اصعد وگلي يا سالفه يحلو
ـ استغفرالله شلون حكفخه
ـ لسانچ بعد روحي
عوفني بحالي
ـ دصعدي لا اطيح حضج
ـ حباب روح اريد ارجع ويا صديقاتي
ـ لزم وجهي وقربني عليه
باس حنچي وبتعد
ـ تمام
بتسمت بوجهه حرك السياره وراح
مشه مسافه واني نداريت امشي ويا البنات
لحضه وسمعت صوت عالي كلش
ركضت اريد اشوف شكو
سياره حسـن ملگلوبه كلها
صحت
ـ حسـن هذاااا حسسـنننن ساااعدووووووو
يتبع..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
ادري والله تأخرت عليكم
وهذا بارت طويل تعويض
چنت رايده هذا البارت الاخير
بس احس راح تنجعص الاحداث كلها
فـ بعد انتضرو الاخير
وتعالو نسولف بقناه التلي ويا فراشتنه
هذا اليوزر veve11aa
يوزر حساب الانستا veola_11
متابعهveve1119
تصويت..
تعليق حلو..