كيفكم يحلويين🤍
#الكاتبه زازا
#ابوضبع 904
حساب الانستا للتواصل معي ومع الابطال
its.zlzala0
لاتنسون التصويت +التعليق على كل فقره لطفاً 💚
بارت طويل لعيونكم🙈💋
انا ويهَ الليل ثَاري طلابتي طلابَه
أسيّر ع السَهر كُل يوم أدگ بابَه
أضُمَّن بالحَچي اليكتل
أخاف تروح
أخاف تمِل
أخاف أحچي
وأرد فَشلان بَـ "شجابَه"
انا شمِدريني گلبي شيوجعَه
وشنهي اليلچِم صوابَه !
تَره المَصيوب من گلبه
يضل كِل عُمره يتلَوه
ويرِد مِستثگل ثيابهَ .
"" "" "" "" "" "" "" "" "" ""
" أيڤن"
كاعدين ؏ المسطبه اني وصديقتي زهراء لازمه الكوب الكهوه لمرُه ليحبهه قلبي جنت مسويهَ شعري ذيل حصان ولابسه تنوره سوده وقميص ابيض جرت ايدي زهراء تضحك اردفت
زهراء-: شو انطيني ايدج خل نصور حتى انشرهَ
ايڤن-: باعي خلي هاي ايدي هذن اضافري تكسرن البارحه علقلَ هذن مرتبات بقينه نصور طلبت منهه تصورني وحدي وهمات صورتهه رجعت كعدت ؏ المسطبه رفعت ايدهه على كذلتي تباوع بعيوني مبتسمه عكدت حواجبي هيو ههه شبيج؟؟
زهراء-: شكد شعور حلو صديقه طفولتي وكاعده كبالي
برطمت شفايفي اباوعلهه ضربتهه بخفه على ايدهه ضحكت حضتنهه اوووووف شكد احبج
زهراء-: واني اموت عليج
بقينه نسولف اعرفكم على صديقتي زهراء هيه صديقه طفولتي يعني تخيلو من صف اول ابتدائي لحد الجامعه وهيه وياي وابد معافتني وكلش حبابه وهيه حيلللل حلوهَ عيونهه خضر اموت عليهن درت وجهي عليه ضحكت ميلت راسي الهه اردفت واني احرك حواجبي
ايڤن-: ليوم الحبايب متناسقين بلملابس
زهراء-: شنو شقصدج
ضحكت غمزتلهه دارت وجهه اله وهوه واكف يحاجي زميله لابس قميص جوزي وهيه همات لابسه مثله بقت فاكه حلكهه ضحكت تضم بوجهه
ايڤن-: اهووو شبيج تخجلين
زهراء-: لجج عزاااا ههههه
خايبه ورب تجنون تزوجم عاااد بس سوون نظرات نفس الهنود وماكو اكشن اووي لعبت روحي منج حمضتي على صدري دروحي تزوجي لحتى اهز بعرسج
زهراء-: ياااا عابتلج شني اروح اني اخطبه واكله تعال تزوجني بسرعه مايكول هسه عليه رجال هاي شاربه حليب لزمال
ايڤن-: ديلا انجبي انجبي هياته اجاج يلا چاو اجه بتجاهنه عرفت يريد يحاجيهه ترخصت منهم كمت اضحك وهيه عيونهه حيزركن من كدما خازرتني لان عفتهه صرت اتمشى بلحدايق ولازمه الكوب الكهوه اشرب واباو؏ لشجر تعبت من كدما افتر ولابسه كعب مشيت للكفتريا كعدت وخليت رجل ؏ رجل اعيد لمواد مال ملازمَ لان بعد ساعه عندي امتحان بقيت اقره واعيد بلمواد اجاني صوت شله لوراي بنات عرفتهن منو شكد اكرهن بقيت مدنكه بس اتصنت عليهن وحده منهن حجت وعود تسمعني
-: اييي وهوه خوفج من لتستشرف براسچ
رد وحده كالت-: هنه تشوفيهن سكتاوي امهات المسيح وكله بلبوكات تجيهن سيارات جارجر شكو عليهن جوه ابطهن زلم خما احنه بس نطير اذانه
-: اي دادا هنه امهات ضباط اذا ابوهن ضابط وگ** لعد هنه يطلعن نبي خوب مو مسيحيات صارن بروسنه شريفات الله اعلم هنا لبلاوي تضمضم عليهن اربيل
بقيت فاكه حلكي مصدومه حسيت دم صعد براسي شمرت لملازم ؏ طاوله كمت رحت عليهن لزمت لي حجت على ابويه من شعرهه حجيت بصعبيهَ
ايڤن-: وللللللج انتيييييي منوووو وتحجييين علينه طايحةة الحضضض يامااا مربايةةةةة ولجج اهللل تكاسسسسي انفكت عليجججج تجييين تصيرييين شريفةة اضربييين امثاللل علينه وهيه
لطخت راسهه بقوه ؏ طاوله وبقت تدفع بيه اجت هجمت عليه ثانيه من شعري فار دمي خمشت من وجهه خليتهه دمايه اجت زهراء وزميلهه يركضون يحاوطوني فقدت اعصابي سكتت الهه هواي وجزت حدهه صحت
وللللكم وخرووو عنييي خل اربييييي بنااات سگط امهااات تكاسيييي
صارت هوسه واني اديه ترجف بودي اكلهن بسنوني بقت زهراء وصديقتهه يهدن بيه والعالم تفرج علينه صاح بيهم زميل زهراء سكتن بس بقن يخازرن واكفات يباوعلي رتبت نفسي زهراء جرت ايدي
زهراء-: لللج عوفيهن فدوه كافي خل يولن
عوفييني زهراء بس اكلهن كم كلمه وامشي تقدمت الهن وكفت ؏ طاولتي وهنه يشيلن بغراضهن حتى يرحن حجيت واشرت با أصبعي عليهن بتهديد
ايڤن-: اذا ماخليجن نفس جلاب سايبه تتوسلن ولجن انتن منو وتقارنن رواحجن بينه لحكن صيرن بثقافتي وتعالن اضربن امثال براسي وتحجن على ابويه يسوه روسجن شايفات لتراب ليمشي عليهه انتن وعشيرتجن تروحن فدوه اله مو اني بت احمد اذا ماندمجن على يوم لحجيتن بي عليه سهله لعبتن بنار ونار وهاي نار راح تحركجن.
جريت ملازمي خزرتهن وهنه ماوكفن يتغلطن طنشتهن ورحت طلعت من جامعتي كبل شلت تلفوني اتصلت على ابويه بعد ماكدر ادخل جامعه اعرف فصلوني بسبب العركه صارت جاوبني بسرعه حجيت
-: الوو بابا
-: هلا حبيبتي؟
-: بابا اريدك بموضو؏َ
-: اي كولي وهوهَ
-: بابا اكو بنات ما مربايات هواي غلطن من دخلت بهاي الجامعه وهنه يتمادن بلستهن وطنشتهن بس مال يتجاوزن عليك لاولله احرك سلف سلفاهه
-: خلص اعتبريهن انفصلن عن الجامعه
-: اروحلك فدوه هيبتنه يرحلك فدوه امهات الوصخ
-: هههههه يابعد بيتي
-: زين بابا اكلك شي اكيد المدير هسه فصلني شسوي
-: اعتبري سالفه محلوله يبُا انتِ باجر روحي الجماعتج واني جاي وراج
-: اوووكي حبيبي ضحك سديت الاتصال شفت زهراء واكفه تخابر بأخوهه شافتني سدته اجت عليه
زهراء-: ها ولج شكال عمود احمد؟
ايڤن-: من باجر هنه مفصولات
زهراء-: عليج الله؟؟؟؟
هههههه والله حتى يعرفن اوادمهن انطيتهن مجال خل يولن
زهراء-: بس وربي بلوه انتي عفيه عليج بعد ايدي بردتي كلبي غسلتيهن غسل وفضحتيهن صدمتيني من طلعتي تدرين بخيستهن ههههههههه
ايڤن-: بنت ابو الاستخبارات بعد ضحكت بقينه نسولف اجه اخوهه راحت وره دقيقه اجه ايهم صعدت ويا رجعت للبيت هلكانه وريكي يابس ونعاس موتني اخواتي شفتهن جايات قبلي بكم دقيقه بوست ماما صعدت لغرفتيَ غيرت ملابسي ونمت لليل يلا كعدت حسيت الباب يندك تمطيت صحت منوو؟؟؟
رولا-: انا ايڤن
كمت عدلت شعري صحتلهه طب اجت باوعت من الباب ابتسمتلي رديتهه كالت
رولا-: محضره سفره بتتعشي عم بينادوكي
ايڤن-: اي حبيبي جايه كليلهم
هزت راسهه طلعت لفيت شعري كبايه نزلت جوه لكيت الكل مجتمع ابتسمتلهم رحت ؏ بابا بستهه ضحك عضني من ايدي صحت
ايڤن-: يبووو باباااا شلعت لحمه
احمد-: بنيتي نچره ههههه
ضحكت على سوالفه كعدت بصفه تعشيت شوي مجوعانه لان هستوني كعدت كمت طبيت للمطبخ لكيت نمارق سوي كيكه وياهه سيلين حجيت بضحكه
اوووهووو لك يابه شوف منو جاي يسويلنه كيك لا مستحيل سيلين تطبخ
سيلين-: انجبي ام راس لا أجيج بلچفجير تعاي ساعدينه
-: اييي مو جاي تسون باجه هيه كيكه رولا حبيبتي سويلي عصير اناناس
رولا-: من عيونيَ
ابتسمتلهه اجيت خليت لكرسي كبالهن كعدت اكل معكرونه واتفرج عليهن مخبوصات ثنينهن باوعت على سيلين شايله لخاشوكه وتركض حجيت بصوت مسموع
ايي عينيَ ناسينيه ارد اذكرك
سيلين-: شتقصدين؟؟؟
بقيت مضيكه عيوني ومبتسمه بخبث وهيه فار دمهه اجت ركضت وراي نهدت بيه
سيلين-: ولج ام راس تعاي شضامه عليه
ايڤن-: اهووو دوخري قابل شأرد اضم بس ليوم غريب صحيح مو مو؟؟؟
سيلين-: وجع شتقصديين دفضيهه
همستلهه-: ليوم ابو فلان جاي علينه هوه وجماعته اشوفج ليوم صايره نادره ههههه
عكدت حواجبي-: ومنو هذا ابو فلان؟
رفعت اكتافهه بمعنى مادري وتضحك ضربتهه على متنهه حجيت... كبررر دحجي
ايڤن-: ههههه حسن حسن عينييي
بقيت صافنه عليهه وهيه تضحك كفختهه على راسهه عفتهه رجعت اسوي الكيكه وتوتر ثولني شبيه يبو صحت لنمارق تحضر الكريمه صارت بيه ريحه اكل صعدت لغرفتي لحتى اسبح اخذت لبرنصل طبيت بسرعه سبحتَ وطلعت فتحت شسوار نشفت شعري خليته محلول بس خليت لماشه جريت بيهه خصله من شعري صارت حلوه لبست تراك اجت نمارق شايله تلفونهه باوعت عليه اردفت
نمارق-: اكلج لكلاده ذهب جابهه الي خطيبي كلت خل اصور بيهه لبستهه بشعري روحي راحت يلا وخرتهه وانكطع سلسله مالتهه شكول الله عليج سيلي وربي خايفه
سيلين-: يااا واذا فدوه الچَ شبيج مكبره الموضوع عادي تره كل مخطوبه سمعانه بيهه لو تضيع حلقتهه لو تنكطع كلادتهه فه شي طبيعي
نمارق-: ها يعنيَ اذا درو اهله خما تكبر سالفه ولج يبو هسسه يكولون عليه طفله مافهم
سيلين-: يمعوده تره حكفخج شبيج ترجفين هيه كلادته متكليلي عبالي كاتلتي بشر ليسمعج روحي بابا روحي اتصلي عليه خلي باجر ياخذج لصياغ انتي وامي وسووهه احسن شي لاكالت ولاكلت تمام
نمارق-: تمام حروح اتصل عليه
طلعت هيهَ رتبت غرفتي نزلت جوه يم اهلي لكيت لكل طالع بس حسن واخويه ايهم سمعت صوته عرفت باقي هنا يسهر يمنه بقيت اروح وارجع بلمطبخ هسه شجابني انزل اجت ايڤن تتمشه وتدندن بينهه وبين نفسهه
"يسمُعني حين يراقصني..
سكتت اجت عليه تاكل وتباوعلي أشرت عليه هيه وشايله خاشوكه
ايڤن-: ليوم شبي الحلو متوتر
سيلين-: مابيه شي متنجبين
ايڤن-: افااا عليج ومتسولفيلي ولج انا تؤامج جينه من بطن وحده وشهر واحد اكبر منج بدقيقه ياخايسه اكلنه سوه واحنه بطن وحده متحاضنين يامعفنه ياخاينه يا
بعدني ماكملت عاطت بوجهي
سيلين-: دخيللللك ربي اندرعت خلص اششش ححجيلج بس اسكتي
ايڤن-: اوووووكي سكتت يلا احكيلي كعدت ؏ كاونتر اشرتلهه تكملي علما اكل
سيلين-: كعدت كبالهه ولج ايڤن متوترة
ايڤن-: ولويش يمُه معرسه داتتوترين!!
سيلين-: دنجبي داكلج صارلي مدري شجم سنه ماشايفته يعني تخيلي من بدايه السادس وهاي اني مرحله اولى وراح ابدي بـ مرحله ثانيه تخيلي لاسامعه صوته ولاشايفته ولامراسلته فه هيج اقصد توتر شخص تحبي يختفي ويضهر بحياتج بوقت انتي أصلاً ممفكره بـهذا شي جاي تفهميني؟؟؟
ايڤن-: ايي حبيبتي فاهمتج بس هوه هم حسي بي تره عاشكج خطيه صارلج سنه ونص معذبته ادري شنو من كلب شايله ماحن منا منا ابد ماكو
سيلين-: لللج ايڤن شمدريج هوه متعذب وعاشكني هسه تلكي شابع وناسي بحالي بربج
ايڤن-: ومنو يكول؟
بلحقت عيوني عليهه اردفت-: يعني جاي لفهمه تتواصلين ويا صحيح ؟
ايڤن-: يس شكو بيهه
سيلين-: ادري شكو بيهه اعتباراً هوه واحد من هلـعيله بس لقصد هم يجيب طاريي شي
ايڤن-: هوه مصلحجي يجي بس يسأل عليج ومنا ومنا ويكول اترخص مع السلامه وابوك والله يرحمه
سيلين-: يعني شيكلج من يسئل عليه
ايڤن-: يباو عاد شي يفكني من هلـ تحقيق
سيلين-: خايبه دحجي
-: وللهي يا سيلينه كلما يراسلني هوه هيج بلـ اسبوع يراسل فه يكلي شلونهه يسئلني عليج خما مريضه هاي بيج شي زينه يكلي اكله اي ولله يكول خما ضايجه متاكل مخنوكه شي كتله ولعباس كلشي مابيهه ذيجه جنهه مطي بس تضحك وتاكل
ضربتهه على متنهه حجيت بعصبيه-: طاح حضج اني جني مطي يامطيه
ايڤن-: ههههههههه جاي اشاقه ولله بس مره خبلني من تمرضتي وكل شوي لو داك عليه لو مراسل شبيهه خما تخربطت خما تبجي خما شي يوجعهه اخر شي كتله كافييي ولله مابيهه شي يلا صدك وها ماصدك بشرط خلاني اخذلج صوره من شاده الكانيولا بس انتي هنا جنج مره مطلقه لاافس
سيلين-: صخااااام بعينججج اي ولللله بلك صدك وللج اييييڤن
ايڤن-: وطحيل شسويلج خبلتوني دنعل ابوكم كل شويه رن رن رن خبلللللني ردت احضره بس قدرت مشاعره وماردت اقهره فه صورتج انتي نايمه فاكه حلكج مترتين وجهج اصفر حلكج ابيض ومفطر وانتي وكفشتج وها مخليه ايدج على بطنج ولكانيولا بيدج اخذتهه ودزيته هوه الله يسلمه صفن بيهه وره ربع ساعه كاتب خوش يمكن رجال صارت عنده تخربط بدماغ فجة
سيلين-: بقيت الطم على خدي وللللج يمعزاييه يساقطه وللللج وجهي هناااا عبالك مره ارمله وللج شهل خبثثث تصوررريني بدون مادري جريتهه من شعرهه وهيه فحطانه من ضحك وتعيط على كيف حتى اوخر وتضحك
ايڤن-: آااااي شعري هههههههه اخ يماااا بوكتهه شكد ضحكت ولج اااي يمجلوبه شعري ونبي ماعيدهه
سيلين-: وللللج شتعيدييييين بعد مازربتي بيهه يانذله
ايڤن-: دفعت ايدهه احك شعري حجيت بنرفزه اهووو سيلي فوك ماصورج ههههههههههههههههههههههههههه
سيلين-: اييييڤن ولي جوه لا اذبحج هنا وحق الله على هاي دگتج وياي نذله مخليتني مضحكه يمه هسه كلما يحس بل اشتياق تجاهي يشوف صوره يتفل عليهه ويغم روحه شكول عليج يمشعولت اصفحه
ايڤن-: ههههههههههههههههههههههههههه قويه مال يتفل عليج ويغم روحه هههههه ولج يماااا بطني نزلت من الكاونتر خليت الماعون الاكل مشيت وهيه خازرتني وكفت كبالهه طيتهه ضهري هزيت خصر وغنيتت
:-اخباررك ايه حبيبي
طمني عليك عليك حبيبي....
نهدت بيه حجت بعصبيه-: دنعلللل ابوووج لابو حبيبج امشي ولي
ضحكت طبيت جوه بصاله يمهم كعدت يم اختي وكبالي حسن حجيت
ايڤن-: اكلك حسن مامفكر تزوج هاي
حسن-: هههه يازواج عمي اني وين وزواج وين
ايڤن-: ليش
حسن-: شغل بويه مالحك احك راسي حتى لو ازوج ولله تهج مني بليله ضلمه
ايڤن-: هههههههههه لهدرجه
ايهم-: دير بالك تخطي خطوه اذا ماتاخذ لي يرتاحله كلبك وعقلك
حسن-: مو بس هاي لازم اخذ لي اني لتمناهه بشريكه حياتي وتصوني وتريدني وتحترمني مثل ماحترمهه مو باجر عكبه ارضه وماتحس اله تدوسك وتمشي
ايڤن-: لازم مار بهل تجربه
حسن-: لا مو اني لمار بهل تجربه بس صاحبي حب وحده اربع سنين علاقه وجيب ودي ومن الاكلات وملابس زينه ومن اخذهه سفرهه اشترالهه سياره وعيشهه احسن عيشه الف بنيه تتمنه هلشي وتالي زط بط راجع من دوامه وهيه متدري بي شوكت يرجع لاكيهه بفراشه جايبه واحد بكد ابوهه خاينته وهوه الله يساعده حيللل دمر اذكرهه هوه سولف من شايفهه بهل وضع نكس خاف توازنه يعني انصدم
ايڤن-: يااا خطيه وشسصار؟
حسن-: هوه هاجم على رجال مدمي دمي وهيه كومي واشردي لاحكهه طالعه دورهه نبش العراق نبش بلـ مستشفى بلـ شقق ماخله فه وره شهور صاحبه كايله امشي على عزيمه كايله سهرايه متفقين وطالعين للملاهي وهنا الاسف لاكيهه
ايڤن-: صخاااام يمه وشلون عرفهه
حسن-: حبهه ورجلهه سنين وياهه شلون ميعرفهه هسه لو مو تغير وجهه وشعرهه لو تكلب خلقتهه رجال لي معاشر وحده مستحيل تغير بنظره
ايڤن-: هم صحيح كلامك
حسن-: المهم فه من باديه سهره لاكطهه مخليه قناع مدري شيسمو على وجهه بس مخليه عيونهه وتركص هوه هنا يكول اخاف اروح اوخر لقناع وتطلع موهيه فه باقي مركز عليهه وهيه من دايره وجهه عليه يعني لنكول هيه شافته وهوه شافهه هيه من صدمه دتطلع هوه كبل جافت عليهه جارهه من شعرهه يعني صارت هوسه الحمايه دخلو نسوان هنا امهات الملاهي يتعايطن هوه صايح بيهم ومطلعهه سحل من شعرهه هوه هنا متخبل خبال يعني كلشي مجاي يشوف احد كدامه من حقه يعني عرضةة مرته بنص خيسه وزلم وركص وحرام هاي شلون فه جار سلاحه طلقه براسهه وعايفهه بمكانهه وطالع اول مصاعد سياره الحمايه جتفو طلع هويته نقيب همه ابتعدو وتعذرو فه هوه بدم بارد كتلهه ومشه وهسه عايش حياته ويسهر هناك ولاچن قبل سنوات انخان
ايهم-: استغفرالله شهل عالم ياربي معقوله وصلت الخيانه هيچَ عدهن!
حسن-: كلشي اتوقع بهذا الوكت ميتأمن خويه
ايهم-: هم صحيح
ايڤن-: زين حسن يعني لنكول مجرد سؤال فضول
حسن-: اي اسئلي اسمعج
-: انتم زلم يعني ماكو رجال ممزوج او يحب ليش ترحون لمكان حرام وهم اعتاراً زنه وخيانه او لنفرض لقصد صاحبك كلت لحد هسه يروح ولاكن قبل سنوات انخان مو صح جاي تفهم لقصده!!؟
حسن-: شوفي هوه حلو سؤال واجه بوكته جريت لستكان جاي شربته جره وحده خليتهه ؏ طبله حجيت. الانسان مرات يشرد من اشياء ويفرغ ونسته على شي فارغ يعني لقصد يشرد من افكاره لتعبه هوه انتي كلتي زنه وخيانه اعتباراً اكو ٩٠ بلـ ١٠٠ تلكين اغلب زلم هناك همه مو يرحون يتونسون لا لتشوفي ملامحه مغيم عليه لمشاكل ولهموم يشرد من شي يروح للفراغ هناك مجرد يلقوه نظر يسهرون على مكان فارغ لحتى يتخلصون او ينسون لي همه بي هذا تلكينه شارد من وجع حبه او تلكين لدنيه من كل نواحيهه لاچمته فه هنا عقله يفرغ نفسيته تفرغ يصير يتقبل كلشي هسه لو تكليله اشمر روحك بلبحر ميكلج لا لان الانسان تطفي رغبته من كل نواحي يحس دنيه معتمه فارغه فه هنا لقصد همه يرحون لهيج اماكن لحتى يتخلصون منلي همه بي ينجبرون على شي همه مايردو بس هيج الانسان فه ليروح هناك ودنيه مغيمه بي وكاره كلشي حتى رغبته بلـ نساء ماكو يتونس بلشرب يضل ملهي روحه يباوع عليهن بس بداخله بفراغ ولاكن يشوف احد كدامه وهنا صاحبي من يوم الانخان لحد هسه هوه طفت رغبته بلـ نساء حواء كلهن صار يشوف لكل يخونن
ايڤن-: خطيه واصل لهل مرحله الله يعينه
حسن-: اي ولله
بقيت صافنه على كلامه شهل نفسيات لعدهن شلون يكدرن يتقبلن ينامن ويه الف واحد ايع لعبت نفسي ولله احه بالي اصيح للخبله لحابسه روحهه بلمطبخ ولو هسه لو اسحلهه هم متجي بقينه نسولف ترخص من عدنه حسن لحتى يروح كمت لحتى انام لان هواي طولنه بسهره وقفلت عيوني ارد انام صعدت لغرفتي رجعت طبيت بغرفتهه فتحت لباب على كيف لغرفه هندس ضلللمه عرفتهه نايمه خليتهه براحتههَ طلعت من يمهه رحت لغرفتي خليت ماسك لوجهي بقيت شوي سهرانه بقيت اغفي وافز عفت لملازم على لميز طفيت الاضويه نمت بفراشي بسرعه غفيت ثاني يوم كعدت بـ٦ ونص بسرعه كمت ركض ركض اخذت شاور سريع طلعت لابسه لبرنصل اركض فتحت باب غرفتي صحت
-: رولاا رولاااا
اجت تركض مبينه هستوه كاعده اردفت-: بسرعه حبابه جوعانه سويلي ريوك حبيبتي
رولا-: حاضر
سديت لباب بسرعه نشفت شعري شسورته لبست بنطرون ابيض ويا قميص بنفسجي لبستهم خليت شعري محلول بس سويت شوي كيرلي خليت الماشه سحبت نص كذلتي وخليت لعلى عيوني صارت تجنن خليت مكياج شلون مجان لبست كعب لونه وردي فاتح وجنطتي نفس لونه هم وردي فاتح تناسقيت ويا الالوان صارت توب رشيت من عطري لمفضل اخذت لملازم ولبست جنطه شلت تلفوني نزلت ركض ركض لكيت اخواتي همات جاي يتريكن متحضرات بقيت اني واكفه اكلت بس شوي شربت عصير طلعت لاكاني ابويه بوسته وطلعت ركض اجه لخط مالتي صعدت بوست زهراء دقتني بزندي
زهراء-: طالعه تموتين ولج
ايڤن-: حياتي فدوه لحلكج
-: زين باعي فكرتج مراح تجين لان ؏ لبارحه صار
-: وليش يمه أصلاً راح ينطردن من جامعهَ ميخوفن جلبي
زهراء-: عفيه عليج
ضحكتلهه بقينه نسولف لحد ماوصلنهَ نزلت امشي دخلت للجامعه لبست نظاره امشي سريع بس صوت كعبي رنان دخلت لقسمي اول مكعدت ؏ رحله اجه لمدرس مالتنه حمدت ربي ما اجه قبلي وبلش الامتحان
خلصت راجعت لورقه خما بيهه اغلاط ابتسمت بفرحَ ماكو اي اغلاط ان شاءلله اجيب درجه لريدهه سلمت الورقه طلعت للكافترياَ لكيت نرجس وزهراء وسمر كاعدات اشرتلهن هلاو اشتريت كهوه لمُره كلعاده كعدت كبالهن خليت رجل ؏ رجل اردفت اني وأشرب لكهوه
ايڤن-:شلونهن الحبايب
الكل-: زينين وانتي؟
ايڤن-: بنعمه الف لحمدلله
سمر-: بنات احس ايڤن بهذا ابتسامتهه لصفره اكو شي وراهه
زهراء-: ماعندي شگ
ضحكتلهن وخرت نظارات من عيوني خليتهه على شعري كعدت عدل خليت اديه ؏ طاوله اباوعلهن ابتسمت كلهن مستغربات اردفت سمر
-: ايڤن بطلي هلحركات دفضيهه احجي
اشرتلهن بأصبعي ؏ طاوله لمقابيلي لهنه كاعدات بي كلهن دارن وجوهن ردن باوعلي اشرت بأيدهه زهراء
-: شبيهن سحليات؟؟
ايڤن-: ربع ساعه اقل راح يجي اسمائهن للأداره وعينجن شوفنَ
سمر-: اتوقع لبالي صحيح
ايڤن-: وهوه؟؟
-: عمو احمد راح يجي يرزلهن وينفصلن وهسه شوفن كلامي صحيح
ايڤن-: بودي افتح راسج وابوس مخج على هلتفڪير
سمر-: ههههههههههه
بقينه نسولف ونضحك على موقف البارحه ويا زهراء وزميلهه اردفت زهراء
-: وللللجن يبوو نوب يريد يتقدملي ههههه
ايڤن-: اييييي علخيرررر لفرحه حصير فرحتين ول يبُا شجاوبتي من كالج
زهراء-: بنات شسوي كتله انطيني مجال افكر
نرجس-: تره ولله خطيه مبين شكد حابـج وافقي عليه رجال ذهب حرامات يروح من ايدچَ
زهراء-: ماعرف خل افكر انطوني مجال
ايڤن-: وافقي عليه زهره تره رجال هاويج وانتي تحبي ادري بيج بس خجلانـه
زهراء-: ههههه صح احبه بس بناات ممتوقعه راح يجي يوم وازوج عزااااا
سمر-:كلنه ؏ هذا طريق حبي وافقي خل نهز حيصير بيه توحد كرايبنه يوميه واحد ينسمط بس فواتيح خل نهز شي ولعباس طگت رواحنهَ
نرجس-: اي ولقران بس انتي تفهمين
درت وجهي شفتهن كامن وعود ميتحاجن درت وجهي عليهن ضحكت اردفت بحماس
-:احوي رايحات يشبعن رزايل
زهراء-: اكيد عمو هناك
ايڤن-: يس يس حياتووو
شربت الكهوه كمنه نفتر شوي ناخذ صور شفت بابا اجه بتجاهي ابتسمت بفرح رحت لاكيته حضنته
احمد-: واخذت حقج يبعد ابوج
ايڤن-: ياروحي اروحلك فدوه ابويه سنديَ
زهراء-: عمو الورد ضد الحراره ولبرد
الكل-: ههههههههههههههههههههههههههه
ايڤن-: باباتي شسويتلهن لسحليات
احمد-: اني مستحيل ارزل بنيه بكد بتي واني جبير بلعمر بس اكيد حجيت اهمالهن وتربيتهن لولي امرهن ولي فهمته انو راح ينقلن
ايڤن-: اي بابا يستاهلن ولله هواي سكتلهن دماغ سززيات
احمد-: ولج لاتشيلين غيبت العالم
ايڤن-: لعد بابا اخليهن يحجن عليك لاولله افرك حلوكهن لف ايده على متني باس راسي يضحك
احمد-: بنيتي الورده
ايڤن-: باباتي دام خلصت لعد خل ارجع للبيت وياك
-: اي امشي
ودعت البنات رجعت للبيت ويا بابا اشترالي عصير بارد وهوه بطل مي اخذ وصلنه للبيت كبل صعدت لغرفتي شمرت روحي بفراشي غفيت وكل شوي مكعديني لحتى اتغده ماكدرم هلكانه من تعب لليل يلا كعدت تمطيت بكسل حكيت شعري انتبهت صاير بـ٨ونص بليل اخذت لبرنصل طبيت سبحت بمي دافي لحتى اصحصح لبست تراكي ضفرت شعري كصيبتين وطلعت كذلتي تعطرت نزلت جوه لكل ياكلون شاميه لبنات وامي وابويه يسولفون كعدت بنص جريت لطاسه اكل وياهن واتابع فلم ؏ لواهس انتبهت على امي وابويه يتهامسون صار عندي فضول اعرف شيحجون اله اكو شي صاير مصبرت كبل حجيت
ايڤن-: اكلج ماما مايصير هلحجي بناتكم يمكم وانتم تتهامسون علقل شاركونه الحديث وياكم
سيلين-: اي ولله ماما صارلي ساعه عيني زركت من كدما كل شوي صافنه عليكم بس تتهامسون
ايلين-: ههه لا حبيباتي ماكو شي بس جاي نتناقش بسالفه خير
ايڤن-: يالله وهيه
ايلين-: ابن خالجن متيم خاطب ايه بنت عمجن ومنتظرين الموافقه عساس
بقيت مصدومه مبلحقه عيوني اني هنا حسيت توقف بيه الزمن مو عساس ميحبهه مو ميريدهه لعد شكد جذاب من كال بس تقضيه وقت كمت لغرفتي روحي شايطه طبيت قفلت لباب صرت افتر ارد واروح كمت اعض اصابعي ندم ولك مو عساس متحبهه متريدهه ولك واني طفله كرست حياتي الك من المستحيل مافكرت يوم اخونك بقيت بس الك وللللك هييييج تكسرني وتخوني بين يوم وليله تكسرنب هيج وكسره ويا منو ويا ايه بت عمي لي متدري لحد هسه بعلاقتنه الجذب ماكو منهه بحنيتهه وفطاريتهه كون ماتضوك بشعوري يوم خطيه ويا هذا نذلللل
دعيت من كل كلبي وروحي محتركه روح يا متيم عساك لاتهنيت ولا توفقت بحياتك ان شاءلله كون حوبتي ماتتعداك وتضوك ضكته يارب....
__________________♕
اندفع الباب بقوه رفعت راسي وروحي شايغه فكيت عيوني على وسعهن وشياطين يتكامزن براسي طب مختار وجماعته كمت امسح دم لملطخ بوجهي رفعت سلاحي تجاهه وأشرت بحركه كلب حجيت
ضلام-: وغلات عمر اذا صارله شي وحگ ربي احفر كبرك بأيدي ويلا بره وشوف وجه ثاني لضلام انته جبت لموت بيدك وشوف شراح يصير
مختار-: ههههه طالع طالع اني بس بعدني ماخذت حقي من ذيچ الگـ**
طلع بسرعه رجعت شلت عمر سندته وهوه بس يون صعدته بسيارتي بسرعه شغلت سياره توجهت للمستشفىَ دكيت على صگر بسرعه جاوبني حجيت بعصبيه
-: الحكلي خويه ولك عمر راح من ادينه من وررررره الگو**** جيب فلوس وياك وتعاللل وراي للمستشفى بسع.
سديت تصال منه اول ماوصلت صحت يجيبون الاسديه ياخذو جوه جابوهه ركض سندته نومو ؏ سديه دخلو لغرفه لعمليات بقيت واكف قابض ايدي انتبهت اجه صكر يركض وجهه ملهوف
صكر-: ضلااام شبي عمررر فهمني
دحجت عليه-: تصوب بمتنه
صكر-: منووو لي صوبه؟؟؟؟؟؟؟؟!!!!!
ضلام-: تتوقع منووو يعني اكووو غير الگ*** مختار بس يطلع عمررر بخير وسلامه من لعمليات لروح لاخذ روحه بيدي
صكر-: ليااا نذل ماكفااا سوا دار على عمر
ضلام-: الـ*** ماخلا يتهنه بفرحته ولله العضيم اصبرولي تندكون بينه سهله
مر ساعه ونص طلع دكتور كمت عليه حجيت
-: ها دكتور بشر ان شاءلله خير؟؟
-: الف لحمدلله زين بس حيل متأذي رصاصه جايه بضلعه وخاسر دم هواي فه خيطناله الجرح وهسه راح ينقلو بغرفه العنايه لحتى يرتاح ولحمدلله على سلامته
ضلام-:مشكور دكتور نقلو بغرفه العنايه طلبت من صكر يجيب اكل اله لحتى يتغذه طبيت جوه عليه هستوه صاحي دنكت عليه همست
-: عمر يخوي تسمعني؟
حجه بتعبت-: اي
الف لحمدلله ضحكت دخل صكر بيده الاكل خله الاكل ؏ طاوله حجه
صكر-: الف لحمدلله على سلامتك يابه هسه اكلك لكمتين حتى ترتاح
عمر-: ماريد يمعود بس اريد اخذ حقي منه
ضلام-: اكلك لكمتين ويجيك صافي بعد روحي كمت طفيت جكاره عدلت قميصي حجه
عمر-: وين ضلام
ضلام-: عندي شغل هسه اجي صكر دير بالك عليه طلعت شغلت سياره توجهت عليه اعرف بيته ليتختل بي النذل وين مشيت سريع ولله لاخذ روحك بيدي وصلت سياج محاوط البيت عبرته الاضويه خافيه نزلت على كيفي يم الباب حارس صرت وراه بحركه سريعه طكيت ركبته وكع من طوله طبيت جوه صعدت طابق ثاني فتحت لباب بقوه لكيته كاعد ينركل وراقصه تركص بسرعه كام من على طوله نزلت لثام من وجهي زمخت بي
ضلام-: عبالللللك ما الكطكك ولك گو***
مختار-: انته شدلاك بهذا البيت
تقدمت عليه حجيت واهز براسي بتهديد-: ماتصعب عليه شي
طلعت تركض درت وجهي عليه اجه يهجم عليه ضربته بوكس وكع من طوله دنكت عليه لزمته من فكه بقوه حجيت من بين سنوني
ضلام-: لحد هسه ساكتلك على عمايلك سويتهن ومانسالك لي بالماضي كتلت اصدقائي وشردت وماتبت سايستك وماتبت بس وحگ الله اذا ماخليتك تشتهي ريحه الموت وماخليك بحركه سريعه طلعت البره ضربتهه بركبته تفلت عليه ريحه شرب بي
**
عمر-: احس متني مخلوع من لوجع بقه صكر يشاقيني وياكل ويوكلني قرب الخاشوكه يم حلكي دفعتهه عطت بوجهه
-: بروووح ابيك لاتعاملني عبالك زعطوط كبالك
-: العار صوجي ومدللك
-: دنجب عمي عوفني ماريد سم بس شوفلي ضلام وين راااح خل يعوف لگ** اني اريد استلمه
صكر-: هههههه هسه تلكا مزوعه العافيه
عمر-: كلشي يطلع منه ادري بي فتح الباب طب لابس اسود بأسود كعد كبالنه جر باكيت جكاير ورثله وحده
حجيت
-: ها ضلام بشر؟
-: سحلتلكيا بلمخزن شوي عشيته خفايف عليك نهايته بيدك
عمر-: عاشت ايدك بس شوي يصير بيه حيل واني اصفيله
_______________♕
"ايڤن"
مشن يومين ومطايقه احد رتبت شعري رشيت عطر طلعنه لبيت عمي ابو ايه لكيت الكل مجمتع سلمت عليهم انتبهت ايه كاعده جنهه لعابه من كدما ناعمه وترفه رحت حضنتهه وهيه بادلتني بالحضن تبوس بيه وتضحك
ايه-: ولج ايڤوو ولله طاك كلبي عليج وين هلغيبه شلونج شخبارج وين ماوين صارلي هواي مشايفتج
ابتسمت مجامله الهه اعرف مالهه ذنب اردفت-: ايي شكوو سمعت اخبار تجدح سولفيلي
باوعتلي بحيره
ايه-: خطبني متيم ابن خالو ازهر اذا تعرفي
ابتسمت بستهزاء-: ايي ليش ماعرفه وانتي شنو قررتي توافقين لا؟
بقيت اباوعلهه عكمشت وجهه عوجت حلكهه اردفت
ايه-: ايع ماريده
حسيت قالب ثلج ونزل على كلبي كلتلهه-: اي موعساس تحبي؟
نصدمت حجت بتوتر-: لا لا يمعوده ماريده احسه ملعب حركاته ايع محلوه
-: وقرارج الهم شراح تكولين؟
-: ماريده
حسيت شفه غليلي بي اريده يعيش نفس لعيشنيا على كسرتي ولوعت كلبي يستاهل
بهل اثناء نحجي شال تلفونه عمو خابر خالو ازهر لحتى يردلهم الخبر كله نعتذر لبنيه مقابله ماكو نصيب وهيه بعدهي صغيره
فهمت ان الموضوع بين اطرفين تصافو ومشت الايام ولااشهر ويا دوامي لمتعب ولبيت وروتيني اليومي
هستوني راجعه من الجامعه لابسه سوت نيلي كامل كمت البس طويل وعريض مراحت من بالي حجايه ضلام العالم تخوف وحوش لان صدك احس العالم عيونهم سيوف وتنظرلي نزلت من لخط تمشيت انتبهت ضلام شايل تلفونه ماعرف ويامن يحجي نزلت نظارته شافني بقه لثواني صافن بوجهي تحمحمت اردفت
ايڤن-: شلونك شخبارك ضلام شوماكو ماتجينه شتاقينالك ولله
رفع حاجبه ممصدك عضيت شفتي هيه جفصه وره جفصه ضحك وادرف
ضلام-: هلا بويه بخير لحمدلله اعذرونه يبا شغل وملتهي ويا الاهل انتي شلونج بطريقه
ايڤن-: هههه زينه
ضلام-: البسي حجاب يول الله
ايڤن-: وانته شعليك يمه؟؟؟؟
ضلام-: دنجبي ولي جوه
ايڤن-: اييي مو علكيفك
-: راح تنفتك وتعال شيخلصني اروح احسن
خزرته ومشيت بس سمعت شخطة سياره ضحكت صعدت لغرفتي ولله هلرجال غريب ومكروه بس يحشر نفسه بيه يريد الاهانه يلا يرتاح فتت من يم غرفه ايهم اجاني صوت استوقني رحعت اتصنت
-: شمعه حياتي انتي ولله هذا الاسبو؏ ملبسج الحلقه
بويه اني هنا حسيت صاقعه وصعقتني ركضت اهرول ؏ لبنات چفتت عليهن هنه نصدمن صاحت سيلين
-: هيووو شبيج
هزيتلهن واني اضحك هلا هلا راح يصير عدنه عرس وخطوبه ولكم عيني
الكل-: خطوبه منو؟؟
سولفتلهن سمعته بحرف الواحد ماحس غير اختي جبيره رسل طكتهه بهلهوله ضحكنه اني هنا نخلست من دخل اخويه ايهم صاح
-: وسسسسم تخبلتن شكو منو لمعرس
رسل-: ايي عيني خويه تستاهل نهلهلك سمعنه هذا الاسبو؏ تلبس حلقه لمعزوزه العين
دار وجهه عليه عرفته لكطني خزرني نخلست ردت ابجي حجيت-: موو شوف ولله من فرحتي ماكدرت اضم الموضوع ردت اخواتي يفرحن وياي مو احنه نحبك وفرحانيلك ولله
هوه هنا نفجر من ضحك كبل كال ولله يابعد اخوجن فدوه اروحلجن اريدجن تبيضن وجهي كدامهه
باوعلي وميت من ضحك اردف
-: تعاي انتي ام علوم تعاي ارتاحيتيلي هسه
-: ولله اذا ماكول تبقه سالفه تضل تاكل بكلبي بقه يضحك التمينه اني واخواتي نضحك حضنا سوه
مر اسبو؏ على لخبر لحلو واخويه اخذ امي واختي جبيره واني وعمامي ثنين رحنه للبنيه اول مادخلنه لبيت مالتهم استقبلونه استقبال كلش حلو اول مكعدنه امي فاتحت الموضو؏ لم ام ابنيه ومبينه لفرحه على وجوهم
ام ميلا-: ولله النه شرف بنسبكم وين نلكه منكم بس لازم انشور لبنيه وابوهه
اني هنا متحملت اجتني ضحكه بوقت مو مناسب طكيتهه بضحكه اريد اسكت ماتحمل ومبينه هيه فهمتني ضحكت على ضحكتي وامي بس تخزر بيه طلعت ام لبنيه شوي واجت وياهه بنيه اول ماشفتهه صليت ؏ نبي على جمالهه سبحان الخالق عيونهه خضر وشعرهه اسود ليل عبالك وماشاءالله طويل على طولهه اجت مبتسمه بوستنه وكعدت بصف امهه وامي بس صلي ؏ نبي واني فاكه حلكي صافنه همست بيني وبين نفسي معقوله اخويه ابو عطوب يعشك هلعابه وتتقبله هيه مقعوله!
باوعت على نفسي وعليهه اني بنيه وهيه بنيه امداني هيه تلك من لبياض وترفه حيلللل هيه انتبهت عليه بسرعه رديتلهه الابتسامه اجت كعدت بصفي عرفتهه على نفسي وكالت
ميلا-: اني مواليد ٢٠٠٣
ضحكتلهه-: حبيبتي لعمر كله صفنت بعدهي صغيره واخويه عمره٢٩ سنه ولله عبالك اب وبنته استغفرالله ايڤن انطمي
المهم وره يومين رجعولنه الخبر موافقه واحنه لفرحه مسايعتنه وخاصتاً اخويه وجهخ احمر من لخجل ويضحك حيل تعبنه بتجهيز القاعه ولحفله خطوبه
بقينه يومين بس نحضر سوالف لخطوبه وترتيب
واجه يوم الخطوبه لبست فستان احمر كلوش فوك عن ركبه ومكياج طوخ وخطيت شفتي بحمره حمره طلعت اخبل اجتني العاروس لابسه بدله حمره ضحكت كتلهه
-: ليوم عيني منسقين
ميلا-: ايي هههه تجننين حياتي
بوستهه هنا ضجت حيل لمصور متيم نذل طلع طنشته صار وحت الحفله اخوات العريس ولعارس ركصنه ركص هزينه الكا؏ حيل تونسنه ومتيم مشغل تصوير ويباوعلنه وره شوي كالو راح يدخلون جماعه ايهم العريس اكو اغلبينه نسوان تسترو بس احنه اخوات العريس اصلنه سافرات بقينه هيج دخلو يدبجون ويا ابو طبل ولهوسه انتبهت ضلام لابس قاط ردت اوكع من طولي يربي لحلا شايله ينعل يومك انتبهت عليه صافن عليه وخازرني ويشرب جكاير استغربت هذا شبي سلمت عليه من بعيد لبسني ودار وجهه حيل ضجت غميته شفته عدل ياخه قميصه كام للحمامات صرت احوص دخل اروح ورا استفسر منه ولو ادري تصرفي ثولان
شفته واكف بركن يطحن بجكاير وحده وره لخ بس شافني كبل كلت
ايڤن-: هلا ضلام شلونك
هنا نحسيت غير هجم عليه لو ايدي لزكني بلحايط حجه وانفاسه الحاره تلفح بوجهي
ضلام-: انتيييي شنووووو من بشر ولج فهمييني بعد بعد طلعييي ط**** شهل قنااادر لابسته ماستحيتي على روحج كدام الولد لابسه صلووووخ ماستحيتي ولج باباااا
بقيت مصدومه وخر عني وشريان ركبته بارزه مبين حيل عصبي وعركان حجيت بعصبيه
ايڤن-: انتةة شلك علاقه اخويه ابويه عمي شعليككك بكلشييي حاط دوببببكك ماستحيت على نفسسيك هيج وتتجرأ تلمسني لا وفوكاهه تعيط بوجهي شهل تصرف خويه رجائن وهذا اخر مره اشوفك هيج تعاملني انتبه على تصرفاتك
مشيت اجيت اطلع استوقفني كلامه اجاني صوته
ضلام-: اني اسف ايڤاني
درت وجهي عليه مصدومه لقبي لحبه حجاهه بنبرته
حجيت بهدوء
ايڤن-: ها
تقرب عليه اكثر رجعت اكثر ليوره لزكت روحي بزاويه خايفه منه تقرب عليه دنك راسه لفرق طول بينه كولش ضخم واني واصله لبطنه رفعت راسي اله زفر طن هوه لفحتني ريحه عطره لقوي مخلوط بجكايره سطرتني بقيت مبلحقه عيوني عليه حجه كلمه خله دنيه تفتر بيه من صدمه
ضلام-: احبچ يـ شمامه ڪلبي ♥.
يتبع🌚🖤🔥
شلونه البارت عجبكم🥲🔪
حبايبي لاتنسون التصويت+تعليق على كل فقره لطفاً 💜
حساب الانستا للتواصل معي ومع الابطال
its.zlzala0
#الكاتبه زازا
#ابوضبع 904
دمتم سالمين روحـي🤍.