الرقطاء وكراتها الثلاث 🐍
اللـدغه الثانية والعشرين
بقلم كهرمانه
_______
{ أَنـا بَـحر أتـودُ الغرقَ}
هرم:-رجف كل جسمي من سمعت بموضوع الحربه وبطني وجعتني
بـَحـر:-وهسه مستعده تنفذين اللي أريده
هرم:-شِــنو اللي تريده !؟
بـَحـر:-حضري روحچ باچر أجي اخطبچ
هرم:-تخطب منو عيووونييي ايععععع هــوَ حياتي ناقصها بَــس انتَ وأدخل موسوعة غينيس بأكثر بنيه أكو بحياتها زبايل
بـَحـر:-بعديـن مو تجين تتوسلين علمود اخطبچ
هرم:-اهوووووو شـلون عطلات سديت الخط بوجهه شويه واجتني صور واني طالعه أشرب جگاير وبعدين صور من أنـي اتعارك ويه الولد ومن لزمت الحربه وضربته بيها الصوره ملقوطه من نفس مكان السياره السوده الشفتها
ضليت افتر بالغرفه متوووتره كُـلش متوتررره وهذا ميتفاهم مباشرةً يشوف الصور للشرطه وانسجن لااا وسمعتي تصير على كل لسان
مارييدد اواافق وماكو حل غير هذا ، قررت أوافق وأكيد ماراح يتحمل تصرفاتي ويشرد بريشاته أصلًا يجوز يسوي هــيچ علمود ينرفزني المهم بالحالتين أنـي أطفره أطفره
نزلوا دموعي من تذكرت وحدتي هسه لو مسك يمي ماچان حلتها وهيَ اتصرفت الله ياخذك يامعاذ حرمتنا من أُمنا الثانيه
لزمت التليفون مالتي تنفست بعمق واني أباوع عالرقم إتصلت وأني أحاول أكُـف شهقاتي وما أگدر ردّ مباشرةً من إتصلت
-موافقه عود شــوَكت متريد تعال اخطب
بـَحـر:-عفية بـ سلسلة الجمار
هرم:سده بوجهي بعد ماگال هالجمله مسحت دموعي ورحت لديالا وگلتلها تصيح وجد وتجي علمود أحچيلهن ماگدر أضم عليهن شـيي
وجد من عرفت ضلتّ تبچي وديالا تفتر بالغرفه وتضرب على خدها بصدمه
ديالا:-ولچ هرررم عفتيها كلهااا رحتي اندگيييتييي ببحرر حظچ وداااچ علييهه لچ انيي من اشوفه سلام بالگوه أسلم عليه مبيييين من شكله عقددده وحتى من يباوع علينا گانو لازم لزمه
هرم:-هوه شمدريني بيت عبالي بيت واحد عجوز
ديالا:-وانتِ ماتعرفين آل صحار وكرايبهم عايشين بهاي المنطقه مستحلينها اصلًا وانتِ مو گلتي أروحح اجيب الحربه اطفر لــيش ماطفرتي وجبتيهن
هرم:-ديالااا هــوَ أنـي أول ماصعدت هستوني جاي ابدل وإتصل
ديالا:-استغفر الله بـَحـر دااااهيه دااااهيه
وجد:-احسه يعرف امي
هرم:-امي شعليها
وجد:-نضراته النا كأنو كاشفنا وكاشف ملعوبنا وخططنا
هرم:-لاا لاا هذا غبي شمفهمه بخططناهــوَ يباوع عالناس كلها هــيچ متكبر ، بَــس گولي يعرف ماضي أمـي وابوي واكو شـيي صايــر وهو لازمه عليهم أكلچ اي
ديالا:-معقوله صديق بابا وبابا مسويله شـيي
وجد:-لاا مو بعمر بابا اصلًا مبين اصغر ، شخص غامض ومينضحك عليه بسهوله مثل معاذ هرم ديري بالچ منه مبين مو شويه
هرم:-لازم أگول لـ مسك
ديالا:-علمود تشرب من دمچ لاتگولين الها شسويتي بَــس گوليلها إنُ إنتِ راح تنخطبين وبحر حابته وهو انعجب بيج وخطبچ بسس هررم لاا اكثر ولا اقل مسك بَــس اللي جاي يصير وياها كُـلش كافي
وجد:-بالحالتين مسك ماراح تقبل شِــنو نسيتوووا هرم لازم توگع منووووو
ديالا:-مروان
هرم:-واذا مروان عقله مقفل وحتى ميباوع ذيج الاشهر كلها احاول كل ماشوفه وهو تگولن شايفله صخله مو بنيه ولا كأنو
وجد:-لعد شـلون راح نگدر نلزم معلومات عن عابد اذا مو من طريق مروان إبنه تالي خاله لمروان طبگ عالخط
هرم:-عوفنه بـَحـر السويقط أنـي أعلمه والله لاخليه يصيح خلصوني منها
ديالا:-ههههههه عفيييه بهروووم هــيچ اريدچ تطفشيينه
هرم:-توصلچ الأخبار حضرتلي تراك البسه خاف صدك يجن النسوان يشوفني لو يحچن بموضوعي غسلت وبدلت ولبسته ورى العشاء إندگت الباب شفنا بالكاميرات الحجيه وسلمى ومرام زوجة كنان
راحت فتحت الهن الباب أم موسى واني دخلت للغرفه مال بيبي گعدن بالأستقبال يم بيبي وضلن يسولفن شويه وسلمى فتحت الموضوع وگالت لبيبي وطارت من الفرحه تريـد بَــس تخلص مني متأكده
مرمر:-شفايتي والله ورده بـَحـر أُمنيتي ياخذ وحده من بنياتي
هرم:-ضلن يسولفن انتبهت على رنده ضاجت يمكن لأن عبالها راح تروح معزتها لو أخذ مكانها .. ورى ثلاثة أيام رجعنالهم الموافقه وحددوا گطع المهر بعد يومين وبس بيتنا وبيت آل صحار العائله فقط
إتصلت على مسك علمود ابلغها ماخليت وحده تگوللها غيري حتى أعرف اقنعها متأكده مليون بالميه ماراح تقبل رَدت عليه ودخلت مباشرًة بالموضوع
-مسك بعد يومين المهر مالتي
مسك:-هاا ؟
هرم:- اي والله يــاا اختي
مسك:-من شــوَكت هذا الحچي شــوَكت انخطبتي ولمنو لمروان مو ؟
هرم:-لاا وين لخال مروان
مسك:-چذااااابه
هرم:-لاا ماچذب عليچ
مسك:-ولچ ياعوبه احنا شقررناااااا مو مروااان ابن سلمى أنـي شگايلتلججج
هرم:-الحب اعمى بعد شسوي حبيته
مسك:-هــوَ هذا هَـم ينحب خرب ذوقچ لچ ششفتي بيه
هرم:-گلبي يحب كل حــِلوو وبحر احلى الشباب قفل ملفهم جميعًا فديت وجهُه
مسك:-امداچ وامده گلبچ شِــنو فايدة الجمااال اذا هوه اسلوبه جاف
هرم:-منوو گلچ اسلوبه جاف بالعكس لطيف وحباب كُـلش
مسك:-هرم
هرم:-هــا
مسك:-انتِ صدگ رايدته لو جاي تفورين اعصابي وتضحكين عليه إحچي الصدگ
هرم:-وغلاتچ عنديي بعد يومين يعقدلنا شيخ
مسك:-هاهيه لعد
هرم:-والتخطيط
مسك:-راح ينشمر عليه يَـعنـي أنـي لازم اضل ابحوش ورى عابد
هرم:-انتِ كفو ولاتنسين دائمًا تصير مواقف تكشف البشر وتساعدنا هَـم علمود يبينون على حقيقتهم
مسك:-اممم
هرم:-تجين لو لاا
مسك:-ماعرف اشوف معاذ بلكت يقبل يجيبني
هرم:-واتفلي بوجهه وگليله هــاي هديه مال عرسنا دزتها هرم
مسك:-ههههههههه
هرم:-يله حـبـيبتـي إخذني راحتچ
مسك:-ديري بالچ ع نفسچ واذا ما أجيت معناها معاذ ماقبل
هرم:-عود هوه عنده كلمه ابو الوصخ
مسك:-مجبوره أسايره مصلحتي يمه
هرم:-هَـم صح
مسك:-يـله بــاي
هرم:-باااي
مسك:-سدته هرم بَــس أني گلبي مامرتاح معقوله ضامات شـيي عليه ، زين معاذ شـلون إقنعه حتى أروحح وهو من يوم الضوجته طلع ومارجع عايفني أني والعامله بالبيت
لزمت التليفون واتصلت عليه رفضني ورى شويه رجع اتصل َرَديــتّ مباشرةً
-هــا أفعى
مسك:-هــا حبيبي شِــنو اليوم ماتجي عايف مرتك وحدها بالبيت !
معاذ:-شگلتي ماسمعت عدل
مسك:-گلبت عيوني ليفوگ بملل وحچيت بنعومه
-شِــنو متجي اليوم أريد اشوفك
معاذ:-گلتي حبيبي لو أني سمعت غلط
مسك:-اي عُـمري هسه شِــنو تجي اليوم ؟
معاذ:-اححم ان شاء الله أجي حضري روحچ عود
مسك:-تَـمام ،من گال حضري روحچ لو بيدي ألزمه واعلگه بالبنكه ،مصدگ روحه ، رحت للغرفه مالتي فتحت الكنتور وضليت اباوع اريد شـيي مناسب يغري لهالمعاذ حتى يتقشمر واروح للخطوبه مال اختي
ماريـد هــيچ مناسبه تفوتني اريد اقرا الوجوه احس اكو شـيي وغيابي أبد مو بصالحي ، طلعتلي لبس مناسب وصحت للمساعده اجتني بسرعه
ريم:-ها ماما
مسك:-أكيد تعرفين شِــنو بحب معاذ من حلويات او شغلا ياكلهن صارلج كم سنه وياهم انتِ
ريم:-خمسة سنين ماما اعرف شِــنو يحب معاذ
مسك:-يـله بسرعه قبل لاا يجي حضريلي گعده بالغرفه مالتي
ريم:-تَـمام
مسك:-دخلت سبحت وبدلت خليت أقوى عطر أُنثوي عندي شسورت شعري خليت مكياج لوجهي خفيف بَــس الروج احمر ، لبست روب وصحت لـ ريم جابت الشغلات الوصيتها عليهن
طلعت من الغرفه واني گعدت رجل على رجل وأصبغ بأضافري لون أحمر نفس لون الروج اللي خليته طلعت من الغرفه وگعدت بالصاله
سمعت صوت السياره مالته ركضت سديت البرده لأن سمعته ريم گالتلي بابا معاذ مايقبل البرده مفتوحه بسبب سياج البيت الناصي
انفتح باب البيت شفته يدخل وسد الباب وراه گمت من مكاني مشيت وأني اتمايل نضراته تحولت تجاهي
يحتارعليمن يباوع ابتسمت ووگفت گباله لزم شعري خلاه على وجهُه واخذ نفس عميق
اختل توازنه ولزم الحايط وبأيده الثانيه لزمني من خصري إبتسم وگال
-على شِــنو ناويه؟
مسك:-ميصير ممنوع لو حرام
معاذ:-معقوله ماكـو مصلحه
مسك:-إنتَ شتشوف
معاذ:-أفعى ومتسوين شـيي عالخالي بلاش لازم ختامها لدغه
مسك:-دتضلمني
معاذ:-بعدهن عيونچ هنه هنه
مسك:-اي ، بسته بخده ولزمت ايده
معاذ:-صايــر شـيي ؟
مسك:-لــيش مستغرب غير إنتَ حبيبي وأبو بيتي شعندي غيرك باوعلي وعيونه مليانات شك وبنفس الوقت عاجبته تصرفاتي المصطنعه رغم هــوَ حاس ويايَ وجاي يسايرني خليت ايدي ع رگبته دفعني بخفه يحاول يخلص روحه من عندي گعد عالتخم وگال
-منچ من الشيطان رايدتني اليوم لهالدرجه غيابي مأثر عليچ وماتحملتي
مسك:-ماجاوبته گعدت ع رجله وهو مثل اللي جمد بمكانه مايتوقع حركاتي عقله افتر اضحك عليه بداخلي كل شويه اريد افاتحه بالموضوع بَــس أگول بعد خل أكسبه أكثر حچيت وهو صافن عليه ومركز بكل حواسه
-لاا مني مو من الشيطان حبيبي إشتاقيت وگُـلت لازم افتح صفحه جديده وانسى كُـلشي صايــر بيناتنا فكرت وشفت حياتنا شِــنو تاليتها قابل نبقى طول العمر نتعارك مراح نوصل لحل غير الانفصال وانتَ هذا الشي مستحيل تقبل عليه فـ تماشيت ويه الأوضاع
حضنّي بقووه بعدها ابتعدت منه وگلتله ع الشغلات اللي محضرتهن إله بالغرفه راح للغرفه شاف الگعده المحضرتها ضحك وگال "ناويه عليه الأفعى اقسم "
اكل شويه واني اراقب فقط دگ تليفونه وراح يحچي بالتليفون ورى دقايق رجع ، يباوعلي بنضرات غريبه ماعرفت افسرها نضرات مليانه شك او شر او مكر
حاول يتقربلي وردت اتجاوب وياه ماگدرت أتذگر عمي وأصلًا صورته تتجسد گدامي حاولت وفشلت نفسي لعبت وحسيت روحي راح استفرغ ركضت للحمام غسلت وجهي بـ ماء بارد تنفست شويه طلعت من الحمام ورجعت للغرفه مالگيته
رحت للصاله لگيته گاعد يهز رجله بتوتر من حس على وجودي اجاني بسرعه لزم وجهي وحچه بقلق
-لــيش من اريد اتقربلچ هــيچ يصير بيچ؟
مسك:-يمكن عندي فوبيا
معاذ:-فوبيا من شِــنو همه الناس تصير بيهم فوبيا منچ
مسك:-اي صدگ
معاذ:-مسك انتِ تضحكين عليه شــوَكت ماترديني اجيج وامشي على مرامچ وشوكت ماتردين ابتعد وتصديني شِــنو مضحكه عندچ ترى گوه مصبر روحي على سوالفچ التعبانه وكل بَــس واله طاقة تحمل وبعدها بمممم تنفجررر
مسك:-حاولت اغير الموضوع گلتله
-وين تبات اليوم ؟
معاذ:-مسسسسك احچي ترررى روحجي طگت لــيش هيچ سويتي جبرتيني علمود أجي
مسك:-أريد أروحح
معاذ:-مابيييچ حظ أبددد شوفي كلشي عندچ لأجل مصالحچ الشخصيه
مسك:-گام من مكانه وراد يطلع من الصاله مشيت وراه ولزمته من ايده
-اريد أروحح لأهلي باچر اختي هرم تعقددد لازم أروحح
معاذ:-مو گلتلچ مترررحيييين ممنوووع
مسك:-لزمت أعصابي بالگوه رِدت انفجر بوجهه
-مو مختنگه من البيت وحدي لــيش تمنعني من الروحه
مسك:-عافني وطلع بدون لايرد مشيت وراه شفته راد يطلع السياره مالته وگفت بالباب وگلتله
-اذا ماخليتني ارووح تحلمم تشوووفني بعددد معاااذذذ
معاذ "بـ صوت عالي":-دخلي مسسك ولاتعيدييينها بعددد
مسك:-تخبلت من هيچ گلي دخلت للبيت ورگعت الباب ورايَ ، رحت للغرفه لميتها والغراض خليتهن بالمطبخ ورحت للغرفه مال العامله
لگيتها گاعده گلتلها تنضف المطبخ واني دخلت لغرفتي تمددت وأفكر شلوون أروحح باچر لااااازم أرووح ..
.
.
هرم:-بيوم العقد طلبت الماكير هشام يجيني للبيت يسويلي مكياج وشعري اعوفه ميصيرله تسريحه حِـلوه سَـويته ويڤي لأنو قصير شويه اعلى من أكتافي
باوعت لنفسي لو بيدي أتفل على روحي بالمرايا على گد الشبه لخيزرانه الله لايذكرها بالخيرر خالة نقاء جايه هـيَ وحماتها
تباوعلي بنضرات ماعرف شلونها نرفزتني كُـلش سألتها
-عود لــيش هيچ تباوعين تمارا اكو شـيي
تمارا:-لاا ماكـو شـيي
روم:-لعد لــيش هيچ تباوعين كأنو معاجبچ بيه شـيي غلط گولي
نقاء:-هرررم شبيچ
تمارا:-لاا ماكـو شـيي اصلًا تخبلييين بَــس اكو مو صغيره عالزواج
هرم:-لاا موصغيره واذا ع المسؤولية اگدر أربي عشيره تطمني خالة نقاء تأشرلي أسكت رِدت احجي اجت يمي
-ولچ هرم عوفيها راح تگوملچ
هرم:-غير املخها
نقاء:-عوفچ منها تعاي انتِ من شــوَكت تحبينه ورايدته أنـي الأعرفه ماتطيقينه لبَـحر لاا انتِ ولا خواتچ
هرم:-هاهيه صارت بعد الحب أعمى
نقاء:-احنا شنريد بَــس تنسعدن يــاا ماما قابل شعدنا وياچن عبالي امي جابرتج لو شـيي صايــر هاهيه مادام انتِ هَـم رايدته الله يكتبلكم السعاده مسك شلونها
هرم:-الحمدلله زينه
نقاء:-وضرتها وين ؟
هرم:-مسك بيتها وحدها گاعده وضرتها يم اهل معاذ
هشام:-هرووووم شِــنو هالجمال يــاا الله تخبلين
هرم:-عاشت أناملك هشومي
وجد:-عزززه بناتتت تعاااالن شوووفن هذا منوو أجه
ديالا:-عووووع معاذ المغثه
هرم:-عوفني خل أروح أنعل سلفه سلسفينه
وجد:-كعدي كعدي شوف شـلون تغلط غلط
هرم:-لــيش ماجاب مسك وياه
ديالا:-خلي يولي مسك گالت ممنوع هرم تسوي شـيي لو تحاچي معاذ
هرم:-مسك هَـم مدري شلونهااا لــيش قابله بتصرفات معاذ
ديالا:-علمود من تسويله الضربة القاضيه يكون اكو اسباب
هرم:-گعدت بالصاله وخلوا رجليه بطشت مال مي وورد وخلولي هيل وغطوني بشال اجه بـَحـر ووياه الشيخ وآل صحار بَــس موجودين وبيتنا الخطوبه كُـلش بسيطه
تم العقد وكلها باركت النا بَــس أنـي مفتقده مسك كُـلش فراغ الخطوبه بدونها ضليت گالبه خلقتي لبسني الذهب وضلوا شويه آل صحار وطلعوا
بقه هــوَ واخته رند گعدت اكل كيك وهـوَ بالأستقبال دز أم موسى علمود تصيحني ورحت دخلت للأستقبال شفته يخابر
سديت الباب وگعدت بصفه بَــس بيناتنا مسافه خلص المكالمه شمر تليفونه بصفه واتكئ عالتخم وغمض عيونه
-خير رايد شـيي صايحلي
بـَحـر:-هــاي شِــنو سلاسل الجمار طالعه أُنثى
هرم:-والله شكرًا ، بَــس علمود هــاي انتَ صايحلي
بـَحـر:-اسكتي شويه رأسي يوجعني
هرم:-شگد متناقض يَـعنـي اذا راسك يوجعك واني دوخه شــكوو تصيحلي رِدت أكوم لزمني من ايدي وگعدني بصفه
بـَحـر:-گلتلچ اسكتي شويه ماگلتلچ گومي منا ، بعديـن منو هذا هشام لاطش يمچ اليوم وانتِ تضحكين وياه
عينچ تحوس عينًا أبوچ النسونجي
هرم:-يحچي ويمشي ايده على وجهي من جاب طاري أبويه لزم فكي بقووه دفعت ايده بحركه سريعه وضليت لزمتها ماعرف منين اجتني القوه اتلاوه وياه
-إنتَ ناويها على شر ميجوز عالميت غير الرحمه واذا جاي تذكرني بماضي أبوي وتحملني ذنب أني مالي شغل بيه لأن انولدت بدون أب ولا أم
جدو رياض هــوَ اللي جان مسؤول عنّا اذا عندك وياه عداوه لجدو تعال طلع ثارك بيه غير هذا لاتضل تمسلت خوش
بـَحـر:-منو اليمسلت
هرم:-باوعت بأرجاء المكان وگلتله
-ماكـو احد هنا غيرك فـ إنت المقصود گمت من مكاني لزمني من ايدي وشمرني عالتخم
-منو سمحلچ تطلعين بعد منا ورايح كله بأوامري تمشين
هرم:-لزمت ايده ومسحت عليها بأيدي الثانيه باوعت عليه يباوعلي بحذر دنگت على أيده وعضيتها كل قوووتي
هــوَ صاح من شدة العضه ابتعدت واجت بيبي هـيَ ورنده يركضن
مرمر:-هــا يمه شبيك
هرم:-لازم أيده وعيونه صارن حمررر ووجهُه معصور من الألم ضحكت وگلتلهن
-سوده عليه عض أصبعه ماكـو شـيي
مرمر:-صدك ؟؟
هرم:-ايييي اخته خزرتني لأن أنـي احچيلها كلشي بَــس هـيَ تسمع ومتكدر تحچي صندوق أسراري رنده
عافتنا وراحت يم خواتي وهو انطاني علبه مربعه ومغلفه مثل الهديه گال هذا تليفون وطلع من جيبه فلوس گال هــاي مصرف إلچ ، سلم على بيبي وأخذ اخته وراح
مرت الأيام اللي تطور وجد وكنان كثرت طلعاتهم ومخابراتهم جابلها تليفون جديد الها وفلوس ينطيها
أما أنـي كل مايجي بـَحـر لو اطلع عذر مريضه لو
انزله بملابس البيت وولا أحجي كلمه اخلي يلعن الساعه الأجه بيها النا وميدير بال ينطيني مصرف ويروح
.
.
مسك:-الأحلام المو زينه صارت تزيد عليه والهمس وتخيلات تخوف طلعت بالحديقه گعدت بلكي أتنفس هواء نصيف ونقي إجت ريم العصر گالت
-ماما أنـي يريد يروح سوق
مسك:-شتسوي بالسوگ ؟
ريم:-كم غراض ناقصه بالمطبخ ويروح حواله لأهلي فلووسس
مسك:-تَـمام بَــس مو تتأخرين
ريم:-تَـمام ماما
مسك:-راحت ريم وضليت وحدي گاعده مشى الوقت وبدأت تظلم الدنيا الأناره مال البيت كلها مسدوده ضليت بره اخاف ادخل للبيت اشغل إناره عندي فوبيا من الضلام
شجعت روحي وحاولت ادخل للبيت دخلت وشغلت الإناره مال الصاله باوعت عالتخم شفت ضل أسود من باوعت عليه اجه يركض سريع بأتجاهي صرخت صرخه من أعماقي طلعت وأغمى عليه
ماحسيت إلا على هوسه وأصوات متداخله ببعضها فتحت عيوني ببطئ شفت ضوا عالي وريحة الديتول ومغذي فوگ رأسي
عرفت نفسي بالمستشفى التفتت على صفحة الشباك شفت معاذ واگف يدخن وفاتح الشباك غمضت عيوني وگلت بدون وعي
-اريد امي
-اندار عليه ذب الجگاره بالسله مال نفايات واجاني بـ لهفة لزم ايدي وباسها
معاذ:-ياروووحي ولچ أجيبلچ عشرره من خيزران بَــس صيري زينه
مسك:-بالگوه فتحت عيوني واني اردد اريد امي اريد امي غمضت عيوني بسبب الثقل العليهن ودخلت بسباة ماصحيت إلا ثاني يوم شبعانه نوم وبكامل طاقتي وكلش جوعانه وعطشانه
رفعت نفسي علمود أگعد شفت معاذ متمدد عالقريوله الموجوده بالغرفه
لزمت المغذي شلعته وسديت الكانيولا وگمت اريد اطلع من الغرفه اختل توازني شويه ورجعت امشي طبيعي
طلعت من الغرفة شافتني الممرضه إجتني تركض وگالتلي أدخل للغرفه
عاندت وطلبت مني ارجع للغرفه وارتفع صوتها واني ضليت اصيح طلع معاذ على صياحي اجه لزمني وگال
-حـبـيبتـي شبيييچ
مسك:-جوعااانه اريد اكلل وعطشاااانه ،يباوعلي بنضراته المعتاده اللي يصعبن عليه فهمهن لاهيَ حب ولاهيَ كره ، گال للممرضه حتى تاخذني تساعدني ابدل وتشيل الكانيولا من ايدي واطلع
بدلت وكملت كلشي وطلعت لمعاذ لزم ايدي ومشى بالمستشفى وكل اللي يشوفه يسلم عليه كلهم يعرفونه
وصلنا للسياره صعدني وبعدين هوه صعد لزم ايدي وباسها وگال
-هسه راح أخذچ لأحسن مطعم ببغداد
مسك:-استغربت شو هذا صايــر حنييين غريبه
.
.
هرم:-أحس رأسي حينفجر من التفكييير تعبني كُـلش ماگدر أضم اكثر من هيچ لازم أگول لمسك وهيَ تحلها اكيد ماراح تعصب وتتفهمني قررت بَــس يصيرلي وياها إتصال أحچيلها كلششي لأن احس بروحي ضايعه
نمت خمس دقايق بعدها فزيت على صوت صريخ وصياح چنت لابسه تيشيرت عريض كُـلش وشورت لفوك الركبه بشويه مالحگت ابدل ملابسي نزلت ركض اشوف شــكوو
شفت بيبي لازم شعر وجد وتعت بيه وايدها الثانيه سانده روحها بيها على عكازه ووجد تبچي وكنان واگف يريد يخلص وجد اللي وجهها احمر صاير وعليه طبع اصابع من ايد بيبي
باوعت بصدمه وفهاوه على مرام زوجة كنان واكفه ببرود تباوع ومتكتفه وابتسامتها مرسومه على شفايفها
احترگ دمي ورحت اركض على اختي دفعن بيبي واخذت اختي من بين ايديها
حسيت بشخص سحبني وضربني بكف من قوته وگعت بالگاع وحسيت شـيي حار نزل من خشمي ..
.
.
يتبع