منتقم وغريبه

البارت ١

منتقم_وغريبه

بقلم فاطمه🤎

تصويت..
وتعليق بين الفقرات بنوتات**
_______________________

اشرهن ع الملح والچمهن مـن اغتاض
‏ولا اذلهن جروحي بحظرة المخيط .

________________________

اجوان:كاعدين آخر درس وبأكثر درس ممل بالتاريخ اشوف البنات
كامن يغفن من النعاس وايات مثل المطي مركزه بالدرس
ورايحه لغير عالم كتبت قصاصه صغيره ندست مريم من ضهره
حتى توصله للرحله الأولى...

ايات:انتبهت على اجوان انطت قصاصه للرحله الأولى
وذنيج خربن من الضحك باوعت على اجوان غاصه من الضحك
......

انتبهت المدرسه عليهن واجت على الرحله الأولى ذني كبل سكتن...

المدرسه:ضحكنه وياجن!!

اسراء:ءءاا لا ست مماااكوو شيي!

المدرسه: شنو هايه القصاصه البيدج!

اسراء:ااءء ست هاايه شسسممه ملاااحظه كتبته...

المدرسه :شو اشوفه.

اسراء:ااء ت تفضلي ست!!

ايات:اشوف المدرسه اخذت القصاصه اول مافتحته
فتحت عيونه بصدمه باوعت لسراء وصيحت بيه

المدرسه:هاااي انتي كتبتييههه..

اسراء:ااءء لا لا لاا والله ست مو اانني!

المدرسه :لعد منووور؟

اسراء:ااء ست هاايهه اجوان

ايات:التفت المدرسه على اجوان بصدمه ...
واجوان ولا همه تلعب بالقلم وتسوي بي حركات

المدرسه:كومي ست اجوان!

اجوان:منو اني؟

المدرسه :اكو غيرج هنااا اسممه اجوواان.

اجوان:اي ست اكو اجوان فاضل آخر رحله .

ايات:اشوف المدرسه بعد شويه وتنفجر عيونه نطت من
العصبيه وهايه ولا يمه ..
كمت اكرص بيه حتى تحس وتكوم..

المدرسه:اتفضلي كومي وياااي للاداره.

اجوان: تفضلي ست كدامي..

ايات:اشوفه كامت وره المدرسه وقبل لاتطلع سوت حركه
بأيده لاسراء عود بسيطه وطلعت..

اجوان :رحت وره المدرسه وصلنه للمديره دكت الباب المدرسه ودخلنه..

المديره :تفضلي ست خو ماكو مشكله،

المدرسه:تفضلي ست هايه القصاصه وشوفي بعينج!.

المديره:منو كتب هذا الكلام ؟

اجوان :اني ست .

المدرسه:باع الصلافه وتعترف انوب.

المديره:باجر اجيبين ولي امرج.

اجوان:ليش ؟

المديره :شنو ليش وهذا الكاتبته شنو!

اجوان:شكاتبه،

المدرسه :انتي شنو كاعد تستغبين،

المديره:كاتبه..جنهه مطي يزاكط.

اجوان:لعد ليش اجيب ولي أمري مافهمت.

المدرسه :لعد تجاوزين عليه واسكت!

اجوان:عفوا ست ماجاوزت عليج.

المدرسه :لعد هايه شنو !

اجوان:ست انتي شفتي اسمج بالورقه حتى تكولين عليه.

المدرسه:لعد منو غيري جان يحجي بالدرس.

اجوان :ست هذا الكلام مو عليج مريم حجت نكته واحنه ضحكنه
وكلت عليه جنه مطي يزاكط اني شسويلج اذا اخذتي على روحج.

المديره:كاافي عييب احترمي .

اجوان:ماحجيت غلط ست .

المديره:باجر اجيبين ولي امرج لان حتى احترام للدرس ماخليتي
جايه ادرسين لو تحجين نكات .. تفضلي رجعي لدرسج.

ايات:اشوف اجوان رجعت هيه والمدرسة ولا كأنو شي صاير
رجعت المدرسه تشرح وبس تخوزر باجوان وهايه تكتب مادايره بال...
خلص الدرس وحضرنه نفسنه حتى نطلع للبيت

ايات:شكالتلج المديره.

اجوان:دخل اطير اتريدني اجيب ولي أمري وهايه اسراء
الحيوانه اني أعلمه وين تروح اطير الزمه الزمه ازوعه حليب امه
بسيطه!

ايات :اشوفه تتوعد واديه تقبضهن بقوه مثل البوكس تريد
بس تعارك ...

طلعنه من المدرسه نمشي للبيت وهايه بعدهي متحلفه لسراء
ردت اغير الموضوع كمت احجي وياه عن الدروس..
منحس غير دراجه بيه ثنين تمشي بصفنه علكيف ويحجون ويضحكون الشارع جان فارغ..

_شبي الحلو ضايج

_هوه كل واحد يضوج هيج يصير حلو

اجوان:هايه عليمن ولك

_اكو غيرك هنا حلو ياكيمر

اجوان:دنعل****لابو*****تعال انزل واحجي وياي هيج

_ننزل ليش مننزل

ايات:اشوف واحد منهم نزل وذاك ضل بالدراجه صاعد
وماحس غير اجوان شمرت الجنطه على وجه دنكت اخذت طابوكه
من الكاع شمرته على الصاعد بالدراجه وهذا الثاني طفرت بوجه اتضرب بي بوكسات وجلاليق ودفرات كمت ابجي واصيح حتى تعوفه...

خفت خاف انوب ايخطفونه واشوف اثنين رياجيل اجو يركضون..
علينه ذوله من سمعو الصياح يردون يشردون واجوان مجلبه بي
وهذا يريد يشرد...

اجوان:تعاااال وين رااايح مسووين عشه دسمم تعاال

ايات:الولد يحاول يملص منه وهايه مجلبه بي دفعه حيل وراح
عل الدراجه وشردو..

وصلو الرياجيل يمنه يحجون ويستفسرون من عدنه خاف
صار بينه شي ..

كامت اجوان تنكث بنفسه وتحجي:

اجوان:لا عمو شكرا كلشي مابينه امشي ايات.

ايات :اخذت جنطته من الكاع وسحبت ايدي ومشت..
ضليت امسح بدموعي واشهك..

اجوان:وجع حتى وجع شكو تبجين.

ايات:كلت هسه يخطفوني من وراج

اجوان:اجرج هسه بزيج اركعج بالحايط

ايات: والله اله اكل لأبوي.

اجوان:هسه شبيج مو اصحى مني!

ايات:وصلنه للبيت قبل مندخل للبيت لزمتني من ايدي التفت عليه...

ايات :هااا؟

اجوان:بداعت حبنا لتحجين لأبوي..

ايات :والله اله احجي وخري ..

اجوان:اغسل اماعين مال باجر كلهن بس متكولين.

ايات:خوش اتفقنا ..
دخلنه للمطبخ ونشوف بابا متربع بالكاع هو وأمي يلفون دولمه
ركضت اجوان حضنته ..

اجوان:شلونك حبيب قلبي.

ادهم:هسه صرت زين ،،تعاي شوفي هايه الدولمه وضوكيه
لفيته بأيدي ،،

ايات:سحبت اديه وباستهن وحجت:

اجوان:اروح فدوه لهلدين

ايات:شو صار الجو حار هم تحسون هيج ..

اجوان:ضلي مضغوطه انتي ..

أدهم:الله يساعدج بابا حبيبي شلونج ..

ايات:همزين شفتني كلت اصلا ناسيني..

ادهم:اكو واحد ينسه بنته ..

ايات:رحت بسته وحضنته ..
صعدنه اني واجوان فوك بدلنه وغسلنه ونزلنه التمينه عل السفره

احمد:بويه اني راح افتح مشروع جديد.

ادهم:وهو؟

احمد:معرض سيارت اتفقت اني وصديقي نص بنص ،

ادهم:بيه الخير .

سميره:حبيبي وليدي يوم الاشوفك عريس وافرح بيك.

احمد :انشالله يمه

اجوان:يحجي ويباوعلي وأمه تخزر بيه صار عده انحوال مدري شبيه

ايات:كملنه اكل طبينه للمطبخ اني واجوان بدينه نعزل ونغسل

اجوان:اكلج هايه اسيل يوم الخميس الحنه مالته شنو رأيج
نقنع ابوي ونروح.

ايات:اتفق.

اجوان :هلا وهلا خل اتعلم هوسات حتى اروح احجيهن هناك

ايات:اشوفه وكفت مثل ذوله اهل الجوبي وكام تهوس

اجوان:ها وها وها

ايات:ها

اجوان:جبنالك برنو ماملعوب بسركيه جبنالك برنو

ايات:اشوفه تركص وتهوس شفت احمد وكف بباب المطبخ
ويباوعله وهايه تهوس ولا منتبه كمت ااشرله حتى تسكت
انتبهت عليه وحجت :

اجوان:وجع شبيج متشوفين اه اهوس ليش تقاطعيني ...
اشوفه تأشر وره ضهري التفت اشوف لكيت احمد واكف

رجعت باوعتله

اجوان: واذا عادي كلنه بنات ماكو فرق ..

ايات:ضليت فاتحه حلكي واحمد نطت عيونه من العصبيه
طب وركع الباب بدون ميحجي...

والله كلت هسه ايجيبه ابوكسي يكسر سنونه..

اجوان :شحده اكسر ايده
امشي خل نصعد فوك نشغل ساجده ونتمرن للحنه

ايات:صعدنه فوك ضلت تختار اغاني باليوتيوب
اذكرت العركه وسئلته..

ايات:جونه صدك اريد اسئلج..

اجوان:سئلي

ايات:من تعاركت وي ذوله بالدراجه انتي مو رحتي لهذا النزل
من الدراجه ذاك الثاني ليش ركعتي بطابوكه

اجوان:خاف مالحك عليه واكتله كلت يحصل هلمقسوم

ايات:هههههههه ياابوويه هههه

اجوان:والله لعد اعوفه حرامات ماكتله واني كلبي موجر من
اسراء الحقيره طلعت حركتي بيهم

ايات:ضلت ادور اغاني آخر شي ماعجبه شي وطفته

اجوان:امشي خل انقنع ابويه حتى نروح

ايات:رحنه لغرفه ابوي شفناه متمدد عل الجربايه

اجوان:ابي العزيز الجميل الحلو نريد منك طلب صغيروني هلكدوته

ادهم:شنو

اجوان:صديقتنه حنته الخميس ونريد نروح

ادهم:لا

اجوان:اخ كلبي

ادهم:شبي

اجوان:انضرب جلطه

ادهم:الله يساعده يلا يومين ويطيب

اجوان:عود ليش لا ..ندست ايات حتى تحجي

ايات:بابا والله مطالعين صارلنه هواي

ادهم: محضرلكم روحه للمزرعه الخميس

اجوان:ويلوموني ليش احبك

ادهم:منو يلومج

اجوان:معليك بيهم خيولون

ادهم:يلا طلعو خل انام

ايات:طلعنه من غرفته ومرت يومين عاديات نروح المدرسه ونرجع
والى ان اجه يوم الخميس المنتضر رجعنه من المدرسه حضرنه نفسنه بسرعه بسرعه وطلعنه صعدنه بالسياره ...
مادري هايه الطلعه الي راح تغير حياتنه

ايات:بابا ماما ليش مااجت

ادهم:تعبانه ماله خلك

اجوان:عرفته متريد تجي ويانه لان اني موجوده سكتت وغلست
...

وصلنه للمزرعه بعد عناء طويل وتعب وتكسير بالسيارة
نزلنه كلنه ونزلنه الغراض لمحت سياره سوده من بعيد واكفه بنهايه
الفرع ..
اتعجبت وكفته هايه منطقه زراعيه شجاب هيج سياره فخمه هنا
اشوفه رجعت ليوره شخطته وراحت

طبينه للبيت ارتاحينه وتعشينه من التعب مال الطريق كبل نمت

كعدت الصبح غسلت وجهي لكيت ايات عل نومته بس ابوي ماهو
شمرت حجاب على راسي شلون مجان لان محد يوص لهنا منطقه
نائيه صدف الكه شخص بيه ...

طلعت شفت الحارس رحت للاسطبل واشوف ابوي يمشط بالمهره
لمحني وابتسم رحت يمه

اجوان:ليش مكعدتني من الصبح

ادهم:شعدج من الصبح

اجوان:اريد اركب المهره ونتسابق

ادهم:لازم تريدين تنهزمين من الصبح

اجوان:بنت الادهم وتنهزم وسفه
حطيت السرج وهو هم جاب سرج خلاه على الفرس مالته..

وكفنه بوضعيه الاستعداد

اجوان:لثلاثه ....١ ٢ ٣ انطلاق
بده السباق اول شي هوه سبقني لحكت بي وسبقته وصلت
خط النهايه التفت اشوفه ماكو ماحس غير وكف كدامي

اجوان:وكفت كلبي هو هيج

ادهم:منو الفاز

اجوان:اكيد اني

ادهم:هالمره خطيه خليتج تفوزين

اجوان:اني هم اكول هيج يعني معقوله كبرت انته بعد متكدر
لا مستحيل هايه الحظ وكف ويايه اليوم،
...
اشوفه ضحك من كل وكلبه ..
من شفته ضحك ابتسمت اني هم
منشوف غير الحارس اجه يركض علينه ..ابوي بس شاف نزل ركض
اخذ شالي من الكاع لبسنيا ..
اخذ الموبايل من ايده ورد على الاتصال ..
بس فتح خط ينتظر الطرف الثاني يرد فتح عينه بصدمه وحجه

ادهم: شوووكت؟؟

________________

فضل:وصلت بيتهم دكيت الباب طلعتلي الغثه

عذراء:لو كاسر الباب احسن

فضل:اكسره وشنو أخاف منج مثلا ...
اخوج وين ؟

عذراء:اولا الباب مو بابكم حتى تكسره براحتك وثانيا اخوي يصير
ابن عمك اذا متدري

فضل :صيحله بلا لغوه بسرعه مستعجلين
انتظرته بالباب شويه وطلع

يمعووود اتأخرت عليه وين انلحك هسه طلعوه

صائب:تريده بصمه لو كتابه

فضل:ترى صارلي ساعه واكف بالباب

صائب:همزين شفتك بالكامرات استوك طبيت الفرع

فضل:دمشي اصعد خنولي..
صعدنه ورحنه البيتهم لكيناهم استوهم يطلعون من الكراج
لحكناهم لمن وكفو يم مزرعتهم نزلو غراضهم وطبو ضلينا منتضرين لليل وهمه ماطلعو
فضل:شنو رأيك نرجع وباجر نجي الصبح،، بدون ميجاوب شغل
السياره ورجعنه ..
رجعنالهم الصبح وكفنه السياره قريب المزرعه شفناها طلعت
وراحت للاسطبل طلعو الخيل ووكفو يردون يتسابقون
اباوع على صائب مضيك عينه وصافن عليهم

صائب:ابا اباوعلهم وكلبي مليان حقد عليه اشوفه شلون يضحك
بدو يتسابقون جنت مركز عليه وابد مامنتبهله ..
إلى أن بده السباق جانت لابسه حجابها شلون مجان اول ماركضت
الخيل طار حجابها ..
فتحت عيوني بصدمه من شفت شعره الطويل نزل على اجتافها
معقوله اكو هيج شعر طويل واصل لضهر المهره من طوله..
فززني فضل من ندسني ..

فضل:شبيك يمعود صار ساعه احجي

صائب:مابيه

فضل:شوف راح يجي الخبر ..
اجاه الحارس يركض انطاه التلفون..رد عليه وفتح عينه بصدمه
باوعت على صائب ابتسم بطرف شفته وحجه

صائب:تمت الخطوه الأولى.

يتبع🦋
________________

طبعا كلش اسفه على التأخير بس صار ضرف عندي وضطريت
اتأخر انشالله يصير التنزيل بين يوم ويوم وقناه التلكرام تابعوه
انشر اخبار هناك عن القصه لاتنسون التصويت والمتابعه
والتعليق الحلو مثلكم لان كلش يفرحني

احبكم كايز ☘️

قناه التلكرام

لاتنسون المتابعه على قناه التلكرام لان كلشي انشر هناك بخصوص
القصه.