هلاووو يحلوين😈🔥
#الكاتبة زازا
#ابوضبع 904
لاتنسون التصويت +تعليق على كل فقره لطفاً 💚.
حساب الانستا للتواصل معي ومع الابطال
its.zlzala0
دوهَنِتني وضَيعت گَلبي الِرچيچ
وآنة تايّب ويّني و ويَن العِشك ♥.
''''''''''''''''''''''''''''''''''''
_______________________♕
نيلا-: مختار اجه لبيتي وجبرني اروح ويا لبيته وهجم عليه وماعندي حل انو اقتله
عمر-: ولج ليشششش؟؟؟؟
شودااااج عليه ولج تعرفيييين اذا مسسسه شي شراح تكون نهايتهه!!!!!!!!!
بلعت ريكي-: بس
حجيت بعصبيه-: بسسس شنووووو!!!!
بقيت صافنه جر نفس رد كال-:
چايجَ.
ضميت تلفوني بلجنطهَ طبيت للمغاسل غسلت وجهي ونار تاكل بروحَي طلعت نشفت وجهي درت وجهي عليه بعده مغمي مصاحي لبست صايتي وشيله طلعت بهدوء ولاكأنو صاير شي لاكوني الحرس استغربو بسرعه سئلوني
-: اين زعيم؟؟؟
حجيت ببرود -: نائم قال لي لأحد يُدخل.
-: حاضر، ببتفضلي بوصلك ياخانو؟
-: لا شكراً
طلعت امشي بسرعه فتحولي لباب لخروج بعدني مطالعه اجاني صوت واحد من حمايته
-: الزموووهه
درت وجهي بحركه سريعه شديتلهه ركضه وهمه يركضون وراي ثنين فتت بفر؏ ثاني طبيت بحديقه مهجوره ارجف طبيت بلمخزنَ ختلت وره الكراتين جسمي يتنفض بخوف طلعت تلفوني من جنطتي اتصلت عليه مطول و جاوبني حجيت بصوت ناصي
نيلا-: عمررررر كشفوني الحگ
-: خرب بعقلج ضلي مكانج دزيلي الموقـ؏ بسع
هزيت راسي-: اي خلص حدزه
سديت لتصال منُه دزيتله الموقع وين اني بضبط بقيت فوك نص ساعه بمكاني مخنوكه بضلمه ماحسيت غير بحركه سريعه نعتيت من ايدي عطت كبل صم حلكي حجه بهمس-:
عمر انه اشش
وخرت ايده من حلكي حجيت وخازرته. اكووو واحد هيج يچفت عابتلك
عمر-: دنجبي امشي
سكتت مالي خلك اعارك بقيت امشي ويا طلعنه من لحديقه لجانت بضهر الفر؏ بيت مختار صعدت بسياره ويا اول ماطلعنه من لمنطقه عاط بيه كمزني
عمر-: خبلةةةةةةة وحق الله خبله ولج هسسسه شسوي فهميييني
نيلا-: اااايعععع شبيك وطبه طوووب يستاهل
عمر-: اي يستاهل والف مرررهَ بس ولچ انتي عرفتي ويامن ندكيتي ولج هذوله وحوش مو بشررر
نيلا-: ايييي وشسويلهمممم اخليهم يصخموووني ويلطموني احجييي
عمر-: اجاني اتصال قبل ساعه گبلچَ انو انتِ طلعتي لابسه لفستان ولمكياج اخر طراز شوداچ هنا ها؟
بلعت ريكي هذا شمدري يربي حسيت لساني انبلع شجاوبه بقه نظراته مركزه عليه بكل وضوح وملامحه جامده ماكدرت احجي درت وجهي للجامه ضرب ايده بلستيرن هبطني عاط بعصبيه
عمر-: ررررحتي لللنادااااديي مووووووو؟؟؟!!!
نيلا-: بس خل افهمك ولله م مخلاني اكمل عاط
عمر-: شتفهمييييني ولج ليششش طلعتجج منهممم وضميتجج شهوووور منهمممم وأجرتلججج شقه تسكنييين بيهه وحدججج ويجووون يخابرووون عمررر لمريه طلعت وللللج شتفهميييني ليششش تغدررريني شسويتلللللج احجييييييي ولج احجييي
متحملت احس كلامه خناجر وينخرزن بكلبي شهكه كوه كتمتهه بس دموعي تشرح حالتي بقيت دايره وجهي للجامه ماريده يشوفني
نوب هوه شافني هيج مطنشه كلامه تخبل صار يسب ويغلط روحه محتركه من عصبيته خفت لانسوي حادث مرت دقايق سكت صار الهدوء سيد المكان ربع ساعه وصلنه للشقه كبل نزلت اهرول لبيتي ماريد ادير وجهي واشوفه فتحت الباب دخلت طب وراي قفل الباب نزعت صايتي وشال درت وجهي شفته واكف يم الباب عيونه حمر تقدم بهدوء يباوعلي كزبر جلدي من لخوف صار قريب عليه بلعت ريكي عفته ومشيت لغرفتي حسيت ايد تجرني بحركه سريعه لوه ايدي وره ضهري لزكني بلحايط صحت متوجعه
نيلا-: اااه عمررر شبيييك
مايردلي انفاسه طخت بخدي لكك اييدي وخررر عنييي رخت قبضته من ايدي دفعني بلكاع وصاح
عمر-: تخوووونيييني تغدررريني ولللللج ليشششششش
بقيت منزله راسي ابجي دنك عليه لف ايده على شعري بقوه قرب وجهي على وجهه عاكد حواجبه وخازرني انفاسه الحاره لفحت وجهي حجه جمله روحي نمردت واني بين اديه
عمر-: دمرتي روحَي ياروحَي .
اخذي راحتچَ بعد مشوفين وجهي انتبهي لنفسج.
بقيت مخليه عيونيَ بعيونه نزلت دمعته بحركه سريعه مسحه وخر عني كام ديطلع كمت ورا ركضت جريت ايده راد يدفعني حجيت بخيبه
-: وروح ابويه وأمي ماخنتكَ جنت مجبوره
عاط بعصبيه
-: من شنوووو مجبوره احجيي مو أمنت بيچ الكاج رايحه للنوادي وراجعه للخيسه طلعتج منهه احجيي
ماتحملت صرت ابجي بحركه كلب بقيت يشيل لغراض ويطشرهن بلحايط حجيت بصرخه
نيلا-: جاانووووو ويبتزووني صور جسمييي يممهممم راسلوووني كالو اذا مانفذتيي راح ينشرررن شبيييدي احجي فهمنيييي
رخت ملامح وجهه تقرب بسرعه عليه لزمني من كتوفي يباوع بعيوني حجه
عمر-: ليش ماكلتيلي من البدايه ليش خليتيني أذيج ليش نيلا
بقيت اشهك وروحي رايحه كعدت بلكاع ابجي وشهكه شكت صدري دنك عليه لزمني من وجهه رفع راسي اله حجه
-: تهدئيين وتحجيلي شنو صار مم؟
هزيت راسي مسح دموعي كام ولزم ايدي كومني ويا كعدني ؏ كريوته مسحت وجهي انتبهت صافن عليه جريت نفس حجيتله كل لي صار وياي بلحرف الواحد وهوه بقه عاكد حواجبه ضرب رجله بأيده حجه بعصبيه
عمر-: ليش ماكلتيلي من البدايه انتِ تدرين شراح يصير اذا مات
نيلا-: شيموته عرچ ميطكه بزوون بسبع ارواح
عمر-: لج تدرين لووو بس شعرايه ينمس يصيرون ضدنه ويأذون ضلام لي كضه عمره بشلاع لگلب لو اني وبلـ اخص انتي ولج هذوله ماعدهم رحمه يذبحونج بدم باررررد نفس ماكتلو غيرج
نيلا-: شبيدي عمر هاي لازميني من ايد توجعني لو تسوين لنريده لو انشر صور جسمج ولله جنت مجبوره حتى بلركص ويا بنات الملاهي صدكني اول ماسجلوني هناك خليت شروط ومختار بنفسه كال خلص براحتج
عمر-: شعجب خلاج بحريتج؟
رفعت راسي اله فاكه عيونيَ حسيت بطني وجعتني شكله يربي رد حجه بشك
عمر-: اكو شي اني مادري بيَ؟؟؟
ارتبكت دخل احجيله بعد لكفت غمضت عيوني حجيت اني ومدنكه راسي
-: مختار صارله سنتين يحبني بس صديته لأن اكرهه
بقه ساكت مجاوبني رفعت راسي اله فاتح عيونه على وسعهه لزمت اديه صدكني عمر ماعندي اي مشاعر تجاهه اكرهه كره العمه واني جنت مسايسته خايفه بنهايه يأذيني جان مخليني بحريتي ماخله رجال يمسني وفلوس يجن لي عندي وطلعات وسفرات بس اني ماردت اسافر بفلوس الحرام وهوه اكثر من مره فاتحني الموضوع اخر شي كالي توافقين زواج بيه اني هنا تخبلت صرت اغلط عليه وهاي هددني خلاني لاأكدر انطي واسكت بقيت بالعه الموس اخذني ويا لبيته اول ماوصلت وروح امي يا عمر ماخليته يمسني بيش احلفلك خليت بلعصير مالت كلى خليته ينام بلحمام عرفت نفسي انكشفت ماعندي حل لبوب مقفله لحراسه محاوطه البيت كاميرات داير مدايره ماعندي حل غير انو اقتله لحتى احمي نفسي من هجم عليه. ماتحملت طكيتهه بجيه ضميت وجهي بأديه كبل حضني وصار يواسيني بكلامه
عمر-: خلص اشش اسكتي مصار شي سدي سالفه بأمانتي بنيتي انتي
رفعت راسي اله انتم شوفوني كلكم بت شارع اني عشت وحيدهَ محد يحبني
عمر-: لا نيلااا لا بابا مستحيل اشوفج هيج او افكر مجرد تفكير لو اموت انتي اشرف بنيه شافتههَ عيني مستحيل اخذ نضره عنج حرام ابد وغلاتج
نيلا-: اريد اموت اروح يم امي مشتاقه لحضنههَ نزلت دموعي نار على خدي مسحهه
عمر-: اشش اسم الله عمر طويل ابويه انتِ
بقيت اباوعله مادري شلون طلعت من حلكي
نيلا-: عمر انتَ تحبني!
صفن عليه متفاجه دار وجهه اعرفه يريد يتهرب مني بس مبين من عيونهَ لزمت وجهه بأديه قربت نفسي اله طخ خشمي بخشمه عيوني بعيونهَ حجيت
نيلا-: لاتتهرب عمر اني احبك والله
فك عيونه بكل وسعهه مصدوم من كلامي غمضت عيوني قربت نفسي اله اكثر ماعرف شلون ومنين جتني جرائه بسته بشفته بخفه ابتعدت عنه بقه جامد بمكانه حتى رمش مايرمش ضليت ساكته بلع ريكه حجه بصوت مبحوح
عمر-: انتي تحبيني؟
بقيت ساكته اردفت-: احم شسمه ارد اروح اشرب مي داكوم جرني من ايدي لزم اديه مبتسم خجلت حيل وتوترت حجيت
-: عمُرررر حباب وخر
-: اشتعلو اهل عمر على كولت ضلام ههههه تعاي
ضحكت حضني لصدره يشم بشعري ويضحك دفعته عاكده حواجبي شبيك تضحك شفت بوجهي شكوو؟؟
عمر-: شعليج
نيلا-: انته تحبني
عمر-: لا
-: لاتجذب ولله تحبني تحبني ضحك دغدغته وههوه يخزرني ويرد يضحك جرني اله بحركه سريعه دفعني ؏ كريوته صار فوكاي فكيت عيوني مصدومه منه حجيت بعصبيه
نيلا-: لللللك عُمرر شبيك وخر شهل تصرفات عيب عليك واللله
بقه مبتسم دنك عليه همس باذني
عمر-: راح تصيرين زوجتي المستقبليه حبيبي
درت وجهي عليه متفاجأه دفعته بقوه كمت وكفت كباله وهوه كاعد بمكانه بمتسملي حجيت بصدمه
نيلا-: تشاقةةةةة ؟؟؟؟
عمر-: مجذب عليج
نيلا-: لاصدك معقوله راح اخذك؟
عمر-: اي يمه ليش شناقصني
لااا مو مسئلت ناقصك شي بس تعال اكفخني بنعال اذا اني اجذب ضلام درخ براسك وكالك روح اخطبهه مووو
بقيت متخوصره انتظر جاوبه دنك راسه يضحك حجيت
احجي يعنييي صحيح كلامي مووو مووو؟؟؟
عمر-: اي ولچ اني شكيتله حالي كتله هاي البت شيبتني كلشي بيه رايدهه كال بيك خير اخطبهه احسن ماضيع من اديك
بوخ وجهي من كلامي تحمحمت طكهه بضحكه خلاني اضحك ويا حجيت
نيلا-: هههه شكووو؟؟؟
عمر-: خجلت نصره هههههههههههههههههه
نيلا-: اوووي مو علساس راح طهرني
عمر-: لسانچ الادبسزز
نيلا-: اي اوكي
عمر-: شو طنكرتي المفروض تذبحين طلي وتوزعينه على هذا الخبر راح تاخذيني
باوعتله بتك عين حجيت
-: ايي مو علساس ماخذه يوزرسيف
عمر-: دكلي خره طايحه الحض
نيلا-: اهووو اشاقه شبيك بوزت خل اجيب عصير الي والك او لاااا عقوبةةةةة مستحيل اوافق بيك لو تفطس
عمر-: حتى اكسر خشمج هذا رافعته عليه واخذج غصب
نيلا-: يلا لعد كوم نظف كسرتلي لمرايه ولمواعين
كام عدل نفسه لابس تشيرت اسود وبنطرون رصاصي رفع شعره حجه
عمر-: روحي فداج يامواعين يابطيخ انتِ
بقيت فاكه حلكي مبتسمه ابتسم بينت اسنونه كرصني من ارنبه خشمي غمزلي وراح ينظف واني على صفنتي مبتسمه هاي شنو وشكو قبل دقايق ناس تاكل ناس معقوله حزوج واصير نفس نور هوه مدنك يلم الكزاز حجه
عمر-: الصفنه مو الك وليدي
باوعتله بتك عين اضحك طبيت ركض للغرفه اخذت ملابسي طبيت سبحت بسرعه ريحتي كلني زفر كله من وره الثور الله ياخذك واخيرا شفيت غليلي بيك ان شاءلله بهاي سجينه هيه موته موته بقيت بلحمام نشفت شعري لبست تراك طويل وعريض مشطت شعري لفيته كبايه لبست روب فوك ملابسي طلعت لكيته منظف البيت كله ومرتبه دورته ماكو شفته جاي يخلي العصير بلكلاص الي واله ابتسمت باوعلي ضحك حجه
عمر-: نعيماً
جاوبته بأبتسامه-: ينعم عليك شكرا قدم الي كلاص العصير اخذته منه رحنه للصاله كعدت وهوه كبالي شرب منه شوي اخذ سويجه وكام حجيت
-: راح تروح؟
-: اي لازم اشوف شسصار مصار وراي اجيك الوضع واروح ضلام هم هنا طولت ميصير وان شاءلله تفض الامور وتهدء اجيب شيخ حتى نعقد
بقيت لازمه لكلاص اباوع مشه ورد رجع كال
عمر-: اشو اني محضر كلشي وماخذت رأيج انتؤ موافقه
ضحكت هزيت راسي ضحك على ضحكتي حجه
-: غصباً عليج انتبهي لنفسج ولاتفتحين الباب لأي مخلوووق بس لزوجه صاحبي واني بسس مفهوووم
نيلا-: اي صار
-: عفيه ماريدج تغلطين مره ثانيه بتي
-: صار ولله ابتسم تقدم عليه دفن وجهه بركبتي شهكت من تصرفه بقه يمشي لحيته على ركبتي كزبر جلدي شمهه بقوه حسيت حيشفطني وخر عني عيونه ذبلانه حيلللل حجه بهدوء
عمر-: ادري حرام بس كلبي عمه عيونيَ
بقيت ساكته ابتسم طلع وسد الباب ورا ركضت قفلته بقيت لازكه روحي وره الباب لازمه كلبي مبتسمه رفعت راسي غمضت عيوني اشكر ربي عوضني بي احس هذا راح يصير اهلي راح يعوضني نقص لعندي الف شكر الك يارب لملمت كريوته حيللل نعسانه جنت شايله هم بس لحمدلله دام عمر وياي اني مطمنه طفيت الاضويه نمت بفراشي مرتاااحه حيل بدون تفكير بسرعه غفيت غطيت بنومتي......
_________________♕
طلعت من كليتي ويا صديقتي زهراء بقيت اسولف وياهه ضحكت وضربتني بكتفي تضحك
زهراء-: ايي عييني ليوم الست جايه بلجارجر ويا لمصكصك ها ها ايڤوووووو
خزرتهه اضحك تنرت بيهه انجبييي تره هذا العگره اكرهه لاجيبين طاريه
زهراء-: يااا كبرر ولج لويششش؟؟ كل هذا جمال وتكولين اكرهه امداج
ايڤن-: انجبي وين جمال هوه يلعب نفس وبعدين تره هذا صديق اخويه لاتاخذينهه بغير نظره اووووكي
زهراء-: ولج ليش تكرهي ههههه لازم متناكرين موو؟
ايڤن-: لاااع بس يوغف الكلب ولج بارررود ومستفزز كلشش خبلنييي اصيح اغلط اسب وهوه ينطيني كلمه ابرد من قالب الثلج يخليني بودي اشيله طابوكه وافشخه
زهراء-: هلكد محمله بكلبج عليه تره خطيه
ايڤن-: ايييي من استغفرالله ليش تخليني اصير سربوته ولج فرفح روحي يحشر روحه بكلشي ويجاكر ايييع كبر طمه
زهراء-: لاتغلطين عليه جاي يسمعج ههههههه
رفعت حاجبي مستهزاء اييي وشسويله مو هوه جني يسمع كلشي بلا متنجبين انتي ويا بقت هيه تضحك وجهه احمر واني مستمره اغلط اجاني صوته كمزني عبالك وحش
ضلام-:يلخااااانوو شوكت حضره جنابج تمشييين وراي شغل
درت وجهي عليه فاكه حلكي هذا شجاوبه وراي واكف
بلعت ريكي دخيلك يربي بس لاسمع ولو شسويله اجه اخو صديقتي اخذهه وراح رحت عليه وكفت كباله رفعت راسي اله جنه دينصور شكبره حجيت
ايڤن-: اعتقد هليام كثرت شوفتي بيك وين ماروح لاحكني شرايود؟؟؟
ضلام-: اوووي اوي اوي انته شرايووود
حجيت بستهزاء هههاي متضحك شترريد لاحكني؟؟؟؟
ضلام-: دستقري انجلينا غير اخوج لعفطي وصاني اجيبج من دوام كال اختب هناك بلاامر عليك جيبهه بدربك واني جسر للطيبين حاضر وخادم بكلشي واني الممنون يلا امشي ومالي خلك نكج چدامي ركض يلا ركض للسياره
ايڤن-: طلعتله سنوني قلدته ومشيت حجه وهوه يمشي وراي
ضلام-: انتي مو مال عيني واغاتي مال اشيلج والكحچ بلسياره وهذا الافضل
درت وجهي عليه حجيت ورافعه حواجبي عليه-: لايمةةة وليش انته منو وتتجرأ تحاجي بنت احمد
ضلام-: قصدج بت احميد
ايڤن-: اكص ايدي اذا انته صاحي
جر ايدي وهوه يحجي
ضلام-: جيبي اكصهه لعد
عتيت ايدي منه خازرته حجيت گبررر وجعتني ادري وحش لو بشر
ضلام-:استقري هيفاء وهبي
ايڤن-: اوووي دوخر عني
عض شفته اردف-: احتركو عشيرتج بكاز
ضربته على صدره ومشيت للسياره مشه وراي يضحك ويحجي
ضلام-: ههه بلعباس طفله
طنشته صعدت وراه كعد باوعلي من مرايه الاماميه نزع نظارات حجه
ضلام-: ثواني الج والكاج كاعده هنا بصفي يلا
ايڤن-: شو جنك اخذت ميانه من كل عقلك
ضلام-: اخر انذار رضيتي او مارضيتي اجي اشيلج غصباً عنج يلا
بقيت خازرته بودي اكله بسنوني وما يشفى غليلي تأفأفت نزلت صعدت ليكدام يمه طبكت الباب بقوه كرصني بقوه من زندي عطت بوجع درت وجهي عليه كفخته بملزمتي صحت الوحشش ايدي ايدي كبرر يلعگربه اكووو واحد هيج يكرص جزه كووون
ضلام-: جزء الاول لو الثاني
ايڤن-: لللك ايععع شبييييك عگروك كبر بقه يضحك واني نار تاكل بروحي درت وجهي للجامه مشه بينه نزل للمحل درت وجهي عليه راح ماعرف شيجيب بقيت عيوني عليه انتظره دقيقه ورجع شايل باكيت عصير وباكيت جكاير اله ضليت سانده روحي ؏ لكشن وصافنه عليه شلون عليه جمال والله حقهه زهراء تفطس عليه اني شلون بيه لابس قميص اسود وبنطرون اسود القميص اله وشوي يطك عليه من كدما ماشاءالله ضخم فهيت مبتسمه فتح باب سياره بسرعه درت وجهي للجامه شغل سياره شمرلي لباكيت لعصير حجه
ضلام-: اشرب عصير يول مو زين عليك العصبيه لايصعد ضغط
حجيت واني دايره وجهي منه-: ليش الي يشوفك يبقه ضغط صوخام
ضلام-: ام صوخام قصدج من حلاتي اصعد سوووكر
درت وجهي عليه اييي مو انته كمال عيني استقر لايحمه صين مالتك
حجاها وغمزلي
ضلام-: ايي لايحمه
ايڤن-: اهوووو
فر ايده يضحك وصلني للبيت نزلت من سياره مشيت جوه جاي ادخل اجاني صوته
ضلام-: ايڤن اووكفي
درت وجهي اله عاكده حواجبي هذا شعرفه بأسمي!
اشرتله بيدي شكو اشرلي اجيله رحت عليه كبل كتله
شعرفك بأسمي هاااا
ضلام-: سمعت صديقتج صيحلج وعرفته
ايڤن-: اووووكي كول شرايد
مدلي ايده انطاني ورده حمرهَ بقيت صافنه عليه اشرت بأصبعي على نفسي اردفت
-: هاي الي؟
-: يسَ
اخذتهه منه مبتسمه شكراً ضحك راح واني بقيت اشم بيهه ريحتهه تموتتت فتحلي الحارس لباب طبيت جوهَ فتحتلي لباب رولا ابتسمتلهه رولا حبيبتي لعد امي وين اخواتي؟
رولا-: قاعدين بصاله
ايڤن-: اها شكرا طبيت للصاله لكيت لكُل مجتمع اخواتي وامي ايهم اخويه ومتيم لعبت نفسي بس شفته حجيت سلام عليكم
-: وعليكم السلام
ايلين-: شوكت اجيتي ماما؟
-: هستوني طبيت لبيت درت وجهي على اخويه حجيت
-: لويشش مأجيت اخذتني
-: وربي هستوني طبيت البيت راجع من لسفر
ليش ضلام ماوصلج؟
-: لاا وصلني رجال من رحت وجابني همات ويا بس هوه كل عندي شغل ومدري بعد
ايهم-: اها زين والله خلفله عليه وصيته يوصلهه ويجيبهه علما ارجع
متيم-: هذا منو نوب؟؟؟
كلبت عيوني عاد حجه البومه جاوبه اخويه
-: هذا صاحبي ضلام
-: اسمه غريب
-: اي صح بس حلو
بقه يباوعلي واني ولاخليت عيني بعينه سيلين تغامزلي على لورده مبين عرفتهه شاذيه عفتهم وطلعت للمطبخ اشرب مي اجت وراي تركض وتضحك همست بذني
سيلين-: ها ولج لعوبه ههههه لورده هوه انطاهه الج
ايڤن-: يس يسَ
بعدني جاي نحجي واسولفلهه فات متيم للمطبخ عود يشرب مي عساس حجيت بصوت مسموع علمود يسمع
تدرين سيلي هاي الورده من ضلام شكد حباب ولج خايبه بس موتني من ضحك من سولفلي ايام طفولته
سيلين-: اي ههههه لعد امشي بلغرفه سولفيلي
بقه صافن عليه خازرني طلع من لمطبخ عود عصب ايع كبل صعدت لغرفتي اجت وراي تركض لزمتني من ايدي
سيلين-: صدك حجالج طفولته؟؟؟
ايڤن-: لا گبرَ
-: يعني تضحكين عليه؟؟؟؟
-: ههههههههه ايييي
ضربني على راسي نهدت بيه-: وجعيييي
ايڤن-: توجعج دولي طلعت تضحك غيرت ملابسي كبل نمت بفراشي مرت الايام وضلام اخذله فترهَ ماطول هواي صرت ماشوفه غير كُلش قليل لأن يطلع صبح ويرجع ليل مره من الايام كاه اكلب بجهازي دخلت ؏ لفيس اتصفح بيَ دخلت لحساب اخويه شفته مخلي ستوري صوره جماعيه حسن وماعرف منو وياهم ضباط وعلى صفحه واكفه لابس نظاره شخصيته تشك شك مسويله تاك هم اله ايدي اخذتني ادخل لحسابه مخلي صورته بس منطي ضهرهَ ؏ لكاميره دخلت على منشوره خليت اعجاب وخرجت دخلت ؏ ليوتيوب اطلع لمسلسل اجتني مسج من لفيس دخلت عليهه طلع هوه كاتب
"مو عيب عليج بابا تحارشين بيه وتخلين اعجاب."
هنا ردت مو بس انعال كبور لحتى اطم روحي بي من لفشله عزااااا صخاااام بوجهج يا ايڤن هسه شيكول عليه رجال يبووو صرت اعض بصبعي واكول كلةة منككك فضولل شكو تبحبش ورا يبوو عليه كبر طمني دخلت للمحادثه كتبتله
"اسفه تره ولله موقصديَ"
شافهه وكتب "امم صدكتج" وره دقيقه لكيته حاضرني بقيت اسب بي واغلط كبرر لمغرور شايف نفسه عابت على هلشكل وخفت ايييي شبيج ايڤن خل يولي على حوره حسين شكد فشله هسه يكول اذا بتهم هيج يبووو عليه يبووووووو يلا باجر من يرجع اشوفه واكله
لو هسه اروح هسه اي لو لا ديلا خل اروح كمت لبست لروب فوك ملابسي نزلت جوه طلعت بره اتمشى على كيف جو بارد طبيت بلبيت لي ساكن بي فتحت باب لمطبخ على كيف مطفيه الاضويه درت وجهي على الباب حتى اطبكه خاف احد يشوفني جاي اسده دا أدير وجهي نضربت عبالك بحايط رفعت راسي واشوف بس اسود ضخم عطت عيطه فززت اهل لگبور
ايڤن-: يماااااااا الرحماااااان جنيييي جنييي بقيت اكمز ابجي اريد اطلع لزمني من ايدي شغل ضوه ضليت صافنه عليه طلع هذا هوه دفعت ايده حجيت بعصبيه وروحي شايطه من لهبطه
-: انتةةةةة شنووو من بشررر فهمنييييي اكو واحد هيج يسويييي
ضلام-: دسئلي روحج جايه جنج فاره بنصاص ليالي وكلهه نايمه ماستحيتي على روحج اجيتيني هداده لا وفوكاهه ماتستحي
بقيت صافنه عليه نزلت عيوني لابس بس كيمونه ومجامه استغفرت درت وجهي عنه حجيت بخجل
ايڤن-: اسفه ولله هبطتني اصلا اني شسمه اجيت بقيت مدنكه راسي العب بأصابعي جنت واكفه يم الباب تقرب وخله ايده فوكايه ؏ لباب نزل راسه عليه حجه
ضلام-: على شنو تأسفين؟؟
-: لان شسمه حضرتني وكلت خاف تاخذ عني نظره محلوه واجيت اتعذر وهيج سالفه لاصت من هبطتني
-: هههههههه لاعادي بويه يلا رجعي لفراشج لحد يجي ويشوفنه وبعد ياطلابه لماتخلص يبووو شكووو ولكم ضلام يتحارش ببت احميد
رفعت راسي اله خازرته حجيت. تفاهه تره
ضلام-: تفاهه لو برتقاله؟
ايڤن-: اوي درووووح
:-حسابج ايڤو مو
ضحكت حكيت شعري هههههه اي صحيح شلون عرفته الي
ضلام-: ههههههههههههه اعرفه مايحتاج
بقيت مبلحقه عيوني عليه مبتسمه حجيت بدون وعي عزااا ضحكتك شكد حلوه
بقه مصدوم يباوعلي واني حسيت دنيه فترت بيه من لفشله ردت ابجي كبل فتحت الباب ركضت لغرفتي بس سديت الباب ملخت روحي واسب بنفسي على هلـ دگه ناقصه امدااااج يَ ايڤن موو عقل وحق الله مطي ومدد بي اوووف اووووف طفيت الضوه فتحت لبرده ؏ كيف لكيته يشرب جكاير وطالع بلكيمونه بسرعه سديتهه لا عاد نوب اتفشل واطم روحي احسن شمرت روحي بلفراش نمت كعدت صبح على لهوسه نزلت جوه اني وكفشتي ملتمات كلهن بصاله حجيت شكوووو؟؟؟
اردفت ماما
ايلين-: جايين خطابه لختَج نمارق وهيه رافضه متخبله بس داكتهخ مناحه يابه خوش ناس وهذا ابن خالتج ماكو تكول لو اموت
اجه بالي حقهه غير مرتبطه ويا واحد من كليتهه حجيت-: ماما خطيه لانجبرهه خليهه تكمل دراستهه تره من حقهه وهاي حياتهه رفضت او قبلت هشي يخصهه احنه مانجبر بالاخير راح احنه ننذب بدالهه عوفهه بحالهه قابل راح دنيه توكف
ايلين-: ادري ولله ماما بس ابن خالتجن خوش ولد كلجن تعرفنه ومابي اي عيب
ايڤن-: ونعم منه صحيح كلامج حبيبتي بس احنه مانجبرهه خطيه تره دراستهه اهم من هذا زواج.
هوه جذب عاشكه غيره
المهم من بعد هلهوسه سدت سالفه على انو لبت رافضه وره يومين راسلني ميسال هوه لي راد يخطب اختي
كلامه كله عتب وقهر يكول اني عاشكهه من هيه وطفله ليش شبيه وترفضني واني انطيته كلام طيب بس ولعل يفيد مرت الايام والاسابيع ضلام مشه لبيته وحيل ارتاحيت كلما اشوفه يعاركني يخلي روحي تشوط ويبقى يستفزني مرت الايام واجوي خطابه الاختي نمارق بس مانعرفهم وهيه فرحانه عبالك داخله للجنه بس تكمز وتضحك وتلعب بكذلتهه عرفت شبيهه ضحكت تستاهل حيل فرحتلهه واهلي وافقو على انو خوش رجال واهله زينين وامكانيته زينه ولبنيه موافقه بيهه الاخير.
ودبت التجهيزات العقد ولخطوبه واحنه مخبوصيم كلش اخذنه نمارق للصالون طلعت تجنن وخاصتا هيه دبدوبه تجنن باربي طلعت بيوم خطوبتهه لبست بدله لون ماروني واني واخواتي لبسنه نفس الون شكد حلو هههه طلعنه كلنه حلوات وخليت مكياج سموكي وفستاني صلوخ من لفوك وصاير كلوش طويل تجنن برمت شعري صار كلش حلو واني وجهي عريض رهمت عليه تسريحه صار وكت العقد وعقدو لبسو الحلقات وثنينهم كيك يخبلوون صار الاحتفال ولهلاهل ودنبك ماوكف خابرتني زهراء جاوبتهه رحت على صفحه من لهوسه كالتلي اني بلباب مصدكت صار هواي مشايفتهه فرفحت روحي على شوفتهه طلعت للباب ملكيتهه دزتلي مسج كاتبه اسفه يحبي مقلب هههه حيل ضجت خربتلي لفرحه طاح حضهه دا ارجع صادفت ضلام بقيت متبسمره بمكاني صار هوووواي مشايفته ابتسمتله وهوه على صفنته عليه هذا شبي رجعت اركض جوه وكضت الحفله وهواي ركصنه ودبجنه مرت الايام شفت وزني هواي زايد عنفست اله ارجع للجم سجلت وصرت يوميه اروح العب تمارين وارجع هلكانه تعب اسبح وكبل انام وكذالك ايامي هيج مرت عاديه صادف يوم الاحد اروح للقاعه لبست ملابس رياضيه شديت شعري طلعت اتمشه للقاعه لأن قريبه علينه بقيت اتمرن هواي طولت حيل نهلك حيلي رجعت لبيتي اتمشه وشايله بطل لمي اشرب وصلت للبيت شفته واكف بلباب ديدخل جوه صادفني ابتسمله حجيت
ايڤن-: هلاوو
ضلام-: هلاَ
دا ادخل اجاني صوته
ضلام-: مره ثانيه مو طلعين وحدج الطريق ميتأمن
ابتسمت على اهتمامه طبيت جوه حجيت. ان شاءلله
دخلت جوه صفنت زين هوه شعليه رجلي ابويه عمي هوه شله علاقه اطلع اطب وحدي هوه شكوو؟؟
صعدت لغرفتي طبيت سبحت لبست تراكي نشفت شعري عفته هيج بس خليت طوق صار حلو خليت حمره ورديه ومسكاره وبس نزلت جوه لكيت الكل مجتمع خوالي ومتيم كلبت عيوني هم هذا كعدت يم اخواتي اسولف وياهن واضحك وهوه بس ينافخ وعينه عليه كمت رحت للمطبخ اسوي اليه كابتشينو شتهيته خليته بلكوب طلعت بره اشربه اباوع للخضار استنشقت الهواء راحه نفسيه والله اجه مطلع حجه عود يشرب جكاير عرفته يريد يذبله سالفه وكف كبالي حجه
متيم-: زين اكلج عود ليش تلبسين هيج متغيرين لبسج مو عيب وحرام كدام الغريب
رفعت حاجبي عليه حجيت-: انته شعليك بلبسي البس اطلع انته شكو وبعدين شلك علاقه شلبس بكيفييي دام بابا واخويه قابلين انته مال الك حق تدخل بحياتي ولاتضل تحشر نفسك بشي ميعنيك اوووكي عفته وطبيت جوه.....
_________________♕
بقيت انتظر ضلام وحيل فرحان شفته اجه ضحكت وهوه استغرب على تصرفي ضحك كال
ضلام-: هيو ركبك جني ههه شمالك؟؟؟
عمر-: وللللك ضلام وافقت يعني راح اخذهه
ضلام-: بداعت الغالي صدك!!!!
عمر-: وداعتك ههههه ولك فرحاااان
ضلام-: علـ خيرر يابه ان شاءلله نشوف فريخاتك ولو همه جاين بس ضامهم عليه مو
عمر-: دنجب مو فرحانين شبيك اله تذبلك كلمه يلا يلا اتصل على صكر وحسن خل يجون نحتفل
ضلام-: ايييي مو ماخذ روز
عمر-: دولي خل اني ادك عليهم
زين اكلك ضلام دار وجهه عليه اشرلي بستأل فركت وجهي فهم شبيه كال
-: صاير شي؟؟؟؟
-: تذكر من كتلك مختار نيلا قتلته واحس شي راح يصير خايف عليهه وحگ الله ضلام احسهه بتي وامي وكلشي ابتسم طبطب على متني حجه
ضلام-: لاتخاف اطمن دام انتو بضهري وشحدهَ لي يمسكم لاتشيل هم يخوي نيلا نفس اختي مستحيل اخلي اضفر يتاذه منهه
ابتسمت اله بعد روحي والله بقينه نسولف ونشرب جاي ماحس غير صوت طلق قوي زرف شبابيك ولبوب كبل ضلام طفر للغرفه جاب سلاحه دنكت بحركه سريعه اركض اجت طلقه بمتني حسيت روحي شاطت توزاني انخف بقيت اغمض وافتح ماكدر اركز بشي بس اصوات بذني وهوه صوت ضلام يصيح بخوف وكعت من طولي بعد ماحسيت بشيَ.
ضلام-: ركض جريت سلاحي طلعت من لغرفه لكيت عمر كتفه ينزف دم تخبلت صرت اعيط ركضت اله وكع من طوله لزمت وجهه اصيح اريد ماكو نزلت دمعتي حجيت بكسرَه
ماريد اخسرك هم انته يخوي يحزام ضهري.
اندفع الباب بقوه رفعت راسي وشياطين يتامكزن براسي طبو......
يتبعَ😬🥲😂
حيل نقهرت ؏ عمر ماتهنه بفرحته 🥹💔
برأيكم منو لي ضربه!!!
لاتنسون التصويت+تعليق على كل فقره لطفاً💙
حساب الانستا للتواصل معي ومع الابطال
its.zlzala0
#الكاتبه زازا
#ابوضبع 904
دمتم سالمين روحَي💕