الكاتبه :: فاطمه فهد
زوجه الوحش " اليتيمه"
ردني ردني
يالبگتني
بليلة أجيتك
دورت روحي اعلئ روحي
لا شفتها ولا لگيتك
..
- فاطمه فهد
..
راكـان :: هيـه السحاره ل ندور عليها
حـور :: راكـان بس صدك اني خفت منها
راكـان :: جبانه
حـور :: لا راكانو بس هيه تخوف
طكاهه ضحكه زرفت اذني
راكـان :: يروح راكان
- وضلينه نحجي .. يلا راكان باي ..يابعد ل باي
سديت الخط ونزلت حتئ نتعشه نزلت وتعشيت
محمد :: حور ضايج
حور :: كول شتريد
محمد :: سويلي كهوه جكليتيه
حور :: اي صار
رحت طلعت الدله وكم جكليته كويتيه .. وحطيتهن
ب دله وحليب وكهوه ومبيض الكهوه وهيل حبه وحده
جهزتها ورحت انطيتها اله .. تعالي ابوسج .. لا راكان
ميقبل .. اها هنا الحجي .. اي .. تعالي اتصل واشوفه
اتصل على راكان جاوبه .. الووو الوحشش ولك شمسوي لاختي
- لا لا شمسوي لاختك بلا هيه .. تلاحتك لنفسي كلشي عدهم مباح .. لا راكان راد يبوسني وكتله راكان ميقبل
- عفيه تربيتي .. ولك انجب ك... تربيته هوا دسئلها وين كاعده ..حوررر وين كاعده .. بحضن محمد
محمد :: هههههههههه ها شكتلك .. عادي اخوها
راكان :: شلونك شوكت نزلت ؟ .. قبل شوي اجو لكوني بل بيت !!
- ها الحمدلله على السلامه .. الله يسلمك
- محمد العرس الخميس اريده اذا مكملين وماعدكم
مااعتراض ... اي خويه براحتكم
- صدمني راكان الخميس هوه كل ماايقرب الخميس
تطلعي سالفه صفح
- الووو راكان وينك ؟
- شبيج مو جنتي تحجين وياي .
-اي راكان ليش قربت العرس هيج ؟
- شبيج كلبي انتي بعد شكو منتضرين !
-لا راكان انته مو كلتلي بابا تعيد تحقيقه ..
-اي وعند كلمتي غير يجي كتاب من******
وبعدها ينعاد التحقيق ويصدر الحكم شنو... وشكو منتضره ابوج يطلع حتى تقبلين لاتخليني اخذج هيج
- تمام تمام شبيك نهديت عليه
- مو انتي ب**** .... يووو راكان بعد مااخلص من السانك
- دروحي نامي وباجر حتى اخذج شنو نقص عندج اشتري .. ماعندي شي كلشي كامل .. تمام حبيبي نامي
مشت الايام واجه يوم الخميس فرحانه بس ماعرف
ضايجه من اركان بدون سبب واتعوذت الشيطان
صاحت عليه نور حتى انزل منتضرنه ايهم بل سياره
سلمت وصعدت
وصلنه لصالون ونزلت سوت المكياج علمود الحنه حتئ يلوك ب بدلات وبدله العرس بقت بل بيت
ولبست بدله الحنه لون احمر بس
وشغلها حلو بس دلعه وصلوخ
البدله كملت المكياج ورسمت شفتي بطريقه حلوه وعيوني هم سحبتهن
ونور وشمس ودعاء وافيان وضحى وياي مكيجن
ونزلنه لايهم صوفر ايهم .. يابويه صاروخ مو بنات
هههههههههههههه .. موعليجن ..على لبالي ..عبالنه علينه .. اشاقه وياجن طبعا عليجن
صعدنه مشغل اغاني ويركص وياه ضحكت على ونور وياهم
نزلنه للبيت واجت نور تساعدني ب بدله شويه طلعت
من ايدي غلست كلت منو اله خله يباوع بس جنت
فرحانه وبنفس الوقت راكان ماريده
دخلت للبيت اجت ام راكان ساعدتني ودخلتني وركصن وردحن
وره نص ساعه كالن يلا لبسي بدله العرس اخذني
البنات حتى البسه .. لبسته وكملت طلعت كالن راح
يدخل راكان حتى يبدلون الحلقات .. نتضرنه شوي
وكالو راح يدخل تسترن ..والله ودخل يخبل طالع
بدلنه الحلقات وطلع وصار المغرب تعشو وبقيت اباوع
شو محد صاحني شبيهم والله وره اسويه كالن راح
يزفوهم دخلوني للغرفه ودخل راكان وره شوي
دخل راكان وسد الباب .. راكان اني جوعانه هواي
بعدين .. راكان جوعانه شبيك .. اي بعدين تقرب عليه لزكني ب حايط و.......... راكان شوو وخر ايدك اريد اكوم
ماتردين تتعشين ... لا اريد اتعشه ... اي انتضري هسه يجييون العشه
والله وره شوي جابو العشه راكان اريد اسبح اول
اي روحي محد بره هسه ... والناس ولج بويه ماكو
ناس
جا مو جانو هواي .. اي نزلو واحنا بغرفتنا فوك ويمج الحمام والتواليت .. ها تمام
طلعت سبحت ورجعت وراح راكان سبح ورجع
.. يلا بويه تعاي نتعشه .. اي .. كعدني بصفه ويوكلني
كافي راكان بطني نترست راح اتقيى عليك
- عابتلج كومي لابارك الله بيج لعبتي روحي
- هههههه اشاقه وياك والله .. حضني وكمت غسلت
ورجعت تمددت وغسل واجه يمي فتحت ايده ونمت
كعدنه الصبح جهزت نفسي لبست قفطان ابيض جان بوقته
حضني وباسني ..صباح الخير ياوجه الخير
عيب وخر .. ام العيب
نزلت وعمتي كامت تهلهل وضحكنه وصبحنه بوجها
جانت ايام صدك حلوه ولاكن الخنكه .. ضيق
التنفس ..وكرهي وحبي ل راكان ماعرف سببه بس ماحسسته ان اني ماريده
ومر شهر على زواجي وصرت اختنك كلش
وراكان التحق لدوامه مشتاقتله وماريد قربه
مرات تصير عندي حالات اكره نفسي مادري شنو الاريده وراكان ممقصر وياي ليش ليش ..
تركت صلاتي وقراني وادعيتي وكلشي وصوم
كلشي صرت عبالك كافره وراكان من يحجي
وياي علمود الصلاه او شي ازعل منه وحتى
نتعارك
دمرت بهل شهر وتقيى دم
راكان جان يصيح يكول كله غضب من رب العالمين ليش هيج شبيج حور ومن اريد اصلي دتجي دوخه
وكانه ضربه على الراس وافقد وعي او من افتح القران كلشي يصير اسود وراكان اصلا كاعد نبتعب
هوه يريدني اصلي واني ماريد
وحتى كفران صرت اكفر مره راكان ضربني وضليت
اكفر ! ليشش حور شبيج تخبليتي انتي ام القران والصلا شبيج
والله يعني من اكفر ابجي ابقه واستغفر واكو شي بداخلي يكفر تعبت من هاي الحاله والله صرت اتمنه
ارجع لصلاتي لقراني اترك الكفران ابجي بقهر واني هاي اول مره يصير بيه هيجِ تعبت اتصلت ب راكان
- الوو راكان
- هلا شتردين ' صليتي اليوم
- راكان فدوه تعبت اني وكاعد انزف
- اي غضب الله هذا ' ليش نسيتي شنو سويتي
- لا راكان لا اني تعبانه والله تعبانه مدري شبيه
- ااي اشوف ' مادري بس هل يومن انزل
سديت الخط منه حتى هوه ميصدكني وكرهني بسبب
افعالي صرت مااحترم جبير او صغير صرت ماقدر
النعمه العندي اكلي قل وصرت ضعيفه وعيوني سود وداخلهن احمر اباوع على نفسي وابجي واشكي لرب
العالمين واكو شي بداخلي يكفر ماكدر اسوي شي ..
راسلت نور وسولفتلها كلشي ...... اكلج يمكن سحر ؟
ايي والله صديقتي هم هيج كولي لزوجج ياخذج لسيد .. يمعوده زوجي مقلدلي ... ليش ؟.. لان كفرت
ياااا عزه حور .. اي .. صخام بوجهج .. اي ولي مابيه حيل
سديت الخط منها وافتر دايخه كعدت على جربايه وحلمت جان اكو مره وجها كله اسود وعيونها بيض
ومصلخه وتصرخ واني كاعده كلي دم وابجي وعصافير ميته صغار كلش بس بيض وحلوات
كعدت بين المرتاحه والخايفه الساعه 5 الفجر
فكرت بكلام نور وحلمي
كلت انتضر راكان يجي واكله يشوفلي حل بس بل بدايه اصلي
رحت توضيت ورجعت اردد ايات قران وقريت الفاتحه لام البنين بنيه اكدر اكمل صلاتي ..
فرشت السجاده وصليت بس دايخه والغرفه تفتر بيه
لاكن ماهتميت وكملت صلاتي وسلمت واخذت القران
حطيته على كلبي بنيه ل بداخلي يهدا شوي من الكفران تعبت موبيدي وبقيت حاضنته وابجي
وادعي ربي يستجاب الي بس هل مره اريد اترك كلشي
اريد ارجع لصلاه مقهوره شكد مااحجي مااوصلكم هل
شعور غفيت على سجاده والقران بحضني هدئت شويه ودخل راكان اجه يركض شبيج شبيه عيونج
راكان تعبانه اني تعبت اكو شي بداخلي يك يكفر والله مو اني اني ماريد هل شي ولااحبه بس مادري ليش
يتردد بداخلي ساعدني راكان صرت عاجزه رب العالمين ميحبني مو انته بطلت تحبني وماما بطلت
تحبني وبابا هم كلهم ميحبوني كلهم ملختتت شعري
لطمت على وجهي اكو شي يدفعني ل هل شي
حضني ويمسح على شعري صرت مثل الطير المذبوح
احس ايد خانكتني بقيت ارفس حتى راكان رفست
وخر مني ايد ايد خنكتني رااااكان تعال ساعدني
راكان راح يقتلوني راكان الوحششششش تعال احميني منهم
وضليت اتقيى دم وحتى خشمي نزف دم وصار وجع
قوي بطني ونزفت دم قوي مو مثل الايام الفاتت شفت الموت بعيني
اجه راكان شالني وصعدني بل سياره وصاح على امه لحد مااجت عمه اني اغمى عليه فتحت عيني بل
مستشفى وكانونه ومغذي وراكان عيونه حمر جنه جان يبجي ر را راكان شبيك
اجه يبوس بايدي وحضن وجهي وشهك
حور لاتسويها بعد كلشي يولي لخاطر
( انتي الوحيده الماتحمل فراكج )
راكان شبيك .. ماكو شي
طلع راكان يحجي وياه الدكتور بره .. اي اي ..اي ماكولها هسه .. اي والجلطه مامأثره عليها .. اي فدوه الها .. رحمه الله والديك
شويه واجه راكان جايب اكل
وخرر مني راكان ... شبيج حبيبتي .. لا تكول حبيبتي
احجي شنو ضام عليه لي ليش ساكت راكان راح اموت
ليش تضم عليه ... ماضضضضم عليج بس موزين عليج اكول .. ياامه الاسلام افهمني شبيك وليش جنت تبجي وشنو جلطه ؟
تذكرين قبل زواجنه من جنتي تتقيىن دم ايي مريضه انتي مرض موزين بيج افهمينني وخسرنه اطفالنه فتهمتي هسهسسه ارتاحيتي شفتي كفرانج وين وصلنا
بقيت بصدمتي رااااااكان اني ماااكفر هيججج سحررر
والله سحررر اشوف اشياء واتحلم واكره قربك واني جنت احبك من قرب زواجنه لهسه مارتاحيت اني
دمرتتتت وكل مره اصلي لو شي يضرب راسي لو يخنكوني اهى اهى وشهكت حضني بس اباوع على راكان ماحجه شي
راكان شنو اطفالنه ... اي حامل اانتي بتؤام وخسرناهم صار نزيف من نماريه .. شبيك .. والله
من الطم .. غير خنكوني .. اي كملي اكل ونطلع للنجف
بس ... بلا بس .. تمام خلصت .. يلا كومي وياي
طلعنه وبطريقنا للنجف .. راكان .. اممم ..جا عمتي ليش مااجت .. صعدت ضغط والسكر من شافتج من
كل مكان تنزفين وكالولها اطفال ثنين ماتو نامت علكولها مغذي ورجعته ..... اهااا زين وين نروح هسه
صديقي يعرف شخص عنده معرفه بهاي الاشياء ورايحن اله .. تمام بس اخاف
وصلنه ونزلنه يم الباب بس مثل ماتوقعت المنطقه تخوف وكلها بزازين سود وعيونهن تخوف والرجال
بس عين وحده شلون يشوف مادري
راكان اني اخاف خلينه نرجع .. نجبي .. دكينه الباب طلع ولد حجه هوه وراكان كال ادخلو دخلنه الغرفه
مقسومه بنص نص برده ونص لا عاديه
دخلني وراكان سولفه كلشي وكالي احجي وسولفت كلشي كال تعاي وكام راكان وراي كله انته ابقه هنا
تمام بقيت اباوع اله لا خلي يجي وياي
كام راكان لزم ايدي وباوع للرجال ومشى
نومني على جربايه وضل يقره ايات وينفخ على وجهي نفسي لعبت بقت نفسي تلعب لحد مازوعت
بس من زوعت مو اكل لا شي مقطع عبالك حيايه
او دود هيج شكله نكطع نفسي واني اتقيى ضل يقره
وضرب راسي حيل وتفل على ل تقيتئ ويحجي اشياء واحرف ممفهومه ضليت ابجي اريد اتقيئ ماكدر لزم ايدي وتفل بيه لعبت نفسي زوعت وصرخت
اجه راكان تقربت لحضنه وحطيت وجهي بصدره وابجي واشهك
كال الرجال نتبهو من بنت شابه انتي ماكله شي او شاربه منه وهذا السحر الاسود والجن العاشق واذا
مارستي ..... قبل الزواج بس بدون..... هذا الجن العاشق وتريد تخبلج واذا تكولين اكره زوجي هذا
بسبب كره معمول الكم اربع اسحار والسحر الخامس
ميصير عدكم اطفال اذا صار يموت وكل ماينتهى
تبدي بي اخذي هاي الاعشاب بس مالت الاطفال مخلصات ومرتين مسويات اما البقيه هاي البدايه
فقط ونكدر نحله واقري قران شكد متكدرين كمل منه راكان وكال راح يسولنه جلسات لان حتى اني شارب وياج اخخخخ لو لزمهن ال اطلع ****
مرت اربع اشهر وستمريت على الاعشاب وبقت جلسه وحده ونخلص من السحر نهائيا ورجعت طبيعيا
اصلي حتى صلاه شكر صليت بس تلعب نفسي وريحه راكان اعشقه اموت عليه من يجي ابقه احط
خشمي بركبته واغفه ومانام اذا مو راكان يمي واذا هوه ملتحق احط قمصلته وحتى كدام اهله ابوس
وشم ركبته تعودو عليه كالت عمي ولج استحي
وليش استحي غير رجلي عمه شبيج
يا دهر فرج ؟ يمةةة اسم الله بيش طالبتني تسمع
راكان .. اي وهسه لازم احل مشاكل العمه والجنه
شبيك حبي تعال ابوسك وبسته بحلكه عمتي حط شيلتها بحلكها وتضحك والبنات طفرن وراكان يكول
تعاي عيده .. ولج يمفلوكه اصعدي بل غرفه حتى ****
ضحكنه وشالني وصعد صاحت ورانه ان شاء الله تشيلون طفلكم هيج ابتسم راكان وصعد....
راكان يمكن اني حامل ... صدك .. مادري اريد احلل
صار فتره حالتي غريبه وياك وعكس الاطفال الماتو ماحبيتك واضوج من قربك وهسه اعشق قربك
جا خليه العصر نروح .. اي .. يلا تعاي تعبان اريد
انام ..اجيت بحضنه وخشمي بركبته ونمت
صار العصر وطلعت حامل مثل ماتوقت واتمنيت الله
يحفضه النا
راكان من فرحته حار شنو يجيب ويشتري وباسبوعي االثالث
ومر شهر على حملي وكلهم فرحانين وكريم وايهم يردون يخطبون خواتي بس رافضات ميقبلن كلت اروح واحاجيهن
اجه راكان .. ولج حوريييييه تعاي جايبلح بشاره
- شبيك راكان تصيح !! وشنو هاي البشاره ؟
ابوج من كال ابوج باوعت على شفته وانتضره يكمل
اجه لزم ايدي ابوج بعد ثلاث سنين يطلع يخلص حكمه
فرحانه هواي ... يافرحتي بيكم ... احبج .. احبك
- حوريه الجلسه باجر نروح .. لا راكان مبيه شي
- لا كلشي يصير اخاف عليكم .. راكان ..بس
راكان اريد اروح لاخواتي شووف الولد حتى مينزلون
للبيت ! اريد احاجيهن ... لا عوفيهن لان الزواج مو جبر
رحنه للرجال وخلص الجلسه كال هذا المي اسبحو بي
وبس انطا الفلوس راكان وطلعنه زرنه الامام ورجعنه
اخذتلي يومين رحت ل راكان وكفت متخصره
- هابويه شجاج متخصره الي اليوم ؟
اي وديني لاهلي .. اي باس خدي وكال تعاي مشتاقلج
يسولف وياي وغفيت على ريحته ركبته
-صار العصر وطلعنه وصلت واتفأجاه بيهن عيونهز حمر شبيجن
- كريم رزلني ' ايهم رزلني وحضرني ' واني هم حضرني
هههههههههاي ' وسم شبيج جنه ضحكه ك***
نجبي شمس ' حور انتي صايره كلش مستهتره
شبيج راكان مدوهنج ' اي والله خيه شوفي الحب افعال '
لاتبسمرين بينه ' احنا شعلينا ' اي همه ميتحملون
..
نور بعد مازوجت حور ايهم عترفلي بمشاعره وكال
احبج ومدري تركته ماجاوبت وضليت هيجِ مرت شهر
شهرين اخر شي كال يبت الناس اني رايدج ماريد العب عليج ولاشي بس اني حبيتج ' ايهم بس اني ماحبك
تمام عادي اصدقاء نضل ' تمام ومرات ساعات ودقايق ولحضات وايام وشهور واحنا نسولف ونضحك
ونشاقه وكعت بحب ايهم بس ماعترفت كلت يجوز نسه ' بعد مفكر بيه ' طلع هل الحب من راسه ' وحور
راسلتني وسولفتي كل سوالفها وكالت اني *****
واني رزلتها وكتلها سحر لان صديقتي هيجِ صار بيها
وفعلا طلع سحر وحملت وكع وبيومها رحت لحور
احمد ومحمد واني وشمس وسعاد وكعدت يم وحور
ونحجي وياهم ولاكن لاحياه لمن تنادي لحد ماعالجت نفسه عد شخص بل نجف وصارت زينه الحمدلله واني
وشمس كملنه دراسه وندوام بمختبر حاليا
وبيوم راسلني ايهم ونزل عليه ب كلام دوسه ونص
حتى سب وغلط بس على نفسه حجي ميلبس على ثوب
ايي شبيك ايهم يعني ماحبك كوه هيه ' اي مواني ***
وم*****ز****وانتي جلبه شايلن كلبج وكلام خلاني
ابجي
اجت حور طلعت وطلعت شمس تبجي انتي شبيج ' انتي شبيج
حور طكتها ضحكه علينه وكالت ابقن وراح يخطبون الهم
شمس - اي والله كالي كريم بس مصدكت ورزلني هم
نور - عزززه صدك ' اي غير انتن متكولن وتفضنها
وباقين هناك صارلهم ب 5 -6 اشهر مادر
شمس - عمي نحبهم شعدنه غيرهم
نور - اي والله عود اريد اعترف ورزلني وكلتله
شكلتلي ' يعني ماحبك هيه كوه
عزه ' والله - شمس طكتها ضحكه ونمطلت بل كاع
حور - دضلن خلي يعرسون وانت عنسن
شوي ويجي راكان ياخذي احسن الج هيج
صار الليل واجه محمد كال حور اريد شغله منج
كول ' اريد اخطب اخت راكان ضحى ' مادري اكول ل
راكان ' بطله وباس خدي ' هههههه محمد كافي وخر
اجه راكان وطلعت وضلو يسولفون بل باب اشرتلي
شمس ونور كالت تعاي ' ها ' كولي ل راكان يكولوهم
يفتحون الحضر ' هههه تمام سلمت وطلعت اشرلي
راكان على سياره صعدت راكان شوف ايهم وكريم .....
.... كلشي كتله ومحمد....... انته شنو رائيك ' باعي
حور اذا على اخوتي سهله بس اختي القرار يمها واني واعدهن مااجبرهن على شي ابد ' لا هيه متوصل لجبر
بس انته اخوها وكعد وياه ونشوف ' صار مرتي
وبعدها راح راكان يحاجي ضحى ورجع اتصل باخوانه
كال ضحى موافقه ' تمام الله يسعدهم ان شاء الله ..
والولد ' مستهترين يلعبون عليهن جذابين لاخطبه ولاشي ' راكان بطني توجعني تعاي ' حطاني بحضنه
ويمسد على شعري ويبوس بايدي خف الوجع ونمت
نص الليل حسيت وكانه روجه تخض بطني خض من
لوجع ونزفت راك راكان وعضيت شفتي الحكلي راكان
اجه وخر البطانيه وشاف الدم ولج حور نازفه ... اييي
نزلني على كيفي شالني ومشه بيه صار شلون الطلوك
وصلت للمستشفى كلي عرك وعطشانه ' جابلي السديه
للسياره وحطني بيه ودخلت كالت ماما عندج طلوك
جانت مستشفى قديمه كلش ولاطفال تؤام بس
جنسهم مامبين ' دكتوره ماريد بس انقذيهم هاي ثاني مره اخسر اطفال ماريددد ماريدد اخسره مسحت على
شعري وكالت ماشي الاكدر عليه اسوي ماقصر وياج
طلعت راكان اسمعهم بس بالي يمي اطفالي اريدهم
يعيشون ماريدهم يموتون كالت عمليه بس بلا بنج
ولازم تتحملين ' ايييي اعض بشفتي وجع بطني احس
شي ينهش ب لحمي حتى من دخلت ايده حسيته بيه
وعركت وصرخت من الوجع مينحمل تعبت من صريخ
اغمى عليه بعدي مادريت شنو صار ؟ اطفالي عاشو ؟
كدرت تنقذهم؟ وذبت عليه مي الحمدلله على السلامه
- الله يسلمج ؟ واطفالي ؟ بقيت اباوعلها واريده تكول
يتبع 🧚🏻♀️
••••••••••••
شنو رائيكم بارت اليوم ؟ والتنزيل مستمر يوميا !
ساعه تسعه بليل ' تابعوني - الحسابات اذا تحبون
انستقرام at___.re2
تيك توك
ma___ioz
تلي FatimaFahd