ألرقطاء وكراتها الثلاث
اللـدغه العشرين🐍
بقلم كهرمانهه🤎
______________________
بالبدايه تصويت +متابعه لحسابي +تفاعلكم الجميل الأحبه🫶🏼
__________________
أتظُنني أنهار ؟ رِفقًـا بِذاتـِكَ يــا ،
عَــــــدم
______________
مسك
غمضت عيوني من المنضر اللي شفته حقيير لأبعد درجه داخل للقاعه وبيده هدير تباوعلي بنظرات
إنتصار بيوم زواجنا جايبلي عروس ثانيه وصل يمي وگال "سبرااااييزززز " دفعته وگلتله
-راح تندم معااذ فتحت باب من أبواب الجحيم على نفسك
عفتهم وطلعت من القاعه اركض واسمع خالة نقاء ورايه تصيح بأسمي وصوتها بيه غصه .
—
هرم
بعد ماطلعت مسك من القاعه ضليت متصنمه بمكاني كنان والحجيه وام معاذ اخذوا معاذ خارج القاعه
ركضت على هدير وضربتها كف على وجهها ولزمتها من شعرها انسحبت من عندي شفت ديالا لازمتها
من الصفحه الثانيه ضربتها كف واحد ورى الثاني من غير الغلط والصياح والنسوان يجرن بينا
ملخناها تملخ مانطيناها مجال ترفع ايدها رفيف صاحت بينا علمود بيبي كالت تخربطت
من رحنا لبيبي شفناها مابيها شـيي وتباوع طبيعي ممهتمه تعجبت ، ام هدير وسلمى اخذن هدير
طلعنها من القاعه شفت رنده تبچي بلا صوت رحت حضنتها كُـلش رقيقه وتخاف من هــيچ اجواء
وخصوصًا هـيَ تحبنا أنـي وخواتي واللي يمسنا يمسها گعدت يمها والبنات طلعن يم مسك سمعت
ديالا اتصلت على زوج خالة نقاء وگالتله يجي ياخذنا من القاعه الناس كلها طلعت من العرس بقينا بَــس
احنا والهوسه اللي بره .
__
ديالا
طلعت بره القاعه شفت كنان عصبي ويصيح على معاذ والحجيه هَـم تهدد بيه وخالتي تغلط فصخوه تفصخ
وهو مامهتم الهم شال مسك ومشه بيها للسياره ومسك تضرب بيه تريده ينزلها خالتي وراهم
شمرها بداخل السياره قفلها عليها وهو صعد
بسرعه ماهتم للكل شخط السياره وطلع من المكان
الاحنا بيه اجه زوج خالتي وفهمناه الصار خالتي تبچي وتتوعد حسيتها امي هيچ مهتمه لمسك
متريدها تنذل ماتعرف هـيَ مسك ماتنكسر واصلًا چانت حاسه إنُ هذا الشي حيصير رجعت دخلت للقاعه
علمود اصيح البنات شفت هرم گاعده يم رنده ورنده تبچي بسبب اللي صــار سألتني هرم شِــنو هــاي الهوسه
-وين مسك
ديالا:-أخذها معاذ وراح
هرم:-وييييين اخذهااااا ليششش خليتوووه
ديالا:-هــوَ أحنا گدرنا نسوي شييي
هرم:-فاهيااات والله فاهيييااااات ومسكك شلوون قبلت تروووح وياااه
ديالا:-لچ حتى لأبو ماهتم شالها وخلاها بالسياره وراح
هرم:-هــاي مسك ماراح تعاقبه على سوايته والله اذا ماسوتله شـيي أنـي اسوي واگلب الدنيا ع راسه وراس الخلفوه .
ديالا:-يـله امشينا نرجع للبيت زوج خالة اجه بعديـن نشوفها شـلون تصفه
___
مسك
طبگ السياره على جسر الجادريه ضل يدخن واني صافنه مالي خلك لكُلشي أحس روحي مختنگه
يمكن لأن ما أعرُف أبچي من اكون محتاچه لهالشي بَـس ما أگدر،عيوني تنط ليگدام واضل ارجف سألت معاذ
-ليش هيچ سويت معاذ چنت تگدر تأذيني بغير شـيي بَــس مو بهيچ بوم وگدام اهلي والناس النعرفهم ، بعديـن هـيَ هدير مو متزوجه شلوون
معاذ:-ممتزوجه هــاي چذبه من عندي افعى ، ترى مو بَــس إنتِ تعرفين تتحايلين ع العالم غيرچ يگدر يسوي أكثر
مسك:-معاذ غلطت وياي غلطه چبيره
معاذ:-انتِ البديتي تتحملين العواقب تردين تمشين وتخربين بدون لاا أحد يحاسبچ مو
مسك:-زين شلوووون شلوووون كل هذا صــار واني مادري وهدير تعرف شلووون قبلت تتزوجني وهيه على ذمتك فهمنييي
معاذ:-اذاا متعرفين هدير تحبني بجنون ومن گلتلها گالت لو تتزوج الف وحده المهم تبقى على ذمتي ماعندي مشكله
مسك:-لعد شگد ماعدها كرامه رجع الكشن وتنفس بعمق باوع عليه وگال
معاذ:-لتحچين عليها ماسمحلچ ، وهذا اللي سَـويته عقاب بسيط ولچ سوايتچ حتى إبليس مايفكر بيها
ومن بحثت عنچ وعرفت شِــنو انتِ ووين چنتي عايشه شتلبسين شتاكلين وين تطلعين كلشي كلششي
وعرفت بوقتها الأفعى مو بَــس حيوان لا تجي على هيئه بشر تمشي وتذب سمها عالناس وهدير چانت
ضحية خبثچ استخدمتيها كـ طعم علمود اعوفها وانجذب إلچ مو ردتي تصيديني بَــس بالأخير انتِ انصاديتي
مسك تدرين إنتِ ببالي من زمان بَــس ماچنت اعرف الطريقه الأگدر أوصلچ بيها واجيتيني برجليچ
وغيرتي نضرتي عليچ كليًا ويبقى السؤال الأول والأخير لــيش هيچ سويتي ليشش چنتي تگدرين
تگوليلي يابه اريد اتزوجك أنـي حتى هدير اعوفها وداعتچ بَــس انتِ طلعتي طلعه كُلش مو حِـلوه باللي سويتيه
مسك:-أكرهك معاذ دم سنوني إنتَ
معاذ:-لعبتي هــاي مسك واني اللي أقر شــوَكت تحبيني وشوكت تكرهيني ، اتحكم بمزاجچ وحتى النفس التتنفسي هَـم إله بأذن مني ، شوفي إذا ماندمتچ وربيتچ من جديد علمود أذلچ أريد هيچ كون تجيني وتگولين إلي اللي تريده يصير بعد الجاي أقوى يــاا أفعى
مسك:-لاتعتبرني بنت عاديه أني مو طبيعية مثل كُل البنات شما حاولت راح تخسر صدگني ، هــا وترى اللي سَـويته اليوم چنت حاسبتله حساب
واعرف مراح تعدي هذا اليوم على خير اذا ماتسولك فـدد ملعوبه يَـعنـي الصدمه خفيفه بَــس عقابها ياويلك منه عوذه
هــا والشي الصدمني أكثر شـيي هدير شـلون تقبل بهيچ شـيي لاعبالك كل النسوان مثلها تقبل بواحد يهين أنوثتها
ويتزوج عليها بطريقه بشعه وهيه بَــس مخطوبه وعرسها مشارك لعرس وحده ثانيه يَـعنـي صدگ قرف مبين قياساتك هالهدير إنت وياها زباله بنفس الحاويه
معاذ:-احترمي نفسچ ولتتجاوزين حدودچ
مسك:-طنشت كلامه ضررب الستيرن وهو يسب ويلعن بأهله صارت الدنيا ليل شغل السياره واتجه بيه للفندق خله السياره بالگراج مال الفندق ونزلنا راح للرسبشن أخذ المفتاح منه واخذني للغرفه الحاجزها
اول مادخلنا للغرفه گلتله
-تليفوني ماجبته وياي اريد تليفونك اتصل على خالتي أطمنها ضل بالها هـيَ والبنات عليه
معاذ:-اخذي هذا التليفون الثاني مالتي خلي يمچ أنـي طالع هسه بعديـن اجي
مسك:-طلع هــوَ واني اخذت التليفون اتصلت على خالتي سمعتها تسب وتغلط عبالها معاذ من سمعت صوتي هدأت
نقاء:-انطيني أسم الفندق واني هسه جايتچ
مسك:-خالة والله مايحتاج
نقاء:-لاتخبليييني مسكك انتِ ماناقصه شـيي علمود هــيچ يجازيچ معقوله هــاي مسك اللي تحجي وياي لو غيرها لچ ماما شـلون هادئه هالشكل
مسك:-بعديـن خالة بعديـن افهمچ كلشي بَــس خلي ببالچ أنـي ماقبل انذل وحق هــاي الفشله الفشلها الي اله ارجعها وزايد مو مسك اللي تترك حقها ومترجع كرامتها الطشرها إبن اللذينَ
نقاء:-مسك هــاي حياتچ تَـره تگدرين تتركينه بسهوله والقانون وياچ
مسك:-خالة هــاي حياتي مثل ماگلتي وماريد أحد يتدخل بيها ياريت لو تطلعين من الموضوع ومتتدخلين ،
غمضت عيوني بألم واني أسمعها شـلون تسب وتغلط عليه انقهرت كُـلش وشبهتني بأمي وجدي اللي جانو سبب بدمارها اخر جمله گالتها
(التاريخ بدأ ينعاد بَـس بوجوه جديده)
سدته بوجهي وخرت التليفون من إذاني ضليت ادور بالأرقام مال التليفون دخلت عالواتساب والمحادثات والصور اجت رساله من رقمه الثاني كاتب بيها
-شعندچ تدورين بالتليفون يـله سدي ونامي
___
هرم:-انقهرت كُـلش على مسك هدت نص حيلي وصدمتني مرمر بقرارها اكثررر ، قبل كم ساعه رجعنا من العرس تعبانين راحت ام موسى جابتلنا مي وگعدت لزمت ايد بيبي حچيت بعصبيه
-الله ياخذ بيت فياض آل صحار نفر نفر شگد أكرههم عسى حوبة مسك ماتتخطاهم شلوون خلونه بموقف محرج وگدام بيت جدو أهل بابا أكبر شماته راح يضلون طول عمرهم يحچون بهالعرس
ديالا:-مال هسه ألزم معاذ املخه تملخخ ، زين هسه هــوَ وين اخذها خاف سوالها شـيي
وجد:-يمعودداتتتت سكتن شوفن حالة خالتي خطـيـه لاا تتخربط ولاتنسن جدو معلمنا تايكوندو و بوكسينغ ومصارعه بعد شــكوو
ميگدر يطخها تجنزه تجنيز اهم شـيي متضل على ذمته لأن راح يطلع أشكال وألوان حچي على مسك
هرم:-شعليها يطلع حچي ميطلع هـيَ عروس وزوجها جاب عروسه ثانيه بيوم عرسها عليها اصلًا الحق كُله وياها
مرمر:-أسكتن شويه ، أم موسى بلا زحمه عليچ اريد تحضريلي ملابس والحمام حتى أسبح تعبانه
أم موسى :-صــار حبيبه تدللين
هرم:-مرررمررر شِــنو هالبرود معقوووله إنتِ مامهتمه ع السواه معاذ بمسك ، شلوون تفكرييين بييبي حفيددتچ انهااانت گدام اليسوه والمايسوووه عاطت بيه سكتتني
مرمر:-هرررم كااافي تملست إنتِ وخواااتچ ولتحچن حچي من كيفچن تبقى يمه هـيَ اللي جابتها لروحهاااا خليني باالعه جرابي وساكته وطلاگ ماتتطلگ واذا تطلگت بيتي مايلفيها تريـد خلي تساافر يم امها
نقاء:-شلووون يمممه شلووون تتبرين من مسكك ومتردينها تتطلگ ، اذا انتِ ماتردينها أنـي اريدها اعيشها وياي ولا تضل تحت رحمة معاذ العار اللي خله بيت ابو نذير يتشمتون بينا
مرمر:-هذا العندي
ديالا:-عافتنا واخذتها أم موسى تسبحها ، يوم بعد يوم اكتشف إنُ أحنا ماعدنا سند بهاي الدنيا مرمر هَـم تخلت
عن مسك بسهوله اعرف مرمر گاللها معاذ بسالفة الصور وشنو السوته مسك بيه ومرمر لهالسبب
چانت بارده من ناحية اللي صــار بَــس مو لدرجة تتبره من مسك وتصير ضدها ، عفت هرم منفعله
وخالة گاعده وحاطه إيدها على راسها ورفيف نايمه
فاصله فيشه من العالم ولا يمها الصار صعدت لغرفتي
وصعدت ورايه وجد دخلت وسدت الباب ضلت تفتر بعشوائيه بالغرفه واني غارقه بتفكيري گعدت يمي وگالت
-تدرين شِــنو راح اسوي
ديالا:-اي ؟
وجد:-اتصل بكنان وافتهم منه السالفه
ديالا:-وجد بلييز عوفي العواطف والخطه الشريره شويه وخلينا بالمصيبه الأحنا بيها
وجد:-نضرب عصفورين بحجر هَـم كنان احچي وياه واعرف خاطري يمه وهم معاذ يتعاقب ويتشرشح من أبوه
ديالا:-تَـمام
وجد:-تليفوننا وين ؟
ديالا:-عد هرم
وجد:-روحي جيبي
ديالا:-متنزلين انتِ
وجد:-شبيج مابيه حيل يـله يـله حبابه الجو كئيب ماصدگت اشرد
ديالا:-هفففف يـله نازله نزلت شفت خاله تحچي علينا الأفتهمته من كلامها إنُ هـيَ حاچيه ويه مسك وگايلتلها حتى تتطلگ ومسك رافضه واحد يتدخل بحياتها وگايله لخالتي هَـم معليچ بيه وخالتي مقهوره
نقاء:-ماتنلام خيزران من عافتچن أني ارجع لبيتي إذا مسك متريدني زايده مني باقيه هنا
ديالا:-خالة طولي بالچ أكيد مصدومه بعدها ماتعرف شتحچي عذريها
نقاء:-لاا لاا ماريـد ابقى بعد هَـم صدگ أنـي منو واتدخل بحياتها
هرم:-مسك صارت مجنونه رسمي هذا معاذ غسل دماغها غسل مال هسه ارگعها بالطابوگه على راسها بلكي تصحى
ديالا:-تعرف شنو راح تسوي واكيد متتنازل عن شـيي بسهوله إذا متدخل معركه تفكير ، هرم وين التليفون
هرم:-هذا اخذي ماريده
ديالا:-جيبيه أخذت التليفون من هرم وصعدت أركض لغرفتي انطيت التليفون لوجد
وجد :-يـله راح اتصل
ديالا:-بَــس لحضه شِــنو تگولين اله
وجد:-معليچ أنـي اعرف شـلون احاچي
ديالا:-هــا انتبهت اليوم اكو مشاحنات بين معاذ وابوه
وجد:-اييي أنـي أعلمك يــاا معاذ اذا ماخليت كنان يسحلك ما أطلع وجد
ديالا:-كفوووو اتصلت عليه شويه واجاها صوته
كنان:-منو وياي ؟
وجد:-اححم أني وجد
ديالا:-سحب نفس بصوت عالي مثل اليرتوي بصوتها حچه بصوت متعوب
كنان:-شلونچ وجد طبعًا أنـي كُـلش خجلان من الصار اليوم مالحگت أحچي ويه أم ياسين چنت مشغول وطلعتوا من القاعه بسرعه ،اللي تأمرونه يتنفذ وباجر أمر عليكم
وجد:-واذا أني طلبتك ؟
كنان:-يجرالچ
وجد:-معاذ يطلگ هدير ومسك تعزل بيت بوحدها عمو تعرف بابا متوفي وامي متزوجه خوالي كلمن محتار بحياته وجدي الچان سند ألنا توفى الله يرحمه وبيبي گالت اذا تتطلگ مسك بيتي مايلفيها هم تخلت عنها متقبل تتطلگ من معاذ
عمو ماناقصنا مشاكل مسك تتزوج علمود تستقر لو تتهجول وتنذل بهالطريقه وحتى خاطر ماعدها يم معاذ اصلًا ميحبها لو يحبها ويريد خاطرها ماچان سوه هيچ
كنان:-خلص التردونه يصير ، معاذ تعبني بشكل هالولد طاغي ومايهتم لكلام احد اذا يخلي شـيي براسه يسوي بلا مايهتم
وجد:-أسفه أخذت من وقتك
كنان:-لاا فدوه إلچ محتاجه بعد شـيي
وجد:-سلامتك غميت التليفون وباوعت لديالا گاعده گبالي ومخليه رجل على رجل وتگلب عيونها بملل
كنان:-اترخص أني
وجد:-مع السلامه
____
مسك:-ذبيت البدله ودخلت سبحت وطلعت بدلت ملابسي وتمددت عالچربايه بسيطه إذا مازوعتكم دم
اصبرولي غطيت نفسي ونمت ماصحيت إلا ثاني يوم الضهر ، گعدت على صوت طگطگه بالغرفه
رفعت رأسي شفته گاعد وبيده اللابتوب وجايب أكل مخلي على صفحه گمت غسلت وجهي وطلعت اندار عليه وگال
-بعد وكت
مسك:-ماهتميت الـه رحت اخذت العلاگـه مال
الأكل وتربعت گـدامه هــوَ گاعـد على كرسـي
واني گعدت بالگاع فتحت العلاگه طلعت الأكل
وبديت أكل بأيدي حتى التمن أكلته بأيدي كملت أكل
وهو يباوع عليه هزيتله رأسي بمعنى شــكوو
معاذ:-لو أدري بيچ هيچ جوعانه چان جبتلچ باچه
مسك:-شــوَكت اطلع منا ومرتك ذيچ وينها
معاذ:-ماكـو طلعه هدير گاعده بذاك البيت وانتِ أبقي هنا على ما أدور بيت إيجار اكعدچ بيه
مسك:-شنوووو مگعدهااا بالبيت اللي المفروض أني أكعد بيه ؟؟؟ ماجاوبني رجعت گلتله
-شووف أُستاذ معااذ اليوم تطلعني من الفنددددق لأن ما اثق بهالمكان ماكـو أمان
معاذ:-ماتردين الفندق مشكلتج عاجبچ الشارع روحي طلعي ابقي بره هــوَ إنتِ مكانچ الشارع متعوده عليه
مسك:-گمت من مكاني نكتت إيدي من التمن وگلتله
-هههاي شفت البيوت الطلعت منها إنت شتربي زلم بلا غيره
حچيت هــاي الجمله لو هــوَ تخبل شال اللابتوب وشمرت بالگاع تقرب من عندي وگال
-ماسمعتت عييدييي شگلتييي ؟؟
مسك:-شفت البيوت شتربي زلم بلا غيره استاذ معاذ وين غيرتك وانتَ عايف مرتك بالفندق بعديـن
الشارع بيه زلم ماتتختل وره فلوس أهلها يزيدني فخر اكون بنت شارع ولا انسانه طماعه بلا شخصيه
تقرب عليه لزم شعري وجرني ناحيته وكال
-بنت الـ****مسك لاتحاولين تختبرين صبري ترى والله متشوفين مني كُل خير اتچفي الشر احسن
لا أندمچ ماريـد أمد ايدي عليچ لأن مو من السباعيه واحد يستقوي على مره هالمره راح
اعديها إلچ بس مره ثانيه لاا أدوس عليچ وعاليطلع وراچ فاااهمه
مسك:-بالله خطـيـه إنتَ ، أني أخر من يتهدد
معاذ:-مسسسسك
مسك:-ومرة لخ لاتضل تسب تَـرى أني هَـم اعرف اسب ولساني مسلح بهيچ كلمات كور إيده وضرب الحايط اللي بصفي بقوه
معاذ:-أفعى لاتخلين راسچ براسي
مسك:-هــاي إنتَ گلتها أفعى دير بالك لاا تتسمم وباااححححح تموووت ، تچفى الشر وسوي الأريده
معاذ:-لووو تطلععع نخلة براسچ ماطلعچ مناااا
مسك:-تَـمام عزيزي طبگ حواجبه بغضب ابتعدت منه ورحت للحمام غسلت ايدي وحلگي طلعت من الحمام مالگيته موجود روحه بلا رجعه الخسييس
شفت جنطه مال ملابسي جايبها الي فتحتها طلعتلي منها تراك لبسته ضليت اباوع بالتلفزيون وافكر شِــنو أسوي لمعاذ
اندگ الباب مال الفندق أكثر من مره مافتحته ولا أصلًا گلت منوو حسيت بنعاس
گمت من مكاني ونمت عالچربايه ونومي چان عباره عن كوابيس تحلمت چن أني گاعد على كرسي
وحيه تلتف عليه لحد ماتخنگني لاا أكدر احچي ولاشي لحد مانعصرت كُـلش
فزيت من النوم بمكان أضلم صرخت كل قوتي أريد ينفتح ضوه لأن عندي فوبيا من
الضلام انفتح الباب وشفت ضل مال شخص يتقرب ناحيتي
حسيته صــار قريب كُـلش عليه خله ايده جوه ابطي وشالني مثل ميشيلون الأطفال....
يتبع
حسابي الانستا اذا تردون تراسلوني لان الخاص مال واتباد بالصدفه يـله يشتغل