✹ ✹ ✹ ✹ ✹ ✹ ✹ ✹ ✹ ✹ ✹
#قوة_أيسـون
البارت السابعة واربعين
بقلم :زهـراء بوغبا
نجراتي الحلوين لتنسون تصويت ، ومُتابعة للحساب، وتعليق بين الفقرات💅🏻⛓️❤️🔥
وصدكني ماناسي ولوجع بكلبي وراسي
وهل شي من روحتك يا اغلى من ناسي
✹ ✹ ✹ ✹ ✹ ✹ ✹ ✹ ✹ ✹ ✹
مريـم ...
يُمكن اجتنا ثنينة لحظة صمت فاتح عيوني بصدمة وهو يباوعلي ويرجف وعيونة حمر شكله غريب غريب كلامه ماجاي استوعب شنو الكاتل بأيدة شنو هذا اريد استوعب بلعت ريگي وگتلة
-مريـم : ماا فهمت ! شهم شجاي تحچي؟
أبتعد من يمي يضحك بصوت عالي اريد افهم واستوعب ماكو
-مريـم : شهم شبيك !
باوعلي يضحك تقرب عليّ ولازمة وجهي بأدي ودموعة تنزل يضحك ويبجي بحيث خبلني ويا عيوني موسعتهم عليّ
-شـهم : بس مالي ذنب مريم
أبتعدت ليوره شويه مصدومة
-مريـم : شنو مالك ذنب شنو جنت يم الي كاتله ولك أحچي !
حط أيدة على وجهة يشهگ
-شـهم : جنت بالنچف أزورة جنت اعاتبه وأگله أرجعلي بس مايرچع مريم مايرچع راح
ركضت بسرعة حضنته حالته خوفتني المهم مايأذي نفسة
-مريـم : شهم شهم منو أحجيلي
-شـهم : مات من وراي من وراي كل هاي السنين واسمع الكلام كل هاي السنين امشي ويگلولي كاتل شخص بسسس غلطة غلطة
موسعة عيوني انا بصدمة من كلامة خفت بلعت ريگي وگتلة
-مريـم : فهمني شلون يعني؟
أبتعد عني راح كلاص مي وشرب وگوة يجر النفس باوعلي ويتنفس سريع وعيونة الحمر تريد تطلع من مكانها گعد على الجربايل وأشر أجي يمة رحت گعدت يمة بدون صوت دنگ راسة ويحچي والكلام گوة يطلع من الغصة الي بي
-شـهم : جنت طفل جان كل عمري ١٥ چنت مراهق طايش أحب أطلعي اتونس جنت أشوف الشباب تشرب چگاير وتصعد سيارات وتطلع انا چنت أريد أسوي مثلهم گلت الـ أبوي خليني أشرب چگاير ماقبل كلي صحتك مو زين گتلة أشتريلي سيارة گلة أبني من تبكر بعيوني أشتريلك بس مو هسة بعدك كلشي ماتعرُف
باوعلي مبتسم وگال
-شـهم : انا عندي صديقين قريبين من عندي حيل فاخر وسلمان
فاخر جنت كلش أحبة وأعزة وقريب من عندي وسلمان بعد أكثر بس فاخر عندة خباثة يعني يحبني بس يغار من عندي يحبني بس بنفس الوقت مايحب يشوفني مرتاح سلمان جان العكس
گام وگف وأشر أبقى مكاني
-شهم : أنتظريني أشوفچ صورتهم
طلع من الغرفة صار عندي فضول أعرُف وين راح گمت أمشي على كيفي ورا لمحته دخل للمخزن يعني فعلاً ذولي الصور گبل ركضت رجعت الـ مكاني گعدت شوية ودخل لازم صور گعد يمي نفس الولد الي شفتهم بالصورة والله نفسهم أشر على الولد الي مارتحيت الة وفعلاً أحساسي صح ..
بلع ريگ ويحچي بغصة
-شـهم : هذا فاخر هذا صديقي هذا أكثر بشر أذاني
باوع للولد البشوش والي هو سلمان
-شـهم : هذا سلمان هذا مات مات كتلته انا هم يگولون انتَ كتلة مريم بس انا ماسويت شيء عن قصد والله مو عن قصد
يحچي برحگه وروحة مفرفحة دموعة تنزل ودموعي تنزل ويا
-شـهم : سلمان گال لا تضوچ لان أهلك ماشترولك سيارة انا راح أخليك تجرب سيارة أبوي وجان فاخر يمنا فرحت وقبلنا يجيبها ونجربها بس بدون علم أهلة
جنتة منتظرينة انا وفاخر أجة يسوق السيارة وهو أهله معلمينة
-فـاخـر : انا أچرب أول
-شـهم : انا أول أصلاً هو جابها على مودي
-سلمان : فاخر شبيك انتَ تدري انا جبتها على مود شهم كافي بطل غيرة من عندة فك ياخة عن الولد صديقه انتَ لو عدوة
-فـاخـر : صديقة بس بكلشي مفضلة عليّ انا
-سلمان : بـ شنو مفضلة ثنينكم اخواتي ولك
دفعاني فاخر وگال
-فـاخـر : خلي يفيدك شهم عود
راح ورا سلمان مدري شحجة على مود يراضي وانا أضحك لان فاخر يغار صحيح أهله جانوا مو كلش علاقتة بيهم طيبة بس مو معناها يجي يذب حرگتة بية أكثر شيء جان يكرهني انا لان أبوي يحبني حيل ويحترمني
أجة فاخر يخوزر بية وماطايقني سكتت عنه كل همي يم السيارة وفرحان صعدت بعدة يعلم بية سلمان لان يعرُف أهله معليمنة بقيت امشي على كيفي نتعلم ونضحك وكل هذا فاخر يخوزر بية
-فـاخـر : خلصنا احنا هم نريد نچرب
-سلمان : هسة يجي دورك وسوق براحتك
صاح فاخر بعلوا صوتة
-فـاخـر : مصختوها صار ساعة يمكم گاعد طرن
-شـهم : أكلك هيو أسمعني زين نكمل ونطيها الك
كل هذا الحچي وانا جاي أسوق لزمني فاخر من علباتي وكز على أسانة وگال
-فـاخـر : انطيني لا أنعل أبوك لا أبو حتى الجابتك
انا اهناء تسودنت كلشي ولا أهلي أمي وأبوي خط أحمر عفت السياقة ودفعتة صحت علي
-شـهم : اكل خرا حيوان
نسيت جاي اسوق ادفع بي ويدفع بيه وسلمان بين يريد يفاككنة وبين الطريق واحنا نتعارك وسلمان راح صوتة وهو يصيح
-سلمان : ولكمممم راحح نمووووووت كاااااافي
احنا فاقدين كل ما أريد أرجع اشوف سلمان يرجع هذا يتجاوز على أمي ويفشر انا أهناء اتسودن ارجع اضربة ونرجع نطيح على سلمان بحيث صارت طگه طيح
ياريت سمعت كلام سلمان من گال راح نموت ياريت أخذت حچاية الـ گالها قبل لا يموت صاح بعلوا صوتة
-سلمان : ولكمممم أمي ماعدهااااااا غيري
درت وجهي ومانحس على السيارة نگلبت بينا بعدها ماحسينا باشيء فاخر طلع مابي شيء بس كسور والصدمة من مات سلمان بسبيي مات لو ما چايب السيارة لو مامتعارك ويا فاخر لو سمعت كلامة من كال راح نموت
أهلة تفهموا حادث وصار بس فاخر يافاخرر
ظل يضرب على صدرة ويحچي بشگه يبچي وأبچي ويا ركضت حضنته
-مريـم : على كيفك حبيبي أخذ نفس
-شـهم : رغم صديقنا مات بس هو وين مايمشي ويصيح عليّ القاتل يصيح هذا فگر هذا يكتل بالناس هذا مات بسبب صديقنة خلى كل الناس والولد تصيحلي القاتل وين ما أمشي يصيحولي أصدقائي الي جانوا بگدي مانتقرب منك انتَ من وراك مات سلمان من وراك مات أنتَ أناني كلهم أبتعدوا عني صار محد يلعب وياي ولا أحد يتقربلي كلها صارت تخاف من عندي جنت أموت الف موتة أروح الـ فاخر أگلة ليش تسوي هيچ حادث وصار يگلي انتَ موتتة بسببك
-شـهم : حتى گرايبي مثلهم صاروا يحچون لهلي يگلهلوهم أبنكم كلها تعرفة قاتل وكلها تحچي عنة جنت أسمع الكلام أموت جنت من أطلع كلها تباوعلي بحقد
حط أيدة على گلبة ودموعة ترست وجهة
-شـهم : أگلهم انا ماكاتلة بس مايصدگوني مريم ! هذا گلبـي شايفتة يوجعني عدموا طفولتي عشت وحيد عشت دائمًا يچي بحلمي سلمان دائمًا يگلي انتَ ماكتلتني الصار حادث اقنعهم بس ماكو مريم كبرت ولحد هسة نص الناس عبالهم انا قاتل مريم يكرهوني روحي تحترگ تأنيب الضمير ماعايفني مصدگ انا كاتله شسوي روحي تحترگ جاي أشتاگلة بس هو ماكو أريدة يرچع يومية جاي أعاتبة
أگلة أرچع روحي راحت بغيابك ماكووو
بقيت أرجف بالي سؤال خاف اسألة ويسوي شيء بس قويت نفسي
-مريـم : زين شنو هذا الأصبع الي بالغرفة
رفع راسة يباوعلي مخنزر نظراته خرطتني العافية هسه يگوملي يطيح حظي ياربي دخيلك
-شـهم : شفتيهم صح؟
عيوني مركزة بعيونة الـ خازرتني
-مريـم : أيَّ شفت
-شـهم : هذا أصبع فاخر
فتحت عيوني بصدمة أحاول أستوعب الصدمات
-مريـم : شنو شنو؟
-شـهم : أيَّ أصبعة هذا أصبعة رفعة بوچهي قبل ٣ سنوات حچة كلام عني وعن أهلي كلام يسم البذن ويهدد بس للأسف بساعتها لزمت السچينة وگطمت أصبعة
يحچي وهو مفرفح وروحة رايحة دار وجهة عليّ ويحچي بتوسل
-شـهم : يستاهل مريم والله يستاهل انا ماكلت أحد لا تفهميني مثلهم
تقربت حضنته كل قوتي ودي أضمه بين ضلوعي
-مريـم : ماعوفك والله الي صار مو ذنبك ألي صار حادث
-شـهم : ليشش مايفهمون هُم همين ليش
-مريـم : لان بلا عقل صدگني انتَ مالك ذنب كل الذنب من فاخر فاخر هو السبب بكلشي صار المفروض هو الي يتعاقب ما أنكر انتَ غلطت لانُ جاي تسوق المفروض ماتتعارك بس حقك
-شـهم : مريم تخيلي تدخلي حسابات يگلولي محد يحبك محد يريدك انتَ قاتل تخيلي أغير الف حساب بس يدخلولي ، من انا وصغير لحد هذا اليوم كابوس لاحگني لاحگني
يحچي ويضرب على راسة مفرفح گام نزع قميصة ودخل للحمام رحت وراه غسل وجهة يرجف باوعلي وعيونة تنزل منها الدموع
-شـهم : كرهتيني؟
هزيت راسي لا ودموعي تنزل تقربت حضنته وأبوس بوجهة
-مريـم : انتَ المقتول بينهم وعيونك
حضني حيل يبوس بوجهي فرحان
-شـهم : حبيني انتِ خيولون همه لا يحبوني حتى لو يتهموني مايهموني
-مريـم : أحبك وعيونك أحبك
حط راسة على صدري وگال
-شـهم : خليني انام تعبان الوجع چايس روحي وروحي محترگة
بعدتة عني وأخذتة نموتة على الجرباية ردت اجيبلة تشريت صاح وراي وصوته رايح
-شـهم : لا تجيبين شيء أريدچ يمي تعالي
رحت طفيت الأضوية ورحت انمطلت يمه سحبني نومني على صدرة وطلع بوسة على راسي
-شـهم : اخ ياتعبي
-مريـم : أسم الله عليك من التعب
-شـهم : هسه حسيت نفسي مرتاح هسه حسيت نفسي فعلاً أكو من يحبني من يفهمني ويفهم الي بيه أهلي ماقصروا يحتوني بس انا جنت مبتعد حيل جان كلامهم يأثر بية
-مريـم : خيولون حبيبي الي صار حادث قضاء وقدر انتَ مالك ذنب شنو ذنبك انتَ أصلاً جنتوا تتعاركون والي صار صار
-شـهم : ياريت الأفعال سهله مثل الحچي ياريت
-مريـم : كلشي سهل صدگني انا وياك وراح نحاول
باوعلي مبتسم تقرب طبع بوسة خفيفة على شفتي وهمس
-شـهم : ماطول انتِ يمي ما أهم الـ شيء بعد
أبتسمت حضنته حيل ونمنا ثنينة ...
•••
نبأ ...
رجعنا للبيت انا وايسون صار يومين وعلي أتصل عليّ گلي يريد يچي يجيب سيد نعقد طبعًا راد نسوي خطوبة وعلى حسب الأصول بس انا ماقبلت ماريد بس عقد أفضل النا أنطيت خبر الـ أهلي ماعارضوا بالعكس فرحولي
شوية وأتصل علي فتحت خط
-عـلي : ها عيوني راح نوصل جهزي نفسچ
-نبأ : تمام أهلاً وسهلاً
-عـلي : بيچ نبعة علي
ضحكت شوية وسديت شوية وأجوا اجاني الأكبرمبتسم عدل الشال على شعري وضماة عدل
-الأكبـر : متأكدة حبيبتي اذا ماتردين گولي
-نبأ : لا متأكدة موافقة
هز راسة مبتسم باسني براسي وطلعت ويا دخلت چوة علي يباوعلي يضحك مكيف وعيونة عليّ نظراتة كلها حُب ولهفة بدة السيد يعقد النا وانطيت موافقتي رجعت صرت خطيبة علي شرعاً وقانوناً
گمت فرحانة ركضت گبل رحت للغرفة ميتة من الخجل اجت ايسون وميار ميار هاي أيامها جنها بطة شحلاتها وايسون بدت تكبر بطنها وبعد شكم يوم تروح تسوي سونار
-ميـار : وأخيراً بقى بس الزواچ
-ايـسون : على ما يتزوجون بالف ياعلي
-ميـار : أيَّ والله استعجلوا
-ايـسون : باجر تجينا مريم بنات
-نبأ : أيَّ مساع حچيت وياها حسيت مو طبيعية بالي يمها الصراحة
عقدت حاجبها ايسون وگالت
-ايـسون : شلون يعني؟
-نبأ : مادري حسيت بيها شيء
-ميـار : باچر تچي ونفهم منها هو سُلطان والأكبر مساع جانوا يمها
بقينا نسولف ورها شوية راحن البنات وانا أتصل عليّ علي
-عـلي : بسررررعة شوكت تحبين نتزوج؟
ضحكت مستعچل الأفندي
-نبأ : شبيك حبيبي بعد
-عـلي : لا نبأ بروح العزاز لا خلينا نتزوج شبيچ بس گليلي شوكت تردين وعلي اجهزلچ كلشي وعيونچ أهم شيء نستعجل ماتمحمل بُعدچ أكثر والله
-نبأ : بكيفك انا ماعندي شيء واصلاً ماحب الهوسة احب كلشي يكون بسيط
-عـلي : حلو سبوعين؟
-نبأ : الصراحة ماعندي مُشكلة
ضحك فرحان ويحچي بلهفة
-عـلي : خايبة أحبنچ وداعة كلش حلو صار بحياتي والي هو انتِ
-نبأ : أحبك علي
سكت شوية ورجع گال
-عـلي : عيديها نبأ
-نبأ : أحبك حيل علي
-عـلي : من يروحلچ فدوة علي يندارلچ سبع فدوات
بقيت أحچي ويا وفرحانة حيل نزلت أنطيت خبر الـ أمي ما أعترضت وافقت نزلت چوة ادور على ايسون أريد نشوف شنسوي أكل جوعانين لانُ فنانة بالطبخ نزلت وبدينة نسوي أكل
مندمجين نسوي أكل مانحس الة صوت ميار تصرخ ..
•••
ميـار ...
گاعدة أغسل ملابس بالغسالة وسُلطان جاي يباوع مُبايلة حسيت ألم بطني حيل هاي أيامي بس ما شلت هم لانُ دائمًا تجيني
بس صار الوجع حيل قوي غمضت عيوني موجوعة صحت وصوتي گوة يطلع
-ميـار : سُلطان وينك
ما أعتقد يسمعني لانُ صوت الغسالة عالي وانا حچيت بصوت ناصي طفيت الغسالة وصحت
-ميـار : سُلطاان وينك سُلطااان
-سُلطـان : جايچ حبيبتي چايچ
الوجع بدة يزيد دموعي ظلت تنزل صرخت
-ميـار : سُلطان اخ بطني راح اموت سُلطااان
أجة سُلطان انصدم من شافني واكفة ولازمة بطني أبجي
-سُلطـان : شكووو شبيچ ميارررر
-ميـار : راح اموت سُلطان راح اجيبببب بطنيييي
أحتار شيسوي گبل شالني وخلاني على الجرباية
-سُلطـان : شسوي هسه ؟ نچيببج شلون وينج ايسون وينجججج
ظليت مصدومة صرخت بعلوا صوتي
-ميـار : سُلطان بطنييي بطنييييييي
نزل يصيح
-سُلطـان : حترگتتتت روحك زاهر راح تموت مرتي
نزل صعدت ايسون وخالة ليلى ونبأ
-ايـسون : بسرعة نبأ طلعي غراض الطفل
راحت نبأ أطلع غراض الطفل وسُلطان يجيب الشال يخلي عليّ لان تحچبت بالفترا الي راحت وجابت ايسون صاية لبستها ألي شالني ونزل بية وايسون وخالة ورانا ويهمس
-سُلطـان : لا تخافين حبيبتي راح تنور بتنا لا تخافين
- ميـار : سُلطااان راح اموووت
-سُلطـان : أسم الله عليچ اششش لا تحچين هيچ
صعدنا بالسيارة وخالة ويانة وايسون ونبأ الأكبر ماكو طالع أحس روحي تطلع وهو عين عليّ وعين على الطريق
-ليلى : ولك يمه عينك للطريق راح تموتنا
-سُلطـان : هسه نوصل هسه نوصل اصبرووا
فقد يصيح وانا اصرخ احس روحي جاي تطلع لحد ماوصلنا للمستشفى شالني مفرفح خلتني الممرضة على السدية وانا منتهيه ظليت ما أسمع شيء بس كلمة عملية ...
•••
ايسـون ...
ميار بعد على ولادتها بس صاير عدها طلوگ وگالوا اله عملية سُلطان واكف يفتر خايف والأكبر اتصلنا علي جاي بالطريق
-سُلطـان : شوكت يطلعونهها؟
-ليلى : ولك يمة هاي عملية أصبرر شبيك البنية جاي تطلگ على كيفك وي نفسك
-سُلطـان : خايف عليها يمه خايف عليها شسووي
باوعنا أجة الأكبر يباوع النا بخوف سودة عليّ خايف
-الأكبـر : شنو بشروني شلونها ميار
-ايـسون : بعدهي بالعملية
-الأكبـر : لا تخافون ان شاءالله بخير بس أدعوا
تقرب طبع بوسة على راسي وگال
-الأكبـر : لا تخافين حبيبتي
-ايـسون : لا حبيبي ماخاف لا تخاف
-الأكبـر : يعني من شفت الطلوگ بـ ميار ماتندمتي لان حبلتي؟
أبتسمت ولزمت أيدة
-ايـسون : ماخاف من شيء ماطول احنا تحت رحمة رب العالمين وانتَ يمي وأهلي
-الأكبـر : نچرتي مُغرم بيچ انا والله
-ايـسون : هسه وكت الغرام وخرر
ضحك أبتعدت گعدت يم خالة مرة شكم ساعة وطلعت الدكتورة
-الف مبروك عيوني انرزقتوا بـ أبنية
راح سُلطان يحچي وي الدكتورة ورجفته واضحة
-سُلطـان : شلونها زوچتي گليلي؟
-الحمدالله صحتهم ثنينهم تمام لا تخافون
حمدنا ربنا وشكرناه سُلطان ماشاف بنته گال لحد ما ميار تصحى رحنا الها مخليها يم ميار ضحكت فرحانة ماتقربت ولا لمستها لان أريد أول الناس هُم لان بنتهم أجت أمي وتولين وحيدرة وعلي للمستشفى مر وقت صحت ميار نگدر نشوفها
دخلنا كلنا ولو مايصير بس احنا ناس همچ دخلنا راح سُلطان يبوس براسها وبوجها
-سُلطـان : أگعديي حبيبتي موجوعة مو گليلي شلونچ؟
صحت گوة تحچي بوچع
-ميـار : اخ سُلطان بنتي شونها
-سُلطـان : زينة أميرتنا زينة أگعدي حتى نشوفها
باوعتلة مبتسمة
-ميـار : جيبها ألي حباب
راح لزمها سُلطان كبر بأذنها تقرب حطها بحضن ميار ويباوع الهن بحُب وخوف اخذتها ميار تبوس بيها وتشم تنزل دموعها
-ميـار : ياحبيبة ماما انتِ
-سُلطـان : ميار حيل حلوة
-حـيدرة : هيو بعدهي طفلة وين دريت حلوة حيل
-الأكبـر : عوف الرجال متأثر شبيك
-حـيدرة : أنهمد انتَ
-عـلي : شبيكم ولكم فشلتونا شتسموها؟
باوعت ميار الـ سُلطـان مبتسمة وگالت
-ميـار : أميرة
-سُلطـان : أميرات ثنين صارن عندي
أخذها سُلطان يبوس بيها وخالة همين وأمي والولد ماتطيح من أيدها الصُبح طلعناها من المُستشفى للبيت كلها تعبان أمي أجت ويانة هيّ وتولين والولد ناموا بس سُلطان گاعد يم ميار خاف تريد شيء
يومين وانا مانايمة لان طفلة توها وتبچي وميار منا خطية كلش تعبانة من العملية وأمي وياي وتولين ومريم همين أجت گاعدين احنا وأجت مريم لازمة أميرة گعدت يم شهم
-مريـم : شوف شوف جمالها شهم
-شـهم : ماشاءالله حبيبة خالها
-الأكبـر : اليوم ايسون موعد دكتورة نسوي سونار
ضحكت فرحانة بطني شوية كبرانة
-ايـسون : تتوقعون شنو بية!
-مريـم : ولد
-نبأ : بنية
ضحكت أمي وگالت
-ميـاسين : ولد حبالتچ مال ولد
-تولين : خالة انتِ فاحوصة بدون ماتصيرين دكتورة
-ميـاسين : نعرف بهيچ أشياء من أيام قبل
-سُلطـان : الله ولد صيرون عدنا ثنين ولد وبنية نربيهم سوية
أخذ أيدي الأكبر باسها وگال
-الأكبـر : گومي جهزي نفسچ حتى نشوف شنو جنس تحمست
ضحكت رحت بدلت وكملت نزلت ودعناهم وطلعنا طول الطريق نتناگر هو يگول بنية وانا أگول ولد على كلام أمي لحد ماوصلنا دخلت گلبـي يدگ وهو لازم أيدي بدت الدكتورة تفحص
أبتسمت وگالت
-شتحبون انتوا يكون عدكُم؟
باوعلي الأكبر ورجع باوع الها
-الأكبـر : هو أريد نچرة انا
-وانتِ؟
-ايـسون : أيَّ اهم شيء الخلقة التامة
ضحكت وگالت
-الف مبروك راح تنرزقون بولد
ضحكت فرحانة حيل نزلت دموعي ضحك الأكبر تقرب باسني
-الأكبـر : الف مبروك حبيبتي
-ايـسون : يبارك بيك حبيبي فزتت انا
ضحك بصوت عالي الحمدالله الدكتورة ماكو شني اغار تسمع ضحكتة
-الأكبـر : فدوة الچ حبيبتي همين راح يچيني نچر منچ
بوست وجهة نسيت احنا بالمُستشفى
-ايـسون : اوووي احبك احبك خااايب
رجع جعص وجهي حيل
-الأكبـر : أحبچ أحبچ خايبة
شوية وطلعنا والدكتورة انطتني علاجات احتياط اهم شي رجعنا للبيت مريم متحمسة لازمة أيد شهم وتصيح فضيع حُبها الة بحيث ظليت صافنة شلون متعلق بيها بشكل مو طبيعي تعلقه بيها مُخيف بحيث شكم مرة يجونة الاحظ مثل أمه
-مريـم : بشرينيي شنو طلع؟
-سُلطـان : ياااارب ولد
-الأكبـر : وراحح يجيكم أحلى نچر
صرخت مريم بصوت عالي فرحانة تضحك وسُلطان يضحك فرحان وخالة وأمي يباركلي بس حيدرة ماكو وعلي طالعين ميار
حضنتني
-ميـار : وراح اصيررر احلى خالة همين
-ايـسون : خالات صاكات
-ميـار : يخرب بيتنااااا علنيااا
باوعت الـ مريم وگلت
-ايـسون : يوم الألچ هيوو
أختفت ضحكتها ورجعت اتصنعت الأبتسامة
-مريـم : أن شاءالله
دغتها ميار رگالت
-ميـار : بيچ شيء ولچ
أبتسمت تباوعلنا وندري هاي الأبتسامة كذابة
-مريـم : لا مابية شيء حبيبتي
هزينه راسنا ماردنا نضغط عليها خليت وطلعت رحت الـ غرفتي لگيت الأكبر واكف ينشف شعرة جان يسبح أبتسم من شافني فتح أيد وگال
-الأكبـر : هلا بنچرتي
أبتسمت رحت حضنته كل قوتي
-ايـسون : مشتاقتلك رُغم قريب مني
-الأكبـر : ميت عليچ والله العظيم
-ايـسون : أگلگ شنسمي أبنة؟
-الأكبـر : بكيفچ على ذوقچ
طخيت شفتي على شفتة وهمست
-ايـسون : بالي يعچبك زوجي حبيبي
-الأكبـر : لا تتحارشين ولچ
دفعتة وحچيت بضوچة
-ايـسون : شدعوة عليك حسرة عليّ اتحارش بيك
ضحك جرني الة مقيدني بين أدي
-الأكبـر : أحبچ من تتحاررشين
-ايـسون : وانا ماحبك وخر
شالني وهو يغمز
-الأكبـر : متأكدة ماتحبيني؟ انا لوكسوس أبو عضلات سُداسية
ضحكت اضرب على صدرة
-ايـسون : نزلنييي نزلنيييي ماحبك
-الأكبـر : ماتحبيني وراح تخلفين مني فرخ لو تحبيني شتخلفين؟
ضحكت بصوت ادفع بي ماكو بس مجلب اخخ منك اخ بدت ميسرتنة الفنية وانا بين أيدة ...
•••
مريـم ...
رجعنا من بيت أهلي فرحانة بولادة ميار وايسون طلع بيها ولد كلش فرحنالهم شهم أدري بي أشگد يحب الأطفال من شاف أميرة عيونة صارت حُمر سودة عليّ مايتقربلي لو فدشيء يگلي خاف يچي يوم وتركهيني مثلهم
حاولت أطلع هاي الفُكرة من بالة بس خايف من خسارتي رجعنا للبيت بـ١٢ بالليل باوعلي مبتسم وگال
-شـهم : راح أطلع اتمشى تچين وياي
-مريـم : لا روح أنتَ أطلع انا راح أبقى أنتظرك
تقرب طبع بوسة على خدي غمضت عيوني أرجف روحي رايحة بين أدي شبيه اسيح مادري
-شـهم : مريم
حچيت وانا مغمضة عيوني
-مريـم : ها شهم
طبع بوسة على شفتي خفيفة
-شـهم : تحبيني؟
-مريـم : هواي
رجع طبع بوسة شوية أقوة وگال
-شـهم : مايچي يوم وتعوفيني؟
-مريـم : ماعوفك انا أحبك حيل صدگني
قربني من خصرة ونفسة يضرب بوجهي
-شـهم : يعني ما حسيتي نفسچ تندمتي لان تزوجتيني؟
فتحت عيوني تتفحص كل تفصيلة بوجهة
-مريـم : ماتندمت ولا راح أتندم
أبتسم خلى راسة على رگبتي يشم بيه حيل ويجر نفس
-شـهم : أحبچ حيتي
أيده حاوطوا رگتبة وطبعت بوسة على عيونة
-مريـم : أموت عليك يا أغلى شيء صار بحياتي كلها
أبتسم يباوع بوجهي ضل يباوعلي طول بنظراتة ألي
-شـهم : أحبچ ياروح شهم راچعلچ لا تنامين
هزيت راسي أضحك خلى وطلع لازم أتقدم خطوة مالازم اخلي هيچ أدري بي رايد قُربي بس يخاف لازم أكسر الحاجز الي بينا رحت ركضت طلعت فُستان طويل كلش أحمر وبي فتحة لحد الفخذ
رحت خليت مكياج شويه خفيف وبرزت ملامحي وخليت حُمرة حمرة وخليت عطر زينت الغرفة سويت أجواء رومانسية بالكي تفيد
حضرت الطاوله والكرزات وشغلت شموع
طفيت كل أضوية البيت رحت ركضت قفلت المخزن لان أدري بس يچي راح يروح يشوفة ويتعكر مزاجة
گعدت أنتظرة يچي خايفة من هاي الخطوة خايفة يفشلني وينفر مني لا لا مريم انتِ قوية لا تخافين گعدت أقرا ايات بالكي يتيسر أمري
شوية وسمعت صوت الباب انفتح عرفتة أجة
گمت واكفة متوترة حيل شنو راح تكون رد فعلة شسوي حايرة أفتر بالغرفة اعض اصابيعي مستحية يربي أنفتح الباب عرفتة شهم شلون أدير وجهي مستحية غمضت عيوني أنداريت ارجف اعض بأشفني فتحت عيوني وانصدمت بالي شفتة !!...
للحكاية بقية ⛓️...
___________________
بقلم : زهراء لؤي
شنو رأيكُم بالبارت ولدي الحلوين 💅🏻⛓️
توقعاتكُم؟🌚💙
لا تنسون تصوتون وتعلقون بين الفقرات 🤤🙈💙
مُتابعة جميلة مثلكُم ⛓️❤️🔥❤️🔥