الكاتبــه بنت المـهدي
.
.
.
لمحتها على الارض نايمه ومالها حركه تقدمت
حركتها ماتتحرك حسيت اخر ذره بقت بعقلي التفتت لغرفه موده الي جاي يصدر بچي وصياح وهج منه صرخت من كل گلبي واسد ذاناتي ما متحمله صوت
اسيا ... بسسسس اسكتي اسكتي اصرخ وادگ على راسي رفعت عيوني لوسن واكفه بدون اي رده فعل
بس ملامح القلق والتوتر واضحات عليها تركتها
وتقدمت للغرفه سحبت حجاب موده
وتركت وهج وراي تصرخ بكل صوتها
طلعت اركض لجارتنا كريمه الوحيده الاعرفها اهنا
عدل هم صديقه امي وهم الوحيده الاشوفها تجي
لموده وتكعد وياها وتسال على احوالها وصحتها
ركضت حيل مامهتمه لعالم ومااشوف غير بيت
كريمه وصلت للباب دگيت الباب حيل وبكل قوتي
فتح الي الباب ابنها وهوا يسال .. هاا شكو
عفته تقدمت لكريمه الاجت وراه تمشي مفزوعه
كريمه ... هاايمه شمالج شصاير
اسيا ...خاله الحكيني ابوس ايدج موده طاحت
احركه ماتتحرك وجها ازرگ شسوي
التفتت لبناتها صاحتهن على حجابها وتقدمت لابنها تحاجي يطللب سياره ويلحكها بدون وعي رجعت اركض للبيت اريد الحك عليها وصلت وهج بعدها
تبچي لكيت وسن تروح وتجي وماتحجي ابد ردت احجي اعاركها اكتلها اي شي بس شعوري بين الحقد والعصبيه وبين الانهيار والرجفه متاكده الصار بسبب
وسن و احساسي يگول راح يصير شي لموده
رحتلها كعدت يمها وخليت راسها بحظني حركتها
ضربت على خدها بخفه ماكو اي ردت فعل الها
اسيا.. حبيبتي ود ودادي يروحي اكعدي اسمعي بنتج
تبجي وتريدج اكعدي انا هم اريدج موده كلها عافتني مو تعوفيني هم انتِ حبيبتي مالي غيرج اهنا اتاذه مو تعوفيني جنت احجي ودخلت كريمه انصدمت بموده وكعدت تكلب بيها اسمعها تردد
..دخيلك يارب دخيلك ربي لا تگولها
التفتت لوسن وسالتها شلون هيج اصار و ليش
وسن.. ماادري محد يمها هيه طاحت لوحدها
اسيا.. لا مو لوحدها سمعت صياحج وياها
وسن.. اش ولج لااذبين بلاج عليه ترا سكتنه
من العركه وطلعت عني حتى عركتنا بالمطبخ
مو صح
التفتت لبناتها الي بقن يهزن براسهن مايدات
كلامها ولاحظت التوتر عليهن نفس امهن وازيد
سكتت عنهن محتاره باختي بلحظتها اجت سياره
للباب وكريمه عاطت بوسن اساعدها يشيلن موده
وسحبت الحجاب من راسي شمرته على راس موده
اسيا.. خاله انا اشيلها حبابه اروح وياها مااعوفها
كريمه.. لا يمه حيلج مهدود احتار بيها لو بيج
والطفله تبجي راحت روحها تلاحكيها يخاله
روحي يايمه خليني بضيمي
شالنها واخذنها اكبال عيني وانا وراهن امشي
اريد اروح مااريد اعوفها سدن الباب كعدت على
حيلي ابجي بدون ولا كلمه ماكو صوت الا صوت
بواچيّ وصوت وهج رحت عليها اجر بروحي جر
شلتها واهز بيها وهيه تجر النفس گوه طلعت بيها
بروح رايحه حطيتها بيد صابرين ودخلت للمطبخ
اسويلها حليب كملت وطلعت سحبتها من صابرين ودخلت للغرفه اشربها الحليب البيت سكته نامت
وهج خليها على فراشها وماأمنت شلتها لغرفتي
هيه وفراشها لا يسولها شي وهوا اول تالي يجي
ميثم ومايريد يسمع حس الها ساعات مرن وانا
مكابله وهج النايمه بدون اي رده فعل مني
بس عيوني يرمشن دخل ميثم واسمعه يسال
والبنات يجاوبنه ولاتحركت مثل الحاسه شنو راح
يصير اخر شي سمعته منه يكللهن.. صبن اكل لما
يجن.. كل ظنه متخربطه مايدري الوضع شنو
صار هدوء وانفتح باب الغرفه دخل امجد الي
مايجي للبيت الا نادراً والمرات القليله اليجي بيهن
شارب وكبل ينام من دخل لمحني كاعده وابجي
امجد .. دخيلك ياربي هم مبوزه تكول بومه
غمني وتقدم للكنتور
..شني كلما اشوفج لو تبجين لو منتظره البچيه تجي
يحجي وهوا يهز ايده اخذ ملابس وطلع
اسمعهم على الغده ويحجون ويتناقشون
بطيحت موده كانما شي عادي لو مكسور شي
بالبيت تنگلب الدنيااكثر من هيج وصياحهم لستار
لو يضيع شي ينخبصون شمعنى البشر بهل البيت
ماله قيمه لو يصارع كدامهم للعصر ودخلت وسن الوجه اصفر نزلت وهج لفراشها وطلعت اشوف الوضع
تقدم ميثم يسال.. اصار وياجن وينها موده ؟
وسن.. ماتت
ميثم فتح عيونه
وحجه امجد.. لا و الله شلون ماتت؟
وسن.. هيه تعبت وطاحت نقلناها يكولون ضربتها
جلطه وجسمها مااتحمل وگف گلبها
ميثم.. وينها هسه
وسن.. بقت يم جارتنه كريمه تغسلها وراح يطلعون
بيها گبل يدفنوها كلتلها راح ابلغ ميثم وارجع الج
دخلت للغرفه ودموعي تنزل بهدوء نفس الهدوء
الازمني بوفاه امي عرفت راح يصير على موده شي من شفت تعبها وصحتها بدأت تتراجع راح يصير شي عليها الموته الي مو الج اقلها انا اخلص واخلصج من حملي الا انتِ وراج بنتج صغيره وانا عفتيني وحدي منو النا رفعت راسي.. ربي ثنين اطفال منو النا هسه
دخل امجد شافني ابجي اسمعه يكول
امجد.. لا حول الله الله يرحمها ويغفرالها
اخذ ملابسه كلت بكلبي واني حاقده على كل الناس
اسيا..اي كلش محتاجين دعائك الي مايتعده الغرفه
عدت ساعات
ولليل وانا بالغرفه بين البچي وبين وهج تبجي وياي
ماطلعت ولا وصلت للفاتحه وهمه ولا واحد اجه ودخل عليه دخلت كريمه وفتحت اديها الي وهي مهدود حيلها عيونها رايحه ومتبهذل وضعها ركضت وشمرت روحي بحضنها وانهديت بالبجي
اسيا .. راحت موده يخاله
كريمه.. يمه لاازيديها عليه روحي محترگه عليها
اسيا.. خاله شفتني شلون حتى هيه عافتني
صفيت وحدي مالي احد اخوي الانطانا مااجه
وسال على حالنا لو شصاير بينه وابوي ماوجعه
گلبه علينه
كريمه.. انا يمج حبيبه مااعوفج لما الحگهن
اسيا.. كليلي وين انطي وجهي ضلتي اهنا شني
لامجد لو لوسن ياذوني فوك اذيتي وتعبي زين
اولي انا هل الطفله شلون وين اوديها شلون تعيش
بينهم هاي اذا ماانطوها لاحد وخلصو منها
كريمه.. سوده عليه يمه لو طالع بيدي حل مااسكت
لو اكدر اخذجن يمي لو اطلعجن منا مااقصر بس كليلي شسوي ماابيدنا حل الا نصبر وننتظر شيصير ومااعليج الي موجودين اهنا لا توصلين لاحد ولا تعاركين احد
بنيتي مااوصيج لا تراددين سوي الي يكلولج عليه
وداري هل البت سكته وانا بظهرج شيصير يمج
اسيا
.. سكتت شحجي وياها اشو هم حالتها ع كدها وهم
لو بيدها شي ماتقصر من جانت ويه امي لموده الي
مشت ايام الفاتحه بهدوء تام وقله اليجون لان ميثم
ماعده ناس خاسر الكل بسبب اسلوبه وسمعه اخو
ثالث يوم الفاتحه والاخير ياله شرف بدر افندي
وطلب اطلعله بالبدايه رفضت لان محد وصلنه لهل
الحال والمكان غيره بس بعدين فكرت يمكن فرصه
اجرب حظي للمره الاوله زالاخيره ويه اخوي لبست حجابي طلعت ولكيته واكف بالدوانيه ينتظرني الدوانيه الها
بابين واحد ع الطارمه والثاني داخل البيت
دخلت منه شفت امجد وميثم كاعدين كدامه
بدر.. شلونج خويه
بقيت ساكته واباوعله تلافه الوضع
من فتح اديه وحظني يحجي
بدر.. البقيه بحياتج حاس بيج روحه موده كسرتنه كلنه
ابتعد لازم اجتافي وميثم وامجد طلعو اجت الفرصه ماطولت ودخلت بالموضوع كبل
اسيا.. بدر راح اطلب منك شي لاول مره واخر مره
انا ادري جياتك لهنا نادره ويمكن مراح تجي بعد
بدر.. لاليش اجي كل فتره اطمن عليج كولي شتردين
اسيا.. بس الطفله الجوه اخذها واحسبها بنتك وربيها
بوكت مازوجتوني غصب ماحجيت ولا فتحت حلگي
ولا طلبت شي وهسه مااگلك خلصني منهم بس اخذ وهج هااي امانه بقت من موده لا تظلمها وتبقيها اهنا
مثل ماظلمت خواتك
بدر.. لحظه انطينه فنتك نحجي ظلمت منو اشو
ازوجتن وعشتن حياتجن وموده يومها بعد و الطفله شعليها منو يكول ميثم يقبل اخذها لا يابه مايقبل
ابتسمت باستهزاء
..اخذ فتره وتعال تلكاه منطيها لو شامره
مو بعيده هسه يحاجيك عليها ويخيرك
لو تاخذها لو ينطيها يابدر اخذها وخافوا
الله بيها مالها احد اذا بقت اهنا البنيه تنتهي
بقى ساكت وانا انتظر جوابه دخل ميثم
ميثم.. بدر قبل لا تطلع عندي احجايه وياك
انطاني ميثم نظره بمعنى طلعي
طلعت وابتعدت شوي عن الباب صار هدوء وبدء يحجي ماانصدمت من كلامه هاذ المتوقعته من ميثم
ميثم.. بدر انتَ تعرف من بدايه زواجي من
المرحومه لاجل الولد وتالي هم اجت بنيه
والحجي بيناتنه انا حته الولد جزت روحي
منه ومن هل الخلفه وبعد مااريد بنت اختك
اخذها وياك انا كافي عليه البيت تطلعلي بنيه
وصرفها وهم عليه اهل امها اوله بيها من الغريب
بدر.. لحظة ميثم شنو اشايفني امشي وانگط فلوس
اشو وضعي انزل من وضعك وهااي بنتك شلي غرض بيها ترا حتى ماشايفها اخذها شكو ابوي وكوه متحمل من مصاريف مرضه وعلاجاته بنتك خليها عدك شعلي
ميثم.. ماكو اخليها عندي اذا ماتاخذها وياك
انطيها لاي عائله تريدها انا مااتحمل صرفها
ومنو يداريها اصلا فلا تلومني اذا انطيتها
بدر.. محد يلومك بكيفك بنتك وانطيتها
بس لومنك مخسران شي ابقيها وشلون
ماكبرت بناتك تكبرها واول مااشب زوجها
واخلص منها مو شي حتى ماكله هم
تقدمت وصرت اباوع لبدر شافني وشاف نظراتي
بقى يشتت نظره لميثم وكأن ما موجوده كدامه
ميثم هز ايده وحجه.. اكله صرف حليب وحفاظات
ومنو يداريها مرتي الي محتاره بناتها وشغل البيت
لو اختك الكاضيتها بس بجي اكثر من بت اختك
واذا هيج الحجي خوب اخذها ويه جهالك وكبرها
مثل ماكبرو لو بس الي الحجي وماتاثر عليك
بدر وهوا يگوم.. تعذرني حالتي ماتسمح واحد زايد
يلا انا اترخص منك ياله الحك لشغلي مع السلامه
ميثم رد من ورا خشمه .. الله وياك
طلعت من باب الاستقبال الي يطل ع الطارمه
وبقيت واكفه بلباب مجتفه اديه ونظراتي على بدر
انتبه شافني تلعثم دار وجهه وطلع بسرعه
شنو حجي واعاتب منو تجيك لحظات نظرات
لشخص تحسها كافيه وزايده اذا الكدام ميحس
ويعرف هل الشي غلط وعاجبه وباقي عليه انتَ
تحجي وتعب روحك عليمن وشنو راح يتغير
مرت ايام وانا اتلافه احد يسمع بجي وهج حتى
لا يحجون ولا اطلب شي الها صرت ادبرلها اللبسه
شلون مچان والله ينطي كريمه الي تكفلت بالحليب
وشكو ملابس من جهال ولدها زايده انطتها الي
بقه ميثم ع ابسط حس من وهج وزمخ بيه
ويهدد انطيها اذا ماسكتت رغم ماماثره ولا
صارف عليها ابد الا يوم كاعدين نتغده وهيه
نايمه بغرفتي سمعتها بجت كمت غسلت
وهيه ماسكتت
وسن.. عمي الله واكبر سكتيها دوختنه
شني ميثم مالكيت عائله تلفيها المن باقيه
ميثم .. انا طحت بعائله تاخذها وماانطيتها
ويا ثور ياخذ، بنيه حتى اليدور طفل يريده ولد
خلي تكبر وبلكي الكه عالم تريدها شغل شي
بقيت اسمع لما وصل لاخر كلامات طگت روحي ونفجرت بي وكدام الكل
اسيا.. ولگيت عبالك اخليك تنطيها تحجي صدك
ميثم.. بنتي وبكيفي المن انطيها محد يفتح حلگه
اسيا.. بنتك بالاسم بس سالت عليها شرايده شايلها مسكتها مداريها هااي كدام الكل وهج بنت اختي وماانطيها لاحد انا الي تعبت عليها رضيتو او لا
انا المداريتها وكايمه بكل واجبها ما صارفين انتم
لا الي ولا الها ولا فاتحه حلگي وحاجيه هيه لكمه تنطبخ للبيت كله وكلها تاكل اذا مستكثر لكمتنه اخذ
بنتي واطلع بيها لو ادبرلي شغل يشيل حملي وحملها واذا فكرت تنطيها اسوي سوايه بروحي اخلي الناس كلها تصيح همه الكتلوها كاافي جزعت روحي
هم معيشينه بضيم وهم بذل لا والله كاافي متحمله اخوك وهج الي يگربلها يلكاني بوجهه بنتك مو مهمه عدك بنت اختي كلش مهمه عندي مو رايد تنطيها
انا اخذتها الي يگربلها احسب الله ماخلقه
خليت ودخلت للغرفه قبل لا يحجون من هاي اللحظه ماسمعت اي كلام منهم عليها بس بالمقابل بقى الحال نفسه ميثم غير اللكمه ومسواك ع كدنا مايدخل وامجد
بحث اخر نادراً مايجي للبيت واذا يجي سكران وهوا بهل الحاله مااخلي يقترب مني هوا انا من دون شي مااطيقه مو انوب يشرب واصلا هوا مو بحاجتي مكضيها برا بنهار يجدي وبالليل بين الشرب والنسوان اصلا بلسانه يگول من الشرب انسى انا مزوج وهااي نقطه لصالحي طبعا المن اسوي مشاكل وياه وانا
ماطايقته اخلي بحياته وانا التهي بعيشتي وحياتي
.
.
.
مرت سنين بين التعب وبين المشاكل والعوز والفقر والاذيه كبرت وهج وحصدت بذره تعبها وتعبي
وهاي اشهر وتتخرج من كليه طب اسنان رغم
الضيم بس ما انكر الوقت يمر بسرعه وخاصه اذا
ماشيه على روتين ومجبوره عليه ويوم عطله جاي نشتغل بالمطبخ برغم هل الفتره والضغط القوي العلينه بس مانكدر نكطع الشغل ميثم كل شوي وطالع بشي جديد وكل شوي مانع من شي كاعده واشوف وهج كلمالها تذبل بهذا البيت ويه هل العيشه كلهَ بكون
وسن وبنتها نسرين الحادات سنونهن علينه بكون
ميثم يشتغل على گد حاله وكوه وسن تسحب فلوس منه انا بشغلي عرفت شلون العبها صرت اطبخ بالبيت وانطي للمحلات من غير الطلب يجي من البيوت واشتغل بالخياطه عن طريق كريمه النسوان تروح عليها وتطلب التصميم وهيه تجي توصله الي يعني الشغل عليه بس الظاهر للعالم لشغل لوحده من بناتها صرف ملابس ماابالغ بي بس الضروري والي يبقى من التجهيز اسوي اكل للعائله كلها تغاضو عني خاصه ميثم لان خففت عنه من الحمل وهوا ابد مايحب يصرف
بالنسبه لوسن تحفر عليه يم ميثم وامجد من جوا
وجنت اطلع روحي كوه من العرك وياهم والاسوء
من هيج بناتها وياها صابرين ونسرين ومرات احس نسرين تغلبها بالمكر والحقد بنياتها الصغار التوائم
صارن بعد وهج ماكو الهن حس ولايدخلن وميثم
ماراد خلفه بعد كافي بنات العنده وعرف حظه..
ماشيه حياتنه بين الدوام والشغل والضيم
صرنه اخر فتره نكثر بشغل خاصه بالخياطه
او نطلب من النسوان الي تريد شغل نكمل الطلب
بيتها حتى لا نفتح العيون علينه وماجنت اعرف الفلوس الضامتهن شگد جنت اخذ مصرف اسبوع والباقي ادفنه جوا ميز المكينه وجنت دائما افتح باب غرفتي حتى ابين ماعندي شي ضامته والفلوس اخلي شي قليل اطلع اشتري بيهن مواد اجهز الطلبيات واكثر شغلي اما وكت نومتهم او بغرفتي وحدي
وهاي الفتره ضلينه نطلع اهواي شغل الا بيوم ندخل
ونشوف ميثم منتظرنه وهوا اعصاب التفتت وسن كاعده بكل برود وراه وبناتها ساكتات
ميثم..زين من شرفتن حبايب وين جنتن لافيات
اسيا.. وين يعني ام سعدي طلبت
مساعده بالشغل ورحت اعاينها
ميثم.. كثران شغل ام سعدي باخر
فتره عاد كون بي استفاده الج
اسيا.. مره جبيره وجناينها طلعن منها نروح نساعد
بدل ماباقين بالبيت لا شغله ولا عمله وماوراها فلوس وانا طلعاتي مو جديده شغل شايلني وشايل بنتي انا اتونس ابطل منه وارتاح من كسران الظهر وهنه هدوم ولكمه بس هل تشوف اخوك لاشغل ولا مشغله والعيشه تريد نكعد وتصرف علينه؟
بقى ساكت لان مايسويها التفتت من حجت الصفره
وسن.. واذا مساعده المن ماخذه وهج وياج
خاف تردين تشوفينها لنسوان بلكي ياخذنها
اسيا.. طلعه وهج مو جديده دوم وياي ومو حمل
عليه حتى اريد ازوجها اشو لگمتها هيه الي جاي
تتعب عليها وتشتغل حالها حالي ما مفضله عليها
وسن.. يمعوده هيه وين صحلها رجل ياخذها
اسيا.. شمدريج وانا اليجون اكل لاخوي ورجلي واخذ شورهم وهمه حجايتهم التمشي خوب ما اجي اكلج بس المنطقه مو زينه وميثم ماينطي لياهو الجان رايد لبناته قسمه معدله
شويه هدت اعصابه بالحجي
مبين قبل لا نجي الاخت شاعلتها اله
ميثم.. دخلن جوا بس لا تبطن بعد الظهر الشارع
فارغ وانتن تفترن وحدجن تكول سلابه
نبت وسن .. ياعيني وهسه شفايدج الشغل اشو لا خاطه سوار بيدج لا هندام وين فلوسج ولا تكليلي
قبل لا تكمل قاطعتها اسيا..
خيه ياسوار وهندام وعلى كولت رجلج الواحد
يركض يركض والعشه خباز وين يلحگ للذهب
هم بطرانه الله يسلمج هيه لگمه وتطلع گوه
ميثم.. اي والله
اسيا.. انا بس ميثم يعرف وضعي لان الوحيد اليشتغل وتعبان علينه شايفتنه نشتغل بمنحم وهيج رايده الفلوس اشو هنه تلفين نهار كامل يادوب اطلعلج هل العشره الاف يرحن لكمه لبسه خلصن شبقى بيهن
وهج
..امي هم ماعايزه شر ادك الناعم من جوا ليجوا
وتنفخ بي اباوعله مدنگ بكل وقار صدگ روحه
اسيا.. يختي حطي عينج بعين الكريم وكولي يالله وحمدي ربج على هل الرجل الي يركض ليل ونهار
لخاطر لكمه الج ولبناتج غير عالم مالكيه شغل عليمن نروح بعيد هاذ امجد اشو لا شغل ولا عمل وميثم اليصرف عليه جايتني تردين ذهب وهندام مرتب
ما اگول شي غير الله يساعدك ياميثم عليها
ميثم .. شسوين بعد الله كريم يلا صبو غده
وهج ..اباوع لوسن شاطت وابدلها تاكلنه
واسيا بت الحلو ولا تباوع عليها فتحت
الحجاب وتهوي ع وجها ولا عايزه شر
لعبت لعب وفرتها عليه انا انكسر خاطري على وسين
وسن.. وهج تبعيني للمطبخ كله اماعين بسرررعه
وهج.. صار خاله بس ابدل واجي
اسيا
.. دخلنه بدلنه على كيفنه وطلعنه لكيناهن صابات كعدنه بكل احترام ناكل وسن بعدها مغندبه وماعاجبها مااهتمينه الها هيه والماكو سوا نزلت دوسه ونص بالاكل لان 3 ساعات بس شغل وماحطيت لكمه بحلگي وهيه اشوفها تنافخ بس ماتكدر تحجي ميثم مايقبل الحجي على الاكل واحنه ناكل دخل امجد يحك براسه كوه يمشي الحجاب يم ميثم ماانزعه بس وسن و البنات مايلبسن بلبيت وحتى بطلعاتهن مو ذاك الالتزام بالنسبه لوهج تلبس توربان البقيه يشمرن الحجاب بشكل عادي امجد سلم وكعد ياكل بكل هدوء خلصنه وهج راحت للماعين تغسلهن نسرين وصابرين على الجاي واكفات ويبسبسن وعلا وحلا ينظفن المطبخ
ميثم .. شنو امجد اشو صاير ولا تجي للبيت
يـتبع ...