كُلشي يلچمني
مَن أريدك
الرسَايل والشّوارع
والغِنى
وعَيون غيرك
حِتى بيبان
المدّينة
الباقِية بحسّرة
بَريدك
.
.
.
.
.
.
.
قراء ممتعه 🩷
-------------------------------------
لارا :
- ليججج كومييي بسرعههه لاراا كوميييي
فزيتت بسرعهه وگعت من الجربايه
لارا : شكووو منووو ماتتت
نريمان : هههههههههههه خرب يومج هاي شوكعج من جربايه
لارا : اخخخ ايهاب مسوهه سوايتججج يمااا راسيي
نريمان : اي عمي جان مدللجج
لارا : دوخرييي خربب عباليي صار انفجار صخام طبليتيي چنج وحده مخبله
نريمان : هههههههههههه حفطسسسس شكلجج خرب مال اصورجج ودز لايهـاب
لارا : شلون ترديني اكوم هسه اهلس شعرهاا
نريمان : دنجبي ايهاب گالي لارا اخذت علاجها
لارا : وشگلتي اله ؟
نريمان : گتله اي وكعدت من ساعه 9 ترگيت ولعبت رياضه
لارا : هههه عفيه زين هسه بـيش ساعه ؟
نريمان : 1 ونص
وخرت الغـطى وگمت من الكاع بسـرعهه
لارا : عليججج الحمزه عزااااا شكد اني نايمهه
نريمان : غير اريدج تكعدين تنـبل مال نوم
لارا : اوفف غير النوم راحهه اريد انامم اربعه وعشرين ساعه
نريمان : ديلا عمي تعاي نسوي غده
لارا : ماسويتي
نريمان : لاععع منتضرتج تكعدين عينييي
لارا : دطيري مابيه حيل عود خلي اتريگ دور اسوي
نريمان : لا بشرفج ريوگ ساعه 1 ونص ضهـر ؟
لارا : كلشي يصير بل عراق وهسه شمدريهـا المعده الدنيا ضهر
نريمان : ههههه دمشي واني هم خلي اگل جبن اشرفلي
لارا : صدك اليوم مشتهيه اسوي مرگه فاصوليا وتمن بس ياخي خاف ماضبطهـا عدل
نريمان : لعبتي غير من أسويها مُصعب وكلهم يتخبلون عليها
لارا : امم ألاساسي مُصعب موو
نريمان : يوو شو نجبـي
ضحكت وهيه نـزلت رحت للحمام الي صاير ويه الغرفه أصلا
غسلت وجـهي وطلعت جبت مشط ووكـفت كدام المرايه وضليت صافنه على وجهـي
وعلى ملامـحي فجاه حسيت بـ صداع اجاني وحراره بجـسمي غمضت عيوني بقوه وشوي وفتحـتهن
هاي شـنو صالي استغفرالله ربي ..؟
مشطت شعـري وباوعت لاديـه الي بيهن نـدبات . !
اخذت حسـره شوكت يرحن ذني النـدبات والجروح ؟
وإذا راحن الندبات شيـروح ندبات جـروح قـلبي ..؟
طلعت دمـعتي ومسحتها طبيت للمطـبخ
شفت نريمان داع تسـوي بل چاي
- عفـيه بل نادره
نريمان : هههه بدون حـسد
- خاف تسوين فاصوليا وتقرين عليها المعوذات وتشغلين قرآن لا لااضربج عين حمره هههه
نريمان : يمكن أسويها شمـدريج
ضحكت وطلعت جبن وسوينه لفات وكعدنه ناكل ونسولف خلصت ورحت اجددتت وكعدت اصـلي
مر الوقت وصار المُغرب ودكت عليه غفـران .
- الو ها غفوره
غفـران : شلونج لارا
- زينه وأنتِ شلونج
غفران : زينه بس تعبت واني اشتاق الج
- اوييي لاتخجـلينييي طاحضجج
غفران : هههههه لاتنعوصـينن
- امم صدك سامر شلونه هم يخابركم
غفران : اي مرات بل يوم يخابر أو لأ
- شلون رجع انتو مو گلتو مات ؟
غفران : حتى اني مصـدومه بس الحمدلله من طلع مابـي شي
- لساتني اذكـر من جان يلعـبني من عمري 9 و 10
غفران : صح چنه بـ غير محافظه بس چان يجـيكم
- اوففف شتاقيت لاياميي يلا مابقى شي حتى ارجع للبيت ونتلم سوه
سمعت غفران اخذت حسـره وكالت بصوت ناصي وحزين .
غفران : احنه مراح نضـل بغداد لارا .
- شنووو ليشش ؟؟
غفران : اوفف غير ابويه ميقـبل يكول بس اجينه واجت المشاكل
- وين حترحون لعد ؟
غفران : ابويه كال البيت الي يمكم راح نعـرضه للبيع ونروح المحافضتـنه القديمه نأجر بـيت هناك ومن ينباع البيت نشـري ملك هناك هم
- لاا غفران شنوو هايي هوه اني مشتاقتلكم موت
غفران : مادري بعد ابويه قافـل
سوتني ردت انطق وسمعت صوت مرام اجاني .
مرام : الو ها لارا اني مرامم
- مرامم هلااا شلونج
مرام : موو زينهه ليش رحتيي وعفـتينه
- هههههههههههه أحسن حتى اخلص روحي غيرر
مرام : طاحضج لارا وشلون عشتي شلون تأكلين شلون تنامينن
- سالفه طويله من ارجع اكلكم
مرام : سمعت ايهـاب صديق سامر يكولون چان هوه وياج ؟
- يااااعع جذابين خلي يولون
سمعت صوت نريمان تضحك بصوت عالي خنزرت الها
مرام : يا شبيج نرعصـتي وهاي منو ضحكت
- اخت ايهاب
مرام : شنيي اخت ايهاب صديق سامر ؟
- ايي
مرام : شجابها يمجج
- يمعوده سالفه اكبر من شعـريي
مرام : يعني جنتي عايشه يم ايهاب مو ؟
- يبووو على حضج لارا مادري ناسيه فقدت الذاكره
لا شنو اي اي عايشه يمه بس مادري يوو انسي
مرام : وربي البنيه انرعصت شبيج ولج
نريمان : هههههههههههه ولججج حفطسس ضحكك شبيججج
- يبوو سكتنن انتن
مرام : هايه عمي سكتنه بس ها طالبتج تحقـيق من ترجعين
- عمي خـوش
ضحكت وضلينه نسولف وقطعت الإتصال.
نريمان : طرشتي اذني
- وهاي ياهي صالها ساعه كاعده يمي وتضحك
نريمان : مو انيي هاذا الجني مالتي
- ههههه لا بالله
سمعت صوت جهاز يدگ وطلع جهاز نريمان
- منو اتصل ؟
نريمان : هاي تالين بنت خالتي تصلت كامره
- ديلا ردي عليها و فتحي سبيـكرر حتى اسمع
هزت راسها وفتحت .
نريمان : هااا لج تالين شلونج
تالين : شكلج يمعوده زينه زينه
نريمان : هاي شنو شصاير بعـيونج شنو داع سهـرين ؟
تالين : يمـعوده غير بعد يومين امتحـاناتي وحموت من الخوف
نريمان : طاحضج لج لاتخافين اني هم جنت مثلج بس نجحت ورحت
تالين : أن شاء الله صدك شخابرج وين كاعده شلونه ايهاب
نريمان :امم هوه كاعده بل شقه وو ايهاب اصلا كاضيهـا شغل خطـيه
تالين : اوف خطيه واني هم مشتاقلتج احس البيت خنكه حبابه تعاي بقـرب وقت
نريمان : هوه مابقـى شي ويخلص شغله واجي واخليج متشبعين من عندي
تالين : تمام ولج هاي ليلى خبصـتني تريد رقم ايهـاب
نريمان : شنوو ليـشش ؟
تالين : تگلي داع اتصل عليه بس مسدود خطه ويطلع مغلق مدري شنو
نريمان : دخلي طـير هوه ايهـاب بيـا حال وهيه بـيا حال
اسمع كلام بنت خالة نريمان وشلون تريد رقـم ايهاب
وجهي احس صار احمر ؟؟ شتريد من عنده خرب لارا شو دنجبي هيه بنت خالة واكيد تريد تحجي وياه
أنتِ شدخلـج ..
تالين : اي هايه حكول الها هوه ساد خطه
نريمان : هاهيه صدك تعرفت على بنيه ويانه بل عماره
نصدمت هاي شوكت نريمان تعرفت على بنيه بل عماره ؟ دقيقه ياعماره غير احنه بيت مو شقه ؟
هاي فد لا صدكت احنه شقه ؟
تالين : صدكك شنو اسمـهاا
نريمان : لارا
فتحت عيوني على وسعـهن وهسه تنطق اسميي
عزااا هايي شبيها تخبلت ردت اكوم اكفشها بس حرامات فاتحه كامره ..
تالين : ها زين
نريمان : وهسهه هيه وياي بل شقه
خنزرت الها وهيه تباوعلي وتضحك خرب يومج نريمان ...
تالين : ياا صدكك صيـحيها خلي اشوفهاا
نريمان : تعالي لارا
كمت واني متحلفه الها عزاا هاي اكيد تخبلت ..
ضهـرت بل كامره وابتسمت
- حم حم هلاو
تالين : يااا صدقه أنتِ صديقه نريمان شلون تعرفتـي عليها
نريمان : جانو اهلها يوزوعون ثـواب ومره جابتلنه مدري شنو نسيت وبعدين تعرفت عليها وهسه امها طالعه للدكتور واجت يمي
- حم اي صحح
تالين : تخلبـين يعمري شكد عمـرج
- 16
تالين : ولا أبـين عليج
- ههه يكـولون إليه هيج بعد ماادري
تالين : اي شبـيج هيج أحلا
نريمان : هاا شووف نسوني وسفه عمي وسفه
- اي يلا ولي
نريمان : اني اعلمج لارا
ضحكـنه اني وتالين وسمعت اجه صوت بـنيه حجت ويه تالين .
همست إليه نريمان ، هاي ليلى أخـتها ..
ليلى : هاي ويامن دتحجـين
تالين : ويه نريمان .
تقـربت ليلى وطلعت بل كامره استحيت ردت أواخر وجهي وهيه اردفت .
ليلى : هلاو نريمان شلونج هاي ياهيه يمـج
نريمان : هلا بيج هاي صـديقتي لارا
ليلى : امم هلا بيج شـسوي يمج لعد
نريمان : صاحبـتها واجت يمي تغير جوو
ليلى : امم ايهاب وين شلونه
نريمان : طالع بـل شغـل
ليلى : احم عود كولي لايهاب ليلى تسلم عليك وصدك لارا شكد عمـرج ؟
- عمري 16
ليلى : العمر كله .
ابتسمت وگمت من عنـد نريمان رحت للمطبـخ شربت مي وأحس وجهي محترك وخاصتن هيه ضلت تباوعلي بخنـزرات مدري شبيها بس تالين ابينه حبابه
اخذتلي صفنه وقلدت صـوتها وهيه تكول " عود ليلى تسلم عليك "
ضحكت وضربت كصـتي امداج لارا وأنتِ شدخلج ؟
رحت اجددت حتى اصلي لن إذن وهاي نريمان لساتها تسولف بالعه مسجـل
طبيت للغـرفه صليت وحسيت اكو خنكه بكلبي
ماعرف أعبر عنهـا ..
خلصت وكعدت على الجربايه أحاول اجمع افكـاري أحاول اعرف شلون اتصـرف بـ هاي الحياه دون ضعـف ..
ويـن جنت عايشه وهسه وين ؟
شهـل حياة الي تغـيرت فقدت اعز ثنين إليه بـهل الحياه .
التقـيت ويـه شخص غريب ؟ ومادري شلون عشت وياه كل هـل فتره
والصدمه طلع يعـرف اهلي ومراقبـنه ويعرفني قبل لااعيش يمـه ..!!
حسيت اجتني صـوفره بـذني من كثـر التفكـير
نزلت من الجربايه وكعدت بل كاع متألمه .
غمضت عـيوني بقـوه ولزمت رأسي بس اريده يهدى
ضليت اون وسمعت صوت نريمان تصحـيني وبس شافتـني بـ هاي الحاله اجتني ركض
نريمان : لاراا شبيج
- همست بصوت ناصي ومخنوك " جيبي مي "
راحت بسرعه واجت جابتلي مي فتحت عيوني وأخذت شـربت
نريمان : شبيج لارا شصار
- ماكو شي بس اجاني صداع
نريمان : وهسه شلون صـرتي اخابر ايهاب ؟ حتى ترحين للمستشفى
- لا ولج وشلون اروح للمستشفى
نريمان : ولج مادري خفت عليج شوفي وجهج شلون اصفـر صار حتى معرف افكر
- اوففف شكدد لطيفه انتِ هاي ورث من اخوج
نريمان : هههههههههههه ولج ميله اخويه لطيف بل عباس اذا يسمعج يكـوم يلطـم
- ديلا واذا
نريمان : دتعاي خلي نصـب تمن وفاصوليا شلون سويتهاااا إلى تجنن حتى شوي هم ترجع روحج
- يلا اني هم جـوعانه .
رحنه حيمنه لاكل وكعـدنه نأكل ومـر الوقت وصارت ساعه 12 بليل خلصنه من سولفنـه وكلمن راح الغـرفته
طبيت والغرفه صايره بارده لن عفت السبلت وبسرعه طفـيته.
طلعت فـليم كـوري اسمه " قطـار إلى بوسان "
شفت مقطع يكولون الفلم زومبـي ونجـذبت اله
طبيت عليه وشهكت عزا الفليم ساعتين يعني اليوم اطمس علـيه
ديلا لارا باوعلي قحط ..
طلعته وضليت اباوع وكلساع اضحك وانقهـر وارتعـب
بحـيث جذبـني وماحسيت بل نعـاس
المشهد الاخير من الفلم خله دموعي تخـر
عيوني كامت تحركني على المشهد الاخير وانتهى الفلم وشفت الساعه صارت بل 2 واني بـس ابجي
طاحض المخرج اي ولله ليش يموتهه ليششش
طـبيت على ألوات ساب من حركه قلبي ومادري اصلا ليش طـبيت ؟
طبيت على حساب ايهـاب الي مخلي صـورته
طاحضه شكد اشتاقيت اتعارك وياه ضحكت وبسرعه ذكرت المشهد الحزين ورجعت ابجي
نصدمت من شفته نشط وبسـرعه خرجت من البـرنامج عزا فد لااا يشوفني نشطه.
وبسرعه اجاني مسج منه كاتب .
::- كاعـده ؟
رديت عليه.
- لاا
::- يول هاذا الجـني رد علـيه مو ؟
- اي
::- شعـندج كاعده بـويه ؟
- داع ابجـي .
::- تبـجين ليش شصاير بنـياتي ؟
- ايهـاب الفلم مُحزن حموت وربي كلبي داع يتقطـع
::- تبـجين على فـلم ؟
- كلبي كام يوجـعني ولله
::- حتصـل عليج ردي.
شفته اتصل ورديت سمعت اجاني صوته .
::- ها بـويه شعندج تبجين على فلم
- حجيت واني اشهك ، ايهاب يقـهر مات أبوها خطيه بنته بجـت هواي مثل ما اني بجـيت على أمي
::- اشش بنيتي لاتبجـين كافي تمثيـل هاذا محد مات
- يعني امي هم تمثـيل وحترجع هيه واخـويه ؟
- الو شو مداع تحجي شنو فصل النت ؟
::- ها بـويه ها بنت گلبي
- ليش متجـاوب
::- كـم مره كايل دمـوعج لاتنزليهـا ليش تعذبـيني
- غير حزين ايهـاب بس تجي يمي نباوعه اني وياك
وهسه اكيد هم راح تبجـي وياي
سمعت صوت ضحكـته اجتني وبنفس الوقت جـر حسره .
::- اجي يمـج ونتـابعه مو ؟.
- اي وهم راح تبجي مثلي
::- أن شاء الله هسه يلا نامي بويه مو زيـن سهــرين
- ايهـاب .
::- عيـونه ؟
- خـايفه هـواي
::- من شنو يبـعدي ؟
- احس حيصـير شي
::- اشش بنياتي حبيبتي يعني هسه اني لو يمـج اخليج بسابع نومه هاي تفكـير لن سهـرانه وحزينه تكولين هيـج
- گلت حبيبتي ؟
::- أي بويه
- لاتگول حبيبتي هاي يكولها بس المرتبطـين ومدري بعد شيكـولن نسيت
::- هههههههههههه تتدللين بـويه بعد ماكول
- لاتضحـك
::- امم لارا تذكـرين شي ؟
- شنـو
::- من چـنتي بل مسـتشفى وكاعده هـناك بل حديقه واجـاج رجال حجـى وياج
- دقيقه هاي من جانت امي بل مستشفى ؟
::- أي
- اوكف ها اي تذكرت اجاني رجال مـلثم جـسمه يخوف وشكله وصـوته وكلشي
::- هاذا أني .
- شنووو منوو انت ؟
::- الي حجـى وياج گلت هسه تعـرف صـوتي
- يااا مادري اصلا اني مجنت مركزه على أي أحد وزين ليش جنت ملثم وشلون اجيت لهـناك
::- جنت بل مستـشفى عندي شغل سـري وشفـتج كاعده وكلت اروح الها
- مابيه حيل انصدم شلون صـدفه
::- ههه اصلا اني جنت اعـرفج قبل لاتجين للمستشفى
- اي اذكر جنت تـراقبني بـ هاي سيارتك السودهه
::- هههههه اذكر جنتـي هواي تصفنين عليها من تشوفـيها
- اوف ايهاب لاذكـرني بس ولله العظيم حيل خفت كلت هاذا يمكن شخص يخطفـني وصدك خطفـتني
::- لج زقجه شنو خطفتج بـويه
- لعد مو ضليت يمك
::- هههه هاذا النعس مآثر عليج بنيتي
- من تگلي بنـيتي و بويه احس كلبي يكوم يدگ حيل مدري شنو يجيني احساس
::- اخخ لارا اخخ يلا روحي نامي
- اممم نعست حيل مو واني هم نعست يلا باي.
::- تصبـحين على خير بويه .
- وانت بخـير ..
قطـعت لاتصال وأحس شوي ارتاحيت لن حجيت وياه وغمضت عيـوني ورحت العالم النوم ...
كابوس مُرغب بغـابه مُضلمه واشجـار وبـرد
وأحس شخص يركض وراي واني اركض
يريد يلزمني واني ماخلـي وستوه راد يلزمني وگبل فزيت ...
فتحت عيوني على وسعهن وبديت اسمع دگات قلبي العاليـه وجهـي عركان
استغفرالله ربي شنو هـاي شفتها الساعه 3 ونص الفجـر
شوي استوعبت لامر ورجعت مددت وجسمي يرجف
حاولت انام ونمت بصعـوبه .
ومرت أيام و كعدت اريد اتصل على غفران عندي سالفه .
وياها ومترد تصلت عليها مرتين وثلاثه ومردت
خفت عليها شبيها هاي ؟
لاتصال الرابع وردت وصوتها كان يرجف وتبجي
- غفران الو شبيج
غفران : لاءء لارا
- شبيج تبجين شكو وليش مرديتي
غفران : هييء هيج
- احجيي شبيجج خـوفتينيي
غفران : سامر ..
- شبيي سامرر احجي
غفران : مابي شي لارا مابي
- وحق هوه علي اذا متكليلي اطلع اجي للبغداد وتعرفيني اسويهااا كولي
اجت نريمان على صوتي وهوه تحاول تفهم ليش أصيح
غفران : سامر نخطف لارا سامر نخطف من العصابه ..!!
فتحت عيوني على وسعهـن وحسيت صاعقه اجت القـلبي سمعت صوت غفران يجيني وبسرعه
وكع الجهـاز من ايدي واجت نريمان بسرعه لزمتي
حرارهه بوجهي وحسيت الدم جمـد بيه !
وصوصه بذاني واسمع صوت نريمان الي يجيني
نريمان : لاراااا شبيججج لاراااا ؟؟؟؟
اردفت بصوت مصدوم ، راح يروح مثل مراحت امي ماشبعت من عنده ..
كعدت بل كاع منهاره ونريمان جابتلي مي
نريمان : احجيي شكووو كلبي حيوكف ولله
باوعت اله والدموع بعيـوني الي نزلت ومكدرت اسيطر عليها ..!
- سامر ابن عمي سامر نخطففف من العصابه !!!
فتحت عيونها على وسعها وضلت تتصل على ايهاب وميـرد ....
اخذت رقم امير من زمان من ايهاب وضليت اتصل عليه وهمم ميردد !!
--------------------------
- فتحت عيـوني وأشوف نفـسي بغرفه يطب عليها الضوه الشمس من الشباك بس . راسي يوجعني وصحت بصوت عالي
سامر : منووووو جابنيييي هناااااا
طب واحد عليه مثلـم واردف
- كعـدت
سامر : منووو انتوو ؟
- ليشش خربتتت الخطهه ليششش خربتوهااا !
سامر : انتو ذيـوله العصابه ياعاررررر !
- ههههه خلي ينقذوك اليوم عود
سامر : هههه ضلوو فـرارين نفس الجريدين تخافون تطلعون شكد مطايه
ماحسيت غير بوكـس اجي وحلكـي نزف وحسيت طعم الدم بحكلي ضحكت بصوت عالي بحيث هون صفن عليه ..
وتفلت على حذائه الي صار بيها دم
- مخبلللل انتت مخبلل
سامر : وراح اخبلكمممم كوا**
عافني وطلع واني أحاول اتذكر شصار وياي ؟
****
جنت امشي بل سيـاره واني الوحيد الي عرفت معلومات قويه عليهم وردت اروح للمـركز ..
طبيت بشـارع مابي سيارات
وحسيت طلقه اجت فـشت التاير نزلت متعصـب
وشفت سياره من بعيد راحت خرببببب هاييي شكوووو !!
ستوني ردت اخابر على ايهـاب وحسيت ضربه قويه براسي ....
****
واني شارد بل تفكير حسيت ابره تنـضرب بكـتفي
وبعدها غميت عن الوعي ...
---------------------
ايهـاب :
سمعت اتصال اجاني من رقم غريب .
::- الووو !!
ماسمعت غير صـوت سامر وهوه يصـيح ..!
::- الوووو وينننن سامررررررر كوا****** بسسس الزكمممم اارويكمممم نجوم الضهررر وحققق هوه علييي !!
انقطع الاتصال
::- اميررررر شصايرررر شبيييي سامرررر !
- انخطفف من العصابه الي جان مشارك بيه احسان وحيدر
::- ياربيييي امشييي
طلعت من المكتب
::- شوفوووو اخيرررر مرهه موقعع سامررر وين جانن من خلاالل الجهـاز طلعووو بسرعههه
- سيدي بـ هاذا الشارع وبعدها نغلق الجهاز
::- طلعووو الكامرهه اليييي توديي لهل شارععع بسرعههه .
مـر وقت شويه وكاعد على اعصابي طلعو الكامره وشفت سياره متوجهه على سامر وركعت التاير مال السياره بطلقه وراحت !!
والسياره جانت بدون رقم ..
::- شلونننن سيارهه تمشيييي بدونن رقمممم !!
وينن السيطيرهه ويننن الصخاممم وينن الحراسسسسس
هسه تروحوننن تدورننن من جوهه الكاععع على سامررر تروحونن للبتاوين وتشوفون ياهوو من طرف ابو طُبررر بسرعه !!!
- الكل : حاضرر سيـديي .
كعدت واني حاير شسوييي اصلا سامررر من طلع ماحجى وياييي !
- سيدي اللواء يـريدك .
گمت رحت للمكتب اللواء ..
::- نعـم سيدي .
- سمعت سامر نخطف من العصـابه الي كنه مقررينن نقبـض عليهم !!.
::- نعـم سيدي واليوم رقم خابرني سمعني صـوت سامر وقطع الخط ..
- اكيد راح يتصـلون مره ثانيه ! بس يصـير شي تعال گلي .
::- حاضر سيدي ..
طلعت من الغـرفه والكل يدور ويبحـث
مر الوقت وصار آلليل واني طالع بل سياره ويه الشرطه
حققنه ويه الي من طـرف العصابه .
طبيت للمكتب مالتي والساعه كانت 12 بليل !!.
اجاني اتصال غـريب فتحت بسـرعه
::- منوو !!
- تريدون سامر يرجع الكم عايشش ؟
::- قنادرررررر ويننن اخذتووووو كولوووو
- اششش بلا عصـبيه ترا هاذا كدامي بطلقـه يودع
::- استغفر الله ربيي شتردوننن !
- بشرط يـرجع الكم حـي .
::- شنو هوه ؟
- اطببـون شاحـنه من حدود ***** بيهـا مخدرات دون متعتـرضون وتخلوها اطب سالمه
وبس توصل المكان المطلوب نرجع الكم سامر عايش ..
::- وشنوو يضمنن انوو يرجع سامرر ؟
- ماكو شي يضمـن بس 100% اذا خليتو تفوت الشاحنه يـرجع القائد ميكـول شي وميـسوي !
::- ضل خدم القائد العار مالتككك ! وسوي الي يكوله الك بعدين يذبك نفس الزباله
- لاتكثرر حجي موافق على هاذا الشرط ؟
::- اي مواقف شوكت توصل الشاحـنه ؟
- عگب باجر .
انقطع الاتصال ودكيت على الرقم مره ثانيه ونغلق الجهاز !!
نفسي حيطلع من وره العصـبيه !!
رحت بسرعه للواء وحاجيـته بكلشي .
اللواء : خلي اطب الشاحنه ...
.
.
.
.
.
.
يتبعع !!
تتوقعون راح يرجع سامر ؟
وشراح يصير ؟
الكاتبه : نور علي 💜
انستا :noor_aliiiee