#بارت 5 -
وَاقِع مُستخدَم.:
-لا مُبالاة، وهدوء يتضَخم يومً بعَد يوم.
-رغبة عارمة في التخلي عن كُل شيء.
-لمّ أفقد شيئًا، فقدتُ نفسي وحسبّ.
شذر: داسالها علـ سبب ودخل تميم عصبي نار تطلع من راسه
لا اردياً كمت من مكاني
تميم: ييمه هلمررره اذا اسگطه واخلي مكرم بمكااانه ماتدخليييين
ام تميم: شكو يمه شصاير
تميم: ابنج العاااق اخاااابره اشووف وينه ارررريد احجي وياااا ماااايرد وتالي يرد عليه يكلي مشغول لا تلح كأنو يحجييي ويا ابنه الصغييير مو اخوووو
ام تميم: اعصاابك لا يصعد ضغطك خله يولي يجي اخوك هو يتفاهم ويااا
تميم: الثااااني شيب كلبي ميرضه يرجع
ام تميم: يجي باجر انه احجي ويااا اريد ينعنعلي ضلوعه لهلـ مسربت
شذر: مفاهمه على منو يحجون وهو اساساً ليش هيج عصبي
ام تميم: مناوي تقدم عرسك
تميم: بلكت تقتنع انه هم مليت من هلـ وضع
ام تميم: قنعها تقتنع خليها ابيتك تكمل دراستها مو شي صعب
تميم: خير ان شالله خليني احل موضوع هلـ ناقص والباقي سهل
شذر: بقو يسولفون تسحبت رحت لغرفتي تمددتت
نزلت دمعتي معقوله ماما ماتت عقلي رافض يصدك
متاكده يجذبون وهي شارده من بابا تخاف منه
مرت الليام هدوء ماكو شي جديد غير الروتين وتميم يعصب من وره اخوو وسوالفه حدد موعد العرس الاسبوع الجاي انخبصو خبص بلترتيبات
اني وخاله هم نظفنا البيت وعزلنا وجابو غرفته صعدنا اني وخاله نرتبها فعلياً هلكنا من التنضيف بقى 3 ايام للعرس واحنا بعد ممخلصين ذبيت من ايدي جريت نفس اندكت الباب
ام تميم: ولو تعبتج يا يمه روحي فتحي باب قبل لا تفتحيها شوفي الكامره
شذر: هزيت راسي ورحت شفت الكامره رجال وبايده جنطه ساند روحه على الحايط خليت الشال على راسي ووكفت وره للباب صحت منووو
انه فتحي
شذر. منو انت
انه يعني منو ابن اهل البيت
شذر: غير اعرف منو شسمك
يا طركاعه الماتخلص شنو منو بويه فتحي ماتردين اشوفج باااج ودخليني
شذر: كول اسمك وافتح
يااابه وعلي افلش الباب ويا جهرتج منوووو انتي
شذر: انت الي داك الباب انت منووو
صيحيلي الحجيه
شذر: شسسمك
ايوووب فضيهاااا
شذر: فريت ايدي فوكاها هو المعاجبه رجعت صعدت خاله تعزل بلغرفه
ام تميم: ها يمه منو علـ باب
شذر: خاله رجال يكول اسمي ايوب لطمت على خدها وكامت تبجي
ام تميم: يمه ايوب فدوه لطوله وليدي وييينه
شذر: بلعت ريگي خاله مافتحت الباب خفت يكون احد غريب رجعت لطمت على خدها
ام تميم: روحي يمه رروحي فتحي الباب والله رجلي مايعنني بعد خليني اشوف طوله الحلو كبالي
شذر: نزلت جوه واني اكل بروحي يعني طلع بيته واني لازمته تحقيق بلباب عزه بعيني شفت الكامره واكف وصافن على الفرع رحت فتحت الباب باوع عليه من فوك ليجوه
ايوب: اخذتي خيييره وقررتي تفتحيها صارلي ساااعه بلباااب
شذر: مو شيسمونه اعتذر مجنت اعرف بيك ابنهم
مجاوبني دخل جوه سديت الباب دور بلمطبخ والصاله شافهن فارغات
ايوب: الوالده و تميم وين
شذر: خاله فوك تميم طالع
عافني وصعد فوك صعدت وراء شفته حاضن خاله وهي مفرفحه بجي وهو يبوس بيها ويتعذر منها
عفتهم ونزلت خجلانه من الموقف دخل تميم
تميم: شو وحدج
شذر: خاله فوك اجه اخوك
تميم: وينه هلسگط
شذر: حجاها وصعد وراح ركض فوك شبيهم اليوم عزلت المطبخ وسويت التمن خاله مسويه المرگه شويه ونزلو ثنينهم حاضنيها ويبوسون بيها
كعدو بلمطبخ ارتبكت منهم
ايوب: ماعرفتونا منو
شذر: حجاها واشر عليه
ايوب: ساعه لازمتني تحقيق على باب
تميم: ههههههه انه محذرها
ايوب: تزوجت بدون علمي حظك اطيحه وانه راجع لخاطرك ماخليك وحدك بلعرس
تميم: لا ياابه مو زوجتي بعدين نسولف
شذر: حجاها وغمزله خاله سويت التمن محتاجه شي ثاني
ام تميم: اي يمه ولو اتعبج اتمسحين الفوك والغرف
شدر: صار عفتهم وطلعت مهضومه ياهو الجاي وسأل هاي منو وهم يحيرون شنو يردون عليهم نضفت الغرفه والصاله الفوك ماخذه راحتي لأن متاكده خاله متخلي احد يصعد واني فوك اخر شي غسلت الحمام اخذت العلاكه بيها ملابس تميم خاله كالت ميحتاجها ونزلت كاعدين بلصاله يسولفون
وكفت يمها خاله وين اخلي العلاگه
ام تميم: خليها بلكراج تميم يطلع ياخذها ويا
تميم: شنو هي؟
ام تميم: ملابسك عزلتهم وطلعت المتحتاجهم انطيهم لفقير الك اجر وثواب
تميم: صار خليها بلكراج شذر ولو اتعبج
شذر: خليتها بلكراج ودخلت سويت زلاطه وكعدت بلمطبخ اندكت الباب راح تميم يفتحها اجه وبايده
علاكتين خلاهم علـ ميز وراح فتحتهم سمجتين مسكوف اجتي خاله
ام تميم: انصب غده ادري تعبتج يايمه بس تحمليني ماعندي غيرج شذر: ابتسمت تعبج راحه خاله
حضرت وياها اجه تميم اخذ السفره فرشها وينكل بلغراض اخذت الخبز خليته على السفره
ورجعت للمطبخ
ام تميم: شو رجعتي يلا امشي ناكل لكمه
شذر: مجوعانه خاله اروح اصلي وانام شوي
ام تميم: تزعليني منج والله امشي كدامي اكلي لكمه وروحي نامي من الصبح على لحم بطنج
شذر: اكل اهنا
ام تميم: شذر والله ازعل عليج بنيتي امشي لا تتقيدين بايوب
ايوب: خيرر عزيزة گلبي سمعتج تغردين بأسمي
ام تميم: تستحي منك تريد تاكل بلمطبخ وحدها
شذر: لا خاله والله اصلاً مجوعانه اني
ام تميم : ميخالف حتى لو لكمه كلبي مايرتاح اكعد على السفره وانتي ماكو
ايوب: لا تتقيدين بيه حسبيني ماموجود
شذر: حجاها وراح خاله لزمت ايدي وجرتني وراها كعدت بقيت مدنجه راسي واكل وايوب يسولف شلون متاذي بلغربه
خاله تخليلي سمج وترجع ليوره
تميم: مخابرك هيثم؟
ايوب: وينه هو؟
تميم: مشايف خلقته صارلي اكثر من شهرين
ايوب: سايره مايفيد ويا الصوت العالي هذه
تميم: ادري طفل واسايسه عايف مرته وجهاله ميعررف ميتين عدلين
ايوب: انه اتصرف ريح بالك عريسنا
شذر: خلصت اول وحده غسلت ايدي هم شالو السفره خاله سوت جاي واني غسلت الامواعين ورحت نمت لليل ماحسيت على روحي من التعب
كعدت باوعت الساعه ب 8 بليل طلعت البيت هدوء دخلت للمطبخ ماكو احد معقوله طالعين فتحت كعدت والنومه بعدعا بعيني صافنه سمعت صوت يجي من الكراج فتحت الباب طلعت شفت تميم وايوب كاعدين يدخنون نركيله ايوب رفع راسه باوعلي وتميم التفتلي
تميم: محتاجه شي
شذر: لا بس ادور خاله ماكو
تميم: تلكيها بغرفتها تصلي
شذر: عفتهم ودخلت خجلانه من وجودي يمهم وبنصهم رجعت لغرفتي مهضومه متاكده ماما عايشه بسس ليييش يكولون مااتت بابا ميكتلها والله ميكتلها دائما جان يهددها ومن جنت اخاف من تهديده اروح لحظنها ابجي دكول لا تخافين ابوج مستحيل بيوم يكتلني لأن مستفاد مني وابوج اليستفاد منه مستحيل يموته
نفتحت الباب دخلت خاله وسدت الباب
ام تميم: شبيج شذر شصاير ليش تبجين
شذر: مباجيه خاله بس اشتاقيت لماما كعدت بصفي
ام تميم: اترحميلها يمه
شذر: شهگت ويا حجايتها
ام تميم: احد مسمعج حجايه والله اكسر راسهم
شذر: لا والله
ام تميم: لعد مسحي دموعج وكومي وياي نحضر العشا باجر نروح لسوك نفرفر شويه نغير نفسيتنا محد يغير ويعدل مزاجنا غير السوك وفرته
شذر: ابتسمت وكمت وياها سوينا العشا دخل تميم
تميم: يمه شهلاء باجر تجي هي وامها واختها يجيبون اغراضها
ام تميم: اي يمه هلا بيها شوكت تجي
تميم: بليل اروح عليهم
ام تميم: اي زين لأن اريد اروح لسوك واخذ شذر تجهز نفسها
تميم: خير ان شالله
ام تميم: اخوك وين
تميم: كاعد بلكراج يحجي ويا هيثم كال عگبه يجي على الحنه
ام تميم: تمم زواجك وبعدين كعدو احجو وياا لا تخرب فرحتك
تميم: مايفيد ويا الحجي يمه
ام تميم: يفيد بلكت باجر اروح على مرته اجيبها تحضر عرسك عيب من الناس شدكول علينا
تميم: اي زين تسوين اذا تكدرين اخذيها هي والجهال وياج لسوك هم. تجهز نفسها
ام تميم: ان شالله
شذر: كعد صبينا الاكل دخل ايوب كعد مقابيل تميم وجه محتقن اكل لكمتين وكام
ام تميم: وين يمه ماعجبك الاكل اسويلك غير شي
ايوب: لا يمه عاشت ايدج مجوعان
تميم: ماخذ طبع الاجانب ميثكل بلـ اكل
ايوب: سد بوزك انت
تميم: زين والله مناسي حجاياتنا كلت هسه حتى السانك معووج مثلهم
شذر: تميم يحجي وهو يدخن ويباوعله بطرف عينه
ايوب: بعدك ممتزوج وهلكد تلغي لو تتزوج شلون شدو روسكم يلـ كرعان همزين انه مباقي اهنا ماتحمل هلـ لغوه هاي
ام تميم: شنو ناوي ترجع للغربه؟
شذر: حجتها بغصه طفه جكارته وتقرب منها حضنها
ايوب: يمه ماكدر اعيش اهنا فهميني احس كلشي ياكل بيه وانه تعودت عليهم اهناك وتعودت على روتين حياتي
ام تميم: يمه فدوه اروح لوجهك لا تشلع كلبي اكثر والله بعد ماتحمل فراگ انت منا واخوك مناك #ڪــڔٰاڕ
وتميم راح يتزوج يحير بعائلته لو يحير بيه لو يحير باخوك اني بعازتك يايمه لا تخليني وادير وجهك وتروح وترجع تشلع گلبي انسى الصار بعد كاافي تاكل بروحك
شذر: باوع عليه ورجع باوع على خاله هز راسه وهمس
ايوب: الله كريم يلا اترخص اني تصبحون على خير
ام تميم: وين
شذر: مسحت دموعها وحجتها
ايوب: رايح انام يمه
شذر: حجاها وطلع من المطبخ التفتت خاله على تميم هو هز راسه بأسف
تميم: عوفي يمه لا تلحين عليه ماتشوفي شلون متاذي
ام تميم: لشوووكت والله گلبي يحترك عليه من اشوفه هيج
تميم: مو بايده الصار محفور براسه ومو بسهوله ينسى
ام تميم: اني محتاجته والله محتاجته فرحتي هذه جبيري لشوكت يبقى بعيد عليه واتحسر عليه
شذر: بجيت وياها واني ممفتهمه السالفه قهرتني عليها كام تميم كعد بصفها باس راسها
تميم: كلنا محتااجي امي بس منكدر نضغط عليه الصاار ويا مو شويه ومثل ما احنا محتااجي هو هم محتاج يبقى وحده
شذر: ماتحملت ابقى كاعده عفتهم ودخلت للغرفه
غيرت ملابسي ونمت ماريد افكر بشي ولا اريد اقهر نفسي على شي كعدت الصبح شبعانه نوم بس جسمي متكسر مدري شبيه طلعت صارت خاله بوجهي وايوب صبحت عليهم
ام تميم: شذر اكلي لكمه وغيري ملابسج نروح لسوك
شذر: خاله ماكو داعي اروح اني
ام تميم: بدون اي اعتراض يلا بنيتي لا تشلعين كلبي
شذر: هزيت راسي ودخلت للمطبخ سويت لفه اكلتها وكمت جانو بعدهم كاعدين بصاله خاله وين العمده باوعلي ايوب رافع حاجبه
ام تميم: اخذ خطيبته وراح يكمل نواقصها احنا منا نروح على كوثر ونروح لسوك
شذر: ابدل واجي دخلت للغرفه غيرت ملابسي وطلعت منتضريني بلكراج قفلو البيبان وصعدنا السياره
ايوب: يمه منو يكول زوجة هيثم تقبل تجي وياج
ام تميم: انه العليه اروح اكللها واطلع من خطيتها وعيب العالم بعد هي بكيفها تجي ماتجي
شذر: مجاوبها شويه وصلنا يم بيت باوعتلي
ام تميم: ابقي كاعده اهنا ماتاخر اجيبها واجي
شذر: انزل وياج
ام تميم: لا يمه ابقي كاعده اهنا
شذر: هزيت راسي بس ارتبكت ابقى ويا بنفس المكان دائماً اتجنب ابقى ويا او احجي ويا رفعت راسي باوعت يباوعلي بلمرايه الاماميه
ايوب: منين تعرفين اسم العمده؟
شذر: بلعت ريگي متوتره يعني شنو منين مافهمت
ايوب: اسم العمده منين تعرفييي
شذر: هو لقب تميم كلها تعرفه
ايوب: منو كلج كلها تعرفه شو تحجين وواثقه من نفسج؟
شذر: لأن داحجي الحقيقه هو عمده حسين وعمده تميم ثنينهم يشتغلون سوه والقابهم نفس الشي
ايوب: حسيين شعرفج بي
شذر: تميم هو يحجيلك
ايوب: منووو انتي؟ اهلج وين
شذر: معرفت شجاوبه بقيت ساكته
زمخ بيه
ايوب: اذا عرفت وراااج شي وجااايه بغاايه لنص عائلتي حسااابج راح يكون ثكييل
شذر: مفهمت يعني شنو بغايه قابل شعندي وياكم اصلاً فتره ورايحه شغل جكارته وباوعلي من المرايه
ايوب: لوكتها الله كريم
شذر: بقيت افرگ بايدي متوتره حيل شقصده مافهمت عليه
اجتي خاله وياها بنيه وطفل صغير يطلع عمره 9 اشهر سلمت على ايوب
والتفت سلمت عليه جاوبتها بهدوء
كوثر: شو ايوب متزوج من بره وجاي
ايوب: منو كلج متزوج
كوثر: غير هاي زوجتك؟
ام تميم: لا يمه مو زوجته خطاري شذر
كوثر: اهلاً وسهلاً عذريني والله عبالي زوجته
ام تميم: يوم عيد اشوفه عريس كبالي وافرح بي
شذر: محد منهم حجه بس هو توتر واني متوتره اكثر منه كلامه خوفني مادري ليش هيج حجه
وياي يعني شنو غايتي واصلاً اني شعندي وياهم
وصلنا لسوك نزلنا واني حرب براسي اريد افسر كلامه افتهم معناه اجتي كوثر ابتسمت وكلتلي
كوثر: بلكت تشيلي ولو اتعبج
شذر: شلته منها وهو بس يضحك بسته ودخلنا لسوك انتبهت خاله مو هلكد وياها هي صح حلوه بس هامله نفسها
افترينا اشترتلي خاله كم قطعه للبيت وصلنا لمحل فساتين دخلنا عجبني واحد بس استحيت احجي
الطفل نام بحضني خاله جابتلي فستانين واحد للحنه وواحد للعرس كلش حلوات
ام تميم: عجبنج؟
شذر: براحتج خاله
ام تميم: احجي امي انتي تلبسيهم مو اني لا تستحين
شذر: خجلانه منج خاله داكلفكم هواي والله
ام تميم: لا دكولين هيج بنيتي انتي
شذر: ابتسمت وتشكرت منها اشترتهم وكوثر هم اشترت فستانين طلعنا انتبهت كوثر تمشي وتشتري ابد متهتم بحيث صارت كومه علاليك بايدها
وكفنا بمحل ملابس كوثر راحت تباوع وتشتري بقيت واكفه قريب من الباب خاله دكت على واحد من الولد يجي علينا ماكو ربع ساعه ودك جهازها ورجعنا للشارع ايوب واكف من شافنا نزل فتح الصندوق احس روحي انسحنت من المشي وشيلة الطفل كل هلـ مسافه
ام تميم: البنيه نشلع كلبها ليش مجايبتله عربانه
كوثر: هو يحب الشيل ميحب العربانه
شذر: اخذته مني جريت نفس وعدلت كعدتي
ايوب: خابرني هيثم بليل يجي للبيت تجين ويانا
تتفاهمين ويا
كوثر: يريدني يجي ياخذني من اهلي
ام متيم: كسري الشر يا بنيتي
كوثر: لا خاله مستحيل ارجع قبل لا يجي لهلي ويعتذر مني
شذر: وصلوها لبيتها واحنا رجعنا للبيت محد حجه كلمه وحده اخذت اغراضي تشكرت من خاله ودخلت الغرفه كلش خوفني كلامه ومدافهم قصده شنو كعدت صافنه انفتحت الباب
ام تميم: كومي بدلي وتعاي نتغده
شذر: مجوعانه خاله
ام تميم: بدون اعتراض شذر يلا منتضرتج
شذر: سدت الباب وراحت كمت غيرت ملابسي لفيت حجابي وطلعت كاعدين بلمطبخ خاله اشرتلي اكعد يمها ايوب كاعد بس تميم ماكو
ام تميم: اخوك ميرجع يمه
ايوب: لا بيت عمه عازمي
ام تميم: الله يسعدهم يارب
شذر: محد حجه بعد بس صوت الخواشيك تنسمع
اكلت لكمتين وكمت خليت الجاي على نار هو هم كام راح للكراج خاله باوعتلي
ام تميم: شذر يمه اني تعبانه اروح انام شويه وتميم يجيب زوجته كعديني من يجون
شذر: صار خاله راحت عزلت المطبخ خلصت ودخل ايوب كمت صبيتله جاي وخليته على طبله ايوب: طلعي للكراج جاي وراج
شذر: ماطلع لمكان يجي تميم واحجي ويا
ايوب: متحاميه بتميم حضرتج
شذر: ماعندي جواب لكلامك درت وجهي ارجع للغرفه وكفتني حجايته
ايوب: بنت اصيل تستشرف براسنا وتبيع ثكل ومسويه نفسها هي وبس
شذر: التفت عليه انت شعرفك باسم امي
ابتسم بستهزاء
ايوب: اصيل معروفه بشغلها واخلاصها بلشغل
حالياً انه مفارغلج وره العرس احل موضوعج
شذر: اخذ كوب الجاي وصعد فوك واني بعدني صافنه شديصير لازم افهم كلشي من تميم وشنو قصد اخو هيج يحجي وياي لليل اجه تميم ويا خطيبته وامها واختها كعدو بصاله ضيفتهم وكعدت بصف خاله باوعتلي امها
ام شهلاء: عيني ام تميم البنيه باقيه عدكم لو تروح لهلها
شذر: بقيت اباوع عليه مستغربه من سوالها رد عليها تميم
تميم: باقيه عدنا علما تترتب ضروف اهلها
شذر: هزت راسها بعدم رضا مبين وجودي مضايقهم ترخصت منهم رحت للمطبخ دمعتي تلالي بعيني
دخل ايوب مسحت دموعي بسرعه وكمت دخلت للصاله خاله اشرتلي اكعد بصفها كعدت شويه وشهلاء وامها صعدن فوك خاله هم كالت عيب اصعد وياهن بقيت اني واختها كاعدين اجوي تميم وايوب كعدو يسولفون وياها
ايوب: حوراء تخرجتي لو بعدج
حوراء: اي الحمدالله تخرجت بس ماكو تعين مثل ماتعرف
ايوب: ان شالله تتعينين
حوراء ان شالله
شذر: التفت عليه
حوراء: شمكمله دراسه انتي؟
شذر: سادس
حوراء: علمي لو ادبي
شذر: لا ابتدائيه صارت عندي ضروف وبطلت ضحكت بستفزاز
تميم: على شنو الضحك حوراء
حوراء: مو قصدي بس يعني توقعت واصله
تميم: البنيه عمرها 15 يعني بعدها صغيره شوكت ماتحب ترجع تكمل
شذر: ماحجت شي اكتفت بهز راسها
بقيت كاعده على اعصابي علما راحو يلا جريت نفس عزلت البيت شوي ويا خاله وبقيت كاعده بلمطبخ اريد احجي ويا تميم خاله راحت تنام
صارت بـ11 وهو بعده مراجع خليت راسي على الميز وسديت عيوني عدلت كعدتي من سمعت صوت الباب دخل هو وايوب كمت وكفت عمده اريد احاجيك من كتله هيج بقى يباوع على ايوب ويرجع يباوع عليه
تميم: صاير شي محتاجه شي
شذر: لا بس اذا عندك مجال احجي وياك
تميم: اي احجي ماكو غريب
شذر: ايوب خله ايده وره ضهره وكف رافع تك حاجب منتضرني احجي
اريد ارجع يم بابا
تميم: شذر انتي صاحيه بابا شترجعين نسيتي شسوه بيج
شذر: لا مانسيت بس يعني لشوكت ابقى اهنا
تميم: البيت بيتج واحنا خطارج اكو احد مسمعج كلمه
شذر: لا والله بس ميصير ابقئ
ماما خلتني عدكم كالت اسبوع وارجع بس بعد راحت وماوفت بوعدها ماكو داعي ابقى
تميم: شذر هذه بيتج واحنا تعودنا عليج وحتى الوالده تعودت لا ترجعين تبهذلين نفسج
ايوب: ليش تمنعها اذا تريد ترجع خلها تروح انت مو حريص عليها اكثر من ابوها
تميم: ايوب من تحجي تحسسني ماتعرف جواد
ايوب: يبقى ابوها ويمكن هي حابه تمشي بدرب امها
شذر: شقصدك
تميم: ايوب بعدين نحجي
شذر: ليش بعدين خلي يحجي
تميم: شذر روحي لغرفتج ولا تفكرين مجرد تفكير ترجعين انسي هلشي تره متحلفيلج ياذوج
شذر: عفتهم ورجعت للغرفه تايهه افكر شسوي
ابالي شغله بس اريد احجي ويا تميم وحدي ماريد هذه واكف نظراته حقيره بقيت اتگلب لساعه ب 4 الفجر يلا نمت فتحت عيني ساعه ب 12 الضهر البيت هوسه وصوت زلم وجهال كمت غسلت وجهي لفيت حجابي وطلعت صبحت على خاله شفت كوثر وثنين جهال وياها بوستهم وكعدت
ام تميم: روحي تريكي امي بس حمي الجاي
شذر: هزيت راسي ودخلت للمطبخ حميت الجاي صبيت وطلعت جبن وكعدت اكل واني صافنه على الباب مالـ المطبخ دخل تميم وايوب وراهم نفس الشخص الرحت ويا من بيت محمد كمت وكع الجاي عليه تلاثتهم بقو يباوعون
يتبع<>