بقلم: نيار آلـ رعد
لاتنسون التصويت والتعليق
بَين الفقرات لُطفاً.
__________⚜️⚜️⚜️____________
نمشي راجعين من المدرسه فززني صوت شعله وهيه تكول:
_اكوللل بنات متعرفن شي انتن.. انييي احب حرب
وهوه هم يحبني
نارا: وكفت بعدم استيعاب.. شنووو حرب ابن عمي هاشم ماغيروو؟
: ايي شبيج نصدمتي اساساً هوه كال من قبل يباوعلي بأعجاب
_لا مانصدمت سالمين ليش انصدِم
-بعد مرور وقت اجت شعلة عليه تعيط بعصبيه
: انتي حقيرة ماكدرتي تحبيننن غيره انتي عن قصد حبيتي تغارين مني
_ انتي شتكولين شعلة ليش هيج تحجين اخاف عبالج اني معتبرتج صديقه عزيزه عليه واسمحلج تصيحين بوجهي احب اكُلج لا يحلوه اذا ثاني مره تعلين صوتج بوجهي اكص لسانج تمامممم شددت على كلمة تمام واعصابي فايره.
شعلة: الايام ورانه اذا ماكلبت حياتج
جحيم ما يطلع اسمي شعلة
_ ضحكت بصوت عاليي وحجيت بصوت عالي شوفيني شراح تسوين فضولي مايسمحلي انتضر مشيت باعدة عنها احاول استوعب الي يصير وياي.. صديقة الطفولة تحب الانسان الي احبه من طفولتي أحاول استوعب الصدمات صدمه ورا الآخُره وصلت للبيت وبوجهي للغرفة سمعت امي تصيح
-ولجج نارااااا وينج يا امي تعاي ساعديني
_ اجيتتت
-هاج كملي تنضيف بيت عمج راح يجون اروح اطبخ
_ ما اهتميت جان كُل فكري بيت عمي فاروق الي بصف بيتنه.... وكفت سيارة كدام الباب نصدمت بنزول عمي هاشم وحرب.. صاحت جديتي
جميلة: ولجج نارا وينج ماتتلكين(تستقبلين) عمج
_ركضت استقبل عمي مِتجاهله وجود حَرب
اهلاً وسهلاً عمي تفضلو للربعه(غرفة الاستقبال)
هاشم: ياهلا بيج بنيتي شلونج
_والله الحمدلله انته شلونك
هاشم: بشوفتج احسن بنيتي
حرب: هسه خلصتو سلامكم خلينا نفوت
_عِند استماعي لـصوتو نرسمت ابتسامه على وجهي... مشيت للمطبخ ودكات كلبي الف
جميلة: ها ولج شبيج توزعين ابتسامات
_اخخخخ يا حبوبه(جدة) يوم واحد بسس
لا تفشلين الواحد تا كلبي يبرد
جميلة: امشي لا اكوم اكسر الباكوره على راسج
_ نهزمت منها اعرف بيها تسويها ماعدها مانع
اخذت صينية المي وايدي تتراجف ادعي ياربي ما يوكع المي من ايدي... لكيت حرب واكف كدام باب الاستقبال امشي على كيفي خاف تكع الصينيه
رفعت نضري لحرب يباوعلي بأبتسامه قدمت الصينيه اله اخذ المي واني فتت وزعت لعمامي
-بعد مرور ثلاث ساعات
حرب: يابه اني اروح لبيت خالتي سمية اسلم وارجع بليل
هاشم: الله وياك ابني
_بمجرد سماعي لكلمات حرب كلبي وجعني ضغطت على نفسي لازم اتجاهلو ما اعذب نفسي محد يستاهلل محدددد رجعتي ذاكرتي لموقف جان اول موقف يصيرلي اني وحَرب احب حرب من وعيت على الدُنيا
حَرب: امشي فوتي جوه لا اكسر راسج حيوانه
نارا: ماااا نجب اله اكول لعمي هاشم يوجفك (يوكفك) عد حدك
حرب: امشيي ولي اذا عمج هاشم يرضى الحرمة تتفتر بالشوارع اني ما ارضى
_فتت ابجي للبيت.. وره نص ساعه اجاني حَرب وبيده جُكليته مد ايده حتى اخذها ابتسمت بنُص دموعي همست بخجل شُكراً ابتسم بوجهي
رجعني صوت حبوبتي جميلة للواقع
جميلة: يايمه نارا منهو مصفنج كوليلي يحبوبة اجيبو سحل يوليي
_ضحكت وبستها اخخ يحبوبة يخسى المايجيني برضاتو... يلا يحبوبة احجيلي عن حياتج مازام امي راحت لبيت عمي فاروق
جميلة: يايمه شحجيلج جدج المحروس(الله يرحمه) جان يموت عليه خطبني من اميمتي ثلث مرات ومارضت تنطيني لو ماجنت اعرفو لحد ماخطبني ونزرع حبو بكلبي وماجاز خطبني مره ومرتين وثلث مرات لحد ما انطتني لو بدايتنة يايمه لو شحجيلج يدللني دلال لحد مامر على زواجي عشرة تيام وراها شبعني اليويل يايمه ينومني بجتلة ويكعني بجتلة
وازعل لأمي ويرددني لحد ما نضفت غريفتنه وشفت جوه جربايتنه وركه ركضت لعمتي وزتيتلها(وذبيت) كلشي من البداية لنهاية من سمعتني لطمت على وجها وتعاتبني ليش ماحجيتلها من كبل سحبت الوركه وتغير جدج يايمه طلعن المايخافن ربهن مسويات سحر ومن بعدها محد خش(دخل) غرفتنه عمتي تغفل الباب وتاخذ المفتاح لحد مايرد جدج تنطيني المفتاح حبلت وخلفت ستة ولد وثلاث بنات وجدج دلالو يزيد زوجت ولدي وبناتي وحدي يايمه جدج خلفتلو ومالحك غير على زواج عمج هاشم وراها غطه راسو ومات وماضلت غير ذكرتو
_ هيه تحجي ودموعها تنزل شبكتها
وابوسها بقوة اخخ يحبوبه شحبج
جميلة: كومي يالوكه سوي عشة هسه
عميمج يجي من الكاع(الزرع)
_تم حبوبه.. كمت اسوي عشة وكلبي نار اشتُغُل ودموعي تنزل ليش ياربي هيج يصير بيه اريد اعوف كلشي بس حبي لوه مانعني كملت شغلي ونداريت على صوت الباب... جيتت جيتت
امنية: ها يبنيتي زهبتي(حضرتي) العشه
_ اي يمه كلشي حاضر ايمت عمي يرد لبيتنه
امنية: بعد نص ساعة يجي هوه وحرب
_ابتسمت براحة ومشيت نحو تنور الطين اشغلو حتى امي تخبز.. واكفة يم امي تخبز والجو بارد شتِه خشمي صار احمر وافرك ايدي بردانه بس ما اكدر اعوف امي وحيدها
امنية: يلاا يايمه شيلي الصينيه ماضلي شي خشي(فوتي) زهبي(حضري) السفره
_ تم يمه... ندك الباب فتحته وطلع بوجهي حرب التقت عيني بعينه ودك كلبي بكُل حُب لهل شخص تعوذت الشيطان وتذكرت وعدي لنفسي
حَرب:-السلامُ عَليكُم
جاوبت بعدم اهتمام: عليكم السلام... فات للبيت وسمعت الكلام الي خلاني بحالة صدمه.....
حَرب:جميلة اني اريد اتزوج شعله تجين تمشيلي وتقنعين ابوي وهم نارا وام نارا يجون ويانه لان شعله صديقة نارا وطلبتها بالأسم.
نارا : جديتي جميله تباوعلي بنضرة قهر كأنو عارفه كلشي احاول اسيطر على دموعي ايدي تهتز من الرجفه رفعت راسي احاول اخفي هاذا القهر رددت بداخلي "نارا انتِ قويه ويخسى الما يجيج برضاتو ارفعي راسج لا تنزلينو بسبب شخص اختار غيرج"
حَرب:- ها جده شكلتي
جميله:-يايمه شجابك على شعله مو تدري وراها سوالف توجف شعر راسك شنهو الحب عاميك يايمه تريد تتورط مو تدري ابوك يتخبل منها
حَرب:-جدههه لاتحجين عليها باليرضى عليج اني اريدها اليوم قبل باجر والله اروح اني امشي واتزوج اذا ماتجون وياي
:- تجاهلت كلامهم ورحت على الغُرفه
مانزلت دمعه مني يخسى والله دمعتي
غاليه محد يستاهل انزلها
اجتج براسي فِكره حتى اكسر ضِنون
شعله وابين الها اني مامُهتمه الهم
نارهُم تاكُل حَطبهُم كويت شَعري
وجريت فُستاني الاسود ضَيك كَعب احمر
جريت حُمره بلون احمر طوخ باوعت للمرايه
واهز بشعري واني ابتسم حجيت بصوت عالي اوفففف نارا ابوس جَمالجج خرب لو بيدي ابوس جمالي والله مشيت وصوت الكَعب يملي المُكان همست اوصف صوت كَعبي "طك، طك، طك" حجيت بصوت عالي: كوُمم حَرب اني امَشيلك مُو تِحبها وَتريد واحد يجي وياك اني كُلش كافي يالله تحرك لاتُصفُن.
حَرب:-احم اي كمت
_ واباوع لجده ماراضيه وتخزرني تجاهلت كِلشي ومشيت كدامه واني البَس العَبايه واهمس اسم على مُسمى نارا "احرك كُل شَخص يحاول يلمسني" هه عبالها راح اكعُد ابجي والطُم والله ويخسون هوه وياها عباله اذا يعزمني راح اكضيها مناحه امده تفكيركم اي والله خلو هاذا تَخطيطكُم لمُفجأتي الراح افضحكُم بيها...
___________⚜️⚜️⚜️____________
مُشاهدة مُمتِـعة عَزيزاتي🤍🦋