المافيا العراقية

الرابع والاربعين

السلام عليكم

اعتذر للتأخير حبايبي الظروف والنفسية ماتسمح انشر شكراً لكل العزوني ولكل شخص اندعه للباقين بعدهم بيد الله حالهم بس شالو جهاز التنفس ان شاء الله بشارة خير

عذروني عالتقصير اذا نوجد استمتعوا ولا تنسون التفاعل

رواية(المافيا العراقية)
البارت الرابع والاربعون
بقلمي انوار الموسوي

يعلم الجميع انك رصاصتي لكن لا يعرفونَ اين مقر هذه الرصاصة..لا يعلمون انك مستقرة في قلبي ولا يزيلك لا طبيب ولا اي بشري....

ساري،،،،،،،

راحت مايا واخذت قطعة مني وياها كلبي المتعلق بيها..حبست نفسي بالغرفة تسلل الجنون لعقلي اروح امنعها وارجعها بالجبر

فكرت وفكرت عقلي مثل ساعة بطاريتها على وشك تنفذ وبهالحالة لحظات تشتغل عدل ومرات لاااء

اخذت مبايلي اتصلت بالدكتور وبدون مقدمات كمت اصيح عليه واروح واجي بالغرفة رغم بطني بدت توجعني ماهماني

اصيح بصوت رااااحت تركتني راااااحتت..فرغت الي بكلبي كله ماخليت ولا نقطة ولا فاتني تفصيل وكل كلامي جان بغضب

اروح واجي بالغرفة وتركني احجي كلشي اريده..آخر شي سكتت فجأة كعدت عالسرير واني حاير شسوي ماعرف...

واعدته انو هالأسبوع اروحله ونحجي..سديته منه
بقيت بالغرفة ماطلعت منها بقيت صافن بالفراغ مكاني ماتحركت اريد اذي هديل وبشدة اريد ادبها بس مو هسة

كمت بغضب اخذت الادوية الي آخذها فرغتها بالزبالة اجتني حالة غضب مو طبيعية..لزمت نفسي ماكسر شي

احاول اقنع عقلي وكلبي انها راحت ماتريد تبقه وانو هديل السبب ماجنت اعترف حتى لنفسي انو اني السبب محد غيري

عرفت هي مريضة ومتخربطة بس منعت نفسي اروحلها بالقوة..ماكدر اضعف اذا رحت امنعها وارجعها غصب

هواي اهملت حياتي وابتدت مرحلة كآبة مؤذية بفراكها يشبه الأمر هروبها مني وكأني غركان ما اتنفس من غيرها

الغرفة غربة وحشة قاتلة رجعت اكعد بالظلام حتى اتخيلها موجودة وتكعد يمي

تحسنت بطني بس كلبي ماتحسن بعدها موت بطيء ولأني اعرف هالبعد مو مؤقت واعرف ماتريدني بعد ولا راح تفكر ترجع

مايا ماصدكت خلصت مني وحصلت طلاكها..اني تركتها بحالها بعد لا محاولات لأستعادتها

الجلسة الي المفروض اروحلها مارحت وتركت الطبيب والادوية تماماً دا اعيش معانات ومادا اكدر اسيطر على حزني لفقدانها

بقيت فترة هيج ما احجي ويه احد حتى شغلي ابوي يتولاه من مهند العار كام يستفزني والمشاكل وصلت حدها وياه رجعت لشغلي

مامتحمل تصرفاته كُلش دكت بالعظم..هددته عندي اشياء لازمها عليه..ابتزه بيهن

هديل هواي دتزعجني اسوء من ازعاج مهند

سكتت ابوها ورجعت تحاول تحاجيني اجتني للشركة مرة حتى ارجعها للشغل رفضت وطردتها والمشكلة بعدها مُصرة انها جانت حامل ودتحاول تستفزني

واصلة حدي منها هي ومهند جاي على بالي اطك راس براس هي وياه واخلص منهم واسكتهم ليوم الدين...

دا اشتغل عالابتوب اتصل عليه حيدر عليه..

ساري:حيدر

حيدر:استاذي سلاحك صار جاهز

ساري:هلا بالأخبار الزينة

حيدر:يحتاج بس تجربه

ساري:بيمن نجربه

حيدر:حسن هههه

ساري:انجب لك تاج راسك حسن

حيدر:ههههههه سامر

ساري:والله مال اجربه بيك

حيدر:هههههه فداك استاذي

ساري:اسم الله على اسمك زلمتي المعدل

حيدر:تسلم استاذ

ساري:ما امدحك حيدر اني كُلش فخور بيك واعتبرك اخوي ماتشتغل وياي

حيدر:شكراً استاذ كلي فخر بهالمعزة..اجيبلك المسدس

ساري:لا اني اجيكم محتاج اطلع من جوي المغيم

حيدر:هلا بيك احظرلك ناركيله

ساري:لا اخلص البيدي واجيكم

حيدر:تمام

سديته واني المغيم مو جوي مليان غضب بداخلي

سديت الابتوب حطيته عالشحن كمت طلعت من المكتب رحت للغرفة ابدل واطلع واني ألبس القميص عيني ادور بكل انحاء الغرفة

غمضت عيوني شكد موحشة وغربة بدونها روحي تنتزع مني..سلبت نوم عيوني بت علي..مشتاق الها بكد الدنيا اراسلها ماترد اتصل ترفضه

شكد قابلت ناس وشكد حاجيت بنات بحياتي ماشفت ولا عرفت مثل هالرصاصة ولا راح اعرف مستحيل يكررها الزمن وياي وتجي وحدة مثلها

فتحت عيوني وجهها كبالي مدت ايدها سدت دكم قميصي وتباوعلي بأبتسامتها الشريرة الأحبها واعشكها موت

استوعبت هذا مجرد تخيل لا اكثر هوايدا اتخيل مايا وياي حالتي دتزيد صعوبة وتركت الطبيب النفسي تماماً وماراجعت يمه بعد

حسام وسديم يظنون مازلت اتابع وياه خليت على أملهم ماريد احجي بالموضوع حتى موضوع مايا مدا اتناقش بي ويه اي احد من يجيبون السيرة اسدها

بالاصل ماكعد يمهم لو كاعد بالمكتب مالتي لو بالشغل..الجو كئيب يكتل يمي ومن الغضب بيه اريد اجرب سلاحي الجديد بمهند لو هديل

طلعت للسيارة هنا كسرت هذيج السيارة ودمرتها مو بس كسرتها عبالها تضوجني تخسرني شدة شدتين

مايا حبيبتي انطي كل ما املكه حتى ملابسي بس ترجعيلي كلشي ماريد غيركم انتي واولادي

مشتاق لبنتي كل يوم لازم اروح هناك اشوفها وماشوف امها ماتطلع من اروح

شفت سارة تباوعلي دنكت من شفتها..اعرف هي مازالت متأملة بيه وتحبني واني دايرلها ظهري..ماكدر اباوع لوحده بعد مايا ولا راح اشوف غيرها

حاس بشعور سارة ودا امر بنفس المرارة الي هي تحس بيها..لا هي بيدها شيعليه ولا اني بيدي شي على مايا

صعدت السيارة ظليت اضحك ويه نفسي بجنون..ضحكتي زادت غرابة على شنو كل هذا..اضحك على حالي بداخلي بركان شاعل

رن تلفوني بسرعة خذيته كلما دك يفز كلبي كل ظني مايا تتصل تكلي تعال اخذني وهي حتى مريم تمرض ماتكلي امها تتصل بيه

من اسألها عن حال امها تكلي تعبانة وبالكوة دتخلص ايامها حملها صعبان عليها شبيدي اسوي الها

رديت عالتلفون

::هاي انتي شتردين

::بالله عليك ساري اريد احاجيك

::شعندج غير مرضج

::تعالي ونحجي خوش اني بالحديقة الي هذيج المرة التقينا بيها

::جايج وراح نحجي هواي...

سديته بوجها الا ادمرج...

اتجهت لهذيج الحديقة الملعونة..اسود ساعة واسوءها يوم وافقت على الي تريده هديل وجرتني لهذاك الفندق الملعون

وصلت لهناك واني مليان غضب ماهماني الناس الي بي بس شفت شكلها

هديل:ساري اجييت

بدون مقدمات لزمتها من ايدها بغضب جريتها بعنف ومشيت بيها للسيارة

هديل:هاااي شبيييك ليس دتسحل بيه وين ماخذني

::عالااااساس خايفة وشريفة تنكطين شرررف

::وييين ماخذني

::ادبج واربيج الا ادمرج دمار..منو انتي وتستفزيني بحمل ما موجود بس بخيالج المريض..الا اندمج واخليج عبرة..احط دمج بكاسة اشربه على جثتج

كامت تجر ايدها بخوف:شراح تسوي بيه عوووفني بعد ماعترض دربك بس عوفني..سااااري

صعدتها السيارة بالجبر وماكدرت تفلت سقت بسرعة جنونية حتى كامت تتبجبج..واطيح دموع التماسيح

::وين ماخذني ساري فدوة اهدأ خل احاجيك

::شهدأ بت الكلب دمرتيني مايا تركتني بسببج

::اصلح بينكم وين ماخذني لا تموتني فدوة

::لا ما اقتلج ولا الطخ ايدي بدمج النكس..راح اخلي زلمي وشكو زلمة بالشارع اجيبه يدوسج دوس ولو مايهمج انتي شكو رجال يجي ويفوت يمج وزلمي اشراف مايرهمون بس بالحلال بس راح اجيبلج زلم هواي لا تخافين افوووخ البيج واريحج

::لااااء ساري فدوة لتسوي هيج

::شررررريفة مو بييييدج بنت الكلب

::اني نزلت نفسي وانطيتها بس الك ماقدمت نفسي لأي رجال لأني احبك قدمتلك شرفي

::ولللج ياشرف عبالج بالعذرية الشرف حتى بنات البيوت صارن يكودن بعيد عن عذريتهن كلبببببه الششششرف ماتعرفيييينه ولا راح تعرفينه امثالج يظنون قطرات الدم هي بس الشرف والي بعدها لاااا..امثالج يظنون الحب اله استثناء بالزناااا

ظلت تتوسل بيه وتحجي ماسمعتها مايفيدها اليوم قافل اطلع قهري بيها وانتقم منها

فرقتنه اني ومايا كلبي منزوع من مكانه بفراكها وهاي ولا هامها ولا مأنبها ضميرها

خابرت حيدر:اطلع من بيت المخزن

حيدر:ليش

::بددووون ليش حيييدر اطلع روح لبيتكم بس خل يبقه حسن

::ان شاء الله استاذ راح اخلي سلاحك يم حسن..سلام

سديته منه ماررده يشوف هديل وشراح اسوي بيها مهمى يكون جانت مرته حتى لو ماكامل زواجهم اعرفه زين هالأشكال ماتدنه نفسه عليهن بس لخاطري ازوجها وطلكها

خابرت سامر بغضب يلحكني لبيت المخزن حالاً..وصلت نزلتها لزمتها بكل عنف عاملتها معاملة حيوانة ودا اجر بيها كامت تتوسل اعوفها لزمت شعرها بكل غضب جريتها كبال انظار حسن المافاهم شي

::حسسسسن

حسن بلع ريكه:نعم استاذ شصاير

::حبل وكرسي بسرعة

::حاظر

جاب حبل وكرسي كعدتها بي ربطتها بوسط انظار حسن وتساءلاته وتوسلها اتركها..كتله شريط لاصق

جابه بسرعة شديت حلكها وصمغته حتى ماسمع توسلها..كلش واصل ذروة غضبي منها اريد احركها بهالكرسي ومايشفه غليلي عليها

::روووح لشغلك

راح حسن طلع بره كعدت ادخن واهز رجلي بتوتر وغضب وهي تبجي ودموعها اطيح بس ماهزاني موقفها ولا دموعها

ما استخطيتها اعرف لو اعوفها ترجع نفس الخياس وتلاحكني وتبقه تلاحكني

::مافكرتي ولا اجه ابالج شكد دموعها نزلت وحركن خدها..اليوم اعالجج نهائياً انتي جمرة خبيثة

اني الج اخليج تندمين عالساعة الي امج******** لأبوج وجابوج ياكلبة

اجاني سامر:نعم استاذ آمر..

سكت من شاف هديل مربطة

::لييييش تأخررررت

::آسف زحمة..هاي مرة حيدر استاااذ شسوي هنا ليش مربطة هجي

::سامر تجمعلي شكو رجال كو........ وسرسري ويدور نسوان الليل وشكو سكير وحيوان حتى كلاب تجيبلي وكلهم واحد واحد بالسرى يطبون على هالرخيصة خلي يسون بيها الي يردونه يدوسوها دوس وتسجيل الكامرات اريده عندي من باجر

::ليش استاذ هاي مو اخلاقك

::انجببببب واكل خ....... لا تعلمني روح نفذ الأكوله

حجه بقهر:هسة

::لعدددد باجر.. حااااالاً

::استاذ انته مرة كتلي اعتبرني اخوك وساعدتني هواي ومانسه فضلك عليه وروحي تفداك لو تريد..هسة اني اخوك واريد انصحك وانبهك...

كاطعته:سااااااامررر حالاً

::انته مو هيج ولا هاي اخلاقك ارجع لعقلك اترجاك

::قصددددك اني ماعندي عقل

::لا حشاك بس انته بحالة غضب ماعرف شصاير بس الراح تسوي مايرضي الله ولا رسوله حتى لو هي مو خوش

::سااامر اذا ماتنفذ حالاً انته مطرود ولا تراويني وجهك بعد

طلع محفظته وشمرها عالأرض:هاااي فلوسك ما مشتريني انته..الي دسوي غلط واني ما أقبله لا لحريمي ولا لأي وحدة دا انبهك واذكرك بشرف خواتك امك مرتك بنتك حتى لو وحدة ماتسوة ماتستاهل الي تسوي غللللط ساري اصحه

سكتت وماعرف شرد التفتت لهديل ودموعها التنزل مثل المطر ماهزتني دموعها

بس اذكرت السويته بمايا همين بلحظة غضب ودمرت نفسيتها بالسويته من لكيتها بعد هروبها اغتصبتها وكتلها هاي سعرج

انشالت روحي من مكانها من اتذكر الموقف ولا يوم فخور بي من اذكر صرختها بالمرة الثانية شكد جانت بشعة ومؤلمة ألها كلبي يوجعني وجع ماينوصف

بالمرة الثانية سويت بيها الي حذرني منه حسام وكال يسوي كره بين الزوجين وهاي مايا كرهتني من هالموقف ولا راح تنساه بقه بكلبها وراح يبقه

طفيت غضبي منها بيها

وهسة صدك تماديت وغضبت اكثر من الازم وطلعته بهديل..كعدت عالكرسي الي يمي لزمت راسي بقهر

سامر:انته بخير

::لاااااء اني مو بخير ولا اكون بخير سامر اني دا امووووت دااا امووت افهموني اني ماكدر بدونها اني ولا شي من غيرها ماعندي هاي القوة الي تخليني اتحمل قرارنا

::تعال وياي آخذك للبيت

::ماريد اروح مكان..اريد أأدب هالحقيرة العار

::بس مو بهالطريقة الي كلتها..شما سوت مايحقلنه نحاسبها

::دتأذيني دمرتني وبقت وراي واني بالجامعة وهسة رجعتها بنفسي..انييي غبي

كمت بغضب:جيبلي نفط بانزين اريد احركها واخلص من شكلها

::استهدي بالرحمن ساري لا تتهور هاي انسان دم ولحم مو خروف العيد وتريد تشوي

::وخر عن دربي..

شفتها تهز براسها وتبجي بهستريا وتهز بالكرسي تريد تخلص نفسها

سامر لزمني قوي حتى ماتهور..ماهماني خلصت نفسي رحت ادور بانزين او نفط اي شي وسامر وراي شفته يتصل

سحبت المبايل:اذا تتصل بحسام اقتلك وياها..

شمرت مبايله فلشته وكتله روح بعيد عني

رحت لحسن لكيت عنده هنا جليكان ابو خمس لترات بي نفط..اخذته رحت كبل جفيته كله عليها

طلعت الجداحة:تسوين الي اريده

سامر لزم ايدي:ساااري لااااا تتهور

دفعته وصرخت:ساااااامر لا تتدخل..هاااا راح تسوين الي اريده والا اشعل بيج النار وحتى لو طفوج راح تحتركين حرك عظيم وتتشوهين ويمكن ماتعيشين منا لأسبوع تتسممين وتموتين

هزت راسها بأييي وهي تبجي بهستريا وبس همهمه تطلع منها ورجفة جسمها القوية...

::وين مبايلج

هزت راسها بلا يعني ماتدري

::بالسيارة..ايي بالسيارة جنطتج

رحت جبته بره سامر لزم بيه ويتوسل اتركها كتله بس اخوفها سامر اطلع ابقه هنا..اصر مايصدكني كتله لا تخاف خليك واثق بيه

رجعت الها فتحت حلكها وانطلقت تتوسل انها تسوي الي اريده وماراح تقرب على حياتي بعد بس اعوفها

::لا لا مو هيج بسهولة..اتصلي على مايا وكفي دموعج لا تحس عليج مضغوطة..تكليلها اني وساري مابينا ولا اي شي ينذكر

هديل:اي والله اكلها شتريد اكول

::حلوو..صوتج لا تبجين اذا سمعت شهكة وحست بيج اشعل الجداحة وتتحولين رماد هنا بهالكرسي

تهز راسها برعب:ايييي اييي اتصل انته

فتحت مبايلها بيدي كالتلي الرمز كتبت رقم مايا الحافظة مثل اسمي واتصلت..سويتلها اششش

بعد اربع مكالمات يالله ردت اجه صوتها الأخذ كلبي

مايا:نعممم شتردين بعد تتصلين عليه عندج شي جديد تضيفينه

هديل:لاااء مايا اني اسفة كذبت عليج ماكو شي بيني وبينه ولا اي شي ولا يوم خانج وياي لأني ردت اخرب بينكم كلت هالحجي لا جنت حامل ولا شي كله كذب ساري يحبج الج وماخانج ابداً

::هو يمج وديضغط عليج تكولين هالحجي

::لاااا لاااا ماشفته من زمان

::وفجأة حسيت نفسج غلطانة وصحه ضميرج شلج بهالكلاوات..ماتهموني لا انتي ولا هووو خلي يسمع هالكلام...

سدت الخط ثرت أكثر..حاولت اهدأ نفسي وماشعل الجداحة واحرك الي كبالي

هديل ببجي:سويت العليه والله العظيم ماقرب على حياتك بس عوفني اروح

::موتي بهالمكان ببطئ ابقي بلا أكل وشرب وعلى الكرسي هذا حتى تاخذين العبرة عدل

عفتها وطلعت ركعت الباب قوي وراي

ساري:حسسسسن

حسن:نعم استاذ

::حيدر لا يجي لهنا حتى لو اجه لا يدخل داخل..والي هنا تحرسها وحلكها صمغه لا تنطيها لا أكل ولا شرب فد يومين وفكوها

حسن:بس ش

::بلااا بسبسه حسن نفذذذ

حسن:حاضر

::سلاحي وينه

حسن:حيدر تركه يمي وراح..لحظة اجيبه

راح جابه واجه اخذته مشيت واني اسمع صريخ هديل تصرخ ساعدوني وتصيحلي ارجع..

ماكدرت اروح اني مو ظالم ماسوي بالبشر هيج بالأخص أنثى ضعيفة مهما تمردت

رجعت الها فتحت حبالها واني ساكت وهي تبجي بصوت وضعف وتتفداني بس اعوفها تروح..وتتأسف وتحلف انها ندمت كافي

::روحي..مو انتي الماراح اشوف شكلج انتي بعد ماتشوفيني

حظنتني قوي:اسسسفة اسفة

عافتني ركضت طلعت بره رحت وكفتها انطيتها جنطتها ومبايلها راحت للشارع العام تركض

اباوع لسامر يباوعلي ويهز راسه بخيبة

::سامر شكراً الك على كلشي سويته..حسن الله يسرلك دربك..الله يحفظكم ويوفقكم ويه عائلاتكم

عفتهم صعدت السيارة نزعت السترة كلها ريحة نفط..اتجهت للبيت..اول مانزلت شفت حسام بدربي حجه وياي مارديت

حسام:شبيييك ماترد مو احاجيك

التفت اله:حسام أهتمو بأولادي ومايا..ليووو كمل اجراءات ليو وجيبه وفرح امك وابوك بي

حسام:ليش تحجي هجي وين مولي انته

::بعييييد

مشيت وعفته رحت داخل صعدت الدرج بسرعة دخلت للغرفة فتحت مجراتها شكو دوا بالمجر كلشي اخذته بيدي كلهن..حطيتهن بحلكي بلعتهن كلهن بلا تردد شربت ماي وراهن

ردت اكتب رسالة لمايا شفت الباب انفتحت عليه ودخل حسام بهجومية وعصبية

حسام:شراح تسوي..سكت من شاف شيتات الأدوية مشمورة عالأرض..ياااغبببييي شسويت الانت...حار حل برأيكم حمااااار

رهف جانت واكفة بالباب سمعت:عززااا ساري شسويت..انت...حرت

ساري:اششش لا تسمع امي صوتج طللعي بره

حسام جراني:امشي وياي للمستشفى انته مريض وتارك المعالج النفسي مو هيج

::مالك علاقة بيه اخلصوا مني وخلي مايا تعيش حُرة بدون المكروه المجنون الي تكرهه

حسام:امشييي ولك حيوان تغضب ربك وتروح للنار..شنو راح تستفااااد هااااا

صيحت:عوووفنييي رووح اطلع

حسام:ليييش تسوون هيج بينه انته وهوووو

::عوفني اروح من هالدنيا

حسام:واولادك امك ابوك اخواتك احنه مافكرت شراح يصيبنه

رهف كامت تبجي:شسوووه فدوة لا تخلي يموت حسام

حسام:اششش اسكتي لا تحجين لأحد....

الموقف هذا جنت مصمم عليه من زمان وهسة نفذته..لو ما حسام ماجنت موجود ولا واكف على رجلية بعد فترة الكآبة المريت بيها

لحك ينقذني بدون محد يعرف بيهم حاولت الانتحار كافي عليهم فاجعة مصطفى مرتين مرة بمحاولة أنتحاره وبعدين موته مقتول

من بعد هالموقف حسام ضغط عليه ارجع للطبيب وجان وياي ويشجعني لكن مايحظر اي جلسة رجعت لنفس الطبيب

وبدينه نكمل فترة علاجي ماحب احجي عن مرضي ولا راح احجي احب احتفظ بي لنفسي حتى مايا وحتى سديم وحسام ماكتلهم تشخيص بس حسام يشك وكلي اضطراب الشخصية الحدية اكتفيت بالسكوت

مشت ايامي وماشفت هديل بعد ولا اتصلت بيه مسحت رقمها نهائياً من كل سجل مكالماتي

كدرت شوي اطلع من جوي المغيم مو كلش لكن افضل شوي حالي..

سمعت مايا اجتها ولادة قبل وقت عمليتها خفت عليها يصيرلها شي حتى كلت لسديم حتى لو تخسر الاطفال المهم هي تكون بخير

لمن طلعت من العمليات اني كلبي جان راح يوكف..بس مارحتلها جانت رجليه تمنعني كلما افكر

ماشفتها بعد العملية بس اولادي..صرت أب لأربع اطفال وهسة اني ابوهم ومسؤل عن تربيتهم..

وراح يصيرون يجون عندي ويرجعون لأمهم وعلى هالحال لمن يكبرون

رجعت تمشي الأيام عليه ماشوفها ولا صدفة مدا اتخطه مشاعري الها وتزيد الشوك بداخلي ماينقص

سافرت مرة علمود ليو حتى اكمل اجرائات جيته كمت احاول المح لعمي ومرت عمي اذا مصطفى يطلع عنده ولد من بره شتسون

رحبوا بالفكرة وكالو انهم اكيد راح يفرحون حتى لو ابن اجنبية المهم يكون عنده ولد منه..ماوضحت الهم لكن ردت اعرف ردة فعلهم شراح تكون ومشاعرهم

طبعاً من يجي ويعرفون صدك راح يختلف المشاعر والتصرف وردود الافعال لكن انطيتهم فكرة اول

مرة لكيت شي بغرفتي جان غريب من عرضته على واحد من جماعتي كال هاي سحر..رأسن خطرت ابالي مرت عمي علي هي الوحيدة تكره مايا

واجهتها وهددتها انو اذا صدك هي تفكه والا افضحها يم اولادها وخلي واحد منهم بعد يطل بوجهها بعد عملها للشعوذة والشرك بالله هذا

نكرت وكالت مو هي بس هددتها افضحها اذا ماتفكه..يمكن يكون سبب نفور مايا مني عملها الحقير

طاحت من عيني كُلش حتى كمت ماحاجيها ولا اسلم عليها..ماظن مايا ضرتها حتى تضرها بالحجم الضراها زوجها مو مايا وامها...

بصدفة التقيت مايا بمطعم ماكدرت اشيل عيوني عنها واني مشتاقلها كل هالشوق رغم تسائل الي وياي عن نظراتي لهالطاولة

حاولت اشيح بنظري حتى ماجيبلهم الكلام السيء وظن السوء..بس ماعرف شصار بيه من شفتها ماكدرت ما احاجيها

جنت رايح ويه شركائي نتعشه ونحجي بالشغل ونتناقش بي وطبعاً جان مهند براس الحديث وخسارته الكبيرة لكلشي...

مايا،،،،

زينة:منو الرصاصة

سمر:هههه ليش تكلها الرصاصة

يباوعلي بأمعان:لأنها فعلاً رصاصة..كلشي بيها يكول رصاصة نظرتها كلامها

مايا:خلي نروح بنات

ساري:على هونج حبيب..سكت ماكملها..احم اني اوصلكم

مايا:لا نكدر نروح ويه تكسي

ساري:وانتم بنات وحدكم ودنيا ليل

مايا:احنه بالغين مو اطفال لو مراهقات

ساري:بس الدنيا ماتتأمن والناس تحولت لوحوش

زينة همست يمي:كااافي مايااا شوفي شلون خايف علينه او عليج بالذات امشي نروح وياه

من بين اسناني:انجبي انتي انطمي ماريد افكارج كُلش...

اصريت وعاندت مايوصلنه وهو عاند رجعنه نعاند واحد الثاني..انجبرت اقبل لأن الحقيرات يلحن

مشه عبر الشارع للكراج رحنه وراه..اول ما وصلنه فتح الباب واشر للبنات يصعدن..صعدن تلاثتهن وره بقالي الكدام..

فتحلي الباب وابتسم:تفضلي الرصاصة

صعدت السيارة واني كلبي استسلم بأفراط وصرف نبضات هواي حتى كمت اشمر حسرات شصارلي ماعرف

زينة:ولللج حلو وكشخة وفايخ وذوق وشهامة ليييش تركتي

مايا:انلللصمي زينة

صعد السيارة سكتت درت وجهي للجامة ماريد اباوعله ياربي ساعدني اتخطه مشاعري اله مو وقتها احن اله

يمكن بسبب كلام البنات اندفعت ومن شفت نظراته اليه اكثر نبضله كلبي

التفتت اله يسوق ساكت من باوعتله اندار عليه..ابتسملي بحب..النبضات اكثر تخربطت

هالصدفة خلتني اوكع بحبه من جديد ويرجعلي كل شعور حلو..تيهت افكاري بشوفة وجهه

كلشي بي احبه عيونه وابتسامته لحيته الخفيفة دائما وجانت تخرمش شفتي لو باسني

احب كشخته وذوقه وحظوره الطاغي شخصيته المجنونة يعجبني بيها الاصرار عليه

بس رغم كل هذا تذكرت كل معانات عشتها وياه من كل نوع كلشي مسجلته ذاكرتي ما انساه حتى آخر مرة وخيانته هو وهديل...

ساري:وين مخليه الاولاد يم عمتي وحدها

نور:لا تخاف امي هناك وياها

مايا:جاوبتك ام لسان الحية نور

ساري:هههههه تسميج حية

نور:هههههه ايي والله مظلومة عدها

مايا:راح ابجي دمعت عيوني عليج نحتاج جمعية حقوق الانسان هنا

ساري:شعندج وياها ليش مايا ليش

مايا:تكدر تسرع شوي اكيد الاولاد كعدو هسة وامي وخالتي حايرين بيهم

ساري:تدللين الرصاصة مايا

زينة:الله حلو هاللقب يلوك لمايا ههههه

نور:اي والله

سمر:اذا قصدكم بالرصاصة تنحب بسرعة ترا صدك مايا حبوبة

ساري:تردون تعرفون ليش لقبتها الرصاصة

باوعتله بخزر:سااااري كافي

ساري:لقبتها بالرصاصة لأنها دخلت كلبي مثل الرصاصة استقرت بشريان مالازم تتحرك منه والا اموت..باوعلي بأنكسار..

نورةيبووووو هيج الحب حلو

زينة:وشصااااار بعدين

ساري يحجي بقهر:وبحالة نادرة طلعت هالرصاصة نزفت بس بقيت صامد وهاي اني بخير

سكتن البنات..اني ماحجيت ولا حرف درت عيني عالطريق..وصلنه اول ما وصلنه نزلت بسرعة

فتحت الباب بالمفتاح دخلت جوه وراي البنات وآخرهم ساري مادخل جوه...

بس طبيت لكيت ميمي ميته بجي وجهها احمر ودموعها عشرة عشرة كلبي انعصر..بس شافتني صاحت ماما ببجيها

اجتني تركض هي وشعرها الكفشة الوحيدة تلوكلها الكفشة وتخبل عليها ويه وجهها الاحمر ورموشها الكثيفة وعيونها الحلوة

اخذتها لحظني ابوس بيها:اسفة حبيبتي بعد ماتركج ماما

خالتي:صارلها ساعة تبجي وماراضية تسكت فارس فرها الشارع كله

مايا:ليش ماما ما اتصلتي عليه

امي:ماهانت عليه اخرب عليج ونستج

مايا:ونستي هم اطفالي ليش ميته بجي ميمي

فارس:هلكتني بت النعال ومارضت ولا سكتت

خالتي:انجب فارس لا تسب ابوها يمك قربك

فارس:يابه اسفين خاف تزعل مايا ماترضه على ابو اولادها

امي:اكيد ماترضه ولك فويرس اني مارضه على ابو احفادي

زينة:ولللك ابوها بالطارمة

فارس:هاااا شجابه وشعرفج

نور:صادفناه بالمطعم وهو وصلنه

سمر:عيب مايا دخلي جوه واكف بره حاره خطية

زينة:اي ولج دخلي هنا جاي يشوف اولاده

مايا:وانتم

فارس:خلي يدخل مو مشكلة

زينة:عادي يمعودة هو جان زوجج ابو اطفالج وابن عمج قبل كل هاي مو غريب علينه مثل اخونا

سمر همست يمي وحركت شفايفها يمين ويسار:يمممه منجن مساع زحفتن طن زحف عليه

همستلها:وانتي همين وحدة منهن كلتي هالحلو يباوعلج ههههه

ظلت تضحك:ماقصدي والله بس انتبهتله غريب يباوعلج هواي

فارس راح للباب:تعال تفضل خويه

اندكت باب الهول وتحمحم ودخل

ساري:سلام عليكم

كل احنه ردينه السلام

خالتي:هلا يمه تعال تعال وليدي

امي:هلا ساري عمة تفضل

ساري:هلا بيكم خالة وعمتي شلونج

خالتي:عيني يمه الحمدلله

امي:على الله وليدي

شافته ميمي وسمعت صوته كامت تبجي أكثر ذبت لهايتها وتصيح بابا بدموع..وجهها احمررر

ساري اخذها مني حظنها قوي:حبيب البابا..وخرها يبوس بيها..شبيها ليش تبجي وجهها دم صاير جسمها حااار

امي:كعدت من النوم ماشافت امها وكامت تبجي جانت مصخنة شوي

ساري:اخذها للطوارئ

امي:لا يمه انطيتها دوى هسة تخف كله هجي هل ايام هواي تبجي تغار من اخوانها

ساري:آهااا طلعت غيورة بتي مدري عليمن..يباوعلي ويبتسم..

رحت جيكت توائمي نايمين جنهم ملائكة هسة يبدي دوامهم بال 12 بالليل وللصبح

طلعت ساري باقي واكف بمريم حاظنها وهي نايمة على كتفه ومحاوطته بيديها الصغيرة وساكتة من شالها

وخرها يمسح بخشمها بكلينس ويمسح وجهها ويبوسه ويكلها الحلوين مالازم يبجون ترحين ويه بابا تنامين يمه

هزت راسها بأيي

ساري:منو سواج واوا ماما لو بيبي..ويأشر عليه

تأشر عليه الحقيرة وهي ماتفهم شي بس متعلمة تأشر ومن واحد يسألها شي متعلمة تجاوب بأي او لا...كامو يضحكون البنات وامي خالتي حتى فارس...

خالتي:تعال وليدي اكعد ليش واكف

ساري:يرحم والديج خالة راح امشي بس اشوف اولادي

مايا:نايمين

ساري:لعد اروح آخذ مريم وياي وباجر اجيبها..مايا بلا زحمة جيبي اشياءها

مايا:خليها باجر أخذها

ساري:اريحج من واحد الليلة

مايا:لحظة اجيب غراضها

اسمع فارس يكله اكعد يمعود..حتى امي وخالتي والبنات يصرون عليه..

حطيت الها ملابس وممياتها ولهاية جديدة احتياط خاف تضيع مالتها وحليبها بجنطتها مع انو هناك عدها همين اشياء ماخذيلها حتى ملابس للأحتياط بس لازم

طلعت لكيت كاعد يم امي وديحجي ويه فارس ومبين ماعاجبه لأن فارس شاب ومن عمري ومرات يباوعلي بنظرات غريبة

مع انو الف مرة محسسته هو مثل اخوي وحتى اني وياه مثل اني وساري بس نتعارك ونتمالخ همين

مرة ضربته بالقندره وعصب راد يضربني لوما خالتي..وهيج كل مرة نلتقي نتعارك كبرنه وانكطعت عنهم من اتزوجت بس قبل رجعنه نتواصل

ويجي ويه امه وخواته ويباوعلي صارله فترة..حتى مرة لمحلي ممكن يتزوج مطلقة وعدها اولاد بس اني سديتها بوجهه من البداية

ديحجون البنات ومندمجين وياه اما فارس مبين مو طايقه ولا هو طايق فارس..ميمي بحظنه

جابو سيرة الشغل..تذكرت اني همين كلت لأمي خلي يشدون حيلهم اطفالي ادورلي شغل اريد اصرف على نفسي بنفسي...

بنص حديثهم حجيت...من حجيت سكتوا كلهم

مايا:اني دا ادور على شغل

ساري التفت الي:واطفالج وين تخلينهم

مايا:عند امي ماعليهم شي او الحظانة..وانته ماتقصر اكيد تجيبلهم مُساعِدة

ساري:اي كتلج اجيبها الج بس مالكينه وحدة ثقة لهسة انتظري عليه شوي

مايا:هو دا انتظر

ساري:ماحاجة تشتغلين مايا شتسوين بالشغل وانتي ما محتاجة دا توصلج كل نفقتكم انتي والاولاد

مايا:ومنو كال دا اصرف منها على نفسي هاي حق اولادي مالمس فلس منهن..حتى جيت اكلك هالشهر لا ترسلها عالشهر الوراه ماحاجة ماخلصن مالت الشهر الراح

ساري:انتي امهم وهاي النفقة حقج

مايا:لا ماملزوم تصرف عليه ماريد شفقة اكدر ادبر نفسي بس الكه شغل..ونسيت اكلك سرع بالمحكمة ترا صارت طويلة

ساري تجاهل كلامي عن المحكمة:تمام اذا مُصرة عالشغل تعاي اشتغلي يمي بالشركة

مايا:ساري كتلك ماريد مساعدتك ولا شفقتك

اعرف يريد يشغلني حتى اكون كدام عيونه ويشوفني كل يوم..بس ماريد اشوفه كل يوم ماريد اضعف كدام مشاعري اله

مع انو لهسة ماطلب مني نرجع بس خايفة اضعف واتراجع عن طلاك المحكمة..

ساري:شفقة ايش..اعتبريني شخص غريب ودبرلج شغل

مايا:افكررر..بس اشوف المُساعِدة عندي اشتغل ان شاء الله

ساري:تمام رديلي خبر لو وافقتي..والعاملة تجيج وثنين لو تردين

مايا:لا وحدة تكفي وتوفي لأنهم اربعة رضع ومدا الحك حتى انام

ساري:تفداج الفلوس يابه كلشي ولا صحتج

زينة كامت تخرمش خدودها بالصامت ونور تلطم على راسها سمر ميته ضحك وكاتمه الضحك..

اما امي وخالتي لاهيات بسوالفهن حش وغيبة بمدري منو وفارس يباوع بنص عين لساري...

ساري همين يباوعله بخزر..الا شوي يكوم ياخذ مسدسه ويفرغه براس فارس

فارس:اني عن نفسي ماحب المرة تشتغل الا اذا ماعدها رجال يسندها

ساري:اييي صحيح اني من رأيك فارس

زينة:وليش شنو بيها ماتشتغل المرة تصرف على نفسها ومايذلها رجال

فارس:يعني هسة اني اذل خواتي وامي لو صرفت عليهم شهالحجي

نور:الذلة يمكن ماتجي من الأقربون ممكن زوجها يمن عليها

مايا:حتى الاقربون يمنون

فارس:ما منيت على اهلي ولا بدينار رغم اخواني عافو امي اني ماعفتهن

مايا:شفت هسة منيت عليهم..ولو ازوجت مرتك تصير حياتك

فارس:ما منيت عليهم دا اذكرج اني ماعفتهم وماعوفهم حتى لو اتزوج

ساري:النسوان شما تسويلهم ينكرونه بلحظة اعصاب يمعود شكد ما تحجي وشما حجيت حتى لو مو بقصد يعكسونه بلي يفيدهن ويحولنه ضدك

مايا:يعني اتفهمونه انو اذا طلعت كلمة منية منكم راح تكون بغير قصد

ساري:مايرادلها دراسة ومناقشة مثل حجاية فارس تعتبروها من على خواته وامه من هسة كال ماعفتهم

فارس:اي صح لسان

ساري:يصح بدنك حبيبي

فارس:وسالفة الشغل مايعجبني خواتي يشتغلن لو متت او ازوجت وعفتهن على كولتج ساعتها يرحن يشتغلن اذا قصرت

مايا:ومنو كلك نشتغل بس علمود المادة..انتم الزلم نرجسين تردون الاهتمام والحب والونسه الروحة والجية والنجاح والعصمة والراحة كله الكم وماتردون ولا شي من هاي للمرة تردوها تبقه عبد تمشوه مثل ماتردون ومالها اي شخصية تالي متالي كلمة بسيطة اخاف عليج

ساري:لا منو كال هالحجي لا تشملين الكل اني احب المرأة القوية ماتعجبني الضعيفة لهسبب احب قوة خواتي وامي

سكتت ماحجيت واني اباوعله ساعة بخزر وساعة بمحبة وعاطفة..صرت متناقضة من وراك ساري

بعد السوالف شوي واستأذن يبوس الاولاد راحلهم بالغرفة وطلع كال اروح خذه ميمي وراح فقدتها بس يالله الليلة بس

عفت البنات وخالتي استأذنتهم انام نعسانة..كالو لاااااا مايا سهري ويانه

سمر:انجبن بلا احساس البنية تعبانة دتسهر هسة شوي ويكعدون اطفالها

مايا:اي والله انام شوي واذا كعدو اجي يمكم

اشرلتهم بيدي باي رحت بدلت بسرعة لبست بجاما بس طويلة الردانات اخاف اطلع الكه فارس هنا..كالو ينام بالمجلس...

شمرت نفسي انام انشغل بساري ماعرف شصارلي اليوم من شفته والله طير عقلي ألي شبيه مادري كأني اول مرة اعرفه واحبه

لازم مافكر..تكلبت وتكلبت ماكدرت انام لعنت الحظ الف مرة اريييييد انام نعسانة وماكدرت جافاني النوم

فتحت مبايلي دازلي رسالة ومبين بيها غيران من فارس...

كاتبلي"ابن خالتج هذا ماعجبني ملطلط"

رسالة ثانية"ما تتصورين شكد سعيد بشوفتج وشكد مشتاقلج بعد حيلي انتي"

شكتبله هسة حتى واني ماعدت زوجته رجع يغازلني وصراحة صار فترة عن هالغزل حبيت كلماته

رديت عليه واول مرة احاجي بلطف:مجايني نوم افكر بسالفة الشغل رغم نعسانة

رد عليه بسرعة:ولا اني نمت شفتج ولا راضية اطلعين من عقلي مايا مشتاقلج

اريد اكتبله واني بعد مشتاقتلك موت وللعرايك وياك...

::ساري

::نعم

::اني موافقة اشتغل وياك

::بهالسرعة؟ شنو صار؟

مايا:ايي بهالسرعة بس مو تلعب عليه وتحاول تصير شهم وياي وتنطيني راتب اكثر من استحقاقي

::لا اكيد ما اتحايل عليج على كد حقج وشغلج..شنو صار وافقتي بسرعة

::ماريد شغل بس حتى اصرف على نفسي امي ما مقصرة بس همين راتب التقاعد مالتها مايكفي واني اريد الهي نفسي شوي عن تعب الجهال

::كتلج ماتحتاجين الشغل واني موجود ليش ماتتقبلين النفقة دا احسب حسابج ويه الاطفال

::ساري كافي تزيد وتعيد كتلك اريد احقق ذاتي بالشغل ما اكضيها أكل وشرب ونوم وتربية الجهال اريد احس بشي انجاز واصرف على نفسي ماريد فلوسك ماعدت مرتك

::تمام تمام فاهمج..شوكت تكدرين تجين للشركة تعاي بس خلي اشوفلج عاملة تساعدج

::سارة ماتكدر تجي يمي او تغريد

::وشفهمهم بالجهال..همه عاملات بيت مو مربيات

::مشتاقتلهن

::تعاي هناك فد يوم

::لا ماكدر

::امي مخططه تسوي عيد ميلاد لمريم مالحكنه نحتفل بدورة سنتها

::اهااا تحتفلون يمي لو بيتكم

::ماعرف اكيد بيتنه

::يمكن ماكدر احظر

::لا مايا تحظرين مو عيد ميلادي هاي بنتج

::الله كريم شوكت

::هالاسبوع ودتخطط وتجيب الاشياء والزينة

::يفدوة شكد تحبها

::كلهم تحبهم

::شنو ميمي نامت

::لا كاعدين اني وياها جنه نلعب هسة كاعدة كبالي بعلاكة حلويات اكبر منها

::صدددك تحجي مو كتلك مو زين عليها هالكثر شي واحد باليوم

::خليها مدللة بتي مادام ابوها عايش

::هذا مو دلال ساري دتأذيها بالحلويات

::شسويلها دتبجي وتريد تعلمت يم خالتها عالحلويات اختج ترضع نساتل واجباس

::هههههه شعجب مالاكفكم حسام لو سديم

::اني ماحب هالسوالف الكم انتم البنات

::ماحب كل الحلويات..تصدك جوعانة على تمن وقيمة بهالليل

::شنو حبيبي تشتغلين عالهوا وصرتي حامل من نظراتي طفل حررام نزلللي ولج كافي صار عدنه عشيرة

::ياااااامكروووه صوج الي تحاجيك...

سديت المبايل وعفته..بجه مصطفى اخذنه لحظني ابوس بي يمه شكد حلو هالعنون كمت اشمشمه وابوس بي قوي

كام يبجي اكثر ضحكت كمت سويتله حليب علمى سويتله حرك الجو وكعد أيفا لحكتها فاطمة

اسماءهم ما متناسقة بس حبيت اسم إيفا من زمان جنت أحب اسمي فصار نشاز عن اسماء اخوانها

اجن البنات يمي وحدة ترضع فاطمة وحدة بيدها إيفا والثالثة مصطفى...كلولي ارتاحي احنه نساعدج رجعي نامي

مايا:وين نمت

سمر:ليش ولج مو كلتي تعبانة عبالنه نايمة

مايا:الي تشوف وجه ساري تنام عليكم الله

زينة:ههههههههه ولج طلعتي غركانة

نور:انيييي الاصيد الاحباء عيونكم أكلت بعض والله بالاخص هو

مايا:ماله علاقة بالحب مانمت افكر بالشغل

زينة:مو كلج تعاي اشتغلي وياي شنو يشتغل هو

مايا:عنده شغله الخاص شركة لل.......... جنت اشتغل وياه من قبل

نور:يمااااي فدوة مايا سولفينه شلون ابن عمج وشلون حبيتوا بعض وشوكت جبتو هالثلاثة

متيا:ماريد احجي بالموضوع

سمر:عفية مايا احجي

زينة:ايييي فدوووة حلوة العينين مايا احجي

نور:احجيييي لا احط سجين ببطنج

مايا:ههههه على كيفج السايكو

سمر:احجي مايا لا تخليه نتوسل بيج

مايا:عوفوني بحالي ماريد احجي بالماضي

سمر:خوش فهمت عليج

زينة:لاااا لااا الا تحجين مايا امووتج

نور:حقيييرة اريد اسمع قصتكم

سمر:كافي بنات كالتلكم ماريد احجي بالموضوع

نور:بس اريد اعرف شي واحد هو يحبج

مايا:اييي يحبني

نور:ليييش تركتي لعد

مايا:ماتفاهمنه ولكل بيت اسراره

نور:تحبينه عليج الله

سكتت دنكت راسي رجعت شعري وره ذاني رفعت راسي كلت الي احسه والي بكلبي

مايا:الحب!! كلمة ماتعبر عن الداخلي اله ولا عن الحسيته الليلة بالذات..تجددت مشاعري بكل نظرة منه عليه

زينة:اوييييلي ولج اريد أحب..اني احب هجي شخص واتركه لو شيصير يريد يخون خلي يخون براحته المهم هو الي

نور:عابتلج وادوسين كرامتج وين الج ويروح منا ومناك

سمر:والله يصير وياها وتكون ساعتها يختلف كلامها وتكسر راسنه ببجيها

زينة:شبيييج نتشاقه

سمر:مايا حبيبتي ماعرف شصاير وياكم مبين الي فرقكم كبير والا ماجان تركتي اتمنه الله يعوضج خير هواي تأذيتي بحياتج

وجعني من اتذكرت هو وهديل..هالشي وحده كفيل يدمرني دمار شامل لذلك ماندمانة تركته مو سهل تحمل الخيانة

مايا:بنات قبلت اشتغل وياه من جديد

كلهن شهكن سويه

زينة:حنننننت حننننت والله حنت

نور:تردين حصرة بالزواية حبيبتي ويرجع امجاد الماضي ويجيبج ببوسة

مايا:ايييع عااابت احنه بمكان شغل مو بالبيت وهلكد احنه مراهقين ترا هو محترم....

سكتت حتى الجذب كام يضحك عليه المكروه المجنون محترم هسة لو حاصله يكلوله تبوس مايا يسويها حتى واني مومرته يعرف حلال حرام هذا...

بقن البنات كاعدات وياي للفجر نامو الأطفال واني اخيراً هدئت ونمت يوم ثاني اجه ساري جاب مريم العصر ماطلعت امي خذتها

كعد يمها يحاول يشوفني ماطلعت امي خذتله الاطفال يشوفهم..راح بعد ماصار مغرب يأس انو يلمحني

دازلي رسالة"مشتاق للصدفة واهل الصدفة معاندين"

رديت عليه"خلصت وانتهت لا صدفات تملي عينه ولا تشيل شوق كلبه"

وبرسالة ثانية كتبتله"عجل بدعوة المحكمة طولناها وهي كصيرة انتهينا احنه ما منه رجعة...

رجع عليه"دا اتعذب من غيرج مايا ماكدر اعيش باقي عمري وانتي مابي تراجعي عن قرارج..رجعييييي..

كلبي كام يدك براسي من رسالته صارله اشهر ماكلي رجعي..غلست عن الرسالة مارديت

اريد يتمسك ويكررها اكثر من مرة ويكلي رجعيلي مو رجعي..

هالاسبوع كله بعد ماشافني واتعمد ما اطلع حتى ماتصادف عيونيه عيوني واضعف عن موقفي

بعدني مانسيت الماضي واعرف ماراح نتفاهك لا هسة ولا بعدين ولورجعنه راح ترجع المشاكل لحياتنه

مشت الايام ولا اخلي يشوفني يراسلني والا شوي يتوسل بيه حتى بس يشوفني يصل يريد يسمع صوتي ما جاوبه اكله خابر امي

ماعادخا ولا كال مايا تراجعي عن قرارج بس هو مغلس عن طلاك المحكمة يكول مشغول بس هو كذاب يأجل

جابلي مساعدة وخوش بنية هبة ريح ونادرة كُلش بالليل تساعدني هواي وحتى بالنهار ولطيفة هواي مهتمة بالأطفال

بس همين ما اثق تماماً لازم نكون حذرين من هالبشر حتى لو يبقون الاطفال مو الهم وممكن مايهتمون مثل الأم

صار عندي وقت اهتم لنفسي اكثر رياضة ماكدر امارس بكثرة بسبب العملية بس نحفت بطني هواي

رجعت مثل قبل لشكلي والكل يكلي حليانة..عمتي سوت عيد ميلاد لميمي ماحظرت عناد بساري بيومها تعاركنه

يريدني اجي واني عاندت ماريد احتفلو وحدهم كلهم عتبوا عليه سديم ورهف ماحظرت ساري وحجاياته الغثيثة

تناقشنه ونهاية نقاشنا يكلي تعاي ماراح انفرد بيج واسويلج شي..كتله مادامك حجيت هالحجي ماحظر عناد بيك

دزولي الصور مسويلها عيد ميلاد كبير عازمين كل معارفهم..

تغيرت هواي عن مايا القديمة من صرت ام صرت اكثر حذر واكثر حنية واكثر معطاءة للحب واكثر هدوء.....

دا ابدل مصطفى احنه طهرناه بعد أيام من رجعتهم من المستشفى كلنه خاف يتأخر وينكلب ويصير صعب تطهيره ونضطر ننتظر لمن يمشي

واني دا ابدله طشرها عليه بولته الحقير كمت اضحك اغطي بالحفاظة واني اضحك وهو يضحك على ضحكتي

قمر:يااااء يااااء شسوه

اضحك من كل كلبي:فدوة للعيون الحلوة حبيبي

رن تلفوني رديت بدون ماشوف المبايل واني اضحك..كلت الو بضحكة

ساري:دوم الضحكة ضحكيني وياج

وخرت التلفون باوعت لأسمه حجيت بس بشفايفي:وثوول شبيه رديت بدون ماشوف هو ينتظرها من الله واني مانعته من صوتي

ساري:هاااا سكتي مبين بالغلط رديته اخذي راحتج

مايا:لااا تعال دا اضحك على مصطفى

ساري:شمسوي

::غركني وسبحني دا ابدله الحفاظ ههههههههه

::هههههههههه ايا السرسري

::عليمن طالع قابل عليه

::لا حشاج عليه اني السرسري

::ههههههه رحم الله امرءاً عرف قدر نفسه

::اخخخخ لو اطيحين بيدي

::وشسوي عيناي

::اسحل اجدادج كلهم

::اجدادك لا تنسه

::هو بقوا اجداد كل يوم اشعلهم

::ليش شكووا

::مشتاق لناس عنيدين اخخخخ منهم

::احم شنو ردت

::دزيتلج رسايل ماتردين خابرتلج..جيت اكلج شوكت تكدرين اداومين داومي

::اي ردت اكلك بس امي مرضت وماكدرت

::تمام براحتج..سلمي عليها بعدين اجي اشوفها

::اي خوش طلع الاطفال وياك

::وين اليوم عندي شغل لراسي ماكدر على باجر

::شعندك من شغل

::صاحبتي جايبها لغرفتي ودا ارتب الغرفة واسويلها جو رومنسي.. شنو من شغل يعني

::وشيصير لو عفت الشغل اليوم طلع اولادك اليوم يومهم واطلعهم

::اذا تردين تجين تشتغلين بدالي اطلعهم

::ومن صعوبة شغلك جيب لابتوبك اخلصه الك

::شعندها المهندسة

::تذكرت راح اروح للقراية جيرانه مسوين هههههه

::هااا انسحبتي..ولا يهمج اجيب لابتوبي اليوم اني كله يمج انتي عزمتيني ماعليه

::ياااء شوكت

::قبل لحظة..هسة عندي شغل حبيت سماع صوتج باي..همس..مشتاااقلج...

سداه اشوف كلبي تخربط بكلمته هاي احبها بلسانه وصوته واقعها يختلف تخلي كلبي يرجف رجف من يكولها

انتظرته ما اجه دازلي رسالة انشغلت..ماكدر وعندي اجتماع خاص بشركائي بعد الدوام راح نتعشه بمطعم

اني شمنتظره منه ليش هيج دا انتظر من ساري مبادرة رغم هي مرة كال نرجع بعد ماعادها ومن اكله المحكمة يتحجج

تعبت ماعرف شريد اريده يرجع يتمسك بيه مثل قبل وماريد يكلي بس مشتاقلج ويتغزلني ماقبل من يتغزل اعصب اكله احترم نفسكاحنهماعدنه مرتبطين

بس همين بداخلي اريد ارجعله وماريد اتذكر كل المريت بي وياه وكل خيانة ولحظات بجيت بيها بسببه

اعرف والله وميقنه اني هسة ميته عليه ولو رجعتله راح تنكلب حياتنه وتبدي المشاكل من جديد

هاي اول مرة ارد عليه ويسمع صوتي من زماااان ماسامعه ولا شايفني..بالليل حجينه بالكتابة اتفقنه اجي اداوم باجر

مانكر جنت متحمسة اشوفه ويشوفني ويترس عيونه شوف بيه واني اتأمل نظرات الحب بعيونه والأكثر يكلي هذيج الكلمة

"مشتاقلج"

مانمت للصبح افكر شلون راح يكون الدوام من جديد نفسهم الموظفين لو تغيروا وهل راح اكدر افارك اطفالي

هل راح ينتقدوني وهو طليقي واني اشتغل وياه بالعراق ماكو شخص ابن عمج وابو اولادج دوم نظرة ظالمة للمرأة

صار الصبح كعدت يم امي اتريك بدون أكلت لكمتين..حجيتلها عن الشغل..ماراضية شكلها بس شافتني مستعدة سكتت

كمت ابدل ملابسي لبست اسود بأسود احنه بشهر محرم وبدايته..لبست اكسسوراتي ونظارتي الشمسية بدون اي مكياج ثكيل ماعدا مسكارا خدودي وشفايفي من الله ورديات

رن تلفوني شفته هو قطع الاتصال من شافني مارد اجتني رسالة..انو سامر بره ينتظرني

ودعت امي وصيت قمر عالطفال بحذر وصيت امي ماتغفل عنها..رحت بره تنتظرني سيارة سامر صعدت وسلمت عليه من زمان عنه

اتجهنه للشركة متوترة شنو راح يكون رد موظفينه فاطمة وزهرة ولبنى ياترا بعدهم..ضجت من فكرت ممكن تكون هديل وياهم

وصلت نزلت بهدوء فتحلي الباب سامر متغيرة هواي امور هنا..مختلف المكتب عن آخر مرة شفته..

التفتت على صوت بنية:شلون اكدر اخدمج

نزعت نظارتي الشمسية:منو حظرتج

::اني سكرتيرة المدير

::اعرفه مايحط سامر سكرتير يدور بنات سكرتيرات الفاسد

::عفواً تحاجيني

::لا حبيبتي اريد اقابل المدير

::اي لحظة استراحي منو اكله

::بنت عمك مايا

::اهلاً مدام كالي راح تكونين حاظرة اليوم انتي الموظفة الجديدة

::اي اكدر ادخل هسة

::تفضلي مدام الاستاذ ينتظرج

دكيت باب المكتب سمعته يكول تفضل..بس دخلت رفع راسه اليه ابتسامته اتسعت

ساري:مايااا

ردت اكول اهلاً...............يتبع

مناهل مالها جانب اليوم احداثهم كلش عادية هسة توقعكم شنو راح يصير

اذا تظنون ساري تحسنت احواله مخطئين راح يمر بأزمة نفسية كُلش قوية والسبب موجع 💔☹️

غش....للي راح يصير بعد هالفترة

حجيت بصوت كله بجي ورجفة وعيوني اتصب دموع:ليش تسوي بنفسك هيج الصار الي ولسارة مو بيدك مو انته سبببه

ليش مستمر تعذب نفسك حررررام عليك والله دتعذبني وياك واولادك مالهم ذنب بكل هاي

انسسسه كافي تخطه دتعذبني اكثر واكثر من اشوفك بهالحالة وين الواعدني ما اذيج بعد وانته ماتحفظ وعد حتى لنفسك تاذيني وتأذي روحك بأستمرار انسسسسسه

صاح بكل عذاب:ما انسه ماراح انسه ماكدر اتخطى الي تعرضتو اله انتي ومرت حسام وسارة بسببي كللله بسببي

::والله موووو بسبببك انته مالك ذنب اتخطه راح اموت اني والله راح امووووووت....يتبع

تابعوا قصتي الثانية كلشمشوقة ومليئة بالمغامرات والتشويق