عروس دجلة
الكاتبة نجمة.
كون توكع بناس مايواسك حت بكلمة شلونك.
اصف اصف ابوس يدك لا تاخذني والله ماعيدها وعد حت اذا تريد اقفل لباب ورح.
مارد اخذني وخلني بسياره شكد توسلت ماكو فايده طلعنه وكل طريق ساكت واتوسل بي ماكو مايرد.
وصلنه لمكان غريب ومحد اكو تعرفون الانبار اغلبها صحراء واماكن مثل تلال رمليه وحجري نزل ونزلني.
اني كل هذا الوقت منتظره يحجي.
اصف. تعرفين هذا المكان تعرفين حياتي تعرفين بشنو مريت كلشي ماتعرفين اني راح احجيلج وبعدها اطلق صراحج
اني لولد لوسطاني مبين اربع اخواني جنت لوصي ع اختي يعني مسؤول عليه بكلشي امي جانت ماتامن غير تعوفها يمي اساور جانت جميلة بشكل وتخاف من تطلع واجبات تاخذها كلما تاخذها تتمرض صارت تتركها يمي وتروح جان اساور متعلقه بيه كلش
مرت حياتي بسلام وابوي جان يحبها حب مو طبيعي هاي لبنت لوحيدة ع اربع ولد ولمدلله مالته صار عمري. 16سنه وهي عمرها 12 بهذا اليوم جان الجو بارد وكاعدين ندرس اخوتي لكبار بالمدرسه وامي وابوي طالعين واخوي الاصغر مني ماخذته امي
جنه بلبيت بس اني وياها كعدين امي اتصلت وكالت روح جيب نساتل لاختك هسه جاعت كتلها ابقي ادرسي لبين ماروح اللاسواق وارجع
محتاجه شي سوسه حبيبتي
اساور. لا صفصف بس لاتتاخر
خمس دقايق يمج جانت ساعه ب2طلعت اركض للاسواق اخذت نساتل وجباس وككو وبسكت ورجعت همين ركض فتحت الباب اسمع صور انفجار دخلت اركض جانت كابه الصوبه واساور اثنينهن شلت لزوليه شمرتها ع نار حتركت رجعت جبت بطانيه وغطيت اساور طفت بس بعديش
التمو الجيران واخذنها للمستشفى لتمو اهلي كلهم بس الحروق من درجه لاولى وصار عدها تسمم وماتت بيومها ابوي كعد يبجي مثل نسوان شكك حت ملابسه امي نهارت صار عدها سكر دخلت بحاله صدمه كلما اغمض عيوني اشوفها شلون محتركه وتصرخ
صارت الفاتحه والكل بحاله صدمه اسبوع اهلي محد كدر يتخطه صار ابوي وامي طردوني من لبيت لان اني سبب بقتل. ابوي جابني هنا بقيت اسبوع عايش ع خبزه ولمي وليل يجي لبرد والحيوانات لحد ما جدتي طلبت يرجعني لان
اختي اني حركتها اني سبب موتها اخذتني جدتي يمها بيتها هي وعمي الجبير اربع سنوات كملت دراسه شلون ماجان اهلي ماسئلو عني بعد
عتبروني ميت من ماتت اساور وعمي صار مايطيق وجودي بيته خلصت سادس ورحت لاهلي
محد استقبلني دخلت والتمو كلهم ابوي كال
انت وحد ميت مالك حق تدخل هل بيت وامي نفس الكلام اخواني عادي عدهم
اني طالع من حياتكم وبيتكم بس ربكم يحاسبكم حرمتوني طفولتي وشبابي خلتوني احس بذنب اني مامسوي
الله واكبر عليكم ياا ظالمين طلعت ورحت لبيت عمي ودعت جدتي انطتني علاكه وطلعت من حياتهم اجيت
البغداد صرت اتوسل بابو المطعم يشغلني يمه.
صرت اسويله كلشي حت يشغلني شفق عليه وخلني اشتغل يمه شويه شويه صار يثق بيه ونطاني لمشتمل جنت عايش بيه هو قدملي ع جامعه وصرت ادوم يوميه نفس لبس والحذاء ابو شغل ينطني حذاء صار شغل المطعم زين صار ينطني فلووس امشي نفسي بيهن اطلع من صبح مشي علمود اوفر كروه وارجع من وكت حت اشتغل بالمطعم
مرت خمس سنوات تخرجت ولفلوس يلا يسدن كهرباء ومي
صرت اوصل اكل امج جانت دائما تطلب من لمطعم مالنه اني اوصل الاكل لكم.
المهم زوجه ابو لمطعم طلع عدها مرض مو زين وحار بنته وين يخليها خفت ينعاد نفس شي وتصير مثل اساور بس هو صاحب فضل عليه ويثق بيه خلها يمي روز ورح
صار اخو ابو المحل صرت اشتغل وياه ومنها ابقه يم روز اخف تسوي شي واخسرها مثل اساور
روز صارت تكولي بابا جنت ع تواصل مستمر وياه بقه يعالج بزوجته سنه كامله ومن حلو حضه طلع بيته بالانبار واجه اخذها وهاي ثاني خسره بحياتي
صفا.شلون عرفت امي هي لقتلت شمس.
من جنت اوصل الاكل عرضت مبلغ ماخلاني اكول لا طلبيت احرك بيت ونطتني العنوان رحت شفته طلعت عايشه بيه شمس وبنتها من شفت شمس شفت اساور بيها كبل تراجعت وبفضل امج نطردت من شغل صرت ع حديد والمبلغ لطلبته منج جان صاحبي محتاجه واخذته منج بس الذهب بقه اخذي
وهسه هاي حياتي كلها حجتها لج وهسه كومي اخذج لاهلج اخذني كل طريق ساعته شلون جان يحجي ويبجي ع اخته طلع. عايش اسوء من. حياتي واني ضلمته وصلنه لبغداد هو ماحجه لا كلمه
وصلنه لمنطقتنه نزل شتره فون وخط ودك عليه ونطانياه وصلنه قريب ع فرع.
مالتنه اصف اريد اعيش وياك
اصف. هه بعدج صغيره روحي شوفي حياتج حياتي صعب تفهمني اي شي تحتاجي اتصلي بيه اني مارجعج لما تكدت انو حيدر هنا
صفا. صدك حيدر رجع
اي رجع يلا نزلي
ديربالك ع نفسك نزلت انتت طيب بس شكلك من تعكد حواجبك تصير شرير.
عقد حواجبه وباوع. عليه وين راح تروح
اصف. ادور نسوان يلا في امان الله
سويتله حركه مخبل بيدي ضحك وراح بقيت انتضر لحد ماختفى من شارع دكيت لباب
نرجس. منو
اني صفا فتحت لباب ركض وحضنتني شتاقيتلج وين جنتي لاتجين لاتسئلين.
هسه عوفج مني حيدر وين
بشغل
وامي
بسجن
شنوو منو سجنها وليش
هي سبب بموت شمس وبنتها
شنوو شمس ماتت
اي ماتت وامي
اشش لاتحجين لبنات وين
بدوام
دخلنه مر لوكت واني انتضر حيدر يرجع كلش ضجت ع موت شمس ماتستاهل تموت
واحس صار فراغ من هسه بحياتي ع رغم اصف ماجان له دور جبير بحياتي. بس احس مكانه خلي جواتي ردت اتصل وبطلت
في الريف
ماس. شجابك هنا ومنو سمحلك تدخل وتصيح هنا لمكان له حترامه امشي اطلع برا
سيف. ماس هاي سوالف زعاطيط تبطليها فهمتي وطلاك ماطلك
ماس. هه ماخذ اذنك واطلك وغصب عنك بعد فهمت انتت بعد مالك وجود بحياتي
انسحبو حيدر ورواد ورحو سوه سفرتهم سم سيف.
دخل بابا. اني بنتي مثل مانطيتها لك امان راح ارجعها انطيتها تعزها وتقدرها مو تذلها وتتزوج عليها بنت مو من شارع جايبها لو عبالك ماكو اهل وراها
سراج. هسه تكدر تطلع برا واحب اكلك لاتصير رجال وتكول كلام مو كده فهمت
طلع سيف مذلول ابد مو نفسه سيف هذاك لقديم صار وحد بارد مستفز حقير
رجعت طلعت حركه كلبي بالبيت وتنضيف كملت ورحت لغرفتي سديت لباب شبعت بجي لحد ما نمت وكعدت دنيا ليل وصوت تلفوني فتحت لخط كبل الو
هلاو ماس اني صفا
ماس. هلا صفا وين انتت احجي وهسه نجي نرجعج
صفا. يعمري تسلمين اني بيت اهلي واريد اكلج لبقيه بحياتج
ماس. لحمدلله ع سلامتج لبقاء لله
صفا. ماس قوي نفسج لضعيف مايعيش وحالج وحال حيدر كسر كلبي والله بعد ماشفت حيدر متت قهر
ماس. صعبه صفا لكلام سهل بس لفعل صعب دا امر فتره صعبه كلش عليه
صفا. اني حسبيني اختج واي شي تردينه بس كول واحجيلي كلشي يشهد الله حبيتكم انتت وشمس اول ماشفتكم دخلتو كلبي
ماس. ماتقصرين دوم جنت احب تكون لي صديقة وهسه انتت صديقة واخت ان شا&ء الله
صفا. احجيلي احسج مهمومه
ماس. اوف لبكلبي هواي ماكدر احجي بس تعبت وراح اطلك
صفاا. شنو هو شلحكتي تشوفين من حياتج حت تطلكين
ماس. هو خلاني بزاويه ولج اهلي حسو بيه وهو ما
ماسئل عن حالي
صفا. افضل سحبي نفسج وعتمدي ع نفسي ولاتحسبيله حساب.
ماس. هو هيج يلا عمري اتصل بيج امي تصيحلي
تمام باي
سديت لفون منها ورجعت دكت الو ها صفا
اني رواد
باوعت ع فون ضربت كصتي هلاو
ويامن مشغوله صار ساعة
عفوا عفوا هذا شي خاص بيه لاتسئل هيج سؤال مره ثانيه
رواد.خلص ماسئل بس احب اكولج بعد يومين جلسه اذا تحبين ترجعين لزوجج فكري زين
قبل ماتخطين خطوه
ماس. فكرت وقررت وشفته افضل قرار
رواد. براحتج بس ابوج ضروري يجي لان هو لوكيل مالج.
تمام باي
سديته وكعدت افكر واعيد قراراتي ماردت اندم بعدين فكرت زين لكيت نفسي صدك جان مجرد هتمام اخ بخته او شفقه بس اني جنت احب هل اهتمام منه لان ابد ماحسته بي لا من اخ ولا من اب لو ام خلص لهنا كلمن يروح بطريقة
مرن هل يومين بسلام بدون اي مشاكل بيوم المحكمة اجه حيدر اخذنه اني وابوي وعمر رحنه
واجه المحامي حجه ويانه ونتضرنه القاضي.اجه وسيف ماكو بقينه ننتضر اجه هو واريز جانت طالعه مثل العروس مكياج ولبس قدم الاوراق المحامي للقاضي. وكد يحجي ويانه واني بعالم ثاني اشوفه شلون يباوع عليها قرر القاضي وسئلني موافقه.
نعم حضره القاضي
وسئل سيف. وصبحت حره طلعت مادري شعور حلو وبنفس الحاله ضايجه من شفته طلع مامهتم ويضحك وياها ومشو رجعنا بس حيدر ماقبل لا نروح نتغدا يمهم اخذنه لبيتهم
ستقبلتنه صفا هلاو حبيبه شلونج
ماس الحمدلله تمام وانتي
صفا. ع الله تعالي احجيلج بس تغدو بالاول
صبو الغدا وتغدينه ورحنه بغرفه صفا كعدنه
صفا. ماس مبروك اول شي خلصتي من لحمل ع كلبج واريد منج ماتهتمين بعدج صغيره وتجننين عيشي حياتج اشتغلي الهي نفسج وعتبري سيف مجرد اخو لج صدكي راح تصير حياتج سهله
ماس.ريحتي كلبي الله يريح كلبج جنت احتاج لهل كلام
صفا. اووف كلبي وبي اصف مايرتاح ولج راح يجلطني بتصرفاته كلش معذبني
ماس. هههه خيرج سويتي
صفا. صار هو لخط مال جامعه مالتي والبنات كلهن عينهن علي نوب ماكتلهن تزوجت ومحد يدري اصلا
وهو فرحان بهل سالفه نوب ارقامهن كلهن عنده وشيطان يلعب بعقلي
ماس. مو ختاريتي ترجعين لاهلج تحملي
صفا.راح ابجي كلت ابتعد عنه ارتاح وافكر ع كيفي بس مو هيج يسوي والله كلش اضوج وكرهت الدوام حت افكر مادوم بس اخاف يصير شي
ماس. مبين واكعه ع وجهج هو دا يلعب بعصابج حن ترجعين له بس انتي ع هاي عملته لاترجعين بسرعه شلعي كلبه
صفا. اي عفيه شلون
ماس. لاتهتمين لبسي وتكشخي ولا تباوعيله اصلا عتبري ماكو ولا تحجين وياه تمام
صفا. ماتحمل بس لازم اسوي هيج
ماس.لازم تتحملين والله تضلين كل عمرج تركضين وراه
صفا. تمام تمام من باجر شوفي صفا جديدة
ماس. ادري ثوله بس نكول كدها
صفا. هاي فطره اني مو ثوله هو طبعي هيج
ماس. فاهي ههههههه
صفا. اوووف شلون اقنعكم اهو يلا عجبتني نفسي
بقينه نشاقه ونضحك وراحو حضرت ملابس لباجر تنوره حمره تسعين بف وبلوفر ابيض وياها بيريه حمره وحذاء ابيض وجنطه ضهر لون لسود صار ليل ونمت من وكت وكعدت من وكت بس لحت اضوجه مثل مادا يضوجني
لبست ملابسي طلعت كلش كيوووت بس لازم ما مدح بنفسي احم خليت مكياج خفيف وطلعت شويه واجه اخذني اني اخر وحدة ياخذني واول وحدة واخر وحدة يرجعني اخذني احسه يريد ياكلني وكلش ضاج اني سويت نفسي اقرا وصلنه نزلن لبنات وكال صفا اريد احجي وياج
سويت نفسي ماسمعت ومشيت ماجنت ادري هيج راح يصير ولا متوقعته ابد انـ.......
توقعاتكم
تصويت وتعليق 😑🐍