العقاب المتناقض

بارت 11

لتنسون التصويت + متابعه لحسابي✨

#الكاتبه_اماني_المحنه✨

كَيف لا أضيع والَك هذه العينَيَن🖤

🦋♡-♡-♡-♡-♡-♡-♡-♡♡-♡-♡🦋

ايار طاير من الفرحه ومندهش بنفس الوقت وهوه يتصفح بالرسومات شاف اكثر من رسمه لعيونه، ومن فرحه لم الاوراق وحطهن على قلبه وركض بره البيت متجه لبيت سند، دك الباب بحماس فتحله سند واردف

: شبيك فلشت الباب

ايار رفع الرسومات بوجه سند واردف بحماس: شوففف شوففف...!

سند باوعله مستغرب واخذ الاوراق واردف: شنو هاي؟

ايار: شوف الرسم ولك اتصفح وشوف

اتصفح سند بالاوراق وتعجب لمن شاف وجه ايار رفع الورقه واردف بدهشه

: هذا انته! منو راسمك ولك؟!

ايار: احزرر

سند: معقوله الي بالي

ايار: اي هيه

سند: زمرد!

ايار: اي

كمل سند بالتصفح وشاف اكثر من رسمه لعيون ايار ابتسم واردف

: يابه شكد راسمه عيونك هاي

ايار: شنو المعنى يعني

سند: يعني عاشقه عيونك يمعود تره واضحه

فتح عيونه ايار على كبرهن واردف

: يعني زمرد...

سند: اي زمرد تحبك اخذها مني والله مبينه تره

ايار: متوتر

حط سند الاوراق بيد ايار ودفعه من ضهره يمشي بي لحد بيته واردف

: دمشيي عليمن متوتر روح اعترف الها واخلص رووح صارلكم هواي من زوجتو المفروض هسه زوجتك حامل

اردف ايار: حامللل!!! ولا مفكر بهل شي ابد

سند: اي حبيبي طبعا لان شايفها لعبه مو زواج وين اكو واحد صارله اكثر من شهر مزوج ولسه ما اقترب لزوجته

ايار: تره حتى اذا اعترفت الها مستحيل اتقرب الها ويصير الي بالك لان اخذت عهد على نفسي اله ادخل العشرين يلا لان ما مستعد لهيج مسؤليه

سند: هوه انته بعد شهر وتدخل 17 حييل وينك وين 20 شيصبرك ولك

ايار: وجع شبيك متحمس اكثر مني ولي منا يلا..

*

رجعت زمرد وسمير لبيت ابوهم تلكتهم عبير وهيه شايله بنتها زهراء المريضه واردفت

: ها شصار وياكم؟

سمير: كسرنا واجينه باجر يجي ياخذج وهوه الممنون لان هسه كل جسمه يوجعه ميكدر يتحرك

زمرد: بعد حتى بأحلامه ما يمد ايده عليج هل خايس..

اجه ابوها واردف: ونعم التربيه والله، صايره رجال وما ادري عنج

زمرد: ليش من شوكت المره الي تاخذ حقها وحق غيرها بيدها صارت رجال

سمير: معليج بي هاي عنده تحسس من المره القويه..

زمرد: امي وين؟

عبير: والله شويه مريضه ومدده على فراشها

راحت زمرد حتى تشوفها وبعدين تروح

عبير هيه وسمير راحو يم الباب

عبير: اكلك سمير بنتي كلش مو زينه شصار وياك ما لكيت دكتور يعالج مرضها؟

سمير: لكيت واحد بغداد بس راد ضعف الفلوس الي انطيتهن الج يعني لازم ادبرلج بعد يالله نروحله بس اصبري عليه هل يومين خيتي

سمعتهم زمرد واردفت مندهشه

: فلوس؟ ليش انته منيلك فلوس؟

سمير: من شغلي طبعا

زمرد: وانته منيلك شغل يحضي اشو مخلصها شرب و بارات

سمير: كتلج اشتغلت لضلين تلغين زايد

زمرد: لا والله وشنو عبالك صدكت كلامك هذا

سمير: والله ممجبور اوضحلج واخليج تصدكين

زمرد عصبت واقتربت منه: احجي عدل سمير اني اختك واعرف كل سوالفك لا تعاملني معاملة الغريب فهمت

دخلت بنصهم عبير حتى تتفاده المشكله واردفت

: شبيكم يمعودين اهدو هسه وقت المشاكل

باوعت الها زمرد واردفت: والله يا حبيبتي اخوج يلعب بالنار والي يلعب بالنار يحترك بالنهايه

عبير: اي بس هوه يريد يساعدني

زمرد: وشنو يساعدج بفلوس الحرام

سمير: معليج انتي اني حر بتصرفي لا تدخلين

زمرد: ولك شنو ما ادخل غير انتو اخواني شبيك تخبلت

سمير: امشي خلي اوصلج لبيتج

ابتعدت زمرد واردفت بنتره وزعل

: ماكو داعي مادام انته تعتبرني غريبه اني اروح وحدي ضل انته وتصرفك الي راح يطيح حضك بعدين...

طلعت من البيت معصبه وروحه طالعه
وصلت للبيت دخلت للغرفه وجان تشوف ايار كاعد على الجربايه ومنتضرها، دخلت للغرفه وهيه مرتبكه
باوعت منا شافت مكينة الخياطه باوعت منا شافت ايار كاعد ومنتضرها نزلت عينها شافت اوراق الرسم بدينه رفعت نضرها شافته يباوع بعيونها بلعت ريگها واردفت
: شوف ايار انته فاهم غلط خلي اوضحلك..

ابتسم ايار واردف: لا ماكو داعي اني فهمت كلشي

لكن زمرد خافت لانها ضنت ابتسامة هيه مجرد غضب منه واردفت

: لا شوف تره هاي الرسومات مجرد تدريب لا اكثر ولا اقل صدكني وهاي المكينه احب اشغل بيها وبس ليروح بالك بعيد

باوع ايار للرسومات واردف بزعل

: يعني هاي الرسومات مجرد تدريب!

اخذتهن زمرد من ايده وراحت ترجعهن للميز واردف وهيه تضم بيهن

: اي تدريب اعذرني لان تصرفت بدون علمك بس اني احب ارسم لذلك ضميت هل شي عنك وهم طلعت بدون اذنك اعذرني لان صار امر طارئ و..

وكفت ودارت وجه وجان تشوف ايار واكف كدامها ويباوع بعيونها وعيونه مبككه.. ارتبكت زمرد من نضراته ونبضات قلبها تسارعت رجعت خطوه لوره وهوه تقدم الها دارت وجه عنه مستحيه واردفت بصوت خافت

: اا ايار شبيك جاي تخوفني تره بهل تصرف

اردف ايار وهوه يقترب الها اكثر

: شنو شعورج بهل لحضه؟

زمرد: جاي تخوفني تره

ايار: جاوبي على سؤالي زمرد

زمرد: ما اعرف ايار... بعد وقت على هل شي..

ايار: ليش

زمرد بلعت ريكها واردفت: ش شنو ليش! كتلك بعد وقت يعني انته بعدك صغير و...

اتنرفز ايار من هل كلمه وقاطعها

: ها هنا المشكله مووو

زمرد: ما اقصد اجرحك بس اشوف يرادلنه وقت بعد اكثر ما اشوف هسه وقت مناسب

ايار ابتعد عنها وعصب ابتسم واردف

: هه جان لازم اتوقع هل شي، اي طبعا منو تقبل بواحد مراهق واصغر منها حقج طبعا ليش اضوج

اقتربت زمرد تهدي بي

: لا ايار لتحجي هيج فدوه

طلع ايار الرسمات بصعبيه ومزقهن وهوه يصيح

: لعد ليش كل هل رسومات هاااا ليششش؟ ليش راسمتني زمردددددد

زمرد ضاجت واجت تاخذ منه الاوراق واردفت وهيه تصيح علي

: لااااا لتمزقهن اياررررر كااافي ولك

ايار: ليش ضجتي هااا دام اني شخص عادي بالنسبه الج فعليمن ضوجين..

دفعته زمرد على صدره حيل واردفت

: ليش مزقتهن ليشششش هاااا انته شعليكككككك ليش هيج سوييييت...

لزم اديها ايار واردف

: بس كليلي ليش راسمتني زمرد جاوبي الله يخليج

صاحت زمرد: انته شعليج يابه انته شعلييييك عجبني ارسم وجهك وخلصصص شبيككك

هز براسه ايار بمعنى( لا) واردف

: لا جذب.. انتي تحبيني مو؟ رسمتيني لان عندج مشاعر تجاهي صح؟ بس جاوبي شبيججججج مو حركتي قلبي

باوعت زمرد بوجه وهيه ضايجه واردفت من بعد سكوت ونضرات كلها غضب

: اطلع بره

ايار ضاج من كلامها اقترب من وجه وخله عيونه الحزينه بعيونها واردف

: مو صوجج والله صوج امي الي زوجتج الي

مشى وهوه معصب ولزم باب الشارع باوع الها واردف

: تدرين زمرد جنت متوقع انو تزوجت بنيه راح تعوض كلشي فقدته بسبب امي بس تبين الي انو انتي وامي نفس الشي...

طلع وطبك الباب حيل زمرد حررت سيل دموعها الحابستهن وانهارت وكعدت على ركبها ودموعها تنزل على خدها...
واردفت بصوت حزين

: لا تروح انته متعرف شنو مكانتك بقلبي...

نزلت راسها على الارض وبجت بكل حرقه وهيه تضرب بأيدها على الارض...

ايار طلع يمشي ويدبج وهوه معصب ويكول
: امداني اي والله، واني مصدك هيه تحبني شكد غبني اني، اخخخخ منيييي فشلت نفسي كدامهاااا استغفر الله... كله من سند هوه الي شجعني..

دك الباب على سند.. فتحله سند واردف

: هاااا سويت الغده زقوم عليه شبيك كل شويه داك الباب

ايار: هسه من احطك واخبزك خبز العباس اكو واحد يكلي ليش

طلع سند وسد الباب واردف مندهش

: ليش شسويت اني يا ستار!

ايار: طلعت ما تحبني وكلامك كله جذب
مو على الاساس انته خبير بهل سوالف هاااا.. واني مثل الزمال مشيت وراك..

سند: مستحيل اكو غلط بالموضوع كل هاي الادله وتطلع ما تحبك مستحيل ما اصدك...

ايار: اني لازم انهي هذا الزواج

سند: لا ولك شنو هل حجي لا تتسرع

ايار: لا سند شنو ذنب زمرد تره هم خطيه انجبرت عليه ولازم افك اسرها

سند: شسالفه ايار لا تتسرع بقرارك وبعدين تندم

ايار: عليمن اندم

سند: تندم لان انته حبيتها

ايار: لا ما حبيتها

سند: هاي افلامك مو عليه اني اقره عيونك قبل لا ينطق لسانك

ايار: اخخخخ بس شنو الفايده من هل حب وهيه ما تحبني

سند: انطيها فرصه يجوز خجلانه منك او انته فاجأتها وهيه ما مستعده لسه

ايار: لا اني قررت بعد راح اروح للامي واكلها تجي تنهي هل زواج مثل ما سوته..

مشى ايار بعصبيه لحگه سند وهوه يردف

: اهووو مو خوش سالفه هاي، تخبلت رسمي انته

*
ايهاب كالعاده ما كعد ويه اهله دخل لغرفته وسد الباب ابو ضاج من تصرفه باوع لزوجته واردف

: شوفي شكد ادبسزز يعني حتى سلام ما يعرف يسلم، هاي من الشارع لغرفته من غرفته للشارع لا يحجي ويانه ولا يكعد يزقنب ويانه منعزل اربعه وعشرين ساعه.. خبلني هل ولد هذا والله

باوعتله زوجته واردفت: كله بسببك صار هيج منعزل

تنرفز واردف: هم كالت بسببك، اكلج شنو سالفتج انتي كلما حجيت كلتي بسببك

: اي والله بسببك لان انته هامله وما تعرف تكله كلمه حلوه

: ضلي انتي بهذا كلامج الفارغ وها ليكون بعلمج كلامج هذا و دلالج  يشجعه على التمرد اكثر خليها بالج

: لا بالعكس هل كلام يغيره للاحسن، زين تعال انته هم مجرب تكعد ويا كعدة اب وابنه وتسولف ويا هم مجرب تسأله عن حاله هم مجرب تشاقه وتضحك ويا.. لا كل ذني ممسويهن اله كل الي تعرفه هوه الاهانه وتغلط علي وتضربه وتقلل من قيمته كدام اليسوه وما اليسوه وتكول ما يكعد يمي شيصخم كاعد يمك..ايهاب كبر يا حسن كبررر ابنك صار شاااااب افهم هل شي وغير من طبعك ويا تره بعدين يدور الزمن وتنحط بنفس الموقف وما راح تلكا واكف وياك لانه مشافك وكفت ويا بيوم تذكر هل شي...

ايهاب طلع من غرفته فسمع ابو يحجي ويه زوجته علي صار عنده فضول وكف خلسه يتسمع عليهم

الاب: لهل درجه روحج متعلقه بي!

: اكثر مما تتصور بعد، شلون متريد روحي تتعلق بي واني ربيته بين اديه وكبرته بعيوني الله شاهد عليه احبه مثل بناتي واكثر هم ولا بيوم اعتبرته مو ابني ابد ولليوم... والله كل ما اصلي ارفع اديه وهوه اول واحد اذكره بدعائي.. ايهاب روحي، نوبات اكعد وحدي واكول معقوله اموت وما اسمع كلمة يمه من حلكه..

ايهاب امتلأت عيونه بالدموع ورف قلبه عليها

رد عليها ابو: بس هوه ما يحبج وما يستاهل كل هل كلمات الحلوه والاهتمام منج.. مشاعره بارده مثل الثلج

ردت: مو شرط يحبني حتى احبه يكفي اني زينه ويا ونيتي صافيه واني متأكده راح يجي يوم وتزهر الثمره الي زرعتها بقلبه وراح تشوف لان دوام الحال من المحال...

سالت دموع ايهاب بدون ما يحس على نفسه من كثر ما متأثر بكلام زوجتة ابو...

ابو ايهاب انعجب بكلامها لزم ادينها وباسهن باوع بعيونها ابتسم واردف بحنيه

: تعرفين شنو اكثر شي احبه بيج؟

: شنو؟

: حنيتج وعفويتج وطيبتج والله من يوم الي دخلتي بي لهل بيت واني ما شفت منج شر ولا غلط، دومج الزوجه المثاليه والام الحنونه ولا مره شفتج تفرقين بين ايهاب وبناتنه الصغار.. الله دزج اليه هديه وعون وفضلج هذا ما انسا يا عزيزة قلبي

ردت و الابتسامه مرسومه على وجه

: واجبي هذا عزيزي، يلا هسه رايحه اشوف ايهاب لان وضعه هذا ممرتاحتله

ايهاب لمن سمعها تكول هيج مسح دموعه بسرعه ورجع لغرفته وسوه نفسه ما سمع كلشي..

دكت الباب لكن ما فتحه الها صاحت علي: ايهاب كاعد لو نايم يمه؟

: كاعد تفضلي

دخلت للغرفه وشافته مدد كعدت يمه على الجربايه فكعد هوه يمها سألته

: شبيك يمه صاير شي وياك؟

: ليش هل سؤال؟

: لان اشوفك منعزل هل فتره كلش

: احسن

: لا يروحي شلون احسن بالعكس الكعده وياك تحله

هز راسه ايهاب وضحك يستهزء

:هه تحله بالطلايب مو

: حقك، بس ابوك هذا يا يمه لازم تتحمله هوه هيج طبعه لكن بداخله يحبك ويريدلك الخير

: غلطانه انتي ابوي يكرهني كره العمى

: لا ما حبيت هاي منك

: اي لان الحقيقه محد يحبها، انتي تعرفين كلش زين انو ابوي يكرهني لان امي ماتت وهيه تولدني ومحملني مسؤلية موتها دوم يحسسني اني قاتل امي واني فگر حل علي..وهوه صادق لان لو مو فگر اني جان مماتت امي بسببي

ابو جان واكف وره الباب وسمع هل كلام وانصدم لان مجان متوقع انو هوه مسبب كل هل اذه النفسي للابنه بدون ما يشعر، ضاقت روحه وحس بضميره يأنبه ..

انقهرت زوجة ابو من كلامه واستهضمت
حطت ايدها على ايده واردفت وهيه تباوع بعيونه الذبلانه

: موت امك مو بسببك لان الاعمار بيد الله وهم انته جنت طفل لا حول ولاقوة يا وليدي و اذا على ابوك فهوه مو قصده يحسسك كل هل شعور المؤلم لان هوه بالنهايه يحب امك يموت عليها اسألني اني على حبهم

: يعني انتي تعرفين امي الله يرحمها!

: اي لعد شلون ما اعرفها وهيه اعز صديقه عندي، شوف راح اكلك سر بينه

ايهاب: كولي

: اني وامك جنه صديقات ومن كثر ما قلوبنه تتشابه حبينه نفس الشخص الي هوه ابوك لكن ابوك حب امك وتزوجها

ايهاب: اكيد هل شي ضوجج

: يعني ضوجني شويه بس حبي لامك ما خلاني اكرها ابد وضلت صداقتنه قويه، وبعدين هيه بيوم ولادتها جانت حاسه راح يصير شي عليها لذلك قبل لا تموت وصتني عليك وعلى ابوك

ايهاب: لعد ليش تأخرتي يلا زوجتي بأبويه

: موت امك اثر عليه وتعبني وابوك هم جان مصدوم وحزين ف حتاجينه وقت، بس عماتك جمعنه سوه وتزوجنه

ايهاب: اول مره اسمع هاي القصه

: عجبتك لو؟

ايهاب: طبعا عجبتني واكثر شي عجبني هوه وفائج لوصية امي وحبج الها واخلاصج رغم الشي الي صار وياج..

: تعرف ايهاب انته كلما تكبر كلما تنطي شبه للامك، عيونك النعسانه وشامتك الي جوه عينك شعرك العسلي ماعرف كلشي بيك يشبها...

ايهاب تنهد واردف بحسره: جان حلمي اشوفها

: باوع لنفسك بالمرايه وراح تشوفها كبالك..

ايهاب سوه نفسه ممهتم واردف

: لا يابه شسالفه مو لهل درجه

كامت زوجة ابو واردفت مبتسمه

: ايي بكيفك..

وصلت يم الباب ورجعت باوعت اله واردفت

: ايهاب ممكن اطلب منك طلب؟

ايهاب: طبعا

: عادي من الليله ترجع تكعد ويانه وما تعزل نفسك واني اوعدك ما راح يصير شي يزعجك

ايهاب: يصير خير

طلعت وشافت زوجها واكف يم الباب وعيونه متروسه دموع حضنته وخففت عنه الضيق الي هوه بي سالت دموعه على جتفها بكل راحه..

ايهاب لمن طلعت زوجتة ابو وكف متحمس عدل ملابسه ورتب شعره واتقدم للمرايه جان متوتر وكأنه اول مره يشوف نفسه بيها، غمض عيونه وكف كدام مرايته اردف وهوه مغمض

: بسم الله الرحمن الرحيم..

فتح عيونه وتمعن بالنضر لوجه وكدر يتخيل امه واكفه مقابيله ومبتسمه اله.. نزلت دموعه من الفرح وفتح ادينه حتى يحضنها اقترب وشبك ادينه عليها بكل شوق لكن تبين انه مجرد وهم وسراب صنعه عقله.. ضل حاضن نفسه واطلق العنان لدموعه وهنه ينزلن على خده...

*
وصل ايار لبيت امه لزمه سند واردف

: ايار لا تتهور فدوه لعينك

ايار: اني تهورت لمن سمعت كلام امي وقبلت بهل زواج..

سند: راح انتضرك هنا اخذ راحتك بس لعلمك اني ما عاجبني الي راح تسوي انته

دك ايار الباب فتحتله امه قبل لتحجي امه اردف

: لتخافين مجاي اسأل عنج بس اجيت الج حتى تصلحين الخطأ الي سويتي وياي

: يا خطأ؟

: الزواج الي ورطتيني بي علمود مصلحتج

: تره مو بس اني الي ورطتك بهل زواج

: مفتهمت شتقصدين؟

: زمرد هيه الي قنعت امها تجيني علمود اطلبها الك

اندهش ايار واردف: شلون يعني؟!

: اي والله يمه لان زمرد مجنونه بيك وتحبك من ايام الطفوله ولمن اخذتك منها هيه تمرضت على فراكك و لمن كبرت واجوها خطابه جانت ترفضهم كلهم على امل تجي انته وتزوجها جانت رافضه فكرة تاخذ واحد غيرك، فلمن اني حجيت لامها انو اريد اتزوج ومحتاره بيك امها كالتلي زوجي زمرد للايار وروحي بطريقج..

رجع ايار لوره مصدوم واردف: مستحيل

: لا مو مستحيل اني كتلك حتى لا كل شويه جاي تعاتبني على هل زواج لان كل هذا من تخطيط زمرد لان جان حلمها الوحيد انها تحصل عليك و مو بس هيج اذا ممصدكني روح اسألها ليش تحب اسمها او باوع على عيونك وكول كدامها عيوني يشبهن الزمرد وشوف ردة فعلها

ايار: وليش اكول هيج؟

: لان زمرد جانت دوم تشبه عيونك بأسمها وتكول عيونك مثل الزمرد

: مستحيل ما اصدك هل كلام لان زمرد ما تحبني وحتى من اقترب، الها تتهرب..

: طبعا راح تتهرب لانها تريدك تحبها من كل قلبك مو مجرد نزوه وخلص هيه تتهرب منك لانها تعرف انو المراهق تفكيره ومشاعره غير متوازنه يعني حاليا انته مشاعرك ما تعتبر صادقه فهمت..

: يعني زمرد تحبني من زمان!

: زمرد مجنونه بيك مو بس تحبك ولذلك اني قبلت بيها زوجه الك وامنت ورحت، اني ما احبها لان لسانها سليط بس اعرف كل الزين انته شنو بالنسبه الها ومكانك بقلبها.. اني كتلك قبل انو زمرد مو مجرد بنت عاديه..

ايار من فرحته ترك امه واكفه وحدها وركض متحمس لسند وهوه فاتح ايدينه مثل الجناحات كأنه يريد يطير من فرحته ويردف

: ولك طلعت تحبني من البدايه

باوعله سند مندهش واردف: احلف!

ايار: والله طلعت تحبني تحبنيييييي

طفر سند من فرحته و حضن ايار وكامو يكمزون سوه و يصحيون

ايار: تحبني طلعت تحبنييي

سند: ولكم طلعت تحبه ينااااسسسس طلعت تحبه

شافهم شايب وهمه يطفرون ويركضون سوه ويرددون بهل كلمات هز ايده واردف
: مخابيل اخر وكت.. هوه هذا جيل المستقبل الخابصينه بي..

*
زمرد جانت ضايجه لزمت الهاتف الارضي واتصلت على بيت اهلها، ردت عليها عبير واردفت

: منو؟

: اني زمرد، شلون صارت امي؟ بعدها مريضه

:لا شويه احسن

: ضايجه ولج احس روحي راح تطلع من مكانها

: يمه اسم الله عليج! ليش؟

: تخيلي ايار اليوم شاف رسوماتي وشك بحبي اله وطلب مني اعترف اله وكذا

: اي وشصار بعدين؟

: محجيت اله مشاعري وتعاركنه وطردته بره

: يااااا ليش انتي من سنين منتضره هل لحضه ليش مكتيله ولج شمالج

: ما ادري احس لساني انربط ولمن اقترب الي خفت وجسمي صار يرجف حسيت بشعور غريب وقتها و توترت يعني فاجأني الصراحه نوب ملامحه تغيرت ولج مادي شلون اوصفلج

: اخخخ منج يا زمرد جان اعترفتي اله وخلصتي عليمن بعد هل تردد شنو راح ياكلج قابل..

: لا عبير ما اعترفله هسه اله لمن يتأكد من مشاعره تجاهي ويحبني نفس ما اني احبه واعشق روحه، مستحيل اعترفله هسه مستحيل..

: شكد عنوديه انتي

: تدرين لمن طردته وطلع زعلان كلي كلمات قهرتني كلش وعصرت روحي تمنيت اركض واحضنه واكله اي احبك واموت عليك وعلى روحك وكلشي بيك بس ما تشجعت وخليته يطلع وهوه ماخذ بخاطره عليه ما تدرين شكد كرهت نفسي بهذيج اللحضه

: يلا تهون خيتي راح تعوضي ان شاء الله لا تزعلين، وتره ايار طيب وحنون ما يكره ابد ليضل بالج بالعكس راح يحبج اكثر واكثر صدكيني مستحيل كل جهودج تروح هيج هباء..

: ان شاء الله كلامج يطلع صح يا ربي..

*
وصلو ايار وسند قريب يم باب البيت

سند: اكلك صدك انته ما كلت للامك تحضر باجر بأجتماع الامهات

ايار: يمعود وهيه امي من شوكت اجت لهيج اجتماعات انسه هوه مثل كل مره محد يجي ويسأل عني عادي تعودت وبعدين اني تحسنت بالدراسه فماكو داعي تجي اصلا الحمدلله زمرد ممقصره وياي..

سند: تمام خويه يالله اني رايح للبيت

وكف ايار يم الباب وهوه متحمس ومبتسم لكن غير تعابير وجه حتى زمرد ما تحس بشي دخل كأنه ما يعرف كلشي، شافته زمرد واردفت

: هلا بيك ايار نور البيت والله

رفع راسه ايار يبيع ثقل عليها واردف

: هاا نسيت انو اني مطرود خلي اطلع لعد خاف تنزعجين مني

واقتربت منه زمرد واردفت

: لا يابه شنو هل حجي اني مقصدت اطردك بس جانت ساعة شيطان.. اعذرني

: همممم يعني ادخل للبيت ماكو خطر على حياتي..

ضحكت زمرد واردفت: لا اسم الله على حياتك يابه ادخل وعليك الامان

: هممم خوش لعد..

ايار ضل طول الوقت منتبه على تصرفاتها ويا، تذكر كلام امه عن عيونه وكف كدام المرايه واردف متقصد يسمعها

: زمرد تعرفين اسمج يشبه لون عيوني

فتحت عيونها زمرد مصدومه من كلمته باوعتله وعيونها مبگگه واردفت

: منو علمك هاي الحجايه؟

: مفتهمت

غيرت زمرد سؤالها واردفت: لا هيج انسه

: همممم.. هسه مجاوبتي على سؤالي

: وهوه؟

اقترب منها واردف وعيونه بعيونها

: عيوني يشبهن الزمرد مو؟

احمرت خدود زمرد واردفت بخجل

: اي.. اي يشبهن الزمرد كلش..

كعدو الصبح حضر نفسه ايار حتى يروح للدوام وكف يم الباب واردف

: اني رايح انتبهي لنفسج

: ان شاء الله

راح ايار للدوام وهناك شاف اولياء الامور جايين شاف ايهاب وزوجة ابو وشاف سند وامه وهوه وحده محد ويا
اجتمعو اولياء الامور والطلاب وفجأه انتبه كل الطلاب و المعلمين و اولياء الامور لصوت كعب عالي لشابه داخله تمشي بثقه وملابس انيقه وكاريزما وجمال عالي لدرجة احد المعلمين فقد تركيزه وطاح منه دفتر الدرجات.. انتبه ايار للطلاب وهمه يباوعون لهل البنيه الي دخلت وهوه يلتفت حته يشوف منو هاي سمع سند وهوه يكله

: اجت زمرد اياررر...!

________________يتبع🦋

اكتبولي توقعاتكم ✨💜
ولتنسون تشتركون
بقناتي على التلي انشر عليها صور للبارتات تكدرون تاخذوها وتصممون عليها وتنشرو بالتيكتوك ♡