✹ ✹ ✹ ✹ ✹ ✹ ✹ ✹ ✹ ✹ ✹
#قوة_أيسـون
البارت الرابع واربعين
بقلم :زهـراء لـؤي
نجراتي الحلوين لتنسون تصويت ، ومُتابعة للحساب، وتعليق بين الفقرات💅🏻⛓️❤️🔥
أفرح لو يُمر طاريك على البال
ولو ينجاب أسمك تسكت جروحي
هواي وياي عاشو بّس احس بعاد
وانتَ بعيد أحسك عايش بروحي
✹ ✹ ✹ ✹ ✹ ✹ ✹ ✹ ✹ ✹ ✹
قـمـر ...
-قـمـر : أشتاقيتلك أيهمي
-أيـهم : انا هم حبيبتي
-قـمـر : ليش عفتني
-أيـهم : صح متت انا بس عايش بروحچ ديري بالچ على نفسچ وعلى أمي خوش حبيبتي
ضليت اصرخ ورا ردت يُبقى ماكو فزيت مرعوبة والهث ودموعي تنزل مختنگة كل عادة من أشتاقلة يچيني بحلمي گعدت أبچي
-قـمـر : أخ أيهمي أخ ليش هيچ
مسحت دموعي باوعت للساعة بـ٢ بالليل رجعت فتحت مُبايلي وطلعت صورة آسر أتأمل وجهة أشتاقيتلة حيل أشتاقيتلة
-قـمـر : وينك آسري وين رحتوا وعفتوني ثنينكُم بلايكم تهت والله
أشهگ وعيوني ماشوف بيهن من الدموع
-قـمـر : مو چنت تتمنى ننخطب مو چنت تتمنى تحضني أرچع تعال أخطبني وأحضني ليش عفتني وحدي ! ليش گلي
-قـمـر : أنتَ وأيهم اغلى شيء بحياتي رحتوا وعفتوني مافكرتوا بية مافكرتوا شنو راح يصير؟ ولكم گـلبـي ملچوم گلـبـي ميت بغيابكُم
استرجعت اليوم الـ أستشهد بي اخر أتصال بينا قبل لا يستشهد بـ ساعة اتصل عليّ چنت نايمة
-آسر : هلا بقمري الضاوي
-قـمـر : هلاو آسري شلونك
-آسر : من أوصل للبيت ونعقد أصير بخير
أبتسمت وگتلة
-قـمـر : شوكت تنزل
-آسر : اليوم حبيبتي شوية وأنزل
-قـمـر : يعني مو بالليل؟
-آسر : لا ياروحي أنتِ هسة أنزل
ضحكت فرحانة ضل يحچي وياي شوية وسداة گعدت فرحانة وأفكر من يچي يطلبني من أيهم راح يوافق لو لا وشنو راح يگلة وشنو راح تكون ردة فعل أيهم
زين يعني انا أصير خطيبتة وهو خطيبي فرحانة أضحك نزلت چوة أتريگ لگيت أمي وأيهم يتريگون نزلت صبحت عليهم
-أيـهم : شنو اليوم ماتروح للدوام حبيبتي
-قـمـر : لا مابية حيل والله
أبتسم وهز راسة گعدت اتريك وياهُم گمت غسلت المواعين ورجعت گعدنا نسولف بموضوع أيهم عندة قضية يريد يحلها ويگول تعبان سودة عليّ
شوية وأتصل مُبايل أمي بالمطبخ مخليتة ردت أگوم أجيبة أنگطع رحت چبتة باوعت خالة أم آسر أبتسمت أنطيتة الـ ماما
-قـمـر : هاچ خالة تتصل
-يا مالحگت أفتح خط ولچ أتصلي عليها
رن مُبايل أيهم باوع مستغرب وگال
-أيـهم : هياها يمة أتصلت عليّ خنشوفها شتريد
فتح اسبيكر يضحك لان علاقتة بخالة قوية ودائمًا يتشاقون
-أيـهم : شلونچ خالتي حبيبتي
ماحسينة بس تصرخ وتبچي باوع أيهم مرعوب كمزت أمي تريد تفهم
-أيـهم : شكووو خالة فهميني؟
اجاني صوتها گطع گلبنا وحچت الكلام الي ممستوعبتة ولا راح استوعبة أصلاً
-ولكككك أبنيييييي آسر ولك آسر أستشهد
واكفة مصدومة أمي ضلت تملخ بنفسها وأيهم مصدوم اكثر مني مامستوعبة الكلام الي سمعتة آسر قبل شوية يحچي وياي !
-قـمـر : لا أكيد مشتبهين شوفوا يچوز مو آسر
-ولكمممم الحگولي راح أبني مات ولكم اخ
أمي تبچي وتطلم وأيهم گام حضن أمي مامستوعب هو همين گامت أمي تلبس ملابسها تريد تروح وانا على وكفتي ماستوعبة أجة أيهم ضل يضرب على وچهي مصدوم يباوعلي
-أيـهم : قمر لا تگوليها !!
شك بية أحبة ماحچيت شيء فتح عيونة بصدمة حضني ويصيح
-أيـهم : لا لا قمر لااااااا لاتوجعين روحي بيچ لااااا
حاضني كل قوتة مانطيت أيَّ رد فعل أبتعد ضربني راشدي كل قوتة يريد أطلع من الصدمة الـ بيها لزم أيدة وگال
-أيـهم : عساها بالكسر بس مچبور حتى تطلعين من الصدمة
شهگت شهگة قوية أجت أمي لازمة صاية خليچية لبستني وحجاب
-ولج يالله أصحي يمة
تقرب أيهم عدل شالي وطلعوني من البيت صعدنا بالسيارة طول الطريق أمي تبچي وأيهم عيونة عليّ وصلنا للبيت نزلنا
العياط ، الطم ، عماتة يملخن نفسهن خالتي منتهية أخواتة بچي كل هذا ماستوعبتة لحد ما شوف بعيني يالله أصدگ ماصدگ لان هو گليي راح أجي نعقد أكيد أكو فد شغلة صارت أكو فد غلط
گعدت على صفحة لامة رجلية لصدري واباوع للنسوان أجة أيهم حاضني ويحاول ماتنزل دموعه
-أيـهم : حبيبتي استوعبي الي صار
هزيت راسي شوية وگام مادري شگد مر وقت طويل گالوا راح يوصل الشهيد حسيت روحي راحت أدعي بگلبي چذب أدعي بربي مشتبهين أدعي مو آسري
گعدت على صفحة منتظرة شوية وصل دخلو التابوت واكفه علىٰ صفحة انا وأمة واخواتة يبجن تقربت شوية وراها فتحو التابوت طلع آسري ! الطلقة بكصتة ! فاتحين قميصة داك وشم على صدره اسم
-قـمـر
حسيت روحي نسلبت مني أريد أجر النفس ماكو دموعي ضلت تنزل اخواتة يباوعولي صرخت بعلوا صوتي ماهمني الـ موجودين ولا النسوان ولا أي شخص
-قـمـر : ولك آسرررر لاااااتعوفنيييييي لاااااااا
ضليت أبچي واصرخ كل حيلي راح أريد استوعب ماكو
-قـمـر : گلولي حلم گلولييييي ياناس ياعالم
تقربت أمي حضنتني عرفت ضليت أبچي والطم بس أريد يگلولي حلم أريد أستوعب ماكو راح آسر وأخذ روحي ويا
أندفن آسر ودفنت گـلبـي ويا من بعدة لا حبيت ولادخلت شخص لحياتي لحد هذا اليوم انا عايشة على ذكريات وعلى صورة مُستحيل يچي يوم واخونة بنظرة مُستحيل أخلي شخص ثاني يدخل لحياتي
مُستحيل أخلي شخص يصير شريك حياتي ويحضني وآسر چان حلمة بس يحضني لحد هذا اليوم وانا أتمنى يرجعلي أتمنى أعتذرلة على كل يوم زعتلة بي على كل يوم گتلة بي ما أتزوج هسة
خلي يرجع نتزوج ونعقد أنطي روحي بس آسر عافني روحي أنطفت من بعدة چان مصبرني أيهم وقوتي وسندي وظهري بس
-قـمـر : حتى هو كسرلي ظهري
طفيت مبايلي وحطيت راسي على المخدة راح أبقى عايشة حياتي لأجل أمي ومُستحيل يچي يوم أخون آسر بنظرة وحدة والى هنا تتنهي قُصتي الـ مؤلمة ادعوا لي بالصبر والله يطول بعمر والدتي .
•••
مريـم ...
مر سبوع على الحادثة الي صارت وفرحانين بـ ميار لان حامل وتتنسى وهرمونات ونكد وأمي ماتخليها لا تگوم ولا تتحرك وبيت شهم ماجونة لانُ بسبب الحادثة الي صارت شهم گال ارتاحوا واتصلوا بـ أمي گالوا الها سمعنة بالي صار من ترتاحون نچي
أتصل البارحة شهم عليّ وگال اليوم يجون گعدت فرحانة حيل ومتوترة خايفة نزلت ايسون مبتسمة غمزت الي
-ايـسون : ها أبو الشباب شبيك تضحك ؟
جريتها من أيدها وحجيت بهمس
-مريـم : ولچ اليوم أهل شهم راح يچون
-ايـسون : امممم يعني واخيراً
ضربتها على أيدها ضلت تضحك جرتني گعدتني وگالت
-ايـسون : زين شبيچ خايفة من شنو؟
-مريـم : مادري متوترة حيل
ضيقت عيونها وگالت
-ايـسون : أنتِ تحبي مستعدة لهيچ خطوة؟
رفعت راسي الها منتظرة جوابي
-مريـم : أيَّ أحبة ايسون مستعدة بس متوترة وخايفة
-ايـسون : أيَّ طبيعي كلنا هيچ أيام الخطوبة نتوتر ونخچل لانُ راح ننخطب وراح نعيش الشعور الحلو وي الشخص الي يحبنة وبالحلال طبيعي
-مريـم : أن شاءالله يارب ماخاف ولا أبعرها
رفعت حاچبها وگالت
-ايـسون : أنتِ تخافين؟؟ لا والله أنتِ بليس
ضحكت گامت هيّ گعدت دخلت سبحت وعدلت نفسي صارت العصر وأجت أمة خايفة متوتره أجت ميار
-ميـار : يمعودة كافي راح تنفضحين
أجت ايسون وراها وگالت
-ايـسون : خايفة يمعودة امشي شربيها فد شيء لا تتخربط علينا
دفعتهم گعدنة يمهم وتسولف باوعتلي مبتسمه وگالت
-مُـهـرة : أم أكبر اليوم احنا چاينچ جية خير أن شاءالله اليوم جاين نطلب أيد بنتكم المحروسة مريم الـ أبنة شهم خوش ولد وأخلاق والله ويدرس هندسة اتخرچ ألسنة ويشتغل بمحل ذهب ، أبنة خوش ولد وكلها تعرُف باخلاقه وتعرُفة شنو ، صايم مُصلي ، لا عندة زايدة ولا منا منا وتگدرون تسألون عنة بالمنطقة واحنا شفناكُم وعرفناكُم خوش ناس ومانلگة أحسن من مريم الابنا
-ليلى : أهلاً وسهلاً بيكم شرفتونا على عيني وراسي ونتشرف بيكم وشهم ونعم منة بحياتنة ماسمعنة عنة الـ مو زينة كل وكفاتة ويانة ماتتعدد والولد خوش ولد بس تعرفين الرأيي الأول والأخير يم اخواتها من بعد رأيها
-مُـهـرة : طبعاً فكروا بالموضوع وان شاءالله خير
كعدن يسولفن وميار وايسون ونبأ يباوعلي ويضحكن حسيت نفسي سخنت گبل شردت طلعت للمطبخ شربت كلاص مي كامل أجت ايسون تضحك وميار ونبأ
-ميـار : عمي والله وشفنة مريم خجلانة
ايسون فاحطة من الضحك
-ايـسون : ماتوقعت والله ماتوقعت مريم وتستحي؟
-مريـم : نجبوا بنات نجبوا مستحية والله
-نبأ : بنات الصراحة شهم خوش ولد
-ميـار : أيَّ طبعاً غير انا بت خالة طالعة علي
-مريـم : ديالله بالله هاك ستلم
-نبأ : اسكتن اطرب على المُهندس
ضربتها باوعتلها صفح وگالت
-ايـسون : وشبي عيني أخوي مو بعينچ
-نبأ : لا مو بعيني
-ميـار : أيَّ بگلبها
أبتسمت نبأ وگالت
-نبأ : اليوم أتصل علي واخلي نفسخ بنات
-ميـار : لا نبأ ثنينكم غلطانين لا تبالغون ودمرون حياتكُم
أبتسمت ولا كانُ نبأ الـ حساسة الي نعرُفها
-نبأ : لا بنات ماگدر أكمل كلمن بطريق أفضل ياريت ينسد الموضوع
-ايـسون : حقكم ثنينكم مادري شگول
هزت راسها حچت النا نبأ الموضوع طبعًا احنا البنات انصدمنة بي ، راحن البنات گعدوا يم خالة مُهرة وانا ركضت صعدت فوگ لگيت مسچ من شهم
-شـهم : من تفرغين أتصلي عليّ حيتي
گبل أتصلت اجاني صوتة يرد روحي
-شـهم : حيتي شلونچ
-مريـم : الحمدالله زينة وأنتَ
-شـهم : گليلي شنو شوكت تنطين موافقتچ
-مريـم : ليش منو گلك انا أصلاً موافقة؟
-شـهم : توافقين حبيبتي توافقين لان انا أحبچ وأنتِ تحبيني
-مريـم : غلطان ماحبك
-شـهم : احاول أصدك
ضل شوية يحچي وياي ويسولف لحد ما راحوا شوية واجت ميار ترفع بحواچبها
-ميـار : گومي ياعروسة أخوتچ يصيحوچ
جريتها كل قوتي نسيت هيّ حامل
-مريـم : لعباس عليچ شگالوا
-ميـار : وحمس كلشي ماگالوا تعالي يصيحوچ
-مريـم : صخام لصخمني
-ميـار : يبوو عليچ مريم شراح يخلصنة امشي انزلي
نزلنا الأكبر مبتسم وسُلطان همين گعدت صاحني الأكبر
-الأكبـر : تعالي حبيبتي تعالي گعدي أهناء
أشرلي أصير بالوسطة بينة وبين سُلطان گعدني حضني واحد منا واحد منا دنگت مستحية
-سُلطـان : مستحية الحية
ضحكت حضني الأكبر باس راسي
-الأكبـر : حبيبتي أكيد سمعتي الحديث الي دار وشنو رأيج بالموضوع؟ موافقة ماعدنة مانع لان شهم ماكو مثلة وخوش ولد وماطلعت منة العيبة واذا ماموافقة همين ماكو مُشكلة نگلهم ماكو قسمة ونصيب بينا
-مريـم : انتوا الي تشوفوا مُناسب موافقتي من موافقتكُم
-سُلطـان : حبيبي الأكبر معناها أختنة موافقة
الله ياخذك سُلطـان خلاني اخچل دفعاة الأكبر خازرة
-الأكبـر : نچب أنتَ ماعليك خلي نشوف رأيها هيّ
-مريـم : الي تشوفوا أنتوا مناسب
-سُلطـان : موافقة لو لا
دنگت راسي وغمضت عيوني وأجة بالي عيونة وضحكتة أبتسمت ونسيت نفسي صحت بنبرة صوت شوية عالي
-مريـم : موافقة
فتحت عيوني أنتبهت الـ نفسي صافنين عليّ أخواني أبتسمت وگتلهم احاول اطمطم السالفة الـ صخمتها
-مريـم : الي تشوفوا انتوا مُناسب وانا انطيت رأيي
-سُلطـان : أيَّ مو گتلك حبيبي موافقة شبيك شلعت گلبنة
گام باسني سُلطان من راسي وگال
-سُلطـان : الف مبروك حبيبة أخوچ
جراة الأكبر يخزر بي
-الأكبـر : شبيك أنتَ تمضرط البنية بعدهي مامخطوبة شنو تريد تخلص منها
دفعاة سُلطان وگال
-سُلطـان : لا ليش غير أختي هاي اشو ماتعرُف تحچي أنتَ
ضلوا يناگرون والبنات يضحكون خليت وصعدت فرحانة حيل
من بعد موافقتي اتفقوا على كلشي وأمي فرحانة وشهم طاير من الفرحة اتفقوا بعد ثلاث اسابيع للخطبة الحمدالله گدرت أجهز كلشي
أجة يوم العقد متوترة مو چني مريم ذيچ أم لسان الحية مدري شبية أريد اتخربط جهزت نفسي لبست فُستان أبيض خلاعي وجاي مخصر ومن جوا شوية عريض وشعري خليتة مفتوح وتاچ ناعم ومكياچ خفيف
أجت ايسون وميار ونبأ يبوسني فرحانات
-ايـسون : الف مبروك بنت عمي
ضحكت حضنتها حيل
-مريـم : يبارك بيچ ياروحي
حضنتي نبأ فرحانة تضحك
-نبأ : كبرت أختي وصارت عروسة وأخيراً
حضنتها نزلت دموعي
-مريـم : ياروحي نبأ ان شاءالله يچي اليوم الي نشرفچ بي انتِ وعلي مزوجين
أختفت أبتسامتها أتندمت لان گتلها هيچ أجت ميار همين باركتلي شوية عقد النا الشيخ وكمل دخل شهم رفعت راسي الة طالع يخبل ماشاءالله عيونة نوعاً ما بيهم لون صفار بس خفيف أچة گعد يمي
يباوعلي مبتسم وأدية يرچفن
-شـهم : وأخيراً حيتي وأخيراً
أبتسمت شلون يرجف لبنسي الحلقة باس أيدي وگال
-شـهم : وعد أضل وياچ طول العُمر وأخليچ أسعد انسانة
أبتسمت اخذت الحلقة لبستة أرجف باوعت بعيونة وگتلة
-مريـم : وانا أوعدك بحياتي كلها ما أتركك
تقرب طبع بوسة خدي وهمس
-شـهم : يعني ماتعوفيني؟
-مريـم : ماعوفك
أبتسم شوية ضلن البنات يصورون بينا وراها طلع ...
•••
ايسـون ...
كملت من خطبة مريم كملنا تعزيل وصعدت فوگ لگيت الأكبر حاط أيدة على راسة وعيونة حُمر خفت تقربت گعدت يمة
-ايـسون : بيك شيء أكبري؟
فتح عيونة بتعب وگال
-الأكبـر : مادري راسي موچعني
جستة حيل مسخن
-ايسـون : شفت أكبر مو گتلك لا تطلع بدون تشيرت والسبلت مشتغل أكيد تمرضت
گمت طلعت العلاچ وانطيتة
-الأكبـر : شبيچ حبيبتي هسة أصير زين
-ايـسون : أكبر باوع نفسك مشتعل نار أصبر أسويلك كمادات
-الأكبـر : لا تعبين نفسچ هسة أصير زين
خزرتة ورحت سويت ماي بارد وخليتة على كصتة
-ايـسون : اخ منك اخ
أبتسمت جر أيدي باسها
-الأكبـر : أبوس أديناتچ الترفة نچرتي
باوعتلة صفح وگتلة
-ايـسون : أي ضل عود كلامك هذا راح يرضيني
ضحك بصوت وگال
-الأكبـر : حبيبتي ترا انا مريض المفروض أسمع كلام حلو شيء مو ترزلين بية لان تمرضت
شلت الـ ماي ورچعت گعدت يمة وحچيت بدلع
-ايـسون : چا حبيبي غير بالي يمك لان مُهمل كبوري حبيبي
-الأكبـر : أحترگت روحك كبوري ايسون ترا مريض بس خليني اصحى
خليت راسي على صدرة وگتلة
-ايـسون : لا تضوچ حبيبي دخن
ضحك أشو هذا فعلاً جر الباكيت وشغل الچگارة
-الأكبـر : وهاي لعيونچ دخنت حبيبتي
حسيت نفسي بدت تلعي ركضت للحمام ضليت اتقيء أجة الأكبر يباوعلي بخوف ويغسل بوچهي
-الأكبـر : شچاچ نچرتي
-ايـسون : وخرر بيك ريحة چگاير أكبرر وخررر
هو واكف مصدوم ادفع بي وهو نزع تشيرته بسرعة وأحتار شيسوي
-الأكبـر : نزعت تشيرتي نزعتها شتردين أسوي
وانا روحي رايحة راسي موتني تقرب غسل وچهي عدل
-الأكبـر : أحترگت روحك زاهر بية ولا بيچ الة تگليلي أشرب
-ايـسون : وانا شمدريني راح تلعب نفسي من عدها
حضني وانا روحي رايحة
-الأكبـر : عمت عيني هاي هيّ بعد خيولي بعد ماشرب صيري زينة وخلي تولي الچگاير
وخرتة عني لعبانة نفسي بشكل منة خليت ورحت ذبيت نفسي على الجرباية روحي رايحة وهو حاير شيسوي
-الأكبـر : گومي ايسون أخذچ للدكتور مو معقولة كل هذا من الچگاير أگيد بيچ شيء گومي
-ايـسون : عوفني أكبر مابية شيء
-الأكبـر : بوية تردين تخبليني أنتِ گومي گومي
-ايـسون : ماريد أكبر حباب وخر عني
تقرب گومني وخلى بشت عليّ ولبس تشيرتة وگال
-الأكبـر : كلمة زايدة ماريد أسمع
-ايـسون : تمام
نزلنة لگيت خالة والبنات گاعدات چوة يحشنن على مريم باوعت خالة بخوف وگالت
-ليلى : شبيچ يمة شچاچ ليش وجهج أصفر وين رايحين
-الأكبـر : مادري يمة داخت ولعبت نفسها من الچگاير
باوعتلي خالة مصدومة ميار ضحكت وگالت
-ميـار : مبروك من هسة حامل
باوعت للأكبر باوعلي مامصدگ
-الأكبـر : لا تفرحونة خالي بلاش خلونة نروح نتأكد
جرني من أيدي وطلعت انا طول الطريق ساكتة انا مامصدگة معقولة حامل ! يعني انا راح أصير أم !
لا لا ايسون مُجرد أقتراح مامعقولة بس أيَّ ميار لعبت نفسي من الكبدة وانا من الچگاير ! مو صدفة باوعت للأكبر يباوعلي بخوف
-الأكبـر : ايسون تردين أطفال أنتِ؟
-ايـسون : ماعندي مُشكلة هذا رُزق من رب العالمين
أبتسم حسيتة توا رجع الدم لوچهة ضحك بصوت فرحان
-الأكبـر : عبالي ماتردين أطفال هسة
-ايـسون : لا ماكو مُشكلة أكبر هذا رزق بكل وقت أهلاً وسهلاً بي
أخذ أيدي باسها وگال
-الأكبـر : وتچيني نچرة منچ
ضحكت ضحك على ضحكتي
-الأكبـر : أروح فدوة ونذر لضحگتچ
وصلنا للمُستشفى شرح الأكبر حالتي منتظرين التحاليل مال الحمل همين شوية وأجت الدكتور
-ألف مبروك حبيبتي أنتِ حامل
الأكبر لزم أيدي عاصرها كل قوتة بحيث أيدي وجعتني
-الأكبـر : يعني حامل حامل؟
-أيَّ عيوني حامل وراح تصيرون أم وأب بعدچ بالبداية طبعاً
ضحكت فرحانة والأكبر تشكر منها راحت حضني كل قوتة بچيت فرحانة مادري ليش
-الأكبـر : أشش حبيبي لا تبجين
-ايـسون : أكبر أكو روح طفل بداخلي أكبر مامصدگة يعني أبنة
-الأكبـر : براغي گلبة أنتِ أيَّ طفل بداخلچ
-ايـسون : فرحانة أكبر
طلعنا من المُستشفى فرحانة حيل وصلنا للبيت لگيناهم منتظرينا
-ليلى : بشرونا شگلكم يمة شبيها
-الأكبـر : أفرررحي راح تصيرين أحلى بيبي
ضحكت فرحانة والبنات فرحانات يضحكن وخالة تنزل دموعها تبچي طلبت منهم مايگولون الـ أهلي نسويها الهم سُبرايز قاطعتنة نبا وگالت
-نبأ : أعتذر على المُقاطعة فرحتكُم بس أريد أحچي وياكُم بموضوع
عرفتة موضوع يخص علي باوع الها الأكبر بخوف وگال
-الأكبـر : شبيچ حبيبتي صاير وياچ شيء
أبتسمت تريد تطمنة
-نبأ : لا حبيبي لتخاف مابية شيء بس كل الموضوع انا وعلي نريد نفسخ
باوعلها مصدومين خالة ليلى صاحت
-ليلى : شنو يمة ليش؟ بيكم شيء
-نبأ : لا يمة حبيبتي ماكو شيء بس انا ويا مامتفاهمين وهو رُغم كل هذا الولد يحبني ومايريد يفسخ بس انا أريد أفسخ
تقرب سُلطان حضنها وگال
-سُلطـان : حبيبتي مضوچچ بشيء؟ هسة اروح أطيحلچ حظة
-الأكبـر : لا تستحين نبأ گولي احنا بظهرچ بكل قرار تاخذي
-نبأ : لا والله بس كل هذا ما متفاهمين ونفسخ أفضل
-الأكبـر : ماشي حبيبتي هسة نروح على علي ونشوف
هزت راسها باوعلي الأكبر تقرب طبع بوسة على گصتي وگال
-الأكبـر : تعالي نروح الـ أهلچ نفرحهم وهناك نشوف ماشي
أبتسمت ورحت حضرت نفسي ميار ما أجت گالت مابية حيل رحنا انا والأكبر ونبأ وصلنا للبيت طلعت تولين ضحكت من شافتنة باوستني وهمست
-تولين : عندي طن حچي ولچ
-ايـسون : طرگاعة لفتچ أخوي لازم
هزت راسها باوست ميار ودخل الأكبر طلع حيدرة ويا علي ضحكوا رحت حضنتة
-حـيدرة : هلا بتؤم أخوها
-ايـسون : أشتاقيتلك حيل
-حـيدرة : يابعد أخوچ أخذاچ من عدنة هذا أبو عضلات
خزرة الأكبر وضل يستغفر ضحك راح سلم علي وعلي يباوع الـ نبأ گعدت يم أمي حضنتها وگتلها
-ايـسون : يمة راح تصرين بيبة للمراية الثانية
-ميـاسين : شنو ميار حامل بتؤم؟
ضحكت صاح حيدرة بصوت عالي
-حـيدرة : عليچ أبو فاضل صدگ؟
ضحكت هزيت راسي أمي تالي ستوعبت ضحكت
-عـلي : يعني راح أصير خال اويلي
ضحكت وگتلة
-ايـسون : أحلى خال ضابط والله
ضحك بصوت عالي وگال
-عـلي : طلعتي أستخبارات أكثر مني
-ايسون : عود عندة مُهمة وكذا عاد خلصت؟
-عـلي : خلصت خلصت
باوعلة الأكبر وگال
-الأكبـر : أريد أحچي وياكم بموضوع علي أنتَ خوش ولد ولحد هسة ماسمعنة كلمة منك مو زينة الله يشهد بس نبأ تگول ماتفاهمين وتردون تفسخون صح هالكلام؟
فتح علي عيونة مصدوم ماتوقع تسويها نبأ
-عـلي : نبأ شنو هذا الحچي ؟
-نبأ : مثل ماسمعت علي أفضل ألك وألي
تحمحم وگال
-عـلي : بس خلونا وحدنا على أنفراد تعالي وياي نحچي بالموضوع
گامت نبأ ويا دخلوا الـ للدوانيا وسدوا الباب ...
•••
نبأ ...
دخلت ويا للدوانيا يباوعلي مصدوم ويرچف حاط أيدة على راسه يروح ويرچع
-عـلي : نبأ نبأ نبأ صدك تحچين شنو هذا الكلام گليلي لا تخبلينيي
غمضت وعيوني وحچيت
-نبأ : علي أفضل النا ثنينة فدوة لگلبك خلينا ننهي كلشي وخلي يچيبون سيد ونفسخ
يباوعلي مصدوم مامصدك الكلام الي جاي أگولة تقرب والكلام گوة يطلع منة الغصة شگت گـلبـي
-عـلي : لا نبعتي لا تكسريني
-نبأ : علي لا تضغط عليّ حباب
تقرب لزم وجهي بأدي ثينهم يرجفون دموعي تنزل طبع بوسات على وجهي بهدوء وهو يگول
-عـلي : لا تعوفيني مثلها يتمنتني هيّ لا تكسريني أنتِ همين
-نبأ : تعذرني علي
-عـلي : ماعذرچ والله ماعذرچ والله أحبچ شلون ينطيچ گلبچ هيچ تسوين بية !
-نبأ : لا تسوي هيچ
دفعني خازرني هز راسة وگال
-عـلي : الي تردي يصير نبأ
خلاني وطلع نزلت دموعي بسرعة مسحتهن طلعت ورا لگيتة يخابر ماحط عينة بعيني گعدت يم الأكبر يباوعلي بخوف همس
-الأكبـر : ها حبيبتي متأكدة من قرارچ؟
-نبأ : متأكدة حبيبي ليضل بالك
هز راسة عيونة عليّ ساعة يباوعلي بعتب ساعة يخزرني شوية وأجة السيد يباوعلي منتظر مني ولو كلمة بس ماكو قبل لا ندخل وكفني
-عـلي : نبعتي !
-نبأ : علي
تقرب حضني كل قوتة نزلت دموعي وهو حسيت دموعة نزلت ومسحهم أبتعد عيونة حمر باسني بخدي وگال
-عـلي : گـلبـي ماينطيني أقسى عليچ ولا ينطيني أشيل عليچ
-عـلي : حبيتچ بكل حيلي وأنتِ نورتي دنيتي ليش ترجعين تضلميها !
نزلت دموعي ماحچيت شيء عفتة وراي ودخلت للدوانية گعد يحچي السيد وعيوني على علي لحد ماوصل للكلمة غمض عيونة وگال بغصة وصوتة يرچف
-عـلي : أنتِ طالق
نزلت دموعي گـلبـي يوجعني قويت نفسي وراح السيد گمت طلعت الأكبر شافني تقرب باسني براسي وگال
-الأكبـر : شلونچ
-نبأ : حيلي مهدود
-الأكبـر : أنطيچ كل حيلي يابعد أخوچ
مسحت دموعي وايسون وتولين وخالة مصدومين تقربت خالة حضنتني وگالت
-ميـاسين : هاهيّ بنيتي لا تضوچين أهم شيء راحتكُم مابينكُم نصيب
-نبأ : لا الحمدالله على كل حال
تقربت تولين برطمت ضحكت على سوالفها
-تولين : أحبچ لا تضوچين
حضنتها حيل وگتلها
-نبأ : ماضوچ حبيبتي
-ايـسون : يالله الأكبر ينتظرنا
هزيت راسي علي ماكو طالع من البيت نزلت دموعي الي صار أحسن ألة وألي الحمدالله على كل حال ، طلعنا توجهنا للبيت
•••
تولين ...
نصدمت بـ علي ونبأ ماچنت متوقعة الي راح يصير أخذت مبايلي وأتصلت علي مايچاوب ماكو ضليت ألوب سودة عليّ أدري بي أشگد يحب نبأ أكيد مكسور بالي صار ياروحي
طلعت رقم حيدرة وأتصلت علي لان هو ويا طلع
-حـيدرة : ها بزونة
-تولين : حيدرة علي وياك؟
-حـيدرة : أي وياي گاعد على الشط عفتة وحدة شوية وگعدت بالسيارة
-تولين : عمت عيني حيدرة أخوي شلونة حباب
-حيـدرة : شلونة تولين أنفصل عن البنية الي يحبها
نزلت دموعي وشهگت
-تولين : سودة عليّ حباب دير بالك علي
-حـيدرة : هاي شكوو شبيچ تبچين تولين ؟
-تولين : بالي يمة حيدرة وجعني گلبي علي
-حـيدرة : يابة دسكتي أمسحي دموعچ تولين هسة نچي ومابي شيء والله كافي لا تبچين أحترگت روحك زاهر وخري هسة أچيب أخوچ وأجي لا تبجين
گبل سدة بوچهي هذا شبي صاحي لو مو صاحي بس همزين راح يچيب علي نزلت چوة يم خالة لگيتها تباوع تلفزيون
-ميـاسين : ها يمة خابرتي أخيچ
-تولين : أي خالة أتصلت بحيدرة وهسة يچون
-ميـاسين : عمت عيني عليك يا يمة أبني أبو طول الخشن هيچ يصير بيك ينكسر گلبك شنسوي يمة مابينكم قسمة
ضليت صافنة ماتحملت طگيتها ضحكة
-تولين : أبو طول الخشن؟
باوعتلي صفح وغمتني وگالت
-ميـاسين : هسة شبيچ أتغزل بطريقتي لو حاطة عيونچ
غصيت من الضحك
-تولين : لا خالة لا يخبل غزلچ أبو طول الخشن الله
-ميـاسين : وجعا وعلي أنتِ هتلية شوكت توافقين على أبني
فتحت عيوني بصدمة أباوع الها ضحكت تهز براسة
-تولين : شدراچ عمة؟
-ميـاسين : شنهي شدراني غير أبني أجة حچالي
تحمحمت وسويت نفسي ثگيلة
-تولين : أيَّ صح بس مموافقة خالة تعرُفين أبنچ كسرلي گلبـي من قبل مُستحيل أرچع أعيد الغلط
طگتني على أيدي وگالت
-ميـاسين : چا غير يريد يتأگد منچ ولچ شمالچ ويا
-تولين : خالة خلي يتأكد بس مو هيچ حتى تلميح ما أنطاني
وين ماحچينة سمعنا فتحة الباب عرفناهم أجو سكتنة ثنينة دخلوا علي سودة عليّ شعرة مخربط وحالة حال گمت حضنت علي وحچيت
-تولين : يمة يابو طول الخشن الحمدالله على سلامتك
باوعلي مستغرب وگال
-عـلي : أبو طول الخشن؟ والحمدالله على سلامتك؟ شبيچ حبيبتي سكرانة
ضحك حيدرة وگال
-حـيدرة : أبو طول الخشن حبيتها
-تولين : هاي شبيك أقصد الله يعوضك
أبتسم وگال
-عـلي : حبيبة أخوچ أنتِ ربي لا يخليچ تمرين بهيچ يوم
باوعلي حيدرة أختفت ضحكتة أبتسمت وگتلة
-تولين : حتى لو مرينة نتقوة
كتف أيدي حيدرة وگال
-حـيدرة : شلون بالله حبيبتي؟
فتحت عيوني بصدمة على جفصتة باوعلة علي خازرة دغاة بكتفة وگال
-عـلي : هيوو أنتَ حبيبتي شنو؟
-حـيدرة : وشني يعني خايف عليها مني؟
-عـلي : حيدرة أحترم نفسك عاد اخاف عليها منك شنو بس نجب
-ميـاسين : كافي مناگر هيوو
خزر حيدرة علي وصعد فوگ وخالة باوعتلنا من فوگ ليچوة وراحت بقيت صافنة أبتسم حيدرة وگال
-حـيدرة : مو راح أشيب شوكت توافقين عليّ
باوعتلة بغرور وگتلة
-تولين : خاب قديم أنتَ
خزرني وگال
-حـيدرة : ليش شنو عندچ جديد؟
-تولين : لا أستغفرالله عيب عليك
-حـيدرة : بس انا بحياتچ وغيرچ محد يدخل الها
-تولين : ليش هلگد واثق؟
غمض عيونة بنفاذ الصبر وگال
-حـيدرة : لا تحرگين روحي بزونة
حجيت بدلع
-تولين : OK سكتت
بُقى صافن أبتسمت خليت وصعدت وهو على وگفتة باوعتلة من المحجر متصنم واكف ! ضحكت بصوت عالي وگتلة
-تولين : صقري الچارح دير بالك لا تموت
باوعلي وصاح
-حـيدرة : أنتِ الـ سبب والله دمرتيني
ضحكت صعدت سبحت وبدلت ونزلت جوة نسوي عشة انا وعمة ساعدتها علي نايم مانزل أكل بس انا وحيدرة وخالة باوعلي حيدرة وگال
-حـيدرة : يمة اكو واحد يحبلة وحدة وهاي الوحدة معاندة ماتريد تتزوجة
باوعتلي خالة وگالت
-ميـاسين : خليها تتدلع عليك
-حـيدرة : يمة أموت وهيّ قريبة مني وماگدر أبوسها بخدها
فتحت عيوني بصدمة خزرتة خالة وگالت
-ميـاسين : ولك هتلي هو هيچ
-تولين : خالة أبنچ طالعة عينة
-ميـاسين : كلشش والله
هز أيدة وگال
-حـيدرة : ثنينجن صرتن عليّ؟
-تولين : تستاهل
-حـيدرة : اخ وچعتي گلبـي يابعد گلبـي
حطيت عيوني بعيونة مبتسم شمرلي بوسة بالهوى وگام باوعت الـ عمة تضحك هزيت أيدي وگتلها
-تولين : ترديني اوفق علي؟
-ميـاسين : شحلاتة طول هيبة محامي نوبة ضحكة حلوة عضلات بضلات عندة هاي سوالف البنات تتمناها وأنتِ جاي تتعايرين على أبني
ضحكت حيل
-تولين : لا عليچ الله عضلات بضلات
باوعلي حيدرة مستغرب وگال
-حـيدرة : شني شبيچ عليمن كل هذا الضحك ضحكينا وياچ
-تولين : حاط عينك على ضحكتي اوع
أبتسم وگال
-حـيدرة : ضحگتچ تتفزز گلبـي وداعة عيونچ
دنگت راسي شوية وشلت المواعين غسلتهن وصعدت الـ غرفتي وعمة تنام من وقت سودة عليّ صايرة تتعب گعدت أگلب مبايلي نشرت صورة ثنين حاضنين بعض وكتبت
-لا تساعدنـي بالكلمات احضنـــي..
شافها هو ودزلي
-حـيدرة : خلي نعقد وأشبعچ حضن
-تولين : تحلم أوفق عليك حيدرة !
ضحكت بصوت عالي أدري بي راح يحترگ رجع كتب
-حـيدرة : صدگ تحچين تولين؟
-تولين : أيَّ نعم صدگ
-حـيدرة : سهلة چايچ أنزلي للمطبخ بسرعة
-تولين : ماشي
وأخيراً الخطة الي بالي نفذت الي هيّ أحرگ گلبة نزلت چوة ونزل جنة بارود
-حيـدرة : عود شيسموها هاي؟
-تولين : شني مافهمت؟
-حـيدرة : توليننن اا تحرگين روحي وگولي ليش ماموافقة؟
-تولين : لان الي سويتة وياي مايتسوى ومُستحيل أسامحك
-حـيدرة : بوية أعتذرر حيل أعتذر سامحينة غلطنه
گعدت على الكرسي وگتلة
-تولين : تعذرني حيدرة ماگدر
-حـيدرة : شتردين أسويلچ؟
-تولين : كلشي ماريد حيدرة
-حـيدرة : من حترگت روح حيدرة لا تسوين هيچ بوية
گمت وگفت وعيونة تتفحص عيوني
-تولين : حيدرة ماريدك هيّ گوة أريد أحب غيرك
فتح عيونة بصدمة وگال
-حـيدرة : شتردين تسوين؟
-تولين : أحب غيرك أريد
ضل يضحك بصوت عالي أستغربت شبي هذا
-حـيدرة : تحبين غيري؟
-تولين : أيَّ
رجع ضحك مثل المخبل بقيت صافنة علي
-حـيدرة : بعدچ تحبين الفُريرية؟
-تولين : شلون يعني مافهمت
-حـيدرة : انا أعلمچ شلون ولو من وراچ حصلت ذنوب حتى بجلاليق مايدخلوني للجنة
باوعتلة مستغربة گبل تقرب جرني من خصري بقيت مصدومة فرني كل قوتة
-تولين : شبيكككك حيدرة نزلني
-حـيدرة : تردين تحبيننن غيريييي مووو
-تولين : أيََ أحب غيرك عوفنيييييي
فرني أكثر بحيث حسيت نفسي راح أموت
-تولين : نزلنيييي
-حـيدرة : انا أعملچ خلي أشوفچ شلون تحبين غيري
-تولين : شعليككك نزلنييي نزلنييييي
يصيح بصوت عالي بحيث بقى بالي لا يفز علي
-حـيدرة : تحبين ترددين غيريييي ولچ وتزوجينة مو؟
-تولين : بداعتي نزلنيي حيدرة كاافي لا يگعد علي
-حيـدرة : خلي يگعد أگلة أحب أختك
صخام الصخمني هذا صدگ يحچي أضرب على ظهرة وماكو صرخت بعلوا صوتي بحيث يمكن سمع حتى علي
-تولين : مووووووافقة أتزوجك موااافقة نزلني ماحب غيرك والله أحبك ألك نزلنيي ...
للحكاية بقية⛓️...
--------
بقلم : زهراء لؤي
شنو رأيكُم بالبارت ولدي الحلوين ♥️
أعتذر عن التأخير بس مايشتغل يمي الواتباد ياريت تفهموني هالشيء چاي أكتب بالمُلاحضات وانسخ والله
توقعاتكُم؟🌚❤️🔥❤️🔥💅🏻
مُتابعة جميلة ⛓️💙.