عــــروس دجـــلة.
الكاتبة: نــجمـة.
الحمدلله
هذا البارت هديه بمناسبه العطله 🪄😅
واكو شسمه مفاجئة همين.حسب تفاعلكم 💥
وعندما ابصّر الاعمى فارق عصاهِ بأول لحظه
حال يصف ماس و سيف.
اتصل حيدر واجه الاهلي اخذ اذن ورحنه للعيادة مالته
حيدر. اريد احجي وياج
ماس. اذا علمود سيف فاني اكولك لا تعب نفسك اني ماريده بعد
حيدر. لا مو علمود سيف شي خاص بيه.
ماس. وهو
حيدر. تشهدين ع امي
ماس. امك سوت شي كلش جبير عوفها الله يحاسبها لش تتحمل خطيتها وانت شفت بعينك شمس ماكلت عنها شي وراحت وهي مبتسمه
حيدر. بعدج صغيرة ماتعرفين امي عدها مرض حب تملك يعني ماتريد احد بحياتي غيرها اذا اليوم حاربت شمس وبنتها واختي صفا فباجر غيرهن تعرفين هذا طبعا اني ماتحمل تقتل احد اريد اعالجها وطريقة لازم تنسجن وتتحاسب
ماس. اني وياك بكلشي اجه اتصال لحيدر وراح يتمشه ويحجي جذبني شكل ورده كلش حلو بالحديقه رحت عليها واني مركزه طخيت بواحد تجاهلت ومشيت. للورده جان لونها ابيض كلش نقيه
رواد. هاي الورده صافيه ونقيه مثلج لبقاء الله
ماس. اسفه مانتبهت تسلم
رواد. شلونج
ماس. الحمدلله عايشه
حيدر. هلا بضلعي شخبارك
رواد. الحمدلله وانت شو مختفي
حيدر. اني هموم ع جتافي مادري شوكت ارتاح صدك اريد المحامي عزالدين رقمه عندي مشكلة
رواد. كول شنو مشكلتك وسهله
ماس. حاله طلاق اريد اطلق
رواد. سهلة من جلسه وحدة
حيدر. مشكور غالي ماتقصر نترخص
طلعنه اني وحيدر اشتكه ع امه بالمركز جان اصعب موقف وماينحسد عليه وهو يقدم ادله للضابط.
جابو امه وشافت ابنها وهي تكوله اني بريئه مامسويه شي
تركها وطلعنه بعد ماوصه عليها محد يعذبها جانت دمعه بطرف عينه اخذني لبيتهم وشلت لاجهزه مال تحسس صارت دنيا ليل اجه يريد يرجعني ماحجه اني اخبر عمر ياخذني
حيدر. تمام
دك الباب وراح يفتح ستوني اريد اتصل صاحني
رحت لكيت دكتور يمه
رواد. شلونج ماس
ماس. لحمدلله
رواد. اريد احجي وياج
ماس. بس الوقت تاخر لازم ارجع للبيت اعتذر منك
رواد. اني اوصلج ومنها نحجي
ماس. تمام يلا طلعت وياه صايره مو هذيج لبنت تخجل وتخاف تاخذ قرار لحالها تفضل اسمعك
رواد. اريد دزين كل اورقج للمحامي طلبهن مني وسبب الطلاق.
ماس. مامتفهمين واني بعدني صغيره اريد اعيش حياتي هو اسس حياته وعايش واني شنو معلقه باسمه ماريد هل شي كلش يخنكني
رواد. هذا رقمي بس اتصلي بيه او دزيهن ع اي برنامج وسبوع انت حره
ماس. شكرا لك بهذا الفرع
رواد. عايشه بريف
ماس. اي
رواد. كلش احب حياتكم هنا صافيه ومريحه
ماس. صح المكان واسع ومريح بس مامرتاحين
رواد. الله يعوضج
ماس. هنا وصلنا نزلني نزلت وتشكرت منه ورحت للبيت ستقبلني
عمر هلا بضوه البيت وين اخذج حيدر
رحت شفت محامي ورجعت
عمر. متاكدا من قرارج
ماس. 100%المايردني ربح ماريده خسارة
عمر. الله كريم
رحت الغرفتي ع رغم شكد متغيرين ومعاملتهم حلوة ويايه بس ماتقبلهم بعد سوو بيه
كعدت طلعت وراق لمحكمة كلهن ودزيتهن ل رواد دزلي اوك
طفيت الفون وغيرت ملابسي وكعدت صفت بحياتي كلها عمري 15سنه وهل كد شفت بحياتي اتزوج واطلك اختي تموت كدامي اهلي يطردوني ولجنت اريده سند تركني باول طيحه.
قريت قران لشمس وصليت ونمت. كعدت من وقت صليت وحضرت ريوك كعدت امي
زهرة. لش متعبه نفسج اني اسوي
ماس. لا عادي اني تريكت راح اطلع للخضرة طلعت اتمشه بزرع وجو بارد بس داخلي نار
كعدت نضفت الخضرة من لحشيش لضار حت مايقتل زرع
بقيت تقريب ساعه اجه سراج كال بعد لا طلعين جبت عمال يسون زرع
ماس. تمام اخذتت فلفل و باذنجان وسلك وخس ورجعت للبيت سوي دولمه كعدت احضر دك الفون رحت فتحت رقم بس الو
رواد. اسف ع الاتصال بس اريد اجي اكضي اليوم يمكم تستقبلون
ماس. جلدك يحكك لازم لا تجي وحدك جيب حيدر
رواد. ههههه تمام
كعدت سويت الحشوه والفينه الدولمه اني وامي ورجعت نكعت دجاجه بالخل وخليت حطب بالتنور انطيت اكل للدجاجات ورجعت رتبت البيت وسويت حلويات بسبوسه وسمبوسه بلحم وبجبن
زهرة. ولج ماس روحي جيبي البيضات هاي المرة تريد تشتريهن
ماس. تمام اووووف اكثر شي اخاف منه اخذ بيض من دجاجه ماس هي دجاجه تشجعي قابل راح تاكلني وصلت للبيت مالهم ودخلت بيهن خافن وشردن اخذت بيضهن بسله بقت بس وحده جوها هواي كلما اقرب منا تصيح بيه تشجعت امد يدي بعد مانزلت ردان ع ايدي وكامت طلعت اركض وتركض ورايه. عاااااااا يمه زهرة
وجان الفشلة حيدر و رواد ميتن من ضحك
. وعمر اجه هاي شبيج هااا مابيه طبيت لركض حت ماسلمت
اوف لا تفشليني طبعا مسميتها اني هاي دجاجة زهره لان وكحه وكلش تخوف شريره اني اعلمها اذا ماذبحتها. دخلت انطيت سله لامي وخليت الدولمه ع نار ونكعت تمن وسويت تبسي وستوى والدولمه هدرتها وطلعت شعلت تنور وصيت امي ع اكل. ورحت اشوي دجاج ابوع رواد وحيدر يمشون بزرع ويصورون بلشت بشوي خليت دجاجه بنص تنور وسديته ورجعت للبيت عزلت الخضره وحضرتت المواعين ورجعت امي مسويه زلاطه وطرشي ومرتبه. الاستقبال رحت شفت تنور جان منضر الدجاج يموت ويشهي كلش محمره
وصايره تمام شافني حيدر اجه سلم عليه واخذ جناح اكلها
و رواد يريد يصور دجاج صورهن ورجع اخذ جناح رجعتهن بتنور حت يحافظا ع حرارتهن لحد مارتب السفره راحو يصلون واني وامي رتبنه الاكل كلشي بالاستقبال كملو ولتمو ع سفر اني رحت اصلي كملت وهدرت جاي
صحاني صوت برا صياح طلعت اركض منو
انتتت
في الانبار
طلع اصف وطلعت افرك براسي اريد اعرف حياته شلون بيه ابقه هيج
غسلت وجهي وكعدت اكلب بثلاجه اريد اكل طلعت جبن وخبز سويت جاي اجه اصف
منو سوه اكل
اني هو صاير بس طلعته وجاي اعرف اسوي
اصف. جيد تتحسنين
صفنت عليه اريد اعرف حياته لش هيج عايش
اصف. ادري حلو لاتصفنين زايد يصعد سكرج
شايف نفسك جنك العمالقه المنقرضين
ولاقزام سبعه لسه عايشن
اووووف مليق لا تتنمر
رحت للغرفه اذا صار شي وشمرني بصحراء والله تاكلني الحيوانات ومحد يدري واذا تركني هنا وطفت الكهرباء اموت من لخوف يربي شهل عيشه واخاف اكله اتصل ع احد.
بقيت طول اليوم صافنه وافكر شلون هيج راح تمشي حياتي يوم عن يوم دا تتحطم شخصيتي
ندك الباب انتضرته يفتح. ماكو نزلت فتحت لباب وراح من بالي هو موصيني مافتح لباب تفضلو منو
ام شهم. انت مرتو لاصف
صفا. اي منو انت دفعتني ودخلت هي وبنت وياها
ام شهم. احجيلي منو انتي وشجابج هينا ع حيات ابني شلون كدرتي تتحملي ابني مريض
صفا. شنووو مريض شبي
لبنت نور. عمه يجوز ضاحك عليها ومتزوجها شوفيها بعدهي طفله
ام شهم. اكيد يمه والله جان منو تقبل بي
نور. عمه امشي نروح شوفيها شلون بنت حت ماضيفتنه
ام شهم. جاهل وجيبها لبيتو وحاسبها حرمه له وهي كلشي ماتعرف بالاصول امشينه يمه
ستوهم يطلعون وطلع بوجهم اصف.
اصف. خير شجابكم هنا
ام شهم. اني المكان ليعجبني ازوره بس هاي طفله جايبها مالي بعد جيه يمك
صفا. طلعت روحي كلساعه طفله شايفتني عفووو عيني اني مو طفله اني طالبة وعمري 19سنه للعلم
وذا شكلي صغير هذا من حلو حضي
اصف. تكدرون تتفضلون وبعد لاتشرفونه بوجودكم
طلعو وركع لباب حيل واجه اني مو كلت لباب ماتفتحي لاحد لو لا اني كلما اطلع لكيج مسوية شي يخلني ماثق بيج
صفا. اسفه والله نسيت ماعيدها بعد والله ماتنعاد
اصف. منو يكول ماتعيديها صرت ماثق بيج ولا ذره وامشي اخذج.لمكان تتربين بيه وترجعين
صفا.لا لا ابوس يدك لاتخذني هناك والله ماعيدهي ابوس يدك خليني هنا.
اصف.خسرتي اخر فرصه لج
سحلني ماجنت متخيله لمكان راح يكون بهل شكل فوك طاقتي وقدره تحملي.
نختم البارت
تصويت وتعليق 💔💥