وهم الوجوه

الحلقة الرابعة والعشرون

#وهم_الوجوه

الحلقة الرابعة و العشرون..

للكاتبة .. زينب الشمري zan_eb15

°°°°°°°°°°°°°°°°°°°°°°°°°°°°°°°°

صعدت ليفوك وحدي وجان بيت شبه فارغ قائد ورائد بلبصرة وحجي لواء ماهوة وقيصر بس دخلنا اختفى .. وصلت للباب دكيتهه ماكو صووت

ايلول _ متحجي هيا عادي فتحيهه ودخلي

هزيت براسي ودخلت وحدي سديت الباب غرفتهه جانت ضلمه وهيا كاعدة على جرباية ولامه رجليهه لصدرها شعرها مبعثر حتى فراشهه وغرفتهه

تقدمت يمهه ومن دوون وعي عيوني صارت تجري كلما اشوفهه اشوف امي كبالي

مسحت دموعي واني اتقدم اكثر _ هلاووو شلونج

باوعتلي وبتسمت _ هلاااا

_ عااادي اكعد يمج ؟

دنت وسوتلي مجال يمهه .. كعدت وتربعت يمهه خليت راسي على حايط

_ تعرفين اني منوو ؟

ابتسمت ودنكت _ لا

_ تمام بعدين هسه اني اكلج منوو سولفيلي عنج شسمج انتي

دنكت راسهه خجلانه وتفرك بايدها _ رنيم

_ اسمج حلووو وانتي حلوووة

ضحكت واني هم ضحكت على تصرفاتهه عبالك دااخطبهه وهيج خجلانة

_ زين احجي وياي ليش انتي كاعدة هيج وحدج

تباوعلي وتضحك واني طكيتهه بضحكة ويا دموعي تنزل جريت نفس قوووي وزفرته _ عندج خوات ؟

شالت راسهه وهزته _ منو هنا شنو اسمائهن

_ وحدة وخذوهاا مني

_ صدك شنوو اسمهه

_ ريم

وهيا تكول الاسم سرت قشعريرة بكل جسمي اتنهدت _ شتذكرين منهه شتعرفين عنهه سولفيلي

كامت وفتحت كنتورها طلعت صور وجابتهن يمي تراوينياهن وكلهت عبارة عن ريم ورنيم سوة .. صرت اباوع بلصور وكلللش اختنكت من دون وعي صرت ابجي وهيا صارت تبجي وياي حطيت راسي بحضنهه وحاضنه صور وهيا تمسح على راسي

شوووية وكمت عنهه وهيا عيونهه حمر _ تدرين اني منوو ؟

هزت راسهه بنفي ..

جريت نفس أقوى واني اكولها _ اسمي اصيل اصير بنت ريم يعني بنت اختج

فكت عيونها على وسعهن وكمزت من جرباية وتضرررب على خدودها بدون وعي _ ججذذذذذءءءءءااااابة جذذذذذءابة رررررريم ماعدهااااا بناااااتت جذاااااابة جذااااابة ...

نززيت من ردة فعلهه وكفت مصدومه ماعرف شتصرف ردة فعلهه قوووية وهيا تصررخ وتملخ بروحهه وتردد كلماتهه _ جذذذذااابة جذذذاابة ريممممم ماتتتتت ماااتتت ماعدها جهاااال ماعدهاااا

على أثر صوتهه العالي نفتحت الباب ودخل قيصر بسرعة وحضنهه صار يهدأ بيها وهيا تنشغ وامه وخواته يركضن وايلول طفرت جابت دوة وبلكوة هدئوها سكتت صارت بس تبجي وقيصر يسكت بيهه واني واكفة على صفحة طلعت ليبرة وكفت برة واني مذهولة من حالتهه ادري بيهه حالة نفسية وكلش تعبانه ومتآذية بس نهائياً ماتوقعت واصلة لهيج مرحلة ( الجنون ) ردة فعلهه غريبة مثل الي وحش بداخلهه وهاج

طلع وراي قيصر واني التفتت على الغرفة شفت ام قيصر وايلول نيمن بيهه ع جرباية

_ شبيهه ليش هيج سوووت ؟

_ اصيل تدرين بيهه مريضة وموضوع عمتي حساس بلنسبة الهه لو كايلتلي اني حاجي وياها على كيفي متعرفيلهه

_ ترة هذا مو مرض نفسي عمتك بيهااا شي هذا جنون قيصررر ماكووو هيج ردة فعلللل لو باقية جااان كتلت نفسها

_ محددد طاااح على علتهه كتلج حتى للهند وديناها بعد شنسووي دكاترة ثيران واحد يكوول حالة نفسية واحد يكوول خلل بذاكرة ودماغ وديناها سادة وشيوخ يكولون متلبسهه جني وفدد خرررط

_ كل مرة هيج سووي ؟

_ لا بس من تتعرض لصدمة او واحد يضوجها او يغثها والا بلعادة حتى صوتهه مينسمع

_ عجيييب

_ شكتيلهه بلضبط وهيج سوووت

_ كتلهه اني اصير بت ريم وهيج سووت

_ اي كتلج موضوع عمتي ريم حساس بلنسبة الها

_ واضح

_ تعاي جوة ننزل

نزلنا ورحنه لغرفة الحجية على اثر صوتهه وهيا تعيط تريد واحد يشوفها دخل قيصر واني وراى

_ ها حبوبة شرررايدة

_ وللللك يمة شكوووو شبيهه رنيم ( شافتني وفتحت عيونهه ) يمة اصووولة حبيبتي انتي هنا

تقربت يمهه وبستهه _ اي حبيبتي اجيت اشوووفج

كمشت ايدي وهيا ترجف _ يمن فددوة رحت لطولج جيتي شووفيني

_ اسم الله عليج .. عمرج طوويل حجية

_ اخخخخخ (دارت وجهه ع قيصر ) شبيهه عمتك ليش رجعت صرررخ

جاوبتهه اني _ من وراي رحت اشوفها وكتلها اصير بنت اختج وتهسترت

_ حبوووبة احنه العدنااا عقللل مامتحملين الشي الي صااار تردين هاااي مسكينة تستوووعب .. انا من البارحة بليل لسة احس رووووحي بصددمة رجعتيني 30 سنة ليوورة ذكرتني من اول ماصارت سالفة امج وابوج

_ الله يرحمهم

قيصر _ هسه شلوون صرتي بشريني سكرررج مارجع صعد ضغطج

_ لا حبيبي شفت اصووولة وصرت زينه

قيصر _ هاااا صااارت اصووولة هسه ( باوعلي وحجة رفع سبابتة ) ترة اني نمبر ون هناا عد بيبيتي ديري بااالج تاااخذين مكاني وانتي حبوبة والله اذا فضلتي هاااي ام شععررر المكهرب والاندوومي ماحجيج بعد

_ انجبببب لكككك حاااط روحك بكلللشي بيش الحگة صررت هسه اصووولة وبس عندي

اصيل _ ههههههه بيوم واحد كسرتك لو اضل يمكم شسوووي

الحجية _ صددك يمة وين تناامين شتاااكلين شلووون مدبرة عيشتج

اصيل _ عندي شقة عايشة بيهه اني وصديقتي وعندي وظيفة وعايشة حمدلله

الحجية _ بعد امج هسه شعدج ضاالة وحدج تعاااي من صددك يمنه عدنا غررفة فااارغة واحطج بعيوووني واذا تردين حتى غرفتي هااي اطيجياها

اصيل _ لا حبيبيتي مشكورة بس اني هم عندي حياة ومسؤؤلية والتزامات وكتلج ماعايشة وحدي ماكدر اترك حياتي

الحجية _ ياااا وهاي صاحبتج ماعدها اهلل خليها ترووح يمهم قابل وراج اليرضع اليزحف وتحيرين

درت وجهي على قاصر واني اضحك وهوة صار يضحك _ هيا هم ماعدها اهل مثلي من جان عمري 14 تعرفت عليهه بلميتم تفرقنا ورجعنا شفتهه وضلينا سووةة

_ اخخخخ سودة علية دخلج ميتم هذا الكو***

_ هااااي بعدد

_ زين انا هذا خالج السربوت ع ابنه طالع ماحجالي السالفة عددل احجيلي يمه من بداية

قيصر _ هااا حجية شووو صار الحجي ع ابوووية

الحجية _ اكل *** انتَ واسكت انكس من ابوووك صاير كلكم عبالكم بزززر وضحكووون عللللي محد بيكم يحجييلي الصدددك

صرت احجيلها وهيا تبجي وعدت السيناريووو الي طلعت روووحي على كد ماعدته من البارحة لليوم

...

من بعد ما خلصنا سوالف وهيا تبجي وتنحب واني وقيصر نسكت ونهدأ بيها دخلت ام قيصر وايدها على خدها

_ رنيم بلكوة نووومتها ماتت من البجي

اصيل _ سوودة علية ليييش

الحجية _ شمالها هاااي بت جانت كاعدة وساكته

ام قيصر _ حجية هيا غيررر رجع وضعها مثل اول اني كلتتت كلشي مافاد رجع وضعها صارت تملخ بروحها وتضرب بلكوة هدائناها اني وايلول وهسه بقيتها يمها خاف تكعد وترجع

اصيل _ كلللة من وراي المفروض مااحجي وياها هيج

قيصر _ لا شعليج انتي هيا اول وتالي واحد راح يكوللها وتكعد تبجي ويصير هذا سيناريووو كلة

اصيل _ لا خطية لتحجي هييج بسببي هسه تأذت اكثر

الحجية _ وللج يمة هياا هذا وضعها من صغررر ماعليج انتي احنا متعووودين سئلينب اني امها

اتنهدت واني مضايقة على وضعها رن جهاز قيصر وطفررر يخابر بلطرمة شفتة تأخر شوية ورحت ورة اسمعة بعد يحجي

_ اي يابة انتظررر خليتحرك الولد اول
..  كتلك خابرته وهسه ادزاك رقمة قبضوو علي بسرعة .. هاهيا يلااا الله وياك يووصل

التفتت علية واني سمعت قبض وانقبض كلبي ويا _ قيصررر شكووو شصااار لكيتوو خلللف

_ اششش اششش لحد يسمعج تعااي للحديقة

مشيت ورة للحديقة جر ايدي للمرجوحة _ شوووفي اكووو تطوور صار بس يبقى بينا ولتتأملين زايد منعرف لان شراح يصير

_ اي احجي فتيت كلبي

_ شوووفي ابوية هسه خابرني رايحيين للبصرة ولكين بيتهم ورايحيلة للمحل شايفي من بعيد بس هوة ميدري بيهم ..

_ اي ؟

_ ضلوو يسألون وسمعووو ابنة خليل اسمه مو ؟

_ اي اي عندة ولد واحد خليل

_ هوة هذا نعلان يتاجر بلمخ_ درات وابوو يممول

_ اي ؟

_ هسه صاحبي الي جاب العنوان تفقنا وياا يروح بحجة يشتري منهم ويقبضوون علي

_ بهسهووولة ؟

_ اي لعد شتردددين بس طبعاً ماراح بسرعة ينفذوون لازم يتعاونون ويا مكافحة ويتفقوون ويرسمون خطة اول بس هاي خلاصة الفكرة كلها

_ زين هوووة هلكد معروووف يبيع ويتاجر شعجب محد داري بي من قبل وسااجني

_ مادرو ابوية وعمي بسهولة لكفين الصانع مالتهم وداكي ومعترف عليهم

حطيت ايدي على صدري _ اختنكت قيصررر

حط ايدة على ركبتي وهوة يمسد بيهاا ويكوول اسم الله شجاج ركض جااابلي مي ورجع يمسد على راسي ..

_ شبيبيج اصيييل شجااااج شوو باوعيلي

دفعت ايدة عني _ لا لا مابية شي بس اختنكت من حسيت الموعدد قرررب

_ ياموعد ؟؟

_ عوووفك هسه مني شوووكت راح يصير كللل هذا الحجي

_ اقصى شي يومين وتلكين خلف كدامج

_ بس اني ماريدة ينسجن بتهمه مخد_ رات اريدة يتعذب على الي سووة باهلي وبية

_ شووفي ياعيني اذا نضل على سالفتج وشغلة اهلج راح ينكر وماكو بيدنه دليل  ملموس سالفة يرادلها شهر يالة تثبت تهمة علي احنه نريد بس نلزززمة وهاي شغلة اجت عصفورين بحجر واحد وداعت عيووونج حكج يرررجع لو يمر قرررن

_ كلللشي ماريد غير اشوووفة يتعذب وياخذذ جززائه

_ ياخذة خلي ايمانج برب العالمين قوووي وان شاء الله يصير خير

رجعت راسي ليورة وانفتحت باب الشارع ودخل حجي لواء وعاقج حواجبة مصددوم بوجودي طفر قيصر

_ هااا جدددي وين جنت اتصل علليك متردد من صبح

_ هلااا جدددي جانت عندي شغلللة خير شصاير

_ ماكو شي بعدين اسولفلك اجت اصيل يمنه شافت رنيم

باوعلي وضحك _ اي هلا بيهه البيت بيتهه بعد

عدلت نفسي وكمت _ بيك اكثر أني اترخص اتأخر الوووقت ولازم ارجع بعدد

لواء _ وووين ترحين تغديتي ؟

قيصر _ لا بعدنة

لواء _ فوووتي فوووتي يلااا تغددي اول

اصيل _ رحم الله والديك بس صدك لازم ارجع عندي شغلل

لواء _ شغلل اايش هذاااا كعددددي اتغدددي وروحيي

أصيل _ بسس

لواء _ ماكووو بسسسس تتغدين وطللعين

قيصر يباوعلي ويضحك دخل لواء وهوة يشمت _ وينهااا ال waman strog وحركات هههههه بحجاية وحدةةة طببج جوووة ان شاء الله ع الايااام الجاااية حتى دوواام ماكووو ضلين هنااا طبخيلنااا غدااا

_ باااحلاامك من تروووح تحط راسك ع مخدة وتغفى شووف اصيل سوويلك اكل وتكعد بلبيت

_ اي عمي نسوووان داااايحةة شيلزمهن

_ اشوووفك أربعة وعشرين سااعة تفتر بلشوارع

_ يلا يلا عود تقصصصف ام الاندووومي دروووحي عدلللي كفشتج هاااي وتعاااي احجي

_ اشوووفك مييت عليههه

_ اووووووووع انييييي اتكهرررب منجج

_ ستوووة من انكلللل ارنب اصيللل شبيج اجيبلللج مي

_ ههههههه هوة هذا الي يسوووب زززين يصير ارنب

_ بضبط حتى ثاااني مرة توووب

دخلنا ليجوة وكعدنا كللنا وصبوو الغدا ورنيم ماقبلت تنزل والحجية كعدت بصفي وتحط كبالي الاكل ومدللتني وقيصر يغااار بس متحاجي لواء زعلانة منه ثنينهم ميتحاجووون ضللليت اني كااعدة وساكتة مامخذة على هاااي الأوساط العائلية احس نفسي غريبة وبعيدة كل البعد عن هيج لمة واجوواء تغدينا وبسرعة اترخصت وسلمت وطلعت من بعدت ماوعدتهم بزيارة ثانية واجيب وياي هدى

طلعت راجعة للبيت ومايقارب المغرب صااار وهدى مامتصلة علية ولا سائلة

دخلت للبيت وجان هدوء والاضوبة طافية دخلت لغرفتها ولكيتهه بعدهي نايمة

طلعت ورحت بدلت ملابسي وغسلت وشغلت الغسالة ولكيت ملابس وصخة وسبحت رحت لغرفتهه ولكيتهه كامشة فوون ونايمة

_ شبيج هدى شوو خاانسة

_ ها اجيتي مامنتبهه

_ بعد وكت كل هلصوت وطكطة ماسمعتي

_ لا جنت تعبانه

كعدت يمهه ع طرف الجرباية _ شبيج تعبانه

_ دوام وتعب وركض وشرح وهوسة

_ ايييي وبعد

_ ولا قبل

_ ماصددك صاير شي

_ وين جنتي

_ عند اهل قيصر

_ تغديتي يمهم

_ جلبووولي

_ ابتسمت ورجعت كمشت الفووون شلت مخدة وركعتهه ع راسها

_ تحجين لا اهففج هسسه شببيج

_ مابية اصييل عووفيني مالي خللك

_ شوووفي هدى تحجين لا وروح ابوية هسه اسلووعج سلووع هسه

اتنهدت وذبت حسرررة _ اصيل راح احجي بس لتفكرين غير تفكييير بداعتي ..

_ اي احجي بابا شكوو قلقتيني

_ شووفي داحس نفسي صرت ثكيلة يعني هسه صار عندج اهل وراح ترحيلهم ويجوج وتباتين يمهم واني ماعندي احد ففكرت تفكير او بلأصح قرار صديقتي وياي بلدوام كالتلي الي يهاجر لدولة اجنبية ينطونه شقة وشغل وكلت بعد اشووف حياتي الى متى اضل اني هيج

كل هذا الكلام واني عاقجة حوواجبي وفاتحة حلكي من كملت شلت النعال (تكرمون ) وضربتهه ع راسهه ثلاث مرات

_ اييييي هاااي شبيج اصييييل

_ اكللللللي نع"*** ادبسززززز ساااقطة شنووو هلتمسللللت منين جااايبة حجي هذااا انتي احنههه امسسس شحجيييننه اني اريدددج عووون صيريلي فرعوووون شنوووو هذا التمظرط منين جاايبتة

_ هااااي شبببيج اصيييل داااحجي وياااج من صدك

_ ترة هاااي سالفة جديدة هددى لطلعيني عن طوووري لزززيديين هممي مانااقصة اني هوة روحي طالعة

_ اصيل صدكي هذا الحل انسب النا ثنينة

_ انتي ثورة لو تردين تكتليني ناقصة عمر صدك تحجين ؟ من كل عقلج

_ اي وربي

_ عمييي لتحجين سكتتتي راح طلللعيني عن الإسلام اسكتتي

_ اصيل يمكن هاي اكثر مرة بحياتي احجي وياج بجد رجاءً لتستهزئين

رجعت شلت النعال وضربتهه بي _ انتي من عقلللج لللج ماعرفتتتيني كلللل هاي السننين اني وووياج ماعرفتييي اصيييل منووو !!! تتوقعيني اني اعوووفج انتي صاحبتي وصديقتي واختي ودنيتي علمووود ناس ماصار يووومين من عرفتهم وافضلهم علللليج هذذاا تفكيررررج عني هااااي ثقتتتج بيااا هاااي صددداقتنا واخوووتنااا وعلاقتناااا هياااا هاي الفكرررة الماخذتها عني ابدددلج واعوفج واترررركج ؟

_ يعني مسووويها

_ لا ااانتي جددد ناااوية طلعيني عن الإسلام

_ اصيييل والله من كثررر ماااحبج اخاااف اخسررررج

_ لللللج يااابعد چللااووووويي اني مابدللللج بكنوووووز الدنياااا ماكووو واحد بلدنيا يعوووضني عننج ماكوووو انسان يفهمني ويحبني على طبيعتي ويتتحمل تصرررفاتتي مثلللج منين الكة مثلللج اااني وين احصللللة لو اهللللي يطلعووون من كبرررهم ماعووووفج وحق علي بن ابي طالب

صااارت تبجي وحضنتني وجان مشهدد درااامي على رووومانسي ثنينة مُكملين لبعض ماكدر بدونها وهيا متكدر بدوووني باسوء لحظات واتعسها كنا سوووة وان شاء الله بأفضل واسعد اللحظات هم نكون سوووة هدى رووحي من الدنيا مابدلها لو ينطوني الدنيا كلها مستعدة افديها بروحي واضحي علمودها واني متأكدة هيااا مثلي واثقة بيها من احلاا ما بعلاقتنا هييا الثقة الي بينا والحب الي اساس علاقتنا قوووي ماضم عنها اي شي ضحكنا حزنا فرحنا كلشي بينا نشاركة ..

سحبتهه عني واني امسح دموعها _ ثاني مرة اذا حجيتي هذا الحجي من جد ازعل واخذ على خااطري هلموووضوع يطللع من عقلج نهائياً لا سفر ولا تاجرين بيت وطلعين ولا تبتعدين عني سانتيم ووواحد اني ماااعوفج لو هاي دنيا تنكلب

_ تمام هاهيا بعد ماعيد السالفة

_ شحدج اكسر ظهرج

_ هههه ديلاا خووش ليش تأخرتي

_ جان اتصلتي وعرفتي

_ انجبي وحجي

_ هسه بعدين اسولفلج صارت احداث بس اول اريد اخابر عموو صالح خطية لازم اكلة على كلشي صاار صار هوواي مامحجيته

_ روحي خابري واني اسوي عشا

طلعت من غرفة هدى ورحا لغرقتي وسديت الباب واتصلت على عموو صالح اول رنه شالة _ هلاااا ببنيتي شلووونج بوووية

_ هلااا بيك يااابعد رروحي شلووونك شلووون صرت

_ على الله واهل البيت .. انتي شلونج اخابرج هدى شلونهه

_ هدى الحمدلله زوينه .. بس اني موزينه

_ خيرج يبوووي شصااار وياااج

_ هوواي شغللاات ومصاايب مادري منين ابديلك

_ لتقلقيني باباتي احجي شصااار من بداية

_ اكووو ولدد زميلي بلدوام ماعرف اذا مسولفتلك عنه اسمه قيصر الي جان بعرس هيثم صديق اخووو تذكرة جدة حجي لواء يصير صديقك

_ اي اي اعرفة هلوليد جددة صااحبي من زماان من عسكرية شبي

_ ماعرف شلوون اكلك بس القدر مدري الصدفة خلتة كبالي وكل هاي فترة وسنين اكتشفت البارحة او بلأحرى اتأكدت يطلع ابن خالي ولواء يصير جددي

مرت ثواني من صمت وراها جاااوب _ تحجين من عقلللج انتي بوووية ؟

_ اي والله

_ شلووون يعنني لحظظة كل هاااي فترة ولواء صاحبي وع اكثر من مرة جنتي يمي وشاايفج وطلللعين حفيدددته وخوووالج

_ والله يابوية مااادري اني هم صار يومين ماعرف راسي من رجلللية حتى نووم ماكدر انامم من صدمة

_ مجاي اكدددر اصدددك زين متأكدة شلووون عرفتي خاف يضحكون عليج

_ لا شيضحكون هوة اني بلبداية جنت شاكة قبلهم بس قيصر الي اكدلي عدهم بنية تصير تؤام امي منها عرفت

_ يعني هسه اني مااعرف شحجي شيي ميشلة العقل لاحول ولا قوة الا بالله العلي العظيم.. زين كل هاي فترة وين جانووو عنج شلووون هيج صاار

بديت اسردلة الأحداث من البداية لحد هاي اللحظة بين الضحك على الصدفة والبجي على قدري نهينا المكالمة وهوة ينتظر مني جوواب بخصوص الخطة الي راح تم بخصوص خلف بعدها اتصلت على قيصر اعرف شصااار وياهم وللأسف بعدهم مامتحركين منتظرين الوقت المناسب حتى يعتقلوون الاب والابن سووة

رحت لهدى وجانت كاعدة تاكل لان اتاخرت بلمكالمة ويا عمو صالح وجان مالي نفس اكل رجعت للغرفة وحطيت راسي ع مخدة وبديت افكررر واخطط للحظة الي راح اشووف بيها خللف واشوف الندم والانكسار والعذااب بعينة منتظرة كللش ومتشووقة حتى اووكف كددامة واني ماخايفة اخذ حقي منة وظيم السنين اطلعها من عيونه اخذ بثأر اهلي واخوتي الي ماشاافو من حياتهم شي كللشي جنت أجهزلة من اني وصغيرة واتخيل الموقف واقترب الوقت الي احقق بي كلل خيالاتي

فززتني هدى من سلسلة افكاري وبدينا نسولف واحجيلها عن اليوم لحد الفجر واني النوم ماداخل عيوووني تعبانة نفسياً و جسدياً وفكرياً والارهاق والهالات واختناق وصعوبة تنفس ونغزات بلقلب والالم جسدي وروحي كل هاي الأشياء مدتتركني هاي فترة بنفسي اسافر مكان بعيداً عن هذا العالم والضوضاء انعزل وحدي مكان مابي ذرة بشر اصفي مخي ارتاح من هموم من دنيا حتى لو يوم واحد يكفيني بس ياحسافة وين الكة ..

ضليت لحد اذان الفجر وهدى يمي بقت حاضنتني وداخلة بغيبوبة وخرتها عني وغطيتها وكمت توضيت وفرشت السجادة وتوجهت لرب العالمين وبديت اصلي واقرة قران لعل الخنكة البصدري تفكني لان مداكدر لاانام ولا اتنفس طبيعي صرت ابجي واني اناجي رب العالمين يخلصني ويفرج عني وياخذ حقي ويكشف كلشي ويوجهني للطريق الصح .. لان اني تايهه وماعرف الصح من الغلط وماعرف الي دااسوي بي شر ام خير الي

صارت ال ٦:٣٠ كمت بدلت ملابسي وسويت لنفسي جاي لان راسي نسطر وطلعت متوجهه لدوامي بلطريق وخابرت قيصر وللأسف بعدهم مامتحركين منتظرين خليل وابوة يروحون للمقر الي يبعون السم بي ويروح هذا الولد وياخذ منهم حتى يقبضون علي بسرعة وتثبت التهمة علي

سديته واني روحي انقبضت كلما اكول توصل للحلك تبعد اكثر دخلت للدائرة وجان بعدة دوام مابدي فقط العمال وكم موظف صار رافد كبالي سلم علية وبادلتة وانتبهت علي لابس حلقة باركتلة ورحت لمكتبي شوية واندكت الباب موظف الاستعلامات ..

_ ملازم ريان سيادة المدير يردج بغرفتة

كمت واني العن بي شيريد مني من صباحيات الله هذا شغلت التسجيل بلموبايل لان ادري بي مو راحة واني بس اريد لزمة علي ..

توجهت للغرفة وجان واكف بس شافني تقرب مني

_ صباح الخير ملازم ريان

_ صباح النور سيدي .. تفضل رايد مني شي ؟

_ اي رايد .. هووواي نسوان مرت علية مثلج يسوون روحهن صعبات واني واني وتطفر وتلكااني بورقة ورقتين كلشي خرطن كدامي

عقدت حواجبي واني معصبة ومشددة قبضة ايدي _ شقصدك ؟

قرب حلكة الخايس يم اذني وبدة ينفخ جنة ثور بوجهي _ اريدج الج شكد تردين اني حاضر

حسيت دمي بدة يغلي واني بلكوة كامشة اعصابي خلة ايدة القذرة على خصري واني بلحظتهاا دفعته وضربتة برجلي على منطقتة صااار يكمززز ويكفر ويغلط

_ والله لانعل ابوك لابو الخلفك لابووو الجابك لابو شكووو كلب ابن كللب يطلع ووراك ياسااقط ياامنحرفف .. شووووفني مثللل خووواتك وكح*** مووو والله ماسمة اصيل اذا مانعل والديك كلللللب

انهديت بي وطلعت حركتي وهوة يتلوة كبالي من وووجع طلعت وللموظفين بلباب اجوو ع عياااط واني صاايرة اعصاااب ونااار توجهت للمدير العااام جان توووة جااي فتحت الباب ودفرتهه هوووة نززز من شااافني

من عصبية ماعرف شسوووي فقدت اعصابي .. يتبع

كلش اعتذر عن التأخير ادري بيكم منتظرين بارت بس صدكووني كللش مريضة وتعبانة ادعولي اصير زينة 💖💖