رواية :- حـــــــرم _ألاسود 🔞
بقلمي :- الكاتبه توته .."
مهم "⚠️ تصويت + تعليق بين الفقرات مشاركه الاصدقائكم.
رغم كل الكره حَبيـت
وگلبي بدهشته استفسر..
شيضم حزنك من الناس؟
نبرة صوتك المبحوح؟
بياض عيونك الاحمر؟
.➛ ✿✿ ✿✿ ✿✿ ✿✿ ➛.
_تيمور عنده علاقه ويه بنتك شذر من زمان قبل لانتزوج وهسه هيه حامل منه
ابو زيد : شنوو ؟؟؟
الكل انصدم جانو موجودين اخواله واعمامه واهلي وعماته وخالاته والكل مجتمع حجيت هيج كدامهم كلهم صاح بوجهي ابوي وجانت هاي اول مره يعيط عليه كدام الناس.
حازم : ارياااانا شنوووو هل حجييي ولج مستوووعبه الكلام التحجييينه
مسلم : شنووو علاقه من شووووكت وليششش متحجيييين ليش باقيه ويااااه ماتجييين تحجين الاهلج راضيييه بيهم شنووو
ابراهيم : عمي مستوعبه الحجي التحجينه بتنه ماتسوي هيج سالفه شذررررر تعااااييييي ولج
گلبي صاار يرجف من الخوف والرعب اباوع لشذر تبجي وجهه اصفر.
راح عليها ابوها جرها من شعرها وسحلها كدامنه صرخت وصارت تبجي امها حاولت تلزمها ماخلاها شمرها يم رجليني وكال.
ابو زيد : اذبحها والله واشرب من دمها موو اني الي ينحط راسي بالطين مووو اني بنتي تشوه سمعتي ماتحجيييي استاذ تيمور فهمنه شتحجي مرتك احجييييي صدك هيج صاير بينكم احجييييي
زيد : شبيكم ليش هل صياح
آيلا : اختك حامل من تيمور
زيد : شنوو؟
حاتم : خالي صلو علئ محمد خلونه نفهم الساالفه يمكن تكون فاهمه الموضوع غلط
_لا عموو مافامه غلط هل انسان مريض تيمور ابد موو صاحي هوه يحب يتملك كلشي اني ماريده بحياتي بعد اعرف بعلاقتهم واعرف اكوو شي بينهم بس مجنت اعرف راح تكون هيييج.
عض شفته تيمور السفليه ودنك راسه وجهه صااار احمر دم عصر ايده حيل.
_هااا تيموور مجذبه بشي اني؟ موو هاي الحقيقه ليوم ماخاف منك ومن تهديداتك ليووم خلصت لعبتك وقتك خلص ماريدك اني وكتلك مراح اتقبلك واخلي الناس كلهاا تعرفك وتعرف وجهك الحقيقي هل انسان جذاب وحقير واستغلني وخوفني هووواي واني مستحيل ابقه وياااه مستحييل.
صارت دموعي تنزل شلالات وكلبي يرجف من الخوف رفع راسه تيمور يباوعلي عيونه حمر دم هز راسه بـ اسف.
كلش اتوتر واخاف من نظراته اني بديت بالحرب ولازم اكملها.
حازم : فهمنه الحجي تيمور قبل لاتصير السالفه عشاير ودوله قسم بالله اخليك تعفن بالسجن.
مسلم : والله وتحجي وياه بكل هدوووء اني موو كلت الكم لاتنطوها اله استلموو نتيجة افعالكم
تيمور : افهمكم كلشي بس تفضلو اكعدو
مسلم : شتفهم ياعااار يانكس شتفهم كووول شتحجي هل مره شلووون تطلع نفسك من هل سالفه
راح عليه مسلم وصاار يدفع بتيمور من صدره وتيمور مارفع ايده ضرب مسلم تيمور بوكسي علئ وجهه خليت ايدي علئ حلكي.
مسلم : نذل عااار قدرناك وانطيناك مره منوو انتَ وتسوووي هيييج ليووم احرك البيت علئ راسك وراس الخلفوك.
تيمور : الزم لسانك واحجي عدل لاتخليني انفجر ومن انفجر صدكني ادمرك وابخرك.
تعاركو اخوي وتيمور راحو اعمام تيمور فكو بيناتهم الوضع حيل توتر والناس كلها انخبصت دخلت الزلم كلها الي بالديوان جانت مسلم صياحه وصل الاخر جار
مسلم : هذا ابنكم وبنتكم العارات ماعرفتو تربونهم احنه شلوووون ننطي لهيج عاااالم شلووون انطيك اختي ولك ليوم اذبحك والله
تيمور : اريانا مرتي وهل شي بينه لاتدخل
مسلم : هههههه ولكم اسمعووو يكلي لاتدخل لعد منووو يدخل تريد اصفكلك علئ هذا الانجاز.
تيمور : عمي صدكني اني ماعندي شيء ويه شذر واني موو ابو الطفل الي حجته اريانا مابي صحه ابد صدكوني كله جذب وهاي هيه كدامكم اسألوها يمكن تكون صدك حامل بس موو مني.
وهيه عدها علاقه ويه ابن عمي رسلان وعندي اثبات علئ كلامي بس اراويك الك لأن هيه عرضي وماسمح لأي بشر يمسها بحجايه عندي حجي كدام الكل
واتمنئ تفهموني ولاتاخذون حجي مرتي كله جديات لأن هيه هسه حيل مقهوره ومن سمعت بالموضوع انهارت واني ماكدرت اشرحه الهاا فأ حجت الكم هل كلام وسوت النه العزيمه فضيحه ونكلب عزه.
اني وياها تزوجنه بأرادته وهيه تحبني والكل يعرف بهل شيء وامها شاهده علئ هذا الكلام هيه اكبرر اثبات عندي
واني ماخذ بنيه اجباري ابد واذا هيه ماتريدني هسه تكدر ترجع ويه اهلها بس هاا هيه العايفه موو اني لأن اني احبها ومابدلها بالف بنيه.
بقيت فاتحه حلكي مصدومه هذا شلوون فر السالفه عليه وخله الناس كلهاا تبرد ومتحجي شيء
مسلم : ماكووو هيج حجي يمه ماتحجين صدك بينهم علاقه شيحجي هذاااا.
جميله : والله هيه كالت تحبه ورفضت بيت ابو هيثم عليه مادري شنوو هل حجي هسه ممستوعبه.
مسلم : هددها تحجي هيج متاكد مهددها انتم ماسمعتو كلامها.
حاتم : ابو زيد الصوج موو بمرت تيمور ولا بيه هوه الصوج بيكم انتم لأن ماعرفتو شلون تربونها عدل انتم اهلها شلوون تنطوها هل حريه
ماعرفت تمشيها علئ الطريق الصحيح وهاي سوتلك عاار وفضحتك كدام العالم كلهاا.
زيد : والله لشرب من دمها قسم بالله اشرب من دمج ليووم شذرررر
اجه عليها اخوها دفرها برجله ولزمها من شعرها يضربها صارت عماتها واخوال تيمور حواجيز يبعدون بيه عنهاا
تيمور يباوعلي بحقد تقدم نحوي رجعت خطوات ليورا بنص العركه سحبني من ايدي وصعدني للغرفه فوك
صرت ادفع بيه وابجي بصوت مسموع يالله سويت كلشي وماخلصت منه
_عووووفني ماااريدك وخرر عنييي وخرررر.
دخلني بغرفته وسد الباب قفله ضرب الميز وكسر كلشي عليه دفر الطاوله ونكسرت.
تيمور : اني هيج تسوين بيه اريانا ؟ هيج تصغريني كداااام الكل هاييي جزات حبي وخوفي علييييج ولج دمرررررت الكل عليييييج دمرت روحيييي واختي وابووووي رااااح كله علييييج انييييي حيااااتي كلهااا دمرتها عليج شلووووون تحجين كلشي هييييج ولج تعرررفين شسووويتي ليوووم لووو ماتعرفين انتِ بيدج دمرتي حيااتج انتِ بيدج خسرتي امانج انتِ بدوني تنتهيييين مايبقالج وجود بسببي عايشه هذوول اهلج مايحمونج انييي امانج انييييييي خرررررب اليوووم العرفتج بيه انعل يومج ليووووم اموووتج بيدي شسووووي بيج هسه شسووووي فهميني.
اجاني لزمني من رگبتي يخنكني ويعيط بصووت عالي ابجي ودموعي مثل الجمر تنزل اريده يموتني اريد اخلص من هل زواج.
تيمور : موووتي اطلعييييي من حيااااتي خلص دمرتيني انتِ دمرتيني ارياااانا ولج موووتيني ليشش متمسك بيج لحد هسه ليشششش.
غمضت عيوني واني احس روحي راح تطلع يحجي بحركه گلب ويخنك بيه بكل قوته
عيوني احسهن طلعن ونفسي ماكدر اجره بس دموعي تجري
تيمور : اموتج واموت وياج شسوي بيج شسوووي فهميني.
دفعني علئ الحايط ارتدم راسي بالحايط بقوه خليت ايدي علئ رگبتي واني ابجي وسحب نفس بقوه.
وكعت علئ الارض واني احس الارض دور بيه عيوني تجري دمووع رفعت راسي اباوعله بحقد.
_موووتني ليش مخليني عااايشه ليش وكفت يلا موووتني يلاااا ارجع اخنكني ماااريدك بحياتي كوووه ماااريدك ليوم حجيت شيء بسيط بالمحكمه افضحك ماخلي سالفه ماحجيها حته تهديداتك احجي عنهم واراويهم المحادثه كلها تكدر تضحك عليهم بس عليه لاااا ماااخليك تستغلني اكثررر ماخليك تلعب بحياتي بكيفك انيييي موو لعبه عندك موو لعبببه.
كعد علئ السرير فتح قميصه وهوه يتنفس بقوه مسح وجهه بتوتر.
تيمور : ماشي روحي ويه اهلج ابقي عدهم لاتجيني من توكعين مشكله لاتوصلين بيتي وتطلبين مساعده مني انتِ انتهيتي بالنسبه الي اريانا محيتي كل المشاعر الي بداخلي اتجاهج موتي تيمور بيدج ليوم.
_موت هوه اني هذا الي اريده اريدك تموت واخلص منك.
شال راسه يباوعلي بتركيز وجهه عركان وعيونه حمر دم ابتسم بهدوء وكال.
تيمور : اموت يجي هل يوم اكيد ميبقه شخص بس تذكرين كلامج هذا وتتندمين عليه لأن اني لخاطر عيونج دمرت كلشي بحياتي.
_شدمرت شسويتلي انتَ احجيلي فهمني شنوو الي ضامه عني تيمور احجي رااااح اموووت انيييي ماتحس بيه ماتخاف الله احجييييي شنووو الموضوع ليشششش سااااكت خليني اطلع غلطانه خليني اعرررف الصح من الغلط
تيمور : حته تروحين تفضحيني كدامهم موو؟ بس ليوم طلبت منج تسكتين جنت اريد نسد الموضوع بهدوء ومحد يعرف بالسالفه بس ماصبرتي ورحتي حجيتي كلشي
_انتَ دمرتني تيمووور شتريد اسوووي شتريد منيييي احجييي احجيييييي يالله رااااح اتخبل رااااح امووووت انييي شمسووووويه ليشششش هييج ليششششش تصررررف ليششش.
صرت اضرب علئ وجهي وابجي واصرخ بهستريه تخبلت بكل معنه الكلمه خلصت طاقتي كام من مكانه واجاني بسرعه يلزم بيدي يهدي بيه.
تيمور : تخببببلتي شبيج ليش هل تصرفات اهدي كاافي راح تموتين كافي اني حقير اني نذل شلوون اوصلج لهل حاله كافي ياروح تيمور كافي حبيبتي اهدي افهمج كلشي والله احجيلج بس اهدي
ضامني لصدره ويبوس براسي لزمت قميصه بقوه واني ابجي وجسمي كله يرجف
تيمور : اريانا كلشي راح احجي الج اريدج تفهمينه بعقلانيه وتخليني اخلص كلامي ماشي راح احجيلج امور تصدمج كلش هواي بس ثقي بيه كلشي لخاطرج سويته ولله ادري غلطان بس بعد ماكدر اغير شي.
رفعت راسي عن صدره اباوعله بعيون مليانه دموع يعني راح يحجيلي خلص راح افهم ليش هيج تصرف وياي.
نزل راسه يباوع داخل عيوني دمعن عيونه ابتسم بهدوء ومسح عيوني بيده وباس خدودي.
تيمور : اااااخ اريانا اااخ نطقة ضعفي انتِ والله ويستغلوني علئ هاي النقطه.
_احجي
تيمور : اني اشتغل بالمخدرات ويه رجال المافيا.
فتحت عيوني بصدمه عمري كله ماتوقعت يكون هيج هذا الشي الضامه عني دفعته عني ورجعت ليورا خايفه ومصدومه من كلامه هذا شديحجي.
تيمور : هسه ماشتغل وياهم والله عفتهم هل شي صارله سنه تقريباً
ابوي جان مايتفاهم وكل الفلوس والمنصب بيده وكلشي جان يدور براسي انو اصير شخصيه جبيره وعندي فلوس ومنصب واطلع من شركة ابوي واكون شغلي الخاص بيه
اني حته كليه ماخلصت خلاني ابوي اشتغلت وياه وتالي حته مايحترمني ولا انطاني حصه كامله .
بيوم جنت حييل تعبان حيل وعليه ضغوطات كلش هواي دخلت ملهه ليلي وشربت كحول هوواي ودخت طلعت بالسياره ماكدرت اسوق اجه رجال طويل وضخم دك الجام عليه.
كالي تريد مساعده كتله ايي وصلني للبيت صعد بالسياره وياي واخذني لمكان مكطوع وبيه هواي اشياء متروكه.
جنت دايخ مافاهم شي بقيت كاعد واحجيله كلشي اكوله ابوي ضالم مايريدني واريد اكون احسن من الكل واسوي شغل كلي راح اعرفك علئ القائد "
ومنوو هوه القائد؟ هوه اكبر رجال العصابات والمخدرات انسان وصخ الئ ابعد حد وتفكيره كلش خطير
اني موو هيج جنت وماحقد علئ بشر بس هوه لعب بيه لعب خلاني مافهم أي تصرف اسوي.
بهذيج اليله اني رحت وشفته بس شويه ركزت عرض عليه صفقه كلش قويه.
احنه شركتنه عن العذائيات والمواد كلي تعبر المخدرات بسيارات النقل مالتكم وتكون شريك ويانه واول مانستلم المبلغ الك نص كامل منه وشكد جان السعر 400 مليون يعني نص مليار
واكدر اشتري شركه خاصه بيه واكون نفسي حيل فرحت بالعرض واوفقت علئ كلامه بسرعه
اخذت فترا اخطط وياهم عن الكميه الي راح نعبرها من الحدود.
عبرنه 3 سيارات وخلينه بيها مخدرات بالتفاق ويه السواق وجان واحد من العاملين والمهندسين اخوج مسلم
انصدمت من شفته يُشَتغلً وياهم ثقي بالله اخوج قبلي متورط وياهم.
اتفقنه وصرنه نشتغل عادي وصلنه اول دفعه استلمت منهاا 200 مليون تعاركت وياهم وكلت الهم متفقين اكثر ماقبلو كالو الفلوس موو كامله
المهم بيوم جنه مهربين مخدرات هواي لغير دوله والسعر العليها كلش غالي اني اصريت ننطيها لواحد ثالث من السواق جانو 2 متفقين وياهم حبيت نوصل اكثر وقترحت عليهم بعد وافقو ودزينه الممنوعات نص الطريق اختفت السيارات والمخدرات وياهم ماعرفنه شصار منوو اخذهن موو شرطه ولا واحد منه والمشكله مو هنا المشكله
اتهموني اني لأن جنت مصر انو تمشي بالسياره الثانيه.
وكالو الفلوس نريدها كامله والا ندمرك ومانخلي شخص من عائلتك عايش المهم اني ماكدامي أي حل شسوي لازم ادفع الهم وابحث عن الموضوع واشوف منوو الي اخذ السيارات
سحبت المبلغ الي اخذته منهم ورجعته الهم ماقبلو طلبو 600 مليون علئ كل سيارة 200 مليون.
صح ابوي تاجر بس ماكدر ادبر هل مبلغ كله شسوي شلون اتصرف جان اكوو عقد شراكه بينه وبين شركه ثانيه ومنطين 100 مليون مقدمه والباقي بعدين ينطوه بليلتها جانو حيل مخوفيني ومصرين انو ارجع لفلوس وكل يوم تهديد بعائلتي وحته اختي عرفوها بختصار كلشي يخص حياتي عرفو
اخذت الفلوس من الشركه بدون ميعرف بشر بس المشكله ابوي عرف الفلوس راحت ماكدرت احجي شمرت الساالفه براس الحارس حته اطلع نفسي من هل سالفه الوكعت روحي بيها وتورطت ورطه ما منها مخرج
عضيت اصابع ندم شلون اشرك روحي ويه هيج عالم وادمر حياتي.
بقيت شاك باخوج انو هوه الي اخذ السيارات والفلوس راقبته وراقبت حياته جان دائماً يوصلج للكليه وانتِ وياه.
سكنتي روحي اريانا والقران الكريم من اول نظره الج اني تزلزلت هيج مادري شصار بيه كلشي تخربط عندي صرتي ماتروحين من بالي قبل شايفج ويه اليان بس ممركز بيج بس من دخلتي كليه جنتي جبيره واعيه وشكلج وترتيبج كلشي عجبني بيج.
صرت بحجت اتابع اخوج اشوفج واتابع كل تحركاتج عرفت كل تفصيل صغير وجبير عنج
همه يراقبوني شافوني حيل مهتم لوضعج بحثو عنج عرفو انتِ اخت مسلم خطفوني بليله وستجوبوني ليش اراقبج گلت الهم اني شاك بمسلم هوه الي اخذ الفلوس واراقب اخته حته اذا صار شي هيه سلاحي اني الغبيه الخليت الانظار عليج وخليتج تصيرين براسهم.
قنعتهم بكلامي صارو يراقبون كل تحركاته ويراقبونج بدون مايعرف اخوج.
اخرر شيء عرفو مسلم اله ايد بالسالفه اخذو وشبعو كتل و كلوله منوو وياك شركني بالسالفه وكال تيمور هوه وياي واني حته ماعرف بالموضوع اصلاً
تعاركت وياه وحاولت اطلع نفسي بريء بكل وسيله ماكدرت مايتفاهمون واخوج العار شمر السالفه براسي حته يطلع روحه كلهم هوه وياي واحنه تفقنه علئ السيارات سويه.
المهم كالو المبلغ دبرونه والأ هل بنيه تكون رهينه عدنه وكل شخص من المدمنين نخلي يلعب بيها ويدمرها دمار.
اني الي خليتج براسهم واني الي خليت الانظار تصير عليج يعني اذا صارلج شيء اني المسؤل
جانو يدرون بيه احبج ورايدج تخبلت من سمعت بالموضوع
صرت اهدد واصيح واخوج النذل خاف وماسوه شيء
كالو دبر الفلوس لوو نكتلها كدام عينك كتلهم ادبرهن والله ورجعهن بس لاتأذونها هيه مالها ذنب بشي.
تقاسمنه المبلغ اني واخوج ندفعن سويه اخوج من زمان يُشَتغلً وياهم انطاهم النص كامل اني بقه عليه بس 100 مليون ماكدرت ادبره هواي.
صارو يهددوني بيج انتِ ماكدرت اخليهم يأذونج صرت العب اقمار حته ادبر المبلغ بكل مره اخسرر فلوس ماربح
دمرت روحي بكل معنه الكلمه اجه بالي اخليهم يكتلونج بس ماهان عليه حاجيت اخوج كتله ادفع وياي انتَ الاخذت الفلوس موو اني واختك راح تنكتل اذا ماتسوي هيج
ضحك علئ كلامي وكال فلوسي دفعتهن انتَ الي تدفع حصتك .
ورطني اخوج وماهمه وضعج رجعت اليان وصرتي قريبه مني فكرت هوواي وحرت شلوون احميج.
فكرت اخطفج بس گلت تكرهيني كلت اهتم بيج تحبيني واخذج زوجه الي واحميج منهم واخليج حته اخوج تعرفين حقيقته.
موو شاطر بالاهتمام والمشاعر صرت اتقربلج بس انتِ بكل مره تبتعدين عني.
اخرر شيء نفذ صبري وياج هددتج بصورج وكلت اخذج بالقوه تعبتيني هوواي يلا كدرت اخذج
من صرتي مرتي شويه أمنت عليج بس ماخلصت من الخطر الي بحياتي صارو يحاولون بكل طريقه يخطفونج وياخذونج مني
حته الفلوس مارادوها جانو يريدون يذلوني بكل طريقه لأن جنت مانطيهم مجال واهدد واحجي بكل قوه
مره اجيت للبيت مصوب وانتِ شفتيني وجنت سكران هذاك اليوم جنت منتهي وتعبان بكل معنه الكلمه ثقي ماجنت اريد ادمرج اخذتج بدون وعي ومادري بروحي.
فرغت غضبي وخوفي كله بيج طلعت حركت كلبي كلهاا بيج
شحجيلج بعد اريانا شحجي كلشي غلط بحياتي كلشي شربت اختي مخدرات بس حته اخذ حصتها وادفع الفلوس واتخلص منهم
غلطت اييي هووواي غلطت وندامان بكد شعر راسي وصرت اغلط اكثر ماصالح شي صرت كلني اغلاط من راسي لرجليه
بس وعيونج خايف عليج هددوني يقتلون شخص من عائلتي وماهتميت لكلامهم وقتلو ابوي تخيلي.
خليت ايدي علئ حلكي مصدومه يعني حته موت ابو تيمور جان مقصود دخيلك ياربي احس نفسي بحلم.
تيمور : ايي اريانا اييي ابوي مات بسببي اني همه سببوله الحادث ماجنت ادري هذاك اليوم خابرني القائد وكالي اسوي لحبيتك حادث مرتب مثل ابوك شتگول وخلاني انصدم وافقد عقلي.
تخبلت ماضل عقل براسي رحت بسرعه واتصلت بالشرطه وبلغت علئ المكان ماالهم بس مافاد شيء مجانو هناك مختفين همه عدهم اماكن هواي.
ومن شافوني سويت هيج تصرف حاولو يقتلونه اني وياج بالسياره ويسوولنه حادث.
خفت عليج اكثر من ماخاف علئ روحي وحاولت هووواي اطلع منهم.
اخر شيء فقدتي انتِ وكفت السياره ونزلت الهم قفلت عليج السياره وتعاركت وياهم ضربوني هواي لان جانو مجموعه جبيره كلت الهم دبرت الفلوس وراح انطيكم اضعاف يلا خلوني اروح.
رجعتج للبيت بس جنت حاير شلون اتصرف المهم لبارحه وقعت علئ اوراق اليان واخذت حصتها ودفعت كل الفلوس الهم بس بعدني ممرتاح وخايف عليج
جنت اريد اطمأن اكثر وابحث عن الموضوع بس انتِ جنتي بكل يوم دمريني وتبجين وتصرفين تصرفات ممقبوله
ليوم حجيتلج كلشي من الاول الاخير هاي حقيقتي اريانا هذا تيمور المتخفي الغامض الي ماتعرفين أي شيء عنه.
عيوني تمطر دموع كلشي ممستوعبه من كلامه هسه شنوو اني غلطانه ضالمته منوو الصح ومنوو الغلط بينه
مسلم شلوون يسوي هيج متوقعت بيوم يكون اخوي يشتغل ويه هيج عالم وميهمه وضعي.
يعني هسه تيمور خسر ابوه ودمر كلشي بحياته علمودي اني؟
يالله دخيلك ساعدني خليني افهم شلوون اتصرف
كعد تيمور علئ ركبه لزم ايدي يبوس بيهن ركز بعيوني وهمس.
تيمور : استحق انسجن وتعاقب بس ماستحق كلامج هذا وتصرفاتج وياي اني جنت واكف وراج بكل ماعندي من قوه.
_ماكدر اصدكك ماكدر انتَ تجذب عليه موو هيج اخوي مسلم مسوي هيج.
تيمور : تردين اراويج المحادثات البينه.
بقيت ساكته وخايفه مادري ليش صرت ماريد اعرف شي بعد صرت كارهه الكل واريد بس امووت واخلص.
رفع قميصه طلع الوشم الي بايده راوانياه ابتسم وكال
تيمور : شوفي هذا الوشم خاص بيهم من اشتغلنه وياهم خلونه نسوي حته نكون من الفريق.
اكيد انتِ شايفه اخوج مسوي وهسه شوفي المحادثه الي بينه حته تصدكيني.
طلع الجهاز من جيبه وطلع المحادثه الي بينه وبين مسلم جان كاتب اله
مسلم : سلمت الفلوس " القائد ليوم خابرني عليك " اريانا بأمان مو " ترجع تشتغل وياهم راح ارجع اني " عار ليش ماترد.
هوواي كلام لزمت الجهاز اباوع بيه وعيوني تبجي من وحدها.
شديصير ليش هيج يسوي مسلم اخوي متورط ويه عالم خطيره مايخاف علئ اهلي ومرته وابنه.
_يعني يعني هسه مسلم يشتغل وياهم؟
تيمور : من زمان وياهم قبل لاتعرف عليهم اني.
_يالله دخيلك ياربي راح اموت.
تيمور : اريانا انتِ بخطر خليج يمي اخاف عليج من مسلم هذا يكيف علئ الفلوس صدكي ميهمه وضعج.
_عوفك من مسلم ليش اليان دمرت حياتها ليش خليتها مدمنه مخدرات خليتها تفقد عقلها ليشششش انيي اعرف كلشي عرفت وشفتك بعيني شلوون تشربها.
تيمور : جنت كل مانطيها حبايه مخدرات انطيها منوم وياه اخليلها حبايتين سويه حته مياثر بيها هواي اريدها بس توقع جنت وقعت وبعد تووبه ماسويلها شيء مستحيل اضرها بشي جنت اريد بس اخلصج واخلص نفسي من هل ورطه والله
_هذا موو حل هذااا مووو عذر تريد تمووت اختك حته تنقذني شنوو فرقك عن مسلم هسه هاااا انتَ وياه نفس الشي هوه ماهمه حياتي والخطر الي اني بيه وانتَ ماهمتك اختك وأذيتها علمود تاخذ الفلوس.
تيمور : اي صح غلطت بس جنت اريد اساعدج واختي اليان بين اديه واني جنت مانطيها بس مخدرات خطيره جنت انطيها منوم وحبوب اعصاب وصارت هيج حالتها.
_انتَ واعي علئ نفسك مقتنع بالكلام الي تحجي كم حبايه منطيها ممخلي شيء خليتها تصير انسانه ثانيه ليشش ماخفت الله عبالك من عرف راح اسامحك انتَ غلطان بكلشي غلطان ومستحيل اسامحك وتقبلك مستحيييل.
تيمور : جنت متاكد راح هيج تحجين وتعوفيني اول ماتعرفين الحقيقه بس خلي شيء واحد بالج اذا رحتي الاهلج راح تكون حياتج بخطر كلش واني اذا صارلج شي اموت والله.
_خليني اموت ياريت لوو مخليني ميته ولا مسوي كل هل امور اني ماوكف وياك ع غلط اني ماصافحك علئ الامور السويتها ابدد لاتتخيل اتعاطف وياك لأن جنت دافعلي لااا تيمور لااا انتَ جنت تكدر تحجي من الاول جنت تكدر تجي وتكولي حياتج بخطر واكو عالم تريد تقتلج
مجان اكوو داعي تهددني بصوري وتسوي كل هل امور مجان اكوو داعي تشتغل ويه عالم وصخه هيج انتَ موو بس دمرت نفسك دمرتني ودمرت اليان ودمرت عائلتك كلهاا ليش فهمني ليشش راح ابوك بسبب افعالك الغلط شستفاديت هسه
كل هذا علمود الفلوس شتفيدك هسه الفلوس خسرت الامان من حياتك بسبب الفلوس والطمع مالك تحمل خطيئه افعالك.
دفعته من صدره وكمت فتحت الباب لزم ايدي قبل لا اطلع.
تيمور : ماشي الج كل الحق تحاسبيني وتحجين بس لاتخلين بشر يعرف بالموضوع.
_انتَ لازم تتحساب لازم تدفع ثمن اغلاطك واخوي وياك مراح اسكت عنكم ابد.
تيمور : اريانا لاتتخبلين انتِ مواعيه هسه اهدي وفكري عدل اذا الناس عرفت باخوج وبينه راح تدمر عوائلنه وراح يصير الكل بخطر لأن يسجونونه ويخلونه ندلي علئ مكان العصابات ومن يعرفون العصابات راح يقتلونكم.
_ميهمني ابد ميهمني أي شخص بعد
لزم وجهي بثنين اديه ركز بعيوني بتعب عيونه كلهن دموع.
تيمور : لاتسوين هيج اريانا اني اسلم روحي للدوله بس لاتحجين والله اعاقب روحي
عيوني ركزت بعيونه الاول مره احسه خطيه بس ماريد انغش بيه هل انسان مريض وسوه تصرفات كلهاا غلط.
_ايدك وخر عني وخر
دفعت ايده عني دنكت راسي واني اسحب نفس بقوه.
تيمور : خلينه ننزل وكولي الاهلج اني فهمت كلشي غلط وعد باجر اسلم روحي للدوله
_راح اسكت وماحجي شي عنكم واحجي مثل ماتكولي هسه بشرط واحد.
تيمور : شنوو الشرط؟
_طلكني ...
______________________________
يتبع البارت
.➛ ✿✿ ✿✿ ✿✿ ✿✿ ➛.
حلم عيون توصيفك
طلع كل الملح جذاب
اذا كل هالمصاخه البيك
وتغزر سواليفك
::*::*::*::*
شلونكم بالاحداث حبايبي 😂😔🔥
ليوم استعجلت الكم بالتنزيل لان هوايه بنات دخلولي وحلفوني انزل.
البارت الجاي راح ينزل بيوم الاحد انشالله
تصويتكم علئ هذا البارت
لاتنسو تنطوني رأيكم بيه شتحسون تيمور خطيه وكلشي سواه اله حق بيه لوو غلطان واكفين ويه اريانا.
احب اسمع سوالفكم.
التقيكم بالبارت الجاي احبكم هوايييي ❤️