ألرقطاء وكراتها الثلاث 🐍
اللـدغه السادسة عشر🐍
بقلم كهرمانه
___________
_يَقول؛- السُن بالسِن، والعَينُ بالعَين، والدَمُ بالدَم، والبادي أظلم
ثُم تقول لَهُ..
"اللدغة أَولىٰ والمُتحارش اللعنّ"..🐍
_بقلم أُميمة الجنابي
________
مرمر:-اي شبيه الرجال ماناقصه شـيي هــوَ صح يشوف تك عين بَــس عينه الثانيه مابيها شـيي
رفيف:-شنووو قحططط زلمم واني بعدني صغيره حتى اخذ هذا اليخوف يمه والله اخاف منه اصلًا ماباوع بوجهه من ياخذني للدوام ويجيبني طلع راسم عليه رسمه شينه ماتزوج ماااتزوووووججججج لو ابقى كل عُـمري بدون زواج ما اخذ ابو سعيد هــاي عند انتِ امي تردين تنطيني لرجال بكد ابوي
مرمر:-مابيها شـيي هـيَ مو بالعمر
هرم:-خرب حضچ يارفيق حتى بقسمتچ ماگاعد ضلت تبچي وتضرب ع رجلها متريد تتزوج ابو سعيد وبيبي عصبيه نار
-معليچ بذني المراهقات صغار انتِ چبيره
رفيف:-يمممه أنـي أگولها الججج بنتج زعطووووطه ماتفهم شـيي تَـمام هــيچ ماريـد ابو سعيد ابو عين بنفسجيه
مرمر:-خلقة الله حرام عليچ
رفيف:-تَـمام ماريـده
مرمر:-سدي الموضوع لعد شِــنو جبرتچ
هرم:-ومسك ؟
مرمر:-گلتلهم صغيره بعدها تداوم مدرسه وهو خاطب يَـعنـي مستحيل انطيها
هرم:-شِــنو تخبل معاذ يريد يخطب ثنين ذيج كرايبه ومسك
مرمر:-ماحچت الحجيه لان الضاهر همه متلاغيم معاذ وخطيبته ، هـيَ جدته هَـم كالت كل فتره يتعاركون ويرجعون بَــس هالمره كايللها خطبيلي
مسك:-خلي يولي مافكر بالزواج هسه أنـي
مرمر:-اي گلت للحجيه
مسك:-ضلينا گاعدين شويه عفتهم وصعدت لغرفتي تمددت لحد ماغفيت طول ما أنـي نايمه كوابيس ماتركتني گعدت الصبح الساعه بالسبعه عندي دوام دخلت للحمام غسلت وطلعت لبست ملابس المدرسه ونزلت
دخلت للمطبخ شفت ام حسين وهرم ورفيف وبيبي كاعدات ورنده گاعده وياهن يقنعن بيها علمود تروح للدكتور وهيه تهز راسها بـ رفض
صبحت عليهن واتلگتني ام حسن تدعيلي ادعيه تفتح النفس قشعر بدني من كمية لطافتها ويايه مامتعوده على هــيچ شـيي
تريگت بعدها رحت غسلت اخذت جنطتي وباوعت لرنده گلتلها
-رنددد اذا رجعت ولگيتج مارايحه للدكتور أنـي اعرف شـلون اتصرف ويااااچ نزلت راسها ورفعت ايدها بإستسلام ابتسمت وطلعنا أنـي والبنات شفت عمو مجيد بالباب ارتعبت هرم رادت تحاجي سكتتها
-شعندك جاي هنا عاجبك تنسحل مره ثانيه موووو
مجيد:-لاا اشتاقيت لذاك الملمس الناعم
هرم:-شِــنو قصدددكككك
مسك:-ما اعديها الك وراح تشوف شِــنو اگـدر اسوي
أبو سعيد:-مجييد شتسوي هنا
رفيف:-ابو سعيد وصل البنات اليوم لمدرستهم بعديـن أنـي لجامعتي
أبو سعيد:-يـله امشن
رفيف:-وخلي واحد من الحراس عينه ع بيتنا لاا محيد يسويلهم شـيي
أبو سعيد:-اصعدوا بالسياره هسه أنـي أروحح اوصي واحد من الولد واجي وانتَ محيد عيب عليك يوميه جاي تزعجهم تستقوي على نسوان
مسك:-عمي ضل ساكت ماجاوب بَــس ملامحه الغاضبه بينت هــوَ شگد أغتاظ من عدنا يريد يحچي بَــس يخاف من ابو سعيد والحرس مال آل صحار
صعدنا بالسياره رفيف تتأفف وهرم تباوعلها وتغمز
-هرم لتباوعيلي هــيچ لاا والله افگس عينچ
هرم:-خاب ماريـد اعفط
رفيف:- ألفاظچ ابددد مو مال بنيييه
هرم:-عفنا الأنوثه إلچ ام كفشه حچيت اخر كلمتين على جية أبو سعيد اندار عليه ورجع باوع لرفيف احسه كاتم ضحكته
رفيف:-ابو سعيد وصل البنات عالسريع عندي كم كلمه احجيها وياك
أبو سعيد :-اي تدللين
هرم:-باوعت الها واني ارمش عدة مرات ورجعت باوعت لخواتي اهمس الهن (شفتن)
ديالا"بهمس":-سكتيي صوتج لاا يسمعنا
هرم:-وعلي لو بيدها تخنگه للرجال شوفنها شـلون تتنفس بصوت عالي چنها صخله
وجد:-ههههههه تَـره تسمعنا
هرم:-وخل تسمع شِــنو خايفه منها من عطوبها
مسك:-اششش سكتن وصلنا ابو سعيد للمدرسه تشكرنا من عنده ونزلنا مشى اليوم طبيعي بين الدروس وگفت يم باب المدرسه انتضر البنات اجو بَــس هرم ماكـو ، گالن من الفرصه الاخيره مارجعت للصف باقيه تفتر بالمدرسه تذكرت قبل جانت تشرد من المدرسه هْوايَــه
وجد:- هسه شـلون نرجع لو نضل منتضراتها
مسك:-طافره من السياج مبينه امشن نرجع للبيت هسه نلگاها گدامنا
.
.
هرم:-دخلت للحمامات ، لابسه جوه التنوره بجامه سوده نزعت التنوره ضميتها بداخل الجنطه لفيت شعري وطلعت شفقه لبستها مشيت لحد سياج المدرسه شمرت الجنطه وبعدها تسلقت وطفرت من السياج الشارع فارغ تمشيت للأسواق اشتريت باكيت جگاير وجداحه
ورثتلي وحده وضليت امشي بالشارع مبتعده من المدرسه ، شفت سياره مضلله جاي تمشي بإتجاهي بسرعه دگ هوورن ووگفت السياره بيني وبينها شعره من الفزعه وگع باكيت الجگاير من ايدي وتطشرن بالگاع صيحت على الشخص اللي بداخل السياره
-حيواااان جحشش ماشفتني شكبرني شگدنيي اعمممى
انفتح باب السياره ونزل منها شخص ماتوقعته ولو واحد بالميه يطلع هــوَ رجليه يبسن من شفته همست بيني وبين نفسي
-رحت بيها والله
بـَحـر:-منو الجحش الحيوان الاعمى ؟
هرم:-هــا
بـَحـر:-سلاسل الجمار وحده منهن شارده لاا وتشرب جگاير الاخت
هرم:- رجعت خطوتين ليوره بسبب قرب المسافه بيناتنا ماگدرت انطق ولاحرف باوع عليه وحك طرف حنكه مسح على لحيه اللي مخالطها الشيب رغم صغر سنه تبدلت ملامحه للأشتمزاز وگال
-نفس قذارة أبوچ وخيسة أمچ شگد مطمسه بالخيسه انتِ متوسطه ونازله
هرم:-تقدم كم خطوه درت وجهي من عنده گلبي رجف من الخوف هــاي أنـي هرم اللي چنت موگفه اليوسفيه ع تك رجل اخاف من واحد مايسوه
-وخرررر ابتعد شِــنو هيچ توگف گدامي وقريب عليه ماتستحي انتَ الضاهر بيبي انطتك اكبر من حجمك هو فوك ماساعدتك وقدمتلك المعونه انتَ واخوانك من چان كاتلكم الجوع هسه جاي تتجاوز عليه وتحچي على امي وابوي لاا تنسى أفضال أهلي عليك بـَحـر . لزمني من زنده بقوه وحچه من بين اسنانه
-والله ياهرم على هذا كلامچ إلا اندمچ أم ياسين امي الثانيه مانكر المساعده القدمتها الي بَــس بتها ورجلها اللي هــوَ ابوچ اقذر ثنين بالتاريخ وانتِ طالعه عليهم يابواگة
هرم:-أول شـيي ما أسمحلك تتجاوز على اهلي وثاني شـيي منو يگول أنـي بايگه لتتهمني اتهام باطل
بـَحـر:-امشي صعدي بالسياره ارجعج للمدرسه الشردتي منها
هرم:-اگلك هي معليك بيه خوش ولتغير الموضوع لزمني من ايدي وأخذني گدام الباب مال السياره فتح الباب ودفعني بداخلها خفت كُـلش هذا مو مال واحد ضايج من شخص بسبب حادث بسيط لاا مبين شايل حقد سنين وهسه انفتح باب يفرغ حقده ، صعد بالسياره سد الباب وفتح تليفونه شغل فيديو ودار التليفون عليه
الفيديو كاميرات مصورته واني اطفر من البالكونه عالحديقه ومن شافني هوه وبعدين راح من اجته العامله ومصورني من دخلت للغرفه اللي بيها الأسلحه واخذت سلاحه ورجعت صعدن عالدرج المتحرك بلعت ريگي بصعوبه بسبب الغصه التكونت ببلعومي عيونه متركزه عليه غمضت عيوني اريد اشرد رِدت افتح باب السياره مقفول فتحت عيوني وباوعت عليه لگيته بيده مسدس حچيت بصوت يرجف
-شششنو ههذا المسدددس شتسوي بيييه خله المسدس بحضني نفسه الخمطته منه بَــس هذا محفور عليه أسم "هرم " باوعتله بأستفسار
-المن هذا
بـَحـر:-نفسه الخمطتي صــار إلچ بأسمچ
هرم:- لحضه لحضه شـلون اخذته وندليت مكانه
بـَحـر:-مايصعب شـيي على أبو كلده أگدر اقتلچ وادفنچ بلا ما احد يحس حتى
هرم:-انتَ جاي تهددني زين لــيش تراقبني منين طلعتلي وهذا السلاح أنـي صح اخذته بس والله هــيچ اضمه فقط احب اجمع هــيچ شغلات غريبه ماناويه استخدمه صدگ ، اخذه ماريده
بـَحـر:-هذا صــار الچ محفور عليه اسمچ
هرم:-واذا احد شافه عندي ما انسجن
بـَحـر:-رخصة السلاح بأسمي أنـي اللي اتحاسب مو انتِ
هرم:-تَـمام بَــس امسح الفيديو من اخمطه
بـَحـر:-خليه هذا دليل يمي خاف تضوجيني بشي
هرم:-ولك أنـي منين اعرفك حتى اضوجك بشي شِــنو اربعه وعشرين ساعه مگابلتك وكاعده امسحه امسحه
بـَحـر:-تَـمام راح امسحه
هرم:-كدامي يـله مسح الفيديو من الاستوديو ومن المحذوفات
بـَحـر:-مسحته من التليفون
هرم:-صدك عود شعجب مسحته انتَ مو تريده دليل ضدي ضحك عليه بصوت عالي بعديـن گال
بـَحـر:-باقي متسجل بالكاميرات
هرم:-ما استفاديت شـيي أنـي
بـَحـر:-يـله امشي رجعي للمدرسه
هرم:-لاا لاا ماريـد ارجع افتح السياره خليني اطلع ومن يخلص الدوام أروحح انتضر خواتي ونطلع سويه
بـَحـر:-تَـمام
هرم:-المسدس !!
بـَحـر:-شبيه
هرم:-شـلون ارجعه وياي
بـَحـر:-هسه انتِ خايفه مو المسدس لأن وياج لعد ماخفتي من طفرتي على حديقتي واخذتي
هرم:-تَـمام ارجعه وياي هاهيه فتحلي السياره نزلت وهو شخطها وراح دنگت عالگاع ألملم بالجگارات الوگعن گعدت عالرصيف ادخن بيهن وحده وره الثانيه
شفت بــَنات مدرستنا راجعات من المدرسه لبيوتهن طلعت التنوره من الجنطه گمت من مكاني ورحت اتمشى للحديقه شفتلي شجره چبيره كُـلش
ختلت وراها لبستها وطلعت من وره الشجره شفت خواتي يتشمن راجعات للبيت ركضت وراهن واني اصيحلهن التفتن إلي ومسك چانت كُلش معصبه
مسك:-وييييين چنتي حضرررتچ
هرم:-ادور عليچن بعديـن طلعت
مسك:-هرم من اخره فرصة انتِ ماكـو وباعي التنوره ماالتج متربه عبالك طاره المقبره شايفتني غبيه وتچذبين عليه؟
هرم:-يـله شردت من المدرسه روحي طگت
مسك:-وحتى بيچ ريحه مال جكاير مدخنه؟؟
هرم:- اي اي واكو موضوع صــار ماگدر اضمه عليج مسك يـله امشينا نرجع
وجد:-شعدچن من شــوَكت صايرات هــيچ تضمن علينا؟
مسك:-شغلات تافهه يـله أنـي تعبانه وجوعانه ما اصدك اوصل للبيت
ديالا:-الللله هـسه الكه ام موسى مسويه أكل شكد احب اكلهاااا
وجد:-والله حبابه هــاي المره وجودها بالبيت طاقه ايجابيه
مسك:-من غير كلامها اللطيف ، رجعنا للبيت تغديت وسبحت ونمت مشه نفس الروتين مرت الأيام والأشهر والسنين واحنا ملتهيات بالدراسه نجحت أنـي من السادس وماگدرت اداوم جامعه رِدت اخذ ريست سنه بَــس خواتي لاا بدأ دوامهن سادس عقلي صــار يخطط ويعلن عن بدايات مشوار الانتقام
طلعت اتمشى بـ ليالي الشتاء البارده گلت لمرمر أريد أروحح للأسواق اجيبلي شغلات محتاجتهم اطتني فلوس ، فتت من بيت ست هدى شفت إبنها واگف بالباب چنت منتضره أشوفه
سلمت عليه هــوَ مباشرةً إجه يتمشى ناحيتي
-هلوو مسك شلونچ
مسك:-ياهلا بزيدون اني الحمدلله وانتَ
زيدون:-الحمدلله بخير شِــنو شعجب تمشين وحدج وبهالليل
مسك:-محتاجه كم شغله من الاسواق ورايحه اجيب تدري ماعندي احد يجيبلي اللي اريده وهم جدتي مقعده
زيدون:-انطيچ رقمي وشنو تحتاجين بَــس خابريني ثواني ويجيچ
مسك:-والله مشكور إبن اصول انتَ، چنت ضالمتك من وصلتنا تتذكر
زيدون:-ايي اتذكررر ، شـلون اعوف بنيه حِـلوه هــيچ تمشي بالشارع ووحدها تَـره الشارع مو أمان
مسك:-صحيح واريد منك خدمه
زيدون:-شِــنو هـيَ
مسك:-اريد بخاخ مخدر بربك محتاجته ضروري بحيث اذا واحد يتعرضلي گبل ابخ على وجهه يفقد الوعي وهيچ اكدر امشي بالشارع بأمان
زيدون:-عليمن مو أنـي گلتلچ اللي تحتاجينه بَــس خابريني
مسك:-موو مرات اكو شغلات بناتيه ميصير انت تروح تجيبهم تفهمني واكى مرات شغلات طارئه تصير اضطر اطلع وهواي جاي احصل مضايقات بالشارع
زيدون:-زين البخاخ ماتعرفين وين ألگاه
مسك:-چانت وياي وحده بالمدرسه عدها منه تگول بابا صيدلاني وسوالي خلطة مخدره ببخاخ
زيدون:-هاهيه اعتبري البخاخ إجاچ
مسك:-وشگد مايصير فلوسه أنطيك
زيدون:-عيب عليچ شِــنو تنطيني فلوس
مسك:-لتسوي هيچ شـلون تريدني اطلب منك وانتَ متقبل تاخذ فلوس ماحب أستغل شخص أنـي
زيدون:-هاهيه متفقين
مسك:-تنطيني رقمك ؟
زيدون:-اي عندج تليفون
مسك:-اي هذا طلعتله التليفون مالتي من جيبي وانطيته اله اخذه سجل رقمه ورجعه الي اخذته دگيت عليه علمود يحفظ رقمي عنده ، بعدها عفته ورحت للأسواق اشتريت الشغلات الأريدهن ورجعت للبيت واني طايره من الفرحه وادعي تكمل فرحتي من يلگالي البخاخ
البنيه البالمدرسه گالتلي مره تحرش بيه واحد بَــس بخيت على وجهه وگع بگاعه واني اريد ارجع معاذ للمصيده ويجي يخطبني وهو هسه هايم بخطيبته حسب كلام امه والحجيه
مروا كم يوم واجاني اتصال من زيدون فزيت من شفته يتصل غمضت عيوني بقوه خايفه لاا يطلع مالاگي البخاخ فتحت خط واجاني صوته
-َهَـلـوو مسك
مسك:-َهَـلـوو بيك زيدون بشر
زيدون:-دبرته إلچ بَــس شِــنو طلعووا روحي يـله سووه إلي
مسك:-بخاخ لو شِــنو انطوك
زيدون:-هــوَ خبطوه بعلبه مال شراب واني جبت بخاخ وخليته إلچ يَـعنـي سَـويته جاهز
مسك:-مشكور زيدون والله هذا فضلك ما انساه إلك ابدد
زيدون:-لاا عيني انتِ صديقتي شـلون ماساعدچ
مسك:-شــوَكت اجي اخذه
زيدون:-شِــنو تجين تاخذينه أنـي راح اجيبه الج هسه انتضري مني مكالمه أگلج فتحي الباب وانتِ تعاي استلمي مني
مسك :-يـله سد الخط من عندي نزلت جوه افتر بالحديقه شويه واجاني اتصاال انطيته رفض وتمشين للباب فتحته شفته واگف وبيده علاگه سلم عليه وانطاني العلاگه وراح سديت الباب باوعت بداخل العلاگه شفت البخاخ اخذته وبسته بفررح دخلت للبيت
صعدت الدرج اريد اضمه علمود انفذ الخطه اللي ببالي فتت من باب غرفة هرم ورجعت بخطواتي باوعت عالباب مال الغرفه ، گلت لازم اجربه فتحت الباب بهدرء شفتها گاعده وجاي تسويلها مصياده دخلت وسديت الباب باوعتلي بعدم إهتمام ورجعت باوعت للعلاگه اللي بأيدي
هرم:-شِــنو هذا ؟
مسك:-هذا بخاخ مخدر اريد اسوي بيه شغله بَــس هرم مو تگووولييين اذبحچ
هرم:-يايوم حاچيه شـيي گايلته الي
مسك:-المهم اريد اجربه
هرم:-عليمن
مسك:-عليچ
هرم:-شيسوي
مسك:-ينوم
هرم:-حلوووو يـله جربيييي بخي بخي
مسك:-عبالي راح ترفضين
هرم:-لاا اتمنى اجرب هالشعور
مسك:-يـله غمضي عيونچ بخيت گدام وجهها ثلاث بخات وگعت مغمي عليها ضربت على خدها بالخفيف حاولت أكعدها بكل الطرق ماكـو بعديـن ضربتها كف بقوه هَـم ماگعدت صفگت بحماس
لزمت ايد هرم وبستها شفت تنفسها طبيعي ونبضها هم،نومتها على مخدتها وغطيتها سديت الأضويه وتركت بَــس التيبلام مشتغل طلعت واني أتنفس بأرتياح هذا البخاخ اختراع خيالي
قبل فتره سويت حساب وهمي مال فيس وخليت صوره مال بنيه ومعلومات چذبيه ودخلت لأخوها لخطيبة معاذ راسلته وهو بسرعه تجاوب وياي وصرنا نتواصل يوميه الهدف من خذا هــوَ استغلال ماچانت عندي نيه ارتبط بهيچ واحد
راسلته اول ماشاف الرساله ردّ عليه ضلينا نسولف بعديـن گلتله مشتاقتلك گلي شيصير لو هسه انتِ يمي وصلتله فكره انو أنـي اكدر اروحله وهو گلي من ينامون اهلي تعاي نتونس سويه
ماگلتله لاا وافقت وگلتله انتضر منك إتصال بدلت ملابسي لبست بجامه سوده وتيشيرت أسود وكب أسود هَـم ولثام خليته على رگبتي من اوصل اغطي بيه وجهي
اجاني اتصال من عنده گلي منتضرچ طلعت من غرفتي نزلت البيت فارغ فتحت الباب واخذت المفاتيح وياي قفلت الباب الخارجي عليهم وطلعت اتمشى بالشارع فارغ ويايه البخاخ
وصلت يم بيتهم اللي يبعد شارعين عن بيتنا طلعت تليفوني واتصلت عليه إبتسمت بخبث من شفت الباب ينفتح شافني وباوعلي بأستغراب و........
.
.
يتبع