بين سطورنا نبض
لا يعرفه إلا
من يقرؤنا جيداً ..
______________
مشيت سريع اريد افتهم شيسوي يمها هذا؟؟
صحت:
:- سمرررررر
كامت بسرعه مرتبكه
مشيت سريع وصلت يمها
بيال:- فهميني هذا شنو يسوي يمج؟
وانتَ شتسوي يمهااا؟
ولج انتِ تعرفينن هذاا يشتغل ويا نفس العصابه
الي خطفونيييي؟؟؟؟
سمر:- هااااهه؟؟؟
ندارت عليه وحجت:
سمر:- شلووون ولج هذا زميلي بالجامعه؟؟؟
بيال:- شلون زميللج ومتعرفين عنهه شيييي؟؟
غبيه انتِ؟؟؟
لا وكاعدهه وياااا؟؟
ليش ثولههه
كوميي كوميي سمررر
لزمت ايدها وسحبتها قويي
غبيههه تضليينن طولل عمرجج
::- هيييي ماشتغل وياهم مو طلعتج؟
لو اشتغل وياهم شلون اساعدج؟
و ع فكره مو بس انتِ ساعدتج الف وحده غيرج خطفوها
وساعدتها ورجعتها لأهلها.
ياريت تفهمين وبعدين تحكمين ولتسحبيها من ايدها
هيج مره ثانيه
بيال:- ساعدت ما ساعدت الله يجازييكك
ومالك دخل اسحبها او لاا فتهمتتت؟؟
لا تتدخل بشي مايخصكك.
امشيي سمررر.
سحبتها ومشيت سريع.
فتنا للمستشفى دمي يفور
واذا ساعدني؟ يعني هسه هوَ صار خوش رجال؟
سمر كلبها طيب وتنخدع بسرعه..
مستحيلل اخليها ويا هذا
راحت سمر يَم هيله واني اخذني الدكتور
فتح ضماد خياطاتي وعقمهم ورجع ضمدهم
كمل ورا الف موته متت من الوجع
شدلي كانيولا وراحو كعدت انتضر يخلص
حتى اروح يم ادهم.
ليش تكول سمر اني متغيره ومو مثل قبل؟
سمر متحجي الحالها اذا ما شايفه هالحجي صدك
بس ماحس روحي متغيره؟
واذا تغيرت حرجع مثل قبل
علاقتنا من البدايه غلط بغلط
بس وين اروح؟. نكول فسخنا هذا العقد
وين اروح لا خوال ولا عمام واني ماريد يسوي فضل ويكعدني ببيت وحدي معناها حيضل بحياتي
شعوووررر بدااخلليييي مدريي شنوووو
والله اني الغبيه مو سمر اني تفوقت ع سمر بالغباء
اخذني التفكير ونمت محاسه ع روحي
سمر:
- هذا زميلي بالجامعه وكلش يحبني واحبه
بس علاقتنه سطحيه ومثل الأخوان.
ليش جذب عليه لعد وطلع يشتغل ويا العصابه
الي خطفو بيال.
سامر:
- مرت فتره من بعد طلاقنه اني ونبأ وهذا افضل حل
بالنسبه الي..
حتاجينا موضفات.
واجت وحده تدور وضيفه عرفتها بسرعه هاي****
وصارت قصه حب احس روحي يمها غير انسان
حبيتها حب اضعاف حبي لهذيج.
بس مقانع كلش بهالموضوع
لان محد حيرضا نكمل سوا.
وهوَ شي مراهم اصلا بس مدري ليش مكمل بهالعلاقه
حبيتها شسوي؟.
بيال:
مرت فتره وشويه صرت احسن
رجعنا للبيت ومشت الأيام مامتقبله فكره هسه اني مرته.
بعيده كلش عنه واتجنبه
وهو يمووت من يشوفني ابتعد منه
سمر مدري شلونها متغيره وكثرانه طلعاتها
واتصالات هواي
ومو مثل قبل كلشي تغير
هيله مريضه ومو هواي تحجي وتسولف وياي مثل قبل
كاعده بالصاله وعقلي مشوش
نفسيتي تعبت كلش
كلشي مدا افهم حتى نفسي مدا افهمها
كلشويَ برأي
فات ادهم من الدوام
باوع عليه وهز راسه بأسف وعافني وراح
مرات احس نفسي حقيره لان هيج اتصرف ويا
ومرات اكول شسويله مثلاً اذا ما احبه نفس حبه الي
ومرات اكول لازم اتقبل واقعي واحاول احبه
مو اكول كلشويَ برأي؟
غبيهههه
كمت بسرعه لحكته
صعدت وفتت لغرفته لكيته ديحط غراضه ع الميز
مشيت ورحت يمه.
بيال:- احمم شلونك تحتاج مساعده ادهمي؟
- امم احتاج طبعاً شلون ما احتاج؟.
-همم وشنو تريد؟ اكدر اساعدك؟
ندار عليه ومشه خطوه تقدم يمي.
- طبعاً تكدرين لعد منو يكدر اذا انتِ متكدرين.
- ايي كلي لعدد شنو اكدر اسوي؟
- مثلا حضن بوسه؟
- لا هذن السوالف قديمات طلعلي شي جديد
ماحب القديم اني
حط ايده ع خصري وكال:
- تريدين شي جديد شنو مثلاً؟.
- مثلاً توخر ايدك وتبتعد هذا اول خيار
او مثلاً اذا ماوخرت اكسر خشمك؟.
وياريت تختار الخيار الثاني تسوي فضل..
- هههههه
ضحك وتقرب باس خدي وضل ثابت مابتعد.
حضنت ضهره وكتله:
- شبيك
- تبعان وانتِ تزيدين بتعبي
- مدري شبيه كلشي مخربط يمي
- مراهقتج صعبه
- شلون يعني؟
- يعني حالتج تحتاج شخص ميعوفها ويضل وياها
ويعلمها ويوعيها وينطيها نصايح ويهونها ويداريها
بس مدتتقبلين اكون يمج حتى اخليج تعدين هالمرحله
الصعبه.
- بس خلي هالضياع والوشوشه الي بدماغي تروح
واني اتقبلك
احبكك حيلل احبكك بابا
باس شفتي وكال:
- روح بابا روحهه
- دوخر دوخرر اخذت راحتك
- غير مرتي؟
صفنت عود صدك اني مرته؟
- اشو ماحس اني مرتك؟. عبالك بعدني بنتك
ماحب فكره اني مرتك كلشش
- هوَ تبقين بنتي ومرتي يجي يوم وتتقبليها.
يلا روحي نامي تأخر الوكت وباجر عندج امتحان
درستي زين؟
- مو كلش بقه بس واحد يتأكد حفضت زين لو لا.
- زين جيبي كتبج
- تمام هسه اجي
رحت بسرعه الغرفتي جبت الجنطه وركضت لغرفته
فتت للغرفه وكلت بحماس:
- جبت الجنطهه كلهاا اليوم اكرع راسك حرف حرف
درسنيا وتفهمنيا حتى اذا حافضه تحفضنيا اكثر
- هههه شعندي غيرك يلا تعاي
- شعندي غيرك وتعاي؟ شلون رهمتها
- كلشي يرهم بس تعااااي
- ذبيت الكتب بالكاع وركضت اريد اكعد بحضنه
جان بأيده كوب بي كهوه ونكب ع الكتب
صحت
- عزهههههه
حطيت ايدي ع حلكي وحجبت:
يلا يلاااا عاديي صار بي شكل حلوو مال كهوه
- غبيهههه غييرر تنبهيين هسه شلون ادرسجج؟؟؟
رمشت بثول
- يلا يلا عاديييي هسه وذا اوييي صاير قاسييي
- اريد اطيح حضج بس كلبي مينطيني
- طبعا شلون كلبك ينطييييكك؟؟
شوف هسه اني مو فرحانه يمك فد شويه اصير ماحبك
وماطيقك.
- هسه تحبيني هواي؟
- امم هوااااايي
تقرب اكثر وحط شفته ع حنجي
- والله انتَ الي ينطيك عين شويه تاكله
ابتسم وعض حنجي
- يلا كوم درسنيي كووومم
كمت من حضنه وكعدت بالكاع
كام هوَ هَم وكعد كدامي
وضل يدرس بيهه ومَر هواايي وقت واحنه ع نفس الكعده.
بيال:- اكلك مو كافي؟
ادهم:- شنو اكلك ليش عبالج اني صديقج؟
بيال:- يااا غير اكلك اككلك لعد شكلك؟
ادهم:- هههههههه
بيال:- هههه لعد شكلك غير اكلك اكلك.
ادهم:- ههههههههههه
بيال:- هههههه ضحكتكككك
سكت مبتسم وكال:
- شبيها ضحكتي بنيتيي
- تضحككككك ههههههههههههه
- ثوووللل اضحكيي عدللل بنيهه انتِ وين اكو بنيهه تضحكك هييجج
-ههههههااااااااهههه
- اييي حتجلب اني حروح من تكملين كليلي حتى نرجع ندرس
- ههههههه ندرس ليش انتَ هم تدرس ويااي هههههه
- ههه ثول اقصد يعني ادرسج
- ههههه اهخخ يمااا بطنيييييي
- دكااافييي جلبتتييي
مسحت عيوني من الدموع البيها
- لا يلا كافي احمم هههههههههه
حط ايده ع جبينه ينتضر تخلص ضحكتي
- هههههههههههه
نزلن دموعي اكثر وتحولت ضحكتي
لبجي وصرت اشهك.
تقرب يمي وضم راسي بصدره
- ليش هالبجي يابويه لييشش مو توهه ضحكتج ماليه الغرفه عيوني انتِ؟
- مااادرييي مادريي بيه غصههه
هنااا
واشرت ع ركبتي.
اريدهاا تروووحح بااباا اريدد ترووحح
بتعدت عن حضنه وكلت:
بيه بجيه اذا ابجي عليك تغرك والله
باس ركبتي
- انعل ابوها الغصهه بناتي
شنو تريدين شسوي حتى تروح هاي الغصه؟
انطيج عمري وروحي نذر بس حتى ترتاح روحج.
- بيه سوالف انا تفزز الميت...
مرر ابهامه ع خدي بنعومه وكال:
- كبرانه ماجنتي تحجبن هيج؟
- تَعَبت وَروحي جَزعَت من العتاب
كلما اريد اسولف تغرك العين....
- اويلييي بنااتيي شسواج هيج؟
شتعب روحج بنيتي بهالعمر الصغير!
وينها ذيج البنيه الماليه الدنيا بضحكتها وسوالفها
وروحها الحلوه؟
- الدنيا ماتعرف صغير وجبير اتعبك وتعلمك وتكبرك
هيَ هاي الدنيا شنو اريد مثلاً؟
حياه ورديه بيها بس سعاده وماكو حزن
مستحيل الكاها.
لا اني ولا غيري راح يلكاها..
كلنا بينا غصه وتعب بس ربنا يعلم بي.
بس اكو مَن يزيدها ع روحه واكو مَن يهونها.
هاي الدنيا يندراد الها قوه وروح تتحمل وتقبل كلشي يجيها
مو اني ابجي اذا اضفري نكسر
اني ما ابجي لان اني بنيه ولازم اسوي هاي السوالف
لا اني ابجي لان ما مَر ع كلبي تعب وحزن
واحس هذا شي جبير عليه..
او مرات من كثر الكتمان الي احنا بي نريد شي بسيط يصير ويانا حتى يصير هوَ السبب وننفجر.
اني عشت طوولل حياتي مرتاحه
وما جاس كَلبي التعب بيوم
وهسه لازم اتقبل كلشي يجيني بكل رحابه صدر
لان لولا هالمواقف
ماجان صرت اني هيج اليوم
ماكو واحد بينا مرتااح "خصم الكلام"
منو اني حتى اعيش طول حياتي مرتاحه
وليش اصلا ارتاح.؟
الحياه اذا مابيها اكشن وضحك وبجي.
ولطم جا شكو سموها حياه؟؟؟
كلمن همه شكل....
-ذاك اليوم جنتي هالكدوتج والعب وياج
واذا ما لعبت تزعلين
شكبرج؟
- نكبر ادهم ما نصغر
احس بيك اني والله مو عبالك مبتعده عنك فرحانه
ومرتاحه.
بعدك يأذيني وقربك الزايد هم يأذيني.
باس خدي وكال:
- روحي نامي
- ادري بيك تضوج وتنقهر بس مبيدي شي.
- ادريي..
كمت من مكاني ولميت كتبي..
- لا تنقهر ولا تضوج يجي يوم وتنحل كل هالعراقيل
ونحط راسنا ع المخده وماكو هَم ع كلبنا..
- ياريت ان شاءالله.
مشيت وصلت يَم الباب نزلت دمعني وفتحتها.
- لا تنزلين دمعتج خليها لليستاهل كلبج...
- وانتَ ماتستاهل كلبي؟
- اني استاهل كلبج وروحج وكلشي بيج.
بس حضي غدر بيه هالمره..
- بس هالمره غدر بيك!؟
- لا كل مره يغدر بيه مو شي جديد
بس غدرته هالمره ماتنسي.
- اتعب گبك اني ماتستاهلني.
- تمونين عالروح يُبا...
فتحت الباب وطلعت سديته ورحت اركض لغرفتتي
فتت ورحت يم السرير كعدت بالكاع ونتجيت..
- موبيييدييي شسوييي.
حطيت راسي ع السرير وغفيت اني وكاعده بالكاع
كعدت ع صوت يصحي بيه
سمر:- بياال بياال كوميي هيله تريدج وعندج داوم
فتحت عيوني وفركتها اريد استوعب..
كمت وكعدت ع السرير ركبتي موتتني لان منايمه عدل ورجلي متشنجه.
بيال:- ها شبيج؟
حجت من ورى خشمها:
سمر:- هيله تريدج كومي يلا..
بيال:- اول شي احجي عدل وياي زين؟
مكاتله ابوج اني وجايه تحجين وياي بنتر هيج.
وهيله شوكت صحت؟
كلبت عيونها ومشت مجاوبتني وطلعت.
صحت:
ثووولللل المنن يجيي الثووللل
امج نبأ شتصيرين وزيرههه
كمت بسرعه ونزلت
لكيت هيله كاعده بالمطبخ ويمها نسرين واحمد
حجيت بصوت عالي
بيال:- هااااااايييي ياااقوومم.
سمر:- اييعع هم اجتييي
بيال:- اكلج مو كافي كل يوم متغيره شكل؟
جنج السحليه اليتغير لونها كلشويَ
اثبتي شويَ.
نسرين:- ههههههه اي والله يوم جلوه وجبابه
ويوم الله ما بجرعها..
بيال:- مو اكول سحليه محد يصدك
مشيت ورحت يَم هيله.
بيال:- شلونج يبعد الروح؟
هيله:- الحمدالله يمه انتو بخير اني اصير زينه.
شو مامداومه مو عندج دوام؟
بيال:- يا بعد روحييي والله
احنه بخير والله ننتضرج ترجعين للساحه..
ودوامي مو هسه بعد وكت
هيله:- هههههه زين
ببال:- احبج هيله كلبي.
هيله:- واني احبج اكثر يبعد روحيي
سمر:- اييي واني بنت البطه السوده
نسرين:- لا انتِ بنت نبأ مو بطه سوده..
بيال:- لا تتغيرين ولا تصيرين حيه كلها تحبج وتحترمج..
كامت سمر وراحت معاجبها..
هيله:- ادهم وين يمه؟
بيال:- بالمرقص
احمد:- هههههههههه
هيله:- يااا شهالحجي ولججج
بيال:- هيله تحجبن الواحد وتكوليله انتَ تحجي
ادري وين يعني الدنيا صبح غير بدوامه الرجاال؟؟
احمد:- اي والله صدك وين يروح قابل..
هيله:- كولي بدوامه ونجبي
بيال:- يلا يابه بدواامهه
هيله؟
هيله:- ها يمه
بيال:- كليلي هيله شسوي ضايعه
احمد:- انطبج بوصله تفيدج دليج دربج.
بيال:- ه ه ه تضحكككك متتتتت
هيله:- تقبلي العايشته وحبي وضعج وخلص
ماكو حل ثاني مال ادهم يعوفج هاي سالفه.
احمد:- اي والله بعني وين تروحين مثلاً
للمريخ هم يجي وراج.
هزيت راسي بنعم وكمت..
اني ودا اصعد ع الدرج سمعت سمر تخابر
سمر:- ايي ايي اليوم.....لالا محد يدري ارهمها ونطلع
فريت ايدي وكملت طريقي
فتت للغرفه واخذت تليفوني واتصلت ع ادهم
رد
ادهم:- هلا بناتييي شلونج
- هلا بيك ادهمي..
- روح ادهمج راجعتي دروسج؟
- لا والله جنه نتعارك اني وهيله وسمر واحمد
هسه اراجع
- هههه ليش تتعاركون
- هاي حيه هم رجعت مثل قبل مدري شغيرها
وهيله تكلي ادهم وين كلتلها بالمرقص
- هههههههه
- والله يعني دنيا صبح وين تروح قابل
- يجوز اروح لحبييتي؟
- وهاي بس انت تروح لحبيبتك من الصبح؟
- اي وذا مابيها شي.
ضلينه نسولف هوااي وسديت الأتصال
وبلشت اجهز روحي حتى اروح للمدرسه
كملت ورحت..
وصلني السايق وراح.
فتت للصف وبلشن بالحجي والتبسبس.
خلص الدوام بتعبب.
واجه السايق اخذني وصلنه للبيت.
بسرعهه غيرت ملابس المدرسه ونمت
فتحت عيوني ع صياح كمت بسرعه ونزلت
لكيت سامر لازم سمر من ملابسها ويصيح عليها
صحت
بيال:- شكوووو ليش هييج ويااهاا؟؟
سامر:- مااللجج دخللل انتتتِ
بيال:- شنوو مالي دخلل؟؟
سامرر وخر عنهاااا
سامر:- كلتت ماللج دخلل اني ماعرفت اربيهااا
بيال:- هيلله شبيهااا سمرررر؟؟
هيله:- لكفها تحجب ويا واحد
سامر:- الصووجج بيااا انيي ماعرفتت اربيهاااااا
بيال:- ليش انتتتَ احينن منهاااا؟؟
مو هم تحجي ويا وحدهه؟
شو محد حجههه وياااكك لو تحسها صعبهه؟
الصوج بيكم ثنينكم ماعلمتوها ع الثح والغلط
وجايين هسه تلومون بيهااا؟
هاا شنو مصدوم شدراني؟
كلشي اعرف اني ماينضم عليه شي
وهسه عوفها يلا.
مشيت سريع لزمت ايدها وسحبتها لغرفتي.
فوتتها للغرفه وسديت الباب
كتفت ايدي
بيال:- يلا احجييي وياويلج يا سمر تنقصين حرف
ضلت ساكته ماردت عليه
بيال:- ولجج احجيي بابا لاتسكتينن.
سمر:- انتِ شدخلج بيه؟
بيال:- صدك والله لو كالو
لا تسوي زين شَر مايجيك
فوك ما خلصتج من ايده؟ روحي يلا طبج مرض
سمر:- اكرهج
بيال:- ماكو بشر بكره بشر من لا سبب
شنو الخلاج تكرهيني؟
وباوعي ترا اني مدا احجي هيج حتى ترجعين قبل
وحتى اذا رجعتي اني مراح ارجع
اني ميهمني اكرهيني كد ما بيج بس لاتأذيني.
سمر:- كلشي بسببج
بيال:- هااه بسببي؟؟
سمر:- اييي اييي بسببججج
بيال:- شسويت؟
سمر:- طلع يحبج وميحبني
بيال:- شدتحجبن هوَ اني اعرف ع منو دتحجين؟
وضحي كلامج مدا افتهم
نزلن دموعها وبجت قوي
سمر:- جان يم يمثثلل عليهههههه
جان يرااقبجج
يريد يتقرب منج من خلالي.
بيال:- هو منو
سمر:- نفسه الساعدج من نخطفتي
ولكيتي يمي بالمستشفى
بيال:- وانتِ من كل عقلج؟؟؟
شسويلههه انيي كتلههه سوييي هيييججج؟؟
وانتِ تغيرتيي علييهه لان سوا بيج هيج
ليش غبيه انت فهمينيييي
هو مايستاهلج طبه مرضضص
سمر:- اهى اهىىىىى
بيال:- لج لتبجييينن خيولييي
يتبع....
___________________♡____________________
تصوييتت.
متابعهه...
مشتاقتلكمممم..
البارت مو كلش طويل لان مريضه كلش..
يوزر قناه التلي هناك نسولف ويا بطله الروايه الي راح تنكتب بعد ما تنختم هاي veve11aa
حساب الأنستا.