عروس دجلة.
الكاتبة. نجمة.
"أشعُر بِأنني هُنت، وهذا أسوأ مِن الفُراق.
اخذني حيدر لشمس وراح كعدت يمها شمس كعدي شوفي سيف سوه ولج لو غريب مايسوي مثل كرهته كرررهته من كل كلبي
لزمت ايدها وكعدت ابجي بصمت حسيت ايدها تتحرك
باوعت عليه مصدومه شمس اصحي شمس اني ماس
طلعت اركض صحت الدكتور اجة كال دا تستجيب ابقي احجي وياها ان شاء الله تصحه
صراح سعادتي نستني كلشي تصلت ع حيدر مارد كعدت احجي وياها شمس حبيبي كعدي اني بحاجتج بقت ع هل وضع لليل فقدت لامل
حضنتها ونمت حسيت ايد ع وجهي كعدت ابوع شمس مفتحه بقيت امسح بعيوني شمسسس حضنتها حيل الف الحمدلله رجعتيلي
بقت صافنه شوي ورجعت حضنتني ماس سيف وين
ماس. شكول حرت صار عنده شغل وراح هاي تصلت ع حيدر بس يرد
شمس.تركي اني منو سوه بيه هيج تعرفين كعدت تحجي كل. صار وياها بتفصيل وحيدر يسمع كل كلامها جان ع خط
ماااس بنيتي اذا اروح اني انت امانه يم سيف تمام وين بابا وزهرة تصلي وعمر وسراج كلهم خلي يجون
اتصل بعمر ماطولو ساعه وكلهم يمي
حت حيدر اجه زهرة شنو الغيرها كاعدة وتبجي ع شمس وتحضن بيها هي والدها هذا شي ماكدرت استوعبه
كعدت تحجي وتوصي بيهم عليه اني كلبي يوجعني شبيج شمس اني ماريد احد غيرج
بعدين كالت طلو اريد احجي ويه حيدر طلعو وكالت لاتروحين تعالي هذا الكلام سر بينه
كعددت تحجي خلتني بحاله صدمه ماتوقعت هيج تسوي معقوله الحب هيج يسوي.
صارت ساعه ب12دكتور كال خلوها ترتاح طلعو بقيت اني صاحتني لحضنها
ماس. لش هيج فرحانه
شمس. شفت رغيد ينتضرني هو وسيلين
ماس. شنووو وين ينتظروج
شمس. هناك فوك مكان كلش حلو
ماس. انتت ماتروحين شمس وعديني ماتروحين وتتركيني
شمس. ماتركج. ماس سيف تاخر
ماس. اتصل مايرد يجوز بشغل
شمس. جنت اتمنى احضنكم سووووه
ماس. بقيت اتصل ع امل يرد بس مارد حضنتها يلا نامي ارتاحي حت صبح نرجع للبيت
اجه حيدر لزم ايدها بتسمتله وراح طلع حسيته راح يبجي.
دا احول انام بس ماكدرت بقيت امسد ع شعرها هي ابتسمت وصارت تحجي بصوت ماينسمع وغمضت عيونها غطيتها زين ونمت بحضنها كعدت صبح ع دك لباب كمت بسرعه فتحت اش حيدر خطيه عرفها نايمه خلي ترتاح
حيدر. تمام بس اريد اشوفها
دخل حيدر ورحت اغسل وجهي ورجعت لكيت دكتور يم حيدر
هااا شلونها دكتور اليوم نكدر نطلعها.
الدكتور. اسف بنتي البقاء لله
دفعته شتحجي انتتت وخر حيدر لش هيج مغطي وجهه هسه تختنك وخر حيدر عني سحبت الغطه منها لكيتها مبتسمه ونايمه دفعت حيدر وحضنتها شمس ماااااتتركني هي وعدتني ماتروح
يلا طلعو برا هسه تصحه هي مابيها شي اجو اهلي كلهم زهرة كعدت دك وتلطم وابوي تخربط واني اضحك لش تبجون هي مابيها شي شمس اشيل ايدها وتوكع مني شمس شمس اصحي شمسسسسس لاتموتين. شمس لمن تركتني كعدي فدوه اورحلج كعدي شمس تسمعين ولج شمس كعدي شمس ولج بعد وكت لمنووو تتركيني المنو اجو يشلون لاجهزة
اتركوهن وطلعووو برا شمس ماماتتتتتت طلعوووو طلعووو كعدت ملخت نفسي ششششمسسس ولج كعدي بدونج اني بظلام اعيش كعدي فدووووة كعدي. اوووويلي ياااابه اويلي ع حضي وبختي
رحت حضنتها واكعد بيها اجة عمر وسراج سحبوني واخذو شمس هذا اخر يوم لشمس ويانه كنو فعلا من غابت شمس حسيت الظلام حتل حياتي صارت باهته بدون معنى اسمع الممرضات يكولن حرمات كل هل جمال يصير جوه الترب
صرت ابجي بصمت بعد ماغسلولها وكفنوها خلوها بتابوت اجه سيف
رحت عليه اننتتتت سببب بمتها اطلع برررررا طلع مالك اي حق تجي وين جنت كل هل وكت ماتتتت بسببك ماتت وهي تسئل عليك
سيف. شمس مستحيل تموت توئمي ماتموت
دفعني وراح يركض عليه يفتحه يريد يفتحه ومنعوه اخذوها وراحو كعد يتوسل يريد يشوفها محد خلى اخذوها وطلعو صوتها لس يطن باذني لا اله لا الله لا اله الا الله الله اكبر
رحو ورحت شمس وتركتني من يومها عشت بظلام رجعت يم اهلي بس كلهم تغيرو ويايه صارت شمس درس الهم باليوم سابع زرناها بالمقبره وكلش فرحت رغيد وسيلين وشمس ثلاثتهم مجموعين رشت مي ع قبر وقريت الفاتحه شي بداخلي حسيته مات من شفت المقبرة وناس تاركين اهلهم وعايشن سوه هنا يجوز هنا يرتاحون اجه سيف كمت امانه يمكم شمس وبنتها امانه يمكم طلعت اني وسراج وبابا رجعنه للبيت وسوينه فاتحه اجت جدتها بعد صدمه انصبت يشلل نصفي وحالها يبجي صخر
لليل خلصت كل الطبخ وزعنه للجوارين وكملت مواعين صرت هدئه مطيعه ماهتم لاي شي
ثاني يوم اجه سيف وطلبت الطلاق بعد محد دخل كال بابا بكيفج
مصار هواي من متزوجين القاضي ماقبل نطلك وامي واخوتي كالو عيشي وشوفي لش تطلكين وطلاك حرام
ماسمعت منهم حسيت ماطيقه اكره اشوفه اكره صوته شكله كلشي بي من اشوفه اكره لمكان ماريد اوكف يمه ولا اشوفه خلاص
موبيدي بس بعد روحي صاررت ماطيقه خلاص
شخسر بعد نفسي وضيعتها وياك.
في الانبار.
بمنووو تتصلين اني جايب كح...*بيتي بمنووو
ااااانيي ماحس لا راشدي فر وجهي
اخذ الفون وسمع صوت ماس سده وحذف لحساب كبل ورجع دورين احد يساعدج مو اني اساعدج تريد
تخلصين مني مووو اني اخلصج بنفسي
لزمني من شعري وسحلني امشي وياي اليوم ماتضلين هنا اني صوجي ساعدتج اني حيوان وساعدتج.
اخذني يسحل بيه سمع لباب يندك شمرني بغرفه قسم بالله اذا اسمع صوتج ادفنج وانتت عايشه
سديت حلكي ابديني ثنينهم وكعدت ابجي بصمت احس الظلام بده يدخل بحياتي صارت سود ع عيوني اغمه عليه ماحسيت بنفسي غير ضربه ع بطني كلش قوية
صحيتي ياااحيونه ماتستهلين تنامين هنا كومي يلا كدامي سحلني من ايدي وراح فتح لباب دنيا اليل
والبرد جان كلش قوي اخذني وراح شمرني بسيارة
وصار يسوق بكل سرعه مكان معدوم من لحياه مابي احد ولا ضوه مكان مظلم نزل واجه فتح لباب اسمع اصوت كلش تخوف فدوه لا تتركني هنا رجعني لاهلي
مو اشتغل عن الخلفوج نزلني وشمرني جان ضوه سيارة يبين ظلام محتل كل المكان دفعني بقيت لازمه ايده صارو عيوني يتوسلون دفع يدي وراح للسيارة.
اسمع صوت حيوانات كلش يخوووف لاتتركني هنا اموت والله لاتتركني
اصف. اني ساعدتج بس انتت ماتحبين ليساعدج تحبين ليذلج وهاي اذا بقيتي عايشه للصبح رجعي لمكانج جنتي مذلوله بي في امان الله
لا لا لااااااااا لاتروح بعد ماعيدها فدوه لاتتركني شغل سيارة وراح صرت اركض وراه في سبيل يوكف لو يغير رئيه ماكو وكعت بالارض لش هيج لش شنووو سويت حت هيج تجازيني يربي لش رجعن اصوات لحيوانات الخوف حتلني وظلام تخلي يدك كدمك ماتشوف. صرت ازحف ودور شي يحمني للصبح صرت اتلمس اريد شي يحمني
لكيت شي ماعرف شنو مثل صندوق خليته ع راسي والميت رجليني صدري وكعدت يااارب احمني يااارب احمني بقيت ع هل وضع اكثر من ساعه
سديت اذاني من صوت لحيوانات اتخيل هسه يصعدن عليه الحشرات ويجيني. ذيب ياكلني واني اكيد بصحراء كلما تخيل اغمض عيوني حيل واسد اذاني اشهدوا ان لا اله لا الله اشهدوا ان لا اله لا الله
بقيت اكرر بهل جمله
حسيت ضوه قوي عليه فتحت عيوني اشوف ماكدر
اجه خيال شخص عليه اكيد حرامي لو مجرم غمضت عيوني بقوه
حسيت نرفعت عن الارض
فتحي عيونج كلج شبر رجعتني يمج
فتحت عيوني طلع اصف حضنته حيل اخذني منا الله يخليك اخذني ماريد ابقه هنا
اسف اسف ماتنعاد شدني لحضنه حيل ويعتذر مني اخذني وياه كل طريق لازمه ايده وصلنه للبيت ودخلنه وين مايروح اروح وراه صارت عندي خوفه من لوحده
اصف. روحي نامي اني يمج
بقيت متصنمه مكاني تعال ويايه بالغرفه
روحي صفا اني يمج كتلج روحي
لاتصيح هسه روز تصحه
اصف. راحت روز
صفا. وين
اصف.لاهلها تركتلج هاي
قلاده من خرز وبيها نجم البحر اخذتها وكعدت ع تخم يمه انت منو لش هيج حياتك
اصف. كلشي بوكته اريد انام روحي
نام ع تخم وتغطه بقيت احوس شلون انام صوت الحيوانات والمكان لسه بالي مايقبل يروح
هو لوصلني لهل حاله هو مسؤول عني رحت طلعت فراش وخليته جوه يمه ونمت جان نايم نومه كلش ثكيله خفت اكعده ويده نازله من القنفه لزمتها ووبقيت صاحيه اخاف انام كلش صرت خاف ابجي اسوء ليل مرت بحياتي
صرت اخاف منه واحتمي بي صرت اكرها ولتجئله صرت اكره صوته وجوده يحسسني بالامان.
ماعرف هو منه بس اعرف اسمه بقيت افكر لحد ما النعاس حتلني نمت
كعدت احس بثكل صرت افتح بثكل فتحت عيوني
عااااااا
اصف. وجع وسم شبيج ماتخلين لواحد ينام
شجابك يمي
اصف. باعي زين منو اجه يم. منو
اني جنت اخاف ونمت هنا مو هنا
اصف. واني حت احميج جبتج يمي هنا
صفا. لاتسويها بعد كعدت امشي لطخت بلميز وكعت ع وجهي اه اااااه اوف
لاتضحكككك لاتضحكك
خلص ماضحك بس اكومج
ماااريد منك شي
خلص لعد كومي وحدج بس ديربالج لحيط
عاااااا
هههههه طلعت طلعت
نختم البارت
تصويت وتعليق يشجعني استمر احبكم ختصرت هواي بوفاات شمس بطلب من ماس 💔😔