✹ ✹ ✹ ✹ ✹ ✹ ✹ ✹ ✹ ✹ ✹
#قوة_أيسـون
البارت واحد واربعين
باقلـم :زهـراء لـؤي
نجراتي الحلوين لتنسون تصويت ، ومُتابعة للحساب، وتعليق بين الفقرات💅🏻⛓️❤️🔥
حسابـي الأنستا : wa5bad
گالوا مات كِلت البخت شيمَوته ؟
آنه شيعت روحّي بيوم شيعته
المِثلك مو ٣ أيام مِثل الناس
المِثلك كون ٦ سنين فاتِحته..
✹ ✹ ✹ ✹ ✹ ✹ ✹ ✹ ✹ ✹ ✹
ايسـون ...
فتحت عيوني مصدومة أريد أصدك الي گالتة ماكو تقربت حضنتها بس أريدها تبطل تملخ نفسها
-ايـسون : شنوو مات شجاي تحچين ميار فهميني
-سُلطـان : مياااار لا تسوين هيچ فهمينة شصار أحچي
گوة تجر النفس وتشهگ گطعت نفسها
-ميـار : ولكم مسوي حاااادث جاي من السفر وراجع للبيت ومسوييييي ياللهي دخيلك
حجتها وگعت گبل شالها سُلطان وركض بيها للسيارة رحت بسرعة حطيت بشت على نفسي وطلعت وطول الطريق مصدومة مامصدكة بس دموعي تنزل أتصل سُلطان على الأكبر حتى يجي ورانة أخذت مُبايل ميار
أخير أتصال من قمر أخت أيهم رجعت أتصلت جاوبتني تبجي وتصرخ قشعر بدني حسيت روحي راحت ضليت أبجي بزايد
-ايـسون : قمر شنو الكلام الي كالتة ميار صدك أيهم !
-قـمـر : ايسون أخوي مات ايسون مات
-ايـسون : قمر احنا ماخذين ميار هسة للمُستشفى بس تصحى نجيكُم وين أنتوا !
-قـمـر : بمُستشفى ***
سديتة منة وصلنا للمُستشفى شكلوا الـ ميار مغذي صاير عدها هبوط أنتظرناها تگعد أندگ باب الغرفة الأكبر بس شفت بسرعة بجيت رحت ذبيت نفسي بحضنة
-الأكـبر : شبيچ حبيبتي صدك هذا الكلام گليلي ميار شلونها؟
-ايـسون : ايَّ أكبر أيَّ مات أيهم
-الأكبـر : گليلي منو گلچ
أبچي أشهگ گوة أجر النفس
-ايـسون : قمر قمر أكبر ماتت أيهم والله خوش أنسان
-الأكبـر : اش حبيبتي لا أعتراض على حكم رب العالمين
حاضني وأبجي والأكبر واضح مصدوم بس مايبين النة أتصلت على أهلي بلغتهم شوية وگعدت ميار تباوع مستغربة كانُ تريد تستوعب حلم لو حقيقة حقها أيهم مو بس أبن خالها لا أيهم أخوها سندها أيهم من مالگينة أحد هو ويانة ماكو منة
بجت بصوت عالي وضلت تصرخ ركض سُلطان حضنها
-ميـار : ماتت سُلطان مااات عافني وحدي عافني سُلطان أخذونننيييي اخذونييي
-سُلطـان : هسة ناخذج حبيبتي هسة ناخذج بس على كيفج لا تأذين نفسج
راح سُلطان يشوف الدكتور تقربت حضنتها تبجي
-ميـار : ايسون مات وعافني ايسون ماضل عندي أحد من ريحة أمي ايسون
دموعي تنزل أريد أقوي نفسي ماجاي أگدر صعبة ثاني شخص تفقدة ميار من أهلها
-ميـار : اخذوني اخذوني اشوفة اخذوووني
-ايـسون : هسة ناخذج ياروحي هسة بس على كيفج لا تاذين نفسج بعدج ماطايبة ياروحي
-ميـار : عساني بالموت أن شاءالله ولا عشت كلهم ماتوا وعافوني عافونننيي وحدي
-ايـسون : لاتحجين هيچ أسم الله عليچ ياروح أختچ
نرگع الباب بسرعة أنداريت شفتة حيدرة يباوع النا بخوف دخلت ورا أمي وتولين
-حـيدرة : ميار
-ميـار : حيدرة مات أخوي حيدرة گلهم ياخذونييي گلهم
تقرب حيدرة يريد يحضنها بس تراچع مايگدر محرمة علي
-حـيدرة : كافي حبيبتي ياروح أخوچ هسة أخذج
دخل سُلطان والأكبر تقرب شُلطان گوم ميار
-سُلطـان :ً تعالي يالله حبيبتي
باوعت الـ أمي تمسح بدموعها
-ميـاسين : گومي بنيتي عيني نفسچ
-ميـار : ماگدر حيلي نهد من چديد يمة
تقربت حضنتها أمي وتبچي
-ميـاسين : عمت عين أمچ
رجعت أتصلت قمر گالت تعالوا البيتنة
خلينا وطلعنة صعدنة انا وميار وي سُلطان وگبل رحنة بيت أيهم وراح الأكبر يجيب خالة والبنات وأمي وحيدرة وتولين ورانة
ميار طول الطريق بس تبجي وتملخ بنفسها حاولنة وياها بس فاقدة
وصلنا الـ بيت أيهم صوت الصريخ والبچي يقشعر البدن مامصدگة ! أيهم الي قبل شكم يوم يمنة ! قبل شكم يوم نفسة بيتنة شفت كسرتة على نبأ شفت بعيونة نبأ ، أيهم الأخ والصديق ألنا
جانة كلشي يصير ويانة نحجيلة قريب من يمنة ويحبنة وينصحنة مثل أخواتة معتبرنة مامصدگة اليوم انا بفاتحتة ! مامصدگة اليوم راح يندفن راح يصير چوة التراب !
دخلنا چوة لگيت قمر گاعدة على صفحة بس دموعها تنزل ركضت ميار حضنتها وضلت تبچي
-ميـار : قمرر گولي چذب گولي چذببببب
تحچي بصوت ناصي مصدومة
-قـمـر : مات مات عافنة ميار عافنة
صرخت ميار ملخت نفسها نريد نلزمها ماكو أجتني بنية گالت أكو ولد بالباب يصيحچ رحت شفتة سُلطان
-سُلطـان : ايسون بداعة الخوة ديري بالج على ميار لا تخلينها تضرب نفسها توها مسوية عملية لا يصير الها شيء
-ايـسون : فاقدة سُلطان فاقدة حيل ماجاي تقبل تسكت
-سُلطـان : حاولي وياها ايسون حاولي
هزيت راسي ودخلت قمر بس دموعها تنزل لامة رجليها تقربت من يم قمر وحضنتها
-ايـسون : أبچي قمر أبچي لا تضلين هيچ
-قـمـر : ايسون يگولون مات بس گلبي يگلي مامات يگلي أخوچ مايعوفچ مايعوفچ
خليت أيدة على وچهي أبچي
-ايـسون : ابچي لا تضلينن هيچ أبچي
-قـمـر : عوفوني ما مات مايعوفنا ميار گليلهم
-ميـار : خالة وين گليلييي وينن
-قـمـر : ماما وگعت بالمُستشفى
صافنة وتچاوب فاصلة عن العالم تقربت ضربتها راشديات أريدها تصحى تالي ستوعبت يالله بچت صاحت بعلوا صوتها
-قـمـر : ولكككككك أيهمممممم لاااااااااا
ضلت تلطم تقربت حضنتها منا هيّ ومنا ميار
-قـمـر : ماتت اخوية مات ولججج
-ميـار : ليش أيهم ليش مو تدري ماعندي غيرك مو أنتَ أخوي تگلي ماعوفچ چا وينك شو عفتني وحدي !
-قـمـر : تعال أرچع أيهم والله أخاف بلايك تعرفنيييي وينك وينك
تقربت أمي حضنتهن وتبچي وياهن تسكتهن بس ماكو فاصلات روحي راحت ضليت گوة أجر النفس درت وچهي شفت نبأ گاعدة بالزوية وحاطة أيدها على حلگها تحاول تخفي شهگاتها
أكيد هسة چاي احس بـ تأنيب الضمير تقربت حضنتها تشهگ بصوت ناصي
-نبأ : مات مات مو قصدي أجرحة ايسون مو قصدي
مسحت دموعها أحاول أهدي بيها
-ايـسون : أدري حبيبتي مو قصدچ ياروحي أنتِ
-نبأ : خاف مات بسببي
تقربت حضنتها وحطيت مصدومة من كلامها سودة عليّ هيج تحس
-ايـسون : طبعاً لا حبيبتي شلون هيچ تحچين حادث هذا وقضاء وقدر مكتوبلة بهل يوم يموت
-نبأ : مات وهو مجروح مني ايسون روحي روحي جاي تحترگ شسويت انا گليلي شسويت
ضلت تضرب على رچها لزمت أيدها وحچيت بقهر
-ايـسون : لا تسوين هيچ نبأ لا تسوينن هيچ
ترجف احاول الزمها ماكو فاقدة تباوعلي بخوف وتحچي
-نبأ : أدعي أموت ولا أعيش تأنيب الضمير عمري كلة أدعي
البنية فقدت حاولت وياها ماكو بس ترجف صحت خالة حاولت وياها همين بس ماكو حچت وهيّ تبچي
-ليلى : بسرعة روحي أتصلي با الأكبر
هزيت راسي وين مارحت شفت أجتة خالة أم أيهم فاقدة وراها التابوت بلعت ريگي ركضت بسرعة أتصلت على الأكبر ورجعت بيمن أحير بـ نبأ لو ميار. لو قمر ؟
قمر راحت الها أمي تسكت وخالة ليلى الـ ميار ركضت الـ نبأ الي واكفة تباوع ومصدومة تقربت گبل أجر بيها بس دموعها تنزل
-نبأ : خلي يعيش ايسون خلي يعيش لا يسوي هيچ أدري بي يريد يحرگ روحي حتى أوافق عليّ خلي يرجع اوافق حتى لو ما أحبة بس خلي يرجع ماريد يموت
تصرخ ضلت گعدت حاضنتها
-ايـسون : كومي حبيبتي گومي مايصير تسوين بنفسچ هيچ حرام هذا قضاء وقدر مو بسبب أحد ولا بسببج صار هيج
تحچي وترجف شلون أسكتها مادري
-نبأ : ليش هيج ليش
حاضنتها أجة الأكبر گومتها كل ذرة بجسمها ترجف بحيث ضليت مصدومة تقرب الأكبر حضنها وهيّ بس تبجي بسرعة شالها وراح بيها دخلت للبنات ميار لگيتها تريد تفتح التابوت ما أنتبهت الة عدل لان جنت حايرة بـ نبأ وقمر نايمة على التابوت خوب أمة ماحچي شيء عنها أكتفي بالسكوت أفضل لانُ أُم وتعرفون الأم شنو يصير بيها من تفقد ولدها .
أخذوة راحوا أهلة طلعوا بي بس ميار ماراحت لان عمليتها تقربت من ميار لامة رجليها وصافنة بفراغ الزواية تقربت حضنتها بس ساكتة حتى ما أنطت أيَّ رد فعل أو بجت
-ايـسون : ميار حبيبتي باعيلي لا تسوين بنفسچ هيچ گومي قمر محتاجتج خالتج محتاجتج أنتِ قوية عيني نفسچ مكتوبلة بهل يوم يموت صدگيني كسرنة بروحتة بس مانگدر نعترض
ساكتة ما أنطت أي رد فعل أجتني نفس البنية الي مساع صاحنتي گالت سُلطان يصيحچ همين گالت ولد بالباب عرفتة سُلطان
-سُلطـان : ميار شلونها گليلي؟
-ايـسون : شلونها سُلطان گلي شلونها
-سُلطـان : بداعة أمچ سويلي مجال بس أشوفها
وين ماردت أحچي أجت تولين وگالت
-تولين : سُلطان تعال شوف ميار تريدك
-سُلطـان : بس سولي مجال
-تولين : محد موجود بس شكم مرة كبار تگدر تدخل
هز راسة دخلنا كبل ركض حضنها وهيّ ذبت نفسها بحضنة تبچي وتحچيلة كلشي وهو حاضنها كل قوتة اليوم اتأكدت ميار أشگد تحبة تحبة الـ درجة بس يمة راحتها
-ميـار : سُلطان موجوعة گلبي يوچعني أريد أموت
يمسح بدموعها ويبوس بوچها
-سُلطـان : أشش أسم الله عليچ ميار لا تحچين هيچ ديري بالچ وانا منو ألي كافي حبيبتي مايصير نعترض على حكم رب عالمين
ضل يحچي وياها ويهدي بيها لحد ما شوية هدت ضلينة على فرد گعدة لحد ثاني يوم ميار منتهية ماتحچي وي أحد وقمر كذالك
سُلطان منتهي عليها وعلى أيهم بالة يم ميار همين ونبأ اخ يا نبأ أتصلت على الأكبر يگول جاي تلوم نفسها ...
•••
نبأ ...
چابني الأكبر للبيت وانا طول الطريق خايفة حسيت نفسي انا سبب موتة شعر كلش صعب الـ جاي اعيشة أيهم قبل شكم يوم شاف علي لازم أيدي ! شلون جانت نتظرتة أتذكر كلشي بس والله مو بيدي والله
ياريت أموت ياريت أفقد الذاركرة ياريت حلم كل جاي يصير وصلنا للبيت ساندي الأكبر ومشينة ذبيت نفسي على الجرباية
-الأكبـر : أجيبلج مي تشربين بنيتي
-نبأ : ماريد شيء بس أريد أضل وحدي حباب
تقرب طبع بوسة على راسي وگال
-الأكبـر : لا تلومين نفسچ حبيبتي مالچ ذنب أنتِ ترا مُجرد حباج وأنتِ ماحبيتي والحُب مو جبر صح لو لا ؟ قضاء وقدر وكلشي مسجل علينا نعيشة يعني محد بينة الة ذنب ماشي حبيبتي
حطيت راسي على صدرة أبچي وأشهگ
-نبأ : أكبر مسامحني هو هسة؟
-الأكبـر : شيء أكيد مسامحچ حبيبتي ماكو شخص يحب شخص ومايسمحة الي يحب ما يأذي صدگيني وهو يحبچ مسامحچ أسمحي دموعچ أنتِ قوية يالله سباعية
مسحت دموعي وأحچي
-نبأ : أرجع للفاتحة انا أبقى وحدي لا تحاف عليّ
-الأكبـر : شلون ولچ شنو أرجع وأعوفچ وحدچ هيتة هيّ
-نبأ : بداعة ماما روح والله ما خاف روح
-الأكبـر : نبأ شچاي تكولين طبعًا لا
-نبأ : روح والله ماريد أعطلك بل أساس انا راح انام والله العظيم
ضل يباوعلي طول بنظرتة وهز راسة شوية ضل يوصيني وراح گبل دخلت جبت ملابس ودخلت للحمام
گعدت أبجي منظرة مايروح من بالي مايروح شلون متأذي شفتة والله شفتة شلون مدعوم يالله فد حمل على صدري ياربي عيني دخيل أسمك يالله
ضليت أشهگ أريد بس أجر النفس بسرعة بدلت وطلعت أبچي أشهگ سمعت مُبايلي يتصل رحت بسرعة شفتة علي كلش محتاجتة نسيت كل الزعل وكلشي فتحت خط أبچي أشهگ
-نبأ : علي
-عـلي : ياحيل علي أنتِ
-نبأ : تعال راح أموت والله راح أموت
-عـلي : جايج مسافة الطريق ياروحي جايج راح أوصل
سديتة منة گعدت أبجي دزلي رسالة أفتحي الباب نزلت أركض فتحت الباب ذبيت نفسي بحضنة أبچي أشهگ
-عـلي : مو هـيـچ لا تحرگـيـن روحـي
-نبأ : أريـد أمـوت عـلـي
-عـلي : ماتموتـيـن وتعوفيـني
-نبأ : علي مات مات مات بسببي والله مات
حاضني ويهمس
-عـلي : حرام حبيبتي لا تحچين هيچ مو بسبب أحد توفة حادث هذا غير المفروض أنتِ مؤمنة وتعرفين هيچ شيء
أبتعدت عنة وگعدت بلگاع أبجي وأصرخ فاقدة
-نبأ : علي غلطت بحقة شسويت انا شسويتتت
نزل حضني
-عـلي : ماغلطتي نبأ ماغلطتي ترا كافي تلومين نفسج ماتحبينة شني هيّ گوة يا نبأ مو جبر الحُب مو جبر صدگيني الي صار مسجل علينة نعيشة فهميني وينچ نبأ القوية گليلي !
-نبأ : تأنيب الضمير موتني علي
گومني گعدني على الجرباية فاقدة ويمسح وچهي ويحچي وياي ويهديني لحد ما تعبت من البجي نومني على الجرباية وضل يقرا أيات على راسي دموعي غصب عني تنزل مو بيدي
ضل يقرا أيات لحد ما غفيت ...
•••
ايسـون ...
مرا ثلاث أيام على الفاتحة قررنة نرجع للبيت خلصت الفاتحة
مامصدگة أيهم نفسة ! أنفدن چوة الگاع بعز الورد بسبب سرعة يروح بلمح البصر أيهم ماتنعد وگفاتة ويانة أخ وصديق
رجعنة للبيت حتى ميار لانُ قمر والدتها راحو بيت أخوالهم أخذوهم يمهم لان بيتهم شوية أكبر والخميسيات هناك يكمونها
گبل. دخلت سبحت وراي ميار الي توها بدت شوية شوية تستوعب
ميار راحت وأمي همين من التعب وكلهم ناموا گعدت انا وحدي بالغرفة نزلت دموعي من تذكرت موقف أيهم وياي جنت توي راجعة من الدوام وشفتة يم ميار
-أيـهم : هاي منو أجة اشتاقينالج ولج
دخلت مبستمة
-ايـسون : انا الأشوق ماتگول عندي اخوات گاطع بينة
-أيـهم : حقكم عليّ والله العظيم بس شسوي شغل تدرون بية وانا گلبي طگ عليجن والله أحس نفسي مضيع ضايعة من ما شايفجن ماعليجن على يوم ترحن وياي لهلي ترا اشتاقينة لگعداتنة
-ايـسون : كلش والله أشتاقيت الك مو تنسانة بعد
-أيـهم : اقا ايسون منو گال ناسينجن والله أخواتي انتن بروحي أفديجن ماتدرن بية شنو معزتجن عندي بس والله عندي شغل تدرين
دموعي تنزل حسيت شخص يمسح بدموعي فتحت عيوني شفتة حيدرة بسرعة ذبيت نفسي بحضنة أبجي
-ايـسون : حـ حيدرة والله جان خوش أنسان ليش هيچ ليش
-حـيدرة : مسجلة يموت حبيبتي
-ايـسون : والله أشتاقيتلة والله أخير فترة مانتراسل هواية لان مشغول هو والله جنت يومية أگول شوكت يرجع ونلتقي بي لان أيهم مكسور گلبة ويومية أدعيلة ربي يعوضة
-حـيدرة : يعوضة ربچ بالچنة أيهم خوش ولد والله وأنسان نظيف هناك مكان يرتاح بي يم ربچ
خليت راسي على رجلة دموعي تنزل لحد ماغفيت مادري بنفسي
مرت هاي الأيام كلها مكتأبة على الي صار ومحد الة خلگ يحچي كلها ايام عادية ومرت خميسيات وصارت الأربعين !
هاذي هيّ الدنيا ماندري شوكت نموت ! ولا شوكت نودع أحبابنة ! الموت مالة وقت الموت بأي لحظة يجينة !
...
رجعنا للبيت انا والأكبر من الدوام وميار سُلطان هو راح جابها عشتو عود مشتاق الها
- ايـسون : راح أنزل أصب غدة
-الأكبـر : تعالي حبيبتي خلينا نتغدة غير شيء
دفعتة وأضحك
-ايـسون : أهوو وتالي وياك أكبر صاير سرسري
-الأكبـر : شسوي بس يمج
هزيت أيدي وگتلة
-ايـسون : هو هم حظي
جرني حضني من ضهري
-الأكبـر : شبي حظج ولچ
-ايـسون : أغبر خلاني أحب واحد سرسري
رارني علي وشالني ويغمز
-الأكبـر : تحبين أشوفج السريري اليوم
ضحكت وانا أوخر بي
-ايـسون : وخررر عوفنييي أكبر وخرر
يباوعلي بمكر وهز راسة بـ لا ، وبدينة مسيرتنة الفنية
شوية وأندگ باب الغرفة أستغفر ربة بدل وگام فتحاة طلعت ميار
-الأكبـر : ها شترددين بوية عوفوني شوية وي مرتي
أبتسمت بهدوء
-ميـار : تعالوا تغدوا ويانة
-الأكبـر : جاين بوية جاين بس أصبرولنة هسة
ميتة من الضحك وهو منفعل أستغليت الفُرصة وطفرت گمت عدلت نفسي وهو يباوعلي متحلف
-الأكبـر : چا وين تشردين؟
-ايـسون : چا ما أشرد الـ مكان مرچعي الـ حضنك
أبتسم عاد على شفتة
-الأكبـر : أذا انا سريري أنتِ شنو
-ايـسون : منين فقيرة انا والله
-الأكبـر : عيارة أنتِ وعلي
طگيتها ضحكة خلينا نزلنا چوة نبأ وميار توهن شوية شوية بدن يطلعن من الي هنة بي وبدن يستوعبن بس نبأ بعدهي مُصرة تريد تنفصل عن علي حاولت أفهمها وگلت الها أنُ جانت نيتة بس بعدين ضل يحبج بس جانت قافلة وجان چوابها
-نبأ : يعني شنو الي تغير ماتغير شيء ! يعني يريد أحبة وبعدين يعوفني ولو ماحبني وربج ساتر شنو صار ؟ ها شنو؟ مُستحيل أرجع وهاي حوبة أيهم هيچ سوت بية وانفصالي من علي يتم .
ماتقتنع حقها الصراحة خليتها على راحتها شوية كملنا غدة وصعدنا نرتاح فوگ فتحلي حضنة الأكبر رحت شمرت نفسي بي
-الأكبـر : حضنج راحتي من بعد تعبي كلة
-ايـسون : أوييي أحبك أبو عضلات سُداسية
-الأكبـر : شهترتيني أبو نعالات لاستيكية مابُقى واحد ماضل يصحيلي هيج
ضحكت وهو يباوعلي بطرف عينة
-ايـسون : والله مو انا هاي ميار والله هيّ
-الأكبـر : منو گايل الها منو؟؟؟
-ايـسون : والله ماگايلة شيء والله هيّ سمعتني صدفة أصلاً
كتف أيدية وخلى شفتة بطرف شفتي
-الأكبـر : كتيلي ميار سمعتج صدفة
-ايـسون : ااا شسمة أيَّ ميار ميار
بتعد وهو يضحك
-الأكبـر : شبيج راح تموتين
-ايـسون : شمدريني وترتني اوي أكبر
لفيت نفسي بالغطة أجة حضني ولا يتوب سكتت ماحجيت شيء وهو هم سكت لحد ماغفيت ...
•••
تولين ...
رجعت من الدوام جابني علي هالفترا كلش تعبان ومتغير من الدوام سودة عليّ وصلت گبل بدلت ورحت صبيت غدة
-ميـاسين : تولين حيدرة شفتي؟
باوعت الها مستغربة
-تولين : لا ماشفتة أصلاً مادري بي وين؟
-ميـاسين : مادري قبل شوية أجة قبل لا تجون شني وين طلع هذا طرگاعة علي
-تولين : مادري يجود صارت عندة فد شغلة وطلع
-ميـاسين : خوش بس تشوفينة خلي يجيني عود راح انامن شوية
-تولين : ولج ميااسين كااافي تنامين شنية
ضربتني على كفتي وهيّ تضحك
-ميـاسين : ولج يمة مدري شبية صايرة أتعب هواية
گمت بستها بخدها
-نولين : سلامتج من التعب يابعد حيلي
باستني بخدي وحضنتني
-ميـاسين : يابعد أمچ بنيتي
شوية وراحت الـ غرفتها صار عندي فضول أعرف حيدرة وين لان ماكو نزل علي أبتسم شافني
-علي : شلونها حبيبة أخوها
-تولين : الحمدالله زينة
-عـلي : أدري بيج زعلانة مني ياروح أخوچ بس والله العظيم تدرين شغلي وتعب يادوب الحگ انام
-تولين : بس مو معناها تنساني
-حـيدرة : ولج والله ماناسيج يومية أرجع من الدوام گبل أجي الغرفتج الگاع ذابة الغطة ومتكرفصة وأغطيج وأبوسج وأطلع
أبتسمت بستدة بخدة
-تولين : خوش مازعلانة بطلت
-عـلي : أيَّ على الأقل راضيت وحدة بيجن
باوعتلة مستغربة وگتلة
-تولين : ليش شنو نبأ زعلانة
أبتسم بس أبتسامتة بتعب جانت عبالك جاي يگلي أفهميني وأفهمي الي بية
-عـلي : أيَّ زعلانة مني
ماحبيت أسألة عن السبب لان يجوز مايحب يحچي هالشيء خاص
-تولين : ياروحي راضيهاا
-عـلي : صعب ترضى
-تولين : أذا أنتَ مزعلها فا حقها صعب ترضى لان مو بسهولة تگدرون النا
-علي : غلطى وصارت شلون أصححها؟
-تولين : شوف شنو تحبة سوي
جر حسرة وصدمني بكلامة
-عـلي : تريد ننفصل
فتحت عيوني مصدومة
-تولين : شنووو هل درجة مزعلها بحيث واصح تنفصل عنك؟
-عـلي : مو گتلج صعب ترضى
-تولين : صخم الله وجهك علي كون
-علي : بعد روح أخوج ماتقصرين رفعتي معنوياتي
-تولين : جا شتريد أگلك عفية بالنادر شمسوي للبنية بحيث واصلة تريد تنفصل
ضحك قريني وباسني براسي
-عـلي : لا تعبين نفسج بسوالف الحُ..
سكت طول نظرتة قربنة الة أكثر وگال
-عـلي : نبأ أريد أحچي وياچ بموضوع
رجف كل جسمي مبين واضح كاشفتي أحب حيدرة بلعت ريگي وكتلة بهذوء
-تولين : گول شنو
-عـلي : ماريد تضوجين مني بس هاي الحقيقة ماشي؟
هزيت راسي يريد يحچي بس متردد كل ساع ستغفر ربة
-عـلي : نبأ تحبين حيدرة؟
باوعتلة مستغربة نبأ ؟
-تولين : انا تولين مو نبأ حيدرة
مسح على وجهة يستغفر ربة
-عـلي : خبلتني بنت الحلو وين ما أمشي أصيح بأسمها ، وانا همين علي مو حيدرة
فتحت عيوني بصدمة سكتت ماجاوبتة انحرجت
-عـلي : حبيبتي نبأ ماريد أعصب ولا أصيح ولا أسوي شيء يغضب ربي ولا أسوي شيء يأذيج بس أسمعيني زين
هزيت راسي اباوعلة صاير بركان
-عـلي : حيدرة مايفيدج لو يحبج جان صارحچ أو حچة بالموضوع وياي وطلبج مني صح لو لا !
هزيت راسي
-عـلي : لهذا سبب جاي أگلج تولين لا تسوين شيء غلط متأكد ماتسوين انا بس جاي أگلج وحيدرة حاولي تتناسين واذا تحبين حتى نطلع من البيت منا حتى ماتعبين من تشوفينة
بسرعة رفعت راسي مستغربة
-تولين : لا علي مو لهل درجة وخالة شنو نعوفها
گام يمسح على وجهة ويحاول بقدر الأمكان مايعصب
-عـلي : چا شسوي أشوف أختي تموت من الحرگة گبالي وأسكتتت گليلي !!
گمت وگفت گبالة أحاول اخلي يهدء
-تولين : صدگني بديت حياة جديدة وبديت أتناسة جاي أنتبهة الـ نفسي لا تخاف عليّ حبيبي والله مابية شيء هاي انا
تقرب لزم وجهي بكفوف أدي
-عـلي : أموت من تتوجعين وحق هو علي لا عبالج انا مادري لا أدري بسس شسوي گليلييي لا أگدر أروح أحچي وي حيدرة أگلة ابتعد لان ماريد تنمس كرامتج ولا أگدر أچي احاجيج حاس نفسي گرن ياربي لا تسوين هيج تولين انسيي
حضنتهة بس أريدة يهدء
-تولين : وداعتك جاي احاول والحمدالله جاي أگدر
هز راسة يباوعلي مبتسم تقرب باسني ودعني راح الـ دوامة گعدت بيني وبين نفسي مُستحيل أخلي أخوي يزعل عليّ على مو شيء أسمة حُب ولا أخلي ينزل راسة بسبي
گاعدة بالصالة نخرعت من شفت حيدرة گبالي
-تولين : أعوذ بالله ماتگول طبيت
ماحجة شيء بس مبتسم أبتسامة مكر
-تولين : بسم الله الرحمن الرحيم شبيك؟
ضل يقتدم بتجاهي وحط عيونة بعيوني وگال
-حـيدرة : أجة الوقت المُناسب
باوعتلة مُستغربة
-تولين : وقت شنو؟؟
ماحجة شيء بس غمض عيونة مدري شضل يحجي بس شفتة تتحرك فتح عيونة ماحس الة شالني على ضهرة
-تولين : حيدرررررة نزلنييييي شبيككك
-حـيدرة : أشششش ولج لا تحجين شيء فضحتينة
-تولين : وين ماخذنيييي ويننننن
فتح باب الشارع وصعدني بالسيارة مصدومة شجاي يسوي
-تولين : ويننن ماخذني مو جاي أحچي وياككككك
ولا هامة صعد مبتسم
-حـيدرة : خطفتج
وسعت عيوني مصدومة شجاي يحچي هذا
-تولين : شنو هذا الخريططط حيدرة رجعنييي للبيت يالله
-حـيدرة : مارجعج وداعتج بزونتي گتلج يجي يوم وأخطفج وخطفتچ ها أها
رفعت أصبعي بوجهة روحي مفرفحة
-تولين : حيدرة ونبي ترا الم العالم عليككك
-حـيدرة : مو هسة تلمينهم شوية بعد
-تولين : وين ماخذني زيننن وين أحچي ؟؟؟
-حـيدرة : شعليج والله يالله
مصدومة منة شجاي يسوي هذا شخط لو مو شخط ضليت أسغفر ربي أشوف تاليتة وين نزلني بيتنة القديم ! قبل لا نشيل بهذا أكثر بيت أحبة بحياتي كلها
لان ربينة بي وجانت نص طفولتي وي حيدرة بي وأبوي جان عايش صارلي هواية كلش هواية ماجاية الة باوعتلة مصدومة
-حـيدرة : يالله تعالي أنزلي وي مُجرمج الخاطف
نزلت دموعي مسحتهن
-حـيدرة : لا تبجين ماجبتج حتى تبجين جبتج حتى تبداية جديدة بي
ماعلقت على كلامة نزلت ويا فتح الباب ضليت أشهگ اجا بالي كل ذكرياتي وي أبوية شلون جان يلاعبني شلون جان يحبني
-حـيدرة : مو گلنا لا تبجين ياروحي
تقرب من يمي راح يلزم وجهي وتراجع
-حـيدرة : أشو عاينيلي
باوعتلة أمسح بدموعي أبتسم وگال
-حـيدرة : تعالي وياي
-تولين : وين ؟
هز راسة بمعنى تعالي رحت ويا دخلنا للغرفة جنة نلعب بيها دائمًا ضحكت ضحك وياي وگال
-حـيدرة : تتذكرين لمن گتيلي كلمة ضلت بالي
باوعتلة. مستغربة
-تولين : ياكملة منهن هواية كتلك كلمات؟
تقدم مبتسم يباوع بعيوني
-حـيدرة : من گتيلي حيدرة انا أحبك ومن نكبر نتزوج انا وياك وأريدك أهناء تخطبني بهاي الغرُفة حتى نتذكرها دائمًا
فتحت عيوني مصدومة تذكرت صخام بوجهج تولين على هاي الدگة ناقصة متت من المستحة ضحك هو طلع من جيبة علبة باوعتلة مصدومة مسوعة عيوني گعد على ركبتة فتح العلبة ونطق الكلام الي جنت منتطرتة كل عمري كلة !
-حـيدرة : بزونتي مستعدة تشاركين صقرج الجارح حياتة كلها؟..
للحكاية بقية⛓️...
__________________
باقلم زهراء لؤي
أعتذر عن التأخير بس والله جنة ننقل بغراضنة وتوي يالله فرغت 🥹💙
شنو رأيكُم ؟🌚💅🏻✨
توقعاتكُم الحلوة✨
مُتابعة جميلة ✨⛓️