لتنسون التصويت + متابعه لحسابي✨
#الكاتبه_اماني_المحنه✨
وما أنت إلا وطن جاء على شكل إنسان.♡
~*~*~*~*~*~*~•♡
حسام: مم.. من.. منووو.. انته؟
: الموت الاحمر!
حسام رجع لوره بخطوات بطيئه وكلها خوف واردف
: مممفهمتتتت..!
المقنع يقترب منه بخطوات ثابته واردف بثقه
: الايام الجايه راح تفهمك
رجع حسام زحف لبيته وهوه مكسر تكسير دك الباب وفتحته عبير
عبير: يمه هاي شصاير بيك؟ لا تكلي سمير رجع ضربك؟
حسام: اخخخ يمه راح امووت، جسمي كله يوجعني يابويييه
عبير: احجييي منو سوه هيج بيك؟
حسام: ما ادرييي ولج مادرييييي
عبير: خاف متورط ويه جماعه؟
انتبه الها حسام وفتح عيونه وفكر بنفسه
: جماعه! معقوله همه!!
*
سمير اشتغل بالممنوعات ياخذ من جماعه تجار ويبيع للناس بالخفيه
ويجمع فلوس لخاطر يعالج بنت اخته، صار يرجع للبيت بوقت متأخر وكلما يدخل يشوف امه منتضرته بقلق، تسأله
: وين جنت يمه مو والله قلبي محروك عليك حاجيني
بس سمير كالعاده ميجاوب ويدخل ينام يكعدون الصبح ميلكو كالعاده...
*
الساعه 7 صباحا..
ايار واكف باب الحوش
: راح اروح للمدرسه انتبهي لنفسج بغيابي
قاطعته زمرد واردفت
: بس لحضه ايار
: ها
زمرد: حبيت انطيك علم انو راح اطلع اليوم
ايار: تمام
زمرد: ما راح تسألني وين؟
ايار: لا ماكو داعي لان اثق بيج اكثر من نفسي وثاني شي اني مماخذ طفله لان انتي بنيه جبيره و واعيه
زمرد: شكرا على كلامك، تعرف من واجبات الزوجه انها تطلب الاذن من زوجها قبل لا تطلع لذلك كتلك
ايار: تمام اخذي راحتج بس انتبهي لنفسج
ايار جان ضايج وماله خلگ لانه مكدر يتخطى كلام امه البارحه، شاف سند ومشو سوه وشكاله ايار عن الي صار ويا رد علي سند وهوه معصب من قهره على ايار
: وتالي وياك انته هااا وتاليييي! انتي شعلمتك اياررررر مو كتلك بطل هاي الطيبه الزايده مو كتلك بطلهاااا لان مو اي واحد يستاهل تكون طيب وياااا افهممممم
ايار: اهوووو شنو طيبه اي غير امي هااي
سند: اي حبيبي انته طيب و زياده عن اللزوم همم، و امك على عيني وراسي بس هاي مو ام هاي وحده انانيه وماكو بقلبها ذرة انسانيه او حنان ماكو صفررر
ايار: كافي سند اسكت
سند: لا ما اسكتت، الف مره كتلك الناس الموزينه وياك لا تعطف عليهم وتنطيهم اكبر من حجمهم دوس عليهم بنعالك وروح بس انته ماكو ما تفهم
ايار: مو كتلك هااي امي مو اي شخص
سند: لا مو امك اعتبر نفسك يتيم فهمتت لان عمرها الام مجانت هيج والك الام تطلع من حلكها وتوكل طفلها مو امك الي ضلت شامرتك يم جيرانها سبع سنوان وهسه ازوجت وعافتك لا وشنو زوجتك البنيه الي جانت تخليك يمها لان تعرف نفسها وحده عديمة الفائده و حقيره...
ايار عصب لان سند تجاوز على امه وبسبب عصبيته والنار الي بداخله ضرب سند بوكس على وجه طيحه على الارض، سند انصدم من تصرف ايار لان هاي اول مره ايار يضربه!، وقف نضف ملابسه من التراب وترك ايار واكف يباوع علي وراح بدون ما ينطق بكلمه...
*
وصلت زمرد لبيت ام ايار وعيونه يطلع منها شرار، طرقت الباب بقوه فتحت الها ام ايار وبرد ناشف
: اهووو نوب انتي؟ شسالفه شعدكم
زمرد: والله جايين نجدي منكم لان تدرين انتو اهل كرم
ام ايار: احجي عدل ولج
زمرد: لعد شايفتني احجي مگلوبي
ام ايار: استغفر الله، احجي شرايده خلصيني قبل لا يجي زوجي
زمرد: انتي منو؟
ام ايار: شنو اني منو!
زمرد: اي انتي منو وشصيرين من ايار؟
ام ايار: شنو شصير منه! اني امه ليش تستغبين نفسج!
زمرد: شنو الي يثبتلي انو انتي امه؟
عصبت ام ايار وصاحت بوجه زمرد
: هيوووو انتي شجاي تخربطين غير طلع من احشائي اني الي ولدته شبيججججج...
زمرد: بسسس!
ام ايار: اي شنو بسسس
زمرد: انتي غلطانه هواااي لان الام مو بس تولد.. الام تربي وتسهر وتخاف على اطفالها، تحميهم وتضحي بنفسها لخاطرهم وتأمن الهم حياة سعيده و نوب تفكر بنفسها، وانتي هذا كله مسويتي للابنج، انتي خليتي يمنه لمدة سبع سنوات تجين تشوفي مره وحده باليوم وهم ياريت تحضني تءألي عن حاله، لا تضربي وتصيحين علي لان ذنبه الوحيد انه اشتاقلج وهسه ورطتي بزواج وعمل علمود تزوجين، وتكولين اني امممممم تخسين..
صاحت ام ايار واردفت
: سدي حلكج حقيررره
زمرد: اني اكبر واحد ميسد حلكي عن الحق وتدرين بيه ما اخاف غير بس من ربي..
ام ايار: هااا اكيد هم اجاج يبجي و اشتكالج عليه موو
زمرد: اي وهذا مو ذنبه لان انتي الي علمتي هل شي من عمره سنه لحد سبع سنوات انتي تضربي وتهيني وهوه يجيني يبجي لان يعرف بيه احتوي واضمه بحب بس هسه لا بعد كافي لان قبل جان ابنج ومجنت اكدر اتصرف وياج بس هسه هوه الي وبسسس انتي تخليتي عنه وبعتي
ام ايار تخصرت واردفت: اي ويعني شنو افهم من هل حجي بالله
زمرد اقتربت منها واردفت بقوه
: ايار حاليا الي وبسسس وكائن من يكون اذا تقربله افرشه جوه رجليه وامشي علي، هل المره اجيت حذرتج لاني شفت دموع ايار ثاني مره احرگ البيت على راسج،
ام ايار رجعت لوره من الخوف كملت زمرد كلامها واردفت
: بس صدكيني راح يجي يوم وتحتاجين ايار ومحد راح يرحمج بوقتها ويعابيج الله و يكسر خاطرج مثل ما سويتي وي ايار...
تركتها ومشت بثبات وقوه بدون ما تلتفت وراها..
*
ايار وسند كلمن كعد برحله بعيد عن الثاني، الطلاب الي بالصف كلهم متعجبين لان ولا مره افترقو ايار وسند عن بعض اصلا صداقتهم ينضرب بيها المثل بالمدرسه، ايهاب انتبه لوضعهم الي متأزم فأقترب من سند واردف
: بما انو محد كاعد يمك تقبل اني اكعد احسن ما ضل وحيد
سند يعرف انو ايار يتخبل من ايهاب لذلك حتى يضوج ايار باوع للايهاب واردف
: اي تعال ليش لا بلكت تطلع احسن من غيرك..
قبل لا يكعد ايهاب طلع سند دنانيره من الجيب الي بجهة ايهاب للجه الثانية
شافه ايهاب واردف
: لتخاف ما ابوكهن
سند: تعرف الحذر واجب
ايار طلعت روحه من الغيره لمن شاف ايهاب اخذ مكانه لا ويسولف ويه سند هم، كعد على اعصابه يفور، خلص الدرس وطلعو سند وايهاب يتمشون بالساحه و ايار عينه عليهم بس ضل برحلته متماسك اعصابه، سند باوع للايهاب وسأله
: اكول شعجب اختلطت بيه اليوم؟
ايهاب: هيج والله شفتك كاعد وحدك وحبيت اجي يمك نقضي وقت
سند: وشمعنه اليوم من دون الايام
ايهاب: انته تعرف اني وايار ما نتصافه ابد فماكو داعي تسأل لان تعرف ايار يكرهني واني هم اكرهه
سند: بس ايار ما يكرهك بدون سبب لان هوه حقاني بس هوه يتخبل منك لان تسرق مو قصة كره، انته ليش تكرهه بالله؟
ايهاب: هيج مجرد مشاعر متبادله
سند: يعني تكرهه بدون سبب، زين انته ليش متبطل عادتك بالسرقه و تنضم النه هاا
ايهاب: ها سند شنو تحسفت لان مشيت وياك
سند: لا والله بس اني اريدلك الخير، لان انته ما ناقصك شي بس هاي السوله اتركها وشوف شلون كلها راح تحبك ومن ضمنهم ايار
ايهاب: هسه انته هم شفتني سرقت احد من ذاك اليوم
سند: لا
ايهاب: لعد اسكت
سند: يعني انته ده تحاول تغير نفسك للاحسن؟
ايهاب: والله مثل مجاي تشوف
سند فرح للايهاب وحضنه بس ايهاب ضل سابل ابدي وما تحرك لان ميعرف يعبر عن مشاعره
سند: اي ولك هسه كبرت بعيني لان الانسان الجيد حتى اذا غلط يصحح غلطه مو يضل على نفس الغلط طول عمره.. والله انته كفو، هسه اكيد ايار راح يفرحلك
اردف ايهاب برود: لا ما اتوقع
ابتعد عنه سند واردف: ليش!
ايهاب: باوع وراك وراح تفهم
باوع سند وجان يشوف ايار جايهم والشرار يطلع من عيونه بسبب الغيره وهوه جاي يهجم على ايهاب
وقف كدامه سند واردف: لا ايار لتسوي شي تره ايهاب تغير
رد ايار بعصبيه وهوه يباوع ل ايهاب
: اي مبين تغير لان بس شافنه مبتعدين عن بعض اجه وسرقك مني بكل سهوله
سند: لالا انته فاهم غلط
ايهاب انقهر من كلام ايار وتركهم وراح لان جان بخاطره يكون صداقه ويه سند ويتغيير للاحسن بس شاف هل شي مستحيل بسبب ايار وتملكه بالاشخاص الي يحبهم...
سند: ولك ليش كسرت بخاطره شبيك انته اليوم تخبلتتتتت
ايار: شبسرعه بعتني يا سند هاا شبسرعه
سند: والله العضيم ما بعتك وانته تعرف معزتك بقلبي بس هوه حب يتقرب من عدنه اني وياك ويترك اصحاب السوء افهمنيييي اياررررر...
ايار هز راسه بمعنى (لا) واردف
: شبسرعه غسل مخك وسيطر عليك بحيله و جذبه
وترك سند وراح سند ضل يصيح وراهم
: اهوووو شيفهمكم انتو واحد اعند من الثانييييي..
*
زمرد دخلت للبيت وسمعت صوت الهاتف الارضي يرن، فتحت خط وجان تسمع صوت عبير
: الو زمرد شلونج حبيبتي
زمرد: هلا خيتي اعذريني ولا سألت عليج شويه مشغوله يروحي
عبير: لا عادي
زمرد: شلون صرتي؟
عبير: الحمدلله احسن
زمرد: وهذا الخايس هم اذاج بعد
عبير: لا والله ولج حتى معاملته صارت احسن، احس رجع يحبني و فهم غلطه
زمرد: لا تأمنين بي عبير تره هذا حيال وجذاب
عبير: لا زمرد تغير والله صار يعاملني كأني ملكه
زمرد: والله ابو طبع ميتغير وهاي مو اول مره يلعب عليج لعبة الزوج الحنون هيه كل ما يضربج وسمير يعلسه يرجع يعاملج هيج وبس يروح مفعول الضربه يرجع لنفس الخيسه، والله يا عبير هذا ميتغير اني انصحج اتركي قبل لا يضربج الضربه القويه الي ماراح تكومين منها ويكسر قلبج اخذي نصيحتي يروحي، هيج واحد ميتأمن لان الف مره انطيتي فرصه وما تغير فأنتي تغدي بي قبل لا يتعشه بيج
عبير: لا شسالفه زمرد شبيج ويا صدكيني هل مره غير شبيج
زمرد: انتي ما جوزين اله يطيح حضج بعد اكثر ضلي ضلي بعقلج هذا
عبير: يالله خيتي اني راح اروح انطي دين عليه وارجع
زمرد: دين؟ والخايس وين؟
عبير: حسام طلع عنده شغله واني اخذت الاذن منه وراح اروح هسه لان راح يحلون الطلاب لازم الحگ
وسدت الهاتف زمرد اردفت بتعجب
: طلاب؟ ودين؟ شنو مفتهمت شدخل هاي بهاي، هسه غير مره اخليها تحجيلي وافتهم شكو..
*
خلت عبير بناتها يم جارتها وطلعت وكفت قريب من المدرسه تنتضر ايهاب حتى ترجلعه فلوسه وتتلفت يمنه يسره خاف احد يشوفه من معارفها،
حلو الطلاب وشافت ايهاب طالع ولازم كتبه بأيد وايده الثانيه بجيبه ويمشي بهيبه و ثقه، لمن شافته حست بخجل ورهبه صارت بجسمها وفجأه جان تطيح عين ايهاب بعينها من بعيد شافها بوسط هل زحمه من الطلاب والطالبات، اقترب منها وقبل لا يحجي، عبير مدت ايدها بقوه تنطي فلوسه وهيه منزله راسها خجل منه ومن نضراته الها..
مد ايده ايهاب على ايدها حتى ياخذ فلوسه فتلامست اياديهم، خافت عبير وطاحت الدنانير من ايدهااا ورجعت لوره واردفت بخجل
: هاي دنانيرك جبتهن واعذرني على التأخير
ايهاب: شلون صرتي؟
باوعتله عبير واردفت مستغربه من سؤاله
: اني الحمدلله زينه! شتقصد انته؟
ايهاب: لا مقصدي شي بس مجرد سؤال
عببر: تمام شكرا، اترخص اني
ايهاب: زين على الاقل خلي اعرفج بأسمي
عبير: لا ماكو داعي لان هاي اخر مره نتشاوف بيها
دارت وجه عبير ومشت خطوات
صاح ايهاب بأسمها منادي
: عبيررر
وكفت هيه وحست للاول مره بجمال اسمها لان ايهاب لفضه بطريقه محبه، رف قلبها فحطت ايدها على قلبها والتفتت للايهاب، شافته يباوع عليها بطريقه جذابه وعيونه غارگات بتفاصيلها شافت بعيونه نضرات بيها معاني هواي مشافتهن بنضرات حسام الها.. جانت لحضة صمت بينهم ونضرات متبادله، مشاعر هائجه وجياشه قطعت هل لحضات بنت طخت بعبير بالغلط، انتبهت عبير لنفسها وتركت ايهاب واكف يباوع عليها وراحت تركض وهيه تذكر نضراته الها.. تفاجأ ايهاب بايار واكف مقابيله وهوه غاضب
ايار: وصل بيك الحد انو تسرق بنت؟
ايهاب: مستحيل هذا اخر شي افكر بي
ايار: لجذب تره اني شفت البنت هربت منك هسه
ايهاب: ليش متروح وتسألها لعد
ايار: مشفت وجه لذلك هسه تروح وترجع فلوسها
ايهاب: اني ساعدتها وانطيتها فلوس وهيه هسه رجعتهن
ايار: لجذب
ايهاب: والله ممجبور اكعد ابررلك افعالي وخر عني يالله
تركه وراح... اقترب سند من ايار واردف
: انته اليوم ابد مو طبيعي مو ايار الي اعرفه اني اكول تروح ترتاح احسن
وعافه وراح هم، ضل ايار واكف وحده بحيره..
*
حسام راح لصاحبه امير وسولفله عن المقنع الي ضربه البارحه العصر
امير: زين انته هم شك بأحد؟
حسام: والله مادري بس اكول معقوله هذا واحد من الجماعه الي نشتغل وياهم
امير: قصدك تاجر الممنوعات
حسام: اي
امير: بس احنه جاي نبيع وممقصرين ولا مسوين غلط بشغلنه
حسام: ولك اني اخر فتره كمت اشرب منهن بدون ميعرفون
عصب امير واردف
: ولك يالخبل شلون تسوي هيج شنو نسيت عدهم القتل مثل شرب المااااي تخبلت انته
حسام: ولك جنت محتاج اشرب مكدرتت امنع نفسييي..
امير: خربببب شكد زمال انته الله يلعن الساعه الي عرفتني بيك..
*
ايار وهوه ماشي شاف امه جايه اله ماصدك عيونه وفرح توقع حنت علي واجت تعتذر اله عن كلامها القاسي ويا
اقتربت منه امه وشاف ملامحها العابسه
باوعت بوجه واردفت بعصبيه
: انته شنو ما براسك خيررر هاااا
ايار: شكو شصاير؟
: اجتني مرتك ام لسان طويل وصيحت عليه بيتي وما احترمت عمري
رد ايار برود: تستاهلين وزين تسوي بيج
: شنو ولك
ايار: مثل ما سمعتي والله انتي الي جبتي المهانه لنفسج، لان شافت ماكو خوف وحنيه بقلبج على ابنج فأجت تنطيج درس عن الامومه حتى لا تقصرين ويه ابنج المستقبلي
ترك امه واكفه وحدها وراح..
رجع ايار للبيت وصاح لزمرد
: وينج زمردد تعاي احاجيج
اجتي زمرد واردفت مستغربه
: هاا
ايار: منو كلج ترحين للامي؟
زمرد: احسن
ايار: سنو الاحسن
زمرد: امك تستاهل كل كلمه سمعتها مني وجان بخاطري اسمعها اكثر بس احتراما الك سكتت
ايار: وانتي شعليج تروحين ودافعين عنيي هاااا منو طالب منججج
زمرد: امك الي شجعتني ادافع عنك بكل مره لانها دوم جانت تضربك وتضوجك واجي اني احميك منها وهل شي تربه وياي وصار جزء مني
ايار: اي بس هذا الحجي لمن جنت طفل مو هسه
زمرد: طفل او رجال او شايب اني راح اضل بوجه كلمن يعاديك او يكسر بخاطر سوء قبلت او ما قبلت سمعت لو لااااا
اقترب منها ايار ولزمها من جتافاتها بقوه هزها واردف بصوت عالي حتى يطلع المشاعر الي بداخلها تجاهه
: وانتي ليش تسوين هيججج زمرددددد
احجي الصدك انتي تسوين هل شي لان تحبيني لو شفقه وبس جاوبيييييي...
صارو قريبين كلش من بعض، واحد يباوع للثاني بعيون تلمع ومشاعر تائهه غير محدده هل هوه مجرد حب او صداقه او مجرد شفقه عابره،
كسرت زمرد صمتها واردفت بصوت هاديئ من بعد صمت
: لا مو شفقه ولا بعمري فكرت من ناحيتك بهل شكل، اني احب ادافع عنك لان انته انسان عزيز على قلبي والي يأذيك يأذيني ومستعده ادافع عنك للاخر، نفس اليه يا ايار لان اني وانته شخص واحد..
ايار تأثر بكلامها ونزلت دموعه الي حابسهن من الصبح، زمرد اقتربت من وجه تمسح دموعه بجف ايدها، هنا ايار متحمل وحس بشعور كبير وهائج انه يتقرب الها وما بينهم مسافه لذلك مكدر يسيطر على نفسه واقترب منها وقبلها فجأه بدون تردد..!
_______يتبعع ✨
اكتبولي توقعاتكم ✨💜
ولتنسون تشتركون
بقناتي على التلي انشر عليها صور للبارتات تكدرون تاخذوها وتصممون عليها وتنشرو بالتيكتوك ♡