الياس : حمدلله ع السلامة حبيبي
ترتيل : الله يسلمك حبيبي
الياس : نرتاح وعندي جدول الج
ترتيل : ماشي
كل الامور تمام جاي نمشي
اجوي
بوليس ثنين بتجاهنا
طلبوا جواز الياس
اول ما انطاهم
سحبوا منة وكلبچوا
بقة بحالة صدمة واني
گلبت الدنيا
حاولوا يهدأوني
لحدما كالهم بس احچي وياها
تخبلت تهسترت
ما اسمعة حتى شيكول
الناس تباوع علينا
واني متخبلة رسمياً
لحدما عاط بية
الياس : بنيتي حبيبتي انتِ هاي فرصتچ اجتچ حتى تثبتيلي انتِ جبيرة
مايصير تسوين هيچ قبل مانفهم شنو
اكيد مليار بالمية سوء تفاهم او اشتباه
محلولة حبيبتي مادامني بالسليم
ركزي وياية لاتخلين بالي يمج
اطلعين منا للبيت كبل
الى ان ارجعلج خبر
لاتصرفين اي شي حبيبتي
لخاطري اني اذا تحبيني
خليني اطمن من ناحيتچ ع الاقل
ترتيل : ما اتحرك منا الياس
وياك اروح افهم كلشي
يلا ارجع
لو للصبح تبقى تحجي ماتركك
اموت اذا رحت وحدي
تخبلت ماعرف شسوي
شبكتة
وهو حاول يطمني
حاجاني الشرطي حتى اهدأ
كتلة اروح وياه
رفض
طلعوا من المطار
ركبت تكسي ورحت
وراه
قويت نفسي لخاطر الياس
السيارة تمشي بمحاذاة سيارة الشرطة
وصلنا للمركز
عينة علية ويتحلفلي
لان اجيت حچة وياية
ترتيل لاتزيدين همي رجعي
اني اخابر المحامي وتنحل
لو تنگلب الدنيا ماعوفك وحدك
يجي المحامي واشوف شنو يلا وقتها
اتركك
دخلنا واني تركت الجنط وكلشي بالمطار
انطوا حق اتصال خابر المحامي
منا من اجة المحامي كلبي انشلع
ساعتين ضبط اني برة انتظر
والكل متعاطف وياية
سبق و وضحت شغلة
انو الغرب يستغربون تعاطفنا اذا صار موقف
كلشي عدهم عملي وحتى حزنهم مدتة دقايق
فمن شافوني ابچي وقلقة
الكل اجة ويحجي وياية
لدرجة شرطية كالت انا موجودة اعتبريني اخت
وكل الامور تنحل ان شاءالله
طلع المحامي
سبق وملتقية بي كذا مرة
من جنت اسوي وكالة للياس
طبعاً راح اكتب بالعربي مباشرة بدون ما اكتب انكش واترجم
المحامي : الموضوع كبير الواضح انو الياس تعرض للنصب
اكو عمارة انبنيت من قبل مكتب الياس
وهذي العمارة انبنت بدون رخصة اولاً
وبمواد رديئة تهدد حياة الناس ثانياً
المشكلة اوراق البناء والخ
تدل على ان العمارة مبنية بالفترة الي كان الياس مالك للمكتب
الياس نكر هذا الشي بس الادلة كلها ضدة
والاهم من هذا حصة والدج الياس الي يديرها
يعني حتى ان تبرئ من موضوع حصتة
فموضوع حصتج او حصة والدج تبقى ضدة بعتبارة شريك
ترتيل : والحل استاذ شنو راح نسوي وشلون ممكن نحلها كلشي اشرحلي بالتفصيل
المحامي : حالياً نحاول نلتقي بالمشتري
ونشوف كلشي
اما الياس فلازم ينحجز على ذمة التحقيق
ترتيل : يعني شلون الياس يبقى هنا ؟؟
المحامي : لازم
ترتيل : احس الدنيا ضلمت بعيني
طلع الياس
وجهة مايتفسر مجرد شافني برا واكفة
ارتخت ملامحة وابتسم ابتسامة چبيرة
بيها طمأنينة الدنيا كلها
حچة وية الشرطي واشرلي اجي
عيوني تجري اتمنى كابوس ويخلص
شنو الي اكدر اسوي
رحت شبگتة مرة لخ وكتلة الياس شسوي
من عندي شي انت تحلة
هالمرة انت هذا الشي شلون تنحل
الياس : حبيبي انتِ وروحي
اذا تحبيني لاتتصرفين تصرف مو حلو
اذا تحبيني لاتتهورين بإي شي
انتظري ونشوف
تتوقعين الضلم ينتصر
طلعت من هذا الباب وكلت امري لرب العالمين
هو يتكفلني
ومطمن الحمدلله
وعلى كل حال الحمدلله
بنيتي النادرة لاتفشليني
اريدچ كدها
اريدج جبيرة وعاقلة
اريد افتخر بيج
لاتوكعين وتنهارين
صيريلي سند ترتيل
اهلي لاتبينيلهم شي
استخدمي كيدج ولاتخليهم يحسون
والله راجعلج
ماعوفج اني
احبچ واموت عليچ
اليوم مقرر نروح ل ليث
وبعدها اقشمرج واخذ بوسة منج
بس الله شور بية
ضحك وكال ليش شور بية غير حلال
باس راسي
وكال ترتيلي
دعوة حلوة من گلب مخلص ماريد غير شي
كالة الشرطي تحرك
كال حطي ايدج على شفايفي
لان ايدة مكلبچة
حطيتها
باس ايدي وكال يلا توكلي وية المحامي
وصيتة يرجعج للبيت
وابقي على تواصل وياه
هو يوصلج كلشي
مشة والتفت علية
عيونة حمرة
اعرفة مقهور بس مايبينلي
ابتسم مرة لخ وغمزلي
مسحت ادموعي
وتعهدت بيدي اطلع الياس منا
جمعت قواية رحت
وية المحامي
بقينة نسولف
الى ان وصلني
رحت لبيتنا
بقيت اتواصل وية المحامي
كل الي افتهمة انو المشتري مختفي
اخذت اسمة الكامل ومعلومات عنة
طبعا
اجاني المحامي رحنا لبيتة ماكو مامتواجد
سألت الجيران
حاولت بشتى الطرق نلكالة طريق ماكو
طبعا الشرطة سوتلك استدعاء رسمي
بعتبار الياس اتهمة ونزل اسمة بالمحضر
بس الاستدعاء بعد ٣ ايام
واحنة لازم نشوفة قبل مايروح
رحت لجارتة جانت كبيرة بالعمر
كالت من ايام ماموجود واحياناً يجي باليل
تلفونة مفتوح بس مايرد على الاتصالات
وتلفون الشغل كذلك
والايميل الرسمي
جان لازم اشوفة قبل الشرطة
او ع الاقل اتفاوض ويا
خاصة هو الي متهم الياس وانو اشترى بعدما الياس بنى هاي العمارة باوراق رسمية
رحت باليل بقيت كاعدة اباب بيتة بلكت يجي ماكو
بقيت للصبح على كعدتي وماكو فايدة
اتصلت على نادين كتلها اني بأستراليا
ومحتاجت راح ادزلج اللوكيشن
بالفعل ساعة واجت
جانت فرحانة حيل بية
كتلها نادين مو وكت اي شي
سبق وكلتي اخوج يكدر يخترق حسابات والخ تكدرين تساعديني
القضية هيج وهيج
شرحتلها وضع الياس والي صار
نادين : ليكي هو ممكن يخترق انستا او فيس او هيك شي بس مش هكر ومستحيل يعرف يخترق ايميل شغل
بس بوعدك من هلا انا معك وراح ندور ع هاد شريك عمك لو كلفني حياتي هلا بتصل ع الشباب
ونجيبوا لو كان بأخر الدنيا بوعدك
ترتيل : نادين ماعندي وقت بس٣ ايام
وهذا اليوم الاول بلش
نادين : خلص ماتعتلي هم
ترتيل : اتصلت على قصي سمعتها وسكتت
مستحيل ارفض اي مساعدة من اي احد خاصة بهذا الضرف
نص ساعة واجة قصي وعزوز
سلموا عادي وطبيعي
خبلني قصي ابد مايبين شي
عجيب امرة حتى ماكال ليش اجيتي او ليش حضرتيني او اي شي عندة الشي من يصير بوقتة يروح خلص
وهاي احلى خصلة بي
فهمناهم الوضع ورحنا بكل الاماكن الي الة ارتباط
بيها دورنا وماكو
اهلة واقاربة وحبيبتة وطليقتة
مابقينة احد وماكو
حرنا شندزلة من رسائل وماكو جواب
خلص اليوم الاول واليوم الثاني
ايست
كاعدين كلنة بحديقة بيتة بال١ باليل
انهاريت كمت ابچي
ماكو حل
حسيت نفسي عاجزة والياس راح يضيع
قصي : شو بيصيرلك
ترتيل : مووقتك قصي
قصي : بتحبي
ترتيل : مو عمي
قصي : بعرف
ترتيل : دنحچي ودخلت سيارة كارلس
الي هو مشتري من الياس
ركضنا
كلنا نزل يباوع علينا بستغراب
كارلس : منو انتوا؟
ترتيل : ممكن نحچي
كارلس : بخصوص ؟
ترتيل : اني من طرف الياس
والمالكة الرسمية يعني اني شريكتك الرسمية
باوع مستغرب وكال منو ذولة كتلة اصدقائي
كال نتحدث على انفراد
قصي : اني خطيبها ويهمني اتواجد رياها
ترتيل : خزرتة
جاوبة كارلس
انتوا الاثنين اما الباقي ماكو داعي لتواجدهم
دخلت ثواني ودخل قصي وراية
كارلس : شنو المطلوب
ترتيل : ليش اتهمت الياس مع انو انت تدري هو بريئ
كارلس : ما اتهمتة هو الي بنى العمارة هاي حقيقة مايجوز انكارها
ترتيل : مستحيل افتراء
كارلس : تريدين اشيل اني القضية
ترتيل : شلون؟
كارلس : تتنازيل عن اسهمچ
ترتيل : نعم؟
كارلس : تتنازلين تنازل رسمي عن اسهمچ وحصتچ
ابرئ الياس من التهمة
ترتيل : ابد ماتوقعت راح يطلب هالطلب
توقعت خايف وذاب التهمة بالياس
بس طلع غايتة غير ومخططلها
اذكرت كلام الياس
من كال الي اشترة حصتي مستقتل يريد حصتچ
وهالمرة يريدها بدون مقابل
بقت ايدي ترجف شجاني وماسجلتلة
حاولت اطلع التلفون بس صعبة ذيچ هي مبينة
كارلس : شنو ردچ؟
ترتيل : ومنو يكول ماراح تنكر
بعدما اتنازل
كارلس : كلمتي كافية
ترتيل : ههه مجنون انتَ ؟
كارلس : اتصلي بمحاميج وبلغي تنازلج وبعدها مباشر اروح اعترف
ترتيل : ماعرفت شلون اتصرف
الياس ماراح يرضى
زين تعب بابا هيچ يروح
بس لخاطر الياس كلشي يهون بقيت بصراع
اشرلي قصي
اتصل بالمحامي
خابرتة وبلغتة حاول يفتهم ليش
كتلة الحل الافضل وماعندي كلام ثاني
باوعلي كارولس وهز راسة برضا
كال صباحاً تتنازلين رسمي
كتلة تمام
طلعنا من يمة واني ماعرف الي سويتة صح او غلط
كال قصي
اني اوصلج
تجاهلت كلام وبقيت امشي مشت نادين وياية
بقيت تايهة
كلشي فدوة للياس
بس خاف يضحك علية
بقيت امشي ونادين حاظنتني وكفت يمنة سيارة
قصي
نزل انطة السويچ لنادين وكالهة وصلي عزوز واخذي لسيارة لبيتكم
راحوا
اجة مشة بصفي كال ترتيل
كذا مرة عاد اسمي جاوبتة ها
قصي : احياناً اشخاص يلتقوا بضروف غلط ويتقربوا بضروف غلط ويتفارقوا بضروف غلط
بس النتيجة لقاءهم في فايدة وممكن ينجي حد منهم من الهلاك
ترتيل : باوعتلة مستغربة شجاي يحچي هذا
قصي : شو الشي الي يخليكي اسعد انسانة هلا
ترتيل : الياس
اريد الياس
حچيت هيچ وطگيت بچي
ابتسم وعيونة مدمعة
طلع التلفون فتح تسجيل صوت
كارلس وهو يبتزنا
من الفرح كعدت بالكاع وابچي
وهو يباوعلي مبتسم
ماعرف اصلا شحجيت وشلون شكرتة
بس ابجي واشهك هذا الي اذكرة
ثواني وباوع علية وباوع للتلفون
وكال حذفتة .........
لاتنسون تقرون البارت القبل هذا
تصويت + تعليق 💜