#ملحمه
#مملكه_الطوبجي_1
#أحفاد_الطوبجي_2
#أميره_أسامه
#صاحبه_البطل_الواحد
🔥البارت الحادي و الثلاثون🔥
❣️فرحه❣️
حست زهره بصدمه اول ما فريده وقاسم مسكوا ايدها لفت ضهرها ليهم وهي دموعها نازله.
قاسم....استني يا زهره رايحه فين؟
زهره....مبقاش ليا مكان وسطكم يا قاسم كده احسن ليا وليكم🥺
قاسم...و ولادنا يا زهره؟
زهره....هي دي المشكله يا قاسم 🥺 انك لسه معايا عشان خاطر ولادنا
قاسم....ودول مش كفايه يا زهره ؟
زهره....طول عمر حياتنا كانت ناجحه عشان كنا احنا متمسكين ببعض يا قاسم عشانا مش عشان ولادنا🥺
قدرنا نربي جنه و نعرفها يعني حب وعيله عشان احنا كان في بينا صدق في مشاعرنا وحب كبير
بس تفتكر الوقت يا قاسم هنقدر نكمل واحنا بنكدب على بعض🥺
قاسم....زهره بلاش تجيبي الغلط عليا وتتهميني بحجات انا مليش ذنب فيها
زهره....انا لا جبت الغلط عليك ولا بقول انه ذنبك انا معترفه يا قاسم بغلطي وبالذنب اللي عملته فيكم انتوا الاتنين بس صعب يا قاسم صدقني صعب اوي اني اكمل معاك بالطريقه اللي انت عايزها🥺
فريده....زهره أسمعيني من فضلك🥺
انا وجودي انهارده هنا ملهوش علاقه بقاسم انا جايه انهارده عشان زيد كان لازم اطمن عليه لان زيد مقصرش معايا وانا في اضعف وقت بمر بيه وكان صعب عليا اني اعرف انه بين الحياه والموت و مجيش اشوفه واطمن عليه
عيزاكي تعرفي حاجه و تتأكدي منها كويس اوي يا زهره يمكن انا جوايا زعل الدنيا كله من ناحيتك🥺🥺💔 ويمكن كمان طول السنين اللي فاتت وجعي الحقيقي كان انتي مش قاسم
واللي كان مزود وجعي اكتر رغم اللي عملتيه معايا يا زهره أنا كل ما كنت امر بظروف صعبه كنتي انتي اول حد بيجي في بالي وكنت لسه بحس اني محتجالك🥺
بس لازم تعرفي يازهره اني مش راجعه عشان اخد منك قاسم و أرجعه ليا 🥺
لو في. حد ملهوش مكان وسطكم يبقى انا يا زهره انتوا اللي بينكم اكبر بكتير من اللي كان بيني وبين قاسم واكبر بكتير من الحب نفسه انتوا بينكم ولاد وبينكم عيله بتحبكم وبتحب تشوفكم مع بعض انا بره حياتكم من عشرين سنه يا زهره🥺 ومظنش اني هكون جوها ابداً يمكن قاسم زعلان منك ويمكن انا كمان زعلانه منك بس مظنش ان في حد فينا يقدر يكرهك🥺💔
زهره....بدموع ووجع كبير صدقيني يا فريده انا عارفه انك مش راجعه عشان تبوظي حياتي زي ما انا عملت وعارفه كمان انه طبعك🥺 بس مبقاش ينفع يا فريده انا هربت عشرين سنه من مواجهه نفسي و حاولت سنين اخبي سر كان خانقني و ربنا سابني كتير اعيش واكبر العيله واكبر الحب بس رجع من تاني يفكرني بالذنب اللي عملته عشان اتحاسب عليه🥺💔
وجه الوقت اللي لازم اتحاسب فيه على غلطي معاكم وانا راضيه بالحساب يافريده انا بعدتكم وحرمتكم من بعض عشرين سنه يمكن للحظه تخيلت ان لما قاسم هيعرف هيزعل لكن متخيلتش رد فعله بصت لقاسم بوجع
عارفه انه مش بأيدك يا قاسم انا وجعتك اوي قاسم لسه بيحبك يا فريده
والعشرين سنه مقدروش يخلوه ينساكي ومع اول ظهور ليكي مقدرش🥺 بس انا عذراه لاني من البدايه قربت من قلب مكانش ليا💔
فريده....لا يا زهره مش صح🥺
زهره....بابتسامه وجع كل حاجه هترجع يا فريده لأصلها اطمن يا قاسم انا وانت مش هنخلي ولادنا يتأثروا بأي حاجه
انتوا اتحملتوا عشرين سنه معلش هطلب منكم تتحملوا فتره بسيطه كمان لحد ما زيد يفوق🥺💔
سابتهم زهره ومشيت بسرعه من قدامهم🥺
فريده....بوجع زهره زهره💔بصت لقاسم انت مستني ايه روح وراها
قاسم....سيبيها الوقت يا فريده انا مصدقت
فريده.....باستغراب مصدقت ايه مش فاهمه؟
قاسم....مصدقت اشوف في عين زهره نظره ندم
فريده...ومين قالك انها مكانتش ندمانه🥺
قاسم.....مشوفتش النظره دي في عينها غير انهارده يا فريده زهره اخيرا حست بالغلطه والذنب اللي عملتهم
فريده.....يعني ايه يعني انت مبسوط بالحاله اللي هي فيها؟
قاسم...لا يا فريده ومكنتش اتمنى اننا نعيش اللحظه دي من الاول اصلا بس احنا كمان اتوجعنا يا فريده وانتي اتوجعتي وبيتهيألي ده حقك ربنا بيرجعهولك يبقى المفروض متزعليش من رد الحق ده لانه راجعلك عن طريق ربنا.
فريده....مش عيزاه يا قاسم💔 لو حقي هيرجع بكسرتها مش عيزاه🥺
قاسم...بإبتسامه حزينه زعلانه عشانها بجد يا فريده؟
فريده....مينفعش تسألني السؤال ده اصلاً🥺💔 وجعي من زهره كان الغدر احتياجي وقت الصعب اللي مريت بيه
طبطبتها عليا وانا في أضعف حالاتي
حضنها ليا وانا لوحدي ومليش حد خالص غيرها🥺
انا كان حقي اكمل حياتي معاها كان حقي افرح بيها وهي بتتجوز كان حقي ابقى أول واحده تشيل جنه وهي بتتولد كان حقي عليها اني اكون معاها في كل لحظات حياتها سواء فرح أو حزن
انا معشتش كل ده مع زهره يا قاسم بسبب اللي عملتوا حرمتني من اني اعيش معاها كل ده حرمتني من اني اشاركها كل لحظات حياتي كان حقي اني ازعل منها و حقي اني اغضب واثور واقول اني مش عايزه اشوفها طول حياتي و لو حتى صدفه💔🥺
بس قلبي كان عامل زي الام اللي بتدعي على أبنها وتكره اللي يأمن وراها💔
انا قولت مش عايزه اشوفها🥺 ولا عايزه أحتك بيها طول عمري بس مقدرتش يا قاسم الكسره اللي شوفتها في عين زهره لما شافتني و إحراجها من انها تسلم عليا وترفع عينها فيا قتلتني🥺
زهره غلطت انا عارفه بس انا عمري ما اتمنيت اي حاجه وحشه ليها وانا بعيد يوم ما اقرب يا قاسم و أشوفها قدامي اوعى تفكر ابداً ان نظره الكسره والضعف والوجع اللي شوفتهم في عينها ممكن يفرحوني💔
قاسم....طيب اهدي يا فريده وبطلي عياط ارجوكي
فريده....روحلها يا قاسم وعشان خاطري لو بجد عايزني اسامحك من قلبي سامح زهره واوعى تقسى عليها بالشكل ده🥺 زهره بتحبك وانت كمان بتحبها
قاسم....حاضر يا فريده هحاول
فريده....مفيش حاجه اسمها تحاول 🥺
قاسم....وانتي يا فريده💔
فريده....انا ايه يا قاسم؟ انا مليش مكان في قلبك إنسى موضوع الجواز و أنسى أي حاجه بتفكر فيها 🥺قاسم اللي انت حاسس بيه ده مش حقيقي صدقني كل مشاعرك دي وهم انت أضايقت من زهره و أضايقت من حاتم افتكرت اللي كان بينا زعلت عشاني زي ما زعلت عشان سامح اكيد مكرهتنيش واكيد كمان حنيت لذكريتنا مع بعض لكن كل المشاعر دي مش معناها حب ولا تيجي حاجه جنب عشرتك وحبك لزهره عشرين سنه فوق يا قاسم واوعى غضبك او احساسك انك اتخدعت الفتره دي يعميك عن حبك لزهره🥺 ولو فاكر اني بحبك انا اصلا مكرهتكش يا قاسم انت قبل ما تبقى حبيبي في يوم من الايام كنت صاحب عمري حتى من قبل ما أعرفك على زهره وطبيعي اني مكرهكش اه في وقت من الاوقات كنت حاسه اني بكرهك لاني عشت ايام صعبه وكنت ديما شيفاك سبب فيها أولهم اني اترميت في حضن واحد غيرك عشان اكمل حياتي واهرب من التفكير فيك كنت ديماً بلومك بيني وبين نفسي بس اكتشفت انك ملكش ذنب انا اللي خدت القرار بس انا مكرهتكش يا قاسم لكن حبي ليك صدقني مش نفس الحب انت جوز زهره صاحبة عمري 🥺💔
و اللي بقوله ده مش عشان مبقاش خاينه ليها صدقني لا اللي بقوله ده الحقيقه جوازك من زهره و ولادك منها وحبكم لبعض كل دي حجات محت حبك من جوايا ومبقتش اقدر اشوفك حبيبي انا شيفاكم عيله جميله يا قاسم وراضيه بكل حاجه حصلت معايا
احساسي بالرضا جالي من اول ما انت عرفت الحقيقه دي بالنسبالي كانت كفيله ترجعلي روحي وثقتي وكرامتي
لكن انا مش عايزه حياتكم تبوظ عشان خاطري يا قاسم🥺
قاسم....بحزن طيب اهدي وبطلي عياط كل حاجه هترجع زي الاول يمكن كلنا محتاجين وقت يا فريده محتاجين ننسى محتاجين نحس اننا صافين لبعض من جوه طلبي منك يا فريده لازم تعرفي انه مكانش شفقه ولا تعاطف مع اي حاجه مريتي بيها ولا حتى تعويض بس ده كان جزء بسيط من حقك على اللي عملتوا معاكي وعلى اللي زهره كمان عملتوا
فريده....مش عيزاه يا قاسم انا حقي رجعلي بمعرفتك للحقيقه رجعلي لما زهره منكرتش اللي حصل هعوز ايه اكتر من كده عشرين سنه بنام وانا حاسه اني مظلومه وفي يوم وليله ربنا جابلي حقي ووضح الحقيقه خلصت بالنسبالي يا قاسم.
قاسم....طيب ممكن اسالك سؤال؟
فريده....اكيد
قاسم.....لو عملت كل اللي انتي طلبتيه مني ده هتبعدي يا فريده ومش عايزك تفهمي كلامي غلط بس انتي متخيله اني بعد ما بقيت عارف اللي حصل معاكي وبقيتي لوحدك انا ممكن اسيبك تفضلي لوحدك ؟
فريده....بعدي او قربي مش هو قضيتنا الوقت يا قاسم انا مشكلتي في حياتكم اللي مستحيل اسيبها تبوظ ولو مستني مني رد على سؤالك دي مش هقدر انا اللي احددها يا قاسم لو زهره كانت هتتقبل وجودي وسطكم واننا نرجع زي ما كنا انا مش هقول لا لاني محتاجه زهره في حياتي بس لو هي مش هتقدر وهيفضل جواها شك مستحيل افضل لانه هيبقى حقها يا قاسم🥺
قاسم....بابتسامه هاديه وانا فهمتك يا فريده خلاص .
فريده....واوعى يا قاسم اوعى 🥺 تحط لزهره شرط رجوع حياتكم زي ما كانت باستمراري فيها زهره ست سيبها تختار واللي هتقول عليه انا هساعدها فيه و انت هتنفذه
قاسم....مش بقولك انا في حياتي ما شوفت اجدع منك ❣️ يلا نمشي
فريده...🥺 يلا
نزلوا مع بعض على تحت كان الكل مشي سلم عليها وركبها عربيتها وبعدين راح ركب ومشي.
...........................
بعد ما امير وجلال وصلوا البنات سابوهم وراحوا يطمنوا على نور وفاطيما خصوصاً انهم مشافوهمش من يوم ما جابوهم من المطار وبعد كده حصل اللي حصل لزيد ومنذر.
وصل امير وجلال استقبلتهم فاطيما ودخلتهم نور كان قاعد في الاوضه بتاعته.
فاطيما.....طمنوني زيد ومنذر عاملين ايه؟
جلال....منذر يعني بيتحسن بس زيد لسه مفاقش والله يا فاطيما.
فاطيما....طيب هو في حاجه يعني هي اللي مخلياه يدخل في الغيبوبه دي.
امير....الدكتور بيقول انه كويس وكل حاجه فيه تمام وحالته مستقره بس توقع ان الغيبوبه دي نتيجه صدمه لما روحنا لزيد عشان نلحقوا هو ومنذر كان
منيم منذر على رجله وساند على العربيه اول ما شافنا كان واعي جداً ومكانش بيقول اي حاجه غير الحقوا منذر كان خايف عليه جداً واحنا كلنا كنا قلقانين اصلا على منذر
جلال....الاتنين حالتهم كانت صعبه بس اطمنا شويه لما شوفنا زيد فايق
امير...بالظبط قلقنا كله في الوقت ده كان على منذر لانه كان قاطع النفس بس لما روحنا وبعد العمليات اللي عملوها زيد مفاقش ومكانش في سبب للغيبوبه الدكتور بيقول هو واصل اصلا وهو شاكك انه داخل في غيبوبه وقال انه متوقع انها نتيجه صدمه زيد كان فاكر انه خسر منذر والحاله اللي هو فيها دي زي حاله رفض.
فاطيما... بتأثر حبيبي ربنا يقوموا بالسلامه و يشفيه يارب طيب روح عامله ايه و مراته.
جلال....الكل تعبان يا فاطيما عارفه لو اللي حصل ده حصل وفضلوا في المستشفى كذا يوم او كذا اسبوع بس وهو زيد واعي الموضوع كان هيبقى عادي بس فكره الغيبوبه دي مرعبه.
فاطيما...اكيد طبعاً انا حاسه بيكم والله وحقكم عليا بجد اني مقدرتش اجي ولا مره بس انتوا عارفين الحاله اللي نور فيها.
جلال...يابنتي بلاش هبل عارفين طبعاً احنا اللي مضايقين عشان مقصرين معاكم
امير....احنا فعلاً مقصرين بس غصب عننا والله يا فاطيما انهارده اول يوم هنرجع ننام في القصر سالم هيبات بدلنا مع منذر عشان كده قولنا نيجي نطمن عليكم.
فاطيما....متقولوش كده انا عارفه والله انه غصب عنكم رهف وهشام ورامي مش بيسبوني خصوصا رهف لان رامي وهشام بيبقوا في الشغل ويادوب يجوا يبصوا على نور وبعدين يروحوا عندكم المستشفى.
جلال....هما تعبانين الفتره دي والله معانا وأغلب الوقت بيجوا يفضلوا واقفين تحت او في الكاڤيتريا لان الكل عندنا بيروح فا مبيبقوش عايزين يقفوا عشان العدد كبير وفي نفس الوقت مش راضين يمشوا
فاطيما....اكيد مش هيسيبوكم في الوضع ده يا جلال ربنا يخلينا لبعض يارب
جلال...يارب يا فاطيما بقولك ايه ابقى شوفي الحاجه اللي جبناها دي لو في حاجه نقصاكي عرفينا احنا عارفين انك مش بتخرجي حتى للماركت.
فاطيما.....اشوف ايه بس يا جلال مش كفايه الحاجه اللي فرح بعتتها مع السواق
بصلها امير باستغراب من غير ولا كلمه 🤨
جلال...حاجه ايه ياض🤨
فاطيما....فرح كلمتني اول امبارح وقالتلي افتح البوابه للسواق واخد منه الحجات اللي معاه وقالتلي ان امير باعتهالي انا ونور عشان مش عارف يجيلنا بجد والله كتير يا امير اوي بيتهيألي الحاجه اللي عندي تكفي سنه
امير...بابتسامه رضا مفيش حاجه كتير عليكم يا فاطيما دي حاجه بسيطه لحد بس ما ربنا يكرم زيد ونطمن عليه هو ومنذر وبعد كده هنبقى معاكم لحد ما نور كمان يرجع زي الاول واحسن
فاطيما....يارب يا امير🥺
امير.....طمنيني يا فاطيما عليه هو عامل ايه؟
فاطيما....زي ما هو يا امير ساكت ومش بيتكلم خالص ديما سرحان على طول باصص في الارض دموعه مش بتقف بياكل بالعافيه تقريبا مش واعي مش بياكل والله غير لما انا اقعد اعيط واتحايل عليه بحس اني بصعب عليه وبيستجيب بس مش بياكل كويس لو حاجه وقعت مني وعمل صوت جامد بيتخض اوي نور حالته مس حلوه خالص يا امير وانا مش عارفه اعمل ايه زيارته مع الدكتور اللي هيستلم حالته كمان اسبوع لما اروح هسأله على دكتور نفسي
امير....شوفي هتروحي امته وهنكون معاكي ومتقلقيش الفتره الجايه مش هنسيبوا وهيبقى كويس
جلال...هو نايم ولا ينفع نشوفه .
فاطيما....لا مش نايم تعالوا اطلعكم هو في الاوضه بتاعته.
امير....يلا بينا.
طلعوا وراء فاطيما خبطت على الباب وبعدين فتحت كان قاعد على الكرسي بتاعه وباصص من شباك البلكونه على الجنينه
فاطيما.....نور حبيبي شوف مين اللي جالك❣️
امير....اهلا اهلا واحشني يا صاحبي قرب منه امير باس راسه بحب وبعدين قعد قدامه
جلال.....ايه يا صاحبي عامل ايه❣️ قرب باسه هو كمان وشد الكرسي قرب من نور وقعد جنبه.
فاطيما....طيب انا هروح اعمل نسكافيه وهسيبكم معاه شويه خلوا بالكم منه
امير...تمام
جلال...بضحك يا ستي اتكلي على الله بقى ده هو ما هيصدق انه هيرتاح من رغيك شويه😒
فاطيما....بقى كده ماشي يا جلال اشبعوا ببعض😂
خرجت وقفلت وراها بص جلال لنور
جلال....رغايه اوي مستحملها ازاي🤨
فضل نور على نفس حالته
امير....ايه يا صاحبي هتفضل بعيد عننا كده وحشني صوتك يا نور وحشني هزارك و ضحكك و مقالبك معايا انا وجلال.
جلال....عارف يا نور انا طول عمري محدش بيعرف يضحكني غيرك على طول انا اللي بضحك الكل بس محدش بيقدر يخليني اضحك من قلبي غيرك يا صاحبي ارجع بقى احنا جنبك وحشني اوي لمتنا انا وانت وامير وهشام ورامي
كلنا بقينا مع بعض مفاضلش غير انك ترجع وسطنا من تاني❣️
اتجمعت الدموع في عين نور من غير ما يبصلهم🥺💔
امير....صرخ يا نور عيط كسر اعمل اي حاجه ممكن تخليك تخرج اللي جواك السكوت مش هيفيدك بالعكس ده هيتعبك اكتر يا صاحبي صدقني انا مش بقلل من اللي انت مريت بيه انا عارف انك مريت بموقف متتحسدش عليه بس احنا بردوا احسن من غيرنا يا حبيبي فاطيما لوحدها يا نور احنا طبعاً جنبها بس مهما كان هي محتجالك انت
هي بتحاول تتماسك وتضغط على نفسها عشان تبقى جنبك بس ارجع بقى عشانها انتوا الاتنين محتاجين بعض اتكلم يانور وخرج اللي جواك اسمعها وخليها تسمعك مش هتقدروا تتخطوا الموقف ده طول ما انتوا بعيد عن بعض
جلال.....عارف يا نور يمكن احنا كمان مرينا بمواقف كتير صعبه وراء بعض
من اول ما نادر اخويا كان في تركيا وحصل الزلزال ووقع عليه الفندق ومكناش عارفين نوصلوا ولا عارفين نسافر وبعدها موت ايمن اخويا اللي كسرنا كلنا وبعدها مرينا بحجات كتير اوي واخرهم اللي حصل لزيد
صدقني يا نور الاب والام بيوجوعوا انا عارف ومش متخيل ان روح وابويا يجرالهم حاجه بس عايز اقولك ان الاخ بيوجع اوي اوي اوي اتوجعت على ايمن بشكل انا متوقعتوش لاننا مكناش قريبين اوي من بعض بس لما مات حسيت ان حته مني اتشالت والوقت بتوجع اكتر ع زيد انت اكيد عارف ان زيد ده غالي عندنا كلنا بحس ان هو اللي ماسك البيت هو اللي صالب طول العيله بعد الباشا مش قادر اشوفه في الحاله دي ونفسي الوقت قبل بكره يفوق من الغيبوبه اللي هو فيها حاسس ان قلبي متحرك من مكانه الاخ ميتعوضتش يا نور ارجع يا حبيبي عشان اختك هي من غيرك ضايعه ولو جرالها حاجه انت اللي هتضيع وتتوجع اكتر صدقني💔
امير.....انا عارف انك قدها يا نور ازمه وهتعدي يا صاحبي وهترجع تنورنا من تاني وتملأ الدنيا ضحك وهزار❣️
كانوا بيتكلموا معاه ودموع نور بتنزل وراء بعض في صمت 💔
طبطب امير على ايده بحب و مسح دموعه بعدها طلعت فاطيما قعدوا مع بعض شويه وبعد كده مشيوا.
......................
في قصر الطوبجي.
رجعت روح وراجح وبدأت داده زينب تحضر العشاء.
روح....بهدوء لزهره انتي كويسه؟
زهره....🥺 الحمد لله يا روح
روح....حصل حاجه لما نزلت
زهره....لا خالص يا روح محصلش حاجه.
روح....امال مالك ساكته ليه ومتغيره انا مكنتش اعرف انها جايه يا زهره
زهره....عارفه ياروح ولو تعرفي ايه المشكله هي جايه تطمن على زيد وتعمل الواجب واكيد انا مش مضايقه كل الحكايه اني لما بشوف فريده بفتكر اللي عملتوا معاها ومع قاسم
روح.....بقولك ايه يا زهره اللي حصل حصل محدش بيقدر يرجع الزمن وواضح ان فريده شخصيه طيبه وبيتهيالي الوقت كفيل ينسيها وعلى ما اظن لو فريده منسيتش او على الاقل بدات تنسى مكانتش جات لانها عارفه انها هتشوفك
زهره....تفتكري يا روح🥺
روح...اه يا زهره افتكر زي ما انتي غلطتي قاسم غلط وبيتهيألي هي سامحت قاسم.
زهره...لو سامحت قاسم ميتهياليش هتقدر تسامحني بسهوله
روح....اللي قلبه يقدر يسامح يا زهره مش بيختار يسامح مين وميسامحش مين لو هي شخص بطبيعته بيسامح يبقى مش هتفرق يا زهره
زهره....ياريت يا روح تقدر تسامحني زي ما بتقولي عشان ارتاح بقى🥺
روح....بحب هتعدي يا زهره متقلقيش والدنيا هترجع احسن من الاول قولتهالك قبل كده وهقولهالك تاني الوقت كفيل يدوب حجات ومواقف كتير.
زهره....يارب ياروح❣️
عند خلود وتقى.
خلود....بصوت واطي ممكن بقى تفهميني في ايه كل شويه تقوليلي الوقت اقولك فهميني في ايه.
تقى....حاضر هقولك بس أسبقيني على بره وانا هاجي وراكي البنات قاعدين مش هعرف اتكلم.
خلود.....تمام متتأخريش.
خرجت خلود وبعدها بشوبه بسيطه خرجت وراها تقى خدتها وراحوا في الجنينه الخلفيه.
وصل امير وجلال فرح كانت قاعده في الجنينه لوحدها ماسكه الموبايل بتلعب فيه لكن من غير اهتمام وتقريباً مش مركزه هي بتعمل ايه.
اول ما شافتهم سابت الموبايل
جلال....ايه قاعده لوحدك ليه؟
فرح.....عادي مفيش ايه فاطيما ونور كويسين.
جلال.....الحمد لله
رن موبايل جلال كانت رهف
جلال...بقول ايه هرد على الموبايل وهجيلكم.
فرح...تمام.
بصت على امير لقيته باصصلها ومبتسم
فرح...بابتسامه ايه مالك اقعد
قعد امير جنبها واول ما قعد مسك كف ايدها باسه وبعدين بصلها بحب
امير....انا بحبك اوي❣️
فرح....بإبتسامه وانا كمان بحبك بس ممكن اعرف ايه سر الحب المفاجئ ده
امير.....مش مفاجئ ولا حاجه انا بجد بحبك ده اولاً ثانياً بقى انا كل شويه بحبك اكتر من الاول
فرح...بحب وانا كمان يا امير بحبك اوي.
امير.....شكراً يا فرح❣️
فرح.....على ايه؟
امير....على اللي عملتيه مع فاطيما
ابتسمت فرح ورجعت شعرها وراء ودنها بإحراج
فرح.....هي قالتلك؟
امير.....اه فاكره ان انا اللي بعتلها الحاجه
فرح....من يوم ما جيبناهم من المطار واحنا محدش فينا راح بسبب اللي حصل وهما كانوا محتاجلنا ومحبتش تكون مقصر معاهم عشان كده بعتلها الحاجه وقولتلها انها منك❣️
امير.....ما هي لما قالتلي فهمت انتي عملتي كده ليه بس ليه مقولتليش
فرح.....عادي يا حبيبي احنا واحد وبعدين انا شايفه انت مشغول قد ايه وكنت بايت طول الوقت مع منذر فا قولت بلاش اشغلك بحاجه انا ممكن اعملها بدالك❣️
امير....ربنا ما يحرمني منك ابداً يا احلى فروحه في حياتي❣️
فرح....ولا يحرمني منك يا حبيبي❣️
.............
فضل جلال يمشي وهو بيتكلم مع رهف
حس انه سامع صوت عياط
جلال....رهف بقولك ايه شويه وهكلمك تاني لما اطلع اوضتي تمام
رهف...تمام يا حبيبي
جلال....باي
رهف...باي
جلال....😳😳😳😳
خلود.....لا استني انا مش فاهمه يعني انتي حامل يا تقى😳
تقى....ايوه يا خلود بس مش لازم اي حد يعرف اني حامل🥺💔
خلود....طيب ليه يا تقى وهو ده خبر ينفع تخبيه
تقى.....اكيد لا بس مش هينفع يا خلود غصب عني والله🥺
خلود....طيب فهميني في ايه وانتي حامل من امته.
تقى.....انا بقالي فتره طويله كنت شاكه اني حامل ولما البريود اتاخرت شهرين بقيت واثقه اني حامل بس كنت بكدب نفسي او بمعنى اصح مش عايزه اصدق اني حامل🥺 لحد ما جيبت اختبار واتاكدت انا تقربباً في اول التالت
خلود...بصدمه انتي بتقولي ايه يعني انتي تقريباً سبقانا في الحمل تقربباً انتي بعد صبا😳
تقى....🥺🥺تقريباً بس انا مروحتش لدكتور ولا كشفت
خلود....طيب ليه يا تقى ليه خبيتي انتي كده كنتي عارفه انك حامل لما كلنا عرفنا
تقى...ايوه🥺
خلود...ايوه ايه بس حرام عليكي طيب ليه مقولتيش وليه مروحتيش للدكتور على الاقل عشان تاخدي علاج وڤيتامينات يبقى اكيد التعب والنوم والدوخه كل ده بسبب الحمل
تقى....خلود عشان خاطري مش لازم اي حد يعرف اوعي تقولي ليوسف لانه هيقول لمراد🥺
خلود...ماهو اكيد هيعرف يا تقى انتي بتقولي في اول التالت يعني شويه وبطنك هتبدأ تبان وانتي اصلا ليه مخبيه انا مش قادره افهم
تقى.....انا مش هستنى لما بطني تبان يا خلود الحمل ده لازم ينزل
جلال....😳😳😳
خلود...انتي مجنونه انتي بتقولي ايه؟
تقى.....بقول اللي لازم يتعمل مراد واثق اني مخبيه عنه حاجه وانهارده صمم اني اعمل التحليل عشان يطمن عليا هو فاكر اني تعبانه او عندي حاجه ومخبيه عليه حاولت اني معملش التحاليل بس معرفتش انا طلبت من الممرضه انها تقول للدكتور اني مش عايزه تحليل الحمل يظهر
خلود....ليه كل ده تقى انا مصدومه بجد انا حاسه اني معرفكيش ازاي تخبي عليا الفتره دي كلها وليه مش عايزه الحمل تقى انتي مش عايزه تحملي من مراد؟؟؟
تقى.....لا خالص انا نفسي يا خلود والله العظيم🥺💔 نفسي اجرب احساس اني ابقى ام ونفسي اكون ام من مراد بس مش هينفع صدقيني معنديش استعداد اني اخسر مراد لاي سبب حتى لو السبب ده هيكون حرماني من اني اكون ام.
خلود...وتخسريه ليه يا تقى فهميني ؟
تقى.....في اكتر من سبب يا خلود🥺 اولهم ميتهيأليش مراد هيوافق
خلود...وايه اللي هيخليه يرفض ده رزق يا تقى ربنا باعتهلكم هديه جميله حد في الدنيا يرفض هديه ربنا باعتهالوا
تقى....مراد ديماً شايف اني بنته ديماً شايف فرق السن اللي بينا ويمكن ده تلميح منه انه مينفعش بكون اب في السن ده
خلود...انتي عبيطه يا تقى هو في راجل بيفرق معاه سن ولا في راجل بيربط السن بانه يكون اب
تقى.....حتى لو السن مش هيفرق معاه بس اكيد هيفرق معاه امير يا خلود🥺💔امير لو عرف اكيد هيضايق متنسيش ان امير مش صغير امير شاب ونفس سني متخيله بعد العمر ده كله يجيله اخ بدل ما يركز في جوازه ومستقبله فجأه كده في سنه ده يجيله اخ اكيد مش هيقبل ومراد عمره ما هيزعل امير وحقه صدقيني🥺
خلود....ممكن أسالك سؤال؟
تقى...اسألي.
خلود...لما جيتي انتي ومراد ترتبطوا وتتجوزوا مراد قالك انه مش عايز اطفال
تقى....لا خالص🥺
خلود....طيب يا تقى يبقى فين المشكله لو كان في اتفاق بينكم كان ممكن اقول ان خوفك ده ليه سبب بس ادام مراد مقالش حاجه زي دي يعني اكيد هو متوقع انك ممكن تحملي في اي وقت
تقى....مش عارفه يا خلود عمرنا ما اتكلمنا في حاجه زي دي 🥺
خلود...يبقى لازم تتكلمي معاه يا تقى
ومش بس تتكلمي معاه انتي تفاجئيه وتفرحيه زي ما كلنا عملنا بلاش الخوف والحزن اللي انتي فيه ده كانك عامله مصيبه انتي حامل يا تقى من جوزك وفي نفس الوقت هو مشرطتش عليكي عدم الخلفه يبقى المشكله فين.
تقى...في امير يا خلود🥺 امير هيضايق ومراد مش هيتحمل يشوفه مضايق عشان كده لازم الحمل ده ينزل قبل ما هو يعرف
خلود....بغضب بسيط مستحيل مش هينزل اللي في بطنك ده بقى في روح هتقتلي ابنك بأيدك يا تقى🥺 وافرضي عملتي كده و مراد عرف بعدها انتي متخيله لو هو معندهوش مانع من حملك وعرف انك نزلتيه مراد ممكن يعمل معاكي ايه
تقى...مش قادره اتخيل اي حاجه يا خلود 🥺 انا مش قادره بس اتخيل فكره ان ممكن مراد يضايق او يسيبني خلود انا معنديش استعداد اخسر مراد تحت اي ظرف انا مليش غيره🥺 مراد هو دنيتي وحياتي كلها امي واختي تقربباً خرجوني بره حسابتهم من قبل ما مراد يظهر في حياتي اصلاً🥺
لولا مراد يا خلود انا كان زماني منتحره مراد هو اللي رجعني للحياه في اخر لحظه قبل ما انهي حياتي بايدي متخيله اني ارجع لحياتي بعد ما كنت مش عيزاها والاقي حياتي فيها مراد بيمدلي ايده وبيقولي عيشي الحياه بطريقتي متخيله اني بعد ما جربت اعيش الحياه على ايد مراد ممكن اتنازل عنها عشان اكون ام🥺 مش هقدر صدقيني
خلود.....ليه بتقدري الوحش قبل الحلو على الاقل جربي يا تقى مش يمكن اللي انتي خايفه منه ده يبقى وهم في دماغك انتي بس والخبر ده يفرح مراد وامير وبعدين انا ميتهيأليش أمير ممكن يزعل اولاً لأن مش من حقه ثانياً لا امير ولا مراد بالعقليه دي انا بردوا اللي هعرفك عليهم يا تقى🥺
تقى.....خايفه يا خلود
خلود.....جربي مش هتخسري حاجه بس اوعي تتنازلي عن اللي في بطنك يا تقى ده حته منك🥺
.............
خد جلال الصدمه ومشي بهدوء لحد ما خرج وراح على مكان امير وفرح
قعد بهدوء جنبهم وبعدين بص لفرح
جلال....فرح ما تقومي تشوفي ايه اخبار الاكل انا جعان اوي
فرح...روح دخلت تشوفهم من شويه زمانهم قربوا يخلصوا
جلال...طيب ما تستعجليهم حاسس بهبوط والله مش قادر
بصتله فرح بقرف😒 من امته وانت مش عندك هبوط يا طفس ماشي هروح اشوفهم
جلال....اشطا
قامت فرح وفضل امير وجلال طلع امير موبايله يلعب فيه
جلال....امير في سؤال كده جه في بالي
امير...و هو باصص في الموبايل سؤال ايه؟
جلال....هو لو تقى حملت وجابت ولد انت ممكن تدخل الجيش🤔
بصله امير بقرف😒 ادخل الجيش وانا داخل على 28 سنه ولو فرضنا انه ينفع انا عايز بس اعرف السؤال ده ايه اللي جابه في دماغك انت واضح انك جعان اوي 😂😂
جلال....😂😂لا مش جوع والله بس اعتبره سؤال من الاسئله الغبيه بتاعتي
امير....المشكله ان كل أسىألتك غبيه😂😂 انا مش عارف ايه اللي مصبرني عليك
جلال....بضحك طب سؤال كمان واعتبره اخر سؤال من الأسئله الغبيه
امير...أسأل اسأل الوقت تاكل وارتاح من صوتك خالص🤨
جلال.....لو مراد قالك ان تقى حامل وهيجيلك اخ صغير وكده انت ممكن تضايق🙄
امير.....بضحك اضايق ليه وانا اللي هرضعه 😂😂 بس عارف ياض يا جلال لو ده حصل هبقى اسعد واحد في الدنيا تخيل بعد السن ده يجيلك اخ صغير يا نهار الوان😂😂 ده انا مش هسيبه وهخرجه معايا في كل مكان وهيبقى اللعبه الصغيره بتاعتي هو اينعم انت عارف ان كلكم اخواتي وحبايبي بس انك يجيلك اخ بجد اسمه نفس اسمك وفي سني ده بجد حاجه جميله❣️
جلال....بسعاده يعني مش هتزعل بجد
امير.....لا والله ازعل ليه وبعدين انا مليش الحق اني أقولهم يخلفوا ولا لا دي حياتهم هما بس بجد لو تقى حملت وجابت اخ او اخت هكون مبسوط اوي
قام جلال من مكانه مره واحده وقعد جنبه
امير....ايه ياض خضتني😳
جلال....بص بقى يا معلم انا صحيح اسئلتي بتكون هبله وغبيه خصوصاً وانا جعان بس المرادي اسئلتي كان ليها هدف وهو اني اسمع رد فعلك لو فعلاً ده حصل والحمد لله سمعت واطمنت😁
امير....انت عبيط ياض 🤨 في ايه
جلال.....تقى حامل😁🙄
امير....😳😳😳 تقى مين
جلال...تقى مين😒 مرات ابويا تقى يا امير حامل
امير...انت بتتكلم جد ولا بتشتغلني ياض🤨🤨🔪
جلال....وربنا ما بشتغلك تقى حامل وتقريباً في بدايه الشهر التالت
امير....انت بتقول ايه ياض يا اهبل انت طيب لو حامل ليه مراد معرفنيش كل ده وليه انت اللي بتقولي مش هو اااااه انت جاي تسألني انا هزعل ولا لا بتجس نبضي ومراد هو اللي قالك تعمل كده صح فاكرني هزعل كده يا مراد متفرحنيش بالخبر ده 😍😍😍
جلال....استنى بس مراد ميعرفش ومحدش يعرف اصلا🙄
امير....يعني ايه🤨 وانت عرفت ازاي لما لا انا ولا مراد ولا اي حد يعرف
جلال....بص هحكيلك كنت بكلم رهف الوقت ومشيت للجنينه وراء سمعت صوت تقى بتعيط وبتقول لخلود وربنا ما كان قصدي اسمع بس لما سمعت الحوار اللي داير بينهم بصراحه وقفت اكمل الحوار تقى حامل بقالها فتره عارفه وخايفه تقول المشكله ان مراد صمم انها تعمل تحاليل انهارده فاكر انها تعبانه او عندها حاجه ومخبيه عليه وهي طلبت من الممرضه تقول للدكتور انه ميذكرش الحمل في التحاليل ومش بس كده تقى شكلها بتفكر تنزل الحمل
امير....نعمممممم ليه
جلال....خايفه لما مراد يعرف يزعل منها عشانك
امير.....عشاني انا ليه؟
جلال...سمعتها بتقول لخلود ان ممكن امير يضايق خصوصا انه هيجيله اخ في سنه ده وهو داخل على جواز فجأه يبقى عنده اخ واكيد مراد هيزعل منها عشانك وممكن يسيبها
امير...البت دي عبيطه باين ازعل ايه ومراد ايه اللي يزعل ده مراد لو عرف ان هيجيله ابن في السن ده هيبقى عامل زي العيال الصغيره من فرحته
جلال....عشان كده انا جيت وسألتك وحبيت اعرف انت ممكن فعلاً تزعل او تضايق لو عرفت ان هيجيلك اخ
امير.....اكيد لا طب وربنا انا طاير من الفرحه😍 وهاين عليا اقوم ارقص
جلال....انا كنت عارف رأيك يا امير بس حبيت اسألك الاول
امير.....ازعل ايه بس قام وقف وهو مبسوط هي فين تقى
جلال...استنى يا عم بس تقى ايه الوقت هتروح تقولها جلال سمعك وقالي ربنا يفحضك عيله مبيتبلش في بوئها فوله 😒😒😒
امير....امال عايزني اسكت لازم تعرف اني مبسوط وطاير من الفرحه ولازم مراد يعرف قبل ما المجنونه دي تعمل حاجه.
جلال....هتعرف ومراد هيعرف ومش هتنزل حاجه ان شاء الله بس زي الشاطر كده تروح انت لمراد وتسأله نفس الاسئله الهبله اللي سألتهالك وتعرف منه كده من بعيد لبعيد هو ممكن يضايق لو جاله ابن في السن ده ولا لا
امير....انت عبيط يالا مراد يزعل مستحيل طبعاً وحتى ياسيدي لو مراد هيزعل انت متخيل ان ممكن يقولها تنزله تقى صغيره يا جلال ومن حقها تبقى ام.
جلال...افهم يا غبي انا عارف واعتبر سؤالك ده جس نبض مش اكتر ولما تسمع الاجابه اللي انت واثق منها دي انه هيفرح وهيتبسط تقوله اللي حصل كلوا زي ما انا قولتلك وده ليه بقى مراد شاكك في تقى من فتره فا لو عرف انها حامل ومخبيه وكمان في 3 شهور مراد هيزعل منها ولو عرف انها ناويه تنزله ممكن يحصل بينهم مشكله فا انت دورك بقى تجيبلوا الحوار واحده واحده وتفهموا وجهه نظرها وتعرفوا انها خايفه عشان لو فكر انه يضايق منها يرجع يعذرها تقى بتحب ابوك اوي وبتحبك ومعندهاش مشكله انها تنزل اللي في بطنها في مقابل انها تفضل مع مراد فهمتني
امير....اول مره تقول حاجه عدله😉
جلال....يادي اول مره تقول حاجه عدله😒😒😒 ام الجمله اللي مبسمعش غيرها طول الوقت بعمل حجات تعجبكم وبسمع نفس الجمله قوم ياض غور من قدامي😡
امير....بضحك انا رايح اقول لمراد😂😂😂😂
جلال....روح يلا ومتنساش تقوله زي ما قولتلك🤨 مش ناقصه اسأله غبيه
امير.....في دي معاك حق😂😂
................
راح امير خبط على اوضه مراد
مراد....ادخل
فتح امير الباب وبص براسه على جوه😁
مراد...بابتسامه تعالى تقى مش هنا
امير....لا تعالى انت على اوضتي عايزك
مراد....مهبب ايه يا اخرة صبري😒
امير...ياعم ثق فيا مره في حياتك😒
مراد...اثق فيك انت طب تيجي ازاي لا انت ولا الواطي التاني يتوثق فيكم مبيجيش من وراكم غير المصايب
امير....شكراً على ثقتك يا غالي اخلص عايزك😡
مراد....ياض احترم نفسك انا ابوك ايه اخلص عايزك دي🤨
امير....ياعم مراد بقى بس والنبي 😒🙄
مراد...ياعم وبس 😒 قدامي يا حيوان
امير....😂😂😂ليك يوم يا صاحبي بس انا هعديها المرادي
مراد....خليها عليك عيل وغلط😒
خرج معاه مراد وراحوا على الاوضه بتاعته.
قعد مراد على السرير هاااا في ايه
امير....وهو بيفتكر هو كان ايه اول سؤال🤔🤔
مراد...سؤال ايه؟
امير....والنبي بس يا مراد متقطعش تفكيري انا بسأل نفسي بتدخل ليه
مراد....هقوم اضربك يالا عيب انت بقيت طولي🤨😒
امير.....😂😂🙈 استنى افتكرت بص ياعم سؤال كده في السريع وترد من غير استفسار اعتبرني اهبل
مراد...واعتبرك ليه ما انت اهبل قول😒
امير....بضحك هو لو انت خلفت وجبت ولد انا هدخل الجيش😂😂😂🙈
مراد.....بابتسامه غصب عنه لا ده كده هبل هبل يعني😂
امير...ياعم مراد خليني اكمل اسالتي اللي جلال قالها
مراد...جلال يبقى مقلب يا ولاد الكلب قام وقف
قرب منه امير يقعده وهو بيضحك استنى بس وربنا هفهمك كل حاجه بس هو سألني الاسئله دي ولازم أسالهالك
مراد...ايوه والهدف من الاسئله المتخلفه بتاعتكم دي🤨
امير...والله هفهمك بس رد
مراد...ماشي يا سيدي بس جيش ايه يا شحط اللي هتدخله في سنك ده 🤨
امير....يعني مش هدخل🙄
مراد....لا🤨
امير....السؤال التاني😂😂😂🙈 لو جالك عيل صغير بعد ما ابنك البكري بقى 28 سنه ايه هيبقى شعورك🤔
مراد....انت شارب حاجه ياض انت والاهبل اللي تحت🤨
امير....محصلش🙄
مراد...افتح بوئك كده يا امير
امير....😂😂😂😂والمصحف ما شارب حاجه عيب عليك ياعم رد على الاسئله وخلاص هفهمك في الاخر هتفرح ولا هتزعل.
مراد...اكيد هفرح ده رزق وبعدين حلو ان الواحد يجيله ابن في سنه ده ويحس انه لسه جامد😉
امير....بضحك اه يا شقي😂😂😂🙈 بس انت طول عمرك جامد يا مراد مش حتت عيل اللي هيجي يعرفك انك جامد😉
مراد....غصب عنك يا واطي اخلص في اسئله تاني🤨
امير....استنى بس يعني مش هتزعل
مراد.....لا مش هزعل
امير....طيب تفتكر انا ممكن ازعل
مراد...ليه هتسهر بيه وترضعه بدل امه😒😒😒😒
وقع امير من الضحك 😂😂😂😂🙈
امير....وربنا قولت نفس الرد😂😂 ابويا اوي اقسم بالله
مراد...بضحك ايوه اصل هتاضيق ليه😂😂
امير....يعني عشان بقيت كبير شاب داخل على جواز وهيجيلي اخ في سني ده
مراد....إذا كنت انا ابوه وفي سني ده هفرح انت مش هتفرح لا مستحيل
امير....يعني مش هتفكر في زعلي🤔
مراد.....لو عارف انك بتفكر بالطريقه دي هفكر طبعا بس مفيش حد بيمنع رزق او قدر هحاول افهمك واخليك تقتنع والاهم انك تحبه وتبقى مستني يجي اكتر مني انا شخصياً لان في النهايه مش هعيشله قد ما عيشت واللي هيبقالوا انت فا لازم تكون بتحبه وبتخاف عليه عشان لما اموت ابقى مطمن عليه
امير....بحب باس ايده ربنا يديك طولة العمر يا حبييي ويتربى في عزك لحد ما تجوزه بنفسك❣️
بصلوا مراد بقرف واستغراب وضربه بالقلم
مراد....هو مين يا ابن الكلب انت بتسأل ولا بتعيش السؤال😒😒
امير.....حط ايده على وشه وفضل مكمل ضحك انت قد القلم ده 😂😂
مراد...اصلك ابن كلب اوي بتكدب الكدبه وبتصدقها 😒
امير.....بس انا مش بكدب يا مراد تقى حامل🙄
مراد....🤨🤨تقى مين ياض
امير.....بضحك طب وعهد الله سألت نفس السؤال😂😂🙈
مراد...ولا اظبط كده بدل ما اديك علقه مخدتهاش في عمرك كله شارب ايه انطق
امير....طب بطل ضرب هفهمك والله بص يا سيدي صلي على النبي
مراد...عليه الصلاه والسلام😒
بدأ امير يحكيله كل اللي حصل واللي جلال قالهوله.
امير....بس يا سيدي ده كل اللي حصل
مراد....انت بتتكلم جد يعني تقى حامل يعني شكي فيها انها مخبيه حاجه كان في محله🤨
امير....اه بس بقولك ايه والله العظيم لو زعلتها انا هزعل منك البت دي بتحبك اوي يا مراد بتحبك بجد تقى عندها استعداد تحرم نفسها من الامومه عشانك انت متخيل
مراد....بس تفكيرها غلط يا امير وبعدين تقى عرفاني كويس ازاي تفكر اني ممكن اقولها تنزله او اني ازعل او تزعل
امير....طول عمرك بتقولي ان كل واحد ليه عقليه مختلفه وكل واحد بيفكر في اي موقف بطريقته هتيجي على تقى وتقولي تفكيرها غلط كبر بقى خلينا في الخبر القمر ده يا مراد انا هيبقالي اخ هعلمه الصياعه وهبوظه 😂😂
مراد.....تبوظه في عينك يا ابن الكلب وهو انا هسيبهولك🔪🔪😒
امير....شوف مين بيتكلم😒😒 ايش حال ان مكنتش البوص وبعدين ما انت شاهد على بوظاني وكنت راضي ايه جاي تتوب الوقت 😂😂
مراد.....انا ابوظ وادلع براحتي انما انتي متبوظش 😂😂😂
امير.....لا بقولك ايه انا الفار بدأ يلعب في عبي شكلك هتحب الواد ده اكتر مني وربنا ده انا روح فيكم في داهيه😒😒😒
بصله مراد وفضل يضحك وبعدين خدوا في حضنه بحب وفرحه❣️😍
امير....مبروووووك يا مووودي😍❣️
مراد....الله يبارك فيك يا حبيبي مبروك علينا كلنا❣️
امبر....طيب بزمتك مش اخباري حلوه😉
مراد....في دي اه بصراحه خبر متوقعتهوش بس خلاني طاير من الفرحه
امير....اوعدني انك متزعلش من تقى ولا تتعصب عليها
مراد.....اوعدك يا سيدي بس بقولك ايه مش انت والواطي جلال بتوع المقالب سيبني الاعبها شويه🤨
امير....لا بقولك ايه متطولش معاها احسن المجنونه دي تروح تنزله وانا لو اخويا جراله حاجه هوديكم في داهيه ده انا مصدقت😡😡
مراد....لا مش هطول متقلقش😂 وبعدين ايه اخويا اخويا افرض جالك اخت يالا مش هتحبها🤨
امير....يالهوي دي هتبقى روحي بس بردوا هو هيبقى اخويا اصل بصراحه من يوم ما اتجوزت وانا مستني ان تقى تحمل ومأقلم نفسي ان هيبقالي اخ وابوظه مستحيل يعني ابوظ البنت🙄
مراد...انت مصمم تبوظه مفيش فايده😂
امير....بص متقلقش هسلم بلطجي صغير😂😂😂
مراد...بحب تعالى في حضني ياض😍
امير....حبيبي يا مودي😍
...................
في المستشفى منذر نام وسالم فرد جسمه على الكنبه بعد ما اطمن على زيد كذا مره واطمن على منذر اتصل على شمس وعرفها انه هينام وبعدين عينه راحت في النوم❣️
................
في الرعايه
فتح زيد عينه ببطئ شديد ورجع قفلها فتح وقفل اكتر من مره كان شايف ضباب الرؤيه مش واضحه النور تاعبه جدا مش عارف يفتح خد وقت ثواني ويمكن دقيقه لحد ما عينه اتعودت شويه على النور فضل يبص بعينه من غير ما يحرك راسه سامع صوت غريب
بيشتغل كل ثانيه زي عقارب الساعه مش قادر يحدد ايه الصوت ده ولا عارف انه من الاجهزه اللي متوصل بيها
حاول يرفع ايده معرفش كان في تقل كبير اوي حاول يرفع التاني اتألم بصوت ضعيف و بعدها سمع صوت وراء بعض
في الخارج سمعت الممرضه صوت زي انذار جاي من اوضه زيد فتحت الباب بسرعه واول ما شافته مفتح عينه وبيحاول يتحرك جريت بسرعه على الدكتور بلغته.
ثواني وجه الدكتور يجري معاها هو ودكتور تاني .
ابتسم الدكتور اول ماشافه فاق.
الدكتور.....حمد الله على السلامه يا بطل.
زيد....بصوت ضعيف انا فين
الدكتور.....انت بخير متقلقش بس قولي انت سامعني كويس
هز زيد راسه بضعف
الدكتور.....طيب دول كام شايف
زيد....انا فين؟
الدكتور....الاول قولي دول كام
زيد...خمسه
الدكتور....طيب ودول
زيد.....اتنين
الدكتور....بسعاده كويس جداً طيب قولي يا بطل انت اسمك ايه؟
زيد....اااا انا
الدكتور....ايوه مش عارف اسمك
زيد.....زيد اسمي زيد
الدكتور....زيد ايه؟
زيد.....زيد راجح الطوبجي
الدكتور....بفرحه كبيره حمد الله على السلامه يا زيد تعبتنا يا بطل
زيد....منذر منذر فين منذر
الدكتور...بص للدكتور التاني كلامي كان صح التجربه جابت نتيجه
ابتسم الدكتور التاني ....نبلغ اخوه
الدكتور.....اه بلغوا خليه يطمن
زيد.....قوموني عايز اقوم فين منذر
الدكتور....اهدى وخليك زي ما انت منذر بخير اطمن
خرج الدكتور التاني وراح على غرفه منذر خبط بهدوء مرتين قام سالم بسرعه على الصوت مكانش راح في النوم اوي جري بسرعه على الباب فتح ولما شاف الدكتور قلبه اتخطف🥺
الدكتور....ممكن تيجي معايا
سالم.....اخويا حصلوا حاجه.
الدكتور....بابتسامه حط ايده على كتفه متقلقش اخوك فاق .
سالم...😳😳زيد جري بسرعه وراح وراه الدكتور
فضل يجري لحد ما راح قدام غرفه العنايه بص عليه من الازاز واول ما شافه بيتحرك اتنهد تنهيده طويييييييله وفضلت دموعه تجري ومحسش بنفسه غير وهو بيسجد في الارض🥺💔
قام بسرعه و بص للدكتور عايز ادخلوا بالله عليك
الدكتور....بتاثر ابتسم تعالى ورايا البس وادخلوا.
راح سالم وراه جري مكانش مستني الممرضه تساعده في اللبس كان بياخد منها ويلبس وبسرعه دخل على الاوضه
واول ما دخل كان زيد بدأ يفوق اكتر ويبقى واعي
قرب سالم منه وهو منهار فضل يبوس في ايده وراسه
سالم.....زيد حبييي انت كويس صح قولي انك كويس
ابتسم زيد بتعب شديد وهز راسه
سالم....بدموع قول اي حاجه سمعني صوتك يا اخويا
زيد ....بصوت ضعيف جداً بطل عياط يالا انا كويس.
سالم.....بضحك مخلوط بالدموع مسك ايده وفضل يبوس فيه وجعت قلبنا يازيد🥺💔
زيد.....منذر فين؟
سالم....متقلقش زي الفل بس هو نايم لو عرف انك فوقت هيفرح اوي.
بص للدكتور دكتور هو كده بقى كويس
الدكتور....بضحك زي الفل متقلقش عليه مش قولتلكم انه بطل وهيبقى قدها.
زيد.....ايه اللي حصل
سالم.....لا دي حكايه طويله قوم انت بس وهنقولك اللي حصل🥺 وحشتني يا زيد وحشتني يا حبيبي❣️
ابتسم زيد بضعف و حاول بضعف يضغط على ايد سالم.
فضل سالم جنبه و الدكاتره بتطمن على زيد وبيكشفوا عليه عشان يطمنوا ان وعيه رجعله وان كل حاجه فيه رجعت لطبيعتها.
وقرر سالم انه ميقولش لاي حد يسيبهم يناموا ويرتاحو حتى منذر قرر انه ميقلهوش غير لما يصحى عشان يرتاح❣️
وللحديث بقيه.....