#ملحمه
#مملكه_الطوبجي_1
#أحفاد_الطوبجي_2
#أميره_أسامه
#صاحبه_البطل_الواحد
💔البارت الخامس والعشرين💔
🔥🔥كمين🔥🔥
قبل أربع أيام.
دخل زيد من البلكونه بعد ما شرب السيجار بتاعه وحاول يهدأ شويه
كان مضايق من نفسه عشان اتعصب على صبا وهي ملهاش اي ذنب قرر يدخل يصالحها و يراضيها
اول ما دخل لقاها منكمشه على نفسها ورايحه في النوم.
زيد....بهدوء صبا صبا باصلها شويه وبعدين باسها من خدها وبعد شعرها عن عينها خد نفس طويل وطلع نام جمبها سحبها لحضنه و غمض عينه
فتحت صبا عينها بهدوء وهي زعلانه وبعدين رجعت غمضت تاني ونامت.
في صباح يوم جديد صحي الجميع
عشان يفطروا و يروحوا على شغلهم
وعلى غير العاده صحي زيد ملقاش صبا نايمه جنبه قام خد هدومه وراح خد شاور خرج جهز وبعدين نزل على تحت كان الكل تقريباً نزل
دور بعينه عليها كان حابب يصالحها قبل ما يروح الشغل لكن ملقهاش
قعد على الكرسي بتاعه و استنى لحد ما الكل قعد
زيد....وهو بيبص شمال ويمين بص لروح هي فين صبا يا روح
روح....مع ليلى فوق مرضيتش تسيبها تفطر لوحدها هيفطروا سوا
زيد....احممم اه طيب تمام بص لداوود عشان يغير الكلام ايه يا داوود نازل الشغل
داوود....اه كفايه امبارح مروحتش
زيد....لو حابب تفضل خليك مع ليلى
راجح....هيقعد يعمل ايه 😒
زيد...بإبتسامه يعني لو حابب يفضل
مراد....بتحبوا تجيبوا الكلام لنفسكم يا ولاد راجح😂😂😂
زيد...ليه هو مين غيري قاله يقعد
سالم....بضحك انا ولسه مسمعني نفس الكلمتين😂
راجح....اصلي مش فاهمكم هيقعد يعملها ايه هيرضع البت بدالها ينزل يشوف شغله شكلكم ناسيين اننا داخلين على صفقه العمر🤨
زيد.....لا خالص بس انا عارف ان داوود مبسوط وقولت يعني كلنا نسد بداله لو حابب يفضل مجاتش من يومين
داوود.....لا يا سيدي انا نازل خلاص متجيبولناش الكلام بقى على الصبح
مراد.....طيب بزمتك يا راجح مكنتش بتقعد مع روح وهي والده
روح.....لا والله كان بيقعد😒
راجح....بإبتسامه انتي بتقويهم عليا يا روح طيب انا زمان كان لازم اقعد كنتي لوحدك وبطولك وكان معاكي اربع ولاد غير اللي جبتيه كنت هسيبك ازاي قبل ما تقفي على رجلك🤨 لكن ليلى معاها انتي وداده زينب و البنات
داوود.....في دي عنده حق 😂
زيد....بقى كده يا عم داوود طيب احنا غلطانين عشان بندافعلك اقف في صفه اوي🤨
راجح......هي بقى فيها صفي وصفه انتوا جيل ما يعلم بيه إلا ربنا 😒
جلال....عرفت بقى انا مش عايز اتجوز ليه عشان اريحك من وجـ ـع الدماغ ده😁
راجح....على اساس في حد هيبصلك يا واطي يا بتاع المقالب انت قدامك يجي عشرين تلاتين سنه لحد ما تكبر وتبقى عاقل
جلال.....😂😂😂على فكره انت مستقصدني على طول وكده مينفعش
راجح.....ابقى استناني بره يا واد🤨
امير....بضحك اوباااا عمي بيألش😂😂
راجح.....لا هو انت فاكر انتوا بس اللي بتعرفوا تألشوا🤨
جلال....احيه انت كمان عارف يعني ايه يألش😂😂😂
مراد....والله انت وهو ما هترتاحوا غير ما تتضربوا على الصبح😂
ياسين.....لا والغريب انهم صاحين فايقين على الصبح بس يعني مينفعش تصحوا فايقين على الباشا🙄
جلال.....ابو لهب يا حريقه مش وقتك😂😂😂😂😂
ياسين.....😂😂😂انا بقول رأيي
زيد.....صحيح عملت ايه في الڤلل لمنذر
ياسين...امبارح شوفتلوا حوالي سته وبعتله كل التفاصيل وقال انه هيروح انهارده يشوف لو في حاجه عجبتهم تمام مفيش هبعتله غيرهم
زيد....ايوه بس انهارده ازاي انا عارف ان منذر عنده تسليم شحنه كبيره انهارده
شمس.....الشحنه هتتسلم على الساعه عشره بليل مش بدري هو قالي وانا هخلص شويه حجات لما اوصل ولما يرجع يبقى يسلم
سالم....انتي هتفضلي موجوده لحد بليل
شمس.....لا الشحنه هتطلع من المصنع وانا مليش شغل في المصنع انا سألته امبارح لو محتاجني قالي لا
سالم...طيب عموما اعرفي هتعملي ايه وبلغيني بردوا
شمس....تمام
زيد....خلاص انا كمان هبقى اكلمه واشوف هيعمل ايه بص لفيروز
هيجي ياخدك يا فيروز ولا هتروحي مع السواق
فيروز....بإحراج باين عليها جداً مش عارفه يا زيد بس هو انا هروح اصلاً
راجح....ومش هتروحي ليه يا فيروز مش هيبقى بيتك يا بنتي ولازم تشوفيه
جلال.....اموت انا في اللي بيتكسف شكلها مستنيه الاذن منك يا كبير
بصتله فيروز بغيظ....😡😡😡
جلال.....الله الحق عليا يعني😂
راجح.....روحي يا فيروز طبعاً منذر اصلا واخد مني الإذن وانا وافقت اعرفي منه هتروحوا امته وهيجي ياخدك ولا هتروحي لوحدك
فيروز....بابتسامه حاضر يا بابي❣️
راجح.....هتروحي مع بنتك يا روح
روح......مش عارفه يا راجح مش عايزه اسيب ليلى لوحدها
داوود.....لا طبعاً روحي مع فيروز يا روح ليلى معاها داده زينب وصبا وزهره والبنات كلهم روحي وخلصي مشوارك مع فيروز وابقي ارجعلها
خلود....روحي يا روح ومتحمليش هم الاكل انا معنديش شغل انهارده وبكره عشان بعد بكره عندي أيڤنت مهم بنجهزله
داده زينب.....روحي وانا معاهم متقلقيش
روح....خلاص هروح ومش هتأخر ❣️
زيد....هبلغ السواق عشان لو منذر مجاش يوصلكم هو
روح....ماشي يا حبيبي.
راجح.....ايه يا قاسم ساكت ليه
قاسم.....مفيش يا باشا
راجح....الجرح عامل ايه
قاسم....زي الفل متقلقش
مراد....مش احسن لو قعدت انت بدل ما تتعب
قاسم....بإبتسامه بسيطه انا زي الفل وبعدين تسكت انت كمان بدل ما تتروق من الباشا
راجح.....لا يا سيدي لو تعبان اقعد هو عنده حق ومتخافش مش هروقوا انت ليك عذرك
قاسم.....لا يا حبيبي انا زي الفل
فضلت زهره بصاله وساكته وتقريباً مش بتاكل بتلعب في الطبق بس عشان محدش ياخد باله.
لكن جنه كانت مركزه معاهم جداً
جنه.....مامي مش بتاكلي ليه.
زهره.................
جنه....مامي!!!
زهره..............
بصولها كلهم وركزوا معاها بص قاسم بطرف عينه عليها لقاها بصاله
روح....زهره
زهره....هاااا
روح....جنه بتكلمك
زهره....ايوه يا حبيبتي
جنه.....حضرتك كويسه؟
زهره....اه يا حبيبتي بخير
جنه.....اصلي بكلمك ومش سمعاني
زهره....بإبتسامه بسيطه معلش كنت سرحانه شويه كنتي بتقولي ايه
جنه....بقولك مش بتاكلي ليه
زهره.....كلت وشبعت الحمد لله
قام راجح وقف....الحمد لله ها خلصتوا ولا لسه
زيد....وقف تمام يا باشا هطلع بس اقول حاجه لصبا بسرعه تكونوا خلصتوا وجاي وراكم.
جلال....طيب يلا يا ولاد
طلع زيد بسرعه على فوق خبط على اوضه ليلى.
صبا.....ادخل.
فتح زيد الباب وابتسم ابتسامه جميله
زيد.....صباح الفل
ليلى....صباح النور😍
صبا...صباح الخير
زيد.....عامله ايه يا لولا ؟
ليلى....الحمد لله يا زيد بخير
زيد.....والقمر بتاعتنا عامله ايه؟
ليلى....اهي الحمد لله ايه رأيك هتجيبولها عريس🤨
زيد.....بضحكه جميله ربنا يكرم انا اطول اجوز ابني للبرنسيس حور❣️
ليلى.....وصلك خبر انها واخده عيونك😂😂😂
زيد....وصلي بس لسه مشوفتش المهم مش عايز الكلام ده ينتشر احسن داوود يعلقني رايحه تجيبي لون عيني وسايبه جوزك ده كلام😂😂
ليلى.....لا عارف ومبسوط متقلقش😂
زيد....تتربى في عزكم يا حبييتي
ليلى.....عقبال صبا يا زيد لما تقوم بالسلامه
زيد.....يارب يا ليلى معلش هاخد منك صبا دقيقه
ليلى.....طبعاً❣️
زيد.....تعالي شويه يا صبا
بصتلها صبا بإبتسامه هاديه مش هتأخر عليكي
ليلى....روحي لجوزك ❣️
خرجت صبا وراه وقفلت الباب ربعت ايدها وبصتله من غير ولا كلمه.
زيد.....🤨🤨
صبا.....نعم
زيد.....ده ايه الوش ده على الصبح القمر بتاعي شكله زعلان😉
صبا.....وانا هزعل من ايه اظن مفيش حاجه تزعل
زيد....ايوه بس انا زعلتك وجاي اقولك حقك عليا كنت متعصب شويه
صبا.....لا عادي مفيش حاجه.
زيد.....🤨 لا والله ولما هو مفيش حاجه قالبه وشك ليه
صبا.....بعصبيه طفوليه 😡 قولتلك مش قالبه وشي عايز مني ايه
زيد.....🤨🤨انتي بتتعصبي عليا
صبا....يوووووه لفت وشها عشان تدخل لليلى مسك أيدها بسرعه
زيد....استني هنا انا بكلمك على فكره
صبا....وانا مش عايزه اكلمك
زيد....مخصماني يعني🤨
صبا.....والله انا حره .
زيد.....انتي شايفه كده😡
صبا....اه
زيد....تمام يا صبا زي ما تحبي عموماً ابقي جهزي نفسك عشان هبعتلك السواق على الساعه سته يوصلك الڤيلا
صبا....ليه؟
زيد...هو ايه اللي ليه 🤨 انتي مش عارفه اننا بنمشي انهارده
صبا....لا عارفه بس انا مش عايزه اروح وبعدين مش هينفع اسيب روح لوحدها بعد ما ليلى ولدت زهره ملخومه بأبنها وفيروز كمان ملخومه ببنتها 😡
زيد....وانتي يعني اللي هتقعدي تظبطي الدنيا على اساس مفيش غيرك مع روح
صبا....اه🤨
زيد....بتنهيده طويله ونفاذ صبر طيب يا صبا الساعه سته بالدقيقه تكوني جاهزه مفهوم😡
صبا....لا مش مفهوم مش عايزه اروح😡
زيد.....انا قولت اللي عندي وهخرج من الشركه على هناك وحذاري يا صبا ابعت السواق ومتروحيش معاه سلاااام😡
سابها زيد ومشي قدامها
صبا.....بعند بردوا مش رايحه😡
بصلها زيد 🤨 اول ما بصلها🙄 فتحت الباب وبسرعه دخلت
ابتسم زيد وهز راسه شمال ويمين
زيد.....ماشي يا صبا انا هوريكي شغل الاطفال ده
نزل تحت شاف روح قصاده
زيد....روح
روح....ايوه يا حبيبي
زيد....معلش يا حبيبتي انا عارف انه مش وقته خالص نروح الڤيلا ونسيبك في الظروف دي بس انا امبارح بسبب اللي حصل مع قاسم واليوم كان مشحون رجعت واتعصبت على صبا وهي ملهاش ذنب فا عايز اصالحها وافك شويه من التوتر ده
روح....لا يا حبيبي روحوا طبعاً ملكوش دعوه بيا انا هروح مع اختك ومنذر وهرجع على طول وبعدين انا مش لوحدي ولو احتاجت حاجه هقولكم بس بلاش تتعصب عليها صبا ملهاش ذنب يا حبييي دي حامل بلاش تزعلها
زيد....عارف يا روح عشان كده عايز اغير جو شويه انا وهي واصالحها المهم هي معانده معايا ومش عايزه تيجي السواق هيكون عندها الساعه سته
روح....روح انت على شغلك وملكش دعوه سته هتكون بره مع السواق
زيد.....تمام يا حبيبي
روح.....البيت عندك ناقصه حاجه ؟
زيد....لا متحمليش هم حجات بسيطه والسواق هيجيبها قبل ما يجي ياخد صبا.
روح....تمام يا حبيبي وعشان خاطري حاول تكلم اخوك يا زيد اديك شايف هو وزهره عاملين ازاي ورغم انه باين عليه التعب مصمم ينزل الشركه واكيد عشان ميحتكش بزهره
زيد....حاضر يا روح متشليش هم انا قولتلك قاسم محتاج شويه وقت وبيني وبينك نزوله الشركه افضل ما يقعد ويحتكوا ببعض الموضوع لسه في اوله كده افضل ليهم هما الاتنين
روح....ربنا يعمل اللي فيه الصالح ليهم
زيد....يارب يا حبيبتي يلا همشي بقى عشان اكيد اتحركوا
روح....تمام يا حبيبي خلي بالك من نفسك
زيد....حاضر يلا سلام❣️
روح....سلام.
.......................
بعد حوالي ساعتين وصل منذر وكاريمان القصر كانت فيروز وروح في انتظارهم واول ما وصلوا ركبوا معاهم واتحركوا
ركبت فيروز قدام وروح وكاريمان وراء
لحد اللحظه دي كانت لسه فيروز مش قادره تكون طبيعيه قدامه في الموبايل قدرت هي وهو يرفعوا شويه الحاجز اللي بينهم لكن بمجرد ما بتشوفه بتتلغبط وهو كان شايف ده جداً ومكانش بيحاول يضايقها لكن من جواه كان مبسوط وطول الوقت ملامحه مبتسمه.
كاريمان.....فيروز كويسه يا فيروز
فيروز....الحمد لله يا طنط بخير
كاريمان....نايمه ولا صاحيه
فيروز.....لا انا سيباها نايمه
بصلها منذر بهدوء
منذر....طيب مش كنتي جبتيها عشان متفضليش مشغوله عليها
فيروز.....لو جبتها مش هعرف اركز منها خالص
روح.....هي مع الناني و البنات كمان وداده زينب وبعدين الجو بدأ يغير شويه عشان متتعبش
كاريمان.....ايوه فعلاً الجو بقى في شويه برد كده احسن عشان متتعبش من اللف كمان.
كملوا طريقهم بهدوء وبدأوا يشوفوا الڤلل شافوا اول واحده وتاني واحده وتالت واحده فيهم اللي كان مقبول واللي نظامه مش كويس
شافوا الرابعه والخامس مكانوش حابينهم اوي وفيهم عيوب كتير
وصلوا اخيراً لسادس واحده تقريباً كانوا كلهم في نفس النطاق
دخلوا يتفرجوا عليها كانت تقريباً افضل واحده فيهم لكن الغرف فيها كانت صغيره إلى حداً ما.
منذر....ها ايه رأيكم
كاريمان.....الرأي بتاعكم انتوا يا حبيبي
روح.....ورأيك انتي كمان يا كاريمان انتي مش هتقعدي فيها معاهم
منذر....روح معاها حق يا امي قولي رأيك
كاريمان....ياحبيبي انا مش فارق معايا المكان والله كفايه انكم هتبقوا معايا وهبقى قريبه من روح رأي فيروز الاهم
فيروز.....كلام ايه بس يا طنط يعني بيتهيألي احنا التلاته لازم نكون متفقين في رأينا
كاريمان.....انا قولتلك كفايه اني معاكم وانا بالنسبالي مش هركز في اي حاجه غير فيروز الصغيره ومنذر طول الوقت هيبقى في شغله لكن انتي اللي هتبقي طول الوقت قاعده في البيت
منذر....بابتسامه واضح كده ان فيروز مش عاجبها اي واحده فيهم
فيروز....بابتسامه بسيطه مش كده بس يعني🙄
منذر...مفيش بس لو مش عجابينك مش هناخدهم طبعاً وبصراحه مش عاجبني انا كمان وبما اننا هنسيب الڤيلا بتاعتنا يبقى لما نسيبها ناخد حاجه زيها او افضل منها وانا شايف ان كل اللي شوفناهم مش افضل منها ولا زيها
فيروز.....بصراحه انا كمان رأيي كده بس مش عايزه اضايقكم انتوا تعبتوا اوي
منذر....تعبنا ايه بس احنا لسه بنشوف لاول مره ويارب نفضل نلف كل يوم المهم في الاخر يعجبك حاجه ياسين قاللي ان في كتير لسه يعني لو دول مش عاجبينك لسه قدامنا غيرهم
فيروز....بإبتسامه خلاص تمام❣️
منذر.....تمام يبقى نقول لياسين يجهزلنا غيرهم وبكره نشوفهم يلا بينا❣️
................
خلص امير وجلال شغلهم واخيراً راحوا يشوفوا رامي ويسلموا عليه.
اتقابلوا في المكان بتاعهم وكان هشام مع رامي أول ما شافهم سلم عليهم وحضنهم بحب وبعد ما رحبوا ببعض
قعدوا وطلبوا مشاريبهم
رامي.....وحشتوني يا جزم❣️ بقلنا كتير مقعدناش القاعده دي
امير....انت كنت واحشني اكتر والله
جلال.....اخيراً اتجمعنا تاني ناقصنا بس نور
رامي.....بحزن رهف قالتلي على اللي حصل وبجد من وقت ما عرفت وانا مصدوم كلمت فاطيما على فكره وحاولت اخليها تديني نور اطمن عليه بس هي قالتلي انه مش بيتكلم وبجد من وقت ما عرفت اللي حصله وانا هتجنن عليه💔
هشام.....وانا كمان كان نفسي بجد نكون جنبهم
امير....الحمد لله خلاص هيركبوا بكره طيارتهم الساعه تسعه بليل هيوصلوا على الضهر بعد بكره
رامي.....هنروح نجيبهم طبعاً
امير....اكيد طبعاً لازم نروح هما محتاجينا كلنا خصوصاً الفتره دي ونور محتاج اننا نبقى معاه لحد ما يعدي الفتره دي
جلال....محدش فينا هيسيبه بس يوصلوا بالسلامه وان شاء الله هنقدر نخرجه من الحاله اللي هو فيها دي
رامي.....صحيح انا عرفت ان انت وفاطيما سيبتوا بعض
امير....اه بقالنا كتير واكيد عرفت من رهف اني ارتبطت بفرح
رامي.....عرفت طبعاً و أتبسطت بس المهم ان علاقتك انت و فاطيما تكون انتهت بهدوء.
امير.....فوق ما تتصور احنا سيبنا بعض واحنا محافظين على صداقتنا مكانش ينفع نخسر بعض احنا بينا عشره طويله ولا كان ينفع علاقتنا تنتهي بشكل وحش عشان نور اكيد كان هيفضل بينا يعني كان قرار خدناه احنا الاتنين والدليل انها يوم ما وقعت في مشكله كلمتني ودي اكتر حاجه ريحتني وعرفت انها مدخلتش علاقتنا بالصداقه
رامي.....حبيبي يا امير ربنا يسعدك انت وفرح ونفضل كلنا مع بعض خلاص انا رجعت وهما كمان راجعين ويارب نفضل ديماً في ضهر بعض
امير.....اكيد يا صاحبي ❣️
هشام....المهم مترجعش تاني يا خويا انا عارف انك مكنتش عايز ترجع
رامي....بصراحه انا كنت تقريباً متأقلم هناك بس امي ورهف لا وطبعاً ابويا ميقدرش على زعل امي فا قرر بعد السنين دي اننا نرجع بص انا مش فارق معايا خلاص الشغل وفهمته واقدر امشي الشركه لوحدي كمان يمكن اللي كان عاجبني هناك النظام والشغل نفسه
حتى الموظفين عارفين قوانين الشغل كويس وبيحترموا كل حرف بتقولوا بس بجد اكتر حاجه كنت مفتقدها انتوا
جلال...ياعم البلد دي احسن من غيرها وهنعرف ننسيك انجلترا خالص سهرتين من بتوعنا هتقول حقي برقبتي😂
رامي....ادام فيها سهر من بتوع زمان اعتبرني قولتها😂😂😂 المهم اشوفكم ده انا ريقي نشف على بال ما شوفتكم اخيراً اتفقنا على يوم
امير....انت وش اهلك بومه😂😂 كل ما نتفق يحصل حاجه
رامي....انا مالي انتوا اللي ظروفكم ملغبطه😂😂
هشام....المهم اننا اتقابلنا 😂
رامي.....الحمد لله بقول ايه صحيح هي فاطيما ونور ڤلتهم زي ما هي ولا سابوها
امير....لا زي ما هي كانوا قافلينها
رامي....طيب كويس يعني هينزلوا عليها انا فاكرهم هيقعدوا في مكان
امير.....لا هيقعدوا فيها طبعاً انا بكره هبعتلهم ناس من شركه تنضيف تظبطها وعرفت فاطيما
جلال....صحيح نسيت اسألك انت هتدخل الڤيلا ازاي انت معاك مفتاح
امير.....لا طبعاً بس هي قالتلي اكسر الكالون ونركب غيره وقالتلي انها هتكلم الامن عشان هما معاهم مفتاح البوابه وهتفهمهم كل حاجه عشان لما نروح ميبقاش في قلق
جلال....طيب تمام اوي
هشام....بكره هخلص شغلي واقابلك هناك عشان لو في حاجه نظبطها قبل ما يوصلوا
رامي.....خلاص نتقابل كلنا هناك ايه رأيكم
امير.....تمام.
......................
في المساء وصل زيد على الڤيلا عرف ان صبا راحت مع السواق
فتح بالمفتاح دخل لقاها قاعده في الريسيبشن تحت بتتفرج على التلفزيون
زيد.....مساء النور🤨
صبا....😒 مساء الخير
زيد ابتسم وحاول يخبي ضحكه لكن هي شافته
صبا....😡انت بتضحك على ايه عشان جيت يعني على فكره انا مخوفتش منك ومش كنت هاجي انا جيت بس عشان روح متحسش اني مش بكلمك
زيد....ليه هو انتي كنتي تقدري متجيش🤨🤨🤨
صبا.....اه عادي 😡
زيد....اممممم واضح😉
صبا.....انت بتستفزني صح😡
زيد...انا😉 هو انا اتكلمت المهم عامله اكل ولا اه صح نسيت انك مش بتعرفي😉
صبا.....😡😡😡 لا عامله وبعرف
زيد.....طيب وريني اصلي مش شامم ريحه اكل
صبا....روح اتعالج 😡 وسع كده
رفع زيد ايده لفوق وهو بيضحك
زيد.....وسعت😉😂😂🙈
مشيت تدب في الارض وهي على اخرها
ابتسم زيد و وقف يفك زراير القميص وهو عينه عليها من بعيد
قلع قميصه ووقف صدره ظاهر وعضلاته وراح عليها بهدوء
اول ما لمحته كده بلعت ريقها بصعوبه وحاولت متتأثرش بشكله🙈
بصلها زيد وغمزلها وهو بيهز راسه بأستفهام😉
صبا....ايه😡
زيد... ايه انتي ؟ مالك؟
صبا....احممم ااا مفيش😒🙄 انت واقف كده ليه انت مش بردان😡
زيد....انا لا خالص لو انتي بردانه تعالي في حضني ادفيكي😉
حاولت تخبي ابتسامتها 🙈
صبا....متقربش😡🔪 خليك بعيد
زيد....بضحك انا قربت انا بعيد اهو😂
قعد قدامها على كرسي البار يتفرج عليها ويضحك وهي متعصبه ومش عارفه تطول مكان الاطباق كالعاده
وهو حاطت بين شفايفه السيجار
بصتله صبا بغضب😡😡 انت مش شايفني مش عارفه اجيب اطباق
زيد....لا شايفك😉
صبا....بجد والله طيب كويس انك شايفني😡
زيد....انتي مش قولتي متقربش🤨
صبا....اه بس مقولتش تشوفني محتاجه مساعده وتسيبني وبعدين انت مش ناوي تنزل المطبخ ده شويه😡
زيد.....لا😉
قام بهدوء من مكانه السيجار في بوئه صدره عريان فضلت بصاله وهي بتاخد نفسها بسرعه لحد ما قرب منها ووقف قدامها
صبا.....ايه انت بتعمل ايه😡
ابتسم زيد رفع وشه ومد ايده جاب الاطباق وبصلها وهو بيضحك
زيد....هكون بعمل ايه امسكي الاطباق😉
مسكت من ايده الاطباق وهي بتاخد نفسها بغيظ
بعد عنها وسند على التلاجه وفضل باصصلها وساكت
حضرت الاكل في صمت وهو بيتفرج عليها خلصوا اكل وبعد ما زيد خلص قام طلع على فوق عشان ياخد شاور ويغير هدومه لبس بنطلون بيتي وحط التيشرت على كتفه ونزل على تحت
كانت خلصت المطبخ وراحت قعدت على الكنبه قدام التلفزيون
قعد جمبها بهدوء وركز مع الفيلم اللي كانت مشغلاه
شويه وبص عليها لقاها سانده راسها على الكنبه ورايحه في النوم
ابتسم وقرب من خدها باسها بهدوء
وبمجرد ما قرب منها وشم ريحتها غمض عينه وخد نفس طويل وهو دافن وشه في رقبتها❣️❣️❣️
قفل التلفزيون و قام شالها من الكنبه في حضنه
فتحت عينها بفزع وبصتله .
صبا....انت بتعمل ايه نزلني
زيد....شششش
صبا....بقولك نزلني🥺
زيد ....هنزلك حاضر❣️
طلع بيها على اوضتهم حطها على السرير بهدوء غطاها كويس
وبعدين راح قفل النور وطلع جنبها
مكانتش شيفاه ومستنيه تشوف هياخدها في حضنه ولا لأ
وفي لحظه لقت نفسها مسحوبه جوه صدره❣️
صبا.....ابعد عني
زيد....ششششش🤨مش عايز صوت
صبا...قولتلك سيبني مش عايزه انام في حضنك🥺
زيد....غمضي عينك ونامي🤨
صبا....لا مش هنام
زيد.....نامييييييي🤨
غمضت عينها وابتسمت وهي بتتنهد سندت راسها على صدره ونامت من غير ولا كلمه❣️😍
زيد....رفع حاجبه وبصلها بحرف عينه اول ما حس انها سكتت وأستسلمت ابتسم و باسها من جبهتها بحب و غمض عينه هو كمان❣️
.............
في غرفه مراد وتقى
خرج مراد من الحمام لقى تقى مش في الاوضه لكن لمح البلكونه مفتوحه بص من بره لقاها واقفه ومدياله ضهرها وساكته
دخل بهدوء قرب منها وحضنها من ضهرها ومسك أيدها الاتنين شبك صوابعه في صوابعها وحضنها❣️
ابتسمت تقى وبصتله بجنبها سند دقنه على كتفها وباسها من رقبتها
مراد....بنوتي حبيبتي مالها❣️
تقى.....انا مفيش يا حبيبي واقفه الجو حلو
مراد...هو صحيح الجو حلو بس انا عارف ان بنوتي في حاجه مضيقاها
تقى....خالص يا حبيبي ليه بتقول كده
مراد....عشان بحس بيكي انهارده طول اليوم في الشغل كنتي ساكته وامبارح بردوا ساكته ودي مش طبيعتك❣️
تقى....خالص صدقني انا بخير❣️
مراد....بردوا مش مصدقك❣️ يلا احكيلي ايه اللي مضايقك
تقى....رفعت أيدها حطتها على خده بحب اضايق وانت جنبي مستحيل❣️
رفع ايده ومسك كفها حطه على شفايفه بحب باسها بهدوء
مراد.....طيب هصدقك بس ازاي اكدب قلبي لو بجد بتحبيني هاتقوليلي مالك
تقى.....طيب تمام يمكن انت معاك حق انا مودي مش حلو بس صدقني مفيش سبب ولا في حد ضايقني
مراد.....طيب اللي مضايقك يخص مامتك واختك؟
تقى....خالص والله انا بقالي كتير مكلمتش ماما واختي معرفش عنها حاجه اصلاً
مراد...طيب مش يمكن ده اللي مضايقك
لو وحشوكي يا تقى وعايزه تشوفيهم ناخد منهم معاد ونروحلهم
تقى.....لا لا خالص صدقني انا كده مرتاحه والله مش هما السبب اصلاً
مراد.....طيب في حاجه نقصاكي عايزه تروحي تغيري جو في اي مكان.
تقى....احنا لسه جايين من الرحله من كام يوم متشغلش بالك يا روحي صدقني والله مفيش سبب لحالتي دي شويه وهتلاقيني مش فيا حاجه
مراد....تبقى هرمونات😉 انا عارفكم مجانين😂
ابتسمت تقى وبصتله احنا مجانين🙄
مراد.....اه عندكم ربع طاير😉😂😂
ضحكت تقى و سندت راسها على صدره وفضلت ماسكه أيده اللي على وسطها
مراد.....بحب مش عايز اشوفك ابداً مضايقه او زعلانه في يوم اتفقنا
تقى......حاضر يا روحي❣️
مراد.....بحبك يا احلى بنوته في الدنيا❣️
تقى...وانا بحبك اوي❣️ اوي يامراد
...........
في صباح يوم جديد
قربت روح من راجح تربطله الكراڤت زي كل يوم.
روح....وادي الكراڤت اللي ربطها هفكها تاني عشان متنساش مره تانيه وتعمل حاجه مش بتاعتك🤨
ضحك راجح بشقاوه وحط ايده على وسطها.
راجح....عمرك ما هتتغيري ياروح❣️
روح...واتغير ليه ربطة الكراڤت بتاعتي انا ومحدش يقدر يقف الواقفه دي غيري انا ولا حتى انت ينفع تربطها لنفسك 😒
راجح....في دي عندك حق يا ستي عموماً خلاص مش هقرب منها تاني❣️
روح...رفعت نفسها باسته من خده😍 ايوه كده.
راجح....روح بقول ايه؟
روح....قول يا قلب روح❣️
راجح....انا في حاجه كده حاسس بيها مش عارف صح ولا غلط
روح....حاجة ايه؟
راجح....قاسم وزهره حاسس ان في حاجه بينهم مش طبيعيه و زيد كمان مش على بعضه هو واخواته في حاجه ياروح بتحصل من ورايا
روح...هيكون في ايه بس يا حبيبي يمكن قاسم وزهره شادين شويه مع بعض واكيد كمان الشغل الجديد شادد أعصاب الكل لكن مفيش اي حاجه يا حبيبي
راجح...مش عارف انا حسيت كده طاقه البيت من وقت ما رجعنا من السفر وهي مش حلوه وبقالنا كتير مقعدناش مع بعض يمكن بناكل سوا بس كل واحد في دنيته
روح....امممم قول كده بقى انت عايز تقعد وتفضل تبهدل فيهم وتطردهم من القاعده بتاعتك صح🤨😍
راجح....اهو الشويه اللي بنقعد فيهم دول ونضحك و نهزر حتى لما بتعصب على حد فيهم عندي بالدنيا عشان بحس فيها اننا قريبين من بعض لدرجه كبيره
وببقى عارف مين فيهم بيضحك من قلبه ومين جواه حاجه مزعلاه
لكن المرادي حاسس ان مفيش حد اصلا عنده قابليه انه يقعد ولا ليه طاقه انه يتكلم مع حد.
روح.....يا حبيبي متقولش كده زي ماقولتلك احنا لسه راجعين اتلخمنا بولادة ليلى وكمان ملخومين مع فيروز ومنذر و امير وجلال والبنات هما اللي كانوا عاملين حس ديماً واكيد انت عارف انهم مضايقين عشان فاطيما و أخوها يعني مفيش اي حاجه متقلقش و يا سيدي ولا تزعل نفسك انا عارفه انك بتحب اللمه بتاعتنا حتى لو كل يوم انا هظبط يوم كده و نتلم فيه كلنا اتفقنا❣️
راجح....بحب اتفقنا يا حبيبي❣️
روح....طيب يلا بقى عشان الفطار😍
راجح.....يلا ياروح قلبي😉
....................
في الأسفل
ياسين....يا حبيبتي زي ما يعجبك انتي بس شوفي وملكيش دعوه يارب تشوفي الف واحده انا معاكي مش مضايق ولا متعطل
فيروز.....ماشي يا حبيبي خلاص انت قول لمنذر طيب وشوف معاه كده
ياسين...ومتقوليلوش انتي ليه 🤨
فيروز....لا انا مليش دعوه انت قوله لو مقولتش انا كمان مش هقول 🙄
ياسين....بضحك يالهوي على القمر اللي بيتكسف ده😉
فيروز....بطل رخامه🥺
ياسين....خلاص يا ستي انا هقوله حاضر
سالم...صباح الخير تقول ايه ولمين😎
ياسين....صباح الفل يا باشا ابداً أقول لمنذر على كام ڤيلا جاهزين يقدروا يروحوا يشوفهم انهارده
سالم....بقولك ايه اوعي توافقي على اي حاجه لو مش عاجبك متختاريش عشان تريحينا
ياسين...لسه قايلها الكلام ده
سالم....ايوه تبقي بنت الطوبجي اصحاب اكبر شركات هندسيه في الشرق الاوسط كله وتختاري اي حاجه والله لو منذر يسمع كلامي ويستنى ننفذلكم حاجه تليق بيكم ياريت بس الواطي لما قولتله كده قالي ابدأ اعمل كده بس الاول اشوف بيت واتجوز وظبط دي على مهلك😂😂😂😉
ياسين....ايوه يا عم مستعجل😉
فيروز...والله انتوا الاتنين ارخم من بعض وسعوا كده رايحه اشوف مامي😡🙈
سالم....اتكسفت😂
فضل ياسين وسالم يضحكوا عليها.
ياسين....استنى اكلمه.
سالم...كلمه.
رن التليفون كان منذر نايم لسه عشان كان عنده تسليم شغل لحد الصبح
منذر....الووووو
ياسين.....انت نايم يا روح امك وانا دماغي ورمت بسببك🤨
منذر...يا ابني احترم نفسك وبلاش زفاره لسان على الصبح انا بعرف اشتم على فكره 😴
ياسين....بضحك اسمع صوته كده😂
سالم....قوم ياض بدل ما اجيلك انا وابو لهب وانت عارف لو جيت هنعمل فيك ايه😉
منذر....بإبتسامه سالم باشا صباح الفل😴
سالم....صباح الفل يا عم يلا يا اخويا قوم ابو لهب ملهوش خلق على فكره
ياسين...قولوا والنبي🤨
منذر....الله يخربيتكم على الصبح عايزين مني ايه كان عندي تسليم لحد الفجر وراجع هنا بعد الفجر اسأل شمس
حتى سيبوني انام ياللي ربنا ينتقم منكم
سالم....ياض هجيلك وهبوظ مستقبلك يا عريس😉😂😂😂
منذر...والله انت ما تربيت😂
ياسين....انجز ياعم شوفتلك 3 ڤلل واثق ومتأكد ان في حاجه فيهم هتعجبك دول كنت حاطت عيني عليهم من الاول بس السمسار اللي مسؤول عنهم مكانش في القاهره عشان كده خليتكم بدأتوا بالتانين بس دول حاجه كده من الاخر عناوينهم عندك على الموبايل بعتلك لوكيشن كل واحده فيهم ورقم السمسار
منذر....طيب كويس على امته
ياسين....على الساعه واحده تمام
منذر....تمام اوي لسه بدري انام حتى ساعه واصحى
سالم...تنام ايه نامت عليك حيطه انت مش عندك شغل يالا🤨
منذر ...لا هعدي على المصنع والشركه اخر النهار
سالم....تمام ياعم صباحك فل يلا اتكل رايح افطر
منذر.....ماشي يا صاحبي
ياسين...منذر اوعى تروح عليك نومه والله العظيم اجي اجيبك من بيتكم 🤨
منذر...ياجدع احترم نفسك انا اكبر منك حتى قولتلك خلاص
ياسين....ابقى كلم فيروز اتفق معاها عشان مرضيتش تبلغ😉😂😂
منذر....😂😂ماشي هكلمها
ياسين....سلام
منذر....سلام.
.......................
فطروا مع بعض وبدأوا يتحركوا
قاسم.....يلا سلام يا حبيبه بابي لو احتاجتي حاجه كلميني
جنه....ماشي يا بابي😍
بص قاسم بطرف عينه لزهره وسلم عليها عشان خاطر جنه
قاسم.....سلام بوسيلي عُدى يا جنه❣️
جنه...حاضر يا حبيبي
................
في عربيه يوسف
خلود....لا يا حبيبي انا هروح في عربيه خاصه تبع الشغل
يوسف.....ايوه يعني معاكي الاستاف
خلود....والله مش عارفه بس اكيد سبقوني عشان يجهزوا الكاميرات والمعدات بتاعت التصوير في المكان
يوسف....تمام يا حبيبي يعني مش محتاجه السواق عموما لو احتاجتي اي حاجه عرفيني وخدي بالك من نفسك وبلاش تقفي في مكان زحمه
خلود....حاضر من امبارح وانت بتوصيني حفظت والله
يوسف....حبيبي انتي عارفه اني مستحيل اقولك على حاجه في شغلك لا بس انتي عارفه ان الأيڤنتات دي بتبقى زحمه جداً وانا خايف عليكي وعلى الحمل
خلود....متقلقش ياروحي هخلي بالي كويس😍
يوسف.....تمام يا حبيبي❣️
................
وصلها يوسف على مكان شغلها كان سواق العربيه الخاصه مستنيها ومعاها بنت مساعدة احمد بتاع الاعداد ركبوا ومشيوا مع بعض.
..............
الأيڤنت كان في هايبر كبير في العاصمه الجديده.
بعد حوالي ساعه إلا ربع العربيه وقفت
نزل السواق يحاول فيها بس مكانتش بتدور
خلود...هو ايه اللي حصل
السواق...للأسف العربيه مش بتدور وشكل كده الماتور قفش
خلود....طيب وبعدين احنا كده هنتأخر
السواق....هكلم حد يحاولوا يوفروا عربيه تانيه
خلود....ده على بال ما يوفروا عربيه ويجوا هنا يكون الوقت عدى🥺
مسكت خلود موبايلها تتصل بيوسف
موبايله كان خارج التغطيه
حطت خلود ايدها على راسها خلاص استسلمت وعارفه ان مفيش فايده🥺
بسرعه أفتكرت زيد اتصلت عليه بسرعه
اول ما شاف رقمها قلق
زيد....صباح الخير ياخلود
خلود....صباح النور يا زيد🥺
زيد....في ايه يا خلود مال صوتك انتي كويسه
خلود....لا يا زيد حصل حاجه كده ومش عارفه اتصرف🥺
زيد.....بقلق في ايه؟
خلود....كان عندي أيڤنت في الهيابر اللي في العاصمه وفجأه عربيه السواق عطلت والايڤنت فاضل عليه ساعه إلا ربع والتصوير يبدأ بكلم يوسف عشان يحاول يبعتلي اي عربيه مش بيرد وهنا مش في اي اوبر خالص🥺
زيد..عطلت ازاي مش فاهم.
خلود...قال ان الماتور قفش مش عارفه يعني ايه.
زيد....طيب اهدي متخافيش ابعتيلي مكانك بالظبط بس حالاً عشان داوود مشي وراح على العاصمه عنده شغل هناك هو وامير
خلود...حالا هبعتلك😍
زيد...بسرعه.
قفلت معاه بعتتله اللوكيشن بعته هو لداوود واتصل عليه فهمه وبعدين قالوا اديني امير
امير....ايه يا حبيبي متقلقش هنعدي عليها شوفت اللوكيشن دول بعدنا احنا داخلين عليهم كويس انك لحقتنا قبل ما نعديهم
زيد...اسمعني يا امير
امير....قول
زيد....تجيبلي رقم عربيه السواق مفهوم
امير...حاضر بس ليه في حاجه🙄
زيد...اسمع اللي بقوله وبلاش رغي هبقى افهمك بعدين
امير.....طيب تمام هجيبه
زيد....يلا سلام
دقايق بسيطه عدت ووصل داوود عند خلود والبنت اللي معاها اول ما شافتهم روحها رجعتلها🙈
امير....يلا اركبي بسرعه
خلود...الحمد لله انكم متأخرتوش🥺
داوود...اركبي ومتقلقيش هوصلك قبل المعاد واهدي خالص محصلش حاجه خلاص
كتب امير الرقم وبعته لزيد
امير....😉 اشطا
زيد....😉اشطا
امير.....مش عايز مساعده يا ريس
السواق...شكراً انا مستني ونش🙄
امير....ربنا معاك😉
مشي داوود بسرعه و اول ما اتحرك
طلع السواق موبايله
هنادي....طمني
السواق....كله تمام يا هانم عملت اللي قولتي عليه وحاولت أخرها شويه بس هي اتصلت بحد ومش عارف ازاي ده حصل عشر دقايق بالظبط وفي حد جه خدها وطار بيها
هنادي....مين ده وازاي تسيبها😡
السواق.....احنا اتفقنا اني اخرها يا هانم مش اني اكتفها وبعدين كنت هعمل ايه طيب
هنادي.....طيب اقفل اقفل😡
.................
خلود....مش عارفه اقولكم ايه والله ربنا يخليكم ليا🥺
داوود ...انتي لسه هترغي يا مجنونه يلا اطلعي بسرعه😍
امير.....اجي اوصلك
خلود....لا انا كده تمام😍 باي
امير.....باي بس على مهلك🙈
خلود...وهي بتمشي بسرعي حاضرررر
دقايق وطلعت فوق قبل ما التصوير يبدا بخمس دقايق.
اتصل عليها زيد.
زيد....وصلتي
خلود....وقبل المعاد الحمد لله🥺
زيد....اوعي تتوتري يلا ربنا معاكي
خلود....ربنا يخليك ليا يا اجدع اخ في الدنيا❣️😍
زيد....ويخليكي لينا يا احلى لولو❣️
................
وصل منذر القصر عشان ياخد فيروز
روح.....يلا بالتوفيق ان شاء الله هتلاقوا حاجه كويسه
منذر...مش ناويه بردوا تيجي معانا متفقه انتي وكاريمان ولا ايه
روح....لا والله متفقتش بس انهارده البنات في الشغل كلهم حتى خلود نزلت وصبا انت عارف هي وزيد مش هنا فا مش هقدر اسيب ليلى
منذر.....ماشي يا حبيبتي سلميلي على ليلى كتير لحد ما اشوفها
روح....ماشي يا حبيبي❣️
فيروز...خلي بالك من فيروز يا مامي
روح....حاضر يا قلبي يلا روحي بقى
منذر....اركبي بدل ما تضربنا🤨
فيروز....😍😍باي
وصلوا اول ڤيلا عجبتهم جداً بس منذر قالها نشوف كله عشان تقدر تقرر
فضلوا يتنقلوا من ڤيلا لڤيلا ووصلوا لاخر واحده
كانت اكبر ڤيلا شافوها تقريباً الجنينه مساحتها كبيره اوي مزروعه نجيله كأنها ملعب مرتب حمام سباحه بيضاوي الشكل ملحقين صغيرين على جوانب المبنى الرئيسي للضيوف
وفي غرفه جمب البوابه للحارس
اما المبنى نفسه كان عباره عن دورين كل تفاصيله متقسمه بشكل لائق وجميل ومرتب انبهرت فيروز بكل تفصيله في الڤيلا كأن اللي كان في عقلها اتنفذ ببراعه❣️
منذر...بحب ايه😉❣️
فيروز.....ايه🙄😍
منذر.....مسك كفها في ايده الاتنين ووقف قدامها انا حاسس انك مبسوطه بالڤيلا دي ولا بيتهيألي
فيروز......لا مش بيتهيألك جميله اوي 😍 وعجباني جدا جدا
منذر.....هي تجنن بجد اللي صممها بيتهيألي لو بيقرأ افكارنا مش هينفذها بالشكل ده❣️
فيروز....ده حقيقي ياريت روح وطنط كانوا معانا بجد
منذر....المهم انتي عجبتك❣️
فيروز.....جداً😍
باس كفها بحب وبصلها....يعني اقول لياسين اوك
فيروز....طيب هي عجبتك
منذر....هي عجبتني بس المهم انتي
فيروز....لا لازم تكون عجباك انت كمان❣️
منذر....عجبتني يا قلبي اوي ومبروك عليكي يا احلى فيروز في حياتي كلها❣️
فيروز....بحب و إحراج و دقات قلب و لغبطه ابتسمت بحب ❣️ مبروك علينا يا منذر❣️
فاجئها منذر ببوسه على خدها سريعه
منذر....😉
ابتسمت فيروز و اتلغبطت و سابته ونزلت بسرعه وهو جري وراها على تحت🙈🙈
................
في المساء في جنينه القصر.
يوسف.....انا مش فاهم حاجه؟
خلود....يعني ايه العربيه مكانتش بايظه
زيد....ده كان كمين عملتوا هنادي علام ليكي عشان تأخرك عن الأيڤينت يعني تأذيكي في شغلك من غير ما يكون لها يد دفعت للسواق عشان يعمل عليكي اللعبه دي
خلود...طيب ليه وازاي هي بقالها كتير من وقت ما انت هددتها وهي مش بتحتك بيا ولا حتى بشوفها
يوسف....يبقى كانت بتثبتنا 🤨
زيد....بالظبط بس الحمد لله خلود كلمتني في الوقت المناسب وحظها ان داوود يكون جمبها
خلود...بدموع الحمد لله يارب🥺
يوسف....بعصبيه انتي بتعيطي ليه 😡 بكره هروح اطربق الدنيا على دماغها
زيد....اهدي يا خلود انتي ربنا بيحبك لحقك اما بقى هنادي سيبهالي يا يوسف انا كلمتها اول مره باحترام بس المرادي لازم اعرفها ان في مستور اتكشف من عليها وانا على علم بيه
يوسف....دي لازم تتربى هي والسواق😡😡😡
زيد...سيبهم ليا قولتلك وبعدين يعني انا غلطت عشان قولتلكم خلاص كبر دماغك اللي غلط هيتربى اطمنوا
وانتي يا خلود خليكي طبيعيه متقلقيش كل حاجه مشيت زي ماكنتي عايزه و لحقتي الايڤنت وكله تمام
خلود....بفضلك انت وداوود وامير
زيد.....ده فضل ربنا يا خلود الحمد لله على كل حال .
..................
الكل كان مبسوط ان منذر وفيروز اخيراً لقوا الڤيلا الجديده واتفق زيد وياسين مع منذر انهم هيروحوا مع بعض تاني يوم عشان يكتب العقد❣️
اما جلال وامير والبنات راحوا مع بعض يشوفوا الڤيلا بتاعت فاطيما ونور جهزت ولا لا وشركه التنضيف خلصت كل حاجه
كان سبقهم رامي ورهف وهشام على هناك سلموا البنات على رامي واتعرف على ميار
ظبطوا كل حاجه واتفقوا انهم هيروحوا مع بعض المطار يستقبلوهم في البدايه ميار قالت انها مش هتروح عشان مهما كان هي غريبه عنهم ومشافتش فاطيما غير مره واحده لكن البنات اقنعوها كلهم ووافقت.
......................
في بدايه اليوم الرابع
بدأ اليوم بدايه سعيده كتب منذر العقد بتاع الڤيلا اخيراً كان معاه زيد وياسين ونادر باركله زيد اول واحد وخدوا في حضنه بحب واتفقوا بليل هيتجمعوا في القصر ويحتفلوا بالمناسبه دي.
...................
في نفس الوقت
وصل الشباب على المطار عشان يستقبلوا فاطيما ونور كان معاهم الجارد طبعاً وده قرار زيد لان البنات معاهم.
فضلوا واقفين جنب بعض بيراقبوا خروج المسافرين فرح كانت متوتره جداً وكل شويه تراقب ردود افعال أمير وكانت مقرره تراقب فعلاً نظراته اول ما فاطيما تخرج وده شعور غصب عنها رغم تعاطفها الكبير مع فاطيما لكن كانت غيرانه.
جلال...بص على ميار لقاها حاطه ايدها على راسها ميار مالك انتي كويسه
ميار....بخير بس حاسه اني دايخه شويه
جلال.....طيب من ايه ؟
ميار...مش عارفه حاسه ان عايزه ارجع ودايخه
جلال....حامل🙄🙄
ضحكت ميار غصب عنها وضربته على ايده احترم نفسك
جلال...بإبتسامه طيب استني هروح اجيبلك عصير
ميار...لا استنى معانا في العربيه بس انا مش قادره
جلال...طيب تعالي ادخلي اقعدي في التكييف
رهف....مالها ميار
جلال...دايخه شويه
رهف....ما انتي واقفه في الشمس اكيد هتدوخي تعالي هنا وخدي البونبوني دي هتظبطك❣️
ميار....ميرسي يارهف❣️
جلال....هو بس خلي عندك دم وهاتي واحده
رهف....ياساتر جاي في اي حاجه امسك😂
رامي....هو انتوا على طول بتفركوا كده بطلوا بقى😒
جلال...اعوذ بالله على دي خلقه ايه اللي جابه الرخم ده😒
هشام....رجعتوا تاني للخناق😂
جنه....ماتسكت شويه صحيح انت في ايه ولا ايه 😒
جلال....اصبري عليا 😒🔪
امير.....كان باصص بعيد مستنيهم اول ما لمحهم وعينه جات على نور وهي فاطيما بتزوق الكرسي المتحرك خبط ايده على جبهته بحزن يا اللللللله💔
بصوا كلهم لمحوا فاطيما جايه من بعيد ونور معاها جريوا كلهم عليهم
اول حد جري عليه امير هو نور قعد قدامه وحضنه ونور معملش اي رد فعل
مسك وشه بأيده....نور نور يا حبيبي شد حيلك وحمدالله على سلامتك وسطنا🥺💔
قربوا الشباب منه وفضلوا يبوسوا في ايده وكتفه وراسه ويحضنوا كان حقيقي محتاج حضن عشان حتى يعيط
اما فاطيما فرح خدتها في حضنها وبمجرد ما شافت البنات جمبها حست ان روحها رجعتلها حتى لو مكانتش قريبه من بعضهم لكن حست بالامان اخيراً حضنتها رهف وهي بتعيط هي والبنات
فاطيما......ااااااااه💔 كلهم راحوا يارهف سيبتهم هناك وجيت سيبتهم لوحدهم💔🥺
فرح...بس بس اهدي يا فاطيما💔
رهف....ادعيلهم ياقلبي ادعيلهم🥺
جنه...شدي حيلك يا فاطيما
فاطيما.....مبقاش فيا حيل خلاص
فرح...طيب بس عشان نور والنبي حرام هو مش مستحمل🥺
قام الشباب قربوا من فاطيما خدها رامي في حضنه وفضلت تعيط بوجـ ـع
باسها هشام من راسها 💔
واقرب امير منها خدها في حضنه وفضل يطبط عليها
امير....كفايه عشان نور ابوس ايدك اخوكي مش متحمل💔
فاطيما....قلبي واجعني اوي والله 🥺 نفسي اطلع اللي جوايا ومش عارفه
فرح....عارفين والله بس لازم تجمدي لو بتحبي نور هنخليكي تطلعي كل اللي جواكي بس مش قدام نور🥺
ميار كانت واقفه دموعها نازله في صمت مكتفيه بس بالطبطبه على فاطيما لان الموقف كان اكبر من اي كلام.
هشام....يلا ياجماعه نخرج من هنا الناس بتتفرج علينا ونور لازم يرتاح
جلال....فين شنطكم يا فاطيما
فاطيما.....مفيش شنط يا جلال مفيش غير شنطتي اللي سافرت بيها كل حاجه راحت🥺💔
رامي.....فداكم الدنيا بحالها كل حاجه هترجع تاني
جلال....رامي معاه حق من بكره انتي ونور هيبقى عندكم كل حاجه المهم انكم بخير
امير....يلا يا شباب💔
ركبت فرح و فاطيما وراء وركبوا نور قدام خدتها فرح في حضنها مكانتش قادره ابدا تغير منها الموقف كان اكبر من الغيره بكتير🥺💔
وطلعوا كلهم على الڤيلا وفضلوا معاهم كذا ساعه في خلال الساعات دي
راح هشام جابلهم كل حاجه هيحتاجوها في المطبخ وجنه كانت بتساعده جلال ورهف وميار راحوا يجيلوا هدوم مؤقته ليهم رهف وميار جابوا لفاطيما وجلال جاب لنور
وفضل معاهم فرح وامير ورامي
مكانش بينطق حرف باصص في الفراغ عيونه نادراً ما بترمش ملامحه باهته وفيها وجـ ـع مش لايق على سنه🥺💔
ظبطوا الدنيا معاهم وقرروا يسيبوهم يرتاحوا لانهم كانوا تعبانين و اتفقوا انهم يجولهم بكره.
في المساء اتجمع الكل في القصر يحتفلوا مع بعض بكتابه عقد الڤيلا ويتكلموا على تحديد معاد الجواز
وبعد ما قعدوا شويه خرج منذر وزيد يجيبوا العشاء.
.....................
قابلوا شخصين تايهين في الطريق وقرر زيد يساعدهم ويوصلهم المكان اللي هما عايزينه
منذر.....زيد زيد زيد
بصله زيد.. في ايه🤨
منذر.....بص قدامك 😳
بص زيد قدامه لقى عربيات كتير واقفه محاوطاهم شغلوا كشافات العربيات في عينهم.
وفجأه لمحوا رجاله بتقرب عليهم
منذر...قولتلك متقفش يا زيد ده طلع كمين💔
زيد....بصدمه وعدم استيعاب للحظه حس ان عقله وقف معاك سـ ـلاح
منذر....لا مش معايا فين سلاحك
زيد...في البيت
منذر....مين دووووول😡
زيد...معررررررفش اتصل بسالم😡
الرجاله كانت بتقرب منهم اكتر
زيد....انزل يا منذر واجررررري
منذر....مش هسيبك
زيد....بقولك انزززل😡😡😡
منذر....دوس بنزيييييين بســـر....وقبل ما يكمل كلمته كانوا قربوا منهم جزء عند زيد وجزء عند منذر كسروا الشباك اللي جنب منذر وواخد منهم ضربه في وشه بكل قوته
منذر....ااااااااه
زيد.....منذرررررررر😡
شدوهم من العربيه والمشهد كان عباره عن ساحه قتال شرسه💔
حوالي عشرين راجل اجسامهم تدل على لياقتهم العاليه وقصادهم منذر وزيد
حس زيد ان مفيش وقت للصدمه ولا التفكير هو في موقف لا يحسد عليه واكيد هيخرج خسران مهما كانت قوته العدد اللي قدامه صعب يقدر ينتصر عليه وصعب يقدر ينقذ صاحب عمره قصاد العدد اللي معاه فا قرر يبذل اقصى جهده ويعمل اللي عليه وزي ما تيجي تيجي
بدأ يضرب كل اللي يقرب منه ويسدد ضربات وياخد ضربات قرب منه اتنين مسكوا بكل قوتهم و واحد فيهم بدأ يضرب فيه رفع زيد نفسه وضربه برجله الاتنين طيره وبسرعه سحب نفسه من واحد فيهم ضربه وبسرعه ضرب التاني وهو كل ثانيه عينه تروح على منذر
اما منذر كان نفس المشهد متكرر معاه بيضرب على قد ما يقدر وبياخد ضربات كتير منهم الخوف اللي جواه على نفسه وعلى منذر اتحول لقوة كبيره اللي كان بيقرب منه كان بيضربه من غير رحمه.
لمح واحد معاه حاجه شبه العصايه مدوره وشكلها تقيل بيقرب وهينزل بيها على راس زيد
منذر....حاااااااسب ياززززيد
وطي زيد بسرعه راسه الضربه جات على واحد منهم في وسط دماغه وقع فاقد الوعي
الادرينالين كان عالي صوت نفسهم اعلى من صوت الضرب الاتنين مرعوبين على بعض ومش قادرين يقفوا في ضهر بعض كل واحد فيهم في جنب بيواجه المـ ـوت لوحده💔
الدم كان خارج من كل مكان في جسم زيد و وشه بينقط دم وعرق من المجهود اللي بيحاول يبذله الضرب كان نازل عليه من غير رحمه ورغم كل ده كان بيحاول يتماسك على قد ما يقدر عشان هو واثق لو هو وقع منذر هيفقد كل قوته وهيروح منه وللحظه زيد كان بيضرب وبيتضرب وهو مش سامع غير كلام راجح اللي بيتردد في ودنه لما ايمن اتوفى.
راجح...لما تحس ان في ناس حواليك وقريبين منك بيستمدوا قوتهم منك يبقى مينفعش تقع حتى لو جواك وجـ ـع الدنيا لازم تقف على رجلك وتحاول تكون اقوى عشان لو انت وقعت هما وقعوهم هيكون سهل طول مافي حد ساند على كتفك مينفعش ضهرك يميل عشان لو ضهرك مال كتفك مش هيقدر يشيلهم💔
زيد.....قام زيد بكل قوته بقى يضرب في اي حد يجي قصاده عينه على منذر منظره لوحده كان بيخلي زيد يقوى
لان منذر خلاص مبقاش يضرب بقى واقف يضرب وياخد الضربه الضربه توديه علي واحد تاني يضربه وكانوا بيسلموا لبعض
زيد.....اقف يااااااامنذر منذررررررررر
بصله منذر وشه كله دم وبعدين وقع علي ركبه واختفي عن عين زيد
وفي اللحظه دي زيد تركيزه اتشتت فا كان سهل الكل ينال منه وينهالوا عليه بالضرب واستسلم زيد 💔 ووقع هو كمان
كان باصص للسماء وعينه مشوشه من الدم مش شايف غير شكل النجوم علي هيئه ضباب في ضوء بسيط
سمع اصوات العربيات بتجري من جنبهم بسرعه وفي لحظه الشارع فضي عليهم لف راسه ببطئ شديد لمح منذر واقع في الارض مكانش عارف هو مغم عليه ولا جرالوا حاجه مكانش قادر يحرك جسمه ولا عارف يروحلوا صوته مكانش طالع 💔🥺
وكل اللي هاجم عقله في اللحظه دي
صوت ايمن في الحلم وهو بيحذره
ركز يا زيد ركز يا زيد
وللحديث بقيه.....