#ملحمه
#مملكه_الطوبجي_1
#أحفاد_الطوبجي_2
#أميره_أسامه
#صاحبه_البطل_الواحد
🔥البارت الثامن عشر🔥
فريده...بمقاطعه من غير بس انا قولت لاخوك بلاش مواجهه عشان عارفه انه وارد يتعب في حياته بس لما شكيت للحظه انه فاكرني بقول كده عشان انا بكدب قولتله خلاص واجهها ودي كانت اول مره ادافع فيها عن نفسي عشان مظهرش كدابه بس اطمن يا زيد حتى لو حب اخوك لحد يومنا ده جوه قلبي لازم تعرف اني مستحيل ارجعه تاني في حياتي مش بس عشان حياته ومراته و ولاده لكن عشان زمان هو سابني في نص الطريق من غير مايديني فرصه اقول الحقيقه تفتكر بعد عشرين سنه لما قاسم يعرف الحقيقه صدفه هرجعه حياتي يمكن كان ممكن ارجعه لو كنت حسيت انه دور عليا زمان وحاول يسمع مني لكن اخوك عرف الحقيقه بالصدفه ولولا الصدفه دي كان زمانه مصدق اني عملت كده🥺
بصلها زيد بوجـ ـع وو💔🥺
زيد....بس انتي لسه بتحبيه يا فريده؟
بصتله فريده بوجـ ـع وسكتت وبعدين قامت بإرتباك من على السرير وهي حاسه انها دايخه
زيد....رايحه فين ؟
فريده....انا عايزه امشي من هنا حاسه اني مخنوقه🥺
زيد...ايوه بس انتي لسه تعبانه خلي الدكتور يجي الاول يطمنا عليكي
فريده.....من فضلك سيبني براحتي انا كويسه 🥺 انا بس حابه اخرج اشم هواء
زيد....طيب ممكن تيجي معايا؟
فريده...اجي معاك فين ارجوك سيبني في حالي انا بجد مش متحمله اي حاجه ابعدوا عني بقى🥺💔
زيد...طيب حاضر بس اعتبري ده اخر طلب وبعد كده مش هضايقك صدقيني
بصتله فريده بوجـ ـع💔🥺
زيد....بابتسامه بسيطه هاخدك مشوار انا واثق انك هتتحسني كتير بعد ما تروحي ممكن؟
هزت فريده راسها بموافقه وضعف💔
خرجوا من المستشفى فتحلها زيد باب العربيه ركبها وبعدين راح ركب واتحرك
بصتله فريده...ممكن تقفل التكييف🥺
زيد...اكيد حاضر قفل زيد التكييف وفتح الشباك
سندت فريده راسها على الشباك الهواء كان جامد بسبب سرعه العربيه حست فريده ان كل نسمه هواء بتدخل جواها تعمل عاصفه مع وجعها دموعها كانت نازله باصه على الطريق العربيات والمباني بتمشي من جمبهم بسرعه زي سنين عمرها بالظبط💔🥺
بعد وقت بسيط وصل زيد قدام العوامه ركن ونزل نزلت فريده وبصتله
زيد....تعالي يا فريده ادخلي
دخلوا بهدوء وهما داخلين كان في اتنين خارجين من جوه والمكان كان فاضي تماماً جوه.
قابلهم چورچ بإبتسامته الجميله.
چورچ....ده ايه المفجأه الحلوه دي يا زيد
زيد....انتي الاحلى يا چورچ طمني عليك
چورچ....ادام شوفتك ابقى كويس مش هتعرفنا.
زيد....مدام فريده صديقه قديمه للعيله يا راجل يا طيب
چورچ...نورتي يا بنتي اي حد تبع زيد هو صاحب مكان
فريده...بإبتسامه بسيطه شكراً
زيد....المكان شكله فاضي بس هتعبك معايا بلغ الشباب لوحد حب يدخل يعتذرله انا عارف انك مبتحبش تشوف المكان فاضي بس احنا موجودين
چورچ...ياسلام انتوا كفايه يا أبني أتفضلوا بس الاول تحبوا تشربوا أيه؟
زيد....انا القهوه بتاعتي وانتي يافريده؟
فريده....قهوه ساده💔
زيد....مابلاش قهوه خليها عصير أفضل انتي لسه تعبانه
فريده....صدقني انا بخير خليها قهوه زي ما قولت يا راجل يا طيب
چورچ....بابتسامه جميله عيني يا بنتي اتفضلوا ادخلوا لحد ما ابلغ الشباب وبعدين هجيبلكم القهوه.
دخلوا مع بعض جوه وقفت فريده مسكت سور حديد بأيدها وخدت نفس طويل وهي باصه للنيل والمراكب اللي ماشيه في سلام.
فريده....عارف اني موقفتش الوقفه دي قدام النيل من أكتر من عشرين سنه🥺
زيد....بإبتسامه هاديه و قدرتي تبعدي عن الجمال ده كل المده دي
فريده....يمكن عشان كنت مسافره سكتت شويه وبعدين كملت بحزن بس حتى لما جيت من سنتين مقدرتش اجي اقف عليه يمكن بشوفه وانا رايحه وانا جايه في الطريق لكن مش بقف
زمان لما كنت بقف اتفرج عليه وعلى المراكب كنت ببقى مبسوطه عمري ما جيت وقفت قدام النيل وانا بشتكي
زيد....طيب ما تجربي مش يمكن ترتاحي اكتر من وقفتك وانتي مبسوطه
فريده....بصتله بأستفهام تفتكر ان الكلام والفضفضه بيريحوا
زيد....على ما اسمع يعني ان جزء كبير من وجـ ـع اي بني ادم بيهدأ لما نخرج اللي جوانا بس يمكن انا شخص كتوم بطبعه فا مش عارف لكن كمان كل اللي جربوا يتكلموا قالوا انهم ارتاحوا.
بصتله فريده بنظره وجـ ـع لايمكن زيد ينساها💔🥺
فريده.....يبقى عمرهم ما أتوجعوا يا زيد
لو الكلام والفضفضه ريحتهم يبقوا عمرهم ما اتوجعوا🥺💔
اصل في فرق كبير اوي بين انك تضايق و تكتئب بسبب موقف او مشكله وبين انك تتوجع وتحس ان قلبك في شرخ نغزه ملازمه نفسك في كسره في قلبك
والفرق بينهم يا زيد انك لما بتكون مضايق بسبب مشكله بتبقى عايز تتكلم عايز الناس تسمعك حتى لو هيقولوا معلش بس انت بعد ما بتخلص كلام بتحس ان جزء كبير من همك راح
لكن الشخص الموجوع يا زيد بيهرب من الكلام 🥺 الكلام بيرهقه مش بيريحه بيبقى تقيل على قلبه بيهرب من الناس بيتحول من شخص أجتماعي لشخص منعزل مش عشان هو بس حابب يكون لوحده بس لانه بقى عنده فوبيا الرهاب الاجتماعي💔
صدقني يا زيد الكلام وقت الوجـ ـع بيوجع اكتر ومهما اختارت اكتر كلام اتكتب لجبر الخواطر عشان تريح بيه الشخص ده عمره ما هيرتاح وعمرك ما هتقدر تخليه يقول حرف
زيد...أبتسم زيد بهدوء بس واضح ان سحر المكان ليه رأي خاص
بصتله فريده باستفهام؟
زيد....العوامه دي انا مسميها العوامه المسحوره تحسي ان اللي صممها قرأ عليها تعويذه بس مش تعويذه شر دي تعويذه كده غريبه اي حد بيدخل المكان ده بيطلع شخص تاني ويمكن عشان كده انا جيبتك هنا والغريب ان مفيش حد دخل العوامه دي غير وهو شايل جواه وجـ ـع السنين وملامحه باين عليها الحزن كأن العوامه بتنادي على ناس معينه وبيتهيألي انتي كنتي واحده منهم يا فريده وواضح ان نظريتك مكانتش صح وقدرت تخليكي تتكلمي
فريده...بابتسامه بسيطه المكان مريح لدرجه متتوصفش وحقيقي تحس انه في روح غريبه بس صدقني انا نظريتي مش غلط والدليل اني قعدت عشرين سنه على نفس الحاله دي💔
زيد.....بس انا رأيي لما تجيلك فرصه للكلام امسكي فيها مش صدفه يا فريده اني اجيبك هنا لما جيت عشان اقابلك مكنتش متوقع خالص ان نهايه مقابلتنا تنتهي هنا انا كنت جاي اتكلم معاكي كلمتين وامشي بس اهو زي ما انتي شايفه المكان اختارك.
فريده.....انا طول عمري يا زيد المكان هو اللي بيختارني انا عمري ما اختارت اكون في مكان بمزاجي ديماً المكان بيتفرض عليا ولما كنت بحاول مكنتش بلاقي مكان حتى الاشخاص اللي مروا في حياتي منهم ناس اترفضوا عليا كبرت لقيتهم في حياتي وجزء مني وناس انا اختارت وحبيت وجودهم بس للأسف💔🥺 ولا الاشخاص اللي اتفرضوا عليا فضلوا ولا اللي اختارتهم وحبيبتهم دام وجودهم💔
زيد.....ومين فينا يا فريده بيضمن وجود حد في حياته سواء حد من دمه او حد تاني الدنيا جمعته بيه كل ده بيكون نصيب؟
فريده....بوجـ ـع ودموع انا بكرهه الكلمه دي اووووي🥺🥺💔
ليه كل حاجه نعلقها على شماعه النصيب كل حاجه تحصل في حياتنا نقول نصيب تحب حد من قلبك وفجأه يبعد تقول نصيب تتخدع وترجع تقول نصيب💔 تتسرق منك فرحتك تقول نصيب تتخان تقول نصيب تفارق تقول نصيب تعيش وحيد سنين وتقول نصيب تقع قدامك اقنعه ناس عمرك ما توقعت يكون ليهم اكتر من وش وتقول نصيب 🥺 الدنيا تيجي عليك وتفضل تاخد على وشك صدمه وراء صدمه وراء صدمه وتقول نصيب💔
ليه كل حاجه بنرميها على النصيب ونشيلهاله ليه بندي فرصه للخاين والجاحد والبايع واللي بيسرق منك فرحتك واللي بيستحل حاجه لنفسه وهي مكانتش لي.. ليه بنديهم النصيب حجه واحنا عارفين انهم قاصدين
💔🥺
زيد....بوجـ ـع يمكن معاكي حق يا فريده بس حتى لو معاكي حق مش هنقدر ننكر ان كل حاجه بنمر بيها مكتوبه
فريده.....بس انا طاقتي خلصت يازيد واللي فات من عمري كله في كفه واليومين اللي بعيشهم الوقت في كفه تانيه خالص💔🥺
زيد....بس انتي بردوا لسه مجاوبتيش على سؤالي؟ لسه بتحبي قاسم
فريده....🥺 مبقاش من حقي اقول اللي جوايا يا زيد
زيد.....حتى لو حبيبتي بيتهيألي عينك جواها جواب كافي
فريده....و هافرق في ايه لسه بحبه او لا انا عمري ما كرهت قاسم يا زيد وإلا كان زماني عشت حياتي
زيد....بس بيتهيألي انك قدرتي تعيشي حياتك يا فريده وإلا مكنتيش اتجوزتي يمكن انا بقول كده لاني لما حبيت مقدرتش اقرب من اي ست
فريده....لما فضلت مستنيها يا زيد حياتك كانت واقفه ولا كانت بتمشي؟
زيد.....كانت بتمشي بس انا اللي فضلت واقف يا فريده في مكاني لحد ما الطريق جمعنا ومسكت فيها وهي شدتني. من الطريق ومشيت معاها
فريده....بس انا عكسك يا زيد الدنيا مشيت وانا حاولت امشي معاها حاولت اني ارضى بحياتي واتأقلم معاها حاولت ابني بيت وعيله واسره وكنت من جوايا بعمل كده على اقتناع فوقت على قلم عمري واكتشفت كدبه كبيره
بس بردوا مقدرتش اعمل زيك🥺💔 مقدرتش اقف في مكاني لان مهما وقفت يا زيد عمر الطريق ما كان هيجمعنا من تاني لو كنت وقفت حياتي على أخوك كنت هفضل انا اللي بطلع خسرانه وانا اللي بتوجـ ـع واتساب لانه باختصار مبقاش ليا واللي بقى ليها كانت صاحبه عمري مكانش هينفع كنت بعافر يا زيد عشت سنين وانا منفصله عن حاتم لحد ما ابني راح واختي راحت وامي كمان حصلتهم بعدها بقيت الطش في الدنيا وهي تلطش فيا جربت حظي تاني وانا لسه مصممه ابني حياه جديده بس هو واللي بعده مكانوش الأشخاص اللي ممكن تساعدني اخرج من اللي انا فيه دول جم كملوا عليا اللي خاين واللي اناني وبيغير صدقني يا زيد مهما لفت السنين عمر طريقي وطريق قاسم ما هيقف في نفس المحطه💔
زيد.....ويمكن ده افضل ليكي اكتر ما هو افضل ليه يعني هو لو حب يكمل معاكي اه وارد هيخسر زهره و ولاده وهيبقى في مشاكل كتير هو مش عامل حسابها وممكن ميخسرش وتبقي في
حياته زوجه تانيه زي رجاله كتير وزهره تتقبل ده ومع الوقت كل حاجه تبقى طبيعيه فا خساره او مكسب قاسم معروفه لكن انتي مش هقدر اقول انك هتكوني كسبانه هيفضل ديما في جواكي وجـ ـع و وارد تخسري اكتر ما خسرتي ممكن متقدريش تكوني زوجه ليه ممكن متقدريش تعاشريه ممكن تكرههي فيه طباع كتير لان في النهايه قاسم اللي عرفتيه وانتوا لسه زمايل
مش هو قاسم الوقت عشان كده بقولك يمكن يكون خير ليكي.
فريده....صدقني يا زيد سواء خير او شر لو قاسم اخر راجل في الدنيا لايمكن افكر فيه اه لسه بحبه مش قادره اكرهه بس كمان فكرة اني اكون ليه بعد كل حاجه حصلت مستحيل.
زيد....امال هتاخدي حقك ازاي؟
فريده...بإبتسامه هو انا ليه حاسه انك شايفني راجعه عشان كده صدقني يا زيد انا شوفت قاسم صدفه وعمري في حياتي ما رتبت للقاء ده يمكن اتمنيت كتير اشوفه بس مكنتش عارفه انها ممكن تحصل ولو بتسأل عشان انت خايف اخد حقي فا اطمن يا زيد مش انا الشخص المؤذي وحتى لو فكرت أذي عمري ما هقدر أذي قاسم وزهره💔
زيد....طيب ووجعك؟
فريده....ممكن أسألك سؤال؟
زيد....أكيد.
فريده....انت ليه مهتم بوجعي وليه بتعمل معايا كده؟ أصل اللي يسمعك يازيد يفهم انك عايز تخليني انا وقاسم مع بعض وانا ميتهيأليش ده اللي في دماغك.
زيد....نتكلم بصراحه؟
فريده....أكيد
زيد....فكره ان قاسم يكون معاكي او لا دي مش بتاعتي خالص و مقدرش احكم فيها بس كمان زهره بالنسبالي حد غالي عندي اوي متمناش انها تتوجـ ـع او تتكسر وفي نفس الوقت يا فريده انا عارف ان انتي تعبتي اوي وحقك ترتاحي بالطريقه اللي تشوفيها مناسبه ليكي بصي يافريده انا لو هجاوب على سؤالك ليه مهتم بوجعك و ليه بعمل معاكي كده هقولك لان انا حاسس اني واقف قدام نفسي في المرايه يمكن في كذا حد اعرفه الحب اثر عليه زيي بس مش الكل اتوجـ ـع من اقرب ماليهم وده فرق كبير لما تتوجـ ـع ان النصيب فرق بينك وبين اللي بتحبه وانك تتوجـ ـع لما اقرب شخص ليك يفرقك عن اللي بتحبه وده كان العامل المشترك بيني وبينك يا فريده
وبدون دخول في تفاصيل كتير انا حكيلك حكايتي بإختصار واللي هتفهمك انا ليه مهتم في سنه من السنين اللي وجعني كان ابويا يا فريده اما روحت اقوله اني بحب يومها ابويا قرر يجي عليا عشان اخويا الصغير طلبها وقتها كل اللي كان بيفكر فيه انه ميزعلش روح واكيد انتي طبعا تعرفي ان روح مش امي انا وقاسم يعني كان فاكر انه بيردلها جميل في تربيتنا وانها عمرها مافرقت بينا وبين ولادها يومها قالي هقول لصبا ولو وافقت يبقى تنسى طلبك للحظه حسيت ان في امل بسيط ومضايقتش بس الاول ده مادمش ثواني لما كمل كلامه وقالي وبردوا لو موافقتش شيل الموضوع من دماغك لاني مش هرضى ان اخوك يتوجع💔
وهو شايفها معاك وهو لا يومها حسيت احساس بشع كأني واقف وسط الدنيا والدنيا دي في ايد ابويا وهو بيقفل ايده عليها وانا جواها💔💔💔
فريده....بدموع قدرت تسامحه يا زيد🥺
زيد.....اه يا فريده قدرت اسامحه بس الوجـ ـع لحد اللحظه دي موجود لما بفتكره بحس انه لسه حاصل الوقت وبضايق اوي يعني ازاي تخاف على وجعه وانا لا ازاي تخاف على وجـ ـع روح وانت عارف انها عمرها مافرقت بينا ويمكن بتحبنا واقرب لينا اكتر من ولادها نفسهم ازاي خوفت على وجعهم ونسيت وجعي والمتعب في الحكايه يا فريده ان ابويا عمره ما كان راجل ظالم
طول عمره حقاني مثالي حكيم جدع يقف مع الغريب قبل القريب ميتخلاش عن مظلوم يقول كلمه الحق لو على رقبته صدقيني هو مش ملاك بس ليه مواقف لو فضلت اعدها عمري ما هوفيه حقه بس كان ليه غلطات وانا واحد من اللي اتوجعوا على ايده💔
بالظبط زي (زهره) يا فريده واظن انتي فهمتي الوقت اللي اقصده زهره يمكن كان ليها غلطه معاكي بس هي اساسها مش وحش مش هقول اني ببررلها غلطها لانه ميتبررش بس لو فضلنا يا فريده نحاسب اللي بنحبهم على غلطاتهم وقت غياب عقلهم و وقت ضعفهم هنخسر ناس كتير اوي في حياتنا.
فريده.....بس بردوا في فرق يا زيد انت لما وقفت في نص الطريق الدنيا لفت ورجعتلك حبيبتك بس انا سواء وقفت او مشيت لا رجع ولا هيرجع
زيد....صدقيني عمري ما تخيلت انها ترجع بالشكل ده ولو الدنيا رجعت واخويا لسه عايش و ربنا نفسه قالي اني مسموح ليا اختار النهايه المرضيه بالنسبالي صدقيني عمري ما كنت هتمنى صبا ولا كنت هتمنى اخويا يبعد عني كنت هتمنالهم السعاده بس ديماً ربنا ليه تخطيط تاني احنا منعرفش عنه حاجه بصي يافريده انا عمري ما كنت ظالم وبكرهه الظلم
زعلان من زهره وقاسم لدرجه مش ممكن تتخيليها عشان كانوا هما طرف في ظلم بني ادمه تانيه كل مشكلتها انها حبت بس مع كل ده انا بحبهم ومتنمناش ليهم غير كل خير ومستعد اعمل اي حاجه عشان حياتهم متبوظش وعشان يقدروا يتخطوا الدوامه اللي هيدخلوا فيها بعد مواجهه قاسم ليها
ومش عايز يا فريده يوم ما اكون ظالم اظلمك انتي 💔 لان عارف انك مش هتستحملي ظلم انا طول عمري عيلتي فوق كل الناس وحاطط خط تحتهم اللي يفكر يعديه اني ممكن اعمل معاه اي حاجه بس صدقيني اول مره اقف عاجز ولما فكرت انك ممكن تكوني انتي الحد اللي هيتخطى الخط ده حسيت اني مش هقدر اقف قصادك يا فريده يعني باختصار انا لا عايز حياتهم تبوظ
ولا عايز اجي عليكي واوجعك عشان انا مصدقك ومصدق وجعك
فريده...بابتسامه حزن نزلت دموعها وبصتله يابختهم بيك يا زيد🥺💔
يابخت اخواتك واهلك وكل حد قريب منك انت عارف يا زيد لو كل حد فينا موجود في حياته واحد زيك مكانش حد اتوجع🥺 صعب تلاقي حد يحب ويضحي ويكون سند بالشكل ده انت بجد ملاك مش بشر
زيد....لا انا مش ملاك واكيد ليا غلطات وطباع مش اي حد يعرف يتعامل معاها بس كل الحكايه ان اي حد في حياتي بحبه من قلبي متمناش اشوفه غير سعيد مبحبش الظلم لاني جربته بدي اعذار للي غلط لاني بغلط
صدقيني يا فريده لو كل واحد فينا فكر بطريقتي هنقدر نعدي حجات كتير
وزي ماقولتلك انا فضلت واقف مستني مش عشان بس متعلق بأمل خالص انا كنت فاقد شغفي للحياه كلها بس ربنا رجع حقي اه بطريقه وجعتني بردوا بس كملت وفرحت ولو انتي يا فريده فرحتك هتكمل بقربك وجوازك من قاسم صدقيني مش هعترض طول ما عيلتي مش متأثره طول ما قاسم بيته متخربش طول ما زهره موافقه بحكم وعدل ربنا لكن لو زي ماقولتي ان قاسم لو اخر راجل في حياتك مش هتكوني ليه يبقى نصيحتي ليكي يا فريده وقفي وجعك بقى وكفايه ارحمي قلبك يافريده كملي حياتك كفايه نص عمرك ضاع وانتي بتتألمي خدي قرار جاد إن من اللحظه دي فريده بتاعت زمان لازم ترجع وفريده اللي حياتها وقفت عشرين سنه لازم تختفي
فريده....وهو ده اللي بحاول اعمله يا زيد انا تعبت بما فيه الكفايه وياريت التعب عملي حاجه كنت قولت مش مهم لكن فضلت اتوجـ ـع واضيع عمري حتى اغلى الناس في حياتي مكنتش قادره اركز معاهم لحد ما راحوا مني وفالاخر بقيت لوحدي
زيد...لا يا فريده انتي مش لوحدك ومش هتبقي لوحدك اعتبريني اخ ليكي اي وقت تحتاجيه هتلاقيه سندك وفي ضهرك سواء في شغلك في حياتك محتاجه تتكلمي محتاجه تعملي اي حاجه هتلاقيني موجود
فريده...ده شرف ليا والله يا زيد انك تبقى اخ ليا 🥺♥️
زيد....متقوليش كده وبعدين احنا طلعنا توأم في الوجـ ـع كمان ولا ايه😉
ابتسمت فريده...صح معاك حق توأم في الوجـ ـع بس ان شاء الله ربنا يبعد عنك اي وجـ ـع ويفرحك بصبا
زيد....يارب يا فريده عموماً زي ما قولتلك المكان ده تحت امرك اي وقت تحبي تيجي فيه تعالي انا واثق حتى لو قعدتي فيه لوحدك هترتاحي
فريده....اكيد انا فعلاً حبيت المكان اوي وخلاص هيبقى مكاني السري
زيد...بس كده سرك في بير يا ستي
خلصت قعدتهم وراح زيد وصلها لحد السنتر ولما اتاكد انها كويسه وهتقدر تسوق سابها ومشي
باااااااااااااااك.
فاقت فريده من شرودها يمكن الوجـ ـع مراحش لكن مقدرتش تنكر ان كلامها مع زيد خفف عنها كتير
.........................
في القصر الطوبجي تحديداً غرفه زيد وصبا.
صبا...حبيبي ايه احطلك الشوز ده
زيد....اللي يعجبك حطيه يا روحي بس انا عايز افهم انتي تاعبه نفسك ليه في تحضير الشنطه لسه بكره اليوم طويل احنا هنتحرك على بعد بكره الفجر
صبا....عادي اديني بسلي نفسي وبيني وبينك انا مبسوطه اننا مسافرين بقالي كتير اوي مش سافرت اي مكان
زيد.....انا عارف يا قلبي وحقك عليا اني مقصر معاكي
صبا....مقصر ايه بس كفايه عليك شغلك
زيد....لا ياقلبي المفروض مفيش حاجه تاخدني منك بس المشكله ان الشغل كتير الفتره دي
صبا....عارفه وعارفه كمان انك لو فاضي مش هتتأخر عني 😍
زيد...بحب طيب تعالي اقعدي جمبي هنا عشان عايزك
قامت صبا وراحت قعدت جمبه على حرف السرير
صبا....خير يا قلبي
زيد....بصي انا عايز اقولك حاجه بس مش عايزك تسأليني في اي تفاصيل لان الموضوع ميخصنيش لوحدي انا حابب بس اني اقولك اللي يخصني
صبا....طيب قول
زيد....الاول اللي هقوله ده ميطلعش لاي حد خالص تمام
صبا....اكيد
زيد....طيب بصي يا ستي انا كنت قايلك اني رايح مشوار شغل بره الشركه صح
صبا....ايوه
زيد....بس انا مكنتش في مشوار ليه علاقه بالشغل انا كنت مع فريده لاشين الميكب ارتست المشهوره لو تعرفيها
صبا....اه اسمع عنها بس استنى هنا نهارك مش فايت انت بتخوني معاها ولا ايه 🤨🔪🔪
زيد...بضحك لا يا مجنونه يعني بزمتك لو بخونك معاها هاجي اقولك وبعدين هو انتي ينفع تتخاني يا قلبي
صبا....بضحك😂😂انا قولت بردوا🤔
المهم قابلتها ليه ان شاء الله ناوي تشاركها 😒
زيد....اكيد لا بس هو موضوع شخصي يخص طرف تاني من اخواتي انا بس حبيت اعرفك عشان انا محبش اعمل حاجه من وراكي ولا احب تبقي عارفه إني في مكان وانا في مكان تاني
صبا...بحب وانا واثقه فيك يا حبيبي من غير ما تقول ويمكن لو مكنتش قولتلي كنت هصدق عادي انك في الشغل
زيد...يعني مش زعلانه مني اني كدبت عليكي
صبا....اكيد لا وبعدين انت قولتلي اهو يعني مش بتكدب وكمان مش حابه اعرف اي تفاصيل عشان تثبتلي كلامك انا بثق فيك يا زيد ولو حتى قعدت وسط الف ست❣️
زيد...بحب ربنا يخليكي ليا يا احلى صبا❣️
صبا...ويخليك ليا يا احلى زيد في الدنيا يلا قوم بقى معايا نحضر الشنطه 😍
ابتسم زيد ليها بحب وقام معاها
زيد...يلا ياستي❣️
.........................
في صباح يوم جديد اتصل زيد على منذر قاله يحضر نفسه للسفر وانهم هيسافروا على الفجر في الاول منذر اتصدم من الخبر المفاجئ لكن معترضتش وفرح وكانت بالنسباله فرصه وطبعاً كاريمان لما منذر بلغها وافقت بسرعه لان زيد كان مفهمها.
وكانت طايره من السعاده لما عرفت ان الكل موافق❣️
اتصل امير على هشام بلغه وبعدين خدت منه روح الموبايل عشان تعرف رباب هي كمان وافقت
وجلال كلم رهف والكل وافق وبدأوا يحضروا نفسهم.
نزلوا عشان يفطروا قبل ما يروحوا الشركه يخلصوا كل اللي وراهم قبل السفر
قبل ما قاسم ينزل من اوضته قرب من زهره
قاسم....زهره تعالي شويه انا عايز اتكلم معاكي
بصتله بإرتباك.
زهره.....الوقت ياحبيبي الفطار جهز وكمان انا ورايا حجات كتير ولسه هحضر شنطنا خليها بعدين
خد قاسم نفس طويل ماشي يا زهره
زهره...بإبتسامه بسيطه يلا ننزل
قاسم...طيب روحي وانا جاي وراكي
خرجت زهره بسرعه قبل ما يكلمها كانت حاسه انه ممكن يفتح معاها اي كلام بخصوص فريده عشان كده أتهربت منه.
بمجرد ما خرجت قعد قاسم على حرف السرير حط ايده على راسه كان حاسس بصداع وبعدين مسك موبايله يكلم فريده من اخر مره شافها لا بعتلها ولا كلمها وهي كمان زيه
اتصل عليها مره واتنين وتلاته مردتش بعتلها مسدچ
قاسم.....فريده عامله ايه طمنيني عليكي بكلمك ومش بتردي و مختفيه من اخر مره كنت معاكي انتي كويسه؟
قفل الموبايل وحطه في جيبه وقام نزل
عشان يفطروا سوا.
روح.....حاولوا تخلصوا بدري انهارده عشان تيجوا ترتاحوا شويه وتناموا الطريق طويل
زيد....انا مش فاهم ليه التعب بس ما قولنا نسافر طيران افضل للكل
جلال....لا طيران ايه احنا حابين نسافر على الطريق وبعدين دي احلى حاجه في السفر الطريق
زيد.....اه عشان تبهدلونا مقالب انت وشله المجانين بتوعكم🤨
ياسين....هو السفر بالعربيه بهدله بس صراحه هو حلو
جلال.....سيبه شكله كبر ومبقاش يقدر يسوق🤨
زيد....طيب بلاش انا انت عارف اني على الطريق ببقى حد تاني 😏 انا عامل عليهم على الاقل روح والباشا وداده زينب وليلى وملك وصبا عشان الحمل
روح.....ادام كلكم هتروحوا بالعربيه خلونا معاكم بقى
زيد...انا عامل عشانكم والله الطريق طويل هتتعبوا على الاقل روحوا انتوا طيران
راجح....لا انا هفضل معاكم عشان عيني
تبقى عليكم في الطريق
جلال...ايوه بقى يا باشا شايف الشباب يا عم زيد😂😂
زيد...طبعاً شباب يا واطي🤨
طيب بما انكم مصممين يبقى نجيب عربيه اكبر من بتاعتك يا باشا هتوصل انهارده على معادنا تكون مؤهله للسفر عشان تكونوا مرتاحين وهيبقى معاكم كاريمان هانم وداده زينب ومامت هشام تمام
روح.....بس احنا مش عايزين عربيات كتير في الطريق
زيد....لا مش هيبقى في عربيات كتير متقلقيش انا عن نفسي هخلي منذر يركن عربيته هنا في القصر وهيجي معايا انا وصبا وفيروز
سالم...بضحك مش سالك انت بردوا😂
زيد....طب والله ابداً يا واطي قولتها بحسن نيه
ضحكوا كلهم وفيروز ضحكت بإحراج.
فيروز....طيب والناني بتاعت فيروز هتركب معانا الطريق هيكون طويل اوي علينا واحنا مزنوقين كده
قاسم.....تركب معانا كده كده الناني بتاعت عُدي معايا
جنه.....وانا هتحطوني في شنطه العربيه😒😒
قاسم.....انتي مش مع المجانين بتوعك😂
جلال....ايوه صح انتي معانا احنا هنظبط نفسنا وبردوا هشام هيسيب عربيتوا هنا ويركب معانا
زيد....ظبطوها انتوا بطريقتكم بقى كده كده عربيه امير قدام الكرسي كبير يعني ممكن اتنين يركبوا
ملك.....ميار تركب معايا انا وياسين عادي هيبقى في مكان
فرح...لا ميار معانا احنا بقولكم ايه ملكوش دعوه بينا احنا هنظبط نفسنا
ملك....حقك عليا انا غلطانه اني بوسعلكم مكان😒
فرح....احنا بنوسعلك انتي مكان يا ملوكه عشان لو تعبتي تريحي وراء في الكنبه😂😂😂
ملك.....عشان انيم ياسين معايا وينزل يروقني😂😂😂
ياسين...اه هي عارفه اللي هيركب معايا ينسى النوم احسن انام على الطريق😂
روح...عشان كده بقولكم تعالوا بدري عشان ترتاحوا شويه
ياسين....ان شاء الله يا حبيبتي متقلقيش
خلود....طيب نسيبنا بقى من تقسيمه العربيات دي ممكن اقول حاجه
روح...قولي يا لولو
خلود....هو جلال وامير يلزموكم في حاجه انهارده 🙄
ياسين...اشمعنى؟
خلود....عيزاهم معايا عشان نروح نجيب حجات من الماركت يعني لزوم السفر
يوسف...طيب ولزمتها ايه يا قلبي ما كل حاجه موجوده هناك في الماركت
خلود.....لا ده تخصصي انا بقى متدخلش فيه🤨🔪 انتوا طول عمركم اكيد بتسافروا وبتجيبوا حاجتكم كلها من هناك بس المرادي انا معاكم يعني نظام جديد 😒 احنا رايحين نتبسط ونتفسح ونبقى مع بعض مش هنضيع وقت كل شويه حاجه تنقص وحد يخرج يجيبها انا هقعد الوقت اكتب كل حاجه هنحتاجها هناك الاربع ايام دول و
هنروح نجيبها مع بعض
ياسين....طيب وليه التعب صحيح وبعدين الماركت هناك مش بعيد يعني
راجح...انت مالك انت وهو سيبوها تعمل اللي هي عيزاه🤨
خلود....😘😘
راجح...بضحك ردلها البوسه😘
يوسف....ايه ياروح سيباهم كده😂
روح...اطلع منها انت دي حبيبتي 😂
خلود....🤪
يوسف...ماشي ماشي😂😂
روح....هي عندها حق بنفضل كل شويه رايحين جايين على الماركت خدوا كل حاجه ولو نسينا حاجه بسيطه مقدور عليها
سالم.....مش عارف ليه غاويين تتعبوا نفسكم ما كل حاجه موجوده هناك والمطاعم مغرقه الدنيا
خلود....بابا مش بيحب اكل الشارع وبعدين اللي يحب يجيب حاجه من بره يجيب عادي مش شرط يعني ياكل من اكلي🤨
سالم...لا ادام انتي اللي هتعملي يبقى ناكل ياسلام هو في احلى من اكل شيف خلود😂😂😂🙄🙄
شمس....خواف اوي😂😂😂
سالم....شوفتي رفعه حاجبها متبشرش بخير😂😂
امير....ايوه بس دوناً عن كل الموجودين تختاري جلال ده فضيحه مشوفتيش يوم ماروحنا اخر مره مع بعض الماركت عمل ايه🥴
خلود....لا هيسمع الكلام صح يا جلال🤨
جلال....طبعاً ده مفتري ده 🥴
خلود....خلاص هاخد جلال وامير والبنات عشان ننجز اوك
ميار....تمام
فرح....وانا تمام😍
جنه...وانا كمان
خلود....خلاص بعد ما يمشوا نقعد مع بعض ياروح نكتب الحاجه سوا ماشي
روح....عيني حاضر نمشيهم بس ونقعد على رواقه كده😍
بعد وقت بسيط مشي راجح والشباب كلهم على الشركه
وقعدت روح وخلود يكتبوا كل حاجه هيحتاجوها
شويه وخرجت خلود مع الشباب قسموا نفسهم في عربيتين عشان يقدروا يحطوا الحاجه معاهم خلود وامير وفرح مع بعض وجلال و ميار وجنه مع بعض
..............
في الشركه.
دخل مراد على قاسم المكتب
مراد...ايه الاخبار عامل ايه معرفتش اكلمك في البيت
قاسم....عادي زي ما انت شايف حاولت انهارده اكلم زهره بس قالتلي انها مش فاضيه
مراد....وانت جاي الوقت تكلمها لا مينفعش طبعا اجل الكلام الوقت على الاقل لما نرجع من السفر
قاسم....مش عايز الموضوع يطول اكتر من كده يا مراد
مراد....ايوه يا قاسم بس كمان محدش يعرف المواجهه دي هيحصل فيها ايه واحنا مش حابين يكون في نكد خلينا نسافر و نتبسط مع بعض اليومين دول ولما ترجع ابقى اتكلم براحتك
قاسم....ما انا قولت هعمل كده احسن
دخل زيد عليهم في الوقت ده
زيد....انت هنا وانا بدور عليك
مراد...جيت اشوف قاسم و اطمن
زيد...ليه في ايه؟
مراد....لا ابداً عادي بشوف اخر الاخبار وبيقولي انه كان هيكلم زهره وهي قالتله خليها بعدين
زيد....طيب لما نرجع من السفر يا قاسم مش وقته خالص
مراد...قولتله كده والله
قاسم...ما انا خلاص سكت
زيد...لما نرجع ونقضي يومين حلوين مع بعض عشان حتى لو محصلش حاجه اكيد هيبقى باين عليكم.
قاسم....تمام يا زيد اديني مستني بس بحاول اكلم فريده مش بترد عليا خالص وانا قلقان يكون فيها حاجه
سكت زيد شويه و بصله
زيد....انا روحتلها يا قاسم
بصله مراد وقاسم بسرعه
قاسم....روحتلها؟ ليه؟
مراد....عادي كنت حابب اتكلم معاها واشوف دماغها فيها ايه بصراحه كنت قلقان منها
مراد.....طيب قولتلها ايه ولا فتحت معاها الكلام ازاي؟
قاسم....قالتلك ايه يا زيد؟
زيد....يعني من كلامها زهره فعلا عملت كده
قاسم...طيب وايه الجديد ما انا عارف ان زهره عملت كده خصوصا بعد ما عرفت ان حاتم اتجوزها
زيد....ايوه بس اتأكدت بنفسي.
قاسم...ازاي؟
زيد....لما وصلت لقيت زهره
الاتنين بصوا لبعض وبعدين بصوله بصدمه
مراد....زهره عند فريده؟ طب ازاي وازاي اصلا جات على بالها
قاسم...انت بتهرج صح؟
زيد...هتسمع وبهدوء هتكلم هتتعفرت مش هحكي حاجه
قاسم...ماتخلص يا زيد ايه اللي حصل😡
زيد...ابدا روحت انا وهي في نفس التوقيت تقريباً بس هي كانت سبقاني فضلت في العربيه غابت حوالي ساعه وبمجرد ما خرجت دخلت سألت على مكتب فريده خدتني بنت من اللي بيشتغلوا عندها واول ما فتحت الباب لقينا فريده واقعه على الارض ومغم عليها
قاسم...قام وقف اييييييه ليه؟
زيد....تقريباً تعبت لما انفعلت في الكلام انا مش عارف اوي ايه اللي دار بينهم بس خدتها على المستشفى بسرعه الدكتور قال ان اعصابها تعبانه ضغطها كان عالي بس شويه وبقت احسن اتكلمت معاها شويه وبعدين خدتها وروحت بيها على العوامه واتكلمنا كتير
قاسم....طيب وزهره ليه اصلا راحتلها وايه اللي فكرها بفريده واشمعنى الوقت بالذات؟😡
مراد....يمكن فريده اللي كلمتها
زيد....لا وبصراحه مش قادر افهم بس فريده مكانتش تعرف انها جايه ويمكن اللي تعبها اصلا انها مكانتش حابه تشوف زهره خالص
مراد....طيب مش يمكن كلمت فريده او حاجه وهي سمعتك
قاسم...لا مستحيل انا اكيد مش هكلمها في الاوضه يعني.
زيد....مش مهم ازاي المهم ان زهره عارفه ان فريده ظهرت في حياتك وتقريباً كانت عايزه تعرف هي ناويه على ايه.
قاسم....انا مش قادر اصدق اللي بسمعه ده مسك موبايله ومفاتيحه بغضب
قام زيد ومراد وقفوا بسرعه
زيد...انت رايح فين؟
قاسم...هروح لفريده افهم منها ولو مفهمتش هروح لزهره خلاص مبقتش مستحمل😡
مراد....قاااسم عايز تروح لفريده روح براحتك بس زهره الوقت لا احنا قولنا يوم ما تتكلموا اصلا مش هتكونوا في البيت مش هينفع يا قاسم حد يعرف
زيد...قاسم زي ما مراد بيقول مينفعش حد يعرف مهما كان زهره عندهم في حته تانيه لوحدها مش عايزين زهره تنزل من نظر اي حد وخصوصا جنه يا قاسم
قاسم....تمام مش هتكلم حاضر بس لازم افهم من فريده اللي حصل😡
مراد...طيب وابقى طمنا
زيد...براحه على فريده يا قاسم هي ملهاش ذنب واكيد لسه تعبانه
قاسم...وهي فريده مالها انا بس عايز افهم.
زيد...خلاص روح اتكلم معاها وافهم بهدوء
قاسم...تمام مش هتأخر خرج قاسم وهو عفاريت الدنيا بتتنطت قدام عينه
مراد....وبعدين يا زيد حاسس الحوار ده مش هيخلص بهدوء
زيد...لازم يخلص بهدوء يا مراد عشان جنه وعُدي مشاكلهم يحلوها بهدوء ومن غير ما الشيطان يدخل بينهم هما مش صغيرين
مراد....طيب وفريده انت شايف ايه
زيد....الدنيا جات عليها اوي يا مراد ويمكن من كلامها حسيت ان اكتر حاجه وجعتها بجد هي زهره مش قاسم
مراد....اكيد مش سهله عليها انا فاهم بس لازم الماضي يتردم عليه الخراب مش سهل يا زيد
زيد...لا خراب ولا حاجه مفيش الكلام ده بس كمان انا عارف ان المواجهه مش هتكون سهله
مراد....اللي مخوفني ان قاسم شكله لسه بيحب فريده.
زيد....اللي اعرفه ان القلب ميحبش اتنين يا مراد بس قاسم متلغبط ظهور فريده لغبطه اوي ولما عرف الحقيقه اتلغبط اكتر واكتر وتعبان لانه عرف انه ظلم فريده ظلم صاحبه اضحك عليه فا كل ده طبيعي هو بس لو واجهه زهره الرؤيه هتوضح واللغبطه اللي هو فيها هتنتهي ووقتها هيعرف هو عايز ايه وهيترجم مشاعره صح بالنسبه لفريده
هل هو فعلاً لسه بيحبها ولا إحساس الندم وانه ظلمها واللي هي مرت بيه بسببهم الاتنين هي اللي مأثره عليه
مراد....هيبان وربنا يستر يارب.
زيد....يارب.
....................
في الماركت
راحت فرح على امير لاقيته ماسك علبه شوفان وقاعد يبص فيها
فرح....انت بتعمل ايه🤨🙄
امير...😏ملكيش دعوه
فرح....الحق عليا كنت جايه اساعدك خليك محتاس كده انا ماشيه😡
امير....استني😒 هو ده نشا🙄
فرح.....مش عيب عليك خريج مدارس اجنبي ومش عارف تقرأ ده شوفان
امير....ايوه وايه المشكله 😒 مش الشوفان هو النشا
فرح...بضحك لا طبعاً😂 ده حاجه وده حاجه
امير...انتي بتضحكي على ايه وانا ايش عرفني😡
فرح...طيب خلاص متزعقش 😂😂 وبعدين انت بقالك ربع ساعه بتلف وفي الاخر مش جايب غير بطرمان صلصله😂😂
امير....طيب ياست البيت يا شاطره اكسبي فيا ثواب وخدي انتي الورقه دي هاتي اللي مكتوب فيها🙄
فرح...وانا مالي مش قولتلي ملكيش دعوه وبعدين انا معايا ورقه🙄 وجبت كل حاجه وادتها لخلود
امير....طب خلاص ليكي دعوه امسكي بقى انا دوخت من اللف😭
فرح...مش قبل ما تقول انك صالحتني🙄
امير...انتي بتساوميني يا بت🤨😡
فرح...اه لو مش عاجبك شوف غيري🙄
امير....بتفكير طيب خلاص هصالحك بس هتجيبي كل حاجه
فرح....بحب بس كده😍 بس بقولك ايه
امير...بابتسامه جميله يا نعم🤨
فرح...انا اول مره البس الكوتشي ده وحاسه انه ضيق على رجلي وتاعبني اوي
امير....اعمل ايه اديكي الكوتشي بتاعي يعني🤨
فرح...بضحك لا حطني في العربيه وامشي بيا😍😍
امير...اه عملاها لعبه بقى ورجلك مش وجعاكي ولا حاجه🤔
فرح....لا والله العظيم رجلي وجعاني بس ميمنعش يعني اني همـ ـوت واركب العربيه دي😂😂
امير...بحب بعد الشر طيب يلا تعالي اركبك😍
مسكت فرح ايده عشان تطلع شالها من وسطها في لحظه وحطها جوه العربيه
فرح...😍😍😍😍الله يلا امشي
امير....والله مجنونه😂😂 بذمتك مش مكسوفه من نفسك😂
فرح....لا 😂😂😂
امير...الوقت حد يشوفنا ويقولك ممنوع😂😂😂😂
فرح....لا مش نازله انا خلاص حبيتها😂😂😂
.................
عند خلود وجلال والبنات
خلود....يا ابني تعبتني ده رز بسمتي وخدت منه انا الوقت عايزه رز مصري😭
جلال ..امسكي بس ايش فهمك انتي 😒
جنه....😂😂😂يا ابني ما احنا خدنا منه
جلال....تاخد تاني انا بحبه😁
جه امير وفرح في الوقت ده
امير...ايه خلصتوا
ميار....انتي ايه اللي عملته ده😂😂
خلود....بقولك ايه لو مشلتش جلال من وشي هرتكب فيه جريـ ـمه😭
امير...تستاهلي انا قولتلك😂😂
جنه...اهو لقيتوا يا لولو😍😍
خلود...اخيراً😭😭😭 يلا تعالوا نروح بقى على قسم الالبان والمعلبات
جلال....ياسلام لعبتي😂😂
خلود...كل قسم تقول لعبتي 😒🔪
راحوا مع بعض على هناك وبدأوا يجيبوا اللي مكتوب
خلود....عايزين اللبن
جلال....انا مش فاهم ايه كميه اللبن دي 3 باكت ليه احنا قاعدين اربع ايام بس🤔
خلود....في منهم للأكل والحلويات انجززززز😡
ضحكوا كلهم على خلود
خلود...حرام عليك الناس بتتفرج علينا😭😭
جلال....خلاص خلاص لقيته امسكي يا ستي 🥴
خلود....😭😭😭ايه ده
جلال...ايه لبن 😒
خلود....ده لبن نيدو انا عايزه لبن من التاني
جلال...وماله النيدو 😒 مش لبن
خلود...انت جاي تجلطني يا ابني 😭 انت معترض وخلاص
جلال....انا بحب اللبن النيدو 😁
امير....😂😂😂 متخليهوش يساعدك عشان مش هيجيب غير اللي بيحبه🙈
خلود...😂😂😂كل حاجه يقولي خدي ده انا بحبه وانا مالي بيك انا عايزه المكتوب
جلال...طيب امسكي ياستي ادي اللبن اهو كده حلو😒🔪
خلود....ده چهينه🙈🙈 انا عايزه لبن طبيعي
جلال....لا سيبوني عليها😡😡🔪 يعني لا نيدو نافع ولا چهينه وبعدين يعني ايه لبن طبيعي اجيبلك جاموسه تحلبيها عشان ترتاحي😡
كلهم فضلوا يضحكوا على جلال وهو متعصب من خلود وبيقاوح😂
خلود...حرام عليك بطني وجعتني من الضحك وفرجت الناس علينا يا ابني عايزه لبن طبيعي هتلاقيه مكتوب عليه تاريخ الصلاحيه كام يوم بس بيكون احلى
جلال....والچهينه كفر يعني ما هو مكتوب عليه كام شهر 😒
خلود....انا شايفه انك تاخد العربيتين دول تروح تسبقني بيهم على الكاشير وانا هتصرف بنفسي 😂😂😂
جلال....والله انتي الخسرانه قال عامله فيها شيف قال😒
خلود....ابعدوا عني😂😂🙈
جلال...طيب ايه مش هنجيب شيبسي وبييبسي وشويه حلويات🤔
امير....بس يا بابا 😂😂 هنروح الوقت
خلود....ده انت لما تتجوز مراتك هتطلب الطلاق مع اول نزوله للماركت مع بعض😂😂😂😂
جلال...الحق عليا بديكي افكار بديله يا بتاعت اللبن الطبيعي😒
خلود...وفر افكارك واللي اقولك هاته تجيبه وانت ساكت😂😂
خلصوا الشوبينج وقضوا وقت جميل مع بعض كله ضحك وهزار وبعدين حولوا الحاجه على العربيات ورجعوا على القصر.
....................
دخلوا الحاجه من العربيات عشان متبوظش لحد ما يسافروا بليل
غيرت خلود هدومها وبعدين دخلت المطبخ هي وروح والبنات كلهم يساعدوها عشان تجهز حجات ياخدوها معاهم على الطريق.
.....................
وصل قاسم عند فريده كانت في السنتر وباين عليها التعب دخل بهدوء السنتر اول ما شافته سلمت عليه بهدوء وبعدين طلعوا على المكتب واول ما قاسم قفل الباب راح عليها
قاسم....مبترديش عليا ليه يا فريده؟
فريده.....زي ما انت شايف مش فاضيه يا قاسم عندي شغل
قاسم....بعتلك مسدچ شوفتيها ومردتيش ايه مشغوله للدرجادي😡
فريده.....عايز ايه يا قاسم؟
قاسم....مقولتليش ليه ان زهره جاتلك
فريده...عادي يعني وبعدين مكنتش اعرف انها جايه وبليل تعبت شويه وخلاص مجاتش فرصه
قاسم....عرفت من زيد على فكره لما قولتله اني قلقان عليكي عشان مش بتردي
اتنهدت فريده وبعدين بصتله
فريده...طيب لما انت عرفت من زيد متعصب ليه بقى
قاسم....متعصب عشان عرفت ان زهره جاتلك ومقولتيش يا فريده ومتعصب عشان مش فاهم اي حاجه ولا عارف زهره جاتلك ليه وايه اللي فكرها بيكي
فريده.....مقولتش عشان مفيش داعي للكلام يا قاسم زهره جاتلي ليه وايه اللي فكرها بيا عادي يمكن فضول حبت تعرف انا راجعه ليه والاهم انها مفتكرتنيش بالصدفه يا قاسم زهره شكت انك متغير وشافت موبايلك وشافت رقمي عندك عرفت بقى ايه اللي فكرها بيا انت يا قاسم
قاسم...طيب اتكلمتوا في ايه؟ وايه اللي تعبك قالتلك حاجه تعبتك
فريده....بتنهيده طويله لا يا قاسم مش هي وزهره معملتش معايا حاجه كل الحكايه اني اعصابي تعبانه مستحملتش الضغط اللي بقالي كام يوم فيه
قاسم....طيب خلاص اهدي انا مش جاي عشان اضايقك او اعصبك انا بس عايز اطمن عليكي واعرف اتكلمتوا في ايه
فريده....اتكلمنا في كل حاجه فاتت يا قاسم
قاسم....وهي ازاي جتلها الجرأه اصلاً تجيلك 😡
فريده....عادي يا قاسم حقها واحده لقت رقم واحده كانت على علاقه بجوزها زمان طبيعي تقلق وتيجي تطمن🥺
قاسم...ايوه بس الواحده دي كانت صحبتها وكانت حبيبه جوزها اللي هي فرقت بينهم💔
فريده...بإبتسامه هاديه لكن مكسوره اديك قولت يا قاسم كانت!! 💔يعني ماضي انا لا بقيت صحبتها ولا بقيت حبيبتك و ده حقها انت جوزها وابو ولادها حقها تخاف وتحافظ عليك
قاسم...انتي بتقولي ايه انتوا كلكم عايزين تجننوني😡
فريده....لا بس دي الحقيقه بمزاجك او غصب عنك لازم تتقبلها
قاسم...وانا تقبلتها يا فريده بس لازم زهره تتقبل فكره انها غلطت ومش غلط عادي ومش بس كده لازم زهره تتقبل رد فعلي 😡
لف قاسم عشان يمشي مسكته فريده بسرعه من ايده
فريده.....قاسم اقف استنى ارجوك🥺
بص قاسم على ايدها 🥺💔
سابت فريده ايده بسرعه ورجعت خطوه لوراء بإرتباك🥺
فريده....قاسم ارجوك حتى لو هي غلطت متنساش ان جزء من غلطها دي حب ليك وتمسك
قاسم....وانتي لما عرفتي الحقيقه متمسكتيش بحقك ليه يا فريده🥺
مرجعتيش ليه قولتي الحقيقه
فريده....عشان مكانش ينفع يا قاسم انت كنت حبيت زهره واتجوزتها وبنيت معاها حياه هاجي انا الوقت واتمسك بيك بعد ما بنتك بقت طولك🥺 وبعدين ازاي عايزني اتمسك بيك وانت اول واحد ادتني ضهرك يا قاسم انت فاكر اني حتى لو بحبك يا قاسم هكون ليك تبقى غلطان اوعى يا قاسم تبوظ حياتك لان وقتها هتبقى تاني مره تخسر قلب بيحبك 💔
قاسم....بس انا كان غصب عني يا فريده صدقيني
فريده....مصدقاك وسامحتك وسامحت زهره كمان عشان بحبكم اظن جه عليك الدور تسامح مره في حياتك باسم الحب يا قاسم🥺
قاسم....ولو فرضنا انا سامحت انتي هتنسي الوجـ ـع يا فريده هتسامحي بجد من قلبك
فريده.....اه يا قاسم هسامح من قلبي عشان العمر اللي راح مش ضامنه اني اعيش قده🥺 عشان تعبت من كتر ما انا شايله من اكتر ناس حبيتها روح لمراتك يا قاسم خليك معاها وطمنها لو زهره غلطت زمان متنساش انك ادتها فرصه للغلط ده 🥺
خليك مع زهره يا قاسم هي محتجالك
قاسم....ماتقولي بالمره وانساني واعتبر اني مظهرتش في حياتك من تاني
فريده.....مش ده اللي المفروض يحصل
قاسم...لا يا فريده مش هو ده اللي المفروض يحصل🥺
فريده....قاسم ارجوك كفايه كلام بقى انا بجد تعبت حتى شغلي مش قادره اركز فيه 🥺💔
قاسم...تمام يا فريده هسيبك تركزي وهبعد اه و بالمناسبه انا مسافر انا والعيله كلها يومين وراجعين
فريده...طيب حلو جداً فرصه تهدي فيها نفسك وتفكر صح وتقرب اكتر من زهره
قاسم.....هرجع تاني يا فريده بس هرجع وانا مفاتح زهره بكل حاجه💔 واه عايزك تطمني يا فريده حقك بيرجع مني انا اول واحد والوضع اللي انا فيه ده جزء صغير من ظلمي ليكي💔
سابها قاسم ومشي وهو حالته مش كويسه
قعدت فريده على الكرسي وهي بتتنهد تنهيده كلها وجـ ـع🥺
وبعدين مسكت موبايلها واتصلت على زيد
زيد....الو ازيك يا فريده
فريده....مش كويسه يا زيد
زيد....يبقى قاسم جالك
فريده....اه ولسه ماشي قاسم مش في احسن حالاته يا زيد خليك معاه واتكلم معاه على قد ما تقدر انا حاولت كتير بس هو متعصب كالعاده ومش سامع غير نفسه
زيد.....متقلقيش يا فريده انا هكلمه
فريده.....تمام يا زيد واسفه لو بزعجك
زيد...مش قولنا بلاش اسفه دي المهم انسي و ركزي مع نفسك وبس ولو على قاسم اطمني هحاول معاه كتير
فريده...تمام يا زيد
زيد....سلام يا فريده
فريده....سلام💔
.......................
فرح....انت يا عم🤨
امير....نعم😒
فرح...مش قولت اننا اتصالحنا خلاص قالب وشك ليه🤨
امير....ما انا كويس اهو
فرح...طيب قولي مفيش اخبار عن فاطيما🙄
امير...لا والله وبتسألي عليها من نفسك😏
فرح...هو انت ليه فاكر اني معنديش قلب😡 انا غيرت عليك على فكره وده حقي بس ده ميمنعش انها بجد صعبانه عليا واوي كمان.
امير....ماشي يا ستي صدقتك🤨
فرح...طيب قولي ايه الاخبار وصلت
امير....وصلت بس بعد كده الاتصال اتقطع معرفش عنها اي حاجه حتى صاحب مراد قال انها مكلمتهوش ولا يعرف عنها حاجه مراد اداله رقمها بس قال انه مش عارف يوصلها والاتصال مقطوع بيها
فرح...طيب وبعدين راحت فين دي؟
امير....مش عارف والله يا فرح صعبانه عليا بجد وبفكر لو اهلها جرالهم حاجه هتتصرف ازاي لوحدها
فرح....مش عارفه بس اكيد هتبقى متدمره ان شاء الله تلاقيهم كويسين وانت افضل حاول معاها بردوا واكيد هترد وتطمنا
امير...بحب يعني مش هتبقي مضايقه🙄
فرح....لا والله العظيم خلاص كانت غلطه وقت عصبيه بس فهمت اني كنت غلط وبجد هي صعبانه عليا ولازم تقفوا جمبها ومش انت وهشام بس كلنا يا امير مهما كان هي بنت زيي وانا لو في نفس موقفها كان زماني انهارت ربنا معاها يارب🥺
ابتسم امير ومسك ايدها بحب باسها
امير...ربنا يخليكي ليا ولازم تعرفي ان فرح هي اللي في قلبي ومن يوم ما دخلت فيه كل بنت في حياتي هي اخت وصديقه مش اكتر ♥️
فرح.....بحبك يا امير وحقك عليا متزعلش مني ابداً♥️
امير...مقدرش يا قلب امير♥️
...................
الوقت عدى بسرعه الكل خلص حاجته وجهز قبل الفجر بوقت بسيط وصل الجميع على قصر الطوبجي عشان يبدأوا رحلتهم♥️
🔥🔥وللحديث بقيه🔥🔥