#ملحمه
#مملكه_الطوبجي_1
#أحفاد_الطوبجي_2
#أميره_أسامه
#صاحبه_البطل_الواحد
🔥🔥🔥البارت السابع🔥🔥🔥
في صباح يوم الفرح صحي الجميع و الشركه المسؤوله عن تجهيزات الافراح كانت وصلت القصر وبدأوا من بدري يجهزوا كل حاجه.
اما داخل القصر صحيت روح من بدري او تقريباً مكانتش نامت كويس بعد ما رجعوا من احتفال البنات بدأت تجهز الفطار هي والشغالين اما البنات كلهم كانوا بيجهزوا عشان يروحوا على الفندق مع مريم.
داخل غرفه مريم كانت مش على طبيعتها كان باين عليها التوتر جداً كأنها اول مره تتجوز فرحانه و طايره من السعاده لكن حاسه بلغبطه وتوتر جهزت كل حاجتها ولسه حاسه انها ناسيه حاجه.
زينب....يابنتي في ايه مالك رايحه جايه ليه كده
مريم....والنبي يا داده سبيني في حالي الوقت 😭
زينب....طيب قوليلي مالك
مريم....مش عارفه حاسه اني ناسيه حاجه
زينب....والله مافي حاجه خلاص من امبارح وكل حاجه جاهزه والبنات شافوا معاكي وراجعوا كل حاجه بس طول ما انتي كل شويه تخرجي الحاجه وتدخليها كده ممكن هتنسي حاجه
مريم....يعني ايه🙄 انا كده نسيت حاجه صح
زينب....ياخرابي عليكي يا مريم بقولك ممكن ممكن 🙈 يابنتي ايه التوتر ده بس اهدي كده وخليكي هاديه شويه
انتي جرالك ايه
مريم....بصتلها ومره واحده عيطت😭
زينب....لا اله الا الله مالك بس يا حبيبتي في ايه يا مريم
مريم....مش عارفه متوتره ليه وخايـ ـفه اوي 🥺
زينب....من ايه بس يا حبيتي ماشاء الله كل حاجه جاهزه على اكمل وجه الشركه بتاعت تجهيز الحفلات موجوده من بدري دول واصلين من بعد الفجر ولو بصيتي الوقت هتلاقيهم قربوا يخلصوا ومنظر الجنينه تحت بقى يجنن وفستانك مفيش زيه وكل حاجتك حلوه
مريم...اهو انا مش راعبني غير فكره الفرح ده انا قولت لنادر اني مش عايزه فرح وكفايه نكتب الكتاب وبس🥺
زينب....وليه مش عايزه فرح يا بنتي هو في عروسه في الدنيا تقول مش عايزه فرح دي ليله العمر يا حبيتي
مريم....ايوه بس ده لما تكون اول مره لكن انا دي تاني جوازه ليا🥺
زينب...وهي جوازتك الاولى دي كانت جوازه يا مريم وبعدين وقتها يا حبيبتي انتي كنتي صغيره وظروف جوازتك كانت مختلفه ومكنتيش مبسوطه الوضع الوقت مختلف كفايه انك مع راجل بتحبيه فا المفروض تتبسطي بكل التفاصيل دي وتفرحي
مريم...انا فرحانه والله اوي بس مش عارفه ليه متاخده اوي كده
زينب.....عادي يا حبيبتي اي عروسه في الدنيا في اليوم ده حتى لو كانت متجوزه اكتر من مره بتبقى متاخده ومتلغبطه افرحي يا مريم وانسي يا بنتي الوجـ ـع كلنا مبسوطين وكل اللي حواليكي بيحبوكي ربنا عوض صبرك خير يا بنتي ورزقك بعيله مش هتلاقي زيها احترام وادب وحنيه ودلع وسند وعزوه هتعوزي ايه اكتر من كده❣️
مريم....بابتسامه عندك حق يا داده
زينب....يلا امسحي دموعك دي وروحي بسرعه كملي لبسك سبيني انا ارجع الحاجه في مكانها ويلا عشان تفطري
مريم...حاضر ثواني وهكون جاهزه.
...........
بعد وقت بسيط نزل الجميع على تحت
خبط نادر على اوضه مريم فتحتله زينب كانت مريم واقفه بتلم شعرها عشان تنزل
نادر....بضحكه جميله صباح الفل يا داده
زينب....صباح الفل يا عريس❣️
نادر....ايه يا عروووووسه😉
مريم...ايه😏
نادر...اعوذ بالله😒
زينب.....بضحك سيبها في حالها احسن تقتـ ـلنا😂
نادر...مالها دي على الصبح🤨
زينب....مش عارفه والله موتره نفسها ليه خرجت حاجتها وشالتها الف مره ومصممه انها ناسيه حاجه بس عادي يعني هي كل العرايس كده
نادر....وايه يعني حتى لو نسيتي حاجه انا هجيبها في ثواني فكي يابت البوز ده بدل ما احلف ما اتجوز🤨🤨
ابتسمت مريم بهدوء.
نادر...ايوه كده انا عريس يا ماما يعني عايز طول الوقت ضحك🤨
زينب....ربنا يتمملكم على خير يارب يا حبايبي ويكمل فرحتكم على خير
نادر...يارب يا حبيبتي ها كده خلاص الحاجه جهزت
زينب...اه كلها اهي موجوده هنزلهالك تحت
نادر....تنزلي ايه بس ده الفستان اكبر من حياتي 🥴 انا مش عارف مريم هتلبسه ازاي هاتي عنك هاتي
زينب....😂😂 يارب مريم تعرف تمشي فيه ده تقيل اوي
نادر.....مش مهم يكون تقيل عليها ادعي بس يارب الاقي مكان في العربيه🤨
مريم....ولو ملاقتش عادي اسبقنا بتاكسي🙄
نادر....شايفه قله الادب عايزه العريس يروح بتاكسي 😒
زينب....ياخوفي تفضلوا تناقروا في بعض كده في الفرح😂😂😂
نادر....ده انا هروقهالك اتقلي عليا بس انجري قدامي يابت يلا🤨🤨
مريم.....حاضر يا سي نادر😏
نادر...ايوه كده😂😂
نزلوا مع بعض وخرج نادر وامير حطوا حاجة مريم في العربيه وكل الشباب خرجوا حاجت البنات
روح...يلا بقى الفطار جهز والقهوه هتبرد
نادر....يلا يا حبيبتي خلاص كل حاجه جهزت.
روح....فين عروستنا
نادر...اهي وراكي تعالي يا كسفاني مش باينه من الارض😒
روح...بس ياواد دي قمر يلا يا مريومه تعالي افطري
مريم....مش قادره والله ياروح مليش نفس انا هشرب القهوه بس عشان افوق شويه منمتش كويس
روح....ملكيش نفس ده ايه يلا اقعدي افطري مفيش خروج غير لما الكل يفطر وبعدين لسه اليوم طويل هيبقى شكلك تعبان ومش هينفع تشربي قهوه انا عملالك عصير فريش❣️
نادر...تعالي يا حزينه افطري دي روح مدلعانا على الاخر وعملالك فطار من الاخر😒
مريم...مش عارفه بتتحشر فينا ليه😒
روح....عشان رخم يلا تعالي افطري❣️
قعدوا كلهم فطروا مع بعض وبعد ما خلصوا قام نادر وقف
نادر...ايه يلا يا شباب جاهزين مفيش وقت
زيد....اه يلا لسه قدامنا حجات كتير
قاسم....روح انتي هتفضلي هنا انتي والباشا صح
روح...اه طبعاً مش هينفع نروح معاكم ونسيب القصر وبعدين في ناس شغاله بره
زيد....الجارد هنا هيكونوا معاكم عشان لو حد فيهم احتاج اي حاجه
روح...متشغلوش بالكم هما اصلا قربوا يخلصوا
كاريمان....انا و زينب كمان معاها متقلقوش
زيد...تمام وان شاء الله شويه كده والميكب ارتيست هتوصل هي والمساعدين اللي معاها عشان يجهزوكم
ولو احتاجتوا اي حاجه كلميني انا والشباب هنكون عندك
روح...قولتلك متشغلش بالك يا حبيبي وبعدين ما انا قولتلكم ملهاش لزوم الميكب ارتيست دي خالص احنا كنا هنجهز نفسنا
صبا.....لا طبعاً يا روح كده احسن مش كفايه انكم مش هتكونوا معانا.
روح...ماشي يا روحي يلا خلوا بالكم من بعض واتبسطوا❣️
فيروز...مامي مش هوصيكي على فيروز هي الناني بتاعتها معاها بس خدي بالك منها
روح...روحي مع اخواتك واتبسطتي وملكيش دعوه بأي حاجه فيروز وعُدي في عيني
فيروز...ربنا يخليكي لينا يا حبيبه قلبي
روح...ويخليكوا ليا يا حبايب قلبي خدوا بالكم من العروسه وساعدوها
فيروز.....مريومه في عنينا ماتقلقيش
خرجوا الشباب كلهم ركبوا عربياتهم واتحركوا على الفندق اللي هيجهزوا فيه.
..............
بعد وقت بسيط وصلوا على الفندق وكل واحد دخل على الاوضه اللي هيجهز فيها ومريم كان ليها اوضه لوحدها خالص عشان تجهز براحتها
وصل منذر على الفندق ركن عربيته وقابل هشام صاحب امير
هشام.....منذر منذررررر
بص منذر وراه واول ما شافه ابتسم
منذر.....ايه يا اتش لسه واصل ولا ايه
هشام....اه حالاً اهو
منذر....مزعج زي صاحبك بتنادي من البلكونه😒
هشام....مانت ماشي وفاكك ودانك قولت اعلي صوتي😂😂
منذر....فاكك وداني طب ادخل قدامي يا اخويا🤨
رن موبايل منذر في الوقت ده
منذر...اهو المزعج بتاعي بيتصل اكيد هيشتم
هشام...يبقى زيد😂😂
منذر...هو بعينه 😂😂الوووو
زيد....والله كل شويه بتأكد انك واطي و مواعيدك بايظه😡
منذر....شوفت مش قولتلك هيشتم 😂😂 انا وصلت تحت خلاص طالعلكم
زيد...انت بتكلم مين🤨
منذر....ده هشام
زيد....طيب يلا اطلعوا الدور السابع هقفلك اهو
منذر....طيب طالعين اهو
خرج زيد وقف بره كان اخواته واقفين
زيد....بتهببوا ايه
سالم....كنت بشوف شمس والبنات وبطمن على فيروز
زيد...هي تعبانه ولا ايه؟
سالم...لا زي الفل بس موبايلها مكانش راضي يفتح طلع خلصان شحن فين منذر صحيح
زيد...اهو طالع هو وهشام صاحب امير
امير....الواطي بتصل بيه وقاعد يكنسل مش يرد يقول انه اتنيل وصل🤨
زيد.....هيجيبه من بره ما انت بتعمل كده يا اخويا😒
مراد....ايه ياشباب واقفين ليه كده؟
زيد...مستنين منذر وهشام
مراد...طيب ايه في حاجه ناقصه البنات
سالم...كله زي الفل مش ناقصهم حاجه متقلقش وهيبدأوا يجهزوا كمان
مراد....من الوقت دي الساعه لسه 11
سالم....عشان يلحقوا السيشن وهو النور طالع
مراد...انا هموت وانام ملحقتش انام ساعتين على بعض
قاسم...لا ياراجل انت اول ما وصلنا امبارح دخلت نمت
مراد....والله مالحقت بعد الفجر بشويه التيم بتاع التجهيزات وصل وسمعت صوت العربيات والدوشه بصيت من البلكونه لقيتهم وصلوا نزلت وقفت مع نادر وياسين وزيد
ياسين...سيبه ماهو نايم في مايه البطيخ مش حاسس بحاجه🤨
قاسم...والله ولا سمعتهم حطيت راسي وسافرت🙄
زيد...وهي جديده عليك انت بتنام ومش بتحس باي حاجه حواليك🤨
قاسم...انا واحد شقيان وابن الكلب الصغير ما بصدق انام منه
سالم...انا مش فاهم انتوا ليه مش بتخلوا مع الناني بتاعته في الاوضه
قاسم....زهره يا سيدي مش بترضى بتقولي مش ببقى مرتاحه
مراد.....صراحه عندها حق ابنكم لسه صغير
خرج منذر وهشام من الاسانسير في الوقت ده
منذر.....مبروك يا شباب 😉
زيد....عقبالك يا اخويا اتاخرت ليه🤨
امير.....انت بتكنسل ليه ياض😡
منذر.....انا اتأخرت والله ما لحقت يادوب صحيت وجهزت وجيت عليكم على طول
هشام.....وانا والله وبعدين بكنسل عشان كنت قربت
امير...وهيجرالك حاجه لو رديت😡
هشام....اه هيجرالي هحرق طاقه كتير وانا مش ناقص😒
خرج نادر من اوضته في الوقت ده وهو بيرقص وبيغني هو وجلال💃💃
نادر.....يادكتور شوفلي تصريفه ابوس ايدك اكتبلي روشته انا جوايا حته نضيفه خدها ارميها في اي حته نفسي اقطعها نفسي اقلعها زي ما بقلع الچاكته
جلال....اوووووو سطلاناا سطلاناااا لانه لانه سطلانااااا💃💃💃
منذر....بضحك اهو المجانين وصلوا😂😂😂😂 مبروك يا عرييييس
نادر....بحب حضنه وباسه عقبالك يا صاحبي
هشام.....مبروك يا نادر ربنا يتمملك بخير❣️
نادر...عقبالك انت و امير يا اتش❣️
زيد.....خارجين انتوا تغنوا وناسين ان حوالينا ناس 🤨
نادر...لا بقولك ايه انا عريس واعمل اللي انا عايزه😂😂
مراد....بقول ايه ما تيجي ننام شويه🙄
نادر....ننام ايه نامت عليكوا حيطه بقولك ايه انسى النوم خالص ايه ياعم مراد خلاص بقيت عضمه كبيره
مراد....عضمه كبيره في عينك يا واطي انا لسه شباب بس عشان نفوق شويه شارب من ساعت ما صحيت الصبح سته قهوه و مش قادر🥴
زيد....ابنك عداك ولا ايه بتشرب القهوه تنام زيه😂😂
مراد....لا والله ابني طالع لقاسم انا بس عشان ملحقتش انام من سهره امبارح وبعدين البنات بتجهز من الوقت عشان بيعملوا حجات كتير احنا اخرنا بدله ونسرح شعرنا وخلصت
نادر....عايز تفوق يبقى جيت للي هيفوقك وبعدين مين قالك ان احنا فاضين ده انا محضرلكم شويه حجات هتظبطك سونه ومساچ وجاكوزي وهندلع احلى دلع😉
مراد....صارف ومكلف يعني😉
نادر....بص هبهركوا😉
مراد....طيب وبالنسبه للمساچ بلمسه رجالي ولا حريمي
ياسين.....يا تقىىىى😂😂😂
مراد...يخربييييتك اسكت يا فضيحه
ياسين.....الله مش اعرفها جوزها بيقول ايه😂😂😂
منذر...طب ايه يلا عشان انا كمان مش حاسس بجسمي😉
نادر...يلا ادخلوا غيروا واضربوا البرانس وتعالوا معايا
زيد.....يلا يا سيدي ❣️
بعد وقت بسيط غيروا كلهم هدومهم ونزلوا على تحت في غرفه السونا
وبعد ما خلصوا سونا نزلوا في الچاكوزي مع بعض كان عباره عن چاكوزي بحجم حمام السباحه
زيد....انزل يا سيدي واقف ليه
منذر....والله عايز انزل بس مش مطمنلكم وهنا مينفعش قلة ادب خالص هنتجرس😂😂😂
ياسين...انزل متخافش 😂😂
منذر....اهو بعد متخافش دي مستحيل اثق فيك يا واطي😂😂😂
زيد....انزل يا صاحبي عيب عليك انت في حمايتي😉
منذر....حمايه مين حمايتك انت😂😂 طب حد غيرك يقولها ده انت مسلمني ليهم تسليم اهالي المره اللي فاتت يا واطي😂😂
زيد....عشان كنت مضايقني بس الوقت مش هاجي جمبك صدقني😂
هشام...استنوا بس انا مش فاهم بس حاسس ان في تغفيله مش حلوه بتحصل🙄
منذر....بضحك حط ايده على كتف هشام انا هقولك يا صاحبي😂 لو خايـ ـف على رجولتك متنزلش معاهم دي عيال متربتش
هشام....😂😂😂انتوا بتعملوا ايه لا بقول ايه انا راجل اوي🙈
مراد...اتنيل هنشوف ايه انت كمان😂
قاسم...انا لو مكانكم منزلش اخواتي وعارفهم
هشام.....😂😂😂احيه لا انا اقعد فوق اتفرج عليكم احسن
نادر....ياض يا جبان انت وهو انزلوا متخافوش وبعدين انتوا جايين هنا انهارده على شرفي يعني في حمايتي
منذر....لا ادام على شرف نادر يبقى ننزل 😂😂😂
يوسف....على شرف نادر 😂😂😂
نادر....في ايه ياض انت بتتريق ولا ايه بلاش انا ده انا الحته الشمال😒
يوسف....بضحك حبيبي 😂انا هسكت بدل ما يسيبوكم ويمسكوني انا
نادر....ايوه خليك محترم بدل ما اطلعك عل المسرح😂😂
زيد.....شايفين داوود نايم ومسترخي وسايب الكل يتكلم وهو ولا هنا
مراد.....ده رايق ده😂😂
رفع داوود راسه وهو بيضحك😂
داوود.....انتوا كلكم متربتوش اصلاً بزمتكم وقت قلة ادب الچاكوزي عامل شغل والله انزلوا واتهدوا شويه بلاش رغي🥴
جلال....بقول ايه اجبلك لمون بالنعناع يا باشا🥴
داوود....والله انت بتفهم يا واد يا جلال
جلال....اجبلك بجد
داوود...اه والله هات هينفع في الجو ده❣️
مراد....مابلاش لمون يا رجوله مع الچاكوزي مش حلو على مستقبلك😉 هاتله يا ابني كاس الاحلام بتاعي عارفه ولا ايه😉
جلال....عارفه يا معلم يا خبره😂😂😂
سالم.....وانا كمان يا جلال😉
زيد....بضحك والله انتوا دماغكم زباله😂😂😂😂
جلال...طيب انا هروح اجبلكم الويتر وانتوا قولوا طلباتكم
منذر....سيبك من الطلبات الوقت انزل ولا في قلق🤨
ياسين....ياعم انزل متقرفناش انت وهو وبعدين هنشوف ايه😒
منذر...طب انا هنزل وربنا يا ياسين لو جيت جمبي انت واخواتك لا هجرسكم🤨
قاسم.....طب انزل وانت ساكت وحط لسانك في بوقك 😂😂😂
سالم...سيبه خليه يلعب في عداد عمره ابن كاريمان😒😒
منذر....بضحك طب وسع يا اخويا انت وهو و مالكش دعوه بأمي ياض
هشام...انزل انت الاول😂😂😂
منذر...اه ياواطي وانا فار تجارب 🤨
هشام.....انت متعود يا عم انا جديد في الكار😂😂😂
امير...الهي كار تفرمك وتريحني منك انزل ياض😂😂
نزل منذر وهشام وقعدوا جمبهم جاب جلال الويتر طلبوا طلباتهم وفضلوا قاعدين يسترخوا وساكتين 😍
رفع مراد راسه🧐🧐
مراد....واد يا نادر مش محتاج درس خصوصي للليله دي 😂😂
ضحكوا كلهم على مراد وفضلوا يحفلوا على نادر.
سالم.....لو عايز درس يبقى سيبلي نفسك خالص😉
مراد....عيب عليك يبقى الخبره موجود ويروح للتلميذ🤨
نادر....والنبي اتلهي انت وهو تلاقي كل واحد فيهم مش قيماله قومه مع مراته😂😂😂😂😂😂
مراد....عيب عليك يا واطي احنا جامدين اوي🤨🤨
سالم....سيبه ماهو غلبان مش عارف حاجه اوديكي فين يا صحه 🥴
زيد....بضحك اهو انا مخافش في حياتي قد من اللي بيتكلم كتير😂😂
منذر....ايوه عارفهم انا بتوع الكلام الكتير والفعل مفيش😂😂😂😂😂
مراد.....اه انت بتحلو علينا انت وهو وحيات امي ما انا سايبكوا تعالى يا سالم🤨🤨
زيد...اللي هيقرب مني هبوظ وشه😂😂😂
قرب منهم سالم ومراد
ياسين....محتاجين مساعده يا رجاله😂
مراد...تعالى اللي هيساعدني هيبقى دراعي اليمين😂😂😂
كلهم قربوا من منذر وزيد🙈
زيد....اللي هيقرب هروقه🤨🤨
منذر...يارتني ما نزلت كنت حاسس بالغدر والله الحقني يا زيد
زيد...اتنيل مش لما الحق نفسي😂😂
هشام.....انا هطلع بكرامتي
مراد...امسك الواد ده يا قاسم🤨
قفشه قاسم ولف دراعه على رقبته
قاسم...خد يالا رايح فين
هشام.....لا ياعم قاسم عيب عليك انا بحبك😂😂😂😂
قاسم.....مش بأيدي يا اتش الحكومه امرت😂😂😂
هشام....الحقني يا أمير😂😂😂
امير.....مليش دعوه كان لازم تطول لسانك😂😂😂
سالم....مسك زيد اخلع ياض لا أشقك🤨
زيد....بضحك عيب عليك خليك محترم
مراد...انت بتاخد اذنه يا اهبل🤨
زيد....ايه يا كبير عيب الهيبه تروح😂😂
مراد....مش احنا كلام كتير وفعل مفيش هوريك الفعل ياروح امك😉
زيد.....ياباشا ده هزار انت رجوله والكل شاهد😂😂😂😂
ياسين.....ايه ياباشا اتعامل ولا هتعفي عن الواطي ده🤨
منذر....ياض انا حبيبك🥴
داوود....خلاص يا مراد سيبهم عيال وغلطت يا كبير
مراد....😒😒😒عشان خاطرك بس يا داوود
زيد....حبيبي يا داوود😉
فضلوا يهزروا و يضحكوا وبعد وقت بسيط خلصوا الچاكوزي ودخلوا على غرفه المساچ الخاصه بالعرسان جو هادي وموسيقه رايقه وشموع واخر روقان وبدأوا جلسه المساچ كلهم كانوا محتاجين اليوم ده اوي لانهم مطحونين في الشغل ديماً ومفيش اي فرصه يعملوا فيها كل الحجات دي وقتهم للشغل والرياضه وبس❣️
خلصوا وطلعوا على اوضهم كان لسه فاضل حوالي اربع ساعات بحالهم الكل جاهز ومفيش اي حاجه وراهم طلبوا الغداء وبعتوا الغداء للبنات كمان وبعد ما كلوا كل واحد فيهم نام على سريره شويه
منذر وزيد كانوا مع بعض في نفس الاوضه.
منذر....بقولك ايه؟
زيد....هااا
منذر....انا عايز انام شويه ومقلق من اخواتك🙄
زيد....بضحك لا متخافش نام وبطل رغي بعد المساچ كله طالع مش شايف قدامه
منذر....طيب اظبط المنبه احسن تروح علينا نومه
زيد...هي ساعه ولا ساعه ونص ونقوم عشان نجهز
منذر....ماشي❣️
.............
في غرفه مريم كانت لسه بتعمل الميكب اب ولابسه روب ستان ابيض قصير دخلت عليها ليلى هي وزهره
ليلى....يا مريومه ايه القمر ده
مريم....بجد شكلي حلو🥺
ليلى....زي القمر والله انتي مش شايفه نفسك ولا ايه
الميكب ارتست...لا انا لسه مخلتهاش تشوف عملالها مفجأه😂
زهره....زي القمر والله انتي هتتفاجئي😍
مريم...قمر ايه وبتاع ايه اروح فين انا في المزز اللي واقفه قدامي دي😍
ليلى....بضحك والله انتي اللي موزه ونادر هيتجنن لما يشوفك 😍
زهره...ولسه لما تلبس الفستان هيتهبل😉
مريم....هو فين صحيح هو والشباب مش طالعلهم صوت ليه🤨
زهره....ابداً نايمين😂😂
مريم....نهار اسود ومنيل نايمين ايه 😳
ليلى....نزلوا ظبطوا نفسهم سونا وچاكوزي ومساچ وطلعوا مش قادرين
مريم.....ومقاليش ليه طب لما اشوفك يا نادر😒
زهره.....سايبك براحتك يا عروسه😍
مريم....طيب البنات فين هما كمان
ليلى....هما كمان بيجهزوا متقلقيش
مريم....عايزه اشوفهم اوي😍
زهره....كلهم زي القمر الوقت تشوفيهم
مريم...ماشي طيب يلا روحوا كملوا عشان متتأخروش❣️
ليلى....طيب انتي مش محتاجه حاجه روح موصيانا عليكي قد كده😂
مريم....ياروحي على روح كل شويه تكلمني والله ربنا ما يحرمني منها ولا منكم انا زي الفل يلا روحوا انتوا بقى
زهره....طيب اتغديتي ولا لا❣️
مريم....اه كلت انا والبنات متقلقيش
زهره....تسلم ايديكم يا بنات مش هنوصيكم طبعاً على العروسه
الميكب ارتست.....دي في عنينا متقلقيش هتبقى احلى عروسه في الدنيا❣️
ليلى....اكيد طبعاً تسلم ايديكم يارب❣️
زهره....يلا لو احتاجتي حاجه رني علينا ماشي
مريم....ماشي يا زهره😘😘😘
.............
في غرفه صبا وفيروز.
فيروز.....يعني ايه مش فاهمه يا صبا
صبا....يعني أسألي قلبك يا فيروز بصي مش هكدب عليكي زيد موصيني اتكلم معاكي كتير جداً بس بصراحه بعيداً عن كلام زيد خالص انا هقولك على اللي شيفاه وحساه صدقيني يا فيروز منذر بجد باين عليه اوي انه بيحبك يمكن قبل كده مشوفتش ده لاني مكنتش اتوقع انه بيحبك بس لما زيد قاللي وركزت مع كل تصرفاته منذر مش بس بيحبك ده بيعشقك يا فيروز صدقيني نظرته ليكي كلها حب فرحته بفيروز متتقدرش بتمن مش اي راجل يا فيروز ممكن يحب طفل ويتعلق بيه وهو مش ابنه ودي اكتر حاجه تطمنك
فيروز....بس متنسيش ان في النهايه هو عمها اكيد بيحبها
صبا....طبعاً بس اللي اقصده يا فيروز ان حتى حب منذر لفيروز مش حب عم لبنت اخوه فيروز طاير بيها كأنها بنته يابت يا عبيطه ده سماها على اسمك ❣️
فيروز...بابتسامه جميله طيب اعمل ايه الوقت
صبا....ولا اي حاجه انتي كل اللي عليكي سيبي نفسك يا فيروز واكيد منذر عليه الباقي كله والاهم خدي قرار وبلغي زيد
فيروز.....مش عارفه يا صبا متلغبطه اوي
صبا....طيب قوليلي انتي شعورك ايه من ناحيه منذر ؟
فيروز....مش هكدب عليكي يا صبا يمكن انا مبسوطه ومرتاحه اوي مش هقولك اني بحبه او حبيته منذر من البدايه خالص ليه غلاوه في قلبي بس كانت غلاوه تشبه غلاوه اخواتي وكمان كنت بحسه صديق جدع بس من بعد كلام زيد معايا خلاني ركزت اكتر معاه ولفت نظري كل تصرفاته معايا محبتهوش الحب اللي المفروض احبهوله بس كمان حاسه ان غلاوته عندي اتغيرت مبقتش شيفاه اخ او صديق بس يعني تقدري تقولي كده اني عامله زي اللي متقدملها عريس وهي مرتحاله اوي وبتهيأ نفسها للحياه معاه
صبا...طيب دي خطوه حلوه اوي معنى كده انك موافقه عليه
فيروز....يمكن اه بس حاسه اني لسه محبتهوش يا صبا يعني اقصد حب ست لراجل فهماني يا صبا
صبا....فهماكي ومش هقولك انك غلط بالعكس انتي صح جداً لان مش في يوم وليله هتحبيه وحتى لو انتي عارفه انه بيعشقك مش هتقدري تبادليه نفس الشعور بالسرعه دي فيروز احنا مشاعرنا مش زرار بندوس عليه فا بسرعه نقدر نحب الشخص اللي قدامنا عشان بس عرفنا انه بيحبنا احنا كا ستات عشان نحب لازم نشوف بعنينا حجات كتير اوي ويمكن لو انتي مكنتيش شوفتي شويه من الحجات دي عند منذر مكنتيش بدأتي تغيري نظرتك ليه وغلاوته عندك تتغير
فيروز....بالظبط هو ده اللي عايزه اقوله منذر كا شخص ممكن يتقدملي واكمل معاه حياتي انا موافقه عليه وشيفاه مناسب لظروفي جداً وعارفه ان بنتي معاه هتكون في امان بس كمان محتاجه ادي نفسي فرصه احبه مينفعش اتجوزه عشان انا شيفاه مناسب ليا ولبنتي منذر من كلام زيد تعب واتعـ ـذب كتير حبني لدرجه متتوصفش فا اظن من حقه عليا اني ابادله نفس الشعور عشان اعوضه فهماني يا صبا.
صبا....بحب فهماكي وعلى فكره انتي بتفكري صح اوي بس انا عندي سؤال ليكي بس مش عيزاكي تضايقي
فيروز....أسالي طبعاً؟
صبا.....انتي لسه بتحبي حسام ؟
فيروز...بابتسامه بسيطه عارفه يا صبا يوم ما واجهت حسام بكل اللي اعرفه فضلت قبلها بكام يوم مستعده لليوم ده ومش هكدب عليكي وقتها كنت مضايقه جداً منه وغضبانه ويوم ما قولت كل اللي عندي واطلقت اتوجعت اوي يمكن عملت نفسي جامده وكويسه قدام الكل وخصوصاً عشان مبوظش فرحه داوود وليلى بس انا من جوايا كان في نار وكنت بالرغم من اللي عمله فيا كنت لسه بحبه ولما عرفت انه اتقـ ـتل اتوجعت وجـ ـع محدش يقدر يحسه كان نفسي اصـ ـرخ واعيط اصل مهما كان اللي بتحبيه اذاكي عمرك ما هتقدري تكرهيه بالسرعه دي حتى لو حاولتي تثبتي للناس كلها عكس كده مش هتقدري تكدبي على نفسك اه مضايقه منه ومش طيقاه ومش عيزاه يكون في حياتي بس كمان مكنتش اتمنى يحصله كده بس صدقيني يا صبا مع الوقت قدرت اتخطى كل ده يمكن لحد الوقت زعلانه عشانه بس كمان مبقتش احبه او بمعنى اصح حبه خرج من قلبي لدرجه اني لما بفتكر اللي عمله معايا مبقتش ازعل تقدري تقولي كده اني لا بقيت زعلانه منه ولا زعلانه على حبه انا لو زعلانه بجد فا زعلانه عشان بنتي اتولدت من غير اب زعلانه عليه يعني حسام كان لسه صغير ضيع نفسه زعلانه على العشره وعلى وجـ ـع منذر وطنط كاريمان عليه بردوا اللي شافوا ومروا بيه مش سهل مش سهل خالص انه يروح قدام عينهم لكن حب صدقيني لا مبقاش موجود كل الحكايه اني عايزه ابادل منذر نفس الشعور مش عيزاه يكون بيحبني بالشكل ده وانا اوافق بس عليه عشان هو شخص مناسب
صبا.....وطول ما انتي بتفكري بالشكل ده يبقى انتي صح كونك انك خايـ ـفه على مشاعره وبتفكري ازاي تقدميله اللي هو يستاهله صدقيني واثقه ان ربنا هيكرمك اوي يا فيروز وهيعوضك خير يا حبيبتي سيبي نفسك بس وانا واثقه انك هتحبي منذر اكتر ما هو بيحبك وبعدين افعاله ليكي وازاي عايز يخليكي مبسوطه طول الوقت هي اللي هتخليكي تتعلقي بيه اكتر وبكره تقولي صبا قالت😉
فيروز...يارب يا صبا❣️
.................
عدى الوقت بسرعه الكل جهز في أوضته نادر جهز هو كمان و أخواته مكانوش سايبينه البنات كمان جهزوا
ومريم خلصت كل حاجه وفضلت قاعده مستنيه نادر يجي ياخدها.
ملك....يالهوي على القمر بتاعتنا😍
شمس.....بت يا مريم شكلك حلو اوي ابوس ايدك انسي جعفر اللي جواكي انهارده مش هيبقى ماشي مع الحلاوه دي خالص😂😂
مريم.....نادر هو اللي بيطلع جعفر اللي جوايا😂😂😂
شمس....لا تنسيه خالص جعفر ده انهارده😂😂
مريم....بجد شكلي حلو يابنات🙈
خلود.....والله قمر قمر قمر احلى عروسه في الدنيا والفستان قمر😍
تقى....ده كله كوم والفستان ده كوم تاني😍
مريم...قصدك ايه الفستان احلى😒
تقى...نهار اسود ومنيل جعفر ظهر ليه يابت انتي مفروغ من جمالك بس بدي رأيي في الفستان😂😂😂
مريم....بحسب😒🔪🔪
صبا...اعوذ بالله متشرده😂😂😂
مريم...بضحك بس قمر صح🙈😍
صبا....اه والله شكلك يجنن يخربيت الحلاوه🙈🙈🙈🙈
فرح....طيب ايه رايكم فيا شكلي حلو
فيروز.....قمر طبعاً ❣️
مريم....بصراحه كلكم شكلكم حلو اوي 😍
ميار.....بس مفيش احلى منك يا قمر 😍
مريم...يالهوي ياناس على الحلاوه 😘😘 وفي لحظه قلبت هو فين سي نادر ده كمان مش هنلحق نتصور😡
شمس....خدوا ساتر جعفر حضر😂😂
ليلى....جايين خلاص يا جعفر😂😂
مريم....انسوا جعفر ده واحترموني شويه انا عروسه😒🔪
زهره....مش لما تنسيه انتي الاول😂
خبط الباب في الوقت ده
مريم....نهار اسود نادر جه🙆♀️🙆♀️
صبا.....اسود ليه يا مفتريه 😂😂 افتحوا يابنات
فتحت زهره كان مراد واقف هو والشباب ونادر واقف على جنب
مراد.....اوبااااا يانهار قمراااات لا براحه عليا انا قلبي ضعيف يا ناس
زهره.....😂😂 تعالى يا بتاع البنات
مراد....ايه ده مين القمر اللي واقفه دي😉
مريم.....حبيبي يا مراد انت اللي قمر وربنا وبعدين بتعاكس ومراتك واقفه مش مكفياك اللي فاضلها اتنين فولت وتنور دي😒😒🔪
مراد....بضحك يالهوي ده انتي الواحد ميعملش فيكي جميله بتوقعي بيني وبين مراتي يا جعفر 😂😂😂
مريم...معلش يا تقى هو كل الرجاله كده ملهمش امان😒🔪
مراد....بجبر بخاطرك يا جعفر انا غلطان 😂😂😂😂 يلا تعالي عشان الفريست لوك 😉
مريم....ماتزغرطوا ولا اعملوا اي حاجه انتوا جايين فرح كلبه محروقه😒🔪
ضحكوا البنات كلهم عليا وفطسوا من الضحك هما والشباب
نادر....من بره اخلصي يا متشرده وربنا هدخل😂😂😂
مريم....خارجه اهو يا سي نادر😂😂
مسك مراد ايدها وخرج بيها بعد ما نادر نزل وسبق ووراهم الشباب والبنات
نزلوا تحت وقف نادر واداها ضهره
الشباب كلهم كانوا واقفين هما والبنات وراء خالص وقدامهم مريم قلبها بيدق جامد وطايره من السعاده.
المصور....يلاااا قربي يا عروسه.
مشيت مريم كام خطوه الفستان كان تقيل عليها
المصور....ايه ياعروسه رجعتي في كلامك ولا ايه يلا
مريم....لا واحده واحده عليا انا مش عارفه امشي بالفستان 😒🔪
نادر....اهدي يا جعفر😂😂
المصور....حقك علينا يا عروسه بس عايزين نلحق الغروب😂😂
مريم....انا بمشي والله بس تحسني واقفه في مكاني 😂😂
قربت مريم اكتر من نادر ووقفت وراء ضهره وحطت ايدها بهدوء على كتف نادر.
المصور.....نلف براحه يا عريس🧐
نادر....براحه زي مشية مريم كده😂
المصور....اه عايز تناكه خليك سي السيد في نفسك وانت بتلف😂😂
مريم....لا بقولك ايه هتعمل فيها سي السيد هعمل فيها امينه لف ومتسمعش كلامه😒
المصور....لف بسرعه بدل ما نتضرب 😂😂😂😂
لف نادر براحه واول ماشافها اتصدم كانت حقيقي زي القمر
نادر....بصدمه يانهار اسود ومنيل ايه يابت الحلاوه دي😂🙈🙈🙈
مريم....بضحك لاحظ ان كلامك جارح يا سي نادر
نادر....بضحك تعالي في حضني يا بت يا خربيت حلاوتك😂😂😂
حضنها نادر وشالها وهو بيلف بيها وسط ضحكهم كلهم
زيد....جوز مصايب والله😂😂😂
جلال....حله ولقت غطاها😂😂😂
ياسين....والله كنت هقول كده بس خايـ ـف من لسانها😂😂😂
مريم....سمعتك يا جلال😒🔪
بدأ المصور يصورهم مع بعض صور جميله
المصور.....قرب منها ياعريس وانتي ياعروسه اضحكي بس عايز ضحكه بجد اعتبريه بيقولك نكته😉
مريم....هيبقى شكلي فيك اوي 🙄
المصرو...ايه ياعريس مش عارف تضحكها🤨
قرب نادر من ودنها
نادر....ايه اللي عملاه في نفسك ده يابنت صندوق كنتي مخبيه الحلاوه دي كلها فين
مريم....يعني شكلي حلو🙈
نادر.....حلو ده الميكب ارتست شكلها قتـ ـلت جعفر
ضحكت مريم بصوت عالي ومالت بضهرها لوراء
المصور.....هو ده😉😂😂😂😂
لقط الصوره وطلعت طبيعيه جدا.
كملوا باقي التصوير وبعدين بدأوا يتحركوا
قربت عربيه لاموزين تبع الفندق مجهزه للافراح
نادر....يابت امشي كده شويه هقعد فين🤨
مريم....انا لازقه في الباب اروح فين😒
نادر....طب هقعد فين😂🙈🙈
مريم....اقعد قدام جمب السواق
نادر....ابقى صارف ومكلف وفي الاخر اترمي جمب السواق يابنت صندوق😂
زهره...ادخل احشر نفسك على طول واقعد جمبها وخلاص😂😂
نادر....معانا يارررب😂😂😂
ركبوا كلهم العربيات فرح كانت مع امير ومنذر خد فيروز معاه بسرعه قبل ما زيد يقفشه.
بس طبعاً زيد كان واخد باله وضحك هو وصبا وركبوا
قاسم خد زهره وجنه معاه
واتحركوا كلهم على القصر
بعد وقت بسيط وصلوا كلهم على القصر بقت العربيات تدخل وراء بعض هشام وامير وجلال وياسين ويوسف بقوا يولعوا في الشماريخ والصورايخ اللي معاهم
المعازيم كانوا وصلوا كلهم
روح وراجح وزينب وكاريمان كانوا واقفين في استقبالهم الفرحه مرسومه على وشهم وخصوصا زينب اللي اول ما شافت مريم دموعها نزلت بفرحه🥺
سلموا عليهم وبسرعه قبل اي احتفالي بداوا كتب الكتاب في اجواء كلها فرحه وسعاده وبعد ما خلص المأذون خطف منذر المنديل قبل ياسين
منذر....عيب عليك انت متجوز🤨
ياسين...بضحك مبروك عليك يا عريسنا يا منتظر😂😂😂
لبسها نادر الخاتم وهي لبسته الدبله وبدأت رقصتهم الاولى مع بعض
وبعد الرقصه طلب الدي چي من مريم تقف عشان تحدف البوكيه وطلب من البنات كلهم يقربوا من البيست
وقفت مريم وبدأ العد التنازلي البنات كلهم كانوا واقفين وراها ومستعدين يلقطوا البوكيه منها واول ما مريم جات تحدفه وقف زيد قدام البنات ومع حدف مريم للبوكيه مسكه الكل اتصدم وفضلوا يضحكوا عليه🙈
قرب زيد من فيروز بحب وراح اداهولها وباس راسها
فيروز...بإحراج بتعمل ايه يا مجنون🙈
زيد...بضحكه جميله قرب من ودنها مينفعش يعني هو ياخد المنديل والبوكيه ميبقاش ليكي ميبقاش فال حلو ولا ايه😉❣️
ضحكت فيروز وحضنته بحب وبعد كده بصت من بعيد على منذر
لاقيته واقف بعيد باصص عليها ومبتسم ونظراته كلها حب❣️
بدأ الاحتفال وكانت اول اغنيه من اختيار مريم (( مخصماك)) وقف البنات جمبها والشباب جمب نادر.
مريم....🤨 انت لو كنت بتهتم انت لو كان عندك دم انت لو بتحس ياعم هتعرف ايه اللي مزعلني انت لو كنت بتهتم وماليه عينك كنت هتتلم ما انت لو كنت بتفهم متزعلنيش ودلعني مخصمااااك😉💃
نادر...بضحك انت تزعل بلد يا جعفر😂
وبداوا يرقصوا ويتجننوا على انغام الاغنيه والبنات تردد معاها الاغنيه وسط اجواء جميله رقصوا بعد كده على كذا اغنيه وبعدين قعدوا شويه يرتاحوا.
زينب....يافرحه قلبي بيكي يا بنتي 🥺
مريم...لا بقولك ايه بلاش عياط والنبي هعيط وهبهدل الدنيا🥺
نادر...الميكب ده بيتعمل من الضهر يا داده الله يباركلك وصارف دم قلبي😂
زينب....بضحك لا خلاص مش هعيط بس بجد شكلكم حلو اوي ربنا يسعدكم
نادر...ويخليكي لينا يا حبيبتي ❣️
اتصورت معاهم وبعدين نزلت وطلعت روح حضنتهم وكانت طايره من السعاده فضلت متعلقه في حضن نادر
روح....زي القمر يا حبيبي كنت عارفه انك هتبقى حلو في البدله 🥺
نادر.....انتي اللي قمر يا روح ❣️
روح ...القمر اللي بجد واقفه جمبك ❣️
مريم....حبيبه قلبي يا احلى روح ❣️
روح.....انا صحيح عارفه انكم بتحبوا بعض ومش محتاجين اي توصيه مني بس لازم بردوا اقولكم خليكوا زي ما انتوا مجانين وكلكم طاقه اوعوا تزعلوا بعض خليكوا على طول كده ❣️
نادر....متقلقيش يا حبيبتي مش محتاج توصيه
مريم.....متقلقيش عليه ياروح عمري ما هزعله❣️
روح...ربنا يسعدكم يا حبايبي
نادر....طيب يلا نتصور بقى ❣️
روح...يلا😍😍 وقفت في وسطهم وبعدين طلع راجح جمبهم اتصور وباركلهم بحب وفرحه
راجح....باضتلك في القفص يا ابن المحظوظه واتجوزت قمر❣️
نادر.....انت طالع تعاكس ولا ايه ياباشا🤨
راجح...اه عندك مانع🤨
نادر....انا اقدر 😂😂😂
حضنته مريم بحب وبعدين كملوا فرحتهم.
جلال.....مالك قاعده بتلفي وتدوري ليه يا حزينه😂😂😂
ميار.....اعوذ بالله هما بيطلعوا امته 😂😂😂😂
جلال.....انتي ضايع منك حاجه ولا ايه😂😂😂😂
ميار.....فيك من يكتم السر🙄
جلال...في بير والبير مخروم😂😂
ميار....طيب ضمنا فضيحه بس ماعلينا بقولك ايه انا همـ ـوت من الجوع🙄
جلال....اه يا طفسه😂😂😂
ميار....اعمل ايه طيب الرقص جوعني اوي🥺🥺🥺
جلال.....بابتسامه طيب تعالي نروح ناكل😉😉 مدلها ايدها
ابتسمت ميار ومسكت ايده وراحت معاه على البوفيه❣️
في الوقت ده وصلت والدت هشام.
هشام.....في الموبايل انا اهو شيفاني
رباب....اه خلاص شوفتك.
قرب منها هشام باسها
هشام....ايه الحلاوه دي يارباب🤨
رباب....طول عمري قمر يا واد😒
هشام....ابوه بس انهارده حلوه بزياده خايـ ـف انا حد يعاكسك😉
رباب....ياواد بطل بكش وامسكني بدل ما اقع🤨 يلا وديني اسلم على العرسان
هشام....تعالي طيب معايا سلمي على روح وبعدين باركي للعريس وللعروسه
قربوا من روح
هشام....روح ياروح.
لفت روح وشافت رباب هي تعرفها بس هما مش صحاب اوي.
روح....ايه ده اهلا اهلا ازيك يارباب
باستها رباب وسلمت عليها.
رباب....الحمد لله الف مبروك يا روح
روح....الله يبارك فيكي يا حبيبتي عقبال هشام يارب.
رباب....في حياتك ياروح.
روح....معقول ما نشوفش بعض كده غير في المناسبات.
رباب....حقك عليا انا عارفه اني مقصره والله بس انتي عارفه بقى ضغوط الحياه.
روح....هتتعوض اكيد ان شاء الله
رباب....ان شاء الله ياحبيبتي عايزه ابارك للعرسان.
روح....تعالي يلا
راحوا على نادر ومريم.
نادر...اهلا اهلا رباب هانم منوره الدنيا.
رباب....اهلا بأحلى عريس الف مبروك يا نادر
نادر...الله يبارك فيكي بجد مبسوط انك جيتي مريم دي رباب هانم والدت هشام صاحب امير
هشام....بضحك امي😉
مريم....اهلا بحضرتك نورتي.
رباب....ايه القمر دي يا نادر
نادر....ايه رايك كنت مخبيها😉
رباب....ليك حق زي القمر ربنا يتتم بخير يا حبيبتي
مريم....ميرسي جداً لحضرتك ده من ذوقك والله
رباب....دي هديه بسيطه ياعروسه يارب تعجبك.
مريم...تعبتي نفسك ليه بس كفايه وجودك والله❣️
رباب....تعب ايه بس دي حاجه بسيطه مبروك يا حبايبي.
نادر...مريم....الله يبارك فيكي
نادر....طب ايه نتصور مع بعض.
رباب....طبعاً❣️
وقف هشام جمبهم واتصوروا وبعد كده نزلت.
روح....تعبتي نفسك ليه بس يارباب
رباب...تعب ايه بس دي حاجه بسيطه والله.
روح.....طيب تعالي يلا اقعدي .
امير....ايه ده ربااااب
رباب....حبيبي ❣️❣️عقبالك ياامير
امير....حبيبتي ياروبي ايه القمر ده بس😉😉😉
هشام...امي😂
امير....والله دي اوحش حاجه عملتها انها جابتك وبعدين امك ايه دي اختك الصغيره😉😂😂😂
رباب...شايفه العيال البكاشين😂😂
روح.....لا والله عندهم حق ❣️
مراد....اهلا اهلا نورتي الدنيا يا رباب هانم
رباب.....ده نورك يا مراد باشا والله انت وعروستنا القمر.
تقى....حبيتيي عامله ايه نورتي
رباب ...الحمد لله
مراد....تعالوا يلا اقعدوا.
................
الاحتفال فضل مستمر والكل بيرقص وفرحان.
في الوقت ده جه تليفون لهشام.
هشام....ايه انتي فين؟
انا خلاص على الباب ايه ادخل
هشام...انتي لسه بتسألي يلا انتي متأخره
طيب انا جايه خلاص اقفل بس خليك واقف
هشام...يلا انا عيني على الباب عايزك تسرعيهم ماشي
😂😂😂ماشي امير وجلال جمبك
هشام....قدامي اهو مستنين المفجأه
اوعي تكون قولتلهم حاجه
هشام....لا والله ما قولتش هما توقعوا كل حاجه تقريباً الا انك تيجي😂😂
طيب اقفل انا دخلت خلاص
هشام ....شوفتك انا اهو شيفاني
اه شوفتك خلاص بس اوعى تخليهم يبصوا
هشام....ماشي يلا باي.
امير.....انت ياعم زفت بتكلم مين
جلال....اكيد الجو😉
هشام.....جو ايه انت كمان اتنيل بقولك انت وهو بصوا هناك كده عشان المفجأه جايه.
امير....مش عارف ليه انا مقلق منك🤨
هشام....ياعم هخطفك يعني انجز😒
ايه يابنات ساعدوني شويه المفجأه هتبوظ
جنه....ماتخلص انت وهو هيخطفكم صحيح🙄
هشام...قوليلهم والنبي😒
فرح...دول مش وش مفاجئات 😂😂😂
هشام...اه والله انا غلط يلا انجز انت وهو.
وقف امير وجلال وادوهم ضهرهم
هشام شاور من بعيد لرهف قربت عليهم
فرح شافتها وضحكت لانها عرفاها🙈
هشام....ايه جاهزين🤨
امير...اخلص يا سي زفت
هشام....لفوا مع بعض يلا
لف امير وجلال واول ما شافوا رهف اتصدموا😳😳
رهف.....surprise😍😍😍😍
امير....رهف يخربيييييتك🙈🙈
جلال....ايه ده طب ازاي 😳😳
رهف....طب بذمتك مش مفاجأه حلوه😂😂😂😂
امير....يخرب بيت عقلك سلم عليها امير وهو لسه مصدوم وبعدين بص لهشام تصدق ياض انت سوسه😂🙈🙈
هشام...ايه رأيك بقى كنت مقلق مني انت صح
امير...اه والله العظيم مكنتش مطمنله بس مكنتش اعرف ان المفجاه حلوه اوي كده
رهف....اي خدمه انا اللي قولتله ميقولش ازيك يا فروحه 😍
فرح...الحمد لله بجد المفجأه حلوه اوي
رهف....مبروك هشام قاللي ان في اخبار حلوه كده😉
امير....ايه رايك مش انتي لوحدك اللي بتعملي مفجأه😉
رهف.....حلوه اوي طبعا وبجد فرحت اوي مبروك
فرح...الله يبارك فيكي
رهف...بضحك انت هتفضل باصص كده ومصدوم مش هتسلم عليا
جلال....😳😳 انا مصدوم بجد يخربيت عقلك وحشتيني يا مصيبه حياتي🙈🙈🙈
قرب منها جلال وسلم عليها
ميار كانت واقفه مبتسمه بس من جواها حاسه بغيره🔥
امير.....انتي لسه واصله انهارده ولا ايه
رهف...انهارده ايه انا واصله بقالي اسبوع😂😂😂
امير...اه يا هشام الكلب🤨 اسبوع ومتقولش
هشام....انا مالي هي اللي قالتلي والله😂😂😂
رهف...انا مستنيه اليوم ده عشان اعملكم مفجأه 😂😂😂
امير...بس بجد احلى مفجأه والله
رهف...وحشتوني يا ولاد ايه ونفسي اقعد معاكم ونحكي كتير
امير.....اكيد طبعا هنحكي كتير
جلال....بقولك ايه انتي بكره معانا بردوا سبوع بنت فيروز اختي فيروز الصغيره بس احنا عاملينها مفجأه هي متعرفش
رهف...انا معاكم في اي حاجه خلاص بقيت لاجئه هنا
جلال...انتي مش مسافره تاني صح قولي اه بقى 😒
رهف....اه يا سيدي خلاص نزلنا ومش مسافرين تاني قاعده على قلبكم😍
جلال...احلى قاعده دي ولا ايه يلا تعالي خدها جلال من ايدها وراحوا مع بعض يرقصوا
فضلت ميار واقفه لوحدها حست فجأه انها بتتخنق نفسها بيعلى ويهبط وراء بعض 🥺🥺🥺 وماسكه دموعها بالعافيه.
وللحديث بقيه.....