#ملحمه
#مملكه_الطوبجي_1
#أحفاد_الطوبجي_2
#أميره_أسامه
#صاحبه_البطل_الواحد
البارت الرابع
.......................
في غروب اليوم التالي.
نزل البنات من غرفهم على تحت
كان في أنتظارهم أمير وجلال
ملك.....ايه الحلاوه دي يا بنات
فرح....انتي اللي قمر يا ملوكه😍
جنه....صحيح انتي متشيكه كده انتي وياسين رايحين على فين🧐
ملك....بضحك أبداً خارجين هنتعشى بره ونسهر مع بعض شويه او بمعنى اصح هخطفه😍
جنه...الله الله ده طلع الجواز حلو وانا اللي كنت مفكره ان الحجات دي بتبقى قبل الجواز بس😂😂😂
فرح....وانتي أيش فهمك اصلا في الحب و الحجات الحلوه دي😍
ملك....طول مافي حب واحترام وتفاهم الدنيا هتفضل حلوه واحلى حاجه ان العلاقه يكون فيها حياه على طول وميبقاش فيها روتين وبعدين مالها بس يا فروحه ماهي قمر اهي وبعدين مين قال انها مش فاهمه في الحب❣️
جنه...قوليلها والنبي احسن هي على طول فكراني معنديش قلب🤨
فرح.....طيب ما دي حقيقه😂😂 انتي دراستك وحلمك واخدين كل وقتك هو حلو ان الواحد يركز على احلامه بس لازم يكون في حب في حياته مش كل حاجه بالقلم والمسطره
ملك....اكيد بس بيتهيألي جنه لسه بردوا صغيره لسه قدامها حياه طويله وبعدين متقلقيش يوم ما الحب يدق قلبها لا هتعرف قلم ولا مسطره ولا حتى هتفكر في سنها
جنه....والله ده اللي بحاول افهمهولها هي ديماً حاسه اني جد زياده عن اللزوم بس كل الحكايه اني فعلاً مركزه على حلمي شايفه اني لسه فعلاً صغيره ومش لازم استعجل على كل الخطوات دي في حياتي والاهم ان اكيد مفيش شخص مناسب ادخله حياتي كل اللي اعرفهم زمايلي ودول لسه طلبه بياخدوا مصروف محدش فيهم معتمد على نفسه وده مش صح ولا ايه🙄
فرح.....في دي عندك حق
ملك.....على فكره انتي بجد تفكيرك حلو اوي وعجباني شخصيتك حلو اوي ان الواحد يكون متصالح مع نفسه عارف هو عايز ايه والاهم انتي فعلا لسه صغيره مش صح خالص انك تستعجلي كل الحجات دي هتعدي عليها و هتعيشيها هتحبي و تتحبي و هتفرحي بس كل حاجه في وقتها بتبقى حلوه
ياريت كل البنات بتفكر بالشكل ده مكانش حد وقع في غلطات كتير
ميار....قصدك ايه ياست ملك اننا مجانين🤨🤨
ملك....بضحك هو حاليا انتي عاقله يمكن قبل كده كنتي مجنونه لما حبيتي شخص ميستاهلكيش بس انا كمان عارفه ان الحب اوقات بيخلي البنت متبقاش شايفه قدامها الحب ده عامل زي الحفره اللي بيقع فيها يا اما يقع واقف يا اما يقع ويتعور في اللي بيعرف يخرج من الحفره سليم وفي اللي بيفضل عايش جواها طول عمره يمكن انتي قدرتي تخرجي وخرجتي سليمه واظن ده كان درس ليكي ودي اهم حاجه انك تتعلمي من غلطاتك واظن انتي اتعلمتي
جنه....بضحك ياعني ايه مبقتش فاكره نجرب ونتعلم و لا نبعد ونخلينا في الامان
ملك....بضحك هي معادله صعبه للاسف يا جنه الحياه عموما تجربه كل موقف فيها اصعب من التاني بيبقى قدامنا اختيارين يا نجرب ونشوف حظنا يا نخلينا بعيد بس انا عن نفسي مش بفضل الاختيار التاني بشوف ديماً ان المواقف اللي بتوجـ ـع بتخلي البني ادم يتعلم اكتر ويبقى أقوى ماهو انا مش هقدر اختار صح إلا لو جربت و أتوجـ ـعت بعدها اختياراتي بتبقى صح اكتر دروس الحياه للاسف مش بنتعلمها في مدارس دي بتبقى بناءاً على خبرات وتجارب الحياه كلها عموماً عباره عن مجازفه فاهمين يا بنات بس بردوا انا عند رأيي كل حاجه في وقتها حلوه
فرح.....معاكي حق وكلامك جميل يا ملك
ملك...على فكره انتي بعيد عن كلامي ده يعني انتي و أمير مختلفين شويه في الاول والاخر انتوا ولاد عم هو بيخـ ـاف عليكي وانتي بتخـ ـافي عليه حبكم صادق وكمان مهما كان سنكم صغير بس انتوا عيشتوا كتير مع بعض لحد ما اعترفتوا بالحب ده و اتأكدتوا من مشاعركم لبعض يعني عارفين انتوا عايزين ايه كويس❣️
قرب منهم ياسين.
ياسين.....ايه رجعتي في كلامك ولا ايه مش هنخرج بقى🤨
ملك.....لا خلاص انا مستنياك يا حبيبي
ياسين.....انا جاهز خلاص كنت واقف بره مع زيد وصبا ولقيتك مخرجتيش
ملك....انا خلاص جاهزه انا كمان يلا بينا
ياسين....يلا بس ايه القمر ده والبنات الحلوه دي😉
جنه....ايه رأيك😉
ياسين.....اربع قمرات دي عايزه كلام❣️ يلا خلصوا امير وجلال مستنينكم
فرح...طيب يلا يا حبيبي احنا كمان جاهزين❣️
خرجوا كلهم مع بعض ركب ياسين وملك ومشيوا
وركب البنات مع أمير وجلال وخرجوا هما كمان.
...................
في غرفه فيروز.
بصت زهره وليلى لبعض وكتموا ضحكهم🙄🤭🤭
فيروز.....انا نفسي اعرف انتي وهي بتضحكوا على ايه😡😡
زهره وليلى مقدروش يكتموا ضحكتهم اكتر من كده وفضلوا يضحكوا بصوت عالي
روح....بضحك انتي مالك ومالهم ماتسبيهم يضحكوا😂😂
فيروز.....طبعاً وانتي خسرانه ايه ماهما بيضحكوا عليا😭
كاريمان....بضحك والله انتي اللي عامله في نفسك كده انا لو مكانك أسمع الكلام واكل وانا ساكته
فيروز.....نعممممم كل ده وبتقوليلي اكل وانا ساكته 😭😭 حرام عليكوا ده انتي ومامي وداده زينب منين ما تدخلوا عليا الاوضه تأكلوني مبقاش فيا نفس والله كده كتير انا حاسه لو سبتلكم نفسي لاخر الاسبوع هتدحرجوني على الارض زي الكوره😭
زينب....بضحك زمان كنت اسمع الستات الكبيره بتقول اول ما العيل ينزل من بطن امه من هنا يتحط بداله فرخه على طول
فيروز....اهوووو شوفتوا فرخه مش مصنع فراخ 😭😭 أرحموني شويه معدتي باظت وكرهت الفراخ وكل الاكل حاسه عشان ارجع لطبيعتي محتاجه اقعد سنه ماكلش
زهره.....احسن عشان تعرفي روح كانت بتعمل فيا ايه وانا والده حتى داده زينب وقتها كانت مستلماني😂😂😂
ليلى....شكلها مسخره وهما قاعدين حواليها بيأكلوها ومش مدينلها فرصه تتنفس😂😂😂
فيروز....😒😒اضحكي اضحكي متستعجليش دورك جاي بكره لما تولدي تقعدي نفس قعدتي دي وساعتها هشمت فيكي😭
روح....يابنتي كلي وبلاش رغي بقى🤨
فيروز.....لا بقولكم ايه انا ساكتالكم من الصبح والله ما هاكل تاني حرام عليكوا معدتي باظت
كاريمان....بضحك طيب خلاص كفايه احسن ترجع حرام😂
فيروز.....لسه فاكره اني هرجع 😭😭
انا خلاص جبت اخري لدرجه اني ببقى قرفانه من فيروز وهي بترضع وبحس ان انا اللي باكل مش هي مش طايقه اشوف حد بياكل قدامي ولا عايزه اشوف فراخ تاني في حياتي😭
زينب....طيب بلاش فراخ قوليلي عايزه تاكلي ايه على العشاء وهعملهولك
فيروز....😳😳عشاء يعني بعد كل الكلام ده بتقوليها في وشي عشااااء😭
زهره....😂😂😂😂😂داده زينب امشي من جمبها بسرعه
زينب....😂😂😂انا بقول كده
روح...بضحك يابنتي الاكل هو اللي هيرجعلك صحتك من تاني
فيروز....قصدك هيضيع صحتي ياروح يا حبيبتي البني ادم بياكل عشان بعيش مش بيعيش عشان ياكل 😭
روح.....خلاص يا ستي مش هنضغط عليكي بس بردوا هتاكلي🤨
فيروز....كل ده ومش هتضغطوا عليا حرام عليكوا انا شكه دبوس وهتلاقي خرج مني كميه فراخ بالريش بتاعهم😭😭
ضحكوا كلهم عليها وفضلت زهره وليلى يضحكوا على منظرها وهي مش طيقاهم😂😂😂
.....................
في مطعم شيك
ياسين.....مسك المنيو وبص لملك ها هتاكلي ايه
ملك....على فكره المفروض انا اللي أسألك السؤال ده مش انا اللي خطفاك🤨🤨
ياسين......بس كده طيب أسألي يا ستي😉
ملك...بإبتسامه هتاكل ايه😍
ياسين.....🙄🙄مش عارف بس بما انك خطفاني فا ممكن أكل على ذوقك
ملك....امممم ماشي عموماً سيبلي نفسك خالص هأكلك أكله حلوه😍😍
طلبت ملك الاكل و نزلهم في الاول عصير .
ملك....تعرف انك كنت واحشني اوي😍
ياسين....يا بكاشه انا قدامك على طول في الشغل والبيت🤨
ملك....نعمممم🤨 افهم من كده اني عشان انا كمان قدامك فا مش وحشتك
ياسين....يظهر اني وديت نفسي في داهيه صح🙄
ملك...شكلك كده😒
ياسين....😂😂طب والله ابداً انتي على طول وحشاني وبعدين انتي عارفه مش محتاجه كلام يعني متصغرناش🤨
ملك....انا مش برد على كلامك 🤨
ياسين....يعني بجد انا واحشك اوي كده
ملك....اه والله العظيم يمكن انا معاك في الشغل والبيت بس بقالي كتير مخرجتش معاك
ياسين.....حقك عليا انا عارف والله اني مقصر معاكي بس غصب عني الشغل كتير و كمان نادر الفتره دي ديماً محتاجنا معاه
ملك....عارفه ومش مضايقه على فكره يا حبيبي بس كل الحكايه اني كنت محتاجه اخطفك شويه وعملتها❣️
ياسين....نخلص بس من كل الدوشه دي وهبقى معاكي طول الوقت
ملك....هنشوف😍
ياسين....هتشوفي ياستي هبقى اقفش الواد جلال وادبسه في الشغل واخدك كام يوم كده ونسافر ايه رأيك
ملك....بضحك انا عن نفسي موافقه بس جلال تفتكر هيوافق وحتى لو وافق هيعملك مصيبه عشان ينتقم منك
ياسين.....😂😂هو ملهوش امان بس جدع وقت اللزوم
ملك....في دي معاك حق هو مصيبه بس كمان مفيش زي قلبه❣️
ياسين.....صحيح مش ملاحظه ان هو وميار علاقتهم بقت اقوى
ملك.....عشان طفسين زي بعض😂
ياسين....لا بعيد عن الطفاسه 😂 انا بتكلم جد مش حاسه ان في بينهم إعجاب
ملك.....ميار وجلال لا طبعاً مستحيل انت بتقول ايه يمكن اللي بينهم صداقه يمكن عشان سنهم قريب بس اعجاب والكلام ده لا
ياسين.....والله انتي ما فاهمه حاجه بكره تقولي ياسين قال اصلا هما باين عليهم
ملك.....انت اللي شكلك مش مركز عموماً متقولش بس الكلام ده قدام جلال وميار
ياسين.....بنظره استغراب اكيد مش هقول بس هو انا ليه حاسس انك مش مرحبه بالفكره
ملك....بصتله بتوتر انا لا خالص مفيش بس يعني بلاش نتكلم في الحكايه دي خليهم صحاب احسن
ياسين....وليه لو في بينهم حاجه متبقاش حقيقه ملك هو انتي معترضه على جلال
ملك.....كلام ايه اللي انت بتقوله ده يا حبيبي اكيد لا طبعاً انت عارف اني بحب جلال جداً وبعتبره اخويا الصغير ومقدرش استغنى عنه كمان وصدقني لو اللي بتقوله ده ممكن يبقى حقيقه انا هكون اسعد واحده في الدنيا
ياسين....امال ايه؟ ليه حاسس بعكس كلامك
ملك....بتنهيده طويله بصتله بص يا ياسين ميار اختي مليش غيرها في الدنيا هي تبان تافهه وبتحب الهزار والضحك وقويه بس هي في الحقيقه اضعف من كده بكتير ميار طيبه اوي ولما بتحب بجد بتبقى اضعف بكتير انت فاكر تجربتها الاولى اكيد يمكن قدرت تتخطى اللي حصل ويمكن مش هنكر وجود جلال والبنات في حياتها هما اللي خرجوها من الحاله دي بس وقتها هي بجد تعبت ومش هكدب عليك يا ياسين انا حاسه ان ميار فعلاً معجبه بجلال مندمجه معاه جداً شخصيتهم قريبه من بعض اوي وشبه بعض في حجات كتير وهقولهالك تاني لو اللي بتقوله ده حصل انا اكتر حد هكون مبسوطه لاني اولا هضمن انها هتفضل ديماً جمبي وهكون مطمنه عليها تاني حاجه لان جلال غالي عندي
بس كمان انا مش قادره احكم على مشاعر جلال زي ما انت شايف جلال شخصيته واضحه و بيتعامل بنفس الطريقه مع الكل يعني بيهتم بكل اللي حواليه بيهزر معانا كلنا بأختصار مش قادره ألمس أهتمامه أو تميزه لميار فاهمني يا ياسين عشان كده طلبت منك متتكلمش في اي حاجه ولا حتى تلمح سيب كل حاجه تمشي زي ماهي منها متبقاش ضغط على جلال وتخليه من جواه يحس انه اه موافق يرتبط بميار ويجي عليه يوم يحس انه مكانش عايز كده ومن ناحيه تانيه ميار متتعلقش بيه اكتر انت عارف كتر الكلام ممكن يخلي البني ادم يتمسك بحاجه ويبني عليها احلام ويتفاجئ ان هي في النهايه وهم وساعتها ميار هتتعب بجد
ياسين.....وانا اكيد مش هعمل كده وعلى فكره انا مقدر كلامك جداً بس انتي تفتكري انا أرضاها على ميار؟
ملك....لا طبعاً يا حبيبي وبعدين معنى انك بتفكر بالطريقه دي ده يثبتلي انك
مهتم بميار و حابب انها تكون قريبه من أخوك بس كمان لازم تعرف ان مش كل اللي احنا بنتمناه من وجهه نظرنا بيكون صح لغيرنا انا اتمنى ميار وجلال يكونوا مع بعض و أتمنى لاختي انها تكون وسط عيله جميله زي عيلتك لاني هكون مرتاحه بجد بس كمان خايـ ـفه عليها
ياسين....حقك تخـ ـصافي عليها يا حبيبي بس مش شايفه انك مكبره الموضوع وانك مش باصه للزاويه الصح
ملك....بالعكس مين قال كده انا قولتلك شايفه اعجاب اختي في عينها بس للاسف مش قادره اشوفه في عين جلال
ياسين.....يمكن عشان ديماً شايفه جلال بصوره مختلفه الشاب المرح اللي دمه خفيف وديماً متهور بس صدقيني انا واثق ان جلال مهتم بميار
ملك....أتمنى اكون غلط بس لحد ما احس بنفس اللي انت حاسه خلينا بعيد احسن بلاش نجبرهم على حاجه ممكن تكون مش في مصلحتهم ميار لو حبت جلال واتعلقت بيه اكتر و حست من كلامك او كلامي ان في امل لو حصل غير كده هتتعب ومش بس كده اخـ ـاف العلاقه الحلوه اللي بينهم تبوظ انا افضل عندي يكون في بينهم صداقه وعشره حلوه احسن ما تبعد والعلاقه دي تدمر
ياسين.....عموماً ياستي انا بردوا عند كلامي وواثق ان هيبقى في بينهم حاجه بس عشان اريحك اوعدك اني مش هتكلم مع جلال في اي حاجه عشان لو خد اي قرار يكون واخده من جواه.
ملك......بحب بس كده هو ده اللي انا عيزاه ولازم تعرف حاجه مهمه جلال غالي عندي اوي بس لو جرح ميار هزعل بجد منه وانا مش عايزه اتخيل الموقف ده ابداً فاهمني يا ياسين
ياسين.....بتفهم ابتسم فاهمك يا قلب ياسين بص بعيد على الويتر الاكل جه
😉❣️
ملك....اخيراً انا همـ ـوت من الجوع😍
ياسين...بالف هنا يا قلبي❣️
...................
عند سالم وشمس
شمس....انا نفسي اعرف انت ايه اللي جابك ومالك بتجر فيا كده ليه🙈
سالم.....هو انتي متعرفيش تمشي من غير اي اسئله خالص 🤨 قولتلك عاملك مفجأه
شمس.....ماهو صراحه بخـ ـاف من مفاجآتك 🙄
وقف سالم وبصلها ورفع حاجبه انتي يابت مش واثقه فيا😳
ضحكت شمس غصب عنها على شكله وهو مصدوم
شمس....😂😂😂😂لا ياقلبي اكيد واثقه بس بصراحه كل ما أفتكر اللي عملته فيك قبل الجواز احسن انك هتنتقم مني وتردلي كل اللي عملته فيك😂😂🙈
سالم....بضحك هو صحيح انا مش ناسي اللي عملتيه ومستني اللحظه اللي انتقم منك فيها😂😂 بس بجد انا عاملك مفجأه حلوه
شمس......ماشي مصدقاك
سالم...طيب يلا اركبي❣️
ركبت شمس وطلع سالم بالعربيه وقت بسيط ووصلوا تحت بيت شمس القديم ركن سالم وبصلها
شمس....🙄🙄احنا عند بيتنا
سالم....ايه رأيك في المفجأه دي🤨
شمس.....هو انت جايبنا هنا ليه أصلاً الشقه اكيد مبهدله يعني مش هنعرف نقعد فيها براحتنا🙈
سالم.....يابت بلاش التفكير الشمال ده سلكي نيتك انا مش جايبك عشان نقعد في شقتك😒
شمس....بطل قلت ادب🤨🤨🔪🔪
سالم....انا بردوا😉
شمس.....امال جايبني هنا ليه🙄
سالم....بحب بصراحه من كام يوم سمعتك وانتي بتتكلمي مع ست صفيه وبتقوليها انك نفسك تشوفيها انا مكانش قصدي اسمع كلامكم بس سمعته بالصدفه وانهارده وانا في الشغل هي كلمتني وسلمت عليا وحسيت من كلامها انك وحشاها اوي فا قولت اعملهالك انتي وهي مفجأه واجيبك عندها
بصتله شمس بحب وابتسمت❣️
سالم....ايه مالك بصالي كده ليه المفجأه معجبتكيش؟
شمس....لا خالص بالعكس عجبتني اوي بس مستغرباك يا سالم
سالم....ليه بقى عملت ايه🤨
شمس....بحب مسكت ايده يمكن من يوم ما اتجوزنا وانا حقيقي مبسوطه معاك فوق ما تتخيل ومقدره كل حاجه حلوه بتعملها عشان تفرحني بس بصراحه كنت فاكره ان بعد جوازنا هتنسى طنط صفيه واي حد اعرفه
سالم.....ليه بتقولي كده اولاً انا بحب الست دي اوي ست طيبه ومحترمه والاهم انها بتحبك وكانت شاهده على قصه حبي معاكي وبعدين كل واحد فينا يا شمس ليه اصل وليه اهل وجيران وصحبه حلوه مش معنى اننا اتجوزنا اني احرمك منهم واظن مهما عملت عشان افرحك فا ده واجب عليا مش كرم مني ومش عشان بعمل حجات تفرحك يبقى اخليكي تقطعي الناس اللي في حياتك وبعدين انا اصلاً اتأخرت كتير عن الخطوه دي المفروض كنت جبتك من زمان او حتى وصلتك ليها تقعدي معاها شويه بس انتي عارفه اننا كنا مشغولين من بعد جوازنا في جوازات اخواتي وشغلي وانتي كنتي مقدره كل ده فا لازم يبقى عندي دم بقى واول ما افضى اجيبك ولا ايه
شمس.....انا بحبك اوي يا سالم ربنا مايحرمني منك❣️
سالم...بحب ولا منك يا قلب سالم يلا انزلي واه في شويه حجات كده جبتها لست صفيه مش معقول يعني ندخلها وايدنا فاضيه ولا ايه
شمس...❣️❣️ اكيد يا حبيبي
سالم....يلا انزلي بسرعه اكيد هتفرح اوي لما تشوفك❣️
نزلوا مع بعض وطلعوا على فوق.
................
عند جلال وامير والبنات
امير....انتوا هتفضلوا باصين عليا وبتضحكوا😡
فرح....طيب نعمل ايه نصلحها معاك😂
جلال....شكلك مسخره وايدك مشحمه كده😂😂😂
امير....ياض ياللي ربنا ينتقم منك بطل تريقه العربيه معرفش ايه اللي حصلها
جلال....المشكله ان الماتور ملهوش صوت شكلها كده جابت ماتور😂😂
امير.....ربنا ياخدك يابعيد بتقولها في وشي لا لا مفيش الكلام ده اكيد مش ماتور🙈
فرح.....طيب ما يمكن ما الماتور فعلاً ملهوش صوت😂😂😂
امير.....بلاش انتي هاااا هتعملي فيها ميكانيكي ايه نسيتي معلوماتك عن السواقه😒
فرح....الله وانا مالي انت هتفوق عليا😂😂😂
امير.....طب اسكتي مش عايز ولا كلمه سيبوني في حالي الوقت عربيتييييي😭
ميار.....ايوه يعني هنفضل واقفين انا جعانه
امير....منك لله انتي كمان ده اللي فارق معاكي ومش فارق معاكي احزاني😭
جلال.....دي طفسه دي😂😂 وعايز اقولك ان نيتك مش صافيه 🙄
ميار....اه قول بقى انك باصص في العزومه صح🤨
جلال....اه طبعاً باصص فيها 😂😂
ميار....و الله انت بتتعاقب وبمزاجك او غصب عنك هتصالحني بأكله حلوه حتى لو هناكل في الشارع جمب العربيه البايظه دي
امير....مشيها من قدامي بسرعهههه😭
جلال....😂😂😂طيب بقولك ايه انا هروح اجرب وانت العب في اي حاجه كده يمكن تدور
امير...مش باينلها هي شكلها جابت ماتور 😭
جنه....ياعم خليه يجرب متبقاش نحس كده😡
راح جلال على الكرسي وحاول يجرب وبعدين ركز شويه وبص لامير😳😳
امير....اوعى تقولي بتولع😭
جلال....تعالى يا بورم يا اخرة صبري
امير....ايه🙄
جلال....انت عارف مش بتدور ليه🙈
امير.....ليه😒
جلال....بضحك العربيه مفيهاش ولا نقطه بنزين😂😂😂
امير....احلف😳😳😳
فرح....وعامل فيها سواق😂😂
امير....اسكتي يابت مش وقتك بتتكلم جد طب ازاي🙈
جلال....والله التانك فاضي ازاي مخدتش بالك
امير.....ايوه صح انا كنت هحط بنزين امبارح بس اتلخمت لما روحنا لفيروز ونسيت🙈🙈
جلال....ولما رجعنا كانت شطبت هااا معاك بقى چرنكن بنزين احتياطي ولا هنجيب ونش يرفعنا😂😂
امير....بضحك عيب عليك معايا
ميار.....والله هيطلع فاضي هو كمان😂
امير....سكتوا البومه دي😒🔪
جلال....اهو مليان الحمد لله نحطهم بقى ونطلع علي اي بنزينه نكملها👍
......................
عند زيد وصبا
زيد....ها ايه رأيك في المكان السري بتاعي
صبا.....تحفه يا زيد يجنن بجد ليك حق تهرب من اي حاجه وتيجي هنا❣️
زيد....اهي العوامه دي اغلى مكان على قلبي بجد بفصل تماماً من كل همومي ومن دوشه الشغل وبهرب عليها
صبا....حقك المكان جميل والمنظر ياخد العقل بجد احلى حاجه فيها ان رغم ان حواليها مراكب و ناس كتير بس تحسها معزوله كده وهاديه
زيد....فعلاً ومش بس كده تحسي ان الناس اللي بتيجي هنا شبه المكان اوي ناس رايقه وهاديه و جايين فعلاً عشان يفضوا دماغهم من كل حاجه حتى كلامهم تحسيه همس ومهما كانت العوامه فيها ناس تحسي بالخصوصيه وانك لوحدك
صبا.....كمان الموسيقى تخليك في حته تانيه يعني النيل مع الانوار اللي خارجه من المراكب والهواء والهدوء بجد يا زيد المكان حلو اوي
زيد....يعني بجد عجبك❣️
صبا....يمكن انا روحت اماكن حلوه كتير بس المكان هنا غير انه حلو فا ليه روح خاصه بيه عجبني اوي❣️
زيد....طيب يعني الحمد لله المفجأه عجبتك
صبا....اوي يا زيد صحيح هو انت ومنذر مش هترجعوا العوامه بأسم چورچ
زيد....حاولت معاه انا ومنذر كتير بس چورچ رافض خالص انا مش عايز اضايقه بس كمان بالرغم ان المكان ده غالي عندي وبحبه زي ما هو بيحبه بالظبط بس كمان حاسس ان الموضوع تقيل على قلبي احساس مش حلو لما تاخدي حاجه من حد وهو لسه عايش على وش الدنيا
صبا....ايوه بس ده كان طلبه هو انتوا مخدتوش حاجه غصب عنه
زيد...عارف يا صبا بس چورچ غالي عندي زي ما المكان ده غالي عندي فكره انه يكتبلنا حاجه بأسمه عشان لو جراله حاجه توجـ ـع يعني تخيلي حد بتحبيه يكتبلك حاجه ملكه وهو لسه عايش احساسها صعب
صبا....أكيد بس ادام دي رغبته خلاص خصوصاً انه مش هيعمل كده الا لو كان واثق فيكم بس هو بجد ميعرفش حاجه عن عيلته؟
زيد....اللي اعرفه انه مش بيتواصل معاهم ولا يعرف عنهم حاجه بس الله اعلم يمكن بيتابع اخبارهم من بعيد مش عارف
صبا....ممكن يكون بيتابعهم من بعيد لبعيد ربنا اللي يعلم بس معنى انه يفضل انه بكتبها باسمكم انتوا يبقى هو اتوجع منهم اوي
زيد....اوي بس عموماً العوامه مهما حصل هتفضل بتاعت چورچ واللي مخليني موافق انها تفضل بأسمنا عشان دي رغبته چورچ عايز لو جراله حاجه تفضل العوامه موجوده وانا هحقق امنيته مهما حصل
صبا....بصراحه هو خساره مكان زي ده يضيع او حتى يتحول مركب كبيره جمال المكان هنا في بساطته وهدوؤه
انا شكلي حبيته اوي❣️
زيد....بإبتسامه جميله المكان وصاحب المكان تحت امرك يا افندم تشرفيني اي وقت😉❣️
صبا....😂😂😂شكراً شكراً يا افندم
چورچ جه في الوقت ده
چورچ....منوره المكان ياست البنات
صبا....ده نور حضرتك والله وبجد المكان حلو اوي و مكنتش مصدقه زيد ان العوامه تدخل القلب بالشكل ده
چورچ....سبق وقولتها لزيد ومنذر العوامه ليها سحر خاص تحسي كده انها بتسحب الناس ليها وبتدخل القلب من غير استأذان وخدي بالك اللي بيجي هنا مره مبيقدرش يبعد عنها
صبا.....دي حقيقه لسه بقول لزيد اني حبيتها اوي بجد❣️
چورچ.....تنوري الدنيا اي وقت وحتى لو زيد مش فاضي يجي تعالي انتي اقعدي معايا و اعملك احلى فنجان قهوه مش هتشربيه في اي مكان تاني
صبا....بحب طبعاً هاجي بس يارب متزهقش مني
چورچ....ازهق من مرات الغالي طب ازاي وبعدين ده مكانك انا هنا ضيف
زيد.....ايه يا راجل يا عجوز هترجع للكلام ده تاني انا كمان هرجع في كلامي🤨
چورچ....بضحك لا وعلى ايه خلاص سكت شوفتي جبتلنا الكلام يا ست البنات😂
زيد....طمني على صحتك؟
چورچ....زي الفل احسن بكتير
صبا....ربنا يشفي حضرتك
چورچ....تسلمي يا ست البنات
زيد.....منذر بيسلم عليك
چورچ....عامل ايه واحشني والله
زيد....زي الفل ابقى باركله بقى عم ياسيدي 😉
چورچ....ايه الاخبار الحلوه دي اختك ولدت
زيد....اه امبارح جابت فيروز الصغيره
چورچ....عقبالكم يارب يا حبايبي والف مبروك تتربى في عزكم
زيد....يارب يا حبيبي
چورچ....طيب هروح انا اكلمه ولو احتاجتوني انا جمبكم هنا
زيد....مستغناش عنك خد راحتك
چورچ.....بعد اذنك يا ست البنات
صبا.....اتفضل❣️ فضلت صبا باصه عليه ومبتسمه الراجل ده جميل اوي بجد انا حبيته
زيد....هو صحيح يتحب🤨 بس انتي متحبيش غيري
صبا.....بابتسامه جميله ايه ده انت بتغير بقى🙄
زيد....ايه عاجبك ولا لا🤨
صبا....طبعاً عاجبني😂😂 بقولك ايه انت عرفت المكان ده ازاي وامته صحيح
زيد....ابداً بس دي قصه طويله اوي
صبا.....واحنا قاعدين يبقى احكيها ❣️
زيد...ابداً ياستي الحكايه بدأت لما كنا في ثانوي انا ومنذر ومعانا اتنين صحابنا وجري ورانا كلب😂😂
.....................
ميار.....انا كنت همـ ـوت من الجوع
جلال...وايه الجديد يا قلبي انتي على طول جعانه😂😂
فرح...شوف مين اللي بيتكلم🙄
ميار.....قوليله والنبي انا منين ما اشوفه الاقيه بياكل
جلال.....يابنتي الاكل ده متعه ربنا خلقها يبقى ليه مستمتعش بيها😉
امير.....الغريب انه بياكل كتير ومش بيبان عليه😂
جلال....عشان ابن حلال ونيتي سالكه😂😂😂😂
جنه....لا وانت الصادق عشان مبتقعدش لحظه في مكان طول الوقت بتفرك 😒
جلال....يابت احترميني انا عمك 😒
جنه...ياعم روح😂😂
مسك جلال الكاتشب وحطه على صباعه من غير ما حد يشوفه وبص لميار
جلال....ايه اللي على قورتك ده
ميار.....ايه في ايه مسحت بأيدها وبصتله
جلال....لا لسه اوعي كده قرب صباعه من قورتها عمل نفسه مسح
ضحك امير والبنات عليها
فرح....والله انت رخم😂😂😂
ميار.....هببت ايه والله ما بطمنلك😭😭 مسكت منديل ومسحت طلع الكاتشب في المنديل
جلال....ملكيش في الطيب نصيب كنت عاملك هنديه😂😂😂
ميار.....يا ابني انت مش ناوي تكبر والله بقيت اقلق منك على طول😒😒
فرح....جلال ويكبر في جمله واحده جلال لو ملقاش حد يعمل فيه مقلب بيعمل في نفسه😂😂
جلال....اتنيلوا وانتوا تعرفوا تعيشوا من غيري ثم انا اللي عازمكم يبقى اعمل اللي انا عايزه
جنه....ذلنا بقى😒😒
جلال...يابت انا عمك احترميني🙄
جنه.....كان يوم مهبب لما جيت ولاقيتك عمي😂😂😂
امير....ماهي لو شيفاك محترم كانت احترمتك بس انت مهزق😒
جنه....حوش العاقل اللي فيهم😒
امير....🙄🙄🙄
جلال....😂😂😂😂احسن اهي قلبت عليك
امير.....سيبها لما اروح لابوها😒
رن موبايل امير في الوقت ده
امير.....ايه يا أتش عامل ايه يا صاحبي
هشام....ايه الاخبار
امير...كله تمام انت عامل ايه
هشام....بخير انت فين
امير....انا بره مع جلال والبنات مال صوتك
هشام....مفيش كله تمام خلاص روح هبقى اشوفك وقت تاني
امير...استنى هنا في ايه
هشام....مفيش ياعم انا بحسبك فاضي كنت هقولك نتقابل
امير....طيب انت فين
هشام....انا في ليباجوس
امير....طيب جمبي يعني انا عند كاريوكي تعالى يلا
هشام....لا لا مش هينفع انت مش لوحدك خليها وقت تاني
امير....بقولك تعالى متحرقش كتير يلا انجز مستنيك
هشام.....طيب تمام عشر دقايق وابقى عندك
امير...اشطا مستنيك سلام
هشام....سلام.
جلال....ايه ماله هشام
امير....معرفش بس صوته مضايق اوي
جلال....اكيد متخانق مع امه كالعاده
امير.....شكله كده الوقت يجي ونعرف المهم معلش يا بنات انا اسف بس هشام انتوا عارفين انه صاحبي و ظروفه ديما مش قد كده وبصراحه لما سمعت صوته مقدرتش أسيبه.
فرح.....لا عادي مفيش حاجه يا امير يعني هو هيعمل ايه ما كلنا قاعدين
جلال....ياعم عادي وبعدين بتتأسف على ايه انا اللي عازمكم😂😂😂
امير...ابو دي عزومه😂😂
.................
عند نادر ومريم
مريم كانت ماشيه قدام نادر وهو وراها شايل شنط كتير في ايده ومش قادره
نادر....انتي يابت انتي يا جزمه انتي ياللي معندكيش دم😭😭
مريم....بضحك بصتله ايه في ايه عامل دوشه ليه🙄🙄
نادر...يابت صوابع ايدي ورجلي ورموا شيلي معايا شويه
مريم....وترضاها على نفسك تشيلني وانت معايا
نادر....اه عادي 😒 تعبت خلاص وانتي ماشيه فاضيه
مريم...امال عاملي فيها عضلات وطول بعرض على الفاضي😒
نادر.....اسكتيييي مش طلع كل ده نفخ
مريم....نفخ🤨 وانا اللي فكراك جامد وچيم وحركات
نادر.....لا بقولك ايه احنا جامدين اوي انا بهزر دي عضلات بجد والله😒
مريم....طيب يبقى تمشي وانت ساكت خليني اخلص بقى
نادر.....تخلص روحك يا بعيده😭
مريم...وقفت وبصتله🤨
نادر....🙄
مريم......انت مش ملاحظ انك رغاي ومش بتفصل ولسانك بقى طويل اوي😡
نادر....اللي يعاشرك يبقى اسخن من كده ثم انتي يابت مش بتتعبي بقالنا حوالي اربع ساعات ونص بنلف مرتين اخد شنط واروح على العربيه احط الشنط فيها وأرجعلك فاضي واقول خلاص خلصنا وهناكل بقى الاقيكي تشتري حجات تاني انتي ايه مركبه ماتور 😭
مريم.....انت بتقر عليا😒
نادر....هو انتي بيحوق فيكي حاجه هو انتي مش كده بس جباره😭😭
مريم....الله مش بجيب كل اللي ناقصني
نادر....ناقصك ايه ده انتي عندك هدوم تفتح محلين تلاته
مريم....ايوه بس كله قديم الحق عليا اني بجيب حجات جديده عشانك🙄
نادر....بضحكه عبيطه 😁 عشاني حلوه الكلمه دي اوي
مريم.....بنفس الضحكه العببطه 😁😁 عجبتك يا روحي
نادر....قرب منها وهو شايل الشنط في ايده الاتنين وشكله يضحك اه عجبتني اوي 😁😁 بس تاعبه نفسك ليه وتعباني معاكي اصلاً انا مش عايز هدوم مش هيبقى ليها لازم كده كده هتتقلع😉
مريم....😡😡😡
نادر....🙄🙄🙄في ايه يابت انتي هتتحولي ولا ايه ايه الباصه دي
مريم....خليك مؤدب وامشي وانت ساكت بلاش رغي
مشيت كام خطوه وهو فضل واقف وراها يبرطم بالكلام لكن بصوت مسموع
نادر....😏قال مؤدب قال ده انتي هتشوفي ايام سوده بس يتقفل علينا باب واحد
وقفت مريم وبصتله.😒🤨🤨
نادر.....😁😁
مريم....سمعتك على فكره🤨 وامشي بقى عشان انت تعبتني🙄
نادر.....انا😳😳 ربنا عالظالم انا ثانيه كمان وهقع منك وهختفي وسط الشنط دي😭
مريم.....😂😂😂تصدق صعبت عليا
نادر....بجد ان شالله يسترك يابنتي طب اكليني بقى😭
مريم....حاضر يا حاجه 😂😂
نادر.....حاجه في عينك 😒😒
مريم.....طيب معاك بريك نص ساعه قولي عايز تاكل ايه وانجز لسه ورانا حجات كتير
نادر....اكتر من كده😩😩
مريم.....اه اكتر من كده يلا قولي عايز تاكل ايه
نادر...اي حاجه ان شالله يارب تأكليني خفافيش وشوربه ضفادع🥴
مريم.....الله يقرفك🙈
نادر.....اتنيلي ايش فهمك انتي 🥴
مريم....انت كلت الحجات دي بجد🙄
نادر.....مكلتش خفافيش بس كلت شوربه ضفادع😂
مريم....طب احلف😳
نادر....اه وربنا😂😂😂
مريم....ابعد عني واوعى تلمسني 😭
نادر....يابت هي لازقه في ايدي دي مره زمان كنت انا ويوسف مسافرين بره و قدمولنا الشوربه دي قبل الاكل يعني كا مقبلات مكانتش باينه عشان بتبقى متقطعه كلنا واتبسطنا وكله تمام وبعدين عرفنا انها شوربه ضفادع😂😂
مريم.....وموموتش بعدها😳
نادر.....لا موتنا ايه ما انا زي القرد قدامك يوسف بس اللي قعد يرجع معرفش ليه🥴
مريم....متعرفش ليه منك لله يا نادر 😭
نادر....اصلها كانت عجباه وبصراحه كانت حلوه 😂😂 بس هو مستحملش صدمه انها شوربه ضفادع
مريم....طيب وانت متأثرتش
نادر....لا اكيد اتصدمت🙄
مريم....بس 🙈🙈 انا عايزه ارجع😭
نادر....متقرفنيش بقى بقولك جعان
مريم....انا اللي مقرفكش 🤨🤨
نادر.....بقولك ايه لو مأكلتنيش الوقت والله هروح اكل و بعدين همشي😒
مريم.....خلاص اسكت يلا تعالى ناكل
نادر....مش كنتي خدتي البنات معاكي لازم يعني الفرهده دي😒
مريم.....صبا وشمس خرجوا وخلود معاهم انهارده في البيت بتساعد روح يعني مفيش غيرك والوقت بيعدي😡
نادر....طيب هو حضرتك لسه فاضل كتير 😩
مريم....شويه حجات لزوم ليله الحنه والفرح مش انت اللي عايز فرح اشرب بقى😏
نادر....كان اتقطع لساني ما كنا متفقين انه كتب كتاب وخلصت😒
مريم....طيب وانت اللي سمعت كلام اخواتك وروح عشان متزعلهمش وانا وافقت يبقى تيجي معايا في اي مكان
نادر.....مش هخلص من لسانك عموماً هانت هستحملك اليومين دول وبس يتقفل علينا باب واحد هروقك يا مريم
مريم....ياعم اسكت بقى يلا تعالى هناكل هنا
نادر....ياعم واسكت😒😒 مش مهم المهم اني اكل😁
مريم....😂😂😂 طب والله بحبك
نادر.....وانا بمـ ـوت فيكي يا بنت المجانين😍😍
........................
عند امير وجلال والبنات
هشام.....عامل ايه ياواطي واحشني
جلال....وانت اكتر والله يا اتش مختفي ليه بقالك كام يوم
هشام....ابداً انت عارف الشغل وبعدين ما انت وامير مش فاضيين
امير.....هفضالك يا اخويا قريب
هشام....اما نشوف يا سيدي ايه الاخبار يا بنات اسف اني جيت كده من غير معاد
فرح.....معاد ايه بس يا هشام احنا في بينا الكلام ده انت اخبارك ايه
هشام....زي الفل الحمد لله
جلال....انت عارف ميار صح اخت ملك مرات ياسين
هشام....اه ياعم طبعاً عارفها اتعرفت عليها عامله ايه يا ميار
ميار....الحمد لله يا هشام معلش جلال عنده زهايمر😂🙈🙈
جلال....انا ليه🙄
ميار.....احنا عدى علينا كام فرح وشوفت هشام فيه واكيد اتعرفنا
جلال....ما تيجي تديني قلمين يابت احسن وانا مخي دفتر 🥴🥴
هشام.....مع جلال متستغربيش ده مخه مهوي يا شيخه😂😂
جلال....بلاش انت هزعلك🤨
هشام.....طب الحق عليا عموماً كنت عاملك مفجأه حلوه يوم فرح نادر بس خساره فيك يا واطي
جلال....تصدق انا مبحبش حد قدك😂
هشام.....مادي حقير😂 ولا اعرفك
امير....مفجأه ايه دي
هشام.....لا مش هقول هي مفجأه ليك انت كمان حد بقالكم كتير مشفتهوش هيجي الفرح
امير....🤨🤨 مين ده
جلال.....مين ياض🙄
هشام.....لا مش هقول صاحب المفجأه محلفني مقولش 😉 يوم الفرح بقى تبقوا تعرفوا
جلال....وانا هفضل كده لحد يوم الفرح
جنه....يخربيت الفضول😒
جلال....يابت احترميني انا عمك😒🔪
هشام.....اهي الجمله دي لوحدها فيها إثاره للجدل😂😂
امير....شوفت محدش محترمك خالص😂😂😂😂😂
هشام.....اخبارك ايه يا جنه
جنه...بابتسامه جميله بخير الحمد لله انت كويس🙄
هشام.....تمام🙄❣️
جلال....انتوا لسه فاكرين تسلموا على بعض اتنيل تاكل ولا تشرب ايه انا اللي عازمهم🙄🙄
امير.....الله يخربيتك ناقص تمسك مايك وتفضحنا😂😂
هشام.....لا انا مش جعان بس ممكن اشرب ميلك شيك فراوله
جلال......ايه ما اجيبلك ببرونه احسن😒😒
امير.....بلاش هشام لسانه طويل قوله حاضر وخلاص😂😂
جنه....بضحك صراحه اول مره اتفق مع جلال ميلك شيك فراوله غريبه دي
جلال....اخيراً حد نصفني😂😂
هشام....🤨🤨ايه الغريب مشروب حرام
جنه....بضحك لا خالص والله🙈🙈 بس مستغربه
امير....هشام والميلك شيك الفراوله في بينهم قصه حب كبيره
جنه......مع ان شكله يدي على قهوه شاي كده يعني🙄
هشام....والميلك شيك مضايقك في ايه
جنه.....وهيضايقني في ايه حوش صاحبك يا امير شكله هيتخانق معايا😂😂😂
امير....قولتلكم بلاش هشام 😂😂
فرح....على فكره جنه بتحب الميلك شيك اوي😂😂
هشام....بتحبي الميلك شيك🤨
جنه....اه🙈🙈
هشام....طب امال ايه بقى🤨😒
جنه....ياعم خلاص انا اسفه اشرب اللي يعجبك 🙈🙈🙈
هشام.....بضحكه جميله ماشي يا ستي عموماً انا مدمن قهوه والعيال دي عارفه بس كمان انا ضعيف جداً قدام الميلك شيك يمكن يبان مشروب اطفالي ويمشي بناتي بس انا بحبه واظن الاكل والشرب ده اذواق صح😉🙄
جنه......صح
جلال......ماتحكي قصه حياتك بالمره هو انا ليه حاسس انكم اول مره تعرفوا بعض
هشام.....على فكره بقى انت عارف ان اعرفكم من كام سنه تقريباً عمر بحاله بس دي اول مره اخرج معاكم ويكون البنات موجودين يمكن شوفت فرح قبل كده مره مع امير بس دي اول مره اشوف فيها جنه يمكن شوفتها في مناسبات كتير عندكم بس اول مره نخرج مع بعض صح ولا ايه
جنه.....ايوه صح
امير.....تقريباً فعلاً مفيش مره خرجنا وصادفت ان البنات يكونوا معانا غير مره واحده قابلتك وانا معايا فرح وفعلاً مشافش جنه قبل كده غير في اي مناسبه تجمعنا
هشام....عموماً فرصه سعيده ياستي كان ممكن اقلب التعارف ده خناقه بسبب الميلك شيك بس يلا هعديها المرادي عشان دي اول مره اخرج معاكم😂😂
جنه......شكراً شكراً😂😂😂
امير.....طب ما انت بتضحك اهو امال صوتك كان عامل زي اللي مات ليه ميت ليه🤨
هشام...بابتسامه حزن ياعم انسى خلاص
امير....في ايه ياض مالك انت متخانق مع امك ولا ايه.
طلب جلال الميلك شيك لهشام وبعدين بصله
جلال.....اكيد متخانق مش شايف وشه قلب ازاي
هشام.....بعدين بقى نبقى نتكلم💔.
جنه...احمممم بقول ايه يابنات ما تيجوا نروح التويلت 🙄
جلال....ايه عندكم رحله ولا دي حفله بيبي جماعيه😂😂😂
فرح....😂😂😂😂والله انت ما اتربيت
جنه....😒😒لا و عايزني احترمه😡
امير....مهزق😂😂
جلال....اصلها بتقولهم ما تيجوا نروح التويلت مع بعض اقولها ايه😂😂😂
جنه....هتعيش وتمـ ـوت غبي واضح ان صاحبك مش حابب يتكلم قدامنا فا قولت نسيبكم شويه مع بعض
جلال.....لا والله طلعتي حساسه يابت😂😂😂😂
ضحك هشام وبصلها
هشام....خليكي يا جنه انا مش بقول بعدين عشان انتوا قاعدين بس كل الحكايه ان دي اول مره اخرج فيها معاكم ومش حابب اضايقكم لكن عادي يعني اني اقول مالي
جنه....اكيد مش هنضايق بس كمان عادي انك تحكي لصحابك بس🙄
هشام....لا اقعدي يا جنه عادي.
جلال....اقعدي اقعدي هشام مننا وعلينا
امير....طب ايه في ايه ؟متخانق صح
هشام.....يعني شديت شويه معاها
جلال...وايه الجديد
امير...بصله 😡😡 ابو الفاظك ياعم
هشام....ماهو عنده حق ايه الجديد
جلال.....قوله والنبي انا مش فاهم مضايق نفسه ليه على طول بيتخانقوا مع بعض المفروض تكبر دماغك يا هشام وتتعود بقى
هشام....في حد بيتعود على الخناق يا جلال
جلال....مقصدش الخناق انا اقصد تتعود على السبب اللي بيخليك تتخانق ويبقى امر واقع
هشام.....امر واقع اني اشوف امي كل شويه تتجوز وتطلق وانا في السن ده يا جلال.
جلال.....اكيد لا بس في النهايه دي حياتها يا هشام مش هتقف قصاد امك وتقولها تعمل ايه ومتعملش ايه
هشام....صدقني يا جلال مش هتحس باللي انا بحس بيه غير 💔 غير لو كنت في نفس الموقف انا عارف انها حياتها واني مستحيل اقف في وشها
بس انا مبقتش صغير يا جلال
امير.....بس في النهايه يا هشام هي مش بتعمل حاجه غلط دي بتتجوز على سنه الله ورسوله
هشام.....عارف بس ياريتها بتتجوز جوازه عدله يا امير
ميار.....ااانا اسفه لو هدخل
هشام....لا خالص اتفضلي يا ميار
ميار.....يعني هو والدك موجود
هشام.....اه ابويا عايش هو كمان هو وامي مطلقين من زمان اوي يمكن حوالي 15 سنه وهو متجوز
ميار.....طيب معلش ماهو ده حقها يعني بباك ليه حق يتجوز وهي لا
هشام.....انا مبتكلمش في حقوق يا ميار انا اه ابنهم بس مليش اني اقول لاي حد فيهم يعمل ايه وميعملش ايه يمكن وانا صغير اتأثرت شويه بأنفصالهم بس لما كبرت عرفت ان مكانش ينفع يكملوا مع بعض وعادي ان كل واحد يشوف حياته المهم اني معاهم هما الاتنين وانهم بخير ودي عندي بالدنيا
فرح.....طيب اسفه يعني يا هشام مش يمكن مامتك بتتجوز عند في بباك اقصد يعني ممكن تكون بتحبه لسه
هشام....صح يا فرح امي لسه بتحب ابويا وده باين على كل تصرفاتها لانها بتتصرف من غير عقل وكل اختيارتها غلط
ميار....طيب ليه محاولتش تقربهم من بعض
هشام.....صعب هما منفصلين من 15 سنه ابويا اتجوز وعاش حياته وبصراحه مش هقدر انكر الست اللي اتجوزها محترمه جدا طيبه لابعد حد في حالها بتتعامل معايا باحترام هي تقريبا في سن امي ابويا لما اتجوزها كانت متجوزه قبل كده وعندها ولد وجوزها متوفي فا اتفقوا انهم ميجيبوش ولاد عشاني وعشان ابنها وعاشوا بكل احترام وحب هي ست جميله فعلاً فا صعب خلاص الحياه بقت مستحيله خصوصاً اني معترف ان امي طبعها صعب اوي مش اي حد يقدر يتحمله.
جنه....بيتهيألي ان الست لو طبعها صعب بيكون بسبب الراجل
هشام....خالص والله ابويا طيب اوي فوق ما تتخيلي امي كمان ست طيبه بس طبعها حامي عصبيه اوي اقل حاجه ممكن تقلب حياتها بتغير على ابويا جداً فا طبعها صعب ويمكن لو العيب في ابويا مكانتش اتجوزت واتطلقت كذا مره.
جنه.....بس اكيد في سبب يخليها كده
هشام.....صدقيني مفيش من صغري ديماً بشوفها هي اللي بنتخانق وتتعصب
وبابا كان بيحاول يمشي المركب وكان بيحبها ومش بيحب يزعلها بس هو في ناس كده طباعهم صعبه مش اي حد بقدر يتحملها وبابا جاب اخره معاها وعلى فكره امي هي اللي طلبت الانفصال في ساعت غضب وبابا حقق رغبتها
جنه....بس اكيد لما حقق رغبتها هي طباعها بقت اسوأ
هشام...بالظبط والمشكله ان هي مش فاهمه انها بتأذي نفسها وبتضيع صحتها مش كل حاجه في الدنيا بتتاخد قفش
لازم نعدي وبعدين المفروض ان الست بتحتوي اي موقف اكتر من الراجل بس في علاقه امي وابويا كان العكس ابويا اللي بيعدي وبيهدي و بيسايس وهي لا
امير.....ابوك ده غلبان وطيب وعلى فكره حتى امك انا عارف انها غلطانه بس بحبها طيبه بجد بس هو زي ما هشام قال طبعها صعب
جنه...بس هي حتى لو اتجوزت اكتر من مره هتنفصل اكيد طول ماهي لسه بتحب بباك
هشام..... وده اللي حاصل هي لا باصه على شكلي ولا على شكلها ولا على اي حاجه هي شايفه انها كده بتضايق ابويا وابويا خلاص بالنسباله قصه واتقفلت
على فكره انا كنت اتمنى تتجوز وتعيش حياتها بس اختيارها يكون صح تعيش بجد عشان نفسها زي ما ابويا عمل بس هي للاسف تاعبه نفسها وتعباني
جلال....هيجي عليها وقت وهتسلم يا هشام
هشام.....تسلم ايه بس انا دابب معاها خناقه لرب السما عرفت انها عايزه تتجوز تاني والمرادي هو واحد قريب منها في السن بس المشكله انه من نوعيه الرجاله اللي واخد باله من نفسه جداً متجوز وعنده عيال طولي تحسه كده شايف نفسه ونرجسي مش هينفع معاها وهي مش قادره تصدق انه طمعان فيها يمكن هو مش محتاج بس انا امي بتدي كل اللي معاها لاي حد من غير تفكير المهم تضايق ابويا.
جنه....عارفين دي حلها ايه؟
بصولها كلهم
هشام....ايه؟
جنه....محتاجه لمه وناس يقربوا منها محتاجه حد زي روح محتاجه تحب نفسها اكتر وترجعلها ثقتها في نفسها
جلال....تصدقوا صح والله روح تقعد معاها كام مره هتفوقها
جنه.....مقصدش انها تفوقها يا جلال لان في النهايه هي مش صغيره و محتاجه نصيحه دي كبيره وعارفه بتعمل ايه بس هي محتاجه تحس بحب من الناس اللي حواليها محتاجه تحس بالاهتمام وتحس انها تستحق تعيش حياه حلوه محتاجه انها ترضى بالأمر الواقع ان بباك خلاص بقى ليه دنيته صدقني هي لو خرجته من قلبها وبدأت تشوفه كا ابو ابنها مش اكتر هترتاح ثقتها هترجع في نفسها وهتعرف انها كانت غلط هي بتعمل كل ده تقريباً كالفت أنتباه مش اكتر عشان اللي حواليها يحسوا بيها وتكون محور حياتهم وتفكيرهم
هشام.....كلام جميل اوي بس انا مش مقصر معاها وبعدين انا لو مش مهتم بيها مكانش زماني قاعد قدامكم مضايق
جنه.....يمكن بتحبها ويمكن خايـ ـف عليها بس اللي انت شايفه اهتمام يا هشام بالنسبالها جلد انت طول الوقت واقف تحاكمها و تقولها انها غلط حتى لو انت شايف انك بتنصحها هي مش شايفه كده ومش بعيد تكون فكراك خايـ ـف اكتر على شكلك وشكل بباك فا بتعند جرب تحسسها بحبك من غير ما تقف قدامها كأنك قاضي صدقني هتفرق كتير اوي
بصلها هشام وابتسم وفضل ساكت
امير.... جنه معاها حق انا قولتهالك الف مره امك طيبه و مجروحه يا هشام مكانتش تعرف ان طلبها للطلاق هيتنفذ
كانت فاكره ابوك هيعدي بس كان جاب اخره وطلقها ومن يومها وهي تعبانه
هشام....طيب اعمل ايه قولولي انا بجد خايـ ـف عليها كل اللي بيقرب منها لازم قبل ما يسبها يوجعها ويعلم على جرحها اكتر
فرح....وطول ماهي بتتجرح هتتعب اكتر وتبقى شايفه ان العيب فيها وممكن تفكر ان بباك بيفرح فيها واكيد اكيد مهما كانت الست اللي بباك اتجوزها طيبه عمر مامتك ما هتحبها هتفضل شيفاها خصم
هشام....دي حقيقه يا فرح
امير....عموما خلي الموضوع ده علينا فكره جنه حلوه روح اكيد هتكلمها تعزمها على فرح نادر ومن بعد العزومه دي هكلم انا روح ونفهمها الدنيا فيها ايه ونخليهم يقربوا منها واحده واحده
جلال....قاعدتين بالكتير وامك هتكره الصنف وتكره ابوك وتنسى الدنيا يا ابني احنا عيله تتحب اصلا 😉😉
هشام....يارب يا جلال بجد هي صعبانه عليا ومش قادر اشوفها بتأذي نفسها
ميار....بس لحد ما ده يحصل لما تروح صالحها يعني حاول تراضيها خدلها معاك حاجه هي بتحبها جبلها ورد حسسها انك غلطت في حقها
فرح....صدقني يا هشام مهما مامتك كبرت الحب اللي جواها مخليها طفله وضعيفه لو عملت زي ما ميار قالت هتفرح وتتبسط اوي وتنسى انك زعلتها
جنه....اي ست في الدنيا يا هشام كبيره صغيره الاهتمام بيفرق معاها كتير يمكن ده مش ذنبها ان طبعها صعب بس انا قولتهالك في بدايه كلامي اكيد بباك السبب وانت قولت بابا طيب وانا لسه عند كلامي صدقني يا هشام بباك السبب في وصول مامتك للحاله دي حتى لو كان طيب بس انا واثقه ومن غير ما تزعل ان هو بخيل في مشاعره اوي من ناحيه مامتك حتى لو بيحبها بس يمكن مقدرش يوصلها الحب ده
مامتك يمكن زي ستات كتير لما بتحب اوي بتحب تشوف اهتمام الراجل ديماً بنفس مقدار اهتمامها ليه يمكن كانت بتتوقع ردورد افعال منه ومش بتلاقيها فا بتتعصب وتتحول زي ما انت قولت ان بيبقى طبعها صعب ده مش صح بس كمان بلاش نشيلها الحمل كله لوحدها
هشام..بإبتسامه جميله انتي كبرتي اوي كده امته يا جنه
جنه....🙄🙄🙄 بقالي كتير
امير....خد بالك جنه سنها صغير بس عقلها حلو
هشام.....صراحه اتفاجئت بيها كمان فرح وميار اتفاجئت بكلامهم يظهر ان كان معاك حق لما قولتلي تعالى
فرح....انك تفهم اللي قدامك يا هشام مش محتاجه سن صدقني بس يمكن احنا عشان بنات فا نقدر نفهم بعض وبما انك بتقول انها طيبه وامير بيقول انه بيحبها فا اكيد هي طيبه بس محتاجه تحب نفسها واللي حواليها يهتموا بيها اكتر❣️
هشام.....وانا هعمل بنصيحتكم وهجرب
ميار....انت بس هات ورد وياريت تزود شيكولاته كلنا بنحبها🙈🙈 وبيضحك علينا بيها وهي هتصالحك على طول
هشام.....بس كده هجبلها وهجبلكم انتوا كمان لو قدرت اقرب منها اكتر ❣️
جنه...ان شاء الله هتقدر بس متنساش الشيكولاته بتاعتنا🙄
ضحكوا كلهم وكملوا قعدتهم مع بعض❣️
وللحديث