﴿ وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ ﴾ ♥️
- سُبحان الله
- الحَمد لله
- لا إله إلا الله
- الله أكبر
- أستغفِرُ الله
- لا حَول و لا قوة إلا بالله
- سُبحان الله و بِحمده
- سُبحان الله العَظيم
- اللهم صلِ و سلم على نبينا محمد وعلى ال محمد
***
عن حال لالة :
- آنة وگلبي النحبك طولت عنه،
يمنه شغيراك وصرت مو منّه
بشر لكن غيابك مال ناس هواي
شما يبعد رسومَك موتي يدّنه
مو مالت زعل بس انتَ ردت تروح
موَچد غير ناس وعندك الضنه
ترة مبين الرايد حجة حتى يروح
يزعل من سوالف ما يزعلنه .
***
- كال هل كلام انصدمت وضليت صافنة عليُهم بتععجب !!
نيروز ( وهو يتنفس بعُمق ) : الله كريم خويي بس مايصلح البت بعدها اعدادية فد سنتين ليكدام وعود تعال اخطبها من ابوها
باوعتله فاتحه عيوني هذا شديخرط صدك عود ؟
هز راسه صِهب نيروز دار راسه عليَّ ومبتسمَ نص ابتسامه تقربت من يمه وباوعت بعيونه بحِدة وحجيت بنتر واقطع الكلمة حرف حرف
: م ر ا ح ، اسامحك ، لو ، تموت
عفتة ومشيت دمعه تلالي بعيوني بس ولا طيحتها لهنا وبس بعد شكد ابجي عليه ؟!
صعدت فوك ع سريع ودخلت لصف كعدت يم ماسة الي هيَّ اجت كعدت يمي من اول ما ريهام غابت
جنت مختنكه كُلش ، دخل نيروز لصف وبأيدة دفتر ، وعيونه تدرو عليَّ من شافني ضل يباوعلي بنضرات لا هيَّ حقد ولا حزن ، شفقة اي اي شفقةة منكسُر خاطرة عليّ عمت عيني اي ولله
مهتميتله وكعدت ساكِنه بدة يشرح واني فلا مركزه بالشرح ولا اهتميتَ ، جنت اكتب ورغم هو منع هل شيء
حسيت صوته صار يمي رفعت راسي يباوع ويخزر مال ادخل هذا القلم بعينك اي ولله
نيروز بعصبية : مو كلت ماكو كتابة جاي اشرحح ؟؟؟
سكتت مغلسه عليَّ كال
: كومي حلِ هذا المثالَ
باوعتله ورجعت باوعت للمثال جان سهِل هه عبالة يخوفني بهيجي سوالف
وصدك كمت حليته و واكفه بعدني داحل وكلشي تمامَ ألا ان اندك الباب ودخلت ريهام عيونها حُمر والكانونه بيدها وشعرها مخربط
ريهام : عادي افوت استاذ ؟!
راح نيروز يمها هو راح لو اني فرُت ولعباس هيج نار وشبت بضلوعي اسمعه يكُلها
نيروز : بيج شيء؟! اهلج سولج شيء ؟!
ريهام : عادي استاذ نطلع نحجي برى
هز راسه وصاح : بناات الي ع سبورة كتبوه ع ما اخلص حجي وي زميلتكُم
واخذها وطلع وطلعتهم اي ولله حليت االمثال ورجعت فايرة ع اعصابي حرفيا احس كلبي صار يأذيني ونغزات راح تجيني
دستني ماسة
: هيو ترى هاي ريهام مو راحه ديري بالج ذاك اليوم عينك عينك تكول نيروز صاك ولله لو ايوب او اسامة درة مصاحبين هيج بنات يلعبون الغالي ع غالي
باوعتلها وابتسمت هزيت راسي بشرُود
دخلو وجانت هيه مبينه جاي تبجي بس بصمت شافتني كاعده يم ماسة راحت كعدت اخر شيء
ونيروز جان يباوعلي يريد يشوف موقفي بس ما انطيته وجه كافي كرامتي وانمسحت بالكاع طُبك طوب بعد حتى لو تروح تزوج هم ما اهتملك
اي كلش ، خلص اليُوم بسلام ، يا سلام هيه غير طلعت روحي يلا خلص، ومنو سد الباب ؟!
هه هه هه لمولي ضحكه عود ، ما اطول عليكُم هاي اني اضحك واضحك صديقاتي وياي بس رجعت للغرفه لزمت المُخده وضليت ابجي وابجي وابجيي
اكره روحي واكرها واكره اليوم الحبيت نيروز بيه !!
ورى ما تزوجته ما شفت بيه اي شيء ينحب صراحة يعني ؟!
بس جماله موضوع ثاني ولو اذا هو تعاملة وياي مو حلو يعني رويحته مثكلها عليّ قابل اشوف ويهة جنه بيبيتي
دخل هو وكمت اني طلعت بالبلكونه رغم هو طابق اول بس هم بيه بلكونه تطل ع حديقه الخارجية مال البيت صفنت هنا اول يوم صرت فكر ب نيروز
جنت كاعده ادرس ماده الرياضيات مال الثالث بوقت المُراجعه
وكاعده بالحديقه ومسفطه وشوي وابجي لان القانون ما جاي اكدر احفضه جان القانون اعتقد مال الممُيز دلتا المهم
جان يجي هو ويضحك على حالتي
: شبيج بوية جنج مُطلقة وعدج تسع جهال بركبتج؟!
ضليت ابجي واحاجيه
: هذاااا المميز من انعل ابوووه لابو جده مجاي ينحفظ متتت متت وبقالي هواااي راح ارسبب اييي راح ارسببب
اتنفس بعمق واجه كعد يمي
: بوية صل ع محمد واستهدي بالرحمان كَلشي يصير سهل ووحق النذبح عطشان ، جا بوية انة هنا رجل كرسي غير اخوج مدرس رياضيات بحد ذاته هيبة هيبة !!
باوعتله وهزيت ايدي باستفهام
: اخوي محامي يا رياضيات
ضربني ع راسي وكال
: مبينه تأثيرات الرياضيات ساطرة عكلج المهم بوية راح اشرحلج وامري للخالق
كعد يشرحلي بضمه وضمير وكلشي سواه بيه موقف وحكاية
ع ما خلص خلص صبره وياي زهك وكال : والعباس ابو فاضل اذا ما تجيبين ١٠٠ لا اعرفج ولاتعرفيني خوووش
باوعتله وهزيت راسي : ربك كريم شكرااا فوفو
باوعلي عاكد حاجبه ونتر : لج شنهاي يمصخمه نوب فوفو علينه لا ربحنهه ولله امشي لج
ضحكت وضحك ع ضحكتي ورجعت تشكرت منه
صحيت ع صفنتي ايده الي لامسته كتفي بهدوء : لاليتي ؟!
حبست دموعي وغمضت حيييل والبرودة مناه تطك بالعظم متت بكاعي
رجع طال بنفس الهدوء : لالي بس اسمعيني وانتِ تفهمين حالي ؟
درت عليه بقلت صبر : اضن ماكو شيء ينحجي لان انتَ سويتني سلعه بيدك تبيعني وتشتريني هيج اني شيء رخيص عنَدك هه متوقعت هل شيء يطلع منك
نقرت بصبعي ع صدرة مرتين ورجعت اردفت : انتَ بالذات وسفه ياحسافة ذيج الايامَ الجنت احس عندي ابن عم كفُو ويُوكفِلي بالشدايد بس طلع هو يريد يتخلص مني لا لكثر ولا اقل
مشيت منة كض ايدي سحبني عليه طخ جسمي بجسمه حيل وصاح بتعب : وج اسمعينيي !!
هزيت راسي كال : امس الفجر اجتني رساله ع واتساَب وهي تكول
" ريهام "
- هلو استاذ شلونك ؟ استاذ فدوةة ساعدني اهلي راح يموتوني يريدون يزوجوني لابن عمي لان هو نهه عليَّ ومن ما قبلت اني رادو يكتلوني لو ما صِهب منعهم
نيروز : اني هنا استغربت يعني بعيدً عن المُشكلة ليش تجي تراسلني اني بالذات خو عدها اخوها هم مدرس ويايَّ عجيب
" نيروز "
- بابا انطيني رقم والدج احجي وياه علمودجَ مايصلح بعدج صغيرة ع الزواج
" ريهام "
- ها لا استَاذ هيج راح يرزلنِي اكثر ويجبرني فدوة ساعدَني
" نيروز "
- جا بابا شبيدي عليج ، ولا يهمج باجر احجي وي صِهب والله كريَم
" ريهام "
- وين هو صِهب ملتهي وي الحُب مالته وعايفني بضيميَ
" نيروز "
- عود اني اوصي يهتم بيج بعد شتريدن وان شاء الله احاول ما يخليج تزوجين
" ريهام "
- هاهية مشكور وعلمود هاي حبيت اكلك شيء ؟!
" نيروز "
- اي اتفضلي
" ريهام "
- زاد فضلك استاذ ، استاذ ترى بين لالة وصِهب علاقة هاي شيء اكيد امس سمعته يحجي وياها ع تلفون ترى ؟! ومن اخذت تلفونه لكيت عنده مُحادثات وره مُحادثات هوايَّ !!
نيروز: اني هنا ما استوعبت باوعت علِيج انتِ ما تسوين هيج شيء غلست ع موضوع وسديت تلفون ونمت
بس تغير هل شيء من نزلت اخذ السجِل مالتي ودخلت عليكُم وانتِ وياه كاعدين لزك عبالك حبايب ومنجمعينَ ، وهو يرطُلج غزل ولا وفوكاها يجي يخطبج اني هنا اكدلي شكوكي يعني مو بيدي الموضوع ؟
باوعتله مصدومه شنو هايَّ كتله
: صِهب اخو ريهام ؟!
هز راسه ، رمشت مرتين استوعب الموضوع نوب رجعت اردفت
: مثل ما تفضلت حضرتك
بعدني ما كايله شيء سحبني عليه اكثر وكال بحِدة : بدون رسميات رجلج آنة
كلبي يدك بحيث لابسه كلادة ، الكلادة ترفع وترجع لمكانها سريع سكتت ماكدر احجي هو كال
: كلبجَ خليهدي بوية ، كملي
اتنفست وكلت
: اي مثل ما انتَ كلت اني ما اسوي هيج شيء ولا راح اسويه وره هاي السالفه كُلها هم انتَ طلعت غلطان يعني شنو وان كنُت عبالك انو بيني وبين المدرس استغفرلله ، تروح تكله تعال بعد سنتين شنو عبالك من تطلكني راح اكعد بيت ابوي وانتظر الخطابين مثلاً ؟؟
لا فعلك بيه خير ولا عذرك ، معنى اصح " عذُرك أقَبح مِن فعِلكَ "
ضل يباوعلي شوي وحضني حيل ساكت اني مهدود حيل مناه ومناه تعبانه ما بادلته ولا بطيخ
نيروز : اعرف بغلطي انة اعرفه وحق الحقَ بس شسوي ساعه السودة الكلت بيها هيج حتى ماعرف شلون طلعت من حلكِي بس من حُركت اعصابي هيجي بوياي فد جنت معصب واني وكت ما اكون معصب افقد وما اشوف شيء كدامي فَ من تشوفيني معصب اتركيني تتأذين واتأذه ع اذيتج
سامحيني ملاكِي سامحيني يا اول بريئة بعيني تحلة .
شوفي نرجع مثل قبل مثل علاقتنه من جنه ولد عم بس هسه ماكو شيء حرام كُلشي مباح
سكتت بس كليبي هو اليجاوب كل مايحجي كل ما يزيد دكاته لكلبي
سمعنه صوت وراني
: يمعووودين مو هنا عاد بغرفتكمُ ماصايرة ولادايرة
ابتعدت اشوف اسامة طالع بملابس الشغل ويعيط بحركان كلب
نيروز يضحك ويكلة : مرتي وبكيفي وين ماريد احضنها احضنها
استغفر اسامه وصاح : كملو كملو رايح اني الي الله
خجلت من كلامة شكد عيب شافني بهيج منضر يبوي
دارلي نيروز وكلالي : ها شكُلتي ؟! موافقة ؟
هزيت راسي
ضحك وكال بسرعه : يلا بويه بالعجل جبت الغدة امشي ناكُل
اخذ بايدي ودخلنه للغرفه حاط الاكل بالكاع حاجيته
: ماريد ماشتهي ومابية حيل اكُل
سحبني كعدني وكال
: بس كَعدي واني اوكلج بدون حجج
سكتت ، صار يفلس السمج ويحطه ع تمن ويوكلني
لكمه الي ولكمه الهَ لحد ماخلص الاكل
نيروز : الحمد لله الذي يُطعِم ولا يُطعَم اللهُمَّ هَذَا مِنْكَ وَمِنْ مُحَمَّدٍ رَسُولِكَ، اللهُمَّ لَكَ الْحَمْدُ صَلِّ عَلَى مُحَمَّدٍ وَآلِ مُحَمَّد
باوعتله وهزيت براسي : شنو يعني ؟
باوعلي وابتسمَ : هذا الدُعاء جان الامام الصادق عليه السلام يكوله بعد انتهاء الاكلَ ، علمنياه ابوج من قبل وصارت عندي عاده مثل شُرب الماي
ابتسمت وهزيت راسي اووك ، كومني ورحت غسلت وشِلت الماعين شافني وكال : عوفيهم لاتغسلينهم
وديتهم واباوع البنات ماشفتهم حتى باوعت لساعه جانت ب ١٢ محد يتغدة هيج وكت عفت الماعين و رحت اريد انام
شافني نيروز طبطب ع فراش وكال : تعي نامي يلا بوية
رحت رغم خجلني بأخلاقهَ بس سكتت ، نمت ع طرف واحس كلبي يكمز مثل الطفل ماحس غير نيرووز سحبني عليه وحضني وكال
:هشش لاتفكـرين نامي
مكدرت اتحكـُم برجفه ايـدي ، استغفرت وهو يمسـَح براسي غفيت ...
كعدت ما لكيتـه يمي ، وصوت هوسـه برى بسرعه لبست حجاب وطلعت صار ب بوجهي ماسه دخلت من باب الهول وتبجي كبُـل صعدت فوك ما شافتني انصدمـت هاي شبيها
اريد اروح للديوان خفت لا احد بيه شيء عاد رجليه ما يشيلييني رحت وكفـت يم باب الديوان وشفت نيروز يم الباب صحتلـة بصوت مخنوك
: نيروز
دار وجه عليَّ باوعلي بيـأس واجه يمي هزيت راسي باستفهام ؟!
: شديصير فهمنـي عاد ؟!
اخذ بيدي وطلعنه بالحديقه وكف كبالي هو متوتر اكـثر مني دنسته بجتفه وكتله
: احجييي لاتخوفني رحمه لذاك الاب الطيب
حجه سريع سريع : ماسه طلعت اختك من ابوج ، ابوج كان مزوج وره امج واجت ماسه ، ماتت قبل ماتشوف ضناها
ذب نفس وكال : والحمدلله
باوعتله ماعندي ملامح ع وجهي ؟! بس ارمش وصافنه مداستوعب
نيروز : ولابسه رصاصي انطبق المثل عشتي
لالة : شنو ؟ اختي ؟ لالا بروح جدي لااا
اخذني بحضنه واني ابجي واكول بغصـه
: خايب جانت تتنوعلي توالي الليل وتبجي تكلي ليْش ماعندي اب مثل الواَدم يحتيوني ويطبطب ع ضهري وام تحزن ع حزني وتفرح لفرحتي ولك تدري وكتها اسامه جان يسمعها من تكووول هيـچ وحجه عليها لان تحجي ع اهلها ورى ما راح تبجي وتكولُي اتمنها اخويَّ وهيـج يخاف عليِّ من السيـئه
لك هسه شنو شعورها من طلع عدها اخ وجان لازم يكون بكل وقـت هيه جانت تبجي بيـه فهمني عاااد
اجت سراب واخذتني لماسة ، رغم الكسرة واضحة بعيونها قبل صوتها بس اهتمتلي
عرفت اني هنا امتلكت اعظَم اخِت بالكون
لا ياكون ، هية الكوون صارَت بالنسبة اليَّ
نزلت بغرفتي لكيت نيروز متمدد ع حرباية ويدخن
من دخلت وكفلي وكال
: ها شسويتي ؟
مسحت ع راسي وكعدت بتعب ع جُرباية : حاجيتها وهدتني تحاول ماتخوفني وهية خايفه اكثر مني
اجة سحبني لحِضنه وكال
: بوية ترى افضللها من هسه عرفت ؟! لو تعرف ورى فد ١٠ سنوات هذا التعب الصدكِي ؟ هسه راح تعيش برفاهية رجلها من جهة اخوانها من جهة هاي الحمدلله والشكُر
هزيت راسي داحجي ودك تلفونه شفت رفعه وجان مكتوب
" ريهام "
باوعلي وباوعتله جاي اريد اكوم لزمني من ايدية وكال : وين ؟!
عدلت كذلتي وكلت : اطلع للحمام احجي براحتك
صفن بعيوني واستغفر وجرني عليَّ وهمس : صبرك ربي
وفتح الخط سواه سبيكر
ريهام : الوو
نيروز بكل ثكِل فديتوو ع كُلت دمار : وعليكم السلام تفضِل بابا
ريهام : راح احجي مُختصر !! تحبني لو لا ؟!
ضليت اباوع لنيروز وهو يعني مثل التعود ع هل شيء بس انصدم
استغفر وكال : لا بوية لا انتِ صدك تحجين حرام عليج تجين تحجين هيج وي مدُرسج تدرين لو لا ؟!
ريهام قاطعته وكالت : صرت مو مُدرسي انتقلت آنة
اجه صوت رجال : ريهااام تعاليّ
سدت الاتصال بسرعه ذب نفس تعبان سكتت اني مكلت شيء
العصر طلعنه لبيت دمار اخ ماسة وحيل تونسنه حسيناه من عدنه وبينه وفرحنه بيه وزاد فرحتنه من طلع عد ماسة ام امها موجودة كِلش فرحت بهل خبر
رجعنه للبيَت وكبل ع نووم الكُل تعبان من السوالف والكركه
ثاني يوم كعدت ابدل واني مغمضه بعدني جاي ادكم بالقميص ودك الباب نيروز كتله اتفضل
دخل وجاي يريد يحجي باوعلي ضل صافن شوي ونوب ضل يضحك
صفنت : هاي شبيكك ؟
نيروز : هههههههه اخ يمة بطني شوفي نفسج شلابسه هههههعهه
درت اباوع لروحي بالمراية لابسه قميص نيروز الاسود
نيروز : هسه بربج عوفي ان هو جبير شني لونه ما انتبهتي عليه معقولةة
ماردت يتشمت بيه وكلت : اصلا ادري بيه مالك واريد البسه عاجبني
رفع حاجبه كال : لا بلة ولله يابة اني اريد البسه اليوم هم عاجبني
هزيت ايدي ماا ، اجه يمي يباوعلي ويضحك : قالَ بالَ ؟
ضحكت وهزيت راسي اي كال وهو يحسب : قالَ بالَ بُرتقالَ احسب من واحد للعشرة ، اووو واحد اثنين تلاثه ،،،،،،، عشرةة
صاح نيروز : ههاااي فزت يلا انزعي
عطت عليَ : ماا ماا لو يجي مدري ياهو ما مابيه حيل شبيك انت راح ابجي
ابسرعه حضن اكتافي وكال : لا يمعودة ع بختج كِلشي ولاتبجين يروحلج فدوه القميصَ وصاحبة همينة
ابتسمت بنصر كرص خدي وراح يبدل ،
كملت وطلعنه للمدرسة ، طول الطريق احس بطني تأذيني شلون راح التقي بأستاذ صِهب بعد ؟ احس عيب
وصلنه للمدرسه ومن وصلنه للباب اخذ بأيدي باوعتله مستغربة
: شدتسوي نيروز ؟؟
ذب نفس وكال : ماكو غير هذا الحل ... الحقيقة .
كمش ايدي بأيدة ودخلنه سوة وبووم صار كبالنه استاذ صِهب والمديرة واكفين يتناقشون وضلو يباوعولنه ويباوعون ع ايدينه
نيروز : السلام عليكُم .
المديرة : وعليكم وعليكم ، استاذ ولو ادري لاله تصير بنت عمك بس مايصير هل قُرب حرام ، وما مقبول بالمدرسة من بعد اذنك
وخر ايدي من ايده وكال : هاهيه ما الزمها بعد بس مو حرام ، مرتي هية شرعياً
استاذ صِهب حجه بصوت مصددوم : شنوو ؟؟ مرتكك !!
هز راسه بأي وحاجاني : بوية صعدي فوك لدرسج يلاَ
هزيت راسي عفتهم ورحت اشتريت ماي ونوب صعدت فوك
بعدني جاي اصعد وصار صوت الاستاذ وراي
صِهب : شوي من وقتج لالي
درت عليه وكتله : اتفضل اسُتاذ
دنك وحجه : اسف ماجنت ادري انتِ متزوجه بس
باوعلي بوجهي صعد بايتين متقرب مني كلبي صار يدُك بس بخوف مايفصلنه بس خطوات اني ب باية وهو باية فققط
درت وجهي اريد اصعد بس جر ايدي علي بحيث وكعت وطحت علي كضاني من خصري بسرعه نزلت دموعي ودفعته بس هو جلب بيه وكال بقهر
: ولله حبيتج ليشش هيج لييششش اريدج اليَّ مو لغيري احبجج لاليي احبج
ماحس غير انزلمت من جهة ومن جهة ثانية طار نص وجه صِهب ببوكسي من نيروز
دفعني نيرووز وراح لصِهب ولزمه من خوانيكه ويعت بيه عت ويكِله
: لو ما قطع الارزاق حرام جا عرفت شسويي بيك سافِل متستحي انتَ متخاف ربك بكد اختك هايّ بكدد اختكك ما خفت من شفت دموعها لايجيي يوم ويصير هيج شيء بأختكك جاااوب شبيك انخلست
صِهب دفعة لنيروز ونزل من الدرج يرعِد رعد
مسحت دموعي ودارلي نيروز وجهة واجه يمي حضني وكال
: اسكتي بوية هاي هية راح هشش ما سوالج شيء مو ؟
هزيت راسي بأي مسح ع خدودي ومسح دموعي
: يلا امشينهَ اوصلج لصف
هزيت راسي وصلنه وجان الدرس بادي دك الباب وطلع مُدرس الاحياء وكلالي اتفضلي بابا
دخلت لصفَ كعدت يم ماسة وضل يشرح ابو الاحياء ونوب كال
: لك موطني اكعد راحه نسيت التعُهد ؟
درت وجهي منو موطني صاحت بنية
فواطم : استاذ ولله ما حجيت شيء !! هية شغف سئلتني
ضحك الاستاذ وكال : هيه شغف وين اكو مثلها كاعدة يم جنة انتِ شوف شلون ، يلا موطني كومي عيدي الشرح
باوعت لفواطم نفسها بنت جيرانه الي يحبها ايمنَ والي بصفها بنيت عمها شغف صديقات طفولتي ذنيَ الروح بالروحَ
كامت فواطم وشرحت وكعدتَ ،
الاستاذ علي : مثل مكالت زميلتكم هسه اطيكمَ مثال بعروري الصرصور من تلكينة ورى البابَ اخذي وشوفي حتلكين بيه
ضحكن البنات وكالت فواطم
: عييع استاذ لا تكمل لعبت روحي
المدرسس جان يحشش بأعلى ماعنده طاقه اخر شيء كال
: هسه اني شايب مو ؟
هزينه راسنه وكال : اتعلمو شنو صفات الشياب ؟؟!
موطني رفعت ايديها وكالت : يحب طيلة العمر ، يحب الفلوس وما يستحي
ضحك الاستاذ وكال : احسنتِ صفكوولها
ضلينه نضحك عليهم كِل ساعه يتناكرون
من خلص الدرس رحت يمها وكفت كتلها
: هلاو ؟؟
دارتلي باوعت ع بتمعن وابتسمت بهدوء وكامتلي
: هلا بيج لالي شلونج خيتي ماتسألين ماتكولين هاي ميته البنية عدلة لو بس عرفتي اني رحت لكربلاء هاي هية نسيتي
تقربت يمها بهمس وضحك
: مو جاي احضر لخطوبتج شبيج
وخرت وغمزتلها بوياي الخجل هيج يغير الواحد صارت بنية ثانية معبالك ستوة جانت تحجي بكل حُرية ابدااً
كرصتني ماسة وكالت : عيب خجلتي البنية شجاجج
كالت فواطم بدون ما تدري يمكن
: ايمن ابن عمها بعد شتترجين منها ...
باوعتلها وهيه تباوعلي ثنينه صافنات نوب طكيناها بضحكه فززنه الميتين من كبورهم يا يمة
كملنه المحاضرات وطول وقت الدوام ماشفته لنيروز ولا حتَ صِهب المهمٌ بعد افضل كرهته كِلش تصرفه قززني ورعبني لابعد الحدود
صارت الحلة وطلعت يم باب الادارة جان بيها نيروز دينتضرني بس شافني اجه اخذ ب ايدي وكال
: الجامعات مال الشباب تبدي الاسبوع الجاي ، و مهيمن يريد يرجع لبغداد والبنات راح يسون خط تضلين ويايَّ لو ترجعين وي البنات ؟!
: ترى جامعات باديات ؟ قصدك امتحانات مو ؟
هز براسه وكال
: اي المهم ميكدرون يجون ع بنات وكلتلهم اني اخذهم شتكولين انتِ خط لو اني اخذكم ؟
: لا انتَ اخذنه ، ما أمن بآحد انة
هز راسه وطلعنه بالسيارة ، اهذت تلفونِي اكلب بَيه ع ما نوصل للبيت
اجاني اشعار رساله تلو الاخرة ع رصيد فتحتهم من مجهول
💭 : ماتريدينَ تعرفين رجلج يحب منو ؟!
باوعت صفنت بالرساله وقريت الثانية
💭 : تريدينَ تعرفين شلون جاي تنخانين كُل يوم وكدام عيونج الحلوة ؟!
باوعت باالرسايل وارجف وارجع اباوع لنيروز ، ههه لا ميسويها وج اصلا هو كال نسيتها ايي
سديت التلفون ، بس شيقنع كلبي بعد حاجيته اريد اسد فوخت كلبي
: نيروز منو جنت تحبها انتَ ؟!
جان صافن ويدكك ع ستيرت بهدوء ، من كلتها اندار عليّ بصدمة وفاتح عينه مستغرب
شوي ورجع مثل قبل واهدء بعد وكال : انسِيها ناسِيها اني
هزيت راسي لا وكلت : شعليَّ اريد اعرفها شدخلي اذا نسيتها
درت وجهي لجامه والدمعه معلكه بعيني وكملت : او ما نسيتهاا
عاط بيّه : كتلجج نسيتها لا تجيبين اشياء من يمج البنية متزوووجه مايصير هيج تحجيين !!
هزيت راسي بأي بس اني راسي يابس اعرف يعني اعُرف
طلعت تلفون ورديت ع الرساله
💬 : منو انتَ وشمعرفك بنيروز ؟!
شوي وجان يرد مثل المنتضرني
💭 : مجهُول ماتعرفيني بس نيروز يعرفنِي واعرفة مَثل روح بجسدين وكفاية الفهِم
استغربت شنو يعني صديقه ؟ واذا صديقه ليش ديطعن بيه ؟!
💬 : اذا انتم هيج اصدقاء ليش تكُلي ؟؟ ليش تخونه مو مأمن بيك هوّ ؟؟
تأخر شوي ونيروز باوعلي وكال
: ويامن تحجين ؟
حجيت بلا مبُالاة : ابن خالتي عصام
: ومن يمتى انتِ تحجين وي عصام خير ياطير منو مات ؟؟
درت وجهي وطفيت تلفون وضميته مغلسه علي رجع صاحح
: مو جاي اخري احجي ليش تحجين وي عصااام شعدج وياااه !!
درت علي : شعدييي قابل قريبي وسئل عليّ لو حراام !!
يالمتدين والتعرف بالدين الله اوصى بالمودة بين الاقارب خل اذكررك بسسس
سكت هو واني احس فُرت فور شكول عليك يالبالي
وصلنه للبيت نزلت من السيارة وطكيت بابها حيل صاح : وج اغلى من مدرستج هااايَّ
ضحكت بانتصار اكثر شيء يحبه ساعته وسيارته شني سر مادري ؟ خاف حبيبته جابتهم اله ؟؟ خاب انجبي لالي انجبي
دخلت للغرفه بسرعه بسرعع بدلت وطلعت التلفون شفته راد عليَّ
💭 : العينُ بالعينِ والسنُ بالسِن والغدُر بالغِدر ، كما تُدين تُدان هاي سنه الحياه انا لا افتن ولا هاي تريدين تعرفيَن اهلا وسهلاً ماتعرفين ضلِ عايشه بحلم وياه وبأحلامجَ هو رااح يحبج .
مسحت دموعي اخخ يالقهر شجابني ع هاي السوالف شحطاني بيهاا
دز مقطع فيديو شوي وفتح جان كاعد ع كورنيش وواحد ديصوره
ونيروز كاض بايدة فد شي وديشمه حييل ويكول : اشتاقيتلهَا ، روحيَ ماتكدَر بدونها يمكن هذا الشهر اخطبها لا مُحال اريدهاا
انقطع المقطع من راد يكول اسمة ، حطيت ايدي ع كلبي اهدي واستغفر ربي ع الي راح يصير ،
كمت صليت واني محروك كلبي وابجي ، قريت الختمه مال جدو ومن خلصت حاجيته لجدو
: شسويت بينه جدو ، وصيتك مكسورة لاليتك مطفية اجتكَ ترضاها هيج
صار صوت ورايَّ
نيروز : ماعاش الي يرضاها لا انه ولا غيري
سكتت مسحت دموعي كعد يمي متربع وقرب ايده لخدي ويحجي بحنية : شصار مو امَس تصالحنه ليش كلبتي عليَّ ؟ من موقف صِهب انسيه ولا يضل ابالج اروحلج فدوة ونذر اني
هزيت راسي لا كال
: جا شني احجي لاتورمينَ لكلبي عليج ، اموت من اشوفجَ هيجي
باوعت بعيونه وكلت مثل مساعَ اريدة يجاوبني : منو جنت تحب ؟
ضل يباوع بعيوني وزفر نفس ورجع كال بسؤال
: عرفتِ انتِ ؟!
هزيت راسي لا وكلت : اريدكَ انتَ تكلي علمود ما انصدمُ بعدين
كام من يمي : ولا راح تنصدمين انسِ اصلا اني جنت ماحبها هيج مقشمر روحي بيها
فورني تفور كمت اخذت تلفوني وطلعت الفيديو مالته ورحت وراه عطت بيه وحطيته بوجهة
: جااا هذاا شنووو هااا شنووو هذا ماتحبهااا مو اتزوجتت مووو اي مبين مبينَ مو تريد تروح تزوجهااا روووح من راحت روحي قبل مامتزوجتك ومورطه نفسي بيك
ضل هو فاتح عيونه مصدوم من الفيديو : منين لكيتيه ؟!
ابتسمت بسخُرية وكلت
: محترمتكَ ليهسه لان انت الجبير وابن عمي لخاطر ذيجَ الايام بس انتَ ماتستاهل واحد يحترمك مال يشبعك مسبه ويعوفك ويروووح ..... انتَ ماتستاهلني
عاط بيه : لج كافيي اسكتيي اسكتيي
اجه بهمة يريد ياخذ التلفون قفلته بسرعة صاح
: منووو دزالج ياهه احجي ياشريف دزاه
ماحجيت حجه بتفكير وطلع تلفونه : ولله اذا انتَ
من شفته هيَج متوتر كلت اكيد اكو شيء استغليته مدام ابتعد عني وفتحت التلفون وبسرعه رحت للولد الي مراسِل
: منو البنية ؟؟
دقايق مرت ودز : بنتَ عمج ماسة .
ايدي ضلت ترجف وطاح التلفون مني ، دار عليَّ مفزوع واني احس ما جاي اشوف عدل وصار عندي صداع وفجأة طحت بالكاع ....
فتحت عيوني بعد مُده شفت واحد يمسح ع راسي انتبتهله اسامه كاعدِ
من شافني كام باس راسِي وكال
: الحمدلله ع سلامتج يروح روحي انتِ شلون صرتي ؟ راسج احسن !؟
هزيت راسي واشوف معلكيلي كانونة وكلت باستفهام
: شصارلي ؟
ضل يباوع كأنو يدرس ملامحه وجهي وشوي وكال
: باعي حبيبتيَ انتِ مؤمنه بقضاء وقدر ربج مو ؟
هزيت راسي اي كمل كلامه
: ربج راد انُ يصير عندج مَرض يكفر عن سيأتج مناه للكبر
عكدت حاجبي : يامرض ؟ شبيه اني راح اموت ؟!
هز راسه لا وكال : اسم الله عليج يومي قبل يومجَ بوية من الاخير قبل فترة عرفنه صاير بيج سُكر مزمِن .
باوعتله مصُدومه ماتوقعت بس الحمدلله ع كُل حال وبال وامر وهماً وغماً
دخل نيروز وبايدة علاكه طبيه كام اسامه كال نيروز : لاخليك اسوم
ابتسم اسامه ومسح ع راسي وكال
: هسه بوية انتِ عليش هيج منقهره ع امتحان بحيث هُبط السُكر عندج ؟ هو امتحان يروح ويجي غيره
باوعت لنيروز الي جان منتجي ع كنتور ويباوعلي بأسف مبين هو كايل هيج جذبه كلت اني
: بس اسامه هذا الامتحان اثر بيّ لان علمني مايصير اتهاون وي المادة اتهاونت واتهاونت ورحت للامتحان بكُل رحابه صدر بس الامتحان طلع مو مثل ما توقعتَ طلع صعب وخلاني بموقف يكسر الكلبَ
ضحك اسامه وكال : نوب تحجينها بذمه وضمير بابة هو امتحان الشهر الي يجي اريد منج احلى ١٠٠ خووش كسِري راس هذا الامتحان
ابتسمت بنصر : من عيوني
باس راسي وطلعَ ، اجه نيروز يمي لا باوعت بوجهة ولا شيء
عدل الكانونه وكعد بصفي لزك ، قرب ايده ولزم فكي دار وجهي عليَه بعدت منه وحجيت بهدوء
: وخر عنيَ
جان يحجي وخايف : بس سمعيني بروح جدج خليني احجي ولله موَ هسه احبها وروح جدي مو هسه قبل جنت ايي جنت احبها بس من عرفت ايوب حباهاَ طلعت من روحي وكلبي وعقلي ونسيتهااا بليله ويوم صدكييي صدكيي
هزيت راسي لا ودرت وجهي امسح بدموعي ، كام راح للحمام شوي ورجع متوضي كعد يمي واخذ القرأن وكال : وحق كل كلمه من هذا القران وحق من انزل هذا القرأن ع رُسوله اني ماحبها ونسيتهاَ واصلا صارت مثلها مثل اخُتي واكثر !!
باوعتله هدأت شوي من حركت الاعصابَ ، احس اني كُلي تغيرت مو لالي القديمة ،
باوعلي وكال : ها؟
حجيت : ايوب يدري ؟!
هز راسه اي وكال : هه حتَ من درى راح عافها شكَد مُطي قهر نفسه لخاطري لعد شكد يحبَني
هزيت راسي ونوب كلت : وماسة ؟ تدري !!
هز اكتافه بمعنى ما اعرُف
شوي وراح ، شكله يوحي انَه تعبان كِلش ومهدود حيلَه
بس طلع اخذت الفون مالتي اريد اشوف هذا الحقير ياهو
دخلت ع راسائل ماكِو ؟؟
شخص حاذفه يعني جو جو مايكعد هل نيروز ابداً ولله ..
نمت ورى تفكير عميق بمُستقبلي وشراح يصير ، مع الاسف جنت افكر بنفسي وناسيه اهلي وناسي ......
* * *
- اوويويوي مشتاقتلكم ولكم كبدبد 🦋😭😭
استمتعو بالبارت .
يتُبع ...
دمتُم سالمين ...