⛓️:منطفئـة مثل ظـلٍ في العتـمة .. لا يلاحظها أحـد ، ولا تُـزعج أحـدًا 🙇🏼♀🖤؟!..
الكاتبة اميرة بأخلاقي
وردايات لاتنسون نجمة وتعليق ومتابعة لحسابي "
»»»
سوفير... ثاني يوم كعدت من الصبح مثل كل يوم بس هالمرة كعدت جسمي كله يوجعني مابيه حتى اكوم مصخنه حرارتي احسها مرتفعه اكيد بعد الصار كل البارحه هيج تمرضت حاولت اكوم فد مره حيلي باد رجعت مكاني كملت نومتي
مااحس الا امي اتصيح وترزل بيه حتى اكوم
غاده... فوك ما كوات عينج نايمه ظهاري تكومين لا اكسرج هسه اخذتي دلال زايد
سوفير... شبيج يمه والله العظيم مريضه ومصخنة مابيه حيل حتى اكوم
غاده... دروبج مو عليه هسه تكومين
سوفير... شسوي كمت لميت شعري جان منكوش شافتني كمت رحت غسلت وجهي وصليت بديت بشغل البيت بس بالي ابد ماجان ويا الشغل معرف شون نضفت وعزلت البيت
»»»
لؤي... نزل من السياره سلم عليه
سالم... هااا ابني نبدي بشغلنه هسه لو شنو
لؤي...اكيد اكيد يلا
التانكي بل حوش خلا بل كرين وجاي يصعدا
لؤي... اي اي شويه ليفوك اهااا هسه تمام
صعد لي التانكي بسرعه لان مو شغل صعب
لؤي... مشكور رحم الله والديك عمي هاي كروتك واذا اكثر كلي
عبدالله... والديك ابني لا لا كافي 20 خليهن اذا ماعندك
لؤي... لا عمي تسلم والله
عبدالله... الله يسلمك وليدي اتوكل لعد اني
لؤي... لا والله ماتتحرك كبل ماتشرب جاي
عبدالله... بس مستعجل
لؤي... لا شنو السالفه هسه يجي الجاي
دكيت باب المطبخ من برا فتحته اميره
لؤي... هااا الجاي صار
أميرة... اي بس اصبه
لؤي... يلا بسرعه لعد
صبت الجاي وخلت ويا صحن كيك خليته بل كاع اخذت ثنين كراسي من الحوش رحت برا خليتهن
اكعد عمي وهاي الجاي وصل
ليش هيج زحمت نفسك ابني
لا شنو هالحجي غير اول مره تجي
بس جيت بشغلي ابني
وأن يكن مايصير الا ماتتضيف يلا هاي الكيك اكل هم
اخذ كيكه اكلها ويا الجاي
يلا اني اتوكل
لو مو شغلك جان كتلك ضل نحجي شويه
لا والله حتى تأخرت حيل نشوفك بخير ان شاءالله
هلا بعمي وممنون حيل
كل الهلا بيك وليدي ركب سيارته شغلها سلم وراح
واني واكف صافن اكول لنفسي بالله يعني بتصرفي شنو استفدت ولا شي فتت للبيت ضايج
تمددت بل هول امي كاعدا
هاي يمه شسوي
هل تشوف كاعدا اطمش عل تلفزيون
هااا
اي ابني
لؤي... تمددت وبقيت افكر شون الكي حل اعرف أخبارها صافن عل سكف وافكر
مالكيت اي حل كمت بضجر كعدت وخابرت احمد
لؤي... هااا وين ماوين
احمد... بالبيت والله وانت
اني هم مثلك بل بيت
احمد... امممم شسويت علمود سالفتك
لؤي... الله وكيلك لا خبر منها ولا شي ابوها هيج اجا وراح واني مثل المجنون كلشي ماسويت
احمد... الله كريم بلكي تلكي حل تعال يمعود نكعد شويه بل أسواق
لؤي... يلا جايك شويه... سديت الخط ورحت لأحمد اعرفه وين لان دائماً نكعد يم هذا المحل
»»»»
سوفير... ايام مرت واني نفس حالتي اهلي يضغطون عليه حيل بس بل بيت لا طبه ولا طلعة والاهم من هيج الموبايل كسرو ليا يا مكضيه وقتي بل شغل البيت يا تلفزيون يا بغرفتي ولؤي مااعرف اي خبر عنه اريد اتواصل ويا اطمنه ماادري شون و وين اكيد باله يمي
دك باب البيت فجاة واني كاعده افكر شسوي بخصوص لؤي...
غاده... كومي افتحي الباب ماتسمعين يدك
سوفير... بس انتي ماتقبلين اطلع باب المطبخ لو شنو تغير
غاده... كومي هسه جاي اكلج
سوفير... كمت فتحت الباب واشوف ام سفيان وبنتها بالباب جوارينا
اهلا وسهلا تفضلو تفضلو
ام سفيان... زاد فضلج بنيتي امج بالبيت
سوفير... اي فوتي هيا جوا سلمت عليها باوستها وفاتت
سوفير.... انتي بنتها مو
تبارك... اي اني بنتها شونج شخبارج حبيبتي
سوفير... هلا بيج حبيبتي هم باوستها وكتلها تفضلي
فاتت هيا واني رحت للمطبخ اجيب ماي
ام سفيان... ليش خالة زحمتي نفسج هيا خطوتين بيتنه
غاده... لا ام سفيان قابل شمسوية
سوفير... انطيتهم ماي ورجعت كعدت يم البنت الأجت
شنو اسمج انتي
تبارك... تبارك اسمي وانتي
سوفير بأبتسامة... عاشت الاسامي حبيبتي اني سوفير
بقت بس ادحك عليه وتتبسم البنت
ام سفيان... اكلج بنيتي يصير احجي وياج بموضوع
سوفير... اني خالة
ام سفيان... اي بنتي اذا امج تقبل وماعدها مانع
غاده... لا شهل حجي يصير البنت بنتج ام سفيان
سوفير... كمنه رحنه بالغرفة
اي خالة اتفضلي
ام سفيان... زاد فضلج حبيبتي شوفي اني جيت لهنا مخصوص الج
سوفير... تعبتي نفسج خالة
ام سفيان... عادي خالة بس شوفي فكري زين كبل لا تجاوبيني
سوفير... اي ان شاءلله بس شنو الموضوع
ام سفيان... سفيان دزني عليج علمود اطلبج مرت لخ
سوفير... اتفاجئت ماعبالي هذا موضوعها
بس خالة... قاطعتني
ام سفيان... كبل لا تجاوبين كال اعرف اذا طلبتيها من اهلها رح يغصبوها هل اجيت واخذ رائيج لان ميصير البنت تنجبر عالزواج انتي راغبة ابني وتردي وراضيه بي اذا هيج خلي نتوكل لان ابوج مايعوفج بحالج ابني حجالي كلشي وماكو شي بينكم ادري بس علمود ماتتأذين حب يخطبج اذ موافقه انتي طبعاً
سوفير... دنكت راسي خالة أبنج ذهب مبين علي اخلاقه حلوه من تصرفه هذا وحيل اشكركم لان فكرتو بيه بس حاليا مامفكرة بل زواج واهلي الله يهديهم عليه ان شاءلله
مايجيني احسن منكم بس كلشي قسمة خالة والقاسمة الله نرضة بي
ام سفيان... عادي عادي ونعم بالله بنتي بس اني لمصلحتج يخليج بين عيونه لو قبلتي اذا غيرتي رائيج خلي اختج الصغيرة تجي وتكلي علمود امج ما تحس انو اني حجيت وياج بهل موضوع خوش خالة
سوفير... تمام خالة واعتذر منج والله واذا غيرت رائي ادز اختي بعدين عليكم
ام سفيان... عادي بنتي احنا شارينج بكل وكت وهااا اعرف ماعدكم احد بس ابوج من يطلع للشغل اخلي تبارك تجي يمج تونسج بني ادم هم يختنك ويضوج تتونسن بعضجن لبعض
سوفير... تسلمين خالة اي والله ياريت لان اضوج وحدي حيل بس خاف اشغلها شي
ام سفيان... لا بنتي عادي تجي عندج شويه هسه انتي كولي لأمج خالتي سألتني علمود ادرس خارجي مع بتها وأجت تاخذ رائي تدري اني تاركة مدرسه خاف تكليلها ويجبروج واحنا مانجبر البنت حرام وخطيه هم
سوفير... معرف شكلج خالة والله خجلانه منج
ام سفيان... لا بنتي يلا كومي كبل لاتجي امج
رجعنه للاستقبال واني مستحيه منها
ام سفيان... يلا تبارك كومي نروح جينه نشوفكم وهم موضوع حجيته ويا سوفير
غاده... ياستار توكم جيتو اكعدو اشربو جاي شي
ام سفيان... لا والله على غير مره عندي شغل عود بنتج تكلج بل موضوع الي جيت علي
غاده... الف هلا بيكم عيدوها وتعالو البيت بيتكم
ام سفيان... ماتقصرون ام سوفير بيتكم عامر ان شاءلله
سوفير...وصلناها للباب رجعت اني كعدت بل هول انتضر امي احجيلها الموضوع ان شاءلله اصدكني
اغاده... ااااااي ست سوفير شنو حجيتو وحدكم ومو كدامنا
سوفير... بنتها تبارك دتسجل بمدرسة خارجي واجت مخصوص علمود تكلي كالتلي اذا قبلتي كلشي علينا احنا نتكفل نعرف بيج تاركة الدراسة وانتي شاطرة كتلها اسأل اهلي واردلكم الجواب
غاده... ليكون عبالج صدكتج ادري مو هذا الموضوع وغصبا عنج تحجيلي الصدك لا اكول لأبوج
سوفير... شبيج ماما مثل شنو غير هذا هوا الموضوع وروحي سأليها كالت اذا اكول لامج خاف ماتقبل اقبلي واني اقنع اهلج
غاده... خوش والله نوب يقنعونه خاف يخليج ابوج تروحين وانتي ماتقبلين تنجبين وتسكتين والله يا الله مدرسة اتريد هوا كوة حاملينج نوب نحمل مدرستج بس شعدهم يدفعون عنج فلوس المدرسة هااا لازم هم تواعدين ابنهم هاااا اخلي ابوج يكسر راسج والله
سوفير... ماما معرف اني صدكي لاارجع مدرسة ولا شي والله مااعرفه حتى كمت رحت للغرفة اعرف راح تبقا تصيح عليه اذا ابقى يمها
غاده... وينج انهزمتي تعالي خلصي الشغل لايصير غير حجي وياج
سوفير... توني حتى اكوم جان......
»»»
لؤي... احمد جاي اكلك مااااااتحمل بعد ياناس والله طكت روحي محد يحس بيه اريد خبر عنها
احمد... شبيك منه الناس لتصيح شنسويلك ياحبيبي قابل بيدي شي ومامسوي كلي حتى اسوي كلي اساعدك بشي بس لا تبقى هيج ارجوك لأاوي تقهرني عليك
لؤي... تنقهر عليه عجل شتكول عليه مخنوووك لدرجة محد متوقعها شسوولها عرفو بيها لو لا شون هيج ياربي اني صوجي صوجي وصرت اضرب براسي
احمد سحب اديه من راسي
احمد... شبيك ولك كافي كااافي الناس سمعتنه كوم نروح نحجي بغير مكان
لؤي... رحنا كعدنا يم بيت احمد جاب كراسي وكعدنا واني افكر شون احلها للمشكلة
شون هسه احمد يعني هيج ابقى كاعد والبنت يمكن اهلها اموتيها كتل لا يمكن اموتهيييا ولك جاي اموت من افكر هيج يااا ربي
احمد... كول يا الله تلكه حل بس كول يا الله سهله
لؤي... يارب سهل الي امري والله مااكدر اتحمل اذا صارلهااا شي على الاقل لو اعرف بيتها وين لو اي شي يخصها ماجانت تحجيلي عن هيج شي
احمد... اصبر شوي ادريس يتصل
هااا ادريس اي اي يمي صدك جان خابرتني تعال هسه ليش هاااا ديلا لعد ارتاح تصبح على خير
لؤي... شنو شكو
احمد... ادريس واسامه رايحين على بيتك مو لاكينك بل بيت وراجعين جاي يدكون عليك مايحصلوك عبالهم بيك شي كتله تعال هسه يكول تعبان مكدر اريد انام راح الوقت
لؤي... هااااا صدك اصبر اشوف تلفوني.... شفته صامت
اهااا ولك صامت وماسمعتهم يلا عود اخابرهم او اروحلهم باجر
احمد ... اي ضل بالهم لا تخلي تلفونك صامت بلا اني مو وياك شون
لؤي... اهاا سويته عام لاضل تحجي شبيك
احمد... دكل تبن احسن شنو شبيك غير لو مو يمك الله يعلم اي ديرا انت
لؤي... ااااحمد مصختها ترى
احمد... هههههه اوك سكتت
لؤي... اني رايح بس ادعيلي الكاها او الكه حل
احمد... خليك يمعود
لؤي... لا اروح باجر نتشاوف واشوفلي حل ماابقى هيج حاير
احمد... الله كريم ان شاءلله تنحل بس لا تضل ضايج
لؤي...ان شاءلله يلا تصبح على خير
احمد... وانت بخير حبيبي
لؤي... رجعت للبيت بس ياعين التغمض بلياها النهار كله ويا احمد كضيته اليوم باجر منو يصبرني يا الله
»»»
سوفير...كمت حتى اروح لأمي تصيح عليه على الشغل مااحس بنفسي الا متكومه بل كاع
كعدت على حس امي فوكي وترش ماي عليه
غاده... اكعدي اذا تضحكين عليه علمود الشغل سويتي نفسج مغمه عليج اخلص عليج اليوم
سوفير... يمه مااكدر احجي ولا اكوم جسمي يوجعني
غاده... ومرض اي والله مامنج اي فايدة غير نوديج ونجيبج للمشافي مو ست سوفير
سوفير... سكتت مارديت لان صدك مابيه ارد عليها راحت هيا واني كعدت وتجيت ضهري للحايط تعبانه ونعسانه ردت اكوم ماكدرت رجعت خليت راسي ونمت
كعدت مااحس الا صار اليل باوعت للساعه 2بليل
يااا شكد نايمه عجل امي ليش ماكعدتني شعجب
سوفير... كمت شوي اشوف نفسي احسن فتت للحمام غسلت وتوضيت رجعت صليت جمعت الصلاوات الي فاتتني ورجعت مكاني نمت
»»»
لؤي... الووو احمد هااا مالكيت حل شي بربك
احمد... هلا بيك صباح الخير يمعود هههههه
لؤي... عود من انام صبح عليا ليش اني شفت النوم
احمد... ماتضيك الا تفرج توكل على الله يمعود يلا اطلعلي اني بل باب
لؤي... ونعم بالله تمام
رحت فتحت الباب هلا بحمودي
احمد... هلا بيك حبيبي وين نروح وشون ومنين وشوكت
لؤي... اجيبك دفرة اطيرك ترى عباله جاي العب يلا كدامي خلي نكعد يم الباب ونحجي
احمد... خاب دكلي فوت جوا سويلي ستكان جاي مو اطردني
لؤي... ااااحمد
احمد... هههههه اشاقه اشاقه يابه يلا
كعدنا يم الباب نحجي فجاة اجت فكرة ابالي
لؤي... احمد لكيتهاااا حجيتها وباوعت على احمد
احمد... وينها شنو تذكرت بيتها
لؤي... بس لو اعرف منين جايب هالعقل الزفت ولك لكيت حل عاد لو لاكيها اكعد اكابل وجهك النحس
احمد... يا شبيك يول شمدريني
اي شنو كول عاد فضها
لؤي... اخابر ابوها
احمد... هههههه وهم تصيحله يشيل البيت هالمره مو التانكي ومن يخلص يروح وهاي هيا شون خطه الا بشده
لؤي... يضحك عليه وصار يصفك بيده
لؤي... بس لو تخليني اكمل كلامي هسه عود مسلت اخابره حتى اخطبها منه شبيك
احمد... لحظة لحظة كلمة كلمة عيد شنو كلت ماسمعت زوين
لؤي... سمعت خوش وزين ماحاجه اعيد طول ما عرفتها وهاي اخطبها وبلا هالخرابيط كلها اول تالي خاطبها بس اتأخرت اعرف نفسي
احمد... لك انت مخبل شي واذا كلك ابوها منين تعرف عندي بنت هااا شتكله يا ذكي مافكرت بهاي وشمدريك اصلا ينطيك
لؤي... معليك بهاي تنحل شون ماجان المهم هسه اخابره واذا بيها مجال اكله اجيب اهلي وااجي
»»»»
سوفير... كعدت الصبح وحيلي مهدود
كمت من فراشي شفت امي جاي تغسل البيت يا شعجب امي تغسل حجيتها ويا نفسي
غاده... ها صح النوم جان بقيتي نايمه بعد لو ما شبعتي نوم ها عيوني سيفو
سوفير... شبيج ماما والله جنت تعبانه وهمين مريضه روحي هسه اني اغسل البيت
غاده... اي اي خوش عجل روحي غسلي وتعالي وخذي الماسحه واغسلي البيت كله والمواعين همين عالسنك مو تنسين خوش ترى من البارحه ساكته الج
سوفير... اي ماما تمام روحي لا يظل بالج
رحت غسلت وجهي وجاي اشطف البيت واتزحلكت وكعت احس تكسر ظهري من الوجع
سوفير... ماما ماما هاي وينج صيحت عليها ما ردت عليه بالكوه شلت نفسي وكمت اريد اكمل البيت ما عاد اكدر كوه خلصته رحت تمددت من وجع ظهري اجا بابا من الشغل
سالم... هاي شنو ماكو احد هين
سوفير... ها بابا هياني بالغرفه
سالم... بالغرفه ما تجين الا تريدين اني اجيج
سوفير... بابا وكعت وما عاد اكدر اكوم
اجا للغرفة فتح الباب شافني متمددا
سالم... هااا شبيج لو هم تجذبين علينا
سوفير... لا والله بابا وكعت وحتى ما اكدر اكوم وماما ما اعرف يمكن نايمه اكوم اشوفها اني
باوعلي
سالم... لا ابقي اروح اني اصيحها... غادة وينج
غاده... اي عيوني ابو عمار هلا وغلا هلا بجيتك
سالم... هلا بيج وين جنتي
غاده... جنت غافيه شوية
سالم... ماتدرين ابنتج شبيج واكعة مدري شبيها
اسمعها لطمت على وجها وتحجي لان غرفتها قريبة من غرفتي
غاده اشبيها زينه يا ربي شنو صار الها وينها
سالم... شبيج مو زينه مو عندج بت ثانيه لو ناسي اني
غاده... يااا خفت عبالي زينة
سالم... شبيج خطيه ترى لو مهما سوت نبقى اهلها ولازم ندير بالنا الها ليش واكعه ومحد يمها
غاده... شبيها قابل ما بيها شي يجوز وكعت وزلكت هسه شويه وتكوم قابل شمسويه الها اني
سالم... يلا اني رايح اوديها للمستشفى يمكن انكسر حوض ظهرها وما ندري بيها بعدين تتعوق وتكعد وتنشل او اي شي يصير بيها خطاتها بركبتنا
غاده... ما تكلي اشجاك يا عيني يجوز ما بيها شي ليش هالكد خايف عليها خوش عجل انت وديها واني ابقى هنا ما اجي
سالم... يلا سوفير تعالي
سوفير... ابجي من وجع ضهري... بابا مااكدر اكوم
اجا بابا
سالم... ادري اشبيج ما تشوفين انتي تكعين صوبتي نفسج بس كوليلي
سوفير... والله بابا ما انتبهت جنت اشطف وبعدين وكعت وبالكوه كملت البيت شطفته
سالم... وبعدين تلومني من نحجي عليها امج شوفي هوف يلا باباتي
شالني واني كوة متحمله وجع ظهري راح لبيت ابو سفيان جوارينا اجا وهوا وابو سفيان بل سيارة مالتهم ابوي اجا شالني وخلاني بل سيارة من ورا وكعد هوا يم ابو سفيان
ابو سفيان.... شجاج يا بنتي الحمد لله على السلامه هاي ولا غيرها ان شاء الله ماكو شي
سوفير... تسلم عمو ما ادري هيج فجاة وكعت على ظهري صار يوجعني بقوة
وصلنا المستشفى وهم شالني بابا اخذني الطوارئ
سالم... اكول انتي الممرضه وين الدكتور ماكو هنا الدكتور
بلي هسه اني اصيحه
سالم... بس استعجلي بنتي
راحت صاحت الدكتور واجت
الدكتور... السلام عليكم ها اشبيها الاموره مالتنا
... وعليكم السلام عيوني هاي وكعت بل مي همه وجاي يشطفون وتشكي من ضهرها
الدكتور... ان شاءلله ماكو شي شو باباتي
ضغط على ضهري
سوفير... ااااااخ
الدكتور... هنا مو الوجع
سوفير... اي هنا دكتور
الدكتور... تمام هسه راح ناخذلج اشاعه لظهرج ونشوف ان شاء الله ما بي شي اوكي
سوفير... تمام
ودوني للاشعه واخذو لي اشاعه لظهري والحمد لله طلع مابي شي بس مجرد وكعه قويه وشويه يعني ظهري يوجعني انطاني دكتور مرهم وعلاج رجعنا للبيت وامي كالبه وجهها بوجهي
غاده... ها ما بيها شي مو كلتلك
سالم... دكولي يا الله اشبيج انتي كولي الحمد لله على سلامتها صبرك يا رب ما سويتي النا لكمه ناكلها
غاده... شبيك حبيبي شو ضايج قابل شكلت اني
سالم... ماكلتي شي مابيها شي الحمدلله يكول بس وجع لان وكعه قوية
غاده... اي مو كلتلك
سوفير... اباوع البابا اشوف بابا تغير ما ادري لان شافني متوجعه هيج واهتم بيه لحظه حسيت بابا رجع القديم
حسيت نفسي دخت تمددت لزمت راسي باوع بابا عليه
سالم.... شبيج بنتي خما بيج شي
سوفير... لا بابا ما بيه شي بس لان ما متريكه يمكن لهيج دخت
سالم...تريدين تموتين انتي مو موتي بلا شبيج ماتاكلين من توكعين فد مرة نركض بيج بل مشافي بعدين يلا غادة جيبي الغدة عندي موضوع وياكم بعد الغدة
سوفير... مو ما لحكت جنت اشطف وما اكلت شي بس صدك بابا شنو الموضوع
سالم... موضوع مهم يخصج سوفير.......... 😳