الشــيـم

الخامس والعشروטּ♡

الشيــم

روزا الجنــابي

متابعة تصويت تعليق بين الفقرات لُطفا. 🤎

صار سنين اطگ حجار بحجار
و اول ما شعلت النار مطرت ..
_______________

شمرت الورقه ارجف وهو مقابلني بنظرات باردة هزيت راسي  مامصدكه لي شافته عيني. كعدت يمه  لزمت ايده الازم بيها الكوب هزيتها نكب نص على ايدي ونص على رجله دفع ايدي منه وصاح

:- لتييين لتييين هدييي هديي شبييج

:- تكذب عليه موو والله تكذب اناا اناا ادرييي بيك انت ما تسويها ماتسويها لالاا ماتسويهاااا

سحب كلنكس مسح ايدي ودموعي چوت خدي يا رب دخيل اسمك  اذا عرف ايهاب شيصير بي يموت والله يتخبل. حورالعين  هذه حور لي اغلى من روحه علي دار وجهي بوجهه  عيني بعينه ويهز براسه يريدني اهدء بس انا نااار وشتعلت بين بضلوعي

حسان :- ما مگرب صوبها ولا لامسها مجرد كلام على ورق شبيج تخبلتني

:- ليش هيييج سويت لييييش !!

مسح دموعي وعصر ايديني بين إيدينه: - علمودج كل ليسويته والراح اسوي اريد احافظ عليج

دفعت ايدي بنتر وكمت افتر راسي يفتر وروحي تلوبب صحت بانفعال

::- انت راح تدمررررررني موووو تحاااافظ عليه انت دفنتني وانا عاييييشه. شسوووويت شسووووويت

شهكت بغصة مقهور وگلبي نار سحب وجهي بين ايدينه هذه البشر بدء يخوفني عنده الف شخصية وكل دقيقه بشكل عقله شكل وافعاله شكل ثاني ضرب خدي خفيف يريدني انتبه ويا بس انا عقلي فصل

حسان :-  لتين بابا اصبري تعالي افهمج گومي وياي اغسل وجهج

نترت ايدي منه و گعدت على الچرباية مسحت دموعي وأشرتله يكعد صوتي راح اضرب على مكانه واصيح مفرفحه روحي

:- اكعد فهمني كلشي هسسسه تخلي نقاط على الحروف هسسسه تفهمني كلشي وتجاوب على اسألتي لا ورب العررررش ورب العررررش ياا حسان اقتل نفسي كافي تعبت كاافي وانا انذل وادمر ببسسبكم كااافي

سحب كلنكس مسح وجهي وكعد كدامي يصك على اسنانه بقوة. يعصر بعيونه بألم كان صوته هادئ وملامحه وجهه مغضبه عصر مكان بين حواجبه

حسان :- اسألي وانا اجاوبج

لتين :- ليش نسجنت.

رفع حواجبه يهز راسه ينفي: - غير هذا السؤال

:- لاا هذا اريد اعرف ليش نسجنت وليش هيج صرت شخص ثاااني من رجعت موو حسان انت موو حسان لي اعررف ابد بلششت اخاف منك

سكت ماجاوبني رجله تهتز بتوتر عصرت راسي حيل دايخه وهواي اسئله براسي اريدله جواب. رفعت عيني علي من كال

::- انا مو تغيرت بس الظروف لمريت. بيها جبرتني اكون انسان ثاني تغيرت مثل ما انت هسه تغيرتي وصرتي بهذه القوة لتخليج تكعدين وحدج ببيت وتأجرين فنادق الليالي وحدج وتطلعين وتفترين ويَ شخص غريب الحياة تجبر الانسان يتغير يا لتين

لتين ::- بس انا كلشي كان اجباري مو برضاتي

حسان :- وانا مو برضاتي نسجنت كان شي مدستر الي

لتين :- من منوو! !!!

سكت ورفع ايده اشرلي بمعنى غيري السؤال

:- ماغير شي احجي حسان احجي

عافني و وگف يريد يطلع لزمت ايده امنعه

حسان:- ماعندي كلام اذا هيج

:- تعال تعال خلص اغير السؤال  بس احجيلي

ثواني وهو يباوع بوجهي رجع كعد كدامي واعصابه كلها بارزه مبين شكد متأذي وشكد ضاغط على نفسه بهذه الكعده بس انا هم تعبت اريد اعرف راسي من رجليني باوعت بعينه وصوتي يرجف السؤال بكد ما اذاني شفت اذيته بنظراته وصوته ورجفت ايده

::-  ليش عفتني بوقت كان وسام يتحرش بيه ليش تركتني بين انيابه ينهش بيه بلا رحمه

بچيت مسحت دمعتي اقوي نفسي واردفت ::- هيج هنت عليك تعوفني وما تهتم بيه لهذه الدرجة جنت ما اهمك

سد حلگي بيده ويهز براسه لا صوته تحجر عيونه نملت دموع

:- ماجنت ادري والله ماجنت ادري. كلشي صار بعد موته كلشي توضح وصار بعد ما انتهت حياته لا تكولين هيج لتين لااا

جرني عليه حيل حاضني يرجف دكاته گلبي سريعة ونبرة صوته وكلامه اخخ يا صوته موتني دمررني وهو يتأسف مني على شي ماله ذنب بي

:- اسف  الف مرة اسف على كل لي مريتي بي ادري  مايفيد ولا راح يعوضج ولا ينسيج بس مابيدي شي راح بعد راح هو الخالقه ياخذ حقچ منه

بچيت هواي بچيت بحضنه ورمت عيوني وبلاعيمي تجرحت رفعت نفسي منه اباوع لوجهه لمغطي الدموع. همست برجفه

:- شلون عرفت احجيلي لا تخليني اتعب اكثر احجيلي كلشي

هز راسه وكعد يمسح بعيوني ويعصر بيهن مردهن مرد كح وتحمحم يعدل بقايا صوته بلع ريگه وزفر نفس مقهور يحجي كلمة ويغص بالثانيه

حسان:-  لكيت فلاشات بغرفة وسام  قبل لا اسافر بيوم.  و  وصورة ومحادثات هو واحد من اصدقائه لي

سكت وغمض عيونه حيل كال كلمة وراح صوته

:- يدزلهم "صورج وفيديوهات بدون وجهه ويدزوله فلوس

لميت رجليتي الصدري صافنه عليَ وهو عينه بالفراغ اردف برجفه

:- هواي شغلات لكيت ومسجات وصور والحبوب لي جان ينطيچياهن.

ضرب رجله حيل ميت قهر رجله تهتز بعصبيه وعيونه كل شويه يفتحهن حيل حتى ما تنزل دمعته
غمض عيوني والوجع ينهش بروحي

لتين :-  بس هو هواي اذاني والله جان يهددني اذا ما اسوي هيج يشوف الفيديو البابا ويگله هي برضاتها وحتى من اطلع ويا واصدقائه موجودين ما يحجي وياهم من يتحارشون بيه

غطيت وجهي بچيت بقهر وضيم شنو لي ضل ما شفته منهم محد يحس بيه اخواني دمروني واحد ورا الثاني سحبني الحضنه بتملك وخوف

:- ادري ادري بكل لي صار والله تعبت لتعبج ومتت الف مرة وانا بعيد عنج بسس بس اخخخ مابيها فايدة مابيها مااات ماات رااح

ناشغت برجفه وهمست ضامه وجهي بصدره
:- كلكم عذبتوني اخواني ما شفت منكم غير الاذيه بس انت احبك انت  حتى اذا أذيتني احبك ماكدر اكرهك ليش ما اكدر اكرهك ماعرف

رفع وجهي بين ايدينه باس عيوني ومسح دمعتي  براحة ايده
:- اكرهيني اذا هذه يريحج اكرهيني واضربي وكسري وسوي كلشي بس لا تأذين نفسج اموت وانتهي اذا تأذين نفسج

:- انت هم ماتحبي بس انا احبك  هوااي بس انت حقير وياي

:- اخخ يا بنيتي شلون ماحبچ شلوون يا ريتني ميت ولا شايفج بهذه المنظر

مسحت دموعي ودفعت ايده مني كعدت اجر بأنفي سكت ينتظرني احجي عضيت شفتي بتردد روحي متشعله بنار الحرارة بدء تنزل على معدتي وراسي يدگ من الصداع

:- عندي بعد اسئله اريد جوابها

:- اسمعچ

هزيت راسي ايي وبللت شفتي :- ليش تاخذ علاج ومال شنو هذا العلاج

::- مهدئات.

:- واذا ماتاخذها شنو يصير بيك

:- نوبات عصبيه واحتمال أأذيج بدون ما احس بنفسي

عكدت حاجبي وگلبي دگ بخوف: - شنو السبب لوصلك لهاي الحاله! !

::- السجن

هزيت راسي اي رغم ما فهمت ربط الموضوع  بس رضيت فضولي. رجعت سألته

:-  ليش تريد نسافر لدُبي مو التركيا!

:- علمودج ما اريد تشوفين شي يذكرچ بالماضي

سكتت وعيوني دمعت غصه بصدري موتتني رفع ايده مسح عيونه ورجع شعراتي ورا أذني

حسان :- اذا تحبين نرجع التركيا عادي نرجع بس لمهم نطلع منا

لتين '- ماريد اسافر

هز راسه لا وكال: - نسافر حتى اذا كم شهر ونرجع واذا على صخام  اذا يحبج من صدك خلي يجي وياخذج مني واذا يعوفج من اول فرصة هذه ما يناسبج

:- بس هو يحبني والله

اخذ ايد ورفعها الشفته باسها :- صغيرونتي الحب مو بالكلام خلينه نشوف افعاله

:- يعني ما تخلي يطلكني موو! تره لو اموت ما اطلگ  والله

حجيتها بخوف وعيونه تتوسله هز راسه لا: - خلي مفكر انا ادري مطلكچ ونشوف شيسوي بس اذا عرف منج انا ادري بي ما مطلگ اخلي يطلكچ  من صدك

ابستمت وهزيت راسي لا :- ما احجيله. ' بس شلون عرفت ما مطلكني

رفع حاجبه ونزل طرف شفته ببتسامه خفيفه

: - احساس الاخ مايخيب

:- لا تكذب

ابتسم وكرص انفي بين اصابيعه:- ادري بيه مايعوفج وراسه يابس  بس ما اريده ياخذج يهذه السهوله خلي يتعب كل ما يتعب يحبج اكثر

ميلت راسي و منزله شفافي بزعل ابتسم: - بس والله انا حيل اتعب واشتاقله احبه مو بيدي

: - اذا اطلب منج تكونين وياي بفترة علاجي. تختارين هوَ لو انا

عضيت طرف شفتي وبلعت ريگ بتوتر: - علاج شنو

:- من بقايا السجن. اريد اتعالج منه ومحتاجچ بقربي.

ها لتين ترجعيله لو تسافرين وياي

سكتت لثواني اباوع لعيونه حضنت وجهه بين اديني وابتسمت ':- ماعوفك لو اعرف اخلص عمري كله وياك

:-وذاك الرجال

أشرت على كلبي: - ايهابي  هنا  مايعوفني ولا اعوفه بس ما افرط بيك لحظة ولا اعيشك شعور لي مريت بي مستحيل

:- غسان اذاچ!!

:- هواي أذاني

:- اطلعهن من عيونه وحده وحده والله ما طلعته من السجن الخاطر سواد عينه

عكدت حاجبي مستغربه: - لعد ليش طلعته!

:- اريده ياخذ جزاء كل كلمة سمعها الج وكل شعور مريتي بي من تشرد بالشارع ومن الضياع هو اخوي بس يستاهل لي يصير بي عبنه مو كفوو ورجال خلي يتعلم

ابتسمت بفرح وعيونه تجمعت بيها الدموع حضنت حيل بادلني الحضن وهو يكول

:- واحد على حد واحد تاخذين حگج منهم كل دمعة نزلت من عينج تنزل بدلهه عشرةبس اصبريلي

ابتسمت منتعشه روحي  بوست شعراته وعيونه فرحانه من حسيته رجع حساني القديم

:- ماتعوفتي بعد وتسافر ولا تتركني بالشارع

:- ابـد بيـن رمـوش عينـي اضمـچ

دنگت وهمست برجفه:- المتعود على الخـذلان يخـاف من الأمان المفاجئ

رفع اصبعه على الشفايفه: - اششش لا تكولين هيج

ابتسمت ميل راسه باسني وگومني ايدي بيده مشاني وهو يعصر بيده الثانية

:- ماعرفت منو السوه بيك هيج

:- لا بس اكيد واحد من ربع غسان

::- ليش هيج متاكد

::-  سالفه سخيفه صار تنواش بالمكان وهذا من يمه طفر يعارك و صار لي صار

سكتت رغم ما مقتنعه بس ماعرف ليش ماخطر على بالي ايهاب السواها هذه السالفه كلها حتى ياخذ حق حور وبنفس الوقت يبعد الشبه عنه حتى ما يأذيني  وگفت عاضه شفتي بقلق

:- حسان وحوراالعين

:-شبيها حور العين!

::- تطلگها !

هز راسه لا وراح يمشي للغرفته وقفه كلامي من حجيت باصرار

::- اذا ما تطلگها ما اسافر وياك

ندار رافع حاجبه: -  سفرچ ماله علاقة بحورالعين  بابا لا تخبطين

ميلت راسي بتوسل  :-  اذا تريدني اروح وانا مرتاحه عوف البنت مالها ذنب بكل لي دايصير

:- اهلها مايدرون ولا راح يدرون بشنو يظرها

:- ماتعرف اهلها شكد يخافون عليهن اذا تحبني عوفها اول واخر طلب

نطاني ظهره وراح يمشي للغرفة صحت ورا

: - حسااان

:- افكر واشوف لتين انطيني صبر

سد الباب وراح رجعت للغرفة متملكني شعور غرررريب واحساس داخلي احس بفراغ بصدري مادري شنو بس ما مرتاحه ابد ما مرتاحه اخذة ملابس ودخلت للحمام فتحت مي دافي  كعدت صافنه بالفراغ اريد استجمع نفسي الخاطر حسان وبنفس الوقت خايفة من فكرة اسافر واعوف ايهاب ولهسه ما عندي بر الامان اتجاه حسان

غمضت عيني كاعدة بهدوء والمي ينزل من راسي الاجزاء جسمي  وصلت المرحلة الاسترخاء لي بعدها يجي نوم عميق لبست نشفت شعري وطلعت. لفيت نفسي زين ونمت. نوم عميييق للظهر  يلا گعدت جسمي متشبع بالنوم غسلت وطلعت اتلفت  بالبيت ماكو اي صوت فتحة غرفة حسان ما موجود. 

مر الوقت بين ما اكلت رتبت غرفتي وغرفة حسان نفتح الباب واسمع صوت حسان بالصالة

:- لتين

:- هنا اجيت

طلعت للصالة وهو كاعد يعصر براسه بألم :- حساني

رفع راسه عيونه حمر مبين متألم كعدت بصفه خايفه

: - بيك شي

:-انطيني اي شي اكل وعلاجي بالجرار

گمت بأستعجال سويت لفة جبن وزيتون وخيار وياها كلاص مي اخذتهن ورجعت ليمه مديتله ايدي اخذهن مني بصعوبه مفتح عيونه

حسان:- العلاج ركض

ركضت جبته وهو اخذ لكمتين من اللفة وعافها اخذ الحباية ومدد جسمه متعرق مسحت جبينه خايفه علي وهو ساكت همس وصوته ينصى

:- انام شويه وارتاح مابيه شي لا تخافين

:- نام اذا نوم يريحك

سكت وبنفس لحظة غفه بقيت كاعدة يمه وروحي توجعني علي عيني علي كل شوية حاجبه ينعگد بألم مسحت على حواجبه بهدوء عدلتهن  مرت ربع ساعة تقريبا وفتح عينه بثكل يرمش بعيونه بلل شفته وهمس بصوت رايح

:-  اريد گلاص مي

:- هسه اجيبلك

مشيت للمطبخ اخذة بطل مي ورجعت انطيتهيا كعد شرب و مسح بشعره وكل شويه يرفع بحاجبه مثل الدايخ

:- حسان بيك شي

عصر بين حواجبه وكال

: - لا صغيروني بس نسيت اخذ العلاج قبل لا اطلع

::- لا تنسا بعد

:- ان شاءالله ' اكلتي شي

:- اي تريكت وانت!؟

:- رايح اسبح وهسه تجي ام نبأ تحضرلنه اكل

: - مايحتاج انا اعرف اسوي خفايف

::-هاهيه لعد حضريلنه

راح للغرفة اخذ منشفه وملابس وراح للحمام. وانا حضرت اكل كعدنه ناكل بهدوء بدون صوت كملنا گمت سويت چاي وهو كل شويه يميل راسه على الكرسي يعصر بعيونه

:- بعده راسك يوجع؟

::- لا

خليت الچاي گدامه وكعدت اخذ رشفه منه وكال

:- باجر نطلع الاربيل

رفعت عيني علي فازه:- ليش بهل السرعة نروح

:-  يلا نلحگ الجواز هنا ما يطلع نروح نسوي هناك ومناك نسافر

دنگت راسي ساكته حاولت اصبر نفسي وما تنزل دمعتي بس كان شي اكبر مني تنهد بحسرة وگام كعد يمي يمسح بدموعي

:- لتين احنه شنو اتفاقنه ليش هذه البچي يا يابة

غصيت بكلمتي واحاول اجر النفس  احجي عدل ماگدرت مسح على شعري :- اخذي نفس اخذي نفس وسولفي

رفعت راسه ليفوك اسحب النفس نار بصدري  دموعي حركت خدي عصرت ايدي حيل اصبر نفسي وحجيت وانا ابعد عيني منه

:- اروح وياك بس عندي طلب

:-  ياريت يكون طلبج بعيدا عن حورالعين وسالف الطلاگ تره لعبت نفسي

:- ليش فهمنييي ليش والله خايفه عليها

:- من نوصل التركيا ينتهي كلشي

:- وعد

هز راسه بـ اي : - وعد لا يظل بالج

مر اليوم طبيعي لليل  وانا ما متقبله اروح وايهاب مايدري افتر واكل باظافيري متت من قلق والتوتر امشي خطوتين وارجع عشرة ما اريد اوتر علاقتنه اكثر. قوية نفسي ورحت دگيت الباب وفتحته بعد ما سمحلي ادخل حركت عيني بتوتر اكل بشفتي. عكد حاجبه وكال

: - ها لتين بيج شي

:- اريد اطلب طلب

باوعلي باهتمام  ينتظر طلبي الكلمة غصيت بيها وهي تطلع من لساني همست برجفه

:- اريد اخابر ايهاب من موبايلك

:- لتيين

:- بس عشر دقايق واسده والله

شال الموبايله ورفعليا وهو يكول بتحذير::- ممنوع يعرف باجر طالعين ولا تحجين اي كلمة حذرتج منها

هزيت راسي اي اخذته ورجعت الغرفتي ركض سجلت رقمه واتصلت گلبي يدك بقوة جاوبني بصوت حاد

:- نعم

:- ايهابي

سكت وهدءة نبرة صوته :- لتينه

:- شلونك ايهاب

'-  زين   انت شلونج هذا  مو رقم حسان. ؟ صاير شي!

:- لالا بس اخذته منه بدون مايدري واتصلت بيك

سكتت شويه واسمع سدت الباب كال بهدوء ونبرة الخوف واضحه  بصوته:- لتين متاكد ماكو شي صوتچ يرجف گلَبي احجي شبيج.

زفرت نفس بغصة همست:- مابيه والله بس مشتاقتلك واريد اسمع صوتك

:- ما مطمئن بس نمشيها منو يمج

:- وحدي

سكت ونفخ نفس كال: - لتين صوتچ صوتچ شبيي

:- مابيه والله

:- لا بيچ شي انتظريني شوية واجي

صحت بخوف: - لالا ايهاب ما يحتاج والله مابيه شي والله

:- ليش صوووتج يرجف لييش!

:- بردانه  والله هسه راح أدفه وتروح الرچفه

بعدت الموبايل اخذ نفس وازفر لميت نفسي حيل دافنه وجهي بالمخدة حتى صوتي مايكون واضح وتبين رجفت روحي اتجاهه انتبهت ويا من كال بهدوء وبحة صوته تقشعر البدن

:-  دفيتي

::- اممم

سكت وانا سكتت مرت ثواني وهمست: - ايهاب

:- عيــونه

عضيت شفتي  وعيني دمعت اردف
: - احجي لتيتي احجي لا تخلينها بگلبچ

:- اذا بيوم غلطت او حتى عرفت شي انا كنت ضامته عنك تسامحني

خليت ايدي على گلبي بنفس لحظة تندمت حجيت كال بشك: - شمسويه لتين

:- مامسويه شي والله بس دا اسئلك اذا غلطت تسامحني

:- اسامج اذا انت حجيتيلي بس اذا سمعت من غيرج شي يختلف

نعصر گلبي حيل خايفه همست بخوف: - يعني شنو شي يختلف

:- تتعاقبين حسب اهمية الشي الضامته بكلبچ وساكته

بچيت خنك ساكته وهو ساكت  مسحت دموعي وتحمحمت همست بهدوء صوتي مبحوح كوا ينسمع

: - حسان يريد الموبايل راح اروح

:- لتين

:- ها

:- احجي يابــوية لا تخليني قلق عليج صاير شي وانا مادري

همست ودموعي ما كدرت اسيطر عليه ولا شهكتي الخفيفه: - لا بس ضايجه شوية

:- گلبي مو مرتاحلج الصبح امرلچ

:- تمام انتظرك بس تأخر شوية لحد ما يطلع حسان

:- انتبهي لنفسج ولا تضلين تبچين

:- اي

همست وسديت الاتصال  شمرته وكعدت ابچي  روحي فرفحت عصرت نفسي باللحاف وبچيت من خاطري شي داخلي ما مرتاح وفكرة بعد ما اشوفه قطعت قلبي وحرگتني حرگ

نفتح الباب ودخل حسان اخذ موبايله وطلع ما حجه وياي لو حرف هذه الموقف اذاني اكثر من فكرة السفر

للفجر وانا عيني ما اخذة نوم سمعت الاذان غمضت استمع اله مر وقت بعده كمت توضيت و لبست ايزار الصلاة فرشت  سجادتي اصلي عيوني مورمه وراسي من الصداع ماكدرت اركز بالكلمات واني اقرأ بعدني بنص الصلاة ونفتح باب الغرفة ونسد.
بالي صار يم حركات الشخص الوراي  صبرت نفسي اكمل صلاتي سلمت ونداريت گل ذرة بجسمي ترجف مسحت عيوني ما مصدكه هذا ايهاب

فتر وگف گدامي  نزل جسمه ومدد على السجادة حط راسه على رجليني باوعلي مبتسم 

:- تقبل الله

نزلت دمعتي وشفايفي تتراجف مد ايده مسح دمعتي واخذ ايدي باس باطنها وحطها على صدره گلبه نبضاته سريعة بلع غالي غالي غصتي وهمست

:-  ايهاب ليش اجيت

:-  حسيت بيج شي ما خذة عيني نوم ولا گلبي
رتاح وانا ادري عيونچ الحلوة تعبانه منو وياچ جهنمي

ماتحملت كلامة  غطيت وجهي وبچيت حسيت شال راسه من رجلينه وسحبني الصدره يمسح على راسي ويهمس بأذني بهدوء يخليني ابچي اكثر

:-  ليش تبچين يا عيوني

يمسح على راسي ويبوس بيه تكطعت من البچي. ختنكت وصرت اشاهگ رفع وجهي بين ايدينه يمسح بدموعي وشفايفي وخدي سحب الايزار من راسي ورما يمه سحبني علي ضمني بحضنه ورجليني بالگاع نزل ايده على زندي يحركها اصابعه برخاوة

:-  جهنمي

:- تَعبت جهنميتك

:- عسا التعب بروحي ولا بيچ گلَبي

بچيت وهمست برجفه :-  راح تتعب وياي عوفني وعيش حياتك ما اتساهل هذا الحب منك

سكتت وغمضت عيوني بالم من عصر شفايفي بين اصابعه : - اشششش هذه الكلام ما اريد اسمعه ابد شيلي من عقلج

:- بسس

رفع وجهي بين ايدينه عيني بعيونه الُحمر شعراته نازلات خفيف على عيونه ابتسمت بألم  رفعت نفسي علي بست خده ونزلت راسي دافنه. وجهي برگبته اشرد من نظراته بقيت ساكته وهادئه وهو بس ايده تتحرك على ظهري واكتافي

:- روح قبل لا يگعد حسان

:- خلي يگعد اريد احجي ويا نطينا اكبر من حجمه وتخبل  خليني افض السالفة واخلصج

رفعت راسي من حضنه كعدت امسح بعيوني وهمست بغصة اثر البچي: - لا مو اليوم انا احجي ويا اليوم وانت باجر تعال نحجي

:- شنو تحجين ويا؟

:- يعني احجيله وافهمه حتى مايصير نقاش بينكم حاد ما اريد مشاكل فدوه ايهاب افهمني انا اخاف عليك وعلي فدوة

::- ماكو اي مشاكل اطمئني لا تخافين وانا يمج

باوعتله بتوسل وگلبي يوجعني وانا اباوع لعينه واكذب اخذة ايده بيدي وهو يباوعلي عاكد حاجبه خفت يحس بيه اكذب. همست والرجفه محتلة صوتي

: - ماخاف بوجودك ابد بس ما احب تكون مشاكل بينكم ثننيكم اعزاز گلبي اذا تحبني ايهاب لا تحجي ويا اليوم

لم شفته داخل حلكه وهز راسه: - هاهيه باجر نحجي ويا بس لا تبچين لتينه تاخذين حيلي  بدموعچ

ميلت نفسي صرت بحضنه رفع ايدة عصرني بحضنه غمض اخذ نفس من عطرة باس شعري وكال

:- تنامين ترَيحين نفسج

تحركت اريد اگوم سحبني عليه وميلني على ايده رفعت عيني اباوعله ابتسم وكال

:- نامي من تغفين اطلع

:- اريد انام بمكاني

حط ايده جوه اكتافي وسحبني علي وأيده الثانيه صارت جوا رجليني شالني ونومني على الچرباية رفع اللحاف غطاني

:- اصلي واجي يمج

هزيت راسي وهو اخذ السجادة وكف يصلي لميت نفسي حيل باللحاف اباوعله ودموعي تنزل كمل صلاة و وكف يهمس بالساني باستغفار رفع اللحاف

ونام بصفي عاكس ايده جوا راسه والثانية سحبني علي رفعه الشعري يحرك اصابعه بهدوء بفروة راسي غمض عيوني براحة

:- نامي جهنمي

:-  راح انام لا تروح

حسيت بأيده على خدي رفعها يعدل بحاجبي ورموشي. دفو شفايفه لامست خدي وهمس بصوت هادئ

:- شحلاته النومة وانتِ ملفلفَ بحضني

: -  اممم

:- نامي لا تحجين

سكتت فترة وسكن جسمي رحت بنومي حسيت علي من سحب ايده من خصري ودفو شفايفه لامست شفافي بهدوء واخر جملة سمعتها قبل لا يثكل نومي وهو يتحسس جفن عيني

:-  شثڰلهن حچـاياتهم وبچـن عيونج العـاشگـهن

اخذني النوم بعمق
فزيت على صوت حسان رفعت راسي اباوع  الارجاء الغرفة لتفت عليه عاكد حاجبه بغضب ينتر     بعصبيه

:- استعجلي راح نطلع

:- هسسه !!

:- اييي بسرعة لتين ما ضل وكت

طلع حسان تلمس شفتي بعده جسمي مقشعر من لمساته ودفو شفته نفضت راسي و گمت سبحت وبدلت هو نزل الجنط وگفت البس حذائي رجع شايل المفتاح بيد

:-  ماخذة نسخه من مفاتيح البيت

:- لا ليش؟

:- بيهن نقص واحد

:- خاف غسان اخذة

هز راسه لا منفس واعصاب اخذهم ونزل نزلت ورا صعد بالسيارة عيني على الطريق وبالي يم ايهاب شنو راح يسوي لو عرفني رايحه وعايفته بلا ما انطي خبر اقنع نفسي واكول ما يعوفني وراح يجي ياخذني وحتى اذا ما اجه انا ارجع

ما توقعت راح يصير شي مايخطر على بالي ولا اكدر احزر لو واحد بالمية

درت وجهي اباوع للشارع حرك السيارة متوجهين
لـ اربيل قبل لا نطلع بغداد حسان كسر سيم كارت مالته وشمرة وفعل واحد جديد

:- هاي ليش هيج سويت

:- احسن

سكتت. مستغربه تصرفاته وگلبي بدء يلعب خفت منه بكل لحظة اريد اتراجع واكول لا حسان ما يسويها طول الطريق بين لـ اي و لـ  لا يصير وميصير راح يفرط بيه وارجع اكول هو متأذي وهذه اخوي مستحيل اعوفه الى ان وصلنه اربيل. حج فندق مرت  اربعة ايام كانت شبه خاليه وما صار اي شي خلصتها كله نوم بعدها بلشت بالمعاملة وبسرعة كملت انتظرنا ايام قليله وطلع هو مكمل الحجز وسافرنه التركيا الى حياة المجهوله

.....

حورالعين

::-بأحلامچ

دفعني بهدوء على الباب فكيت عيوني علي احسهن جمره اريد ابچي وبنفس الوقت ما ابين ضعفي اله بلعت ريگي وعكدت حاجبي شفتي ترجف

:- شنو باحلامچ!!

:- ماتسمعين كلمه الطلاق الا بحلمچ

:- لا والله! !!

هز راسه ورفع ايده يأشرلي على المدرسة ببرود

:- خلص الوقت بعد ما مسؤل على تأخيرج يلا رجعي

:- لا تختبر صبري والله احجيلهم كلشي واخيلهم يكسرون راسك بدل أيدك خاف متدري

ضحك بستهزاء وهو يأشرلي انزل :- روحي عيني  روحي من اخلص من اخوچ تخلصين مني.

عصرت عيوني حيل وگلبي نمرد مرد صحت بعصبيه  اريد املخه

:- والله انعل ابوك لا ابو لتين لابو ايهاب لابو اليوم الاسود لشفتك بييييي اطلللع مننن حياااتي مووو دمرررتنيييي ياااا حقييير

سحبني  حيل ساد حلكي وانا فرفحت روحي اريد املخه عصر فكي بقساوة وهو يهمس بنتر

:- اشششش ولا حرف نزلي يلاااا

فتح الباب و دفعني نزلت وانا اهز براسي بتحلف
: - اليوووم والله اليوووم احجي كلشي شوف اذا ما اندممممك  يااا حيوااان

رگعت وركضت راجعه للمدرسة ماكدرت ارجع للصف كعدت بالحمامات كطعت روحي من البچي بس مايفيد ماااايفيد غسلت وطلعت كعدت برحلتي مر الدرس وانا نايمه على الرَحلة كان درس شاغل وصوت الطالبات زرف راسي. لحد نهاية الدوام اجانه عمو بسام اخذنه ورجع. دخلت للبيت اسمع ضحكهم بالصاله طلعت كبل للغرفة وايار تركض وراي تريد تعرف شبيه

::- مابيه ايااار مابيه

:;- فهميني ليش باچيه نزار وياج

:-  يا قندرررة يمعوووده بس عوفينيي

نداريت رجعت عتت ايدي تحجي بتهديد

: - تحجين لو اروح احجي البابا اكله كل الطريق تبچي

::- احجيييله ذاااك رووحيييي احجيله رووحي

دفعتها متي اخذة ملابس ودخلت للحمام فتح الدوش ووكعدت بملابسي بچيت لحد ما تكطعت احبال الصوتيه التعب نهش روحي  عقلي تعب من التفكير والقرارات المتناقضه

بدلت ملابسي ورجعت للغرفة اريد احجي ماكدر اسمع صوت اخت ماما تسأل ايار عليه غمضت عيوني نفتح الباب وهي دكول بهمس

:- دحگي نايمة هينه يولو

ايار: - خاله خليها من تكعد انا احضرلهه اكل

:-  هيام تريدها ما انا

ايار:- هسه خاله انا رايحه الماما

نسد الباب غمتت راسي وحاولت اهدي نفسي واجمع بقايا روحي نص ساعة وكمت بدلت لبسي بلبس مريح ومرتب رطبت وجهي وكفت اعدل وجهي بمكياج خفيف ندك الباب

:- تفضل

دخل ايهاب وكف بالباب شافني وابتسم:- كعدت حواري العين

:- اي حبيبي تعال

اجه يمشي ليمي وكف باس شعري وهو يكول

::- اليوم عيون الحلوات شبيهن زعلانات فتتً گلبي

:- مابيه ما تشوفتي واگفه ارتب بنفسي

فتر اخذ الموبايل ايار يتصفح بي

ايهاب:- مادري بس اشوف عيونج زعلان صاير شي وياج بالمدرسة

فتحت الجرار اخذة گيتر وكفت اشد بشعري
:- لا بس امتحانات هواي وتعب

شمر الموبايل واجه رفع ايده على اكتافي وطلعنا للصالة دنكت بوست ماما وكعدت يم الايهم وايهاب كاعد على تخم وراي دنگ وهمس بأذني

:- غطي شعرچ

رفعت راسي لكيت ام الهنوف تباوعلي ومبتسمه بادلتهه الابتسامة ومديت ايدي رفعت كبوس القميص غطيت شعري كالت ماما

:- تغديت بنيتي

:- ما اشتهي

:- اخوج ما اكل ينتظرج

ميلت راسي اباوع الايهاب ابتسم وكرص خدي بادلته الابتسامة وگلبي نعصر عصر

:- يلا تره متت جوع

حورالعين:- تعال وياي

مد ايده اليه مشيت ويا ودُر عينها ورانا دخلت للمطبخ وكفت احمي الاكل وهو گاعد دخلت دُر سحبت الكرسي وكعدت

دُر:- احسبي حسابي وياج جوعانه

حورالعين:- بعيني

سكتت استمع الكلامها ويَ الايهاب
:- ليش ماتجي علينه

ايهاب: - ماعندي مجال

دُر: - امم من جده توفت بعد ما مريت ابد شدعوه عاد بس نشوفك

لتفت اريد اجاوبه وانتبهت. لـ ايهاب عينه بالموبايل ولا مهتم جاوبها بلا اهتمام

ايهاب: - اي شمعه ونطفت وانه ماحب الظلام

دُر:- اممم خطيبتك وين؟  صدك طلكتها هيج سمعت من بابا

زفر نفس ضايج وانا شلت الماعونه رميته على الطاولة وجاوبتها

حورالعين:- شوكت عرسج دُر شو طولتو

در: - مو علمود فاتحة جدة تأجل عرسنه بعد كم شهر

هزيت راسي اي وهي سكتت ضيعت السالفة كعدنا ناكل وهي بس تگلب بلاكل الكدامها شوية وطلعت غسلت الماعين حضرت الچاي كعدنا نشرب وايهاب عينه بالموبايل  دنگت وسديت عيوني بخوف اريد احجي بس الوقت مو مناسب لهيج مواضيع رميت الكوب وطلعت من يمه مخنوگه طلعت برا افتر بالحديقه روحي تلوب

يا ربي ساعدني دخيل اسمك ساعدني كعدت على مرجوحة بالنهاية البيت شوية ورجعت للبيت مر النهار طبيعي بليل راحو بيت عمو بسام وجدو والرجال اخذ خالات ايار وراح ماقبل يبقه للصبح يكول ازحامات والطريق طويل

ودعانهم ورجعنه نظفنه البيت وساعدة ماما بمكانها كانت كلش تعبانه والايهم نايم. طلعت من غرفة ماما للغرفتي  وصاحني ايهاب رحت كعدت يمه وهو واكف ويحوس بالغرفة متوتر كعد كدامي يلم بشفته داخل حلكه وايده تعصر بالموبايل كال وهو يباوع بنص عيوني

: - حور

:- ها

سكت شويه ونزل راسه يباوع للموبايل ورجع باوعلي كال
:- من اخذج حسان

سكت وعض شفته حيل بلع ريگ بخوف كلت هاهيه عرف كلشي اردف وجهه صاير دم

:- يعني هم شفتي شي غريب  بتصرفاته بكلامة يعني اي شي مو مثل الانسان الطبيعي

:- مثل شنو يعني!

زفر نفس حيل وسكت ميل رگبته طكها وگام يفتر بالغرفة ويحجي بتوتر

: - مادري اي شي  هاي لتين مادري شبيها وخايف اخوها مسوي شي وهي ماتريد تحجي

مسح شعره وباوعلي  بطني بده توجعني همست

: - اي

نزل ايده ينتظر اكمل كلامي دنگت واردف

:- اي  شفته ياخذ علاج ومن ياخذه بسرعة ينام وعنده رجفه بأيده مرات تصير و

سكتت عصرت عيوني حيل خايفه وهمست:-يصير عصبي ويكسر كلشي گدامه

ايهاب: - وبعد

:- بس

رجع كعد كدامي :- عرفتي شنو العلاج يعني شفتي شكله اسمه

هزيت راسي لا شمر موبايله وحضن وجهي بين ايدينه يباوع بعيوني باهتمام  تجمعت الدموع بعيني مسحهن باصبعه

:- ليش تبچين بنيتي

:- اكره كلشي يذكرني بهذا الايام

:- راحت تولي ماترجع بعد

بچيت وغطيت وجهي بأيدي سحبهن يمسح بدموعي سحب راسي باس شعري ويمسد على شعري بهدوء ويحجي بنبره مطمئنه

:-  لا تخلين ببالج شي وتتعبين نفسج اهم شي راحتج بنيتي اهتمي بدراستج وانسي كلشي اي شي يصير تعاي احجي وانتي مطمئنه تمام حوري

:- اي

نعصر گلبي حيل خايفه وعقلي يگلي احجيله هو بظهرچ ومايعوفج وگلبي يكلي تدمرين ودمرين اهلج عقلي يكول ما حد يعوفج وارجع اكول لا راح يحاسبونج حرب صامته بين عقلي وقلبي الخوف والارتباك وبالنهاية الافكار السلبيه سيطرت عليه. وقررت اسكت وانا اتخلص منه بدون علم احد ما كنت ادري راح اذب نفسي واهلي وادمر مستقبل عائلة بسبب لحظات خوف وتردد

رغم الامان المحاوطني بس الغباء كان بالحظة غلط دمر كلشي

ثاني يوم داومت طلعنه والطريق كله يخابر وصاير اعصاب ماعرفت ليش بس السالفه بيها لتين

مر اليوم على اعصابنه الليل كله ايهاب بره ثاني يوم رجع من الصبح بدل واخذنه وصلنا للمدرسة كان يزيد ويا ماحجو شي بس بالرجعه لكفت كم سالفه منهم وعرفت لتين مختفيه هي وحسان عرفتهم سافرو هنا كانت الصدمة

اذا احجي راح يكولون منين تعرفين

وشلون  اسكت وانا اشوف اخوي محتركه اعصابه گدامي

::- ولك البارحه الصبح اني يمهاا

يزيد:- عندي شك عشر بالمية هي ماتدري وتسعين بالمية تدري لهذا جانت تبچي وخايفه تحجيلك.

هز راسه مامقتنع وهو يحجي بصياح وحركت گلب

ايهاب:- ما تسويها لتين. لو تريد تسافر قابل امنعها مو كالت اريد فترة بين ما يتعالج اخوي ونرجع مو صار اشهر ساااكت شبيك يزيد شبيييك

سكت يزيد ما مقتنع وهذاك ياكل بروحه رفعت عيني على يزيد شافني اباوعله خزرته ونزلت عيني مادري شبيه بس صايره اكره كل جنس ادم

نزلنه وهم ورانه بدلت وطلعت واكفه اتسمع عليهم هم بالحديقة بره كاعدين

:- خابرت حيدر

ايهاب: - خابرته يكول اخر اشارة اطراف بغداد  وختفت الاشارة بعد ما طلعت

يزيد: - هسه انت ليش ما تنطي صبر مو كتلك خابرت وكال الجوازات يمي يعني سفر مايكدر يسفرها  شكد يريد يضل مختفي وهم نرجع نلكاهم

ايهاب::- يصير خير

للعصر  طلعو وبعد مارجعو وهكذا مرت عشر ايام بابا وماما يسألونه يكلهم شغل مابيه شي نقلو  مدرستي بغير مكان صار جامعة يزيد وايهاب ومدرستي على طريق واحد وهكذا يوميه نطلع سوه ونرجع سوه مرة اجه يزيد بالسيارة صعدت ورا وايار من الجهه الثانية

:- وين ايهاب ؟

يزيد: - هسه ناخذه من الطريق

جاوبني بدون لا يرفع عينه كل شويه اباوع الايار تباوع للشارع وجها صاير دم من كد ما مرتبگه وهو ما رفع عينه ابد وصلنا الايهاب نزل يزيد وهو صعد بمكانه صعد يزيد من الجهه الثانيه وكال

:- ها بشر

:- ماكو اسمائهم بس غسان مسافر صار فترة طويله

:- زين نگدر نشوف اسمائهم على مطارات الباقيه

:- انتظر اتصال من هيثم يدبرلي واسطه

بنص الطريق نزل يزيد واحنه كملنه طريقنه سألته بخوف وبتردد

:- لتين وين رايحه

:- مادري

سكتت من حسيته كوه لازم اعصابه ماردت ازيد علي نزلنه وراح مانزل دخلت للبيت ماما بالمطبخ بوستها وركضت على ايهم لكيته مفتح عيونه ويدور بيهن بوسته وطلعت بدلت ورجعت للمطبخ لكيت بابا راجع من الشغل واسمعا يكول الماما

::- وين يروح هسه يرجع

هيام:- ليش هو يا يوم شايفينه شو يجيبه الليل ويمشي الليل لو يزيد يكعد يمه لو مانشوفه

احمد:- ماحاجبتي عرفتي شبلا هذا

هيام:- ليش هو يحجي كل ما سألته وكال يمه عندي شغل. وطالع يرجع احجي ويا وسكتني وهو يبوس بعيوني وبأيدي  وبسوالفه ينسيني شنو اريد احجي

ضحك بابا ومد ايده ياكل
:- من يرجع احاجي لا تشغلين بالج

كعدت ماما ويانه وايار اجت بنص الاكل ونسمع صوت ايهم يبچي كامت ماما ترضعه شويه وراح بابا اخذه منه وهيَ اجت تكمل اكل

هيام:- ايهاب مايحجي شي گدامجن بالسيارة هو ويزيد

حورالعين:- لا ماما

رفعت راسي خزرت ايار قبل لا تحجي عكدت حاجبها تسوي ليش سكتت ورجعت ماما كالت

:-  حور ماما ليش اكلج ضعيف اكلي يا بنيتي

:- شبعت

:-  مو هذه أكلچ بمكانه

ميلت راسي وابتسمت: -  والله ما اكدر اكل اكثر شبعت

تنهد بحسرة اخذة حيلي وهي تكول: - مادري شنو سالفتكم انتو كلكم ماعاجبيني

دنگت عيني مدمعه طلعت ماما واحنه وكفنه ننظف المطبخ همستلي ايار

:- ليش ما حجبتي الماما ؟

:- مايقبل مو تذكرين حذرنه اي شي ينحجي كدامنه ما ينذكر بالبيت وهو الشي اليريد يحجي الهم هو يحجي

:- بس شفتي ماما شكد قلقه علي

:- وان كان اذا نحجيلهه راح تخاف ماما اكثر
وايهاب يصير اعصاب خلي يرَجع لتين وبعدين هو يحجيلهه اذا يريد

سكتت ما مقتنعه لليل رجع ايهاب كاعد وبحضنه الايهم يحرك اصبعه على خده ويبتسم بحزن رفع راسه على صوت بابا

احمد:- ايهاب بابا التصميم اذا كمل دزة للولد حتى تكمل الطلبية على وقت

ايهاب :- ما كامل راح ادزلكيا كمله

عكد حاجبه بابا وكاله باستغراب: - صار ثنعش يوم وماكمل لهسه ليش يا يابه؟

ايهاب: - ماصار عندي مجال اكمله

كعدت ماما وهيَ تاخذ الايهم من حضن ايهاب

هُيام:-  اذا ياخذك الليل يرجعك الليل طبعا ما عندك مجال

مسح شعره وسند جسمه بتعب على التخم جاوبها بضيگت خلگ
::- شغل يا يمه شغل

هيام:- شغليش انت كل شغلك بغرفتك بين الابتوب والاوراق بعد ليش تكذب

ضحك ايهاب بدون خلك وهو يسحب موبايله من جيبه يلهي نفسه بي
:- قابل شغل الا شغل شغل لا عندي غير شي

احمد:-شغل شنو  بابا احجي تره امك خايفه عليك لهذا نريد نفهم

ميل جسمه وسند راسه على رجلين ماما
ايهاب :- هاي اميي ما تبطل سوالفها غير اكلها عندي شغل تقتنع اخخخ منج هُيااام اخخ

كالهه بضحكه وهو كل جزء من وجهه ضايع بحزنه ابتسمت ماما ومسحت على وجهه بحنيه

هُيام: - ايي سكتني بهاي سوالفك

ايهاب: - والله ما اسكتج بس شغل مو مال احجي هسه من يجي وقته احجيلكم كلشي ليش مستعجلين

هيام:- ها هيه ماما على راحتك

باس ايدها وگام من رن موبايله  اخذه وطلع شوية ورجع هو يحجي بهدوء خطفت كلمتين من كلامه
:-  الصبح جاي

راح وثاني  يوم الصبح طلع الاربيل ومحد يعرف ليش رجع ورا يومين. منتهي قفل غرفته ونام ماكعد غير نص الليل كاعده بالصالة اقرأ وهو طلع من الحمام راح الغرفته البيت من الهدوء  ينسمع حتى النفس . مر وقت هدوء وبعدين بلشت اتصالات ايهاب مركزه ويا بكل كلمة يحجيها فكيت عيوني من عرفته يحجي انكليزي هسه شلون افهم شنو يحجي

نسد الاتصال ورجع اتصال ثاني يحجي عربي ركزت ويا بكل اذن صاغيه

:- متأكد مو بتركيا!

سكت شويه ورجع كال

:- لا ما قصرت انا ادبر الباقي تمام الله يرحم والديك

سكت  شوية وطلع راح للمطبخ اسمع بس صوت الجداحة وحركت الاكواب طلع بيده كوب قهوه اخذها ورجع. شمرت الكتاب وكعدت اريد اعرف  شيريد يسوي. مرت اكثر من ساعة ورجع يحجي اتصال كمت من مكاني اخذة كتابي وكعدت بالمكان القريب من غرفته والكتاب مفتوح اذا طلع على لحظة الهي روحي بالكتاب غمضت عيني على نص احس اركز اكثر اسمع يكول

:- بيتهم ما مفتوح.

اذا گدرت تحصلي رقم غسام اكون ممنون

انتظرك وباجر احجز اقرب موعد سفر

حبيبي ما قصرت باجر من ادزلي الرقم تتحول كل اتعابك

يا هلا ياهلا

راح صوته وبعد ماسمعت شي تعبت من الكعده رجعت للغرفة وسالفه تودي وسالفه تجيب براسي ما نمت الا طالعه روحي

ما سمعت شي بعد بس اتصالات ايهاب مستمرة صرت اخاف اكعد  واسمع شي يزييد قلقي وخوفي اكثر مرت ايام ما نمت ولا غمضت عيني اخر ايام ايهاب وبابا صار بينهم كم مرة خلاف علمود التصاميم والبحوث. صح نخاف من يصير توتر بالبيت  بس حتى نقاشهم هادئ بدون صياح وصوت عالي بس ايهاب كان اعصابه فالته گاعدة ورجليني ترجف من ايهاب يرفع صوته ويصير عصبي

احمد:- يا يابه الولد يردون بحوثهم يا ابني مو صار شهر معتمد عليك وتدري بدء وقتهن

ايهاب: - ما گدر راسي مشوش ماگدر اكعد اكتب كلشيييي لا بحوث ولا غيرها

احمد: - لا تضيع تعب سنواات علمود ايام طايشه ايهااب لا تخليني اتصرف وياك غير شكل

ايهاب رجله تهتز بعصبيه وايده ضاغط عليها اعصابه تريد تنفجر كال وهو يمسح بوجهه بقلة صبر

ايهاب:-  ماشي اليوم اكملهن اليوم خمس بحوث ماكدر اكثر

احمد:- كمل لي تگدر عليهن ودزلياهن

::- صار يابه صار

وكف يريد يمشي ولتفت على بابا من كال
:- الارباح ما الدفعة الاخير وين ضايفهن بـ اي حساب؟

ايهاب: - صرفتهن

باوعله بابا مستغرب وكال بنبرة تعجب
:- وين صرفتهن بابا ثمن ملايين لا واحد ولا ثنين

بلع ريگه ايهاب سد عيونه حيل ورجع باوع البابا يحجي بدون حيل
:- داينت ولد ايام ويرجعن

سكت بابا ما شاف ايهاب وضعه مو تمام جاوبه بهدوء:-  خليهن بحسابك الشخصي لا ترجعهن حلال تعبك

هز راسه وراح بدون مايجاوب بابا ثاني يوم سافر ايهاب وما نعرف شنو السبب و وين سافر هم محد يعرف

. خمسة ايام ورجع منتهي من التعب سألته ماما كالهه چان بتركيا سفرة شغل بس كلشي يدل غير شي من غير التعب  وتغيره المفاجئ وعصبيته المكتومه ومع هذا يحجي ببرود

اول مره اشوف ماما تصيح وتبچي ماقابله على تصرفاته كعد گدامها  عيونه طافيه وجهه ذبلان كال بنبره تعب وهو يجر الكلام بثقل

:- يمه شتردين هسه

بچت وهي تمسح علي ايده وكتفه:- احجيلي يا يُمه شبيك و وين يوميه طالع وين

سحب نفس قوي وذبه بحسرة تهد الحيل

ايهاب:- يمه تگدرين تنام عينچ براحة وانت  ماتدرين ابنج او بنتچ بيا مكان واذا هو مرتاح لو تعبان

هُيام: - لا يمه والله ماگدر منين تجيني الراحة انا روحي متلوعه عليك 

هز راسه وهو يعصر بعيونه بألم

ايهاب:- وانا يا يمه  مايهدالي بال ولا يرتاح گلبي ولا عيني  تنام براحة اذا ما ارجع مرتي ليمي

عكدت حاجبها ماما وهو منزل راسه بين ايدينه كالت وعلامات الدهشه على محتله ملامحها :- مرتك! ! ليش يمه هي مو عافتك وراحت الاخوه امو انتهى العقد البينكم!

هز راسه لا ساكت لطمت على صدرها  وهيه تصيح بعصبيه: - لااا تخبلنييي ايهااب لا تمووتني عوووف البنيه عوووفهاااا

ماجاوبها فتر فتح الكنتور يطلع ملابس ندارت علي بعصبيه جرته من ايده  خازرته بعصبيه تصيح

هُيام:- يمه انت عندك عقل. هااا عندك عقل مو رجعنه اختتتك من بين ايدين واحد مررريض مو طلعت عيونه بيومين وهيهمو يمنه تردين ترجعهم عليييناا تررريد تبلااانه

زفر نفس ولتفت شافني واگفه بالباب رجع يباوع الماما  يسد بعيونه ويفتحها بتعب صوتها راح ميل راسه وكال بنبرة كسرت گلبي

:- يمه لا تزيديني تعبي الله يرحم والديچ

هُيام: - انييي انييي. ازيد تعبك ولك البنيه مااتررريدك انت ليييششش تركض وراهااا من دوله الدوله عووفهاا وخليهاا تولي ويَ اخوووهااا

:- اي ميخالف بس اشوفها وين واعوفها

ضربته علئ صدره رتد ليورا ماعندة طاقه وهي تحجي ودموعها اخذة مجراها

:- راااح اتعبببككك وتخسرررك هواااي هاي وكول امييي ما كالت روووح بس لا تنسه كلامييي هذه راح تتعب وهواااي تتعب خليهااا ببالك

عافته وطلعت كعد على الچربايه منزل راسه بين ايدينه رن موبايله سحبه من نص الچربايه وجاوب بدون خلگ

'- ها يزيد

يا يوم الطيران

سكت يستمع الكلامه وكال
:- اي هاهيه ساعة واجيك انتظرني

سد الاتصال وشمره اخذ ملابسه واجه فات من يمي تعداني ورجع وكف كدامي سحبني لحضنه باس شعري

ايهاب:-  من باجر يجي يزيد ياخذچن للمدرسة اذا ابوي عنده شغل

:- ليش يزيد انت وين رايح!

:- عندج شغل ايام وارجع

:- وماما

زفر نفس بحيرة:- نحلها ويَ امي مو صعبه بس انتبهي لنفسج والايار ما وصيج بنيتي

:- ان شاءالله لايضل بالك

مسح على شعري وراح نص ساعة وطلع مبدل دخل للمطبخ اخذ حبايتين وجع راس و وكف ياخذ مي من البراد وماما كاعد والدمعه بعينها بلعهن واجه دنگ عليها باس راسه وثنه گدامها اخذ ايدينها بوسهن يحجي وياها بهدوء وهي متجاهلته وعينها بعيد عنه

ايهاب:- يمه الله يرضى عليج ما اريد تمر ثانيه وانتِ زعلانه بسببي ما اگدر والله كلشي بالدنيا بچفه ودموعچ بچفه ثانيه

ماجاوبته وكف يمسح بدموعها ويبوس بعيونها
:- هيج يهون عليج اطلع وانتِ زعلانه مني مو انا الحبيب وليدچ الچبير لو اجه الايهم وصرت القديم

دارت وجها عنه حاوط وجها بين ايدينه وباس خدها بشم وراسها دفعته من صدره تبعده عنها

هيام:- وخر. وخرر لا تحاول والله ما ارضا عليك  دامك طاير ورا هل مصگوعة

ايهاب:- يمه وليدچ يحب مصگوعته مايگدر يعيش بلياها والله

هيام:-  اتعبك يا يمه والله البنيه ماتدري بنفسها شنو تريد ليش اتعب نفسك

سحب الكرسي وكعد كدامها محاوط ايدينها بين إيدينه يسيطر على مشاعرها بهذا الحركات
ايهاب:- يمه التعب اليجي من وراها انا قابل بي شحلوة التعب من بناتي

هيام:- يا بناتككك ايهاب راح اكفخك

ضحك وباس ايدها: - اكفخيني قابل بس ارضي عليه وخليني اروح وانا مرتاح ما اتوفق بخطوة وانتِ ما راضيه عليه الله يرحم والديچ يا يمه ادعيلي

:- يعني اميبس راسك وتروح وراها

:- ما اعوفها وانا بيه نفس لو باخر الدنيا هم اروح وراها واجيبها

هزة راسها  ماقابله وكالت: - واذا ختارت اخوها شتسوي تسحلها وتجيبها لو شلون

زم شفته بحيرة باوعلها وابتسم

:- ما اخيرها انا اسندها هي بحاجة شخص قريب منها مو يكعد يخيرها بين اثنين ويحطها بنارين

سكتت ماما وهو  وكف يريد يطلع :- راح اطلع يزيد ينتظرني وحوري حضريلي كم قطعة ملابس على ذوقج

هزيت راسي وهو طلع ثاني يوم الفجر ايهاب سافر

وهو بين خيارين يا تُرى يرجع وياها.؟

لو يرجع وحيد مَخذول من بنت گلبه ؟

________________🤍🤍________________

الحكاية مُستمره

روزا الجنابي ..

توقعاتكم االاحداث القادمة ..

جهنمياتي علقو بين الفقرات القُصة
تفاعلكم كلش ضعيف

لا تنسو متابعه على انتسگرام

rooza al jnaby ✨🤍