يجلس في احد اركان المسجد ينتظر شخصا ما وبينما هو يقرأ في كتاب في الفقه قال فجأه وهو لا يحيد بنظره عن الكتاب:
_اتاخرت ليه؟
_انا آسف كان عندي درس.
اغلق آسر الكتاب ينظر لأحمد ببسمه قائلا:
_ها يا احمد في عندك اي درس عاوز تختاره ولا اختار انا.
احمد: لا في درس انا اختارته.
_ وايه هو
احمد: عايز اعرف عن قصر الصلاه وايه هو شروطه .
هز آسر راسه ببسمه وبدأ يتحدث
: ربنا جعل الجمع بين صلاتين تيسير على المسلم فإن كان المسلم مريض او مسافر له ان يجمع بين صلاتين بس مش في كل الاوقات فمن شروط الجمع بين صلاتين هي-النيه في السفر لمده لا تزيد عن تلت ايام، تكون مسافة السفر 81 كيلومتر فاكثر، والقصر يكون في الصلوات الرباعيه بس زي الضهر والعصر والعشا وساعتها بنصليها قصر وبتبقى ركعتين بس .
احمد: طب وامتى نجمع بين الصلوات.
آسر: ينفع في السفر لو حصل قبل وقت صلاه الضهر او قبل مغيب الشمس، او المريض اذا توقع مشقه، او المطر والبرد الشديد وتراكم الثلوج، يوم عرفة عند اداء فريضة الحج لان الحاج بيصلي الضهر والعصر جمع تقديم في مسجد نمره وبيصلي المغرب والعشا جمع تاخير في المزدلفه والجمع يكون بأذان واحد واقامتين.
_ طب وايه الفرق بين جمع التقديم وجمع التاخير.
آسر: جمع التقديم بنصلي العصر قبل وقته مع الضهر وكذلك العشا بنصليها قبل وقتها مع المغرب، اما جمع التاخير فبنصلي الضهر بعد وقته مع صلاة العصر وكذلك المغرب بنصليه بعد وقته مع صلاة العشا.
أحمد: متشكر يا شيخنا.
آسر: متشكرنيش يا أحمد ده واجبي.
صمت ثم قال: حفظت الوِرد يا أحمد.
هز أحمد رأسه بالايجاب ثم بدأ يسمع له ما حفظه رغم انه ختم القرآن منذ سنتين الا انه يستمر في المراجعه كي لا ينسى.
انتهى أحمد من تسميع المراجعه ثم نهض هو وآسر يستعدان للذهاب هما يعودان معا لانهما في نفس الشارع.
_ يعني برضو يا أحمد ما بتريحش انت من ساعة ما جيت الحارة ومافيش يوم الا وتعمل لواحد عاهه مستديمه.
أحمد: الله بقا ما هم اللى بيضايقوني.
آسر: اممم انت هتقولي وطبعا ابوك علمك ما تسكتش عن حقك.
أحمد: ايوه صح عرفت ازاي؟
آسر بسخريه : ما هو واضح على الخلقه دي المهم سلملي على ابوك وعمك.
احمد: وعمتي لأ اااااه.
فرك احمد رقبته بوجع ينظر لآسر بحنق فزجره آسر قائلا: احنا قولنا ايه بخصوص الحوار ده؟
أحمد: ما اجيبش سيرته.
آسر: وانت عملت ايه دلوقتي يا شاطر؟
ابتسم له أحمد بسمه غبيه قائلا: أيوه بس انت مش جاي تخطبها مع اني مش عارف ازاي وانت ما شوفتهاش اصلا.
آسر: امي اللى اختارتها لانها عارفه ان انا ما ببصش في بنت فهي اللى اختارت.
مسح آسر وجهه بتعب قائلا: ربنا يستر دي البنت الخامسه لحد دلوقتي.
أحمد ببلاهه : والاربعه الباقيين راحوا فين.
آسر بغمزه: طفشتهم بمعرفتي.
ثم القى التحيه على احمد وتركه متجها الى منزله ونظر احمد في اثره ثم صعد الى منزله فتح الباب وما كاد يلقى التحيه حتى وجد علبة مناديل تصطدم في وجهه امسك علبة المناديل يرى عمته تختبئ خلف عمه اللذي يظهر الرعب على ملامحه وهي تصرخ ووالده يقف عينيه تشتعلان ووالدته تحاول تهدئته.
_ خلاص يا يوسف والله اخر مره.
_ ما هو كل مرة اخر مرة اخر مرة وايه اللى بيحصل
_ يا يوسف والله الموضوع حصل فجاه.
انقض عليه يوسف يمسكه من تلابيبه:
ما هو انك تتفق مع عريس ييجي لاختك من غير ما تقولي للمرة المليون يبقى مش حصل فجأه.
لميس (والده احمد): خلاص بقا يا يوسف قابله النهارده ونشوف ايه الوضع.
ثم نظرت لأحمد ببلاهه وهي تقول: أحمد حمد الله على السلامه يا حبيبي جيت امتى.
أحمد بتفكير : من امممم ربع ساعه كده.
يوسف: كنت فين يا أحمد.
أحمد: كان عندي تحفيظ هو ايه اللى بيحصل هنا معلش لو بحشر نفسي يعني.
يوسف: مافيش يا أحمد شويه جزم هيضربوا دلوقتي.
هز أحمد راسه بتفهم قائلا: طب عن اذنكو يا جماعه هخش اذاكر.
ذهب أحمد الى غرفته وقال يوسف: سعيد
سعيد: عيونه.
_عريس الغفلة ده هييجي امتى.
_بعد العشا باذن الله.
وبينما في منزل آسر يجلس على الاريكه يذاكر لاخته.
_يا آسر يا بروج اجهزوا يلا عشان ما نتاخرش عالناس.
آسر بتعجب: ناس مين؟!
والدته: مش هنروح نشوف العروسه.
آسر: النهارده؟!
هزت والدته راسها بالايجاب بحماس شديد وهي تتجه لغرفتها نظر آسر لبروج ببلاهه ما هذا هو حتى لم يستوعب الامر.
بينما نهضت بروج وهي تقول: احسن لك تقوم تجهز وبعد ابقى استوعب براحتك.
ثم دخلت لغرفتها وهي تغلق الباب.
وبعد صلاة العشاء وقف يوسف وسعيد يستقبلان عائلة آسر يدخول الى غرفة الضيوف وبينما بروج ورانيا (والدة آسر) ذهبتا مع لميس لداخل احدى الغرف.
جلس الرجال في الصالون يتحدثون في امور مختلفه نظر يوسف لآسر يقول : حاسس ان انا شوفتك قبل كده بس مش فاكر فين.
نظر آسر لسعيد بعدم فهم هل هو لا يعرف بامر انه هو العريس.
حمحم سعيد يقول بهمس ليوسف: ده مستر آسر مدرس الاحياء اللى في الشارع وهو نفسه الشيخ بتاع احمد.
ابتسم يوسف لهم وهو يقول: منورين يا جماعه.
كريم: بنورك يا ابني.
صمت ثم استرسل حديثه قائلا: طبعا انتو عارفين احنا جايين ليه انا جاي اطلب ايد الانسه شهد الاسيوطي لابني آسر.
يوسف: طبعا ده شرف لينا بس لازم ناخد رايها الاول.
ثم نظر لسعيد يقول: قوم هات شهد يا سعيد.
نهض سعيد وغاب بضع دقائق وهو يسحب شهد من يدها رفع آسر نظره اليها، يا الهي انها منتقبه هو لم يعلم ذلك عندما رأها لانه لم يرفع نظره اليها.
فاق من شروده على صوت والده يقول: طب نسيب العرسان يقعدوا مع بعض.
هز يوسف راسه بالايجاب وتركوا شهد مع آسر وجلسوا في الشرفه المقابله لهم.
نظر آسر لها يقول: احم آنسه شهد في عندك أي اسئله.
شهد: ليه؟!
آسر: قصدك ليه عايز اتجوزك؟
هزت شهد راسها بالايجاب فقال آسر: بصي يا آنسه شهد انا شخص بحب ربنا وكان نفسي في زوجه صالحه تساعدني في طاعة ربنا وتكون ليا الزوجه والام والبنت والاخت وكل حاجه.
شهد: والبنت دي هي انا؟
آسر: ان شاء الله، المفروض اننا اشوف وشك.
هزت شهد راسها بالايجاب تدد يدها لترفع نقابها ولكنها ابعدتها سريعا تقول بخجل : لا ما اقدرش.
آسر بتفهم: تمام يا آنسه مستني ردك.
ثم نهض وخرج الى عائلته دقائق واستاذنت عائلتهم مع وعد من عائلتها بارسال الرد.
♡ROWAN DAWOUD♡
♕♕♕♕♕♕♕♕♕♕♕♕♕♕♕♕