✹ ✹ ✹ ✹ ✹ ✹ ✹ ✹ ✹ ✹ ✹
#قوة_أيسـون
البارت السادس وثلاثنين
باقلـم :زهـراء لـؤي
نجراتي الحلوين لتنسون تصويت ، ومُتابعة للحساب، وتعليق بين الفقرات💅🏻⛓️❤️🔥
حسابـي الأنستا : wa5bad
خايف أحچيلك
وأعدلَك
چم صبُح ما مَر عليه
خايف أحچيلك
و أموت
خايف أحچيلك
و صُوتي من الرجف
يُبقى بلايَة صوت
✹ ✹ ✹ ✹ ✹ ✹ ✹ ✹ ✹ ✹ ✹
كل ذرة بجسمي ترجف من كلامة نسيت أگلة أيهم راسلني هسة يگول ماتريد تگلي چر أيدي وخلى بيها المُبايل ورجع گال
-عـلي : ليش أيهم مراسلچ وماگايلتلي !
چريت نفس غمضت عيوني وحجيت
-نبأ : قبل شكم يوم ونسيت أكلك لانُ جنة بوقتها مانحجي نسيت أگلك أنُ راسلني
راح گعد على الجرباية وحط أيدة على راسة وگال
-عـلي : ما أريد أعصب أدري بيج تنسين وأدري مانحچي جنة بس حتى لو حتى لوو چان دزيتي رسالة وگلتي يابة أيهم راسلني
-نبأ : أعتذر منك بعد ماتتكرر صدگني نسيت
گام تقدم بتجاهي وگال
-عـلي : وحدة من صديقاتج هذا الرقم وجنت أريد أطلع من المحادثات وشفت صورة أيهم تخبلتتت نبأ لا حول ولا قوة الا بالله بالله العلي العظيم راح أطلع برا لان نبأ ماريد أضوجج بالكلام بدون قصد
-نبأ : صدگني نسيت علي والله العظيم أصلاً حظرتة ورزلتة
هز راسة متحلف وگال
-عـلي : يصير خير أيهم يصير خير
تقربت حضنتة بخوف خايفة تصير مُشكلة
-نبأ : خيولي علي عليك الله خيولي
حضني وشالني مشى بية للجرباية
-عـلي : صدگيني كلامج هو الي خلة گلبي يرتاح رُغم أنتِ جنتي بوقتها ماتحبيني ولا طايقتني بس ما أنطيتي بية گدام أيهم
خلاني على الجرباية وغطاني وراح من الجهة الثانية أنمطل أدنة عليّ وجرني حضني كل قوتة ضليت ساكتة ماحجيت شيء
-عـلي : نبعتي
-نبأ : ها علي
-عـلي : روحة الـ علي لا تسوين بعد هيج لا تضمين عني
-نبأ : ماتتكرر بعد علي شُكرًا لان أتفهمتني
تقرب طبع بوسة على كصتي وگال
-عـلي : ثاق بيج نبعتي ثاق والمحادثات خلتني أتأكد أنتِ گد الثقة
أبتسمت على كلامة وحضنتة كل قوتي خليت راسي برگبتة ونفسي يضرب برگبتة سمعتة همس
-عـلي : دخيلك ياعلي
ضليت على نفس حطتي وهمست
-نبأ : بيك شيء علي ؟
نفسة صار سريع أسغفر ربة وگال
-عـلي : لا ياعُمر علي وروحة مابية شيء
-نبأ : متأكد ؟
-عـلي : متأكد حبيبتي متأكد
أبتعدت عنة وخليت أدية جوة خدي وأباوعلة وهو همين
-نبأ : علي خلي اسألك سؤال
أبتسمت وخلى أيدة على خدي وگال
-عـلي : اسألي حبيبتي
-نبأ : هم حبيت مرة بحياتك؟
-عـلي : لا
-نبأ : شعجب؟
-عـلي : خلي أكون صريح وياج انا ملتهي بشغلي لا تسأليني شغلك شنو مو هسة أحجيلج و فا مالحك لهيج سوالف وبعدين انا من أريد أحب غير لازم أخطب البنية خو مو أضل سوالف حُب وانا لا خاطبها ولا شيء ومامستعد جنت لهيج خطوة
سكتت على كلامة عن الشغل حابة هو يحجيلي
-نبأ : يعني بحياتك كلها ماعجبتك بنية؟
-عـلي : لا عجبتني
أختفت أبتسامتي وحجيت بضوجة
-نبأ : منية؟
ضحك وگال
-عـلي : نبعتي
ضحكت ضربت صدرة وانا أحجي قربني الة يضحك ويبوس بية
-نبأ : شبيك علي عبالي صدك عاجبتك بنية
-عـلي : وداعتج ولا بنية تعجبني بس أنتِ
خليت راسي برگبتة وغمضت عيوني وهمست
-نبأ : أي هو المطلوب
حسيت صدرة يهتز من الضحك ضل يلعب بشعري لحد ماغفيت..
•••
ايسـون ...
كعدت على صوت ميار تگعدني للدوام لگيتها مبدلة صار هواية مارايحة بلاعيمي واضح راح أتمرض نفسيتي محمضة
-ميـار : صار ساعة أگعد بيج ماتگعدين أخير شيء طگت روحي ورحت بدلت شبيج صايرة تنبل
گعدت گوة أحجي مالي خلك
-ايـسون : بيش الساعة؟
-ميـار : گومي بـ٦ ونص
-ايـسون : لا بشرفج
-ميـار : وشرفي يالله
گمت على السريع غسلت وبدلت نزلت تريكت انا وميار گعد حيدرة يباوعلي بطرف عينة شبية هذا مطنگر
-حـيدرة : تولين وين
-ميـار : طلعت قبل شوية راحت
باوعلها حيدرة مصدوم باوعت الـ ميار نفسة صدمة حيدرة شوكت طلعت شوكت راحت
-حـيدرة : وي منو راحت غير تحجي نوصلها !!
حجت ميار وهيّ تاكل أحسها جاي تستفز حيدرة
-ميـار : هيّ وصديقتها وأخو صديقتها
باوعت الـ حيدرة عوزة شوية وينفجرر
-حـيدرة : وشنووو أحنا طناطلة أهناء ماگالت وصلوني ماگالت صخموني؟؟ ياهيّ صديقتها وياهوة أخو صديقتها !
-ميـار : شبيك وأذا هسة على شنو حارگ گلبك يمعود
ماحس الة تولين نزلت شايلة جنتطتها ودخلت علينا وحجت بكل برود
-تولين : شبيك حيدرة شنو هذا صياحك من الصُبح؟
باوع حيدرة الـ ميار تضحك وتغمزلة وانا على صدمتي
-ايـسون : شجاي يصير ميار شبيج
-ميـار : هسة حبيت أتشاقة وياكُم الصُبح
حيدرة مصدوم واكف ضل يمسح على وجهة باوع الـ ميار وگال
-حـيدرة : والله طايح حظج بعلي طايح حظج
-تولين : وشبيك يالصقرالجارح من الصُبح وأذا رحت وي صديقتي على شنو حارگ الدنيا خير أن شاءالله
-حيدرة : تولين لا تستفزيني
حجت بكل برود وهيّ تاكل
-تولين : وأذا أستفزيتك شراح تسوي !
-حيـدرة : أعاقبج عقوبة الطفولة أبوسج
فتحنا عيونة بصدمة تولين خزرتة وگالت
-تولين : هيو أحترم نفسك فهمت لو لا الطفولة ضلت بالطفولة يالله بنات خلي نروح
گمنا أخذنة جنطنة وطلعنا لحگنة حيدرة وگال
-حـيدرة : أصعدن أوصلجن
-تولين : مايحتاج
باوعلي حيدرة وأشر براسة بمعنى يالله
-حـيدرة : تحركن
-ايـسون : والقران أطرش بالزفة أحنا كافي عاد تتناگرون كاافي أصعدي أنتِ بسرعة وأنتَ أذا تفتح حلكگ وحق الله وبيت الله أنزل وأعوفكُم
كلهم سكتوا صعدت تولين وصعدنا انا وميار طول الطريق محد نطق كلمة وصلنا انا وميار لاگاني الأكبر مبتسم أبتسمت
-الأكبـر : شلونج ميار أن شاءالله زينة
أبتسمت بهدوء وگالت
-ميـار : الحمدالله بخير انا خالة البنات شلونهم سُلطان
-الأكبـر : زينين بس سُلطان تعبان كلش تعبان ميار
جرت حسرة طويلة وأبتسمت وگالت
-ميـار : يجي يوم وينزاح هذا التعب صدگني بس خلي يطلگني أقنعوا
-الأكبـر : مو وقتها نحجي بهيج موضوع أهناء تعالو
راحت ميار للقسم خليت راسي على متن الأكبر ومشينة
-الأكبـر : مشتاقلج نجرتي
-ايـسون : أكثر مشتاقتلك أبو عضلات سُداسية
ضل يلعب بخصلات شعري ويتأمل وجهي
-الأكبـر : تعالي علينا اليوم
-ايـسون : وميار ؟
ضحك مشينة وهو يحجي
-الأكبـر : چا وأذا قابل ميار شعليها غير يمهم أهلج
-ايـسون : تمام بس أذا أروح ما أبات بالليل ترجعني
-الأكبـر : لا حبيبتي تباتين
-ايـسون : لا أكبر ما أبقى والله
وگف ولزم أدية ثنينهن
-الأكبـر : چا خلينا نتزوج ايسون
گلبي ضل يدگ أحس روحي راحت يباوعلي بتوسل
-الأكبـر : بس أنطيني سبوعين اجهزلج كلشي وعلى ذوقج بس گولي أي
گلبي يدگ حسيت بشعور حلو كلش راح أصير يمة وأعيش ويا مامصدگة يباوعلي منتظر كلمة مني وخايف أرفض بس صدمتة
-ايـسون : ماشي الي تريدة نسوي
ضل صافن بوجهي مامصدگ تقرب باسني من خدي كل قوتة فضحنيييي منا الناس تقرب حضني أبتعد من حس على نفسة
-الأكبـر : ولجج مامصدگ وأخيراً
ضليت أضحك على فرحتة طاير من الفرحة ضل كل شوية يسأل صدك لو تشاقين وياي يعني راح نتزوج رحت للقسم رفيف ماكو منقولة منا گعدت يم ميار وهمست
-ايـسون : راح أتزوج
باوعتلي مستغربة صفنت بوجهي شوية يالله ستوعبت كمزت عاطت بعلوا صوتها كلها ضلت تباوع النا
-ميـار : أحلفيييييي
جريتها گعدتها فضحتنة المفلوكة
-ايـسون : وحمس فضحتنية والله العظيم كافي
-ميـار : شوكت هيو أحجي ؟
-ايـسون : بعد سبوعين
-ميـار : أي خوش وأخيراً حنيتي على الأكبر
-ايـسون : نجبي شقصدج
-ميـار : غير الولد صارلة قرن ينتظرج وأنتِ لا أحساس ولا مشاعر
-ايـسون : خفة لهل وجة المفروض أنتِ وياي
-ميـار : انا وي الحق
لزمت أيدها وتقربت أكثر من عدها وحجيت بالكي تقتنع ترجع لسُلطان
-ايـسون : وانا هم وي الحق يعني سُلطان جاي يگلج موافق هو حتى لو مايصير عندج أطفال عليش هيج. معاندة
أخفت أبتسامتة جرت أيدها خلتن فوگ أيدة وگالت
-ميـار : صحيح گالها هو گال ماريد أطفال أريدج أنتِ بس مُستحيل يجي يوم والأنسان يريد أطفال يريد يسمع كلمة بابا يريد بيت يملي بي الأطفال ضحكتهم صوتهم انا ماريد أحرم سُلطان من هذا الشعور ومن ضحكة الأطفال من كلمة بابا على الأقل يجي يوم ورب العالمين يرزقة بوحدة تگدر تجيب أطفال انا عد قراري
تحجي وعيونها متجمعة بيها الدموع تقربت حضنتها حسيتها تمسح بدموعها طبطت على كفتها وگتلها
-ايـسون : تعالجي ميار تعالجي نروح للدكتور
-ميـار : انا وعدت أيهم أروح للدكتور بس متأكدة ماراح أتعالج
-ايـسون : أسم الله عليج نجبي لا تحجين هيج ، وراة الدوام نروح انا وياج للدكتوره ونشوفها شتگول ماشي ؟
أبتسمت وگالت
-ميـار : ماشي
كملنا محاضراتنة كلها أجة الأكبر بتجاهي لزمت أيدة
-ايـسون : أعتذر حبيبي بس اليوم مارح أجي وياك
-الأكبـر : شكو ليش؟
-ايـسون : أول شيء أريد أنطي أهلي علم بموضوع زواجنة وباجر همين أريد أخذ ميار للدكتور
باوع الـ ميار ضحك وگال
الأكبـر : أيَّ وإخيراً هاي ميار السباعية الي أعرفها انا
-ميـار : مو تنطي علم الـ سُلطان انا أتصل علي وأگلة
أشر على عيونة وهوا يضحك
-الأكبـر : من هاي العين قبل هاي العين
-ايـسون : حيدرة گال علي يجيكُم لان عندة شغل وعلي گال عندي شغل راح يوديلنا سايق شنو هذا الشغل ماندري
-الأكبـر : مايگدر يجي حاليًا تعالوا انا اوصلكُم انا أتصل بعلي أخلي لا يخلي السايق يجي
-ايـسون : شنو شغلة علي أشو مايقبل يگول
صعدنة وهو يحجي
-الأكبـر : مادري حالي من حالكُم
باوعتلة وانا مامصدگة كلامة
-ايـسون : أكو واحد مايدري بخطيب أختة شنو يشتغل
باوعلي بطرف عينة وگال
-الأكبـر : صدگ رجعولنا أختي
-ايـسون : انساها اليوم همين تضل عدنة
-الأكبـر : لا بوية شنو تضل رجعوها أستاقينة ألها والله
-ايـسون : چا أذا تزوجت شلون
رجع باوعلي بطرف عينة ضحكت ميار
-ميـار : هسة شبيج ويَّ الولد ماتگليلنة
-ايـسون : يبوعليج يا ايسون أشگد مظلومة
-الأكبـر : وشبيج مظلومة شمسويلج ولج
-ايـسون : لا أبد كلشي مامسويلي
مرينا على تولين أخذناها بطريقنة وصلنا للبيت لگينة أمي ونبأ مسويات غدة
-ايـسون : تصدگون ميتين من الجوع
-ميـار : والله انا هم
باوعت النا تولين وحجت بضوجة
-تولين : ما أشتهي انا
-ايـسون : ليش ولج شبيج محمضة نفسيتج
-تولين : مابية شيء بس تعبانة راح أصعد أنام
-ميـاسين : ولج على الأقل تعالي أكليلج لگمة
-تولين : عمه والله شبعانة
صعدت مدري شبيها ضايجة مالها خلگ خليناها على راحتها بدلنا ونزلنة أمي ونبأ محضرات صابات الغدة گعدنة ناكل حبيت أفتح الموضوع وي أمي أول شيء
-ايـسون : يمة راح أتزوج
وگفن أكل مصدومات طگتها ضحكة ميار ضلن وحدة صافنة بوجهة الثانية حجت أمي مستغربة
-ميـاسين : شنو شوكت تزوجين؟
-ايـسون : انا والأكبر قررنة بعد سبوعين
باوعتلي مصدومة وگالت
-ميـاسين : ايسون وين تلحگون بعد سبوعين
ضحكت نبأ وگالت
-نبأ : لا لتخافين خالة يلحگون أخواني بس أطلبي ويجيبولجيا عادي
-ميـاسين : أعرف أمي بس صالون شلون هواية تجهيزات
ايسـون : والله نلحگ ماما كلشي راح يصير جاهز
-ميـاسين : بكيفج يمة تشوفينة مُناسب سوي
برطمت باوعت الها وحجيت
-ايـسون : شنو زعلتي؟
-ميـاسين : لا يمة لويش أزعل بس گتلج خاف ماتحلگين
-ايـسون : نلحگ والله أنتِ بس خليج وياي وراضية عليّ
أبتسمت گمت بوستها وگالت
-ميـاسين : راضية عليج بنيتي راضية أهم شيء أنتِ مرتاحة
-ايـسون : يابعد روحي أنتِ صدگ باجر نروح للدكتور انا وياج وميار حيدرة ياحذنة
-نبأ : وأخيراً أقتنعتي !
-ميـار : نشوف شيگول الدكتور
-ميـاسين : أي چا خوش نروح يمة ليش لا الله يسهل أن شاءالله
كملنا غدة غسلنا المواعين وأجينة گعدنة يم أمي انا ونبأ وميار باوعتلي ميار ورجعت باوعت الـ أمي وگالت
-ميـار : خالة احجيلنا شوية عن عمو رشاد من جبتي ايسون وحيدرة
باوعت الـ أمي أبتسمت وعيونها غورگت وبدت تحجي
-ميـاسين : كلش فرح بحيث الگاع ماشايلتة جان يگلي بس تكبر أخليها تكون أقوة أبنية أرفع راسي بيها وشتطلب وشتأمر يجيها جان يگول أخليها تصير أنسانة عادلة وتحب الخير لغيرها
مسحت دموعها وضحكت رجعت تكمل كلامها
-ميـاسين : جان يگول أخليها تتزوج الأنسان الي هيّ تختارة بس مازوجها أريد تضل يوم طول عمري أشبع شوف منها ، حيدرة ياحيدرة جان يموت علي همين يحبة يگول بس يكبر أريدة يصير مُحامي يدافع عن الحق وأريد يصير أنسان ناجح وماكو مثلة
-ميـاسين : أريد يدافع الـ حق غيرة همين أريد يگولون حيدرة أبن رشاد سوة كذا هيج أريد أطفالي يصيرون ضخر يرفعون راسي ، فعلاً رشاد أولادك كبروا ورفعوا راسك بكلشي متوفقين وعادلين وأقوياء
دموعي تنزل أبجي وميار همين ونبأ خوب تبجي بصوت عالي فضحتنة تنشاق ضلت نسينة نبأ حساسة بسرعة تبجي واذا بجت ماتسكت گامت أمي حضنتها وتسكت بيها وهيّ تبجي أندگ الباب راحت ميار تفتحتة نسمع بس صوت حيدرة يسألها شبيج دخلوا ثينهم حيدرة وعلي واكفين مصدومين تقرب علي ركض حضن نبأ
-عـلي : شكووو شبيكم يمعودين شصاير؟؟
تقرب حيدرة أحتار يحجي وي أمي يسكتها لو بية لو ميار نبأ
-حـيدرة : شبيكممم فهمونة
نبأ مجبلة بـ علي تبجي وهو يسكت بيها
- ميـاسين : تذكرنة أيام قبل مال أبوك وضلينة نبجي
تحجي أمي وتبجي علي صافن علينا
-نبأ : علي جان يتمنى يشوف أطفالة وهُم كبار
-علي : أي حبيبتي قضاء وقدر بعد مالحگ يشوفهم شنسوي يعني نرجعة يشوفهم شجاكم صدك جذب
-حـيدرة : نجب أنتَ لا تحجي على أبوي
-عـلي : سكتهن يالله سكتهن حضرتك أستغفرالله شجاجن وذكرتنة يم نبأ ماتدرن بيها تبجي بسرعة
مسحت دموعي الي تنزل وخشمي الي يخر
-ايـسون : ولك هذا أبوي جان يتمنى يشوفني وانا أتزوج الرجال الي أحبة جان يتمنى يشوفني وانا بحضن زوجي
كلهم ضلوا صافنين عليّ وعلى جفصتي وانا مستمرة أبجي تقرب حيدرة حضني وطبطب على ضهري
-حـيدرة : الله يرحمة حبيبتي مالحك يشوفج وأنتِ بحضن زوجج شنسوي بعد
ضحكت ميار بصوت عالي تبجي وتضحك مثل المخبلة كل هذا وانا غافلة عن جفصتي مسحت دموعي وأحجي
-ايـسون : مايصير نبجي مايصلح على الميت
وگف علي يسغفر ربة ويمسح بدموع نبأ الي تناشق
-عـلي : كافي حبيبتي كافي شوفي گلبج راح يوگف
-نبأ : مايوگف يشتغل
حيدرة حاط أيدة على وجهة ويضحك جسمه يهتز من الضحك
-عـلي : حيدرة رحمة الـ مُحمد سكتهن جفصاتهن صارن هواية
حيدرة ميت من الضحك وأمي راحت تهدء بـ نبأ
-حـيدرة : والله فلم أنتن والعباس
ضحك علي وراح مدري شهمس بأذن حيدرة ثنينهم ضحكوا علي راح حضن نبأ سكتت هيّ أبتعدت عنة مستحية من حيدرة ضحك حيدرة وگال
-حـيدرة : صار ساعة حاضن بيج وأنتِ مجلبة بي يابعد أخوج
-نبأ : ها مادري أعتذر
ضحك حيدرة صعد يبدل وعلي راح يبدل سكتنة كلنة گمنا نسوي عشة كل شوية نبأ حجت فشلانة
-نبأ : والله عيب حضنته گدام حيدرة
-ميـار : وأذا يابة قابل حاضنة أحد غريب
-ايـسون : أندري شبيج شجاج
نزلت تولين گاعدة من النوم گعدت يم نبأ
-تولين : علي وين ؟
-نبأ : يسبح
باوعنالها ثنينة ماجان قصدنة شيء بس هيّ فهمت غلط ضحكت تولين ضحكة من كل گلبها ضحكتها شهيرة طالعة أنگس من يمي
-تولين : يسبح
-نبأ : أستحي عيب عيب وخري
گامت نبأ راحت دخلت جوة طگيناها ضحكة أجة حيدرة يباوع النا
-حـيدرة : شني شصاير شبيجن ضحكجن يجيب التايهة؟
- ميـار : هيج سالفة بنات
هز أيدة باوع الـ تولين الي گاعدة تباوع النا وتضحك
-حـيدرة : أشتاقينالج بزونة
بدون ماتباوعلة حجت
-تولين : تشتاقلك العافية
-حـيدرة : زعلان الأسمر مايگيلي مرحبا
-تولين : دنيا الغروب
-حـيدرة : صح يالله بسرعة نصلي
راحوا يصلون البنات انا على ما أكمل استواء العشة كملنا وتعشينا فاتحت حيدرة بالموضوع الزواج وماعندة مانع وباجر ناخذ ميارللدكتور يارب تتعالج وتصير بخير كلشي ماريد من ربي ...
•••
ميـار ...
كلهم گاعدين جوة وأتفقنة على روحتنة للدكتور باجر أخذت مُبايلي وإتصلت على سُلطان حتى يكون عندة علم بالأخر زوجي هو. وميصير أطلع بدون علمة بسرعة جاوبني
-سُلطـان : لوعة گلبي ميار شلونج زينة؟
نزلت دموعي مشتاقتلة ومشتاقة أسولف ويا وأضحك مشتاقة يمشطلي شعري
-ميـار : الحمدالله زينة أنتَ شلونك سُلطان
-سُلطـان : مو زين بغيابج ميار مو زين
-ميـار : حاول تتعود على غيابي سُلطان
-سُلطـان : ماتعود والله ماتعود ميار روحي يمج تفهمين شنو روحي يمج !
مسحت دموعي جريت نفس حاولت أستجمع قوتي
-ميـار : أتصلت حتى أنطيك علم باجر أروح للدكتور حتى أشوف وضعي
ضحك فرحان حجة مامصدك
-سُلطـان : يعني راح تراجعين دكتور ميار !
-ميـار : أي راح أراجع دكتور حيدرة ياخذني باجر
-سُلطـان : انا راح أكون متواجد همين والدكتور أعرف صديقي خوش دكتور باجر أمر عليكم ونروح سوية
ماردت أمنعة وافشل نفسي لان أدري بي أول وتالي راح يجي غصباً ماعليّ أبستمت
-ميـار : ماشي أهلاً بيك
-سُلطـان : لا تحجين وياي هيج ميار لا دمريني وأبو الحسنين روحي يمج ولج ميار مگابل فرعكُم والله العظيم نص الليل أنام والصُبح أرجع
فتحت عيوني مصدومة صخام هذا طلع يومية أهناء
-ميـار : أشعندك أهناا سُلطان
-سُلطـان : يم لوعة گلبي الـ مفارگ عيونها
-ميـار : لا تعب نفسك سُلطـان ماراح نرجع
-سُلطـان : فكرة طلاگ شيليها من بالج مال أطلگج تحلمين هاي واحد ثانياً انا أريد أنظلم أنتِ شكووو الظُلم ومنج قابل بي ياريت كل الي يظلمون هيج
حاولت أخفي ضحكتي عن كلامة نزلت دموعي بنفس الوقت
-ميـار : سُلطان انا أحبك بس مال نرجع لا وهسة من رخصتك
سديتة بوجهة دموعي تنزل ياربي أختبارك صعب حيل صعب والله ماگدر بدونة عبالهم شيء سهل بس محد يحس بالي جاي أمر بي مشتاقتلة حيل مشتاقتلة أحضن تشيرتة وأنام تعبت بغيابة تعبت حيل
ياربي صبرني دخيل أسمك صبرني مسحت دموعي ونزلت جوة ايسون شكت بية شيء هزت راسها بمعنى شكو أشرت الها ولا شيء علي أكل نبأ أكل بنظراتة يخبلون سوية ، شوية ورحنا كلمن على فراشة كلعادة جبت تشيرت سُلطان وحضنتها ونمت من بعد تفكير طويل ودموعي الي تنزل على خدي ...
فزيت ايسون تگعد بية مشغلة الضوة عبالك شرطي فوگ راسي
-ايـسون : يالله بسرعة للجامعة حتى من نحل رأساً نروح للدكتور يالله
مدري ليش مغصتني بطني وحاوطني شعور الخوف من يجيبون طاري الدكتور هزيت راسي گمت بدلت ورحنا للجامعة ايسون فرحانة تريد تاخذني للدكتور بس ماتدري الخوف الي بداخلي رجعنا للبيت لگيت سُلطـان موجود وحيدرة وخالة
شنو مُشكلتة هذا العالم بغياب حبيبة يتغير أشو هذا صاير يخبل روحي متلهفة عليّ ودي أحضنة أركض أذب روحي بحضنة ياريت يعرُف جاي الي أسوي على مودة تقرب طبع بوسة على راسي
-سُلطـان : أشتاقيتلج ياروحي شلونج
أبتعدت عنة منحرجة من حيدرة
-ميـار : الحمدالله بخير انا وأنتَ
جر حسرة ومسح على وجهة وگال
-سُلطـان : بخير انا
رحت بدلت على السريع ونزلنا نبأ وتولين ضلن هناك وعلي طالع طبعًا مانخاف عليهم لأن البيت مليان كاميرات وعلي لمن صارت سالفة ايسون الحرامي مافهمت قصدة أكو نگدر نگول بالي مو يمة من گال الـ حيدرة ماجانوا يدرون انا وراهم
-عـلي : البيت صار مراقب خابرت على اصدقائي بالستخبارات
-حـيدرة : خوش كفو جتفي السري
قاطعت صفنتي ايسون من گالت
-ايـسون : يالله حبيبتي وصلنا
هزيت راسي نزلنا كلنا سُلطان يمشي يمي وكلساع يجر حسرة دخلنا لگينة دكتورة مو گال دكتور تقربت وهمست
-ميـار : قصدك الدكتور يشوف التحاليل؟
-سُلطـان : أيَّ حبيبتي لعد شتردين الدكتور يفحصج عوزها أشدلي ستيل
ضحكت على كلامه دخلنا جوة للدكتورة مبتسمة
-أهلاً وسهلاً تفضلوا
-ميـاسين : هلا بيج يمة
-منو ميار زوجة سُلطان ؟
أبتسمت وگتلها
-ميـار : انا
-أهلاً وسهلاً تفضلي حبيبتي خلينا نفحصج ونشوف شنو الموضوع حجالي الدكتور وسُلطان عن حالتج
رحت نمت على السدية مبتسمة هيّ بدت تفحص أختفت أبتسامتها وگالت
-التكيس راجعلج وهذولي مو واحد لا ٤ وضروري نسويلج عملية اليوم لا ينفجرون بطنج
باوعت الـ ايسون بخوف وخالة مياسين مصدومة
-ميـار : عملية ليش بالعلاج مايروح؟
-لا صعب بالعلاج يروح والتكيسات جاي يكبرن بطنج لا ينفجرون ويصيرلج شيء رايحة انا أشوف الدكتور
گامت خلتنا مصدومين وراحت تقرب ايسون تطمن بية
-ايـسون : لا تخافين حبيبتي سهلة هسة يدخلونج شكم ساعة وتطلعين
-ميـار : ايسون خاف أموت
-ايـسون : أسم الله ميار لا تحجين هيج حبيبتي والله مايصيرلج شيء
-ميـاسين : گولي يالله يمة شسالفة قابل بس أنتِ تسوين عملية أشگد ناس سوو عملية وطلعوا مابيهم شيء گولي يالله
غمضت عيوني نزلت دموعي تحرگ بخدي يارب دخيل أسمك ساعدني دخل سُلطان للغرفة بسرعة
-سُلطـان : ميار حبيبتي لا تخافين مايصيرلج شيء والله شكم ساعة وتطلعين خليج قوية
لزمت أيدة وبجيت گبل حضنتة كل قوتي أبجي
-ميـار : خايفة سُلطان خاف أموت لو يصيرلي شيء
أبتعد يبوس بوجهي بلهفة ويحجي
-سُلطـان : يومي قبل يومج يابعد حيلة أنتِ والله تطلعين ومابيج شيء همين
هزيت راسي سوو أجرائات شكم ساعة دخلت للعملية ...
•••
ايسـون ...
دخلوا ميار للعمليات وبالي يمها كلش خايفين ندعي وسُلطان يرجف گاعد شوية وأجة الأكبر وخالة ليلى ويا ومريم أتصلنا على عمها مُراد وأيهم مسافر ماموجود مرت شكم ساعة وميار بالعمليات
-سُلطـان : ليش اتأخروا ؟
-الأكبـر : لا تخاف شوية وتطلع گول يالله
-سُلطـان : أستغفرالله اتأخروا !
-حـيدرة : غير عملية هيّ سُلطان قابل هيتة
-سُلطـان : يمة خالة ايسون أدعي
-ميـاسين : شنو توصينة يمة جاي ندعي والله
مرت شكم ساعة وطلعوا ميار من العملية أجت الدكتورة تبتستم
-الحمدالله نجحت العملية والمريضة راح ناخذها بالغرفة خليها تحت تأثير البنچ
زفرنة براحة ضليت أبجي من الفرحة سُلطان عيونة دمعت
-سُلطـان : الحمدالله ياربي الحمدالله
أخذوها للغرفة لان تحت تأثير البنج دخلنا للغرفة كلنا نشوفها راح سُلطان ملهوف الها تبجي موجوعة
-سُلطـان : ياروح سُلطان شلونج زينة موجوعة حيل مو
گوة تحجي يطلع الكلام
-ميـار : هذا أنتَ سُلطان گلبي
-سُلطـان : أيَّ انا ياروح سُلطان أنتِ
-ميـار : بعد ماحجي وياك زعلتتت
ضحك سُلطان وگال
-سُلطـان : ليش حبيبتي زعلانة مني
-ميـار : لان من أدخل للحمام أسبح تدخل وراي شعندكك تدخل خليني أسبححح وحدي شبيك شبيك ها. شبيك
فتحنة عيونة مصدومين فضحتنة فضيحة الله سُلطان باوع النا مستحي سد حلگها وگال
-سُلطـان : مو وقتها ميار
متنة من الضحك دفعت أيدة ورجعت گالت
-ميـار : هذا زاهر الخايس أبو النسوان المهلس يريد يخرب حياة أبو عضلات سُداسية ونجرتة
باوعت للأكبر فاتح عيونة بصدمة صخام بوجهج ميار مرة سمعتني أگله هذا القب وانا أحجي ويا باوع حيدرة ميت من الضحك باوع الها الأكبر وگال
-الأكبـر : ليش هيج ميار فضحتينة
-ميـار : دسكت أنتَ فضحتينة وفضحتينة وأنتَ مفضوح كلها تدري بيك وين ماتلزم ايسون تحصرها
غطيتت من الخجل وخالة ليلى ومياسين ميتات من الضحك ومريم فاطسة حيدرة يباوع للأكبر ويخزر بي عود حيدرة أجة يصير عون طلعتلة ميار فرعون
-حـيدرة : ولج صدك هذا الحجي ميار هسة أطيح حظة
رفعت أصبعها وعيونها مغمضتهن وگوة تحجي
-ميـار : دسكت أنتَ الثاني يريد يطيح حظ الأكبر لا تخليني أصيح علي يطيح حظك أكلة حاط عينة على أختك مسوي نفسة الرجل الغيور
فتح حيدرة عيونة بصدمة ضحكت بصوت عالي والأكبريضحك
-الأكبـر : لزمت عليك لزمة بعد
-حـيدرة : منين طلعتيلي تحب تولين بوية البنية مثل أختي طبعًا أغار عليها غير عرضي هاي
رجعت جرت الحجاية جر
-ميـار : دنجبببببب لك شنو تجذبني ولك سُلطان شوفة جاي يجذبني صدك انا جذابة
سُلطان ميت من الضحك باس أيدها وگال
-سُلطـان : يروحلج فدوة خايبة هو وعشيرتة جذابين وبس أنتِ الحقيقة
-ميـار : أهو غير يستقررر دنجب لا تصير براسي رومانسي ردت تگلي انا جذابة لو لا ماردت تطگني بغزل أكبر من راسك
ضحكوا الولد بصوت عالي وسُلطان يمسح على وجهة ويستغفر
-سُلطـان : تمونين حبيبتي تمونين
-حـيدرة : حيلللل بيك شفت الدنيا دوارة
-مريـم : كافي ميار متت من الضحك والله العظيم
-ميـار : مريم أگلهم أنتِ تحبين لو لا أگلهم
كلنا درنة وجهنة على مريم مصدومين مريم أختفت ضحكتها وگالت بخوف
-مريـم : تجذب عليكم تجذب انا ماحب شبيكم
-ميـار : أجذب عليكم شبيكم أيَّ أجذب ماتحب
-مريـم : ميار أحجي رحمة للگعبة گولي جذب الناس صدگت
-ميـار : جججذب ماتحب
ضحك حيدرة وغمز الـ مريم
-حـيدرة : ميار ماتجذب كلامها صحيح
توخصرت مريم وگلتلة
-مريـم : يعني كلامها صحيح أنتَ تحب تولين مو
أختفت ضحكة حيدرة وخزرها
-حـيدرة : منين أحبها بوية جذابة
-مريـم : چا انا همين جذابة
-ميـار : گالت چااا
تقربت بستها بخدها وهمست بأذنها
-ايـسون : كافي فضايح ميار حبيبتي
-ميـار : دنجبيييي تحبين أذكرج من جانوا ينامون أهلج والأكبر يجي بالليل عليج يحصرج گولي جذب قبل لا تفسخون
لطمت على خدي من الصدمة والخجل ضحك سُلطان وگال
-سُلطـان : خوش فكرة حبيتها لعد ايسون بالليل أتفق وياج وأجي الـ مرتي
حيدرة خازرني ياريت متت من الخجل وأمي تباوعلي وخالة ليلى يبو ردت أغط من الخجل تقرب حيدرة طبطب على كتف الأكبر
-حـيدرة : تعال وياي برة حبيبي
-الأكبـر : أيَّ ليش لاا
طلعوا برا وميتين من الضحك مريم وسُلطان مر وقت وفك منها البنچ ضلت بالمُستشفى يوم وثاني يوم طلعنا للبيت بيت خالة ليلى كلهم أجو ويانة ميار روحها رايحة سودة عليّ وسُلطان مگابلها وگاعد حست نفسها تعبانة
-سُلطـان : نامي أرتاحي حبيبتي
هزت راسها وغمضت عيونها نامت نزلت جوة نسوي عشة انا وتولين دخل الأكبر للمطبخ
-الأكبـر : علي وين؟
-ايـسون : طالع ماجاي نشوفة هواي عندة شغل ماندري وين يروح
هز راسة باوعت تولين وگالت
-تولين : انا أختة ماعرُف شغلة الله لا يجذبني
ادري بيها تشاقة حاولت أسحب حجي منها
-ايـسون : معقولة الي بالي !
-تولين : وانا همين شاكة !
-الأكبـر : الي بالكُم يشتغل بالملاهي بالليل صحيح؟
باوعنالة ثنينة ضحكنا بصوت عالي ضحك على ضحتنة طلع بقينة نسوي عشة ...
•••
تولين ...
سوينة عشة وفرشنالهم كلهم تعبانين من العملية ناموا كلهم من التعب حتى سُلطان نام يم ميار بالغرفة وايسون حبت تنام يمي ومريم ونبأ بغرفة الضيوف الثانية وخالى ليلى حبت تنام يم خالة مياسين باوعتلي ايسون وگالت
-ايـسون : راح أشرب ماي وأرجع تردين أجيبلج
-تولين : اي الواه خايبة ميتة من العطش توي ردت أنزل
-ايـسون : لا أبقي انا انا اجيبلج
هزيت راسي راحت ايسون نزلت تجيب ماي فتحت مبايلي دخلت إگلب لگيت حيدرة نشط يعني مانايم ناشر صورة ثنين حاضنين بعض وكاتب عليها
-مادآم عندي گلب شايل تفاصليچ ،
-لو عمر يگضي ويرد ماصيرن الغيرچ .
أحس النار شبت بين ضلوعي أكيد يقصد رؤى خلي يقصدها شسويلة خيولي حقير مكروة الصقر الجارح حقيرر
-تولين : على كيفج تولين خيولي خيولي خلي يحبها شتسويلة مثلاً طبة حريشي
نزلت دموعي مسحتهن لا تضعفين تولين خيولي لا تضعفين مسحت دموعي غسلت وجهي أردد خيولي انسي حقير
ايسون اتأخرت ماكو وين صارت نزلت أشوفها وين دورت بالصالة ماكو نزلت للمطبخ وإنصدمت وانا أشوف الأكبر لازم ايسون من خصرها ويبوس بخدها گبل رجعت ليورا متت بدمي عزا بعيني صخام ايسون شلون هيج عفتي الأمكان كلها رحتي للمطبخ صخام بوجهج
درت وجهي مشيت وشفت حيدرة ينزل ومابيلة على اذنة يخابر عزا بعينيي صخام لا أگدر أرجع لان شافني ولا أگدر أسوي شيء ضليت متصنمة مكاني أبتسم من شافني سد المُبايل فكري تولين لا تخلينة يشوفهم
تحمحمت وحجيت وبالي يم ايسون
-تولين : شعندك گاعد
-حـيدرة : شعليج أنتِ الي شعندج گاعدة ؟
-تولين : ها انا مانعسانة
-حـيدرة : وانا هم مانعسان شبيج متوترة
شك بية حيدرة ذكي بسرعة يلگفها لازم أشوفلي فد حل
-تولين : شسمة حيدرة أريد أگلك شيء
عقد حاجبة كتف أدية وگال
-حـيدرة : گولي بزونة شنو
أتعمدت أحجي بصوت عالي أريد ايسون تحس بس ايسون ماكو اسمع بس صوت همسها وي الأكبر وضحكها باوع سمع الصوت حيدرة مستغرب
-حـيدرة : شنو هذا الصوت منو گاعد؟
رجفت من الخوف هسة يشوفهم شيگول تغطي عليهم
-تولين : ماكو أي صوت حيدرة ركز بكلامي الي أريد أگولة
-حـيدرة : لا انا جاي أسمع أحد گاعد وصوت ضحك تولين وخري
تقربت لزمتة من زندة أول مرة من بعد الطفولة أتقرب هيج من يمة بسبب الخوف الي محاوطني
-تولين : لا لا حيدرة أصبر أسمع الكلام الي أريد أگولة شبيك
باوعلي مصدوم عيونة على أيدي الي حاضنة
-حـيدرة : شبيج تولين شصاير وياج أحجي
لازمة أيدة وافكر بجذبة شنو الجذبة مادري صافنة بوجة
-تولين : ها يعني مستعد تسمعني صح لو لا ؟
-حـيدرة : ولج وخري أيدج عني حررام وأحجي
سمعت صوت ايسون ضحكت بعلوا صوتها حيدرة عينة صارت على باب المطبخ مادري شلون طلعت مني هاي الجذبة وشلون گدرت أنطق هيج كلمة ماادري بس جان كل همي حيدرة مايشوف الأكبر وايسون سوية
-تولين : حيدرة تتزوجني؟
للحكاية بقاية⛓️...
----------
باقلـم : زهراء لؤي
شنو رأيكُم بالبارت؟🔥🌚
لا تنسون تصوتون وتعلقون بين الفقرات 🔥💅🏻✨
مُتابعة جميلة ✨