« វង្វេងស្នេហ៍កូនភ្លោះ »
ភាគទី 26
< ក្រុមហ៊ុន ចន >
« ចុមកាឌុមឆែម បងស្រលាញ់អូន » វិទូភ្ញាក់ស្រែកឡើងផ្អើលចង់អស់មួយភូមិទៅហើយ ដោយសាតែលោកគីមមកពីកាលណាមិនដឹងទេមកស្រែកដាក់ត្រចៀកនាយ ថេយ៍យ៉ុងនិងស្រស់ក៏បានងាកមកមើលតាមសម្លេងស្រែកទាំងភ្ញាក់ដែល
« ហើយឯងមកឈរអីនិង...បងស្រលាញ់អូនស្អី??» លោកគីមសួរទៅវិទូទាំងដៃនៅបិទត្រចៀកដោយសារតែវិទូស្រែកអម្បាញ់មិញ
« ហួយ..លោកប្រុសហ៎ ភ័យខ្ញុំស្លាប់ហើយ » វិទូ
« ហើយវាថីឯង » លោកគីម
« មានអីទេលោកប្រុស » វិទូនិយាយបែបអៀនៗនិងមើលទៅកាន់ស្រស់ដែលកំពុងតែឈរក្បែរថេយ៍យ៉ុង
« ឃើញគេស្អាតមិនបានទេឯងនេះ ហាលហា » លោកគីមមើលឬកពារអៀនៗរបស់វិទូហើយក៏និយាយទាំងសើចនិគ្រវីក្បាលតិចៗហើយក៏ដើរទៅអង្គុយជិតថេយ៍យ៉ុង
« លោកប៉ាមិនទាន់សម្រាន្តទេឬ?? » ថេយ៍យ៉ុង
« នៅទេកូន ប៉ាចង់និយាយជាមួយកូនរឿងកន្លែងដែលកូនអោយប៉ារកនោះ » លោកគីម
« ប៉ារកបានហើយមែន ?? » ថេយ៍យ៉ុងនិយាយសប្បាយចិត្តនិងបានចាប់ដៃលោកគីមអោប
« ប៉ារកបានហើយ ហើយកន្លែងល្អទៀតផង កូនត្រៀមតែខ្លួនទៅ » លោកគីមងក់ក្បាលហើយនិយាយដាក់កូនស្រីទាំងញញឹម
« អរគុណណាស់លោកប៉ា » ថេយ៍យ៉ុងនិយាយហើយក៏ងើបខ្លួនបន្តិចថើបថ្ពាល់លោកគីមយ៉ាងសប្បាយចិត្ត
« ចឹងថ្ងៃស្អែកចាំប៉ានាំកូនទៅមើលទីតាំង » លោកគីម
« ចា៎ស លោកប៉ា » ថេយ៍យ៉ុង
លោកគីមនិងថេយ៍យ៉ុងនិយាយគ្នាហើយក៏បាននាំគ្នាចូលទៅបន្ទប់រៀងៗខ្លួនដើម្បីសម្រាកយកកម្លាំងធ្វើការងារនៅថ្ងៃបន្ទាប់
នៅក្នុងបន្ទប់ដ៏ស្រស់ស្អាតរៀបចំយ៉ាងស្អាតមានរបៀបរៀបរយដែលក្មេងស្រីម្នាក់កំពុងតែអង្គុយធ្វើអ្វីសភាពលើតុពោពេញដោយក្រដាសដែលមូលចោលមិនដឹងយប់ស្មានេះហើយនៅមិនទាន់គេងទៀត
« តើខ្ញុំគួរតែដាក់ឈ្មោះហាងថ្មីថាយ៉ាងមិចទៅ ?? » ថេយ៍យ៉ុងខាំចុងប៊ិចបណ្តើរនិងរកនឹកអំពីអ្វីដែលខ្លួនចង់ធ្វើបណ្តើរឡើងចង់ប្រេះខួរទៅហើយ បន្ទាប់ពីមួយសន្ទុះក្រោយ
« នឹកឃើញហើយ Tae's JK Accessories » ថេយ៍យ៉ុងបាននឹកឃើញឈ្មោះហាងដែលគេបានគិតអស់មកជាច្រើនម៉ោង ក៏គិតចេញជាឈ្មោះបែបនេះ ក្នុងចិត្តរបស់ថេយ៍យ៉ុងបានគិតថាTae's ជាឈ្មរបស់ខ្លួនិង JK ជាឈ្មោះរបស់ជុងហ្គុកដែលជាសង្សាររបស់ខ្លួន គិតហើយក៏ញញឹមម្នាក់ឯង និងបាននឹកឃើញស្នាមថើបដែលនាងបានថើបគេ ហើយក៏រៀបចំចូលគេង
ព្រឹកបន្ទាប់ថេយ៍យ៉ុងនិងលោកគីមបាននាំគ្នាទៅមើលទីតាំងដែលថេយ៍យ៉ុងចង់បាន ថេយ៍យ៉ុងពិតជាពេញចិត្តទីតាំងនេះខ្លាំងណាស់ព្រោះទីតាំងនេះជាទីតាំងផ្លូវកែងធំទូលាយនិងនៅជិតសាលារៀនវិទ្យាល័យ និងសកលវិទ្យាល័យដែលល្បីៗនៅក្បែរនោះ បើបើកហាងលក់ច្បាស់ជាដាច់មិនខាន
« យ៉ាងមិចដែលកូនស្រី?? » លោកគីម
«ពេញចិត្តខ្លាំងណាស់លោកប៉ា » ថេយ៍យ៉ុងនិយាយទាំងសប្បាយចិត្តញញឹមបិទមាត់មិនជិត
មិនជាយូរប៉ុន្មាន3ខែកន្លងទៅកន្លែងនោះក៏បានសាងសង់ហើយនិងបានរៀបចំយ៉ាងស្រស់ស្អាតដោយថេយ៍យ៉ុង ថេយ៍យ៉ុងក៏បានហៅគ្រួសាររបស់ក្មេងស្រីតូចនោះអោយមកនៅទីនេះនិងបានផ្គត់ផ្គង់អោយក្មេងៗបានរៀនសូត្រផង គ្រួសារក្មេងស្រីគ្មានអ្វីក្រៅពីពាក្យថាអរគុណទៅថេយ៍យ៉ុងឡើយ មិនត្រឹមតែទិញរបស់ដែលគ្រួសារនាងតូចធ្វើដោយដៃទេ ថែមទាំងជួយអោយអោយក្មេងៗបានរៀន និងអោយមករស់នៅគ្រប់គ្រងហាងដ៏ទំនើបមួយនេះទៀត អ្នកល្អពេកហើយថេយ៍យ៉ុង
ព្រឹកថ្ងៃថ្មីបានមកដល់ ព្រះអាទិត្យបានរះចូលទៅក្នុងបន្ទប់តាមបង្អួចនៃផ្ទះលោកចន សំឡេងទូរស័ព្ទក៏បានរោទិ៍ឡើងធ្វើអោយកំលោះសង្ហារដែលកំពុងគេងលក់ស្រួលរហ័សយកដៃស្រវា ទូរស័ព្ទទាំងភ្នែកបើកមិនរួច
« អាឡូ »
«អាឡូបង បងទំនេរទេ?? »
«យ៉ាងមិច?? »
«ពួកយើងខានជួបគ្នាយូរហើយ អូននឹកបង »
« ដឹងអីទេ ហើយមិចទៀត?? »
« ថ្ងៃនេះអូនទំនេរចង់អោយបងជូនទៅក្រៅ »
« អឹម...ចាំបងទៅយក »
នាយនិយាយទូរស័ព្ទហើយក៏បានបិទទុកទូរស័ព្ទវិញហើយក៏ដេកបន្តស្របពេលដែលអ្នកកំលោះសង្ហារម្នាក់ទៀតដើរចូលមកក្នុងបន្ទប់នាយដែលកំពុងតែដេក
« បងប្រុស បងប្រុស ងើបឡើង » ហ្គុកគីដែលជាប្អូនប្រុសបានមកដាស់បងប្រុសដែលកំពុងតែដេកខ្ចិលច្រអូសមិនខ្ចីងើប
« វាយ៉ាងមិចឯងទៀតហើយ » ជុងហ្គុកនិយាយទៅប្អូនប្រុសទាំងមិនខ្ចីបើកភ្នែកមើល
« ងើបឡើង ម៉ាក់ហៅអោយចុះទៅញាុំបាយ ហើយប៉ាអោយបងរៀបចំខ្លួនដើម្បីទៅក្រុមហ៊ុន » គ្រាន់តែឮចឹងភ្លាមជុងហ្គុកបើកភ្នែកហើយក៏ងើបមកអង្គុយភ្លាមៗ
« ឯងថាមិច...?? » ជុងហ្គុកបើកភ្នែកបុិនពងមាន់ហើយនិយាយទាំងត្រដិតទៅហ្គុកគី
« លោកប៉ាអោយបងទៅក្រុមហ៊ុនថ្ងៃនេះ » ហ្គុកគីនិយាយបែបធម្មតាៗ តែមិនបាច់មើលទឹកមុខជុងហ្គុកទេ ស៊ុយប៉ែរហាក់ដូចជាធុញទ្រាន់ តែមិនអាចប្រកែកនិងលោកប៉ាបានទើបនាយសម្រេចចិត្តថានិងទៅ
« បងពឹងរឿងឯងមួយ បើឯងធ្វើបងនិងទិញកាដូអោយឯង » ជុងហ្គុកបានងើបចេញពីគ្រែហើយក៏និយាយទៅហ្គុកគីអោយជួយនាយ
« រឿងអ្វីទៅ ??? »ហ្គុកគី
« ថ្ងៃនេះបងទៅក្រុមហ៊ុនចឹងហើយឯងថ្ងៃនេះទៅដើរតួជាបងទៅជួបនិងថេយ៍យ៉ុងជំនួសបង » និយាយហើយនាយក៏ចូលក្នុងបន្ទប់ទឹកបាត់ ធ្វើអោយប្អូនប្រុសមានការគាំងយោបល់ជាខ្លាំង ទោះមិនចង់ទៅក៏នាយត្រូវតែទៅដែលព្រោះបន្លំខ្លួនលើកនេះបានកាដូ
មួយសន្ទុះក្រោយមកជុងហ្គុកក៏ចុះមកខាងក្រោមជាមួយនិងខោអាវបែប CEO ម៉ូតសក់លើកទៅលើអស់ជាមួយនិងការចាប់ភ្លីសក់តាមស្តាយបរុសសម័យថ្មី មុខមាត់ដ៏ទាក់ទាញ ដើរមកតុអាហារយ៉ាងសង្ហាធ្វើអោយអ្នកដែលអង្គុយរង់ចាំភ្លឹកមើលសឹងតែដកដង្ហើមមិនទាន់ទៅហើយ
« កូនអញមែននិង?? រាល់ដងបបួលទៅក្រុមហ៊ុនម្តងៗមិនដែលទៅទេ ចុះមិចថ្ងៃនេះ....ឬមួយខ្មោចចូលទេដឹង » លោកចននិយាយក្នុងចិត្តទាំងស្លុត
« កូនអញក្តៅខ្លួនមែននិង?? » អ្នកស្រីចននិយាយក្នុងចិត្តទាំងស្លុតពេលឃើញកូនប្រុសប្រៀបបាននិងCEO ក្រុមហ៊ុន
« មិចមើលមកកូនបែបនេះប៉ាម៉ាក់?? » ដោយឃើញប៉ាម៉ាក់នាយសម្លឹងមកខ្លួនបែបនេះនាយក៏បើកភ្នែកធំៗហើយក៏សួរ
« អរ៎...អត់មានអីទេកូន ញាុំបាយទៅអាលទៅក្រុមហ៊ុនជាមួយប៉ា » លោកចន
« បាទប៉ា » ជុងហ្គុក
បន្ទាប់ពីញាុំអាហាររួចរាល់អស់ហើយលោកចននិងជុងហ្គុកបានបើកឡានចេញទៅក្រុមហ៊ុន ឯអ្នកស្រីចនក៏ធ្វើការងារជារបស់ខ្លួនតាមទម្លាប់ ឯងហ្គុកគីវិញដោយថ្ងៃនេះបងប្រុសរបស់នាយអោយនាយបន្លំខ្លួនជាបងប្រុសទៅជួបនិងថេយ៍យ៉ុងដូចកាលលើកមុន
ហ្គុកគីនាយបានបើកឡានបងប្រុសរបស់ខ្លួនដើម្បីទៅយកថេយ៍យ៉ុងនៅឯផ្ទះ បន្ទាប់មកពួកគេទាំងពីរក៏បានចេញទៅដើរលេងតាមទម្លាប់អ្នកមានគូរ តែដូចធ្លាប់ប្រាប់ចឹងថាហ្គុកគីគេជាមនុស្សរៀងអៀននិងសម្តីផ្អែមជាបងប្រុស ថេយ៍យ៉ុងនាងចាប់ផ្តើមសង្កេតឃើញពីចរិករបស់ហ្គុកគីបន្តិចម្តងៗទៅហើយ
វាលលំហដ៏ធំមួយដែលមានស្រះឈូកយ៉ាងស្រស់ស្អាតពោរពេញដោយផ្កាឈូករីកយ៉ាងគួរអោយគាប់ចិត្ត ហ្គុកគីបានចតឡាននិងបានបើកទ្វារឡានអោយថេយ៍យ៉ុងចុះមក
« បងនាំអូនមកទីនេះធ្វើអី?? » ថេយ៍យ៉ុងចុះពីឡានហើយក៏សួរហ្គុកគីនិងបានមើលជុំវិញទីនោះយ៉ាងប្លែកភ្នែក និងមានអារម្មណ៍ស្រស់ស្រាយក្នុងចិត្តជាមួយនិងខ្យល់បក់មករហើយបន្តិចៗជាមួយនិងក្លិនផ្កាឈូកដែលរីកយ៉ាងស្អាតមកជាមួយ
« គឺ....ទីនេះវាស្អាត » ហ្គុកគីនិយាយរដាក់រដុបញឹមៗអៀនៗទៅថេយ៍យ៉ុង
« ស្អាតមែនតា៎ស » ថេយ៍យ៉ុង
«ត្រូវហើយ បានបងនាំអូនមកទីនេះ » ហ្គុកគី
« ថតរូបអោយអូនមួយមក » ថេយ៍យ៉ុងបានហុចទូរស័ព្ទទៅអោយហ្គុកគីថត
បន្ទាប់ពីថតអស់ចិត្តចង់ហើយហ្គុកគីនាយបានយកកន្ទេលពីគូទឡានយកមកក្រាល
« បងយកកន្ទេលមកធ្វើអី ?? » ថេយ៍យ៉ុងសួរទាំងចម្ងល់
« គឺយកមកអង្គុយលេងនិងហើយ » ហ្គុកគី
« តែអូនឃ្លាន » ថេយ៍យ៉ុង
« មកអង្គុយសិនមកញុម...បងបានយករបស់មកញាុំដែលតើ » ភ័យពេកនិយាយសឹងតែភ្លាត់ទៅហើយហ្គុកគី តែថានាយក៏មិនអាចផុតពីក្រសែភ្នែកថេយ៍យ៉ុងដែល អោយតែពេលនិយាយថេយ៍យ៉ុងនាងតែងតែសម្លឹងមើលកាយវិកានាយជានិច្ច
« ..... » ថេយ៍យ៉ុងមិននិយាយអ្វីទាំងអស់គ្រាន់តែញញឹមហើយក៏ទៅអង្គុយលើកន្ទេល
បកមកមើលជុងហ្គុកពិតមិនក្លែងក្លាយយើងវិញ នាយបានមកដល់ក្រុមហ៊ុនលោកចន ដើរចូលមកទាំងអំណាចអ្នកណាក៏គោរពនាយម្នាក់នេះដែល ( ហេតុតែគេកូន CEO ) ទោះនាយទើបតែឈានជើងចូលក្រុមហ៊ុនលោកប៉ាខ្លួនដំបូងក៏ដោយ
« សួរស្តី! ថ្ងៃនេះខ្ញុំសូមណែនាំអ្នកទាំងអស់គ្នាអោយស្គាល់ នេះកូនប្រុសរបស់ខ្ញុំ ចន ជុងហ្គុក » លោកចនបានណែនាំកូនប្រុសរបស់ខ្លួនអោយទៅអ្នកនៅក្រុមហ៊ុនស្គាល់ បុគ្គលិកទាំងអស់បានគោរពទៅកាន់លោក ចន ជុងហ្គុកទាំងក្តីគោរពស្រលាញ់
« សង្ហាណាស់មីដែងអើយ »👩🏻💼
« គ្រាន់ឃើញមុខបងភ្លាម អូននឹកឃើញឈ្មោះកូនយើងភ្លេត »👩🏻💼
« ទេវបុត្រមកពីខាងណាអីក៏សង្ហារយ៉ាងនេះ » 👩🏻💼
« រោងការយើងគួរដាក់ពណ៌អីបង ?? » 👩🏻💼
« សាកគិតទៅមើលបើយើងជាសង្សារ 1ថ្ងៃក្រោយយើងនិងចូលរោងការ » 👩🏻💼
« មុខព្រានដូចបងទាល់ប៉ះខ្លាដូចអូន » 🧑🏻💼
« អួយ...ប្តី » 🧑🏻💼
អូហូយ!! មិនធម្មតាទេអ្នកនៅក្នុងក្រុមហ៊ុននេះ គ្រាន់តែឃើញចន ជុងហ្គុកភ្លាមធ្វើអោយអ្នកនៅក្នុងក្រុមហ៊ុនជ្រួលច្របល់និងសម្រស់នាយ មិនថាប្រុសមិនថាស្រីទេ អ្នកខ្លះនឹកឃើញដល់ឈ្មោះកូនទៀតផង តែអ្នកទាំងអស់គ្នានោះមិនដឹងពីឥទ្ធិពលចន ជុងហ្គុកឡើយ។
សូមរង់ចាំភាគបន្ត