خطوات نحو الموت
للكاتبة جيهان آغا
لا تنسون الصلاة والسلام
على سيدنا محمد وعلى ال محمد
حبايبي اليوم اخر بارت
تعليق بين الفقرات
وتفاعلكم مع الرواية
قراءة ممتعة حبايبي
____________
عماد - رواسي اني احبج
واريد اتقدملج
رواسي - صدمني هوه جبير بالعمر
فوك 40 سنه تقريباً بعمر ابويه
وهيج يكول كتله
ستاذ شهل حجي
عماد - شكو بيها والله عيشج اميره
رواسي - ستاذ اسمحلي بس انت بعمر
ابويه مستوعب كلامك
عماد - بعصبيه /وشكووو بيها بعمر ابوج
مايبين بيه الكبر
رواسي - صار عصبي التفتو الطلاب
مستغربين كتله
استاذ فدوه صوتك هسه شيكولون
عماد - رواسي اني احبج فهميني
واريد اتقدملج
رواسي - الله اكبر شصارت رواسي
ستاذ اعتبر نفسي ماسمعت كلامك
واتمنى هذا الموضوع نهائي ماينفتح مره
ثانيه
عماد - ليييش فكري على الاقل
رواسي - ستاذ اني مخطوبه
اني هيج كلت وهذا عيونه صارن
حمر كلت بكَلبي بقت عليك كملت
براسي جان ناقسني اني
هذا كام يصيح التمو الطلاب مستغربين
واني مصدومه من تصرفه
عماد - شنووووو يعني مخطوبه
جذابه ليش تجذبين
رواسي - هوه هيج سوه واني صرت
نار ما كافي ضيمي انوب هذا الماعرفه
منو يحجي عليه بعصبيه التمو الطلاب
كلهم شكد استحيت من نفسي من عصبيتي
وكفت بوجهه وكتله
ستاذ ارجوك الزم حدك
انت استاذي على عيني وراسي
بس اسمحلي مال تعلي صوتك عليه
وتكول جذابه لااااااا لهنا وبس مااسمحلك
وبعدين انت منوووو والله والله انت منو
حتى تجاوز حدك ويايه
عماد - هههههه لا تنسين
اني ستاذج لا تعلين صوتج عليه
رواسي - ستاااذي وهيج يصرف ويايه
شنو تتوقع اشكره مثلنه وانت استاذي
بدوام بعد الدوام مايربطني شي وياك
هيج كتله وطلعت برا الكليه عفتهم
كلهم حسيت نفسي مخنوكه خابرت
ابويه مايرد خابرت حازم جاوب
كتله واني خايفه وابجي
ح ح حازم تعال فدوه
حازم - شكو شصاير
رواسي - تعال بعدين افهمك فدوه لا تتاخر
حازم - ماشي بعد اخوج دقايق انه يمج
ان شاءالله
رواسي - ماشي
بقيت انتظره وجسمي كله يرجف من الخوف
جتي صديقتي
رفل - ولج رواسي شكو شصاير
رواسي - فدوه ماعرف لحد يسألني شي
رفل - بس فهمينا شصاير الكليه كله
تحجي بيكم انتِ ودكتور عماد
رواسي - من جابت اسمه كتلها
كااافي فدوه سدي الموضوع
اجه حازم عفتها وركضت لسياره
ابجي
حازم - ولج شبيج بس كليلي شكو
رواسي - اني شوووكت ارتاح شوكت
حازم - رواسي بس فهميني شصاير
رواسي - حازم اليوم
حازم - اليوم شنو ااحجي
رواسي - بدموع /اليوم صار شي
صار عصبي وكال
حازم - ووولج احجي شصار
رواسي - ابجي واحجي كتله
كلشي صار وهذا تخبل
راد ينزل يضربه مسكت
ايده واتوسل بي
حازم فدوه دشوفني ارجف من الخوف
فدوه عوفه خلي يولي رجعني للبيت
حازم - ااااني اعلمه هذا الحقير
بسيطه سهله والله والله سهله
رواسي - فدوه لا تصير عصبي بس
رجعني للبيت
حضني ويمسح ايده على راسي
حازم - اروح فدوه لحبيبة اخوها
اهدي خلص ماصير عصبي اهدي
حبيبتي
رواسي - حضنته وابجي وجان يكول
حازم - عروستنه لا تبجين ههه
رواسي - هيج كال وضحك كتله
ياعروسه
حازم - هههه غشمي نفسج بعد اخوج غشمي
رواسي - فشلت عرفت يقصد الخيلع
شغل السياره وبده يحجيلي علي علمود
ينسيني سالفة دكتور عماد
حازم - شوفي رورو لا عبالج صديقي
واهتم لا والله اهم شي عندي انتِ
اختي وبنتي والله اخاف عليج من
الهوى بعد اخوج
رواسي - احلى اخ انت تعرف
حازم - ههه اي اعرف
فا يا اختي الخيلع عصبي وعنيد
كلش مايحب واحد يتأمر علي نهائي
ولا يحب واحد يكسر كلمته من يصير
عصبي يوصل مرحلة الجنون يكسر شكو
شي كدامه فا من يصير عصبي شيسوي
يعزل نفسه يراجع افكاره
صح عصبي كلش بس كوميدي بنفس
الوقت سوالفه تخبل يجبرج تضحكين ويه
اعرف هسه
تكولين شنو هذا الربط الغريب بس هوه
هيج بكلشي غريب
كلبه كلش حنون ورهيف اذا حبج
يخاف عليج من نفسه بس اذا حقد
اويلي الله لا يراويج شيسوي اذا حقد
على شخص فا بعد اخوج هوه
محتاج وحده تحتوي تصيرله زوجه
وحبيبه وام احتوي حبي سمعي
كلامه صدكيني راح يسوي الشي يلي تردي
بس شنو تسمعين كلامه
رواسي - الله كريم
حازم - راح تقبلين بي
رواسي - اي
حازم - الله يتمم لكم عل خير بعد اخوج
رواسي - تسلم عقبالك حزومي
حازم - هههه خلي بس تتخرج تعبتني
رواسي - هههه بعدك وياها
حازم - ليش اكدر احب غيرها
رواسي - الله يوفقكم خويه
حازم - تسلمين رورو
رواسي - وصلنه للبيت سبحت
وصليت وتغدينه غسلت المواعين
واخذتلهم جاي كعدنه سوالف وضحك
نسيت سالفة الدكتور اذن العصر
صعدت فوك بغرفتي صليت
ولبست دشداشه لون احمر غامق
علي تطريز كله ذهبي كلش حلو
وراقي فتحت شعري كله وسشورته
وكلبته كلش حلو صار شويه مرطب
على اساس على ايلاينار بسيط بنهاية العين
وحمره لون وردي ترتبي بناتي وايشادو
ترابي خفيف كلش حلوه طلعت ورشة عطر اهم
شي ههههه وجا يخابر الأفندي كتله
ها شرايد
الخيلع - دكتوره يمكن الناس تسلم
بل اول
رواسي - السلام عليكم عمو
الخيلع - احترك عمج
رواسي - ههههه
الخيلع - لا تكولين عمو
رواسي جم مره اكلج
رواسي - عفواً يمكن يمكن الناس
ترد السلام بال اول سيادتك
الخيلع - عليكم السلام بويه
شويه ويجوكم خطابه
رواسي - ههه خوش
بس احنه ماعندنه بنات لزواج
الخيلع - هههه لا عندكم كمر تخبل
رواسي - هههه ماشي انتظرهم اني
حاضره
الخيلع - اريد اشوفج فتحي الكاميرا
رواسي - مستحيل بعدك محرم عليه
الخيلع - لفي الشال فوك راسج
رواسي - نو نو ماكو
الخيلع - الله يصبرني عل خبالج
رواسي - ههههه هسه اريد انزل
جوه امي تصيحني
الخيلع - ماشي بويه دير بالج
على نفسج
رواسي - ماشي عمو ههههه
سديت الخط اريد استفزه لأنو
هوه كلش مستفز ههه
شويه واجوي
اخته وامه نزلت سلمت
عليهم ورحت سويت
الجاي قدمته لهم وبدت تحجي امه
ايلاف - ما شاء الله يمه شهل جمال
اللهم صل على محمد وعلى ال محمد
يمه رورو تخبلين
رواسي - بخجل / تسلمين عمه
ميسم - فدوه اروح لهل خدود نيال
خليع بيج
رواسي - هههه
انسون - ياهلا وغلا نورتونه
ايلاف - بنوركم خيه
شلونج انتِ اخبارج
انسون - الحمد لله والشكر على كلشي
ايلاف - الحمد لله
رواسي - شويه حجو حجي عادي
وبعدين عمه ايلاف كالت
ايلاف - اي ياختي جينه نطلب ايد رورو
الابنه خيلع واني متاكده ماراح ترفضون
انسون - ههه ليش
ايلاف - ههه خيه ابني قافل عليها
لو تاخذه لو تبقى محد ياخذها
رواسي - عزه هاي شوكت
ميسم - ههههه بعدج ماشايفه جنون خيلع
انسون - هههه مانلكه احسن من خيلع ربي
يحفظه
ايلاف - ولا احنه نلكه احسن من رورو
انسون - رورو بنيتي شتكولين
ميسم - تقبل هههه بس تستحي
ايلاف - هههه هايمه رورو شكلتي تقبلين
بي
رواسي - كتلهم بتوتر على خجل على فرح
ماعرف شنو جان شعوري وقتها
اقبل
اني هيج كلت كامو يهلهون من الفرحه
ويدعولنه الله يتمم لنه عل رحت
جبت الكيك وببسي اكلو شويه وراحو صعدت
فوك الم غرفتي صارت هوسه
دك موبايله اشوف هذا هوه ابتسمت
وجاوبته
الخيلع - احبج
رواسي - احمم بعدنه غربه هدي شويه هههه
الخيلع - احترك عمج على هل ضحكه خوش
رواسي - هههه خوش
الخيلع - باجر اجي يمكم
رواسي - شتسوي يمنه
الخيلع - اطبخ لكم دولمه شتكولين
رواسي - هههه
الخيلع - يعني شسوي غير اجيب
ابويه وجدي ونشوف على شنو نتفق
مهر ومقدم ومأخر وهل سوالف
رواسي - اكلك مو كلش بسرعه
الخيلع - ولج فوصه متت عليج يابسرعه
رواسي - ماشي براحتك لحظه عود
صدك انت كايل لو اني لو تبقى محد
ياخذها
الخيلع - ههه اي
رواسي - يعني قبولي بيك اجباري
مو اختياري
الخيلع - وين اكو مني فقير كلش
خوش وليد اني
رواسي - كلش صدك كلش
الخيلع - هههههه بربوك ولا تكعد راحه
رواسي - هاي بعد اني الماكعد راحه
الخيلع - اي
رواسي - خوش
واني احجي ويه خيلع اجاني رساله
من رقم غريب كتله
اكلك خيلع اروح اني عندي شغل
الخيلع - ماشي بويه مع السلامة
رواسي - مع السلامة
سديت الخط ورحت اشوف منو هذا
رقم غريب عل واتساب كاتب
هلا رورو
ماهتميت ضل يدك ومارد
وجان بلليل يدزلي رساله كاتب
رواسي فدوه ردي بنيتي
من هيج كال عرفته هذا اسد الحقير
هوه يكول بنيتي
كتبت
شتريد مني اكو شي مرتك بيها شي
كتب
اسد - ردي اتصال
رواسي - لو تموت
كتب
اسد - صدك جايين عليج ناس
رواسي - كتبت
اي جا تريدني اضل
اسد - رواسي لا تقبلين بي فدوه
رواسي - هههه رحت تزوجة وعايش حياتك
وفرحان واني وكعت بيها بس خاف
عبالك رب العالمين راح ينسى سوايتك
هوه ارحم الراحمين ماينسى
حتى لو جنت غلطان
مثقال ذرة راح ياخذ حقي
منك فما بالك سوايتك
اسد - رواسي لخاطر العشره لا تقبلين
رواسي - ياعشره بقيت عشره انت ولك
الحقاره تمشي بدمكم وربي فوك
كل هذا وجاي تحجي بالعشره
سديت بوجها وحظرته
مر اليوم عادي ماكلت لهلي
على سالفة اسد مو مهم
صار الصبح واليوم يجون يقرون الفاتحه
جابو فواكه وعصاير واني ارتب
الغراض ماشوف غير اسد سحبني
وحضني دفعته وكتله
تتتتتخبلت اكيد تخبلت شلون هيج تسوي
اسد - احبج
رواسي - جذاب اطلع برا
اسد - رواسي لاتقبلين فدوه اروحلج
لا تقبلين بي
رواسي - ولك هسه اذا حازم يشوفك يدفنك اطلع
برا
اسد - لخاطر امج لا تقبلين
رواسي - لا جيب طاري امي
على لسانك وااااااطلع برا
اسد - بعدني احبج
رواسي - هههه والله انت الخسرتني
مو اني طحتلك بوحده امك وبيبيتك
احسن منها يفهمون صارلها جم سنه ترسب
هوه إدارة واقتصاد لحد مافصلوها من الكليه
هاي اول حوبتي طلعت وبعد باقي
وانه الف الحمد لله الله عوضني برجال
كول وفعل يحبني يموت عليه رجال
مو ذكر مثلك
اسد - شنو قصدج
رواسي - كثيرو الذكور وقليلو الرجال
وهسه اطلع برا
اسد - سهله
رواسي - طلع واني ماهتميتله
من الأساس اوي شسويله كَلبي خلص
من المشاكل
صار الليل اجو قرو الفاتحه واتفقو على كلشي
وكالو يوم الجمعه الجايه الخطوبه وهذا
الخميس عقد قران اني ماقبلت رحت
يم امي كتلها
يمه ليش هيج بسرعه مالحك
انسون - والله يايمه خطيبج هوه المستعجل
حتى علوش يكول ابويه كله ليش مستعجل
على كيفكم خلصو كلشي هوه كايل
لا اني اريد بسرعه نخلص
رواسي - ياربي صبرني ويه هذا الرجال
انسون - ههههه من هسه
رواسي - اي والله ضحكي نيالج
قابل كل الناس مثل بابا
انسون - هههههه ام لسان مايفيد وياج
رواسي - طايح لساني من هسه
انسون - احسن هههه
رواسي - ياااء يمه انتِ ويايه لو ويا
انسون - لا وياج ولا ويا كومي
كملي درسج يلا
رواسي - ماشي بس اي شي يصير
دزيلي بخور السوك علوش خوش
هههه
انسون - ماشي ههه
رواسي - صعدت فوك اكمل درسي
صار ب11 راحو اجه علوش يركض
علي - رواسي رواسي رواسي
رواسي - ها ولك
علي - الخطوبه يوم الجمعه الجايه
وهذا الخميس عقد
قران واليوم احد هههههه
رواسي - عزه مراح الحك
علي - زوجناج وخلصنه منج ههه
رواسي - ضربته على كتافه وكتله
انجب جا منو قبل يومين
يكول راح تعوفينه ويتبجبج
علي - لا فكرت زين من نخلص منج
راتبي راح يزيد اخذ مكانج واكون المدلل
مال بيت
رواسي - وجع حتى وجع ولك علمود
جم فلس امشي روح زاعلتك
اجه حضني وكال
علي - رورو اني مقهور من قهري
هيج اكول شبيج
رواسي - خوش هههه عود صدك تخلصون
مني لا والله ماعليه اريد بيت يم بيتكم
علي - هههه اي والله فكره
رواسي - تعال ننزل نشوف شصار مصار
علي - اي يلا
رواسي - نزلنه اني وعلوش للستقبال
كلهم ملتمين كعدت شويه وابوي كال
حرب - الخيلع كال راح اشتري بيت جديد
ماخليها تكعد ويه نسوان اخوتي
حازم - ماكو منه الضلع هذا
ولج رواسي محظوظه بي
رواسي - لا والله قصدك العكس هوه
المحظوظ مو اني
آراس - هههه صدك
رواسي - بويه اني اريد بيت لو يمكم
لو قريب عليكم
حرب - ماشي بويه تدللين
انسون - يعني هسه رورو راح تزوج
وتعوفنه
رواسي - هيج كالت وبجت رحت
حضنتها كتلها يمه شلون اعوفكم
ليش اكدر اعيش بدونكم
التفتت على ابوي عيونه دمعن نزلت
دموعي كتلهم
شنو السالفه بعد وكت خلو الدموع للعرس
آراس - اي صدك
انوب رواسي الماتعرف تسكت
تاخذ هذا المغرور يبوووو على كولت
بيبي هههههه
علي - اي والحلو شوف الفرق
ذاك بس عاكر حواجبه و رورو بس تضحك
ماعرف شلون طنجرة وشلون غطه راح يطلعون
ههههه
حازم - انجبو احترمو الأكبر منكم
آراس - باع هذا يخاف منه هههههه
علي - حقه هههه
رواسي - ههههههه لا لا معقوله حازم
حازم - غير من ربي ماخاف يلا انجبو
انجبو ماتعرفون تحجون
رواسي - ضحكنه كلنا تذكرت
هسه خيلع راح يخابرني
صعدت فوك وصدك شكد مخابر
حتى دازلي تسجيل صاير عصبي
تذكرت كلام حازم من كال من يصير
عصبي تركي وصدك تركته لصبح خابرته
جاوب امبين بعد ما كايم من النوم كتله
خيلع بعدك نايم
الخيلع - احترك خيلع خوش
رواسي - ههههه كوم يلا
الخيلع - امشي ولي زعلان منج
رواسي - ليش
الخيلع - وينج البارحه ادك عليج ماكو
رواسي - ماعرفت مجان الموبايل يمي
الخيلع - سهله من بطن عيني يارواسي
بس صيري حلالي ويصير خير وكتها
رواسي - يلا يلا صحصح عريسنه
جكليته كوم
الخيلع - اها والله طلع لسانج
رواسي - هههه كوم كافي نوم
الخيلع - كمت بويه كمت
رواسي - اني اروح اتريك
يلا مع السلامه وها صباح الخير هههه
الخيلع - بعد وكت فوصه
بربوك ولا تكعد راحه
رواسي - هههه سديت
الخط وتريكت ورحت للكليه مجان جاي
دكتور عماد بس كالو واكع من الدرج وجسمه
مورم من هيج كالو عرفت هاي سوالف
حازم داكه خوش دكه ههه
هيج مر الاسبوع كله من الكليه لسوك
من السوك للكيله هذا حالي جان
صار يوم العقد قران اجه بس ابو وابويه
وجدي وهوه كال مانسوي هوسه احسن
حتى اهله وخواته ما اجو اني بيومها
لبست فستان ابيض ساده فستان
حوريه علمود الصور ولبسني
الحلقه باس راسي وعلوش صورنه
كال
الخيلع - مبروك عليج اني
رواسي - ههه ومبروك عليك اني
الخيلع - احبج لو يشتلوج كزاز بمجرى دمي
رواسي - من هيج كال التفت علي
عيوني بعيونه كتله
احبك واموت عليك اعشقك
علي - احممم يمعودين نحنُ هنا
الخيلع - هههه خاب اطلع خليني اتغزل
بمرتي
علي - افا تطردني من بيتي
رواسي - هههه
علي - اروح اشرب مي واجيكم مو تروحون
زايد
الخيلع - انت بس روح
رواسي - هههههه
راح علوش وهوه مسك ايدي واكف مقابيلي
عيوني بعيونه باس راسي وكال
الخيلع - لو تعرفين شكد احبج
افيش ولج رواسي صرتي الي ماصدك
رواسي - بدموع /
خيلع فدوه لاتخليني وحدي
اني هيج كلت وهوه حضني
الخيلع - والله اخليج اميره رواسي
اني احبج والله احبج رموش عيني
اخليج ابطن عيني
رواسي - حضنته وكتله
احبك
تقدم واني وهوه صافنين واحد
على الثاني عيونه بعيونه كال
الخيلع - عيونج بحر وغركني هذا البحر
رواسي - اعرف وهذا المطلوب حبيبي
اتقدم اكثر راد يبوسني دفعته كتله
لا لا سيادتك بعد وكت ههه
الخيلع - احتركة العشيره ليش ولج جا مو
عقدنه
رواسي - ههههههه انتظر يوم الخطوبه
الخيلع - اي بس يوم الخطوبه تصير
في اثنين مو بعدين تكولين خيلع
كافي
رواسي - غمزلي وهيج كال كتله
عزه ولك انت غير منحرف
الخيلع - هههه بعدج ماشايفه شي
رواسي - واني اريد احجي باسني بخدي
وطلع ما انطاني مجال احجي
مصدومه تلمست خدي وابتسم اجه علوش
كال
علي - ههههه مو جن انهزم الرجال منج
رواسي - انجب ليش ينهزم قابل خاطب
جنيه
علي - اي مو ركض ههههه
رواسي - اسكت سوالف مو مال عمرك
علي - ايباااه
رواسي - ههههه اجوي اهلي باركولي
اجه بابا حضني وكال
حرب - دكتورتنه راح تصير احلى عروسه
حازم - ماصدك رورو راح تصير عروسه
انسون - واحلى عروسه الله يحفظها
رواسي - ياعمري
رحت حضنت انسون وتخيلت امي ويايه
بجت وبجيتهم ويايه كلت
مشتاك لي امي
يمه رب العالمين عوضنه بيج
الله لا يحرمني منج
انسون - بدموع /
يايمه ولا يحرمني منكم
آراس - كافي راح ابجي وين سجاد
اخابره يجي
رواسي - ابويه كفخه على راسه كلنه
ضحكنه كله
حرب - ولك شوكت تتعلم تكول عمي سجاد
آراس - شكو بيها احسه بعمري
خلي اخابره هوه يعرف شلون يخبصكم
حازم - راح افلت من هسه
رواسي - ههههه اصبر خلي يجي
خابره آراس كله هسه اجي
ماطول ربع ساعه اجه وبيده
مسجل مشغل ساجده عبيد
ويصيح
سجاد - بلمنه طك بلمكم ياهل العماره
رواسي - اجه هوه وآراس وعلوش
شادين الشال على خصرهم ويركصون
ابوي كال
حرب - لا لا اروح للمحل احسن
اذا ابقى راح اتخبل وياكم
سجاد - ههه ولك غير ابو العروس انت
وردح ردح ردح آراس هيج هز جتفك
بعد عمك هيج
حرب - سبحان الله ولا جنك اخويه
سجاد - هههه
آراس - ههههه اكول اني على منو طالع
سجاد - عفيه عليك كفووو على عمك طالع
حازم - هههه اي يوميه ويه وحده مو
آراس - لا لا صرت مثلك
علي - اني بعدني صغير على سوالفكم
سجاد - هههههه ابقى هيج احسن
علي - اي والله
آراس - شو تعالو اغير الاغنيه
وين مال اسمر والعيون وساع جتاله
حازم - عليه تقصد
سجاد - لا صدك هههههه احلم
رواسي - شغلو الاغنيه ويركصون
كلهم واني ماحب الرجال اليركص كتلهم
ولكم كافي ماحلو لا تركصون
حازم سيادة الضابط اكعد راحه خويه هههه
سجاد - قلبت على حازم ههههه
آراس - اي والله هههه
حازم - ولج رورو عرس اعز اصدقائي
واختي شلون اكعد وما اركص
رواسي - اي خوش هههه
كلهم يركصون وفرحانين شويه وراح عمي
سجاد واني صعدت فوك لغرفتي اشوف مراسلني
خابرته كتله
سيادتك مشتاق لو لا
الخيلع - مية شوك ولج شوكت
تكونين يمي شوووكت
رواسي - هههه اتحمل
الخيلع - امري لربي شسوي
رواسي - اي عيوني عيناي عفيه بالشاطر
الخيلع - لا تتموعين من تحجين خوش
رواسي - ياااء ولك حجي عادي
الخيلع - بسيطه يارواسي
رواسي - ههههه حجينه شويه واشوف
دوم يكرر كلمة نيشان واني ماعرف
شنو يعني استحيت اكله شنو معنى
راح هوه واني بدلت ونزلت جوه
اكول لي امي شنو نيشان ضل ابالي
اشوف ابويه
كاعد عل لابتوب رحت يمه كلت
اكيد هوه يعرف كتله
بابا عادي أسألك سؤال
سد اللابتوب والتفت عليه كال
حرب - اي باباتي تفضلي
رواسي - بابا شنو يعني نيشان
حرب - يعني ملابس ومكياج وهل سوالف
رواسي - لا مو هيج اقصد
اني هيج كلت وهذا وجهه صار اصفر
من الفشله كال
حرب - شنو قصدج طايحة
الحظ شلج بهل سوالف
رواسي - ليش يعني معنى ماحلو
حرب - ولج شوكت تعقلين
رواسي - رزلني وماخذت الجواب
كمت كلت اروح يم امي احسن
شفت باب غرفة حازم مفتوح
كاعد وبيده اوراق يشتغل رحت
كتله
ها يحلو مامحتاج شي
حازم - لا بعد اخوج تسلمين
رواسي - صفنت كلت ليش ما اسأل حازم
يجوز يعرف كتله
اكلك خويه حازم
حازم - عيونه كولي
رواسي - خويه شنو يعني نيشان
اني هيج كلت وحازم صار عصبي
صاح
حازم - غبيه شلج بهل افكار
من وين سامعته
رواسي - من صديقك خيلوع
حازم - فلا يكعد راحه
رواسي - شبيكم يعني شكو بيها
اذا واحد مايعرف هيج تذلو
ليش محد يكلي شنو نيشان
حازم - روحي نامي لا هسه اطلع
قهر شغلي بيج رووحي
رواسي - عفته ورحت مالي غير المخبل
مالي شسوي اروح يمه هوه يكلي على
الاقل يااء وهسه يكول دكتوره وماتعرف
شنو نيشان صخام الصخمك ياخيلع
منين طلعتي بهل حجايه
رحت خابرته كتله
خيلوعي
الخيلع - ها عيوني
رواسي - شوف اريد اسألك سؤال
بس لا تفهمني غلط
الخيلع - ماشي كولي
رواسي - انت قبل شويه كلمة نيشان
اكثر من مره كررتها
الخيلع - اي
رواسي - اي بس مو شسمه
الخيلع - احجي حبيبتي ليش
متوتره
رواسي - مو شسمه اني ماعرف شنو نيشان
الخيلع - سهله اني اكلج
رواسي - اي كول حجالي كلشي
لطمت على خدي
كتله
كول والله هذا معنى
الخيلع - والله شبيج
رواسي - صخام الصخمني
الخيلع - ليش شبيج
رواسي - ولك رحت سألت حازم وابوي
وثنينهم رزلوني وماكالو شنو معنى
الخيلع - ههههههههه كفوووو
شوفي شلون فتحت عينج
رواسي - انت واحد منحرف مايفيد وياك
سديت الخط بوجه واضحك على حالي
شكد كلبي طيب وعلى نيتي
مرات الأيام بين الدراسه والسوك والصالون
واجه يوم الجمعه يوم خطوبتي كمت من النوم
ساعه 11 الصبح على صوت جهال حنان اختي
من البارحه راجعين هيَ ورحمه
حنان - يلا يلا عروستنه كووومي
رحمه - اول مانبدي وشنكول لا اله الا الله
حنان - الف الصلاة على الرسول
لا اله الا الله
رحمه - وعروستنه ماكو مثلها
حنان - عريسنه حبها واخذها
رحمه - كلللللوش احلى رورو
رواسي - كاعده اسمع اغانيهم الي
دمعة عيوني جو حضنوني ثنينهم
بجت بحركة كَلب كتلهم
وين امي اريدها ويايه رحمه اريد امي
حنان اريد امي كالت كالت هسه يمه هسه
اجي ادهن شعرج راحت راحت ومارجعت
وينها ليش راحت اني جنت اسمع كلامها
كالت بنيتي تصير دكتوره صرت وحققة حلمها
وينها رجعولي امي بس اليوم اريدها
اريد تكون ويايه اريد تجي ويايه لصالون
وتكول دير بالكم على بنتي اريدها تكون احلى
عروسه وينها اريدها اااااااخ اريدها يمممه رجعي محتاجتج
رجعي
حنان - بدموع /
كافي حبيبتي لا تسوين بروحج هيج
رحمه - بدموع /
رواسي خيه منو يكول
ماتحس بينه يجوز تحس بينه وتفرح وياينه
وتنقهر ويانه
رواسي - غمضت عيوني والدموع تنزل
كلت بصوت مخنوك يرجف
اريد احضنها مشتاكه لريحتها
رحمه - تعالي خيه تعالي
حنان - فديت عروستنه كافي
لا تبجين
رواسي - حضنوني ويبجون
واني ابجي وجان تدخل انسون
مستغربه
انسون - شكو شبيكم يمه صاير شي
رواسي - جاوبها ابن حنان
- بيبي يبجون على بيبي بهار
انسون - من هيج كال ابن حنان
نزلت دموعي نقهرت لو باقيه شكد جانت
تفرح رحت حضنتهم ابجي وياهم واكلهم
انسون - يمه كافي تبجون فدوه اروحلكم
حنان - يمه نحبج لاتعوفينه انتِ هم
رحمه - اي يمه كلش نحبج
رواسي - رب العالمين عوضنه بيج
انسون - فديت بناتي بنات الغاليه
وماعوفكم يايمه الله يرضى عليجن
دنيا وآخره ان شاءالله بالجنه
تشوفون امكم وتفرحون بيها
رواسي - اللهم امين
رحمه - اللهم امين
حنان - اللهم امين
يلا رورو كومي غسلي وجهج
علمود نروح لصالون
انسون - اي يمه كومي فدوه اروحلج
رواسي - ماشي
راحو كلهم واني كمت غسلت وجهي
اباوع على نفسي
ولج رورو شهل جمال هههه اهدي اهدي
شهيق زفير شهيق زفير شهيق زفير
اللهم لك الحمد والشكر على كل شيء
شلت شعري وخليت الشال على راسي
ولبست بشت ونزلت جوه اجه حازم كال
حازم - خويه رواسي اني اوصلجن
رواسي - ماشي خويه
يمه مو تنسين تاخذين الدوه وتضربني
الابره مال الانسولين خلي آراس يضربج
خوش
انسون - ماشي يمه
رواسي - يلا رحمه حنان وينكم
حنان - ولج ذوله الجهال موتوني
هسه بدلتلهم شوفي شلون واكعين
رحمه - هههه الحمد لله بعدني حامل
رواسي - هههه الحمد لله بعدني لا هذا ولا هذا
كال حازم وهوه بيده تفاحه
حازم - عقبال مرت اخوكم
رحمه - لا احلف بربك صدك
حازم - والله شنو ماعجبج انه
رحمه - يمه اروووح فدوه ولك حازم
ماصدك فديتك اني
حنان - ومنو هاي
رواسي - التفتت لحازم وغمزتله كلت
نفسها حبيبة الطفوله
حنان - ياء بس لا تبارك التدرس هندسه
رحمه - يمكن تدرس هندسة علوم مو
حازم - اي
حنان - هلا والله كملت وشوكت نطلبها
بعد خيتك
حازم - اليوم اكول لي ابويه اشوف شيكول
رواسي - يقبل اكيد
حازم - والله اذا ماقبل ماعليه اخذها مثل
ما ابويه اخذ امي الله يرحمها
حنان - هههههه والله زين تسوي
خوش تهديد
رحمه - ههههه اي وربي
انسون - ياااء ولك اذا سمعك ابوك
يشوي على اذانك البصل
رواسي - راح حضنها وباسها من راسها وكال
حازم - هههه ولج يمه اخذها يعني اخذها لو اعرف
يشوي كباب وتكه اخذها
انسون - هههه الله يتمم لكم كلكم يايمه
ان شاءالله اشوف جهالكم كلكم
حازم - امين يارب حبيبه
يلا بسرعه تاخرنه
رواسي - اي يلا
رحنه اني وخواتي امي ماتكدر
تجي ويانه رحنه لصالون هوسه خوات
خيلع وبنات عمه وخالاته وعماته كلهم
جايين الصالون محتلي احنه هههه حاجزي
اليوم بس النه وكل وحده ومشغوله بنفسها
وكل شويه مشغلين اغاني ساجده عبيد ويركصون
واني اضحك عليهم فرحانين اكثر مني
بدت ام الصالون تمكيجني والثانية
تسوي شعري خابر خيلع
كال
الخيلع - ها حب شدسوين
رواسي - بدينه المكياج والتسريحه
الخيلع - رواسي ماريد فستان مفضوح
رواسي - هاي شبيك منو اكو غيرك رجال
الخيلع - كتلج ماريد والله اذا شفتج
لابسه فستان مفضوح اشكه عليج
لاتخبليني
رواسي - ما ما مو بكيفك خيلع فدوه
ليش هيج تسوي
الخيلع - كسري كلامي من هسه خوش
رواسي - ليش هيج تسوي شكو بيها
بس انت رجال هناك
الخيلع - وربج اذا جان الفستان
مفضوح كلش اكلب الخطوبه فوك راسج
وها نسيت اكلج راح اشتريلج
علاكه نساتل وجبس وعصاير
لو امي تنطج كيك او عصير ماتاخذي
منها بس تاكلين من النساتل الراح ادزلج
رواسي - صرت نار كتله بصوت عالي
شبييك تخبلت
التفتو كلهم عليه فشلت ابتسمت بوجهم
وهوه صار نار عليه بالموبايل
الخيلع - اني اعلمج بس خلي يمر اليوم بخير
بسيطه اني تعلين صوتج عليه
رواسي - فدوه شبيك اليوم ويايه
الخيلع - وووولج الغباء يمج شنووو
نسيتي ها نسيتي كيكه دمرت حياتج
كيييكه وحده وهيج سوت بيج
تريدين تخبليني
رواسي - ماشي
الخيلع - رواسي مثل ماكتلج
هسه ادزلج العلاكه حتى كيك الخطوبه ماتاكلين
رواسي - صخام الصخمني جا شنو ناااكل
الخيلع - عفيه بعد بعد اعله كله اعرف
شلون اطلعه بيج صبري عليه
رواسي - يارب صبرني ويه هذا الرجال
راح يخبلني ربي تعبني يارب
الخيلع - افا من هسه تشكين ربج
عليه ولج فوصه وربي علمود مصلحتج
اني شبيج
رواسي - يلا باي
الخيلع - لا تنسين الفستان
رواسي - سديت الخط بوجه
عكر مزاجي متت قهر رحت
حجيت ويه صديقتي المقربه
كلش احبها وما اعتبرها صديقه
لأنو هيَ اخت من صدك نصحتني
وكالت ميخالف رواسي حبي حقه
يغار عليج ويحبج
وهوايه حجينه كلش ارتاحيت
من احجي وياها احس نفسي
كلي طاقه ايجابيه كلش احبها وكلامها كلش
يأثر عليه ودوم تنصحني بزين رجعت كملت
شويه وجتي اخته وبيدها العلاكه مال حلويات
ميسم - خيه خيلع صرع راسي خبصني
محلفني غير الحلويات يلي بالعلاكه ماتاكلين
رواسي - اي حبيبتي اعرف كلي
ميسم - يمه الحب يمه هاج يكول
خلي تاكل كندر هوايه اليوم اطلع
قهري بيها هههههه الله يساعدج
رواسي - هههه خيه اخوج كلش منحرف
تعرفين لو لا
ميسم - هههههه
رواسي - اكلت شويه من الحلويات جوعانه
كملو شعري ومكياج طلعت اخبل
شعري مرفوع كله بس الكذله
نازله حلو نازك والمكياج
كلش نازك مكياج ترابي خفيفي كلش
حلوه رحت اول فستان لبسته جان
لون ذهبي ضخم وراقي كلش حلو
صار بال4 خلصو خوات خيلع
بس خواتي بقن شغلو اغاني واني اركص
وياهم فرحانين كلنا
رحمه - ولج رورو شهل جمال
ما شاءالله
ميسم - تخبل الله يحفظها
رحمه - قل أعوذ برب الفلق ما شاء الله
فديت اختي
رواسي - هههه تسلمون عيونكم الحلوه
ميسم - يلا رواسي كملي ركص اليوم
يومج
رحمه - اي يلا
رواسي - ههههه
شويه وخلصو اجه
حازم ورانه والباقي كل واحد وراح
ويه اهله رحنه هناك دخلت القاعه هوسه
كلها التفتتو عليه شغلو اغنية حسين الجسمي
مال لا اله الا الله الف الصلاة والسلام عليك ياحبيب الله محمد
كعدت عل ستيج جتي امي تصلي عل النبي
وتذكر الله وتقره سورة الفلق تخاف من العين
انسون - ما شاء الله الله يحفظج يمه
ما شاءالله تبارك الرحمن يمه خيلع
موصيني ماتاكلين شي
رواسي - حتى انتِ وصاج يمه
من هسه اكلج هذا الرجال راح يخبلني
انسون - ياااء ولج ضحكي لا اطنكرين
كدام الوادم ولج يمه يحبج ويخاف عليج
حقه يلي شفتي مو قليل والله حقه يخاف
عليج
رواسي - شسوي بعد الحمد لله
جتي عمتي ام خيلع ونفس
امي كامت تصلي عل النبي وتذكر الله
وكل شويه تكول
ايلاف - ما شاء الله يمه رب
العالمين يحفظج شهل جمال فدوه
اروحلج
رواسي - تسلمين عمه جمال عيونج
ايلاف - يمه مو تاكلين شي خيلع موصيني
عليج
رواسي - يااااء طلابتك ياخيلع حتى انتِ
وصاج
ايلاف - هههههه
يلا دير بالج على نفسج يمه
اشوف المعازيم
رواسي - ماشي عمه رحت هيَ
وجتي رحمه كالت
رحمه - رواسي سمعتي شصاير
رواسي - خير ان شاءالله بعد شصاير
رحمه - خيه اليوم متصالحين بيت خيلع
ويه بيت عمهم
رواسي - حلفي
رحمه - والله العظيم وطليقته
بالحفله
رواسي - ياااء وينها
رحمه - ذيج الابسه اسود
رواسي - التفتت اي والله هاي ريم
صخام براسك خيلع الا لازم اليوم تصالحون
على حظي اباوع شلون فاتحه كل عيونها
عليه متت قهر شغلو اغاني ساجده عبيد
كلهم يركصون واني مطنكره كاعده
شويه وبدلو الاغنيه يلي جانو يركصون
كعدو جتي ميسم كالت راح يدخل
خيلع من وره خشمي كتله هلا بي
شغلو اغنية بهيده يابنت الناس
شوي شوي عليه وجان يدخل
خيلع لابس قاط اسود وفاتح دكم
القميص شويه ورافع شعره
ويركص على الاغنيه
فتحت حلكي من الصدمه هذا شلون
يعرف يركص هيج حلو وشكد حلو
طالع يخبل يجنن
راحو خواته
وامه كلهم يركصون شويه واجه يمي كعد
كال
الخيلع - شبي الحلو
رواسي -
الخيلع - ولج كيكه طالعه
رواسي - قشمر عليه بعد قشمر
الخيلع - هههه فديت المطنكر خوش
رواسي - ماجاوبته عرف
علمود طليقته مطنكره التفتت
اشوفها شلون تباوع على خيلع
مسكت ايد قويه من قهري كال
الخيلع - ههههه على كيفيج
كيكتي
رواسي - اسكت خوش
الخيلع - ماشي ههههه
ولج
احبج لو يشتلوج كزاز بمجرى دمي
خوش ههه هسه اجي حبيبتي
رواسي - وين رايح
الخيلع - يمج والله
رواسي - نزل شويه وشغلو
اغنية شيختهم اجه مسك
ايدي نزلني كطعنه
الكيك ولبسني الحلقه كلهم يركصون
ويهلهون صارت هوسه ولبسني بشت
مال زلم مكتوب علي شيختهم
وشاروني كال
الخيلع - مضغوطات مني ومنج لا تهتمين
ركصي وكسري خشمهم اليوم يومج
رواسي - ماشي تعال نركص خوش
ركص
الخيلع - اي يلا
رواسي - طلعت قهري بالركص
شويه وشغلو اغنية اليسا
وركصنه سلو
اني وهوه نركص والمصوره
تصور تقدم شاروني
الخيلع - ههه اليوم يومي من نرجع
اخذ حقي
رواسي - تخبلت ولك ياحق
الخيلع - عود نعلمج ولا يهمج
رواسي - عزه بعينك وعيني على الانحراف
العندك خبلني من هسه
الخيلع - هههه بعد وبعد
رواسي - سيادتك
الخيلع - عيونه
رواسي - احبك وشهل جمال
الخيلع - اعشكج مو بجمالج كيكتي
رواسي - خوش
هيج كال شويه وبدلو الاغنيه
راح شاور ميسم كال
الخيلع - بعد اخوج اريد اغاني
مال مضغوطين
ميسم - تم ههههه
رواسي - هيج كال واجه يمي
باس راسي وكال
الخيلع - يلا حب اروح اني
اشوفج بغرفتج ههه اهنا ماناخذ
راحتنه
رواسي - ياااء ولك خيلوع كافي
روح
الخيلع - ههه رايح
رواسي - هههههه اضحك على سوالف
صدك فرحني اجه ضحكني وراح اروح
فدوه لعيونه الله لا يحرمني منه
حسيت بدوخه شويه ماهتميت
سمعت كلامه ضليت اركص
ويه البنات بدلت فستاني 3 مرات
واحد لون ذهبي وثاني احمر وثالث وردي
شويه وحسيت الدوخه
صارت اقوى رحت كعدت دزيتله
رساله كتله
خيلع اني دايخه وتعبان كلش ماكدر
اكمل
كتب
الخيلع - ماشي حبيب خيلع دقائق ونخلص
عيوني تحملي
رواسي - ماشي
كعدت اشوف الشخص ثنين كدامي
افتح واسد عيوني مغوشه فوك
هذا كله بيت عمي علاء كلهم جايين
وحتى اسد كالو جاي اهناك يم الرياجيل
عائله غريبه ماعندها احساس
حسيت الدوخه صارت اقوى تعبت
جتي ميسم كالت
ميسم - خيه شبيج
رواسي - دايخه كلش
رحمه - رواسي خيه شجاج
حنان - شبيها رواسي
ميسم - ماكو شي بس شويه دايخه
هسه اشوف خيلع وينه
انسون - يمه رورو بنيتي بيج شي
رواسي - يمه صداع ودايخه كلش
انسون - سوده عليه يايمه شلون
رواسي - يمه لا تخافين دوخه من التعب
راحت ميسم خابرته اجه وكال خلصو يلا
طلعو المعازيم واحنه طلعنه من القاعه اول
ما طلعت دخت بعد ماحسيت على شي
شويه وفتحت عيني اشوف اني بالبيت
وخيلع يمي واهلي خايفين عليه
كتلهم شصار
حرب - باباتي انتِ زينه
رواسي - اي اي زينه بس شلون
جينه للبيت
الخيلع - ماكو شي مجرد دوخه من التعب
حبيبتي
رواسي - يمكن لأنو ما نايمه من ساعه
5 الصبح نمت بس ساعه وحده
علي - وهسه ساعه 11 بالليل
الخيلع - اي عدم الأكل والنوم والتعب
هيج يسوي
انسون - يمه كومي غسلي وجهج
بمي بارد شويه تصحين
رواسي - اي يلا
كمت اني وبدلتي شكبرها
اشو علوش يضحك كتله
شبيك تضحك
علي - ههههه خيلع حار مايعرف
شلون يشيلج
الخيلع - بدلتج بهذلتني والله
رواسي - ههه شسوي بعد
رحت غسلت وجهي بماي بارد والدنيا صيف
طلعو اهلي على اساس نبقى
اني وخيلع وحدنه حازم كال
حازم - هسه اختي تطلع وبيدها ولد
رواسي - كلهم يضحكون واني
متت خجل كتله طاح حظك ياولد
الخيلع - هههه بعد وكت حازم اصبر
حازم - ولك مو اعرفك والله واعرف
سوالفك
الخيلع - ههههه خوش
رواسي - عزه بعينكم انتو نفس
الصنف
حازم - ههههه طبعاً
رواسي - طلعو
من الغرفه بس خيلع بقى كتله
اريد انزع الفستان بس افتح السحاب
ماكدر وحدي ديفتح
سحاب الفستان ويكلي
الخيلع - واخيراً صرتي ملكي الا اطلع
القضه والمضه بيج
رواسي - لاتخوفني من هسه اني بيا حال
وانت بيا حال
الخيلع - هههه
رواسي - عاف السحاب وتقدم
يريد يبوسني مد راسه حازم من
الباب ابتعد بسرعه كله
حازم - ههههه ديربالك
على شرفي وعرضي
رواسي - متت ضحك علي
كال
الخيلع - ولا يهمك بس روح
رواسي - تقدم مره ثاني يريد
يبوسني صاح حازم
حازم - هههه اختي هاااي ديربالك عليها
الخيلع - مايفيد ويه اخوج
رواسي - ههه راح قفل الباب
تقدم باسني براسي وعيوني وخدودي
وتقرب يبوسني بشفتي دك الباب آراس
آراس - ولك هيييي انت يامغرور شني
هاي اطلع برا هههه
رواسي - بقه لازم وجهي بيده
وكال
الخيلع - احتركو اخوانج
رواسي - كتله
هي لا تحجي على اخواني ما
اسمحلك وكافي افتح الباب
الخيلع - ايباااه تكول كافي ليش
خلوني اخذ راحتي خلوني اصخم
رواسي - هههه خيلع حبيبي كافي
والله تعبانه
الخيلع - هذا حقي تعرفين
رواسي - اعرف بس مو اليوم لغير مره
الخيلع - جذابه ليش تخليني امسك
ايدج مثل الناس
رواسي - يااي خيلوعي ليش ماخليلك
جا غير انت هسه زوجي وحبيبي وحياتي
وحلالي شلون ماخليك
الخيلع - خوش تعالي اساعدج نزعي الفستان
رواسي - طفرت كتله
لا لا شكرا فتحت السحاب كافي
ماريد اني انزعه
الخيلع - بسيطه منو يخلصج
مني يوم العرس
رواسي - ههههه تقدم يريد يبوسني
من ركبرتي لعبت روحي صاح
الخيلع - الله اكبر وتالي وياج
من شفتج ماتقبلين ومن ركبتج
تلعب روحج ماتكليلي من وين ابوسج
قابل اضل ابوس من خدج شني هاي
بايس اخويه
رواسي - هههه شسوي مشكلتك
تعبانه كافي ارجع لبيتك
الخيلع - افا هيج يعني بسيطه
فصمه اني اعلمج
رواسي - باسني من راسي وطلع
علوش صاح
علي - ها بشرو بنيه لو ولد
رواسي - شكد فشلت كال
الخيلع - ولكم ليش خليتوني
اندل دربي ياولد يابطيخ براسكم
حازم - ههههه ها بشر
الخيلع - حازم عقابك على هاي سوايتك
بالدوام مو هنا اني اعلمك
آراس - هههه راح بيها حازم
حازم - هههه لا كلبه رهيف لاتشوفو هيج
عصبي
رواسي - هههه كلش خوش وليد
حازم - كلش هههههه
الخيلع - من تصير صدك لا خوش
وليد ولا شي بسيطه اني اعلمكم
رواسي - ههههه
راح هوه واني نزعت الفستان
وسبحت لبست تراك صيفي يمه راحه
نفسيه ورحت اصلي وحجيت ويه
صديقتي المقربه
هلا جهون حبيبتي شلونج
جيهان - هلا رورو قلبي زينه
الحمد لله انتِ شلونج بشري
ضل بالي عليج اختج كالت دايخه
رواسي - اي والله خيه دخت من التعب
جيهان - عمري سلامتج
رواسي - الله يسلمج خيه تعبانه
جيهان - من شنو حبيبتي
رواسي - من كلشي احس نفسي
ضايعه وما اندل طريقي
جيهان - حبيبتي احتمال سبب الضغوطات
شغل دراسه خطوبه تجهيزات
اكيد هيج تحسين
رواسي - محد يفهمني من اهلي غيرج
جيهان - ههه طبعاً جا احنا مو خوات
رواسي - اي والله خيه كلش احبج
جيهان - ههه واني كلش احبج رورو الحلوه
حرامات ماكدرت اجي لخطوبتج
رواسي - اي والله سكتي هسه راح ابجي
جيهان - ههه لا عمري بدون بجي اني بكلبج
موجوده واعيش وياج فرحج وحزنج
القلوب النقيه عنده بعضها
رواسي - اي والله خيه صدك شلون اخبارج
وين ماوين
جيهان - روتين ياعمري اسأل عليج شلونج انتِ
رواسي - زينه خيه الحمد لله
جيهان - يلا ياعمري روحي نامي
ورتاحي اتأخر الوقت
واكيد تعبانه من الحفله
رواسي - اي والله خيه ماشي ياعمري مع
السلامه
جيهان - دير بالج على نفسج الله وياج حياتي
رواسي - ماشي حبي وانتِ هم
دير بالج على نفسج حياتي
راحت صديقتي واني خليت
الموبايل عل شحن ونمت
_
______
في مكان اخر
رجعت للبيت رحت سبحت
وصليت ركعتين حمد وشكر لله
وصافن بين افكاري
صدك قصة حبنا حرفياً جانت قصه غريبه
اول مره شفت رواسي بموبايل
اخوها جانت كلش حلوه ومن
رحت لبيتهم اول مره من وكعت
بحضن اخوها حسيت بحساس
غريب احس هل بنيه تخصني
اهتم بيها من بعيد بدون ماتحس
لو من وكعت بحضني متت الف موته
من تكول عمو تحركني تذكرني
ماكو امل نعيش قصة حب بالحلال
اني بحياتي لا مراسل بنات ولا ادور
هيج سوالف بس ويه رواسي ماعرف
شجاني وحده ماتريدني ولا تحبني
ليش كلبي حبها ماعرف رواسي من
النوع ماتنطي مجال لهيج سوالف
وبالأخص بعد خيانة اسد لهَ حقها
اكيد بس دوم جنت على يقين بالله
راح تكون رواسي ملكي ملك خيلع
ومرته وحبيبته من شفتها يوم الخانها
اسد كصت شعرها واني روحي اشتعلت
لا اكدر احجي ولا اكدر اسكت رحت بدون
مايحسون اخذت شعرها خليته بيدي وطلعت
هما ملتهين بيها رجعت بيومها للبيت
اشم شعرها وارفع ايدي لسما وادعي
رب العالمين يفرحني بحبها وتصيري
مرتي شرع وقانون
اخذت شعرها وسويته سبحه
علمود كل ما اذكر ربي اتذكر احمده
واشكره فرح كَلبي بحبها
حاولت قدر الإمكان اكون صديق بس
ماكدرت اني احبها اني مجنون والله مجنون
بحبها احبها شلون اكدر اكون فقط صديق لهَ
لا حيل صعبه دفنت حبها 7 سنين واكول
راح انسى بس ماكدرت انسى حبها ويه
دمي يجري من كتلها احبج تخبلت ونصدمت
وحقها اكيد مالومها بس شويه شويه
الحمد لله بدت تحبني وهيج بدت اغرب
قصة حب بوجهة نظري بس الله شاهد
حبي لرواسي حب نابع من كَلبي وحبنه
بالحلال مو حرام وصارت رواسي اميرتي
اميره مملكة الضابط خيلع
_____
الكاتبه
حبايبي هاي صور السبحه مال شعر
رواسي يلي كال عليها الخيلع
يلا تعالو نكمل
_
_
____________
في مكان اخر
رواسي - كمت الصبح متكسره تكسير
احس روحي مخنوكه وتعبانه كلش
كوابيس تعبت من الكوابيس
خابرت صديقتي متعلمه كلشي
احجيلها ارتاح من اسمع صوتها كلش
احبها جاوبتني
جيهان - هلا رورو
رواسي - خيه كلش تعبانه وماعرف شسوي
جيهان - عمري ليش صاير شي
لو تعب من نفسه لو هرمونات مزاجيه
رواسي - لا خيه تعب تعب متت
وكوابيس هسه كمت من النوم
جيهان - رورو حياتي كومي اكلي
شي وسبحي وصلي واقري قرآن ونامي
رواسي - انتِ هيج تكولين
جيهان - اي حياتي
رواسي - ماشي خيه تعبتج ويايه
جيهان - رورو ماكو تعب مو كلنا حنه خوات
رواسي - هههه فديتك ياحلو
جيهان - اني فديتج حبيبتي
رواسي - يلا خيه اروح
جيهان - مع السلامة حياتي
رواسي - راحت واني طبقت
كلشي كالتلي رحت اسبح بس ابجي
ومدري ليش ابجي المي ينزل عليه
احسه ينزل على جروح كَلبي
خلصت صليت وقريت القران ارتاحيت
شويه ورحت نمت من تعبي
_________
في مكان اخر
جيهان - رحت صليت المغرب
وتذكرت صديقتي رواسي
واني وساجده دعيتلها من كل
كَلبي دعيت رب العالمين يحفظها
ويسعدها ويسترها ويبعد عنها
كل شر نزلن دموعي لربي دعيت من
كل كَلبي ربي يسعدها اني كلش
احب رواسي مو بس احبها اختي
رواسي مو صديقتي
يارب سبحانك كم انت عظيم وكريم
ياجمال الدعاء من ندعي لي اخوانه المؤمنين
دعاء من دون مقابل دعاء حب من القلب
ياجمال الصداقه الصالحه خلصت
صلاتي وراسلتها اشوف
شلون صارت ضل بالي عليها
_________
في مكان اخر
رواسي - جنت بمكان قذر كله دم وصخ
قذاره جتي صديقتي جيهان لابسه
ملابس الصلاة وفارشه سجاده كالت
يلا رواسي كومي نصلي سوا يلا
التفتت عليها هيَ نظيفه واني يمي
كله دم و وصاخه كتلها
ماكدر خيه والله ماكدر اصلي
التفتت عليه مبتسمه كالت
لا تكدرين يلا يلا علمود نصلي
جتي مسكت ايدي وطلعتني من
القذاره يلي جنت بيها ودفعتني
عل حمام وانطتي شامبو مدري
عطر لونه ابيض وريحته تخبل
تجنن تخبببببل بحياتي كلها
ما شامه هيج ريحه طيبه كالت
رواسي سبحي بهذا
هيج كالت ودفعتني عل حمام سبحت
بهذا الشامبو وريحته تخبل
والله كلش طيبه ريحته طلعت
اشوفها بعدها عل سجاده
كاعده نزلن دموعها وابتسمت من شافتني
كامت مسكت ايدي وانطتني ملابس صلاة
مثل ملابسها وكالت
يلا رواسي تعالي نصلي يلا يلا
ابتسمت ولبست الملابس
مال صلاة وكفت يمها وصلينه سوا
على سجاده وحده
كمت من النوم فرحانه فرحانه
مرتاحه اجه بابا كال
حرب - باباتي صح النوم
رواسي - يصحي بدنك بويه
حرب - يلا يلا كومي اختج تريد
تحجي وياج
رواسي - صفنت كلت
منو اختي رحمه لو حنان
حرب - لا البنيه يلي تحبيها
صديقتج قبل شويه راسلتني
تسأل عليج
رواسي - جيهان يمه اروحلها فدووه
اي هسه احجي وياها
حرب - هههه الله يحفظكم بويه
رواسي - حبيبي بابا تسلم
راح ابويه واني راسلتها
وجان اشوف كاتبه
جيهان - رواسي انتِ بخير
رواسي - دزيتلها بصمه كتلها
اي حبيبتي زينه لا يضل بالج عليه
وجان الصدمه تكتب
جيهان - ولج اني الما ابجي ويكولون
عليه قاسيه دموعج ماتنزل
نزلن دموعي اني وادعيلج بسجود اليوم
رواسي - ياااااء ولج هسه حلمت
بيج هيج جنتي
جيهان - شلون يعني
رواسي - حجيتلها الحلم واني وهيَ
كل شويه نكول الله لا يحرمني من
حبنه النقي الأبيض وين اكو هيج صداقه
بهيج زمن اكيد ماكو واذا اكو كلش قليل
صديقتي اني محظوظه بيها وهيَ محظوظه
بيه الله يسعدنه دوم اللهم امين
نصيحه دوم اختارو الصحبه الصالحه
يلي تنصحج وتحبج وتساعدج وتخاف عليج
دون مقابل لا مال ولا طمع ولا مصلحه تحبج
حب ينبع من القلب
( الصديق بالدنيا ينفع والاخرة يشفع )
هنا الصداقه الحقيقه تصيرلج اخت مو صديقه
وتتمنالج الخير من قلبها مو قول فقط
كلنا نعرف نحجي حلو بس الأفعال
هيَ تحكم الوكفه بأصعب المواقف
تحكم نصيحه مني لكم اختارو
الصحبه الصالحه
كمت صليت وكعدت ويه عائلتي ولا جني
الصبح مخنوكه ضحك وسوالف التقرب
من الله سعاده لا تنوصف ولا تنتهي
_
_
بعد مرور شهرين
راسي - مرات الأيام وعلاقتي اني
الخليع كلش زينه وهيج حياتي
بين الشغل والدراسه وخيلوعي
واهلي والحمد لله
بيوم رجعت
من وكت ابويه جان مسافر
خابرني كال بويه دقائق واني يمكم
جتني فكره كتله
لا بابا اوكف براس الفرع
اني اريدك ابموضوع
كال تم
رحت حنان جانت راجعه كتلها
حنان راح اسوي مقلب بأمي
وهيج وهيج راح اسوي كالت
حنان - ولج انتِ شنو هههه
رواسي - بعدج ماشايفه شي هههه
يلا اني رايحه مثل ماكتلج
حنان - هههه ماشي
رواسي - رحت جبت عبايه مال
امي وطلعت شفت سيارة
ابويه براس الفرع رحت ركض
كال
حرب - شبيج باباتي صاير شي
رواسي - لا تعال افهمك راح نسوي
مقلب بأمي راح البس العبايه
اغطي وجهي على اساس
انت تزوجة عليها
حرب - لا هسه تصدك تعرفيها
شكد تغار
رواسي - هههه فدوه فدوه اقبل
حرب - لخاطرج
رواسي - فديتك يلا شغل
السياره
حرب - هههه راح تخبلوني
رواسي - هههه غطيت وجهي
بالعباية دخل السياره للبيت جانت بالمطبخ
متعلمه من ابويه يرجع تجي
تستقبله بس جانت
تسوي اكل
رواسي - نزلت من السياره
مغطيه وجهي بالعبايه
كالت حنان
حنان - ياااء عزه يممممه لحكي
رواسي - ههه خطيه جتي تركض
كالت
انسون - شكو شكو شبيكم
حنان - ولج يمه ابويه جايب مره وياه
رواسي - التفتت عليه نزلت دموعها سوده
عليه كالت
انسون - حرب منو هاي
حرب - كلتلج حنان
انسون - شنوووو يعني شتقصد
ولك شوكت اني مقصره بحقك
حرام عليك تكسر كَلبي عشت وياك
عل حلوه والمره تالي عمري هيج
تخون بيه ياحرب
رواسي - ماتحملت طكيتها ضحكه
وشلت العبايه كتلها
يمه مقلب هههههه
انسون - صدك
حنان - هههههه وجها صار اصفر
من الخوف
حرب - ليش اني اكدر احب غيرج
بس اااخ هذا عقلج لو بس تخففين
الغيره
رواسي - هههه خطيه بعدها مصدومه
رحت حضنتها دفعتني ههه تكول
انسون - انتِ روحي زعلانه منج
رواسي - يمه فديت الحلو والله جان
مقلب فديت التغار اني
خليت ايد على كتافها وكلت بكل
ثقه
حقج تغارين وعندج هيج صاك
مرتب وحلو
انسون - واني هم صاكه
حنان - هههه
رواسي - هههه والله انسون تخبل
حنان - يلا بويه ادخل بدل وارتاح
الأكل شويه ويخلص
حرب - ماشي بويه وين الولد
حنان - بدوام بعدهم
حرب - ماشي بعد ابوج
رواسي - صعدت فوك اجيب الموبايل
حجيت شويه ويه الخيلع ونزلت جوه اكلنه
ورحت كملت درسي صار المغرب
اجه حازم كال
حازم - اكلكم شو ضوجه
رواسي - اي والله والدرس مديخلص
علي - ياخي طلعونه خلونه نفتر
شويه نغير جو
آراس - والله صدك
حرب - تم من عيوني ادللو
خابرو رحمه خلي تجي هيَ وزوجها
وانتِ بويه حنان خابري زلمتج خلي
يجي عازمكم كلكم بمطعم فلامنجو
علي - لا والله راح ناكل هناك
ولك هلاااا اروح اكول لعمي سجاد خلي
يجي
حرب - اني اروح اجيب امي وابويه
واجيب سجاد ويايه
آراس - وعمي قتيبه وسالم خلي يجون
نلتم كلنا
حرب - بويه ماموجودين رايحين لبغداد
آراس - اي اذا هيج ميخالف
بووويه هلاااااا نروح عل مطعم
حازم - ههههه
يلا لاتخبصونه كل واحد يروح
يبدل
آراس - اي والله فرصة العمر هههه
حرب - طاح حظك ولك انت اكلك بس
مطاعم هسه اذا واحد غريب يسمعك يكول
بحياته ماماكل بالمطعم
علي - ههههه اي والله بويه
آراس - هههه الله يسامحكم
رواسي - الله راح نطلع من جو
البيت ياااي اروح ابدل
حرب - بويه رواسي خابري
الخيلع خلي هوه هم يجي هيَ
لمه عائليه وهوه منه وبينه
رواسي - ماشي بويه
صعدت فوك خابرت خيلعي
وكتله تعال كال ماشي سديت
الخط
ورحت ابدل
لبست فستات حرير ساده
مال محجبات لون بنفسجي
و علي شال لون ابيض ومكياج
ترابي كلش كلش خفيف وحلو
ورشة عطر وهسه كلشي تمام
اخذت الموبايل ونزلت جوه كلهم
امبدلين شويه واجه بابا جايب
جدو وبيبي وعمي سجاد
واجه خيلعي وزوج حنان
وجتي رحمه هيَ
وبطنها حامل كلش
حلوه صايره جتي هيَ وزوجها
ورحنه كل واحد بسيارته اني هم
رحت ويه خيلعي بس لو ادري
ماجان رحت ماحجيلكم
طول الطريق مايكعد راحه لازم
يتحرش مو بيده هههه
وصلنه هناك طلبنه جناح
خاص لأنو هوايه احنه وهوسه
وضحك وسوالف وحازم كل شويه
يغني ونسكت بي صوته مو مال
يغني المهم ضحكنه هوايه وبابا
كل شويه يحجيلنه سوالفه ويه
انسون من ماجانت تعرف تحجي
عربي عربيها مكسر ادخل الكردي
بي واحنه متنه ضحك عليهم وعلى
سوالفها وجدو يحجي بطولاته
ويه بيبي نوريه وهيَ كل شويه تكله
اسكت لاتفضحنا واحنه نضحك
على سوالفهم جان يوم من اجمل ايام
عمرنه كلش فرحنه كلنا طلبنه الأكل
وصل كتلهم
لحظه لحظه خليني اصور سيلفي
آراس - اي يلا
رواسي - كتلهم راح اصور وكلكم كولو
تشييز علمود تطلع الصوره حلوه
حرب - ههه بعد ابوج من وين اجيبون
هاي السوالف
علي - لا بابا صدك كلام رورو
حرب - خوش
رواسي - يلا
1
2
3
تشييز
_____________________🕊✍
_
_
والتقطو اجمل صوره ابطال روايتنه
الى هنا وصلنه نهاية المحطه وصار
لازم ننزل من القطار يؤسفني انتهاء الرحله
لكن وصلنه محطه هادئه من حياتهم وهم
مستمرين بيها لهذا يومنه نتمنى لهم
السعادة وراحة البال 🥰🤍
_
_
_______________
وهسه مثل كل رواية بقلمي
متعودين اشرح لكم صور غلاف
الرواية طبعاً مثل ماتعرفون الغلاف
من تصميمي تعالو نشوف شنو بي
نبدي بصورة البنيه اكبر حركه بالغلاف
تحجي او تعبر عن حالة بهار الله يرحمها
صورة السلاح يحجي عن طبيعة
شغل استاذ حرب
صورة البنيه الصغير ماسكها منتسب بسلك
العسكري يعبر عن دخول الخيلع لحياة رواسي
صورة الذئب والرتبه تعبر عن الخيلع
صورة ضل العائله وحمامه بيضه
تعبر عن حلم
بهار وستاذ حرب حلمهم يلي
ماتحقق ابد والحمامه البيضه تعبر عن روح
وقلب بهار يلي طار ومابقى بهاي الدنيا
لكن ندعي بنهاية يتحقق حلمهم
بالجنه بأذن الله
صورة حب ثنين بالدخان يعبر عن حب
الخيلع ورواسي
وصورة الرجل التعبان يعبر عن حالة ستاذ
حرب بعد فراك بهار
واسم الرواية سميته
خطوات نحو الموت
دمج بين قصة الأم وبنتها والقصتنين
صارت روايه وحده
مثل ماكتلكم مختصره قصتني بروايه وحده
وهذا الشي مو سهل نهائي لكن صفنت ويه
نفسي لا اني كدها ان شاءالله راح اجازف
وان شاءالله يطلع شي غريب وحلو بنفس
الوقت والحمد لله التوفيق من الله
وهسه تعالو نشوف كلام ابطالنه شنو
كالو عن رواياتهم وشنو الرساله يلي
حبو يوصلوها من خلال روايتهم
بديت ويه رورو سوينه لقاء لطيفه مثلها ⬇️
هذا جان كلام رواسي بطلتنه الحلوه
تعالو نشوف ستاذ حرب شيكول ⬇️
هذا جان مفاجأة مني لكم احلى متابعين
ان شاءالله حبيتو المفاجأة قلبي انتم
ممنونه منكم لأنو اخذت من وقتكم
وفرغتو انفسكم وقريتو الرواية
اتمنى نالت اعجابكم
رواية خطوات نحو الموت
هواااايه صدف واجهتني قبل ما
اخذ الرواية بي ايام قليله
طبعاً متابعيني
القديمين يعرفون على اساس اخر
رواية الي هيَ نهوة سرقت فرحتي
لكن مثل ماكتلكم رواية رواسي
ماعرف شلون قبلتها والله ماعرف
قصة رواسي اذا ما اكون غلطانه القصه
العاشره جتني بعد نهوة سرقت فرحتي
لكن صدفه وقسمه شاء الله ان تكون
من قسمتي اكتب الرواية وان شاءالله
اكون كتبتها بطريقه يلي اكسب بيها
رضى ربي عليه وتكون لي ولكم حسنا
جاريه قبل وبعد الموت
رواياتي مابيها اي سب واي غلط
واي موقف جريئ او خصوصيه مو من
حقي ولا من حقكم ندخل بيها واكتبها
ليش اسمها خصوصية شي خاص
بيهم
او ليش اكتب لكم الفشار والغلط
بالرواية موقصة ابطالي مايفشرون لا والله
يفشرون ويغلطون
بس ليش اكتب مثلاً شنو راح تستفادون
بس يضركم ويسبب لي ولكم ذنوب
بنهاية هيَ رواية عراقيه دمج بين
الرومنسيه والحزن والغدر واكشن
والى اخره ليش نكتب شي بعيد عن
مجال الأدب والكتب والقصص والروايات
هذا وجهة نظري بصراحه وكل رواياتي
هيج مو بس خطوات نحو الموت
ابدي وياكم البارت بصلاة على النبي محمد
وعلى اله صل الله عليهم وسلم
وانهي وياكم البارت بكلام
خير من الدنيا وما فيها
وهوه ⬇️
سبحان ألله
ألحمد لله
لا إله إلا ألله
ألله أكبر
يلي يقره قصصي يبديها
بحسنا وينهيها بحسنا
والأجر لي ولكم ان شاءالله
حبايب ناخذ استراحه فتره وان شاءالله
اذا الله طول بعمرنه نرجع لكم بروايه احلى
واجمل ان شاءالله حسب الظروف رجعتي راح تكون
اني هم وراي دراسه واحلام وامنيات اريد
اتعب واسهر عليها اريد احققه وافرح بيها
بإذن الله
بس وعد مني لكم بعد فتره ان شاءالله
انزل لكم بارت النهاية وهوه بارت
زواج او عرس رواسي والخيلع وجانب
من حياتهم واذا تحبون انزل لكم يومياتهم
في الأشهر القادمه حسب رائيكم
والان ان شاءالله نكون ذكرى حلوه
بقلوبكم النقيه كل مره اكول
القلوب النقيه لا تستحق سوا
السعادة
شكراً لدعمكم لروايه
شكراً على حبكم لروايه
شكراً لكل شخص علق ودعم
ونشر ونصح الناس تقره الروايه
من لا يشكر الناس لا يشكر الله
فا شكراً جزيلاً لكم جميعاً
تعلمنه من رواية خطوات نحو الموت
حنان الأب احترام الأخ اهتمام الأم كلام
الأخت حب الزوج والصبر الصبر الصبر
روايه عباره عن اختبارات من الله سبحانه وتعالى
لعبده وفعلاً يبتلي من يحب
كما تقول العباره الجميله
تشاء ياعبدي فا اشاء
ان رضيت بما اشاء اعطيك ما تشاء
وكما يقول الله
( فَإِنَّ مَعَ الْعُسْرِ يُسْرًا )
ونختم والرويه بقول الله سبحانه وتعالى
( إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ )
الصبر نعمه جميله من الله سبحانه وتعالى
يارب ارزقنه نعمة الصبر
حبايبي الحلوين استودعكم الله
واتمنى تبرولي الذمه على اي تقصير صدر
مني او تعب نفسي سببته لكم بسبب القفلات
😊 بس حبيت تعيشون تفاصيل
الروايه نفس ما ابطالنه عاشوها
<<<مهم >>>
قلبي يلي ماضايف القصه بالمكتبه
يضيفها ويتابع حسابي واتباد راح
انشر بارت عرس الخيلع ورواسي
وجانب من حياتي في الاشهر او الأيام القادمه
ان شاءالله حتى يوصلكم الأشعار من
انشر ضيفو الرواية وتابعو حسابي واتباد
علمود من ارجعلكم بروايه جديده ومختلفه
يوصلكم الأشعار
راح اشتاقلكم هواي ويلي يحب
يعرف اخباري واخبار ابطالنه الحلوين
واخبار البارتات الحلوه من يومياتهم
تابعو حسابي انستجرام تنورون
الحساب بكل وقت ⬇️
ومثل كل مره اكلكم
حب بحجم السماء لكم قلبي
_
# جيهان آغا
كلنا في النهاية حكاية
كلنا سنكون ذكرى
اعمالنا هيَ التي تبقى معكم 🕊
وانما ليس للانسان الى إثر
فاحرص ان تكُن اثر وذكره
تذكر في الخير دوماً _✍
تاريخ اليوم 2023/12/9
تم انهاء الرواية الحمد لله على كل شيء
_
يقول الخيلع
أّعٌٌوٌدٍ مًًنِِتٌـٌـصّـّـرأّ بًًکْلَ مًًعٌأّرکْيِِّّ
وٌأّمًًأّمً عٌٌيِّنيهـأّ أّلََبريِّئةّّ أّهّــﺰمًً
______ النهاية______________________✍