في بيت كبير نسبيا كان بطلنا يخرج من المرحاض توضأ لأداء صلاة العصر يتحرك ليرتدى ملابسه للخروج وبعد انتهائه من تمشيط شعره خرج من غرفته فوجد والده يرتدى حذائه للذهاب للصلاة ايضا القى التحيه على والده يقبل يده ورأسه باحترام.
_ عندك حلقة تحفيظ النهارده يا آسر.
_ ايوه يا بابا اومال ماما وبروج فين.
_ راحوا عند خالتك يلا عشان ما نتأخرش.
خرج آسر رفقة والده متجهين إلى المسجد لأداء صلاة العصر وبعد صلاة العصر جلس آسر في أحد أركان المسجد وحوله مجموعه من الأطفال قد أتو لحفظ القرأن الكريم وهو كان من دواع سروره ان يقوم بتحفيظ القرآن لوجه الله عز وجل.
قال آسر موجهها حديثه للأطفال: رددوا ورايا من سورة الناس هناخدها النهارده بتفسيرها.
بدأ يقرأ والأطفال يرددون خلفه:
بِسْمِ ٱلله ٱلرَّحْمَنِ ٱلرَّحِيم
قُلْ أَعُوذُ بِرَبِّ النَّاسِ(١)مَلِكِ النَّاسِ(٢)إلَهِٰ النَّاسِ(٣)مِنْ شَرِّ الْوَسْوَاسِ الخَنَّاسِ(٤)الْلَّذِي يُوَسْوِسُ فِي صُدُورِ النَّاسِ(٥)مِنَ الجِنَّةِ والنَّاسِ(٦).
(صَدَقَ الله العَظِيم)
ختم قوله تعالى ثم اكمل: قُلْ أَعُوذُ بِرَبِّ النَّاسَ(١)، هنا ربنا سبحانه وتعالى بكلم نبينا محمد عليه افضل الصلاة والسلام ويأمره بالاستعاذه بالله رب الناس لانه الوحيد اللي هيقدر يبعد عننا وساوس الشيطان.
-مَلِكِ النَّاسِ(٢)، ربنا سبحانه وتعالى هو رب كل المخلوقات وهو اللذي يعلم شئون العباد.
-إلَهِٰ النَّاسِ(٣)، الإله يا حبايبي اللى بنعبده وحده لا شريك له.
-مِنْ شَرِّ الْوَسْوَاسِ الْخَنَّاسِ(٤)، الوسواس الخناس اللى هو الشيطان والمقصود هنا ان ربنا بيحمينا من شر الشيطان وأذاه.
-الْلَّذِي يُوَسْوِسُ فِي صُدُورِ النَّاسِ(٥)، معناها اللى بينشر الشر والشك في قلوب الناس والشيطان بيعمل كل حاجه علشان يملى قلوب الناس بالشر.
-مِنَ الجِنَّةِ والنَّاسِ(٦)، وهنا معناها شياطين الانس والجن.
ختم قوله قائلا: اي اسئله؟
رفع احد أحد الاطفال يده فابتسم له آسر يقول: اتفضل يا عمر.
عمر مين هم شياطين الانس.
آسر: شياطين الإنس هم الناس الوحشه اللى بتعمل كل حاجه عشان الناس كلها تبقى زيها، اي اسئله تانيه.
حرك الاطفال راسه بلا فقال آسر: تمام المرة الجايه هنسمع سورة الناس وناخد سورة الفلق نحفظ كويس.
_ حاضر.
رددها الأطفال في صوت واحد متحمس مما جعل آسر يشعر بالسعاده.
وبعد مغادرة كل الأطفال نهض آسر يغادر المكان ذاهبا الى عمله هو مدرس احياء في احدى المدارس الثانويه ولكنه في المساء يقوم باعطاء دروس خاصة للشباب وما يقوم به الآن هو ليس عملا بل تقربا الى الله عز وجل .
وبينما هو يسير يتحدث في الهاتف مع شقيقته.
_ تمام يا بروج هجيبلك الكتاب وانا جاي ماشي يا حبيبتي لو اتأخرتوا عند خالتى والجو ضلم ما تروحوش لوحدكوا اتصلوا عليا وانا هاجي اخدكوا... ماشي سلام عليكم.
وما كاد يغلق الهاتف حتى وجد جسدا يتشح بالسواد يسقط عليه لم يرفع عينيه ولكنه علم انها فتاة سقط ارضا والفتاة فوقه، نهضت الفتاة سريعا تقول بخفوت ونبره باكيه: انا آسفه يا استاذ ما اقصدش.
رد وهو يغض بصره: حصل خير يا انسه ما تعيطيش.
وفجاه وجدها تنتفض خلفه قائله بصوت مرتجف: الحقني منهم ابوس ايدك.
نظر امامه فوجد مجموعة من الشباب اعينهم مليئه بالنظرات الشهوانيه تقدم منه احد الشباب يقول: ابعد عنها احسن لك.
آسر: وانت عايز منها ايه.
غمز له الشاب ففهم مقصدهم وما كاد الشاب يمد يده للفتاة المسكينه اللتى تختبئ خلفه حتى وجد قبضة من حديد تمنعه وصوت يقول بهسيس مخيف: ايدك تتمد عليها هكسرهالك.
الشاب: وانت مين انت يا استاذ.
لكمه آسر بعنف وهو يقول بحده: راجل شاف بنت ضعيفه مجموعة شباب قذ** بيتهجموا عليها فدافع عنها ومش من الرجوله انك تستقوى على بنت .
ثم اكمل حديثه قائلا بجديه : ونفترض ان الاخ عديم الرجوله لو عندك اخوات بنات او والدتك وجه واحد حقير زيك يعمل كده اكيد مش هتبقى مبسوط.
لم يبدو على الشاب انه يأبه لحديث آسر وما كاد يقترب من الفتاة مرة اخرى حتى امسكه آسر يشبعه ضربا ففروا جميعا واخيرا سمع صوت الفتاة تشكره بخفوت فقال دون ان ينظر: العفو يا أنسه بس نصيحه منى ما تخرجيش من البيت بالليل.
ردت الفتاة بخجل واحراج: معلش اصل انا ساكنه جديده في المنطقه وتايهه.
وما كاد يتحدث حتى وجد صوت ذكوري ينادى بصوت عالى: شهد يا شهد.
انتبهت الفتاة الى الصوت اللذي تألفه جيدا والتفتت فوجدت شاب يركض اليها سرعان ما وقف امامها يقول بلهفة : كنتي فين يا شهد واتأخرتي ليه.
شهد: انا اسفه يا سعيد بس انا توهت وانا راجعه.
انتبه سعيد لآسر وقال: مين حضرتك.
تولت شهد الحديث قائله بهمس : ده شاب كان بيساعدني.
ابتسم سعيد لآسر يمد يده للمصافحه قائلا: شكرا عشان ساعدت اختى انت من المنطقه صح.
مد آسر يده يصافحه قائلا: ايوه انا من المنطقه اتشرفنا بمجاوتك يا استاذ سعيد.
سعيد: الشرف ليا يا...
_آسر.
سعيد: الشرف ليا يا استاذ آسر.
ثم وجه حديثه لشقيقته قائلا بهمس: يلا نروح عشان اتاخرنا ويوسف هيعلقنا.
ثم وجه حديثه لآسر قائلا: لازم نمشي دلوقتي السلام عليكم.
رد عليه آسر: وعليكم السلام.
رحلت شهد رفقة اخيها سعيد وارتسمت على وجه آسر بسمه مرتاحه لا يعلم سببها ولكنه سار ليحضر الكتاب لاخته.
وفي اليوم التالى استيقظ آسر مفزوعا على صوت اخته تصرخ به وقال: اييييه في ايه؟
بروج: يلا يا باشا اتأخرت على الشغل .
نظر لها آسر يستوعب ما قالته قبل ان يصيح بغيظ: بروج انا قولتلك كام مره ما تصحيش اي حد بالشكل ده.
بروج ببراءه: ما انت اللى مش بتصحى وكده هتتأخر.
آسر: ماشي يختى روحي اجهزي انتى كمان.
بروج: حاضر يا أسورتي.
♡ROWAN DAWOUD♡
♕♕♕♕♕♕♕♕♕♕♕♕♕♕♕♕
آسر كريم الشرقاوى 27 سنه مدرس احياء في احدى المدارس الثانويه ملتزم ومتدين يعلم الأطفال القرأن لوجه الله فيه من الصفات الكثير مرح، جاد، حازم، طيب القلب، هادئ بعض الشيء.
بروج كريم الشرقاوى 20 سنه طالبة في جامعة الطب البشري فتاة مجنونة ومرحة كثيرا.
شهد عادل الأسيوطي 24 سنه خريجه جامعة ألسن اللغة الانجليزيه ولكنها لا تعمل فتاة متدينه وطفلة بعض الشيء لديها شقيق توأم وشقيق اكبر منها.
سعيد عادل الأسيوطي 24 سنه مهندس برمجيات شخص متهور لا يحسب كلامه ولا تصرفاته يجب شقيقته وشريكته في كل شيء اعزب .
يوسف عادل الأسيوطي 30 سنه طبيب عظام شخص متعقل ويعلم ما يفعله ولكنه سريع الغضب ولا يستطيع التحكم باعصابه متزوج ولديه ابن .
♡ROWAN DAWOUD♡
♕♕♕♕♕♕♕♕♕♕♕♕♕♕♕♕
اتمنى ان تكونوا تلقيتم الاستفادة في هذا الفصل وانتظركم في فصول اخرى الى اللقاء.