هلووو كشمشات شتاقيتلكم كلش هواي
وانتم ؟ ماشتاقيتولي؟
رجعت لكم بجزء ثاني من روايتي اثار اقدام
بهل جزء راح اطول البارتات الكم شتردون بعد ؟
يابة مدللتكم اني وين تلكون مثل فجرر هاا ؟
طولت عليكم ها ؟
يلا يلا اخر شي حبيت اعرف
شنو تردون تصيرون بالمستقبل ؟؟؟
اريد اشوف كشمشات
وابداعهن باختيار مستقبلهن
كل ما زاد تفاعلكم اطول البارتات
صدك لاتنسن التعليق والتصويت .
وطبعاً اليحب يشوف ستورياتي لو يتواصل وياي
او يعرف تفاصيل اكثر عن القصة هذا
حسابي انستا 5ll1_1
الحـمد اللّٰـه
أستغفر اللّٰـه
يلا هسه نكدر نبدي البرتوت .
..
التفتت عليه اشوفه زلمة طويل عيونه يخوفن
يباوع علي و مبتسم بهدوء مخيف
الحضة خفت ونبلع الساني
ماكدرت احجي شي عبالي واحد مستهتر
بس مبين واحد مثقف من لبسه الرسمي
وهيئته باوعتله بتوتر واردفت
: العفو
تقرب خطوتين علي واني رجعت ضعفهن
مادري ليش حاسه اعرف هل شخص خاصتاً
دكات گلبي المن شفته ماعرفت تنتضم حتى
شكله مألوف باوعت الناس ملتهين هذا اليشتري
وهذا اليعامل وهذا اليشتغل محد يباوع علينه
وسجى ختفت عني مدري وين ولت التفتت على
صوته الحادد وهوا بعده على بتسامته الهادئة
: ول يمصكوعة تعبتيني
باوعتله فاتحة عيوني لحضة لحضة اني سامعة هل
كلام وين وين ويننن
اي اي الرسالة الاجتني وماعرفت صاحبها
بدت الأفكار تهجم على علقي بثواني ماكدرت استوعب
3 كلمات خربطن أحوالي هذا الرجل الغامض ؟
خالي ؟ صاحب الرسالة ؟ حسيت دخت
من التفكير اردفت بسرعة ورتباك
: منوو انتَ ؟؟؟
عرضت بتسامته ورد بنبرة كلش حنينة
: انه خالج غيث
فرح توتر ارتباك شتياق وهواييي مشاعر
ماعرفت شلون أصرف خالي الحقيقي واكف
كدامي ريحة اميي بدون ماحس ادموعي نزلت
مثل الشلال ماكدرت اسيطر على روحي
خليت ادي على حلكي اكتم صوتي
وهوا ثابت بمكانه عيونه مليئة بلدموع بس متماسك
فتح ايديه واردف بنفس نبرته الحنينة
غيث : تعي الخالج يبنت الغالية
ذبيت الاغراض البيدي وركضت عليه
نسيت العالم والناس كلشييي نسيت همني
بس اشم ريحة امي بي بس احس بحنانه
لمني بحضنه مثل الاب من يحضن اول طفل اله بعد سنين
لمني بحضنه مثل ام ضيعت ابنها ولكته بعد ما فقدت الأمل برجعته
تعلكت بركبته وهوا عاصرني عصر بحضنه
احسه يريد يدخلني بين ضلوعه سحب نفس بعمق
واردف بهمس
: ريحة امج بيج
رديت عليه واني اسحب نفس مثله
: لا بيك انتَ ريحتها
بعدني عنه وهوا يمسح بدموعي و يباوع للناس شلون عيونهم علينه ويتهامسون بينهم رفع ايده لوح بيها
وصاح بصوت مسموع
: يبُا بنت اختي جانت ضايعة وليكيتها
لا دحكون بسوء ضن
دنك شال غراضي من الكاع و
سحبني من ايدي وهوا يمشي كدامي
بقيت امشي وراه ما عرف وين رايح بس
جنت مستعدة ابقى امشي وراه وماعوف ايده
لو اعرف ماخذني للجحيم المُهم عدي شوفته
وكف واني صتدمت بضهره العريض حست نركعت
بحايط مو ضهر ماشاء الله ماشاء الله عين الحاسود بيها عود
رجعت ليورة متألمة وهوا ضحك بخفة ومسح على كصتي
: هههههههه ول ول يابة دحكي عدل
باوعتله طابكة حواجبي بعدم فهم
: شنو يعني دحكي ؟
: بعدين اكلج هسه اخذج وياي البيتي
رغم اول لقاء النه هذا بس ماخفت ولا ترددت
بلعكس اردفت بحماس واني ناسية اقدام وسجى
: اي اي اروح عدي هوايييي حجي اريد اكلك عليه
: وانه عندي كثير كلام لازم نحجي بيه
نتبهت احنى واكفين بگراج السوك شمسرع اجينه
شو ما لاحضت هيج مشينه ؟ مدري اني طول
ماهوا يمشي اني اباوعله
غيث ؛ يلا اثار تعاي
سحبني السيارته الجانت حلوة ونوع حديث كلش
صعدت وبدا يسوق باوعتله بتركيز جان ينطي شبه
الامي كلش يمكن الهل سبب حسيته مألوف عندي
رغم ماشايفته ابداً بقيت صافنة عليه
اريد اشبع من شوفته وهوا مركز بل طريق
جان صاحب بشرة سمرة وعيون جوزية
عنده لحية خفيفة بس شواربه طوال
مرتبهن بطريقة حلوة
اردف يخرب علي جلسة التأمل بي
غيث : اهاجس جاي تخطبيني تا دحكين بهل طريقة
الصراحة كلشي مافهمت من كلامه
اردفت
: خالو مافهم شتكول
ضحك ورفع راسه
رجع يباوع للطريق واردف بمزح
: شسالفة خالي ترا اتكلم عراقي مو ايراني تا ماتفهميني
: والله صدك مافهم عدك كلمات غريبة
: مثل شني ؟
: مثل دحكي و اهاجس
بتسم بهدوء ورد علي
: دحكي يعني باوعي واهاجس يعني احس
: ها زين احس اسهل من اهاجس ليش ماتكولها
: لهجتي تختلف وانه احب احجي بيها
همهمت بتفهم
وبقيت اباوع على طريق
طول كلش بي واني الغبية مافكرت باقدام وادم
هسه شحالهم من ما يلگوني راحو من بالي كلش.
وكف كدام بيت بسيط ومنطقة بسيطة
نزل واني نزلت وراه طلع مفتاح فتح الباب
دخلنه جان مبين زغير البيت اول شي مشاي
كلش زغير على كد سيارة وبعدين باب هم فتحه
جان مطبخ دخل وكال تفضلي
دخلت ومشيت وراه الحد ما وكف كدام غرفة
مابيها غير فراش بلكاع باوعلي واردف
: أنه مشتري هل بيت بس امشي بي اموري من اجي
للبصرة بيتي المستقر بي بل انبار واحلى من هذا
راح يعجبج من اخذج هناك وهساع اروح اجيبلج
فراش وغراض تحتاجيهم
بسرعة لزمت ايده بخوف
: لا لاتروح ابقى كلشي ما محتاجة واكدر ادبر روحي
بهل غرفة اريد بس احجي وياك
مسح على راسي بحنان
: يول ماعوفج اتاكدي من هل شي مستحيل اتخلى
عنج بعد ما تعبت تا الگيج
بتسمت واردفت بحُب
: هسه خل نكعد نتعاتب
سحب ايدي وكعدني بلغرفة بلكاع وكعد
كدامي باوع بعيوني مباشرة وبحنان واردف بحزن وغصة
: احجي شصار وياج وشلون ماتت رغد " ام اثار "
تنهدت بحزن وهوا شد على ايدي يشجعني احجي
بديت احجي كل شي كل شي بلحرف الواحد مانسيت شي
سجى
__________________________
وكفت كدام محل عارض فساتين حلوة
اريد اكول الاثار باوعي التفتت وانصدم
اثار ماهي صخام الصخمني كون وين
راحت الفرخة التفتت وراي كدامي ماكو بقيت افتر
واتلفت وين راحت الفاهية كلشي ما تعرف
بلسوك وين صارت هسه يمه ربع ساعة انا
افتر مثل لمخبلة وادور عليها وهية مالها اي اثر
وكفت بنص السوك تايهة ودمعتي بعيني وين راحت اختي
يمه بس لا واحد خطفها يبويييي
شافوها فاهية وحلوة وخذوها طلعت تليفوني ودكيت
على خالي اقدام وانا مترددة ادري راح يرزلني
اقدام : ها سجى خلصتن اجي ؟
اردفت بغصة من كوا مسيطرة على روحي لا ابجي
: خا خالي اثار ماهي
: شلون يعني ؟!!
: مادري والله جانت وراي التفتت عليها احاجيها
مالكيتها وشكد الي ادور عليها ماهييي
: اوكفي بمكانج جايج انااااااا
بقى وياي على الخط الحد ما شافني سده واجى بسرعة
علي والخوف والقلق مبين بعيونه اردف بنفعال
: شلوننن تعوفيها وحدهاا ماتعرفينها كلشي ماكوووو
: خالي والله ماعفتها جاي تمشي شوي عني
التفتت عليها ما الكيتها والي هواي ادور ماهيي
بجيت بخوف عليها رفعت ايدي امسح بعيوني
؛ خالي عفية الكيها اموت اذا صار عليها شي
باوعلي يطمئني بعيونه وسحب ايدي يمشي بية
: امشي خل ارجعج وأشوف اثار وين
: مارجع اذا مو اختي وياي
: لا تعاندين راح اخليج يم واحد اعرفه
بس اسال اذا احد شاف اختج وارجع
جان يحجي ومن كوا مسيطر على عصابه
وصلنه يم محل واحد عطار زلمة جبير بل عمر
أمني عنده وراح
اثار
________________________
دافنة راسي بصدره واشهك
وهوا لامني بحضنه يمسح على راسي ويهدي بية
غيث : اهدي يبعد خالج انه رجعت هساع اذا ما
اندمهم على كلشي سوا وياج وبلنسبة الزواجج
انهي تا لا تتورطين بي أكثر مانج بحاجة احد يحميج
بوجودي
وخرني عنه يمسه بدموعي بلحنان
: دحكي بلا انه ماشايف واحد يبجي وحلو
بتسمت على كلامه
غيث : اي عفية ضحكي محد يسوى دموعج
عتبريني امج انتِ مو تكولين انه اشبها
: اي حيل تشبها توني الا ركزت بملامحك
رفع ايدي وباس ضهرها على كيف
اخذ نفس بحزن واردف
: انه كله مني صار هيج وياج لو سأل
قبل عليج جان لحكت عليج قبل لا يدمرونج القنادر
بس انه ماشم ايدي يخالي وين اعرف هيج صاير
كل ضني اختي بعدهي وياج
رديت عليه بغصة
: لا تلوم روحك خالو كله مكتوب وكله بيد الله
الحمدلله على كلشي وبلنسبة الاقد
هنا صارت عدي لحضة أدراك
من ذكرت اسمه قبل لا اكمله
هسه صار بيهم من درو بية ماكو
دكيت على خدي واردفت
: صخاممممم خالوو
: ها شبيجج
: صار الدنية ليل واني هنا ناسية ادم وسجى واقدام
هسه كلها ادور علي طاح حضي توا الا تذكرتهم
مادري شلون راحو من بالي يمهههه
: اوكفي اهدي اهدي وياج تليفونج ؟
: اي اي
طلعته وجان بي أكثر من ٣٠ مكالمة فائتة واني مخليته صامت وطلعت رقم اقدام اجيت اتصل وأخذه خالي
باوعتله مستغربة
غيث : انه راح احاجيهم انتِ خلج بعيدة من اليوم ورايح
قبل لا اجاوبه خابر ثواني واجاني صوت اقدام
وهوا يجاوب بلهفة
ملاك
____________________
طلعت من غرفتي على صوت ماما
اصيحني وحتى يمها للصالة شفتهم كلهم كاعدين
ملاك : شنو مسوين اجتماع
اجيت اكعد صاحت امي
: لا تكعديننن
: ها
: روحي بدلي خابرتني حنين بت خالتج
عد اهلها ومشتاقتلي امشي نروح تسيورة
: جا اذا مشتاقتلج انتِ اني المن رايحة ؟
: شوفي اثار سلمي على خالتج شبيج منعزلة
خليت ادي كدامي واحركهن
: اهدي اهدي اروح لا تبدين نفس القوانة
مال انتِ ماتحبين صلة الرحم وگاطعة
وحابسة روحج بلغرفة
ضحك عبدالله
: هههههههههههه حفضتيها
هزيت ايدي
: غير كل ماروح وياها تبدي بيها
بدلت وطلعت اخذنه اخوي
مشي شوي وصلنة جان كدام بيتهم أكثر من سيارة
عبدالله : خير أن شاء الله
ملاك : أن شاء الله
دخلنة جوا ونسمع اكو جولة واصوات هواي عالية
باوعت الامي مستغربة دخلنة للصالة بعد ماعبرنة المطبخ
الجان بابه مفتوح
شفت كلها ملتمة ومخبوصة
صاح عبدالله اخوي لأن محد انتبه النه
عبدالله : السلامُ عليكم يابةةةة
التفتو علينه بيهم الرد وبيهم لا
ادم : وعليكم السلام
عبدالله : شبيكم صاير شي
مسح وجه حيل وباوع بغضب على اقدام
: اثار ماهي
باوعنه عليه بصدمة
ملاك : شلون ماهي ؟؟
ادم : راحت اهي وسجى للسوك وضاعت منها
والحد هسه ماكو شي عنها
اقدام جان كدامه طبلة رفسها برجله حيل
اقدام : ماكعد بعد راح اروح اقدم بلاغ
رد عليه ادم بتهديد
ادم : اقدام اذا صار الصبح واثار ماهي والله
ابتلي بيك
عبدالله : دكول يا الله يمعود شبيك
: كلههه من وراه عود مخليها امانة عده
اقدام : ادم لا تضل تمسلتتتت
تقربو واحد على الثاني يردون يعاركون
وصارو بينهم احمد وصلاح وعبدالله
التفتت على سجى موته روحها من البجي
سجى : كله مني كله منيييي صوجي اخذتها ورحت
رحت يمها اهدي بيها واني مافاهمة شي
رادو يطلعون يقدمون بلاغ ورن تليفون اقدام
رفعه قرى الاسم وهوا باوع علينه بفرح
وصاح
: اثارررر اثاررر تتصل
ركض عليه ادم
: رد شمتاني
كلها تقربت يمهم
تريد تسمع صوتها
رد عليها بلهفة وحُب
: الووو اثار حبيبتيي الوو ليش ماتحجين
اثاررر تسمعيني ردي لا تشلعين گلبي ردي
جان فاتح سبيكر وصوت جهازه عالي
كلنه نصدمنه مو بس هوا من سمعنة صوت زلمة
خشن يرد عليه
: انتَ اقدام ؟
رد عليه بعصبية
: اي اي انا اقدام منو انتَ وين اثارررر
: اهدئ اثار بخير ب
قبل لا يكمل اخذ ادم التليفون من اقدام
وصاح وهوا يغلط
: *** لا **** جاوببب منو انتَ وينننننن اثارررر
سكت شوي وسمعنه صوت اثار
: الو عمي ادم لا تعصب اهدى اني بخير مابية شي
هسه ارجع
قبل لا يجاوبها ادم سمعنه صوت الزلمة وهوا يكول
: استقري يول وين ترجعين ؟
ردت عليه
: لازم نفهمهم مايصير هيج خطية
: عجل خليهم نارهم تاكل حطبهم عرفو انتِ
زينة كافيي
ادم من العصبية عيونه صارننن حمرر
واقدام احس ايده راح تنكسر كد ما ضاغط
عليها كلنه مو فاهمين شي منهم منو هل زلمة ؟
اردف ادم بهدوء مخيففف
ادم : اثار وين انتِ
اثار : عمو جاية نص ساعة واني يمك
اقدام : احنى نجي بس كولي وين
غيث : مالك شغل وين كالت احنى نجي لا تلح
ادم : اثار النص ساعة كفيلة تموتني اذا ماتفهميني
الجاي يصير
غيث : موت يطبك مرض
اثار : يا لا تحجي هيج على عمي
باوعلي ماراضي رغم اني من سوالفتله الصار وياي
كتله ادم يحبني ولطيف وياي بس هوا ماحبه
لأن قبل يزوجني الاقدام حتى ينقذني يكول لو
صدك يحبج جان حماج بدون هل خرابيط
ادم : اثاررررررر لا تخبلينيييي
: افهمك والله بس مو بلتليفون ماتفهم شي
ادم : يلا من النص ساعة بقن ٢٥ دقيقة بسس
باوعت الخالي غيث ما عاجبه الوضع
اردفت واني اكوم
: يلا خل نرجع
كام وياي ركبنة السيارة
وبدا يسوق وعمي ادم وياي عل
خط شوي عن البيت بعد واردف عمي ادم بنفاذ صبر
: اثاررر عبرتتت النص ساعة
رديت بخوف
: والله شوي بعد بس شوي
دقايق وصرنه ابابهم وكلها موجودة برا
تنتضرنه باوعت عليهم برتباك وتوتر
: يمه راح انكتل
باوعلي خالي غيث بطرف عينه
: يلي يلمسج أمه داعية عليه اوره ور والله
صف السيارة على صفحة ونزل
دار الصفحتي فتحلي الباب واني كلش خايفة
نضراتهم ماتبشر بخير ابد
خليت ايدي بيده ونزلت صارت عيونهم على ايدينه
ادري هسه الف سؤال براسهم تقدمنه عليهم
اقدام ادم عبدالله مهدي صلاح
كلهم عيونهم شرار
صرت كدامهم مدنكة راسي
ماحس غير نسحبت حيل
عمي ادم سحبني خلاني وراه يباوع
بغضب على خالي غيث
غيث : السلامُ عليكم
باوعت الاقدام يباوعلي بلهفة
احس لو ما موجودين يمنه جان لمني بحضنه
اكلني اكل بنضراته
مهدي على اعصابه : وعليكم تفضل
دخلو كلهم جوا بل طارمة
امشي ورا عمي ادم وماحس غير صوت ضربة قوية
التفتت خايفة اشوف خالي غيث يمسح دم من يم شفته
بس ماعرفت منو ضربه كلها جانت قريبة عليه
عفت عمي ادم وركضت عليه
وهمَ مصدومين من ردة فعلي
صارو على شكل دائرة واحنى بلنص واكفين
باوعلهم غيث بستهزئ وتفل دم
: اليغدر مو زلمة
ادم : هههههههههههه انتَ الغبي ماخذ بتنه من الصبح الهسه وتتوقع نرحب بيك واحنى ما نعرفك ؟الك دقيقة بس
تحجي ياهو انتَ و وين اخذت بتنه لا ابتلي بيك
باوعلهم بمكر وفجر القنبلة
غيث : يول انه خالها
باوعو ما مستوعبين
اقدام : عيد ؟
اثار : خالييي يصير خالي اخو امييي
فتح مهدي عيونه بدهشة ورد
: جذابببب تضحك علينه
رغد ماجان عدها أخ غير واحد ومات
سحبني اقدام من يمه بعصبية
: انتِ شلون تصدكين بيييي
دفعت ايده عني ورديت بنفعال
: اني اعرفه خالييي مايجذبب عليييي
حزرني
وراح زنك غيث من ملابسه
: احجييي ياهو انتَ
باوعله ابرود ورد وهوا يخلي ايده بجيوبه
: يول ايدك
اقدام : دليل انتَ خالها ؟
: وخر وانه هساع انطيك دليل
عافه اقدام وخالي طلع هويته
خلها كدامه وبتسم بفخر
غيث : وياك **** غيث
كلها باوعته بذهول ودهشة
راح ادم سحب هويته يتاكد منها
الصراحة اني هم نصدمت ما جنت اعرف خالي
ضابط ولا امي ذكرت هل شي بل رسالة
راح مهدي يم ادم يباوع للهوية
مهدي : اسم الاب والجد مثل رغد
رحت
وصرت كدام خالي
اثار : هسه عرفتو نكدر نكعد نتفاهم ؟!
عبدالله : دخلو كعدو وتفاهمو احسن
صلاح : عمي خل ندخل
باوعلي ادم بحدة وخزرة واردف
: تفضل حضرة **** غيث
مشى كدامنه وخالي لزم ايدي ومشى وراه
التفتت على اقدام واكف والصدمة بعدهي بي
احسه يكلي بعيونه تعاي يمي ادري بي حاير هسه
متاكدة عرف نهاية زواجنه المزيف قربت
دخلنة المضيف كعدنه فرك وجه ادم وكال بنفاذ صبر
: يلا غردو
اثار : بس خل يجي اقدام
التفت على صلاح وصاح
: كوم صيحه
كام يصيحه شوي ودخل هوا وياه
كعدو وبديت اسولف الهم من رسالة امي الحد
ماشفته بلسوك ومن رحت وياه البيته حجيت كلشي صار
اقدام : ليش هسه الا بينت وين جنت من جانت محتاجتك
همس بخفة خالي
غيث : يول مايفهمون انباري ها ؟
هزيتله راسي لا
تنهد وبدا يسوالف عادي مو انباري
غيث : تواصلي قليل باختي قبل لا تموت انه مخابرها
ومنها صارت عدي ضروف ماكدرت اتواصل وياها
ومن رجعت اريد احاجيها ما حصلتها رحت البيتهم
كالو ماتت وبتها عد احد قرايبهم زين انه اعرف اختي
مالها بس انه دورت الحد ما طحت بيكم وهاي انه
كدام عينكم اريد بت اختي
ضحك اقدام بستهزئ ورد
: هههههههههههه الضاهر ما تعرف بت اختك مزوجة ؟
رد عليه ابرود
: اعرف اعرف گلشـي
ماحجه أكثر لأن جان كاعدين ويانه صلاح وعبدالله
ومهدي مايعرفون زواجنه عل ورق بسس .
باوع اقدام بصدمة ماتوقع احجي كلشي هيج
باوعلي وخزرني نزلت راسي اتهرب
غيث : الكل يطلع عدا ادم واقدام عدي موضوع
وياهم
مهدي : احجي كدامنه البنية بن
قاطعه غيث
: اششششش انتَ اخر واحد يحجي مو انتَ نفسك
كتلها ماعندج اب وتبريت منها ؟
باوع مهدي بكره وحقد وطلع برا
وصلاح وعبدالله ترخصو وطلعو بقينه
بس احنى الاربعة
رخه جسمه عمي ادم على الكرويتة
وخله رجل على رجل واردف ابرود
وحدة
: اثار بمسؤوليتي ماتطلع منه اذا هية حجتلك كلشي
معناها تعرف انا مو مجرد عم الها انا حسبت ابوها !!
غيث : اذا هيج اريد احجي وي كبيركم وينه
رد عليه اقدام من ورا خشمه
اقدام : ابوي الكبير وماموجود راح الغير محافضة
بسبب مشكلة عشائرية
غيث : شوكت يرجع ؟
: باجر حتمال
: عجل اخذ اثار وباجر نرجع من يجي
بتسم اقدام ورد عليه
وهوا يشغل جكارته
: اثاررر مرتيي قانوناً وشرعاً ماتطلع منه
غيث : زواجكم مزيف وهسه اجى وكت ينتهي
ادم : مو انتَ تقرر ا..
قاطعه اقدام بصياح
: علاقتيي انا واثار ماتدخللل بيهاا
غيث : اثار بت اختي حكي ادخل لا تسترعن
خزره اقدام
واني كاعدة افرك بدي كلش توترت وماعرفت شريد
ويامن اصف
كام اقدام واردف يوجه كلامه الي
اقدام : كومي نحجي
باوعت على خالي غيث
غيث : روحي وياه خالي
ماتحمل اقدام طلع وركع الباب طلعت وراه
راح الغرفتنه الحكته توني احط رجلي بيها
انسحب واندفع على الحايط حيل
صحت متوجعة
: اخخخ
باوعت عليه عيونه حمر وشراين كصته بارزة رجع شغل جكارة وخله ايده يمنى ويسرى يحبسني بينهن
باوعتله بخوف من منضره
اثار بتعلثم : اا قدام شبيك ؟
بقى بس يباوع بعيوني
ماجاوب توترت كلش
نزلت عيوني وهوا صاح
: باوعيلييي
باوعت عليه واردفت
: بس فهمني شبيك ؟
: تردين ترحين وي خالج ****
خليت. ايدي على حلكه اسكته
: لا تغلط عليههه
دفع ايدي وسحبني من خصري اله
: اغلط ونص يريد ياخذج مني !!!
: اي خل ياخذني مو ماتحبني بعد شكووو ؟
ركز بملامحي وباوعلي بنضرة خربطت كلشي
بية دفعته ورجعت عل حايط حجيت بنفعال
: اقداممم لا تلعب بمشاعري مو لعبة عدك اني
انتَ مو كلت ماحبج ليش تتقرب مني ليش مصر
تخليني احبك ليششش
: اي ماحبج انااا
باوعتله بعيون مدمعة يسوي شي ويحجي شي
يخليني اتعلق بي وهوا يعوفني ضربته راجدي قويي
كلش مادري شلون تجرئت وسويتها
حسيت ايدي خدرت من قوته
باوعلي بعصبية وتقرب ماكدرت ارجع لأن وراي
حايط نزل روحه المستواي وتقرب همس بذني
: انا ماحبجج بس اموت بيج انا ماحبج بس اعشگج
انا ماحبج بس اذا شفتج احس گلبي يريد يطلع من دكاته
انا ماحبج بس اذا ذكرو اسمج تتخربط احواليي
____________
كلشي راح تفهمون بلبارت الجاي
لاتنسن التعليق والتصويت يعمـري