بقلمي: Rehab Saddam
…
تراتيل الموت
.
.
بقيت صافنه بمكاني ولساني ارتبط صارت رجفه بجسمي شحچي وشگول حك طارف حاجبه واردف
-ابتر: ها شگلتي؟ ..
بلعت ريگ وگلت بتلعثم
-نار: هـاا
لزم ايدي وگال
-ابتر: على كيفچ اهدي بس لاتتوترين .. نار زواجنه مو حقيقي اني رايد احميچ لا اكثر
دفعت ايده مدري شصارلي وگمت من مكاني ومشيت سريع رجع كمشني من ايدي وجرني وگفني گدامو
-نار: عوفني
-ابتر: شبيچ؟!
-نار: مـ ما اريد
-ابتر: ماترديني يعني؟!
بقيت ساكته وهوه بلع ريگه بغصه وحواجبه تطابگن وشد على ايدي حييل
-نار: عووفنيي وجعتنيي عوفنيي
-ابتر: لاتنتررين بوجهي ناار لاتخليني اسوي شي واندم عليه داا احچي وياچ لاترفعيين صوتچ عليه
-نار: مارييد ابتر عفيه خلني اروح
قربني علي حيل يباوع بعيوني رخه ايدو من زندي واردف بهدوء
-ابتر: ماتريديني ها!
رجعت خطوتين ليوره عاط بيه ولزمني من خصري حيل طمق اصابعه بجسمي
-الابتر: شبيج نار ليش رافضه؟
ضليت ساكته وصافنه سحبني من ايدي ورجعت كعدت عَ طبله ثنى على ركبته وكعد گدامي وحچى
- الابتر: نار صح اني احبج بس مستحيل اجبرج واغصبج على شي انتِ ما رايدته فكري بالموضوع زين ورجعيلي جواب زواجنه راح يصير بس مو حقيقي بس احميج من عمامج وشوكت ما حسيتي نفسج مستعده نكمل زواجنه اني وياج
عافني وشال السويج والجگاير من الطاوله وطلع گمت من مكاني فركت وجهي بحيره
اوافق؟
لالا ما اوافق خلص ارفض واني اواجه عمامي واخليلهم حد
بس اذا صدگ نهى علي جاسم واخذوني غصب عني شسوي؟
رفعت راسي ليفوگ فركت صدري بضيق صح اني احب الابتر بس اني اخاف من فكرة الزواج اخاف من المسؤليه اخااف
خليت راسي بين ايديني ونزلت راسي شووكت اني اخلصص منهم ومن مصايبهم الله ياخذهم ويخلصني
رفعت راسي على صوت زينه عد راسي
-زينه: شبيج نار شصاير ليش الابتر طلع معصب تعاركتو؟
-نار: اني جفصت وكلتلو ما اريد
-زينه: صخااام شصخمتي ولج شنو ما اريد احچي
-نار: اشش ولج اشش فضحتينه امشيي برا احچيلج النااس نايمه
سحبتها من ايدها واخذتها برا
-زينه: شككوو عاد احجي والحسين اذا مسويه شي لا بنعال على راسج كلشويه مخزيتنه وجافصه جفصه بكد راسج
-نار: اويييي شبيج ترزلين دسمعي هسه وبعدين احجي.
-زينه: اسمعج
تنهدت وبديت احجيلها
- احم سمعي كعدت قبلجن وغسلت وبدلت بعدين نزلت ونسيت موبايلي ورجعت صعد
-زينه: ما گلتلج احچيلي قصة حياتج احجيلي شصار
-نار: الگبر داسمعي المهم نزلت لگيت الحووووب كاعد بالمطبخ شنو جمال شنو طول شنو حلاوة كلشي بي فوووديت حبيبي
-زينة: راح تجيج دفره احجي عاااد
- اوويي فـَ كال عمامج يريدون يسحبونج عليهم ومن سابع المستحيلات اقبل انطيج ياهم وشسمو
-زينة: شسمو؟
-نار: عرض علي الزواج
شو هاي صفنت بوجهي واني صفنت بوجها وثنينه صفنه خمس دقايق مرت اني نعست ممن الهدوء الصار اجيت اغفى وفزيت على صرختها
-زينة: عاااااااااااااععععععع يبووووووو كللليششش هلا هلااا فوووزت بيج فووووزت بيججج يمااع
صارت تگمز بالحديقه وتركض ركضت وراها اريد اسكتها شهرتنه وخزتنه وفضحتنه
-ولكمم يبووو ولجج سكتي سكتيي انفضحنه يبووو عليج ينار تصخمتي وتلطمتي يبووو على حضج انفضحتي كعدوو
سحبتها من ايدها ووكعنه ثنينه على وجوهنه وكعت على خشمي دمعن عيوني بس ما لحگت ابجي سحبتني من ايدي وتربعت جدامي وحچت
-زينة: احجييي ولج احجيي شصار شلبس بالعرس؟
توترت هسه شلون اكوللها ؏ جفصه تشهرنه وتشكني هنا اعرفها
- اهدي زينه اخذي نفس اكعدي اجيبلج مي؟
-زينه: احجي شصار انوب شنو چان ردج؟
- شسمو دحگي والله تعرفيني اني اخاف من فكرة الارتباط والزواج لحد هسه اني ممعترفتلو وجه بوجه اخاف انخذل
اعرف هوه مراح يخذلني بس اني ما اريد ازوج وانتِ تعرفين شنو الضروف المريت بيها باچر اسمع كلام منهم علمود شي اني مالي اي ذنب بي
-زينة: افهمج اني ناري بس شعليج بيهم انتِ؟ انتِ متزوجتهم لو متزوجه الابتر؟ الناس على كلشي تحجي مو بس عليج معليج بيهم وافقي على الابتر خوش رجال هوه ويحبهم ويخاف عليچ من نفسو انتِ شايفه رجفتو من بس يشوفچ او ابتسامته من يسمع بس بأسمج؟
لاتخسرين هيچ شخص شاريج يحبچ علمود كلام الناس الابتر يعرفج شنو ويعرف كل الصار مو بسببج كلشي صار ماضي انسي وابدي بداية جديده ويَ الشخص الأنتِ حبيتي ويَ الشخص الصح ويَ الابتر ولا تخافين شحدوو اليحاول يجيب طاريج بكلمة اني بضهرج وحاتم بضهرج نفصم ضهرو اليمسج بكلمة
-نار: دمعن عيوني واني اسمع كلامها حسيت صدگ عندي اهل وعندي منو يسندي حضنتها على گلبي حييل وحچيت
- متعرفين شكد كلامج أثر بيه كلش فرحت من سمعتو شحبج اني امووت بيج همداااج يا ادبسز يا نعال
-زينة: اوييي حياتشيي انتِ واني امووت بيج يانضر عيني
وهسه شبي بتوري الضلع طلع زعلان ؟
-شسمو كلتلو ماريد وهوه عبالو كلتلو ما اريدك انتَ وطلع زعلان وضايج
-زينة: الله ياخذج يا ثوله يا مطيه اهمداج الفاهيه
-نار: وياخذج وياي ؏ واهس همينه انجبي ترا وعلي توترت شمدريني اووويي
هزت ايدها وباوعتلي بطرف عينها وحچت
- دكومي كومي امشي ندخل جوه توترت المداام دخلي اسمعج كايله غير الموافقه وشوفي شلون.
- دمشي منا لا ادفرج الصفره الها عين وتحجي البارحه عبالي ما ادري من حچى وياج محمد مو؟
-زينة: هاا ياهو محمد منو محمد؟
- دمشي امشي سوت نفسها ثوله فد مره خطيه
دخلنه ؏ ببيت واحنى نضحك
دخلنه عَ بيت لگينه زينب بالمطبخ البارحه باتن هيه وامها هنا بس ماقبلت تبقى ويانه نامت ويَ امها چانت واگفه عند الثلاجه ولابسه تراك وردي ضييگ وهيه كلشش حلوه ورافعه شعرها شافتنه وطلعت بطل مي تشرب باوعت علي وحچت
زينب: اكلج وين الابتر گعدت ماشفته موجود؟
فااار دمي منها شعليه هيه وتسئل عليي؟
نار: شعليج بالابتر ليش تسئلين علي؟
ابتسمت وتقربت مني وحچت
زينب: انصحج ابتعدي عني وعن حبيبي الابتر لا تشوفين
شي ميعبج
: نار هيهيهييهيي گال حبيبها گال دمشي منا مصدگة نفسج وتهددين تهديدج وكلامج بأقرب مزبله ذبي
سحبتني من ايدي زينه وحچت
زينة: امشي ناار احنه خطار هنا لاتردي عليها ختوليي. امشي
بعدني داريد ارد على زينه ودخل محمد عَ مطبخ وحچى
محمد: صبااح الخيرر يحلووات
زينب: صبااح الخيرر حياتيي حموووداات
ااباوع الزينه طبگت حواجبها ووجها صار احمر دحگت علي وخزرتو وهوه ضحك بصووت عالي وحچى
محمد: مابيه حيل عركه ولج زيينب عوفيني ارجعي تلوگي للأبتر
باوعتلو ورفعتلو حاجب ضحك وغص وگام يگح
حچت زينه
زينة: اسم الله گومي عيني جيبي الحمووداتج مييي
محمد: لا يابه ما اشرب ماي اذا مو من ايدينج الحلوااات ابوويه
زينب: اكلك وين الابتر؟
نار: شتصخمين بالابتر؟
محمد: يااعلي ههههههههههههههههههههه صدگ شتصخمين بالابتر دعوووفيي ميفيدج حقنه هذا وعصبي وشايف نفسه
الابتر: عليمن هذا؟
انداريت بسرعه شفته واكف يم الباب بكل أناقتو ومخلي الجاكيت على متونو والجگاره بحلگو دخل ع مطبخ واخذ البطل من ايد محمد وشربو كلو
-محمد: عليك والمحسن فد حقنه ماتنجرع قابل خايف
دفرو الابتر وهذا بس يضحك صارو يتعاركون بيناتهم شوي وحچى الابتر
-الابتر- وين امي؟
-محمد- نايمه
دحگلو الابتر وابتسم وهذا بس شاف الابتر هيج طگها ضحكه بصووت عاالي
-محمد- اشتعلت روحك ومحمد تسحلنا اكعد راحه
-الابتر- معليك يمي
صعدو فوگ يضحكون ويسولفون واحنه استغربنه منهم شبيهم ذوله؟
شوي وسمعنه عيطتهم صعدنه نركض نشوف شكو لكينه ام الابتر شايله نعال الحمام وتركض ورا محمد ومحمد يكمز فوگ السرير والابتر ع جهه الاخرى يباوع ويضحك ويشجع
-محمد: يمه والحمزه فكره الابتر غضب الله عليك يالابتر يبوووو اخخ يمه ولكم يبوووو
-ام الابتر: ولك واني نايمه تجي تگمز على چربايه وتكسرها دتعااال اربيك من جديد ما شاايف ادب انتَ
-محمد- يمه يعني مو لأن خرعتج تكتليني لان كسرت السرير وسفه والله اخخخ وعلي اسف
احنه ما تحملنه بعد كعدنه بالكاع من الضحك اباوع زهراء كفشتها طايره وواكفه عند الباب بصدمه وصبا واكفه بسد امها وتناوش حذيان واحنه مبطوحات بالكاع من الضحك
-الابتر: عفييه يمه عفييه كتليي حييل بي ما شايف أدب
التفتت هيه علي وشافتو واكف ويضحك شالت النعاال من ايد صبا وركضت ورا
-ام الابتر: الادبسزز الثااني راح نزوجك وما تبطل سوالفك هاي تعااالوو اادبكم. من جديد
طفر الابتر برا وهوه يضحك لحگو محمد وهوه معصب ويفرك بأيدو باوعت علينه وشافتنه نضحك شالت النعال تا تضربنه بي طفرنه نركض برا ونضحك
-زينه وهيه كاتمه ضحكتها: سوده عليه تأذيت؟
باوعلها بطرف عينو وحچى
-محمد- ضحكي ضحكي عليمن كاتمه ضحكتج صار ساعه تضحكن علي فوگ بالچذب ما فزعتن
-زينه- يمااع ههههههههههههههههههههههههههه متت متت يلا يلا تموون خالاتي
طفر سد حلگي بأيدو وحچى
- شني هاي من ضحكة ولج فضحتينه همداااج ايي والله
- اويي وخر شسويلك هاي ضحكتي وهمداك انت
- هاا هيج
-احم ايي
- اوكفي بمكانج لعد اذا كد كلمتج
كام من مكانو معصب واني طفرت طفره وركضت ع بيت
نار*
طلع الابتر برا البيت واحنه نضفنا البيت هيج ترتيب بسيط هوه نضيف بس لمعنا وبخرنا خالتي سوت غدا واحنه ساعدنها بعدها صعدت سبحت صار بيه ريحة طبخ ومشطت شعري الطولان وخليت مرطب وعطر ونزلت لگيت البنات بالمطبخ
-نار- هاا بنوات اساعدجن بشي انوب؟
-زهراء- لا حبيبي خلصنا روحي كعدي ويَ ماما بالصاله اني راح اروح اسبح واجيج
-صبا- واني هم اسبح واجيجن
-يسر- اويي ولن ولن همداجن واخلن الحديقه علي
-زينه- اويييي امشيي اني اساعدج بيها صدگ نار مرام راحت على شغلها وگالت گولي النار تأخرت حيل وگالت بعدين احجي وياها
-نار- ليش طلعت بدون متگلي شبيها مرام من البارحه مو على بعضها؟
-زهراء- هم اني حسيت بيها شي لأن بقت طول اليوم البارحه ضايجه سألتها وماقبلت تحجي بس كالت مابيه شي
-نار- هسه حشوفها شبيها لايضل بالجن شسمو يسر اساعدج؟
-يسر- لا حبيبي ميحتاج روحي ارتاحي وياي زينتي
ابتسمتلها وهزيت راسي ورحت ع غرفه واني كلني قلق على مرام خاف بيها. شي احد سمعها حچايه؟
راسلتها بس ماچان عدها نت دگيت عليها ماكو شسالفه شبيها اخذت موبايلي ونزلت كعدت ويا خالتي بالصاله
گعدت يمها وصرت اباوع عليها وجها مليان نوور وحنيه شكلها ينگرط گرط انتبهتلي وابتسمت وحچت
-ام الابتر: يمه جوعانه؟
نفيت براسي واردفت
-نار: عمه شجعد تسوين
ابتسمت وگالت
-ام الابتر: دا انجي كرافس
-نار: اساعدچ
-ام الابتر: علواه هاي زهراء وصبا فلا ينصخرن مرات يبزعني
ابتسمت وگمت اساعدها وگعدت وياها بقيت احچي على زهراء وصبا والله لو يدرن بيه اله يموتني هههه
گمت غسلت ونشفت ايديني مريت من يم غرفة الابتر اسمعه يحچي بالتلفون وگفت مصدومه وگلبي انخمش معقوله!
-الابتر: ها يبعد روحي انتِ .. هههههههه شتردين شتردين؟ .. لچ امووت لخاطرچ انا فدوه الچ اروحن فدوه .. اي وبعد .. فلوس تردين فلوس لك خررب انعل حسااان انطيني حسان انطيني خل اموته من اروح فدوه لهل حلگ
بلعت ريگ غورگت عيوني معقوله گام مايحبني لان رفضت نتزوج ز زين هوه گالي احبچ عجل ليش هسه تغير عليه هوه صاير بارد وياي حتى مايباوعلي شبي زعلان مني؟ !!
مشيت بسرعه غسلت وجهي ومسحت دموعي ورحت گعدت وياهم بقيت صافنه كلشي ماحچيت من احد يحچي وياي ابتسم مجامله وداخلي نيران
ممصدگه هوه دا يتغزل بغيري ويحبها ومايحبني وبعدين راح يتزوجون گدامي ولازم كلشي ما احچي توقعت من كلها الخيانه الا من الابتر ماتوقعت يخوني هه شبيه اني شگد غبيه عصرت ملابسي حييل من اجه گعد ويانه بس ..
بس ملامحه مگلوبه عكس قبل شويه چان يضحك ويتشاقه ويه البنيه بالتلفون هسه تأكدت كل شكي بي صحيح اني ليش غبيه ليش ينضحك عليه بسرعه صدگت بي وانطيته ثقتي ووثقت بي وماچنت اشك بي ولو بمثقال ذره وبالاخر هاي جزاتي لان رفضت
يعني معقوله ماتسأل ماگال ليش رفضت
يگدر يجي يسالني ويگول ليش رافضه ويطمني
انو م يحب غيري لان گلبي ممرود ما اتحمل ارجع انخذل
انخذلت من كل الناس اللي احبهم واولهم اهلي
گمت من مكاني الدمعه بطرف عيني وگفتني صبأ وگالت
-صبا: نار وين تردين هذا الغدى اگعدي تغدي
باوعت ؏ الغدى اجت عينه بعيني راسا وخر عيونه ياكل بدون لايهتملي
هزيت راسي بنفي واردفت
-نار: ما اشتهي اكلو انتو بالعافيه
طلعت وعفتها ركضت صعدت الدرج عبرت الطابق الثاني بسرعه وفتحت باب السطح وطلعت وسديت الباب
گعدت بالسطح راچيه ضهري ؏ الحايط ودموعي بكل مكان غمضت عيوني من لفح بوجهي هوى باارد لميت رجليني وخليت راسي ابيناتهن وگعدت ساكته وبداخلي حرب
بقيت كاعده بالسطح نص ساعه جمدت من البرد خليت شعري ورا اذاني وحچيت
-اووويي على اساس انييي هسه چاتله نفسي على ابوو عطووب خليتزوج يطبهم نعل ثنينهم هسه تطلع حبيبتو ذوق الضبااط اعرفو اني اعرفو همدااا
نزلت واني ميته من البرد لاگتني زينه وگالت حروح ردت منها تبقى وياي استحيي وحدي بس رفضت وكالت حاتم برا ينتضرني ويسلم عليج وحروح
ودعتها وبستها وگلتلها تسلملي على حاتم وراحت بقيت وحدي كلت يجي الابتر واحاول اقنعو واروح ع بيتي عيب كاعده هنا
دخلت ع غرفه لگيت البنات كاعدات وكلمن على تلفونها صرخت بوجهن
-نار- عااااااااع
طفرن ثلاثتهن وحچن
-صخاممم شكوو
-نار: ماكو شي بس ضوجه شكو كاعدات كلوحده صافنه ع موبايلها
-زهراء- همدااج وكعتي كلبي.. اوويي دا أحاجي ختيبييي سر سعادتي
هزيت ايدي وغميتها واندرايت على يسر
-يسر: داراسل صديقتي ع انستا ووحده تدز ريلز للثانيه وهيج مگضياتها
هم غميتها واندرايت على صبا شو هاي تربعت گبالي وگامت تحچي بحمااس
-صبا: ولجج نزلت برنامج يجنن يجنن اسمو "وتباد" يجنن القصص البي وياخذنج على غير عالم اوييي باعي البطل الا يشققق
-نار- عليج علي شوفيني
-صبا- اوكفي اجيب نمنميات من جوه واجيج
نزلت هيه واحنه سوينه كعده اجت فتحت الواتباد بالأيباد لان اكبر وكعدنه كلنا نقره وناكل اذا طلع مشهد يضحك ضحكنه واذا يبچي نكعد نلطم ثلاثتنه ونبچي واذا رومانسي وحده تدفر وحده ماحسينه بالوقت باوعت شفت الساعه 10 بالليل
خابر محمد وگال راح اجيب اكل من برا لا تسوون طلعنه احنه برا خالتي تنام من وكت وهيه متتعشه من الاساس تكول يثگل على معدتي وما اكل بالليل فـَ تنام من وكت واذا كاعده نلگاها تصلي وتقرا قرأن
اجه محمد والابتر وشهم من الشغل وهلمره دخلو سوه سلمو والابتر ما باوع علي ابد هوه الجابها النفسو اني الك سويت نفسي ممهتمه اخذت زهراء الاكل من ايد محمد وحطتو باصحن ع طاوله
-شهم- مييت جوووع ولجن ما ماكل من الصبح بالشغل وما يصحلي احك راسيي
-يسر- سووده عليه تعال غسل واكل
راحو الولد غسلو وكعدنه كلنا ع طاوله سئلو على خالتي وكلنالهم نايمه عافوها على راحتها حچه محمد
-محمد- نااار چا صديقتج اختنا وينها؟
غصت زهراء بالاكل واني كتمت ضحكتي وسويت نفسي ما اعرف شي
-نار- ياهي بيهن؟
-محمد: زينه
هنا أنفجرنه ضحك علي نعرف سوالفهم كلها
-شهم: لتصير لوتي كل سوالفك نعرفها ترا اكعد راحه
-محمد: يابه والله احبها امووت عليها هم ورايدها بالحلال بس هيه عنااد وراسها يابس فحطتنيي
-نار: ابتسمت وما حجيت شي ضليت ساكته كعدنه ناكل بهدوء
رفعت راسي لگيتو صافن علي بي باوعت علي نزل راسو وسوى نفسو جعد ياكل بس اني لگفتك اووي
كسرت الصمت زهراء واردفت
-زهراء: شهووومي حموشييي علاوووي
-شهم: يا ستار احجي ام الماصيب شرايده من هسه معليه اني
-محمد: ولا اني شوفي علي
-علي: يالله تصبحون على خير
قوست شفتها بزعل ودحكت عليهم وحچت
- بداعتي بدااعتي ضايجات طلعونه اماانه اماانه حباابين حباااابين حبااابييين باوعو حتى ناار ضايجه وتريد تطلع مووو نارووو؟؟
دحگت عليه وهيه گرصتني گرصه اجيت اعيط بس بالگوه كتمت صرختي باوعت عليها جان تغمزلي عود احجي وصبا ويسر واكفأت ويخزرن بيه بلعت ريكي وهزيت راسي استحيي يبووو على حضي اليوم يگصبني
ضحكو همه وگالو ننتضرجن بالسياره واذا تأخرتن خمس دقايق ماكو روحه
طفرنه كلنا فوگ وخلينه الاكل ع طاوله عسريع غسلنه ولبسنه بشتات فوگ التراكات مالاتنه وطلعنه عليهم
صعدنه بسيارة الابتر لأن چبيره الابتر يسووق وشهم ليجدام واني وصبا ويسر وزهراء ورا صفن محمد يريد يروح ويانه بس ماكو مكان انوب خالتي نايمه بالبيت فـَ بقه بالبيت غمنى ودخل متت علي ضحك شلون يدردم ويهز بأيدو
ربط موبايلو شهم ع سياره واردف
- شهم: نار هاج موبايلي شغلي على ذووقج
استحيت اخذ الموبايل بس مد ايدو واني مديت ايدي بتردد واخذتو منوو اكو اغنيه كلش احبها اني و24 ساعه اغني بيها وخابصه البنوات بيها
-صبا: لا عليك الله ما اختاريت بس نار تشغل ذوووقها خاايسس
-نار: اايي ما شفتيني صادقتج
هيه صفنت عليه واني صفنت عليها وزهراء ذبت نفسها علي ماتت ضحك شهم طگ من الضحك لحد ما. اختنگ ودمع ويسر جانت تشرب مي بزت المي بوجهي والابتر مدمعات عيونو من الضحك ويمسح بيهن
انوب صبا غمتني وما تحملت هم كامت تضحك واني امسح بالمي البوجهي واغم بنفسي على جفصاتي
-صبا: همدااج ثوله اني اعملج دخلي نوصل البيت
-زهراء: يااعلي يابو الحسن حموووت بالبيت راح تصير حرب عالميه ثالثه
-يسر:ههههههههههه يابوويه حمووت
-نار: انطمن رجاءً
كتمن ضحكتهن كوه واني وصبا كضيناها وحده تخزر الثانيه انوب شغلت " حبيبي هوه" وانطيت الموبايل الشهم
بدت الاغنيه والصووت عااالي وشتا وقليل ناس بالشارع كام يغني ويا شهم
-شهم: حبيبي من دوون النااس ذايب حنان واحساس من الجدم حد الرااس حبيبي هوه
-الابتر: الثانيه بدونه عمر كلبي علي مثل الجمر يمشي ورا زفت العمرر حبيبيي هوه
اصوااتهم تجنن واحلا من صوت المغني اني هنا حبيت انرفززز الاوووخ حجيت
-وااايي شهم صوتك حلوو
-شهم: هههههههه بعد روحي
هوه كال هيج جان تجي دفره من الابتر وهذا طگ ضحك واني هم هنا فشلت اجيت افتح باب السياره وانتحر ع فشلات الاجيبهن النفسي
-الابتر: احترم نفسك لا اطيح حضك بالقندره
-شهم: دروووح لاتصير الرجل القيوور براسي هاي نسيبتي نسيبتي
-الابتر: اشش انجب دوختنه
ضحك شهم ودار الاغنيه على اغنيه رگص وهنا بدت الوناااسه صرت اضحك معاهم وهاي اول مره اطلع هيج طلعه بحياتي كلها محد جام يطلعني وياخذ رأاي بشي اذا اريد شي يجيبون على ذوقهم او اذا ردت اطلع ميطلعوني ابد ميقبلون
دحگت بالمرايه لگيت عيون الابتر عليه ممن شفتو كبل وخرت عيوني اني كاعده بالنص ف ما شال عيونو عني الطريق كلو
نزلنه بحديقه تجنن وراح شهم تا يجيب ذره كعدن البنوات ع مسطبات واني صرت اتمشى يمهن ع زرع نزعت حذائي وصرت ادوس ع حشيش واضحك يديدغ برجلي
صرت ابتعد عنهم شوي نادتني زهراء كلتلها هنا ما ابعد اجه شهم وجاب الذره وانطانه صرنه ناكل ونضحك ونسولف ونحشش تمشيت شوي بعيد عنهم خليت ايدي بجيب الكووت الي لابسته اني ولبست الكلاو. غطيت بي كل وجهي
حسيت اكو احد يمشي يمي درت راسي لگيت الابتر وكفت بمكاني وصفنت علي بلعت ريكي سحبني هوه من ايدي وكعدني ع مسطبى وگعد جدامي
حچى كلمه وحده بس ما كال غيرها
-الابتر: ليش رفضتي؟؟
نزلت راسي بالكاع اتحاشا نضراتو اليريد ياكلني اچل بيها سكتنه فتره طوويله حيل ربع ساعه صاار صمت بعدين دحگت بعيونو واردفت.
-نار: هه ليش رفضت؟ ما اجيت وسئلتني من البدايه ما اجيت وكلت شنو الاسباب الرفضتيني عليها شصاير وياج؟ كل همك چان ليش رفضتك وليش ما وافقت عليك
بس هسه راح اروي فضولك واكلك ليش وشنو السبب الي رأفضه فكرة الزواج من وراهن
اولاً خايفه يجي يوم اتعير بماضيي الي اني ما الي ايي ذنب بي انت تعرف كلشي عني خايفه لا يجي يوم تعيرني بي او تستخدمو ضدي
خايفه ما اصير أم مثاليه الاطفالي خايفه يجي يوم أاذيهم بدون قصد ويبقون يذكرون اذيتي الهم!!
خايفه لا افرق بيناتهم وما انطيهم الحب الكامل خايفه من المسؤليه لان الزواج مسؤليه جبييره
بس انت ما اجيت فهمت مني لا كل همك جان ليش رفضت الدكتوور. المغرور الابتر
عفتو وگمت رجعت على لگيتهم واكفين على صفحه وينتضرون بينه من شافونه صعدو بالسياره واني ما حجيت شي الطريق كلو صافنه عَ شارع
شلت عيني لگيتو صافن علي بالمرايه بسرعه وخرت عيوني. وصلنه البيت نزلت من السياره قبلهم وصعدنه اني والبنات ع غرفه رادن مني احجي ليش ضايجه بس ما حجيت ولا حرف وما فكرت بي اصلاً لفيت راسي ونمت
ثاني يوم كعدت من وكت اليوم لازم افاتحو بالموضوع وارجع على بيتي خلص هاهيه شيصير خيصير ميهمني بعد
مارست روتيني الصباحي ومر اليوم طبيعي انتضرتو يجي ما اجه صارت الدنيا نص ليل وماكو كمت دخلت ع بيت واني ادردم بيني وبين نفسي لان انتضرتو ع فاضي
لاكتني زهراء عند الباب
-زهراء: هاا لج وين جنتي عزااا بارداات ايدينج شمطلعج بهذا البردد
-نار: سكتي عفيه غير كلو من ورا اخوج
-من اخويي؟؟
-نار: چا عجل منو؟
شو هاي صفنت بوجهي وطكتها بضحكه بصوت عالي وحچت
-زهراء:هههههههه هسه حددي چا لو عجل؟
انوب اني صفنت عليها وتعديتها واني افرك بأيديني
-نار: اويي عفيه شمدريني
- همداج الفاهيه لهجتج عشقيييي
-اوييييي حوياتشييي
ضحكنه ودخلنه ع غرفه
-نار: تنهدت ودخلت وياها بالفراش وهيه سوتلي مكان بحضنها ابتسمت ودحست نفسي وياها وهيه ضحكت وغمتني الادبسز تعرفني اموووت بالحضن
-زهراء: ليش تنتضرينه برا وليش البارحه ضايجه احجيلي اني اعرفج احجي احسن لا تندفرين
-نار: تنهدت وصفنت شويه وبديت احجيلها كلشي ما ضميت عليها شي لان اني ضايعه وما اعرف شأريد التفكير اچل عقلي اچل وماعندي اخت او ام اكبر مني وتنصحني تمنيت لو ماما وياي بهاي اللحضات
هيه بدت ترزل بيه. لان ما احجيلها ورا شوي گالت
-زهراء: شوفي نار ثنينكم غلطانين انتِ ما عرفتي تعبرين ورفضتي قبل ميخلص حچيه وهوه فهمج غلط وعصب من تصرفج وثنينكم عناد وراس يابس وما تتحاچون
بس مستحيل يخونج الابتر نار هوه كلش يحبج. ومتعلق بيج لو تشوفين لهفته وخوفه عليج لو تشوفين الابتسامه الي تنرسم على عيونو من ينحجي بيج كدامه
-نار: بس انيي سمعتوو باذني زهراء سمعتوو يحجي ويَ بنيه شتفسرين هذاا التصرف؟؟؟ بعدين اني ما غلطانه هوه الغلطانن خوووش
-زهراء: ماعرف شمدريني انييي اووويي انتضري اذا ما اجه وحجالج شي تصرفي بالتصرف الي تشوفينو مناسب ولا تتسرعين
تنهدت وهزيت راسي ونمت بعد تفكيييرر طووويل كعدنه ثاني يوم على جعير صبا كلعاده
-نار: امممم صبااا حبابه باارده وخري يمهه ولج وخري اكوم اكوم بس. وخري
-يسر: يبوووووو ولج يماااااع تعاايييي على هايشتجج اربطيهااا كامت ترفس بيينه ولججج يمااااعععع
-زهراء: يااااعلي ولجن هدني اليوم اكوم ادوس ببطنها هاي الادبسززز ولككمم هدوووني
-نار: محد كاضبج كومي واني وياج
-صبا: كووومن يلا شووو كومن ادبسززيات امي تصيحچن برا اليوووم عدنه خطاااررر كووومن
طفرنه كلنه وحچينه سوه
-خطاااار شنووو؟
-صبا: ايي ولجنن ايييي عدنه عرسسس عرسس يبووووو كلللليش
كامت تهز فوكانه وتركص واحنه صافنات انوب ضحكت على صفنتنه وتربعت جدامنه وحچت
-صبا: باعن صار اسبوع محمد كال الماما اريد اخطب زينه وانطاها خبر بس هيه ممجاوبه وعرف جوابها شنو وعافها بدون ميكوللها شي اتفق هوه والولد وماما بدوون علم احد بس انيي اصيييد السالفه وهيه طايره المهم ههه
ذبت شعرها على متونها وكملت
اي فـَ شسمه كاال اخذ مشيه تسدد عينن المطي واسوي سبرايز الحبيبة روحي صفرتي من حتوووومي. واليوم ياخذون المشيه الزلم وامي واحنه نروح نشووف العرووس فـَ خلصت الساالفه اويي
صفنه عليها شوي وصرخنه سووه وكمنه سوووه ركض ركض غسلنه ورحنه نزلنا على خالتي
-صبااح الخيرر
-ام الابتر: هلا هلا ببنياتي هلاا
بوستنه دحكتلي وحچت
-يوم الكم يمه وتفرحون گلبي عااد
صارن يگرصن بيه البنات واني صرت حمره من الفشله حجت زهراء بصوت عاالي
-زهراء: يماااااااع ليششش ما تكوليلنه من وككت شكووو احنه خطااار علمود ندريي اوول يوووممممم
-يايمه حمووودي رايد يسوي مفاجأة الحبيبته انتن شكو فوووتن تحضرن عسرريع وهاهيه هيه بس مشيه مو حفله ياعيني
حجيت اني
-نار: عجل خاله زينه شلون ماتدري لا متحضره لا شي والمحسن تخزينه اذا ما كلنالها
ضحكت وخلت شيلتها على وجها كزكزت يبووو انوب كالت
- معليجن يمه لا تكووللها وخلن الموضوع عليه
ركضنه صعدنه فوك واجينه لملمنه البيت وعزلنا ترتيب سريع واجينه نتجهز انطتني زهراء فستان من عدها اسود قصير اربع اصابع وبي كسرات نااعمه من عند الخصر وهاادء
ماردت اللبس شي اووفر هوه بس احنه حنروح ومو حفله على كولة خالتي والبنات لبسن ملابس محجبات همينه فساتين صبا لبست فستان بنفسجي وبي ورد ابيض ناعم
ويسر لبست فستان احمر وع خصر أويه سوده ومن جوه بي نفشى يجنن
اما زهراء فـَ لبست فستان زيتوني وبي تول فوگا يجنن خلن مكياج هادء وكلش طلعن حلوات
اجيت لبست الفستان اني وشسورت شعري وكصيت غرتي صارت تجنن خليت تنت ولبست كعب ناصي خليت عطر كلش طلعت حلوه
رادن مني اخلي مكياج اكثر بس اني ما احبو ولا بحياتي مخليه غير بخطوبة زهراء باوعت ع ساعه جانت الساعه 2:00 الضهر بالشتا يمر الوقت بسرعه ف طلعنه من وكت
طلعنه برا لگيناهم ينتضرونه شافتنه خالتي وحچت
-ام الابتر: اللهم صلِ على محمد وآل محمد يمه عين البارده عليجن سوده عليه طالعاات تجنن ولجن يمه مو هيج خاف تنحسدن
ضحكنه ورحنه حضناها سوه وبوسناها حچت يسر
-اووييي ماما اوييي قابل نصل الجمالج صا ساعه نلبخ وخو انتِ بس خليتي كحله طلعتي تجننين
ضحكت بخجل وباستنه دحكنه لگينه الولد واكفين جدامنه ويدحكون علينه حچه محمد بتوتر
-محمد: ولجنن طاالع حلووو اننيي ابيين رسمييي؟
باوعت لگيتو لابس لبس رسمي قميص ابيض وبنطرون اسود واليلگ بأيدو سويتلو حركه بأيدي وحچيت
-نار: لكك شنوو محمد غير طالع تطگ بالكااع وعلي ما عرفتك
-زهراء: اتفققق اتفققق شووو شووو اندار اوووويلي يابه
ضحكنه عليها وحچى شهم وهوه يهز بأيدو
-شهم: تخسووون توصلون الجمالي
باوعت لگيتو لابس تيشيرت اسوود وقميص اسود وشعرو رافعو ليفوگ ولابس نضارات شفافه يبوووو وينج مرام تعاي شوفي الطرگاعه
-صبا: لااا عيني جمالك يفووووزز يفوووز يفوووز محححح
سوه حركه بأيدو وهوه يتناوش البوسه ضحكنه علي اندارينه على صوتو الحااد
-الابتر: اذااا خلصتوو سوووالف تكدرون تطلعون لان تأخرنه الناس تنتضر برا
اندرايت على صوتو يمه نضرتو تخووف وهوه يخزر بيه عود يقاار اوويييي ابوو عضلات يقار الابسزز
باوعت شفتو لابس قميص أسود وبنطرون اسود وفاتح اول دگمتين من القميص ورافع شعرو ومحدد شورابو ولابس بوتين اسود يلمع وساعه فضيه ونضارات سود
رفعلي حاجب واني بسرعه وخرت عيوني عنو هه عبالو اني مهتمتلو هسه وادحك بوجهو؟
حچى محمد
-محمد: اوگف تعالن ناخذ صوره قبل ما نطلع
اجينه وگفنه يمو وشهم واگف وراي اخذ النه اكثر من صوره وطلعنه
باوعت شو هذا يخزر بيه ويهز براسو يتوعد اوويي عوود عبالكم خفت منو ابو النسوووان؟
صعدنه بالسياره وانطلقنا على بيت اهل زينه همه بيتهم قريب على بي اهل الابتر
كضينه الطريق كلو هوسات وركص واغاني وسياارات كووومه ورانه عبالك زفه
وصلنه بيتهم سوولنه طريق الولد ندخل وراحو همه دخلنه دگينه الباب وطلعت ام حاتم هلت ورحبت بينه دخلنه كعدنه بالاستقبال
راحت هيه وشويه واجت شايله ماي وقدمتلنه وضيفتنه كمت اني وكرصت زهراء وأشرتلها كمنه اني والبنات صعدنه فوك لگينه العروس نايمه
دفرت الباب ودخلنه وصرنه نهوس ونرگص ونهوس ونهز جتف للكاع ونهلهل كعدت هيه وصفنت علينه وشعرها مهوس على وجها ضحكنه على شكلها وطفرنه كعدنه ع تخت يمها
-صبا: شوووف عرايس اخر وكت اخخخ هاي لو اني عروس جان حركت الجووو ولكم اخخ وين ملازمي ويينووو
-يسر: ياااا منو ملازمج ادبسزز
-صبا: اوويي سكتي لا ادفرج لوووو ملازم لووو ملاازم لووو ذاابط لووو مااا اريييد عاااا مااا ارييد.
كمنه نضحك عليها وهاي صافنه ضربتها راشدي درت وجها بي صحصت شوي وحجت
-زينه: شنوووو منوووو عروس اني وين حلم هذا؟
-زهراء: لا حبيبتي هذا مو حلم احنه صحيح جدامج هسه وحبيبش مسويلج سبرايز ولام عليج اليوم كل العگل وهسه همه بالديوان
طفرت من مكانها وراحت ع شباك شافت السيارات اباوع اللمعه بعيونها كامت تكمز اجت كعدت يمنه وصارت تكفخ بينه واحنه نضحك على فرحتها شوي ودگ موبايلها
شالتو وكامت وكفت بعيد عنه وصارت تلوي شعرها على ايدها وتحجي ويا طفرت اني وخليتها تفتح سبيكر حچى هوه بصوت خشن يماااع كرشت
-محمد: محبوبتي تستاهل الم كل العالم واجيبهم مشايه الها بوويه احبج اني يابعد كل اليحبووون
احنه صرنه نگرص بيها ونغمز ونأشر هيه غمتنه وسدت السبيكر وابتعد وصارت تحجي ويا شوي واجت كعدت ويانه والابتسامه شاكه حلگها هزت ايدها صبا واردفت
-صبا: هه من اكول عرايس اخر وكت متصدگن ولججججج فاااهييه امي برا تنتضر بيج تا تشوفج غيرر عروس انتِ
طفرت هيه كن مكانها واردفت
-زينه: ولجننن شلبس شلبس يبوووو ما تكوللي صخااام بعيني صخاأاام
انخصبنه معاها وگمنه ندوور اخر شي لبست فستان بدون ردان وشوي بي گصر وهم اسود وبي كرستال ناعم خلت شعرها على حلتو وخلت كحل وحمره وطلعنه
ردات تسوي كهوه كتلها روحي واني اسوي معليج
راحت هيه واني دخلت ع مطبخ سويت كهوه وطلعت حلويات من الثلاجه وخليتهن بصينيه ودخلت قدمتلهن
زينه *
كعدت من النووم على صوت البنات عبالي اني بحلم ضربتني نار راشدي صحصحت شويه وبديت استوعب حبيبي جاي يتقدملي؟؟
يبوووووووووعععع طفرت من مكاني والفرحه غامره گلبي هوه ما گالي راد يسويلي مفاجأة واحلأ مفاجأة صارت الي باوعت من الشباك شفت السيارات ماليه الفرع وكلها تباوع مستغربه دگ موبايلي شفت المتصل "محمدي" ابتسمت وجاوبت
-زينه: الو
-محمد: هلا يبعد الألوو هلاا يروح الألووو
-زينه: عزاااا محمد شنووو هذا يمه گلبي
-محمد: بووويه ابوووس الفرحاان اني تستاهلين الم العالم كله واجيبه مشايه الج
-زينه: لتصير ادبسزز شنو ابوسج
-محمد: هههههههههههههه بوووييه
ابتسمت ونادني البنات سديتو منو ورحت عليهن گالن خالتي تنتضر برا وهنه اجن وياها فطرت احتاريت شنو اللبس بس لبست فستان اسود بي كرستال ردت سوي كهوه بس نأري كالت اني اسد دخلنه ع استقبال سلمت وبوستها وكعدت يمها
دخلت ع استقباال وشافتها خالتي وصارت تصلي على النبي وتبوس بيها
-ام الابتر: ماشاءالله حبيبتي اللهم صل على محمد شحلات بناتي
ابتسمت زينه بحياء ونزلت راسها ضحكت خالتي وگالت _
-ام الابتر: هههه يمه مانطولها عليكم احنه جايين نخطب بنيتكم المزيونه لابنا محمد على سنة الله ورسوله وكلشي تطلبون احنه حاضرين واحنه گرايب واهل ولوما نعرفكم ونعرف اخلاقكم مانجي نطلب منكم
-ام حاتم: كل الهلا بيكم ام علي شرفتونا ونورتونه ان شاء الله نشوف رأي حاتم وبنتنا وننطيكم خبر
p
بقو گاعدين شويه وراحو ردنه منهم يبقون بس ما قبلو يضلون
طلعو همه ودعت البنات ورجعت صعدت فوگ ركض ركض اباوع. من الشباك ع سيارات والناس الجايبهم يمه غلبي
مشت السيارت واني ذبيت نفسي ع سرير وصرت اطفر منا ومنا واضحك مثل المخبله شلت الدب وخليتو بحضني وصفنت بزاوية الغرفة واني مبتسمه
بعدين ضحكت بصوت عاالي وكمت عزلت الغرفه وسبحت لبست تراك اسود كعدت دامشط واندگ باب الغرفه
-زينة: منوو؟
- حاتم: اني بويه
-زينه: اتفضل حبيبي
عدلت كعدتي وخليت شعري ورا اذاني وانفتح الباب ودخل حاتم الحزن مغيم على وجهو
كعد يمي وباس راسي وحچى
-حاتم: بنيتي صغيرتي جميلتي كبرت وراح تتزوج وتعوفني وحدي
برطمت شفايفي بزعل وباوعت علي وحچيت
-زينه: معليه شنو ما ازوج خيولون ارفض
ضحك هوه وحچى
-حاتم: لا عينيي الصفره ترديني ارفض صاحبي ماكو ماكو
اني انصدمت شمعرفو بأسم الصفره؟ هوه شاف صدمتي وحچى بضحكه
-حاتم: ههههههه لاتنصدمين اجه عليه هذا المطي وگال اريد اخطب صفرتكم على سنة الله ورسوله
دكيتو بالنعال مرتين ورفضتو بس هوه مطي مجلب يا صفرتكم يا صفرتكم
ابتسمت ونزلت راسي بحياء هذا يضل فاضحنه اني اعلمك الازرگ بسيييطة
-حاتم: بوويه موافقه انتِ؟؟
-زينه: بكيفك انتَ
-حاتم: حياتج هاذي ياعمري ميصير بكيفي كوليلي موافقه لو اطلعو جلاليق؟
-زينه: موافقة
ضحك هوه وباركلي وكعد يمششط شعري وبقى يمي شويه وطلع
اجاني اشعار من محمد فتحته وشفت كاتبلي
-محمد: عيني سندس شوكت توافقين عاد فتيتي كلبي؟
-زينه: امممم دافكر احتمال ارفض
-محمد: اجي اخطفج ومحمد هيه مال خطووبه هم اقلل مصرف وهم اخذج واهج بيچ
-زينه: عزاااا يمه امشيي الازرگ اني اعلمك شلون تكول عليه الصفره كدام حاتم
-محمد: ياااعلي ميگدر اذا ما يفتن اني اعلمه هذا هم اشلع گلبه. بسيطه معليح صفرتي اني احبج
ضحكت وبقينه نحجي شويه واترخصت منو صارت الدنيا ليل وكمت سويت عشه وتعشينه وغسلت المواعين واجيت كبل لفيت راسي ونمت
نار*
طلعنه من بيتهم. والطريق كلو ركص وونسى وضحك وصلنه البيت دخلنه واختفت صبا شوي واجت شايله الدي جي
شدت الشاال على خصرها واجت تركص
-محمد: لككك عاااااششش هزي بعد اخووج هزي كابليني
تگابلو محمد وصبا كامت تهز جتف وگابلها شهم وصارو يهزووون للگاع
صرنه نصفك اني وزهراء ونباوع عليهم ونضحك
-صبا: انا المسيچينه اناا
-يسر: انا المضيليمه انا
-شهم: انا الي باعوني هلي بدينار بااعوني
-محمد: لطكك روحي وامووت واكابل اهل الكووت
طفرت زهراء بنصهم وسحبتني واردفت وهيه تهز بجتفها بصورة سريعه
-زهراء: واصير مخبله واصير مسووودنه
خالتي صارت تصفگ وتهلهل فوگانه وتضحك على خبالنه طفرت اني وصرت اهز بخصري واغني
-نار: ارووح للملا علي اگله يا مُلا علي شاايب وانا بنيه وانطوني فصليه
-محمد: لكك هلاااا نسيبتييي اللعب للكاع للكاع
صرنه نهز ونركص كلنه سوه ونضحك ونغني متت ضحك تعبت وابتعدت عنهم شفتو من بعيد يدخن جگاير ويدحگلي بخزره ما اهتميتلو ولا كأن موجود رحت ع مطبخ شربت مي دخل ع مطبخ وسحبني من ايدي
-نار: ايييي ايدي وخر شبيك تخبلت عوفني؟
ما سمع مني سحبني ودخلني على غرفتو قفل الباب ودفعني ورا الباب وهوه يدحك بعيوني ويخزر بيه ويلهث
-نار: شكوو شبيك شلووون تسحبني من ايدي هيج بعدين لوو احد شايفنه شيكوول علينه ويين ان شاءالله قفلت الباب افتحو اريد اطلع يلاا
-الابتر: ناااار واصله حددهااا ويااااج كاااافي لوووين تردين توصلين بععد؟
كتفت ايديني واني ادحكلو ببرود
-نار: لاتصيح علي
مسح وجهو وعصر عيونو قوووي وحچى بهدووء مليان غضب وعصبيه
-الابتر: شنوو هذا اللبس وشكووووو تتمرگصييين بنصهممم تردييييننن تشعلييييني موو عنااااد بيه تهزييين بخصرج بنصهمممم شااايفتنييي مگرننن؟
-نار: شبي لبسي؟ وبعدين شكو عليش اشعلك شدخلك بيه انتَ
-الابتر: نااار لا تستفزينييي وااصله حدهااااا وياااج والحسين تعبتيي كافي اني اسف فهمتج غلط بوقتها هسه زين؟
-نار: لا مو زين روح الحبيبتك الي تحبها
صرت اقلد علي واسوي حركات بأيدي
-اووويي اشتعل حساان تردين فلوس حبيبتي اوووي عيني اووووي
رخت ملامحو وباوعلي بأستغراب. دفعت ايدو وفتحت الباب تا اطلع ورجع سحبتي من ايدي وسد الباب ودفعني علي واردف
-الابتر: شنو شتحجين انتِ؟
-نار: سمعتك اني سمعتك تحجي وياها وتتغزل بيها تجي تنكر علي تجيي تنكر؟
بلع ريگ وخله ايده ع الحايط وگال ببرود
-الابتر: على هايه زعلانه؟
-نار: تررره مووتتني شنو هالبروود
-الابتر: أووفف شكد احبها .. عيونها حلوات مثل عيون الحوريه وشعرها خوب خصرها من ترگص
عقچت حواجبي وضربته على صدرو ماخليتو يكمل وصحت
-نار: أييي عجل عووفني عووفني شكو تجذب عليه ها؟ شكو تگول احبچ
مشيت اريد اعبر من جوه ايدو ما اخس غير جرني علي وباسني بشفايفي .... يتبع
انتهى البارت 💚
.
.
تعليق ع الفقرات+ تصويت
ترا مايصير اني اكتب وانتو بس تشاهدون
اذا ما تصوتون وتعلقون عجل لاتقرن شكو بس تدحكن واليعجبها كلامي على عيني وراسي والما عاجبها يطبها مرض واني راح احذف الروايه من وراكم