خطوات نحو الموت
#للكاتبة جيهان آغا
لا تنسون الصلاة والسلام
على سيدنا محمد وعلى ال محمد
حبايبي تعليق بين الفقرات وتفاعلكم مع الرواية
و قراءة ممتعة
____________
بكلام خيلع حفزني صار وقت الأكل
رحت اجيب بطل مي وجان اشوف
اسد راح يم صديق حازم والصدمه
ذاك اول ما شافه ضربه بوكس
اسد - ااااخ شبيييك مخبل
الخيلع - لا صرت مثلك
اسد - خويه شبيك ويايه
الخيلع - انجب ولا تكول خويه
عمري ما اشرف اكون اخ لواحد
مثلك
اسد - اكلك شو انت هواي شايف نفسك
شنو سالفتك حازم كال روح
شوفه ليش ضايج واني جيت اشوف
شبيك وانت تضربني
بوكس والله عيب عليك
رواسي - واكفه اسمع كلامهم
اشو هذا الخيلع صارت عيونه حمره
وتغير كل لونه دمارات ركبته طلعت
من نفسي خفت وهذا اسد ضل مثل
الاثول صافن علي
وذاك مسكه وضربه بوكس ثاني
خليت ايدي على حلكي من الصدمه
اجه حازم ركض فكهم
حازم - شبييييكم تخبلتو انتو صغار
وهيج تسون
اسد - ولك والله مو اني صديقك المخبل
الخيلع - اني مخبل هسسسه اعلمك المخبل
شيسوي
حازم - كااافي عيب هسه الناس تحس علينه
وانت اسد انجب خيلع مو بعمرك وتكول
علي مخبل
اسد - بسيطه والله العظيم هل ضربه
ماتمشي هيج بسهوله بسيطه
رواسي - راح اسد وحازم التفت على الخيلع
كله
حازم - خويه ليش هيج مسوي بي
الخيلع - ماحب هل زعطوط تصرفاته
مايعجبني
حازم - ها وتروح تضربه
بوكس بيوم عرسه هههههه
الخيلع - يستاهل اكثر
حازم - ليش هههه
الخيلع - كافي حازم مو وكت شقاك
حازم - ههه ماشي خويه تعال نروح خلي يولي
الخيلع - روح واني اجي وراك
حازم - ماشي
رواسي - راح حازم وبقه هذا وحده
طلع جكارته يريد يشغلها كتله
لا لا عمو مو زين عليك وحرام
ليش تأذي نفسك
التفت عليه مستغرب كال
الخيلع - شجابج هنا
رواسي - تقدمت كم خطوه صرت
مقابيله عيوني بعيونه كتله
اكو عامل مشترك بينه بس ماعرف
شنو هوه
غمض عيونه وكال
الخيلع - اااخ تعبان
رواسي - فتح عيونه حمر كال
الخيلع - روحي بويه ماكو شي
رواسي - عمو اعتذر منك
الخيلع - ليش
رواسي - لأنو حجت بالسياره وهيج
صرت عصبي
الخيلع - ههه لا ماكو هيج شي
رواسي - هسه تصالحنه
مديت اصبعي ايدي الصغير وكتله
يلا نصالح
هذا ضل صافن عليه كتله
عمووو شبيك
مد اصبعه الصغير على اساس
تصالحنه اشوف هذا اصبعه الصغير بكد
ايدي هههه ضحكت على نيتي
كال
الخيلع - دوم بويه بس ممكن اعرف
على شنو تضحكين
رواسي - هههه اضحك عليك عمو
شوف اصبعك الصغير بكد ايدي
الخيلع - ااخ يارب صبرني
رواسي - اشو هذا ماعرف شصار بس
كال ااخ يارب صبرني وراح غريب هذا الرجال
بكلشي غريب رجعت كملنه العرس حتى دبكة
وركصت ماتو قهر كلهم استغربو بعدين رجعنه
للبيت اجه حازم كال
حازم - بعد اخوج انتِ زينه مو
رواسي - كلش
حازم - عساج دوم
حرب - لا بنيتي بطله
رواسي - ابتسمت
وصعدت فوك بغرفتي
كبل رحت للحمام فتحت
الدوش وكعدت ابجي
ليييش هيج لييييش جان
لازم اني اكون مكانها ليييش
اسد لييييش هيج تسوي بيه ليش
انه انه شنو شنووووو ذنبي ليش
ولك حبيتك والله حبييييتك ليش هيج
تسوي لييش كاااافي رحموني اني
بشر مثلكم تعبت
طك خشمي دم وختنكت رفعت ايدي
لسما والمي ينزل عليه كلت بكل
انكسار
ياااارب انت الغني ونحنُ الفقراء
يارب انت اقرب لنه من حبل الوريد
يارب انت الرحمن الرحيم
ارحم الراحمين ارحم علينه من انفسنه
يارب اني تعبت يااارب عبدك في ضيق
وكرمك واسع ربي واسع لا يضيق يارب تعبت
تعبت ربي تعبوني يارب ظلموني وموتوني
حسبي الله ونعم الوكيل عليهم
يارب دعوة يتيمه ربي يتيمه ومظلومه
يارب حوبتي وتعبي وكل ظلمهم يطلع بيهم
اضعاف ربي اضعاف يلي سو بيه
الحمد لله والشكر يارب على كلشي
الحمد لله ربي
ضليت ابجي بدون صوت صوتي راح من
البجي سبحت وطلعت نشفت شعري
وجان اشوف صديق حازم دازلي
رساله كاتب
الخيلع - شلونج رواسي عادي نحجي
اتصال
رواسي - رفعت حاجبي مستغربه
شنو اتصال ساعه 11 ونص بالليل
شبي هذا كتبت
لا عمو نعسانه
كتب
الخيلع - بعد عمج مايلوكلج
الجذب
رواسي - عزه شلون عرف جذب
كتبت
عمو تعبانه شويه
الخيلع - جا سمعي راح ادزلج بصمات
سمعيهم وركزي ويايه
رواسي - ماشي
بده يدزلي بصمات صوته ينصحني
ويحفزني هوه يدز بصمات واني ارد
علي رسائل وعلمني
شلون اهدي نفسي من اتوتر
وهواي حجينه يومها اشوف صارت
بال3 الصبح كال
روحي نامي اليوم حجينه هوايه
كتله
ماشي راح واني تمدتت اريد انام
ماكدر والله والله ماكدر انام كل شويه
افكر بكلامه واكول والله صح اي
صح كلامه لازم هيج اكون وهيج اكون
واني قويه
لا ارادين كمت اردد كلامه وبعدين نمت
وهيج مرات حياتي بين الدراسه والبيت
مرات ايام وشهور وصرت مرحله ثانيه كليه
بيوم من الأيام جنت ناطره حازم او
ابويه يجون ورايه خابرني حازم كال
حازم - رواسي خويه الخيلع راح يجي
وراج اني ماكدر اجي
رواسي - ليش ماتكدر
حازم - وربي عندي هواي شغل وخيلع
كال بنت اخته هناك ماعرف منو وكال
راح اجيبها ويايه
رواسي - ماشي
سد الخط واني بقيت انتظره التفتت
شفت شلون اسد اجه وره نور نزل
فتحلها الباب وهيَ جتي باسته
وراحو فرحانين واني الدمعه بعيني
وجان يجي الخيلع اباوع ماكو احد وياه
صعدت بالسياره سيارته مضلله كتله
عمو وين بنت اختك
الخيلع - صعدي بويه هسه افهمج
رواسي - كدام مو
الخيلع - اي طبعاً
رواسي - صعدت شغل السياره ورحنه شويه
وكال
الخيلع - جذب
رواسي - استغربت كتله
شنو الجذب
الخيلع - ماجاي وره بنت اختي جاي
وراج انتِ
رواسي - شلون يعني
الخيلع - رواسي انتِ صدك متحسين
لو علمودي هيج تسوين
رواسي - عمو شبيك على شنو تحجي
اني هيج كلت وكف السياره وكام
يصيح اول مره يصيح عليه
كال
الخيلع - كاااااافي عمو عمو عمو كاااافي
عمو العماني ووويني وين العمو
فهميني ليش هيج تسوين بيه رواسي
الله يخليج الله يخليج فهميني كافي تعبت
رواسي - كمت ابجي كتله
عمو شبييك ويايه ليش تصيح
الخيلع - لا تبجين
رواسي - دموعي مو دموعك
الخيلع - اكلج لااا تبجين
رواسي - شبيك اليوم
غمض عيونه وجر نفس بكل تعب
كال
الخيلع - حسي يابنت الناس اني تعبت
رواسي - بدموع /
عمو والله كمت اخاف شكو شبيك
الخيلع - هم كالت عمو لا تخليني اسب العمو
وعشيرته بسس شيلي كلمة عمو كل الخير يجي
رواسي - سكتت ماحجيت شي
شويه وكال بتعب شكله كلشي جان
تعبان كل ظني علمود الشغل تعبان
وجان يكول
الخيلع - ااااخ رواسي تعبت والله والله تعبت
اني احبج فهميني واريد اتقدملج
رواسي - هوه هيج كال واني جمدت بمكاني
ماعرف شحجي وشكول والله نصدمة
بكلامه حسيت وكف كلشي بحياتي
بهل كلمه ضليت فاتحه كل عيوني من الصدمه
معقوله حلم هذا لو حقيقه شهل حجي
راد يكمل ماخليته وصرت نااار
كتله
كله منييي انه كله مني ثقيت بيك
هاي تاليتها ووولك هاي تاليتتها انت
صدك واحد ما تستحي
اشوف صار نار عيونه حمر كال
الخيلع - شسوووويلج بس كليلي
شسوووي صارلي 7 سنين احبج والله
احبج وساكت واكول لا مايصير انسى
خيييلع انسى مايصير بس ماكدرت
والله ماكدرت وووولج اني من يومل
الشفت صورتج بجهاز حاازم واني كَلبي
يمج
طحتي بحضني واني اموت الف موته
بحبج وماكدر احجي ساكت
اموت لأنو ماجنتي الي كل ما اراسلج
كله اني مخطوبه اسد هيج اسد هيج
اسد هيج كاااافي اسد كااافي كرهته
والله والله كرهته من وراج
ولج طحتي بحضتي طحتي بين
ايدي وانتِ مريضه روحي جلبت بيج
اصيح بأسمج يم طليقتي وصلت
هل مرحله احلم بيج اكعد افكر بيج
دووومج ابالي والله دوم احبج رواسي
رواسي - كافي لا تكمل
الخيلع - يابنت الناس ووووالله احبج
والله جاي من الباب
اريد اتقدملج على سنة الله ورسوله
تعبت رواسي والله تعبت احبج
حسي بيه
رواسي - بدموع / اي تشوفوني فقيره
وعلى نيتي تقشمرون عليه
انتو كلكم نفس الشي كلكم جذابين
جر نفس وكال
الخيلع - يارب سهله علينه يارب
شوفي رواسي فكري زين وعلى راحتج
رواسي - لو تموت ماريدك
ولا احبك
الخيلع - سهله بويه سهله وانتِ الي
ماتصيرين لغير فهمتي
رواسي - لو تموت
وصلنه قبل لا انزل كال
الخيلع - عود انتظر ردج
رواسي - كتلك لو تموووت
هيج كلته وهذا عيونه حمر
من الأعصاب عفته ورحت كبل
لغرفتي قفلت الباب وابجي ابجي
تعبت اني تعبت والله تعبت ماريد
احد يحبني ولا احب احد ماريدهم
كلهم ماريدهم
على بجي نمت اني وملابسي
شويه وكمت جسمي مكسر تكسير
اشوف الساعه بال7 المغرب عزه شكد
نايمه والصداع موتني كمت سبحت
ونشفت شعري وصليت ونزلت جوه
عيوني مورمه من البجي امي شافتني
كالت
انسون - يمه بيج شي ليش هيج عيونج
رواسي - لا يمه شويه حساسيه
انسون - عبالج ماعرفج اااخ يارواسي
رواسي - رحت حضنتها وهيَ تبجي
كتلها
يمه مشتاكه لحضنج
انسون - بدموع /
اروحلج فدوه يمه شبيج كولي
رواسي - مسحت دموعي وبستها وكلت
احبج ألله لا يحرمني منج
يمه وين الباقي شو ماكو
انسون - حازم وآراس طالعين ويه اصدقائهم
وعلوش وابوج بالمحل
رواسي - حلو زين تعالي اني وانتِ
نسوي كيكه شنو رائج
انسون - اممم خوش فكره
رواسي - هههه فديتج اني
يلا
رفعت شعري وشعر امي ولبسنه
الصدرية مال طبخ وكفوف وكلشي حسب
الأصول ههه وسوينه كيكه كلش ارتاحينه
وفرحنه
شويه اجه بابا
حرب - صلوات على محمد
ها شعندكم
رواسي - يمه فدددديت الصاك مالنه
رحت بسته كال
حرب - لا اليوم اكو مناسبه كيك
وفديت الصاك احجو شصاير
انسون - بنتك عسل وقشطه تعرف لو لا
حرب - شكد قديمه من اول ثانيه
نورتنه هيج هيَ
رواسي - اووو خجلت ههه
حرب - بعد ابوج يلا اني مشتهي
كيك ريحته وصل للمحل رجعت ركض
رواسي - هههه
انسون - هههه
رواسي - روحو كعدو شويه ويجيكم
الكيك يا احلى واطيب كيك انتو
حرب - الله يرضى عليج بنيتي
رواسي - حبيبي
راحو واني نظفت المطبخ ورحت سويت عصير
برتقال طبيبعي صار الكيك خليته عل ميز يبرد
سويت الصوص
ماله قشطه وكاكاو وزينته الكيك
وكطعته اجه حازم يركض ضحكت علي
كتله
هههه شبيك حزومه
حازم - ولج شهل ريحه التخبل
شمسوين
رواسي - هههه كيك
حازم - اكول ريحه تخبل
فدوه جيبيلي قطعه
لغرفتي عندي شغل
رواسي - تم من عيوني ادلل
حازم - سالمة عيونج بعد اخوج
رواسي - باس راسي وطلع
واني قطعة الكيك كل واحد
وقطعته واخذته لغرفهم ورحت لغرفتي اكمل
درس فتحت الموبايل ماكو ولا رساله
منه عشتو بعد هوه الشايف نفسه
خلي يولي
سمعي رواسي عوفي هل رجال احنا بعد
مانحب احد كلهم جذابين اي كلهم
ثاري جان يقصدني كل مره يكول
اهلي يردون ازوج واهلي يردون اخطب
واني تعبان بس اااخ مني واااخ من كَلبي الفطير
نزلت جوه احظر عشى اريد
مافكر بكلامه بس ماكدر كلت اروح اكول
لحازم بس حازم واحد عصبي وكلش
يحب صديقه ماريد تخرب علاقتهم يارب
والله حايره وماعرف شسوي
بقيت لمدة شهر لا شايفته ولا شايفني
لا مراسله لا كلام لا زياره قبل يومين
اخويه كال كلش تعبان هل فتره
من هيج كال حسيت بشي
غريب يمكن صدك حبيته وحبيت سوالف
يضحكن يهتم بيه لا لا رواسي شنو حبيتي
مستحيل لا اكيد مستحيل
زين واذا صدك حبيته شسوي
ربي ساعدني
بعد مرور شهرين
صار شهرين وهوه ماكو قبل
يومين نزلو واجب هوه وحازم
رحت خابرت اخته ميسم جاوبتني
تبجي
ميسم - رواسي لحكي علينه
رواسي - شكو خير شصاير
ميسم - ولج اخويه راح بيها رااااح
رواسي - من هيج كالت طفرت من الخوف
كتلها
شنوووو شصاير اااحجي
ميسم - بدموع / رواسي عبوه طاكه يمهم
واكو شهداء وخيلع واخوج اهناك
رواسي - يمه حازم صخام الصخمني
شمرة الموبايل وركضت جوه ابجي
بوووويه شصاير وووينكم
حرب - ها بعد ابوج شبيج ليش تبجين
رواسي - حازم حازم بويه خابرو حازم
الله يخليكم خابرو حازم
انسون - شصاير احجي
علي - ولكم صوتكم شبيكم شصاير
آراس - شكو
رواسي - بدموع /
خااابرو حازم فدوووه
عبوه طاكه يمهم واكو شهداء خابرو حازم
حااااازم خويه ماكدر بدونك ماكدر
انسون - بدموع /
منووو كلج بسس فهمينا منو كلج
حرب - هسه اخابره كافي خلي
نفهم شصاير
رواسي - اي اي خابرو
خ ب ر و
بعد ماحسيت على شي شويه
كمت اشوف متمددة بغرفتي وخالين
الأوكسجين يمي وبابا كاعد يم راسي
يقره قران
كتله بصوت مخنوك
حازم بابا حازم وين
حرب - زين بويه والله حازم
كلش زين بس اهدي انتِ
رواسي - ش ش شلون ز زين
آراس - خويه خابرنه وكال اني
ماجنت هناك بوقتها بس خطيه
هذا صديقه متأذي شويه
رواسي - من هيج كال كَلبي صار مثل النار
كتله
منو منووو صديقه احجي
آراس - صديقه الخيلع
رواسي - غمضت عيوني ودموعي نزلن
لا اكدر ابجي كدام اهلي ولا اكدر اسكت
تعبت من كتمان الحزن كتلهم
شلونه صديقه كلش متأذي
علي - خطيه متأذي ايده وصدره
رواسي - هوه هيج كال واني طكيته
بجيه استغربو كلهم
حرب - بويه شبيج
رواسي - حازم وينه
حرب - والله حازم زين مابي شي
صدكيني يومين وينزل
رواسي - ماكدر اكلهم على صديقه ابجي
ولا اكدر اسكت ما احجي متت كتله
بويه اريد انام
حرب - ماشي بعد ابوج نامي
وانتو علوش آراس يلا بويه
كل واحد يروح يكمل درسه
آراس - حاضر بويه
علي - حاضر بويه
رواسي - راحو اخواني واجه ابويه
باسني من راسي وكال
حرب - بعد ابوج اي شي تحتاجين
خابريني او دزي رساله ثواني
واكون يمج ان شاءالله انتِ لا تنزلين
ماشي بويه
رواسي - ماشي حبيبي الله لا يحرمني منك
حرب - ولا منج باباتي
رواسي - طلع ابويه واني ضليت
ابجي وابجي ماعرفت نفسي حبيته
والله ماجنت اعرف كَلبي حبه هلكد سوده
عليه هسه اكيد متوجع اكيد يارب يارب
الشفاء العاجل يارب اشفي ربي وخفف
المه يارب
وين اروح وشسوي ماعرف لا اكدر احجي
ولا اكدر اسأل علي هسه شيكولون
ولا اكدر اعرف اخباره شكلهم اكلهم حبيته
اكلهم واكعه بحبه رواسي شوووكت حبيتي
شوووكت مو كلتي بعد ماحب ووولج مو كلتي
بعد ماحب ليييش تحبي ليييش الحب مو النه
فهمي اااااالحب مو النه احنا مااااايصير نحب
الحب مووو النه كااافي مووو النه فهمي
حالتي حاله عل اوكسجين عايشه
علمود كَلبي مو تمام
فا اختنك من اتوتر واحزن وماكدر اتنفس لازم
عل اوكسجين
ضليت ابجي علي وكل فكري يمه تذكرت
ليش ما راسله حاولت اراسله ماكو حاظرني
صرت عصبي احجي ويه الموبايل
ليييش هيج عنيد وعصبي ليييش
تحظرني لييش
ياربي شسوي تخبلت صرت اعاتب
الموبايل خبلني هل رجال
خلي اخابر ميسم احسن بالكم ترد
خابرتها جاوبتني بدون ما اسأل عليها
كبل كتلها
فدوه خيلع شلون ....................................
_
_
________
ماذا حصل لي قلب رواسي ؟؟؟
أرجوك أقنع قَلْبي أنهُ فقط مُعجب
أقنع قَلْبي أنهُ فقط مُتعب
أقنع قَلْبي أنهُ فقط كلاماً مُسرد
بقلمي ✍
حسبو حسابكم اذا ماحركتو البارت هذا
ماكو بارت بعد 😐 ابسط شي حق تعبي
تفاعل منكم يلا قلبي انتو تفاعلو
تفاعلكم يحفزني
انزل البارت اسرع وعلى تفاعلكم
راح ينزل البارت القادم
لاتنسون
___تصويت بالنجمة
______وتعليق بين الفقرات
____________ وتفاعلكم مع الرواية
ومتابعة حساباتي واتباد
وانستجرام ⬇️
انشر اهناك كلشي يخص الرواية و الأبطال
_
والان دمتم بخير
في أمان ألله قلبي انتم
<<<<<<<
سبحان ألله
ألحمد لله
لا إله إلا ألله
ألله أكبر
<<<<<<
#خطوات نحو الموت
#للكاتبة جيهان آغا
-