✹ ✹ ✹ ✹ ✹ ✹ ✹ ✹ ✹ ✹ ✹
#قوة_أيسـون
البارت الرابع وثلاثنين
باقلـم :زهـراء لـؤي
نجراتي الحلوين لتنسون تصويت ، ومُتابعة للحساب، وتعليق بين الفقرات💅🏻⛓️❤️🔥
حسابـي الأنستا : wa5bad
هوه شبقى من الكلب حتى ارهم الغيرك .
✹ ✹ ✹ ✹ ✹ ✹ ✹ ✹ ✹ ✹ ✹ ✹ ✹ ✹
ايسـون ...
ضليت فاتحة حلگي على نذالة رفيف رُغم هيّ تعرُف انا احب الأكبر وجنت خطيبتة ولحد هالحظة احبة ماگدرت تگل الـ أهلها باوعت الها تضحك خزرتها أمي انتبهتلي رجعت حجت أم رفيف
-:أبني خوش ولد وعندة ٤ اخوان ورفيف ابنيتي الوحيدة وهو صيدلاني ومتمكن واذا تريد بيت وحدها كلشي تطلبون احنا جاهزين
باوعتلي أمي ورجعت حجت
-ميـاسين : يمكن حجتلج رفيف ايسون مخطوبة وفاسخة وتوها مارة بتجربة والشخص تحبة هيّ
-أم رفـيف : اي نعرف وسولفت النا بس أبني شايفها بالجامعة وعاجبتة واحنا قابلين يعني بالأخر ماصارت بينهم قسمة هيّ وخطيبها القديم
وين ماجاي نحجي وأندك الباب گامت تولين تفتحة كملت أمي كلامها
-ميـاسين : والله أم رفيف نشوف ايسون ونرجع الكم الخبر
دخلت ميار ومريم ونبأ وخالة ليلى وياها سُلطان كامن سلمن سُلطان راح للدوانيا وراحت ورا ميار حسيت رفيف متعمدة تحجي گدامهم
-رفـيف : ايسون وافقي وصيري جنتنة والله العظيم اخوي كلش حابج
باوعت الـ مريم ونبأ وخالة ليلى مصدومات حجت مريم بأستغراب
-مريـم : منو تصير جنتكم ايسون؟
-رفـيف : أي حبيبتي
كلهم يباوعولي وانا مانطقت كلمة
-نبأ : كتيلي جنتكم تصير ههههه بس ايسون جانت خطيبة أخوي
-أم رفـيف : واذا بنيتي جانت خطيبة أبنكم وين المشكلة ماكو نصيب بينكم
-نبأ : المقصد من كلامي اخوي بعد يحب خطيبتة السابقة وهيّ همين تحبة
-رفـيف : القرار الأول والأخير الـ ايسون
ضحكت أم رفيف وحجت بأستفزاز
-أم رفـيف : وهسة من رخصتكم نروح اتأخرنة وعود وافقي جنتنة
حجيت وانا عيوني على رفيف الي خازرتها
-ايـسون : أن شاءالله خير عيوني
طلعن وصلناهم للباب دخل علي وحيدرة سلموا ودخلوا جوة راح سُلطان يمهم وميار دخلت حجت مريم بعصبية
-مريـم : شنو ذولة الناس مارتاحيت الهم خلي يولون
باوعوا الولد مستغربين حجة حيدرة مستغرب
-حـيدرة : ليش شكو؟
حجت نبأ مستهتزئة
-نبأ : جاين يخطبون ايسون
صاح سُلطان بصوت عالي
-سُلطـان : شنو بوية شنو؟؟؟
-مريـم : مثل ماسمعت أخي العزيز
-ميـار : دخلي يولون يخطبون ايسون شنو يمضرطون
-سُلطـان : ولعباس صدك كلامج مريتي يمضرطون هاي خطيبة اخوي
خزرة حيدرة وحجة بحدة
-حـيدرة : جانت خطيبة اخوك
-سُلطـان : حيدرة كلنا نعرف أكبر يحبها ويموت عليها أرفضي ايسون أخيتي الغالية
- حـيدرة : ايسون شرأيج انتِ
حجيت بعد ماكملوا كلامهم وانا طول الوقت ساكتة مانطقت شيء واهناء صدمتهم جانت من گلت
-ايـسون : أفكر
باوعلي حيدرة وگال
-حـيدرة : هيّ صديقتج هاي؟
-ايـسون : اي صديقتي واخوها قبل شكم يوم اجة للجامعة شافني گاعدة يمها سلم عليّ ورادوا يوصلوني للبيت بطريقهم من انتَ ماكو بس الأكبر ماقبل وهو جابني
ضرب حيدرة على رجلة وحجة
-حـيدرة : خيولي ايسون مارتاحيت الة
-ليلى : اي بنيتي خيولي وانا مارتاحيت الـ أمه
-سُلطـان : ها ليلى غرتي على جنتج
-ليلى : نجب منين اغار من ذيج ختولي اول وتالي ايسون ماتعربرهم
-عـلي : أول وتالي ايسون هيّ الي تقرر يمعودين حتى البت لو الها نية توافق انتوا راح تسدون نفسها
-نبأ : بس ماتوافق خيولون
ضحك علي وغمز الها
-عـلي : يجرالج حبيبتي اهم شيء ماتضوجين
ضربة سُلطان على علباتة يخزر بي وعيونة يردن ينطن و نبأ تخزر بي
-سُلطـان : أحترم نفسك ولك حبيبتي شنو
يضحك علي يحجي وعيونة على نبأ
-عـلي : غير خطيبتي والله حلوة هاي
-حـيدرة : وانتَ همين سُلطان لا تتغزل بـ أختنة يمنا يالله
-سُلطـان : شوكت متغزل جذابين
-ميـاسين : ايسون هسة شگلتي
باوعت الهم برود وكلهم يباوعولي
-ايـسون : كتلكم افكر
-حـيدرة : هاهية فكري براحتج حبيبتي
گامت مريم للمطبخ أشرتلي بمعنى تعالي وياي گمت وراها جرتني
-مريـم : ايسون لا تسوينها وتكسرين الأكبر
جريت حسرة وگتلها
-ايـسون : ترا انا طلبت من الأكبر نرجع؟ تذكري لمن طاح عدكم وكتلة اريدك بس ماقبل نرجع كلي انا هم عندي كرامة وثنينة كرامتنا اهم من كلشي مابينة قسمة خلي كلمن يكمل طريقة أفضل صدگيني
لزمت أيدي وتحجي بتوسل
-مريـم : لا ايسون عليج لا توافقين تدرين بي يموت عليج والله
-ايـسون : مادري مريم أفكر
هزت راسها وحجت بتهديد
-مريـم : انا اعلمج بسيطة
ضحكت خلت وراحت ...
•••
مريـم ...
رحت من يم ايسون الواضح تريد توافق على برغام مدري شسمه رحت للغرفة مال ايسون طلعت مُبايلي گبل أتصلت على الأكبر بسرعة جاوبني
-الأكبـر : ها حبيبتي شلونج
ضربت على رجلي كل قوتي وحجيت بصوت عالي
-مريـم : شلون أكبر شلوني
اجاني صوتة يحجي بخوف
-الأكبـر : شكو مريم بيكم شيء ايسون بيها شيء
-مريـم : لو تدري شصار يا أكبر
-الأكبـر : خرب روحك زاهر أحجي شكوو مريم
تربعت وجريت نفس لازم أحجي الـ اخوي
-مريـم : شوف أسمع هاي صديقة ايسون رفيف مدري منو جاية تطلب أيد ايسون الـ برغام اخوها اضن مدري شسمة
اجاني صوتة يرعد رعد بحيث نخرعت خرعة
-الأكبـر : شنووووووو شجاي تحجين انتِ شوكت هذا الحجي
-مريـم : هسة قبل شوية جانو مو اهنا المشكلة المشكلة ايسون
اجاني صوتة يحاول يهدء بنفسة
-الأكبـر : وافقت مو؟
-مريـم : تكول افكر
-الأكبـر : بكيفها هيّ اصلاً تفيكر لا تخلينها تفكر خوش لو لا
-مريـم : حبيبي اخوية فوت بزودك لان ايسون عنودية
-الأكبـر : ماعليج اليوم أودي الـ أهله مكسر شلون يحاول ولو شوية يفكر بـ أيسون ! بسيطة
سديتة منة الحمدالله ارتاحيت عوزها ايسون توافق برغام من اسمه مو حلو خيولون المهم هسة ارتاحيت اوي دك مبايلي باوعت شهم فتحت خط اجاني صوتة الخشن دخيلك ربي
-شـهم : شلونج مريم
-مريـم : الحمدالله وانتَ؟
-شـهم : بخير ، ليش ماتجاوبنيي
-مريـم : ماريد شهم
-شـهم : تعبت
-مريـم : شسويلك لعد
-شـهم : انا توي صرت زين من سمعت صوتج ليش هيج گطعتي بية صحيح غلطان بس والله مو بوعي من طفرت
-مريـم : بوعيك او مو بوعيك تصُرفك غلط تجي تحضني وتنام يمي؟ وانتَ شخص غريب حلو هيج شي؟ مو حرام عليك
-شـهم : زين وافقي عليج الله وافقي أستاهل تحبيني وتتزوجيني
-مريـم : ماريد حالياً انا اخير مرحلة ألي وجاي ادرس ، وبنفس الوقت انتَ مادري بيك شنو صاير وياك وشنو حالتك
-شـهم : وعد أسولفلج كلشي ورا الزواج
-مريـم : ليش مو قبل الزواج؟
-شـهم : مريم لا تسوين هيج فدوة لوجهج
-مريـم : شهم من رخصتك انا حالياً بيت خالة مياسين عيب گمت من يمهم
-شـهم : ماشي أنتظرج ترجعيلي الخبر ماشي يالحية احبج انا
-مريـم : حبتك حية ان شاءالله
ضحك بصوت عالي وگال
-شـهم : أن شاءالله تحبيني
من الصدمة سديتة بوجهة أشگد حقير نزلت جوة ضلينة گاعدين مرت ساعتين والأكبر ماكو مااتصل او رجعلي خبر شسوة بالولد أخوي مادري ...
•••
نبأ ...
گاعدة يم الكُل وعلي مساع حرجني من گال حبيبتي كدام اهلي استحيت يُمكن لان أول مرا شخص غريب يگلي هيج ، صافنة رب العالمين راح يسامحني على الي سويتة وي أيهم بس انا هم مالي ذنب
يعني حاولت وگتلة ماحبك ماريد أتزوجك بس هو مُصر انا هم بشر هم ماحب أضغط على نفسي على حساب أشخاص أخرين !
قاطعت صفنتي أمي وهيّ تگول
-ليلى : يالله نروح
-سُلطـان : أي نروح جهزوا نفسكم
باوعت الـ علي باوعلي وأشر على مُبايلي باوعتلة مستغربة فتحت مُبايلي لزم مبايلة اجاني مسج منة كاتب بي
-عـلي : أبقي اهنا لاترحين
فتحت عيوني بصدمة شجاي يگول هذا دزيتلة
-نبأ : ما أبقى ماريد أبقى
-عـلي : نبأ أريد أنطيج شغلة
-نبأ : شنو الشغلة
-عـلي : شوية بعد انطجياها وانا راح اكل الـ ايسون تكل الـ أهلج تبقين .
-نبأ : ماشي
صدك شوية وشفتة گام وأشر الـ ايسون انا عيوني تراقبة گاموا رجعت ايسون تباوعلي وتضحك حسيت نفسي دخنت من الخجل گبل ، والله وايسون گدرت تنطي خبر الـ أهلي راح أبقى وقبلوا بقيت
راحوا أهلي گعدنا كلنا گعدت تولين يمي مبتسمة فرحانة لان انا صايرة خطيبة أخوها لو شنو الموضوع
-تولين : علي گلج أبقي مو
يبو مفضوحة طلعت والله أبتسمت وگتلها
-نبأ : اي گلي يريد ينطيني شغلة وياج وتعرفيني انا أحب اخوج وما أرفضلة طلب
ضيقت عيونها وگالت
-تولين : كلمة مال أرفض الـ اخوج طلب أحس استهتزاء
-نبأ : لا ليش فعلاً مارفضلة طلب وهاي كدامج كلي أبقي وبقيت شتريدين بعد هيج ههههه
ضحكت وگالت
-تولين : اي خوش خوش
شوية وراحت خالة مياسين على فراشها وحيدرة صاح ايسون باستة بخده وراح نام ضحكت حلوين ماشاءالله وانا نمت يم ايسون وتولين بغرفتها ممطولين وبالي يم علي شيريد
-ايـسون : تگدرين ترحين تشوفين علي
باوعت الها خجلانة
-نبأ : عيب من أهلج
-ايـسون : لا ليش عيب خطيبج هذا
-نبأ : مادري احس عيب
جرتني گومتني وهيّ تججي
-ايـسون : العيب بالجيب دگومي هذا خطيبج
دفعتني وأشرت براسها بمعنى أدخلي دخلت هيّ وسدت الباب ضليت واكفة شلون أدك الباب عيب لا يطلعون أهلهم شوية وحسيت قفل باب المفاتح مال حيدرة ينفتح متت بدمي گبل فتحت الباب ودخلت جيتت لگيت علي ممطول وبدون تشيرت
گبل سديت الباب گعدت أستغفر ربي ومستحية وهو صافن عليّ مصدوم
-عـلي : شبيج يمعودة سويتي مداهمة على غرفتي
-نبأ : حيدرة منا ، روح البس تشريت
گعد گبالي على الكرسي وطلع الجگارة يدخن ويباوعلي
-عـلي : مالبس
عيوني تروح وترجع علي بس والله مو بيدي ماريد اشوفة بس هيّ تروحلة ، نترت بي بعصبية
-نبأ : علي گوم البس تشيرت
-عـلي : واذا ماگمت شسوين
حطيت عيني بعينة وحجيت بثقة
-نبأ : أگلب الدنيا على راسك
ضحك بصوت وكف گمت انا همين وگفت ضل يتقدم عليّ ويغمز
-عـلي : شلون تگلبيها؟
-نبأ : أگلبها
تقرب علي وگعت على الجرباية خلى أدية ومنا ومنا وعيونة بعيوني
-عـلي : أشو بالله گومي أگلبها شوفيني بطولاتج نبعتي
-نبأ : خلي نفسخ علي
قرب شفتة طخها على شفتي طخها خفيف حسيت يحاول يكتم غضبة
-عـلي : تحلمين نبعتي
مادري شلون حجيت هل أسم حتى انا ضليت مصدومة من نفسي
-نبأ : أسمي غزالة
تنفس بغضب وضل يباوعلي لزمني من من أيدي
-عـلي : صدك أسمعيني زين عندج تواصل وي أيهم!!
-نبأ : لا ماعندي بس هو يتصل على سيمكارت مادري منين يجيب رقمي
گام فتح الكنتور مالتة طلع منة سيمكارت جديد وخلاة على الطبلة
-عـلي : هذا سيمكارت جديد أذا مُجرد أيهم أتصل اتصال واحد تگليلي فهمتي لو لا
-نبأ : لا تحجي بنبرة أمر
أستغفر ربة ومسح على وجهة
-عـلي : خوش نبعتي
-نبأ : أسمي نبأ
-عـلي : خوش نبعتي
-نبأ : جاي أكلك أسمي نبأ ماجاي تفهم انتَ!
-عـلي : ماشي نبعتي
-نبأ : صوجي أضل يمك انا والله
ضحك بصوت عالي توي فتحت الباب ولگيت حيدرة گاعد بالصالة يخابر گبل طبگت باب الغرفة باوعلي يبتسم وغمز
-عـلي : شبيج؟
-نبأ : حيدرة أهناء شلون انا هسة أطلع!
حجة وحاول يخفي ضحكتة
-عـلي : وأذا غير أبن عمج قابل مستحية منة
-نبأ : طبعاً مستحية منة والله يالله
أشر على الجرباية
-عـلي : تعالي أگعدي
رحت گعدت أنتظر حيدرة شوكت يروح بس حيدرة ماكو ماجاي يروح كل ساعة افتح الباب گاعد علي ولا معبرني يباوع مبايلة وفوگاها مالابس تشيرت شيحس مدري
بديت أنعس كلش وحيدرة ماكو باوعت الـ علي نترت بي
-نبأ : بديت أنعس شوكت يروح حيدرة!
-عـلي : مادري والله ، تعالي نامي على الجرباية
فتحت عيوني مصدومة
-نبأ : شجاي تحجي انتَ !
خزرني وهو يحجي
-عـلي : أي شبيج متعجبة قابل غريبة ترا جرباية خطيبج
صحت بصوت عالي وانا أشمر علي السيمكارت
-نبأ : ماريد شورطني انا وياك ياربي شورطني ترا من صدك قرف
فتح عيونة بصدمة تقرب من يمي عيوني مثبتة بعيوني
-عـلي : شنو الـ قرف ست نبأ؟؟ تورطتي وياي!
-نبأ : أي تورطت ويااك شورطني مادري القرف انتَ تريدني انام على جربايتك ويمك ! موووو
اخير كلمة حجيت بعياط جرني من أيدي يحاول يكتم غضبة
-عـلي : تحترمين نفسج وتحجين عدل نبأ لحد هاي اللحظة ساكتلج انا انتِ الي ورطتيني وياج اذا ناسية أذكرج ، وشنو القرف بالموضوع لان تنامين يمي لا تخليني انومج غصب عنج فا أسكتي احسلج
أستفزني كلش كلامة من صدك دفعتة من صدرة ورفعت أصبعي بأتهديد
-نبأ : اي لا تضل كلساع عايدها ندري وانا أعترف غلطانة تورطت وي واحد مثلك ، اذا انتَ رجال سويها وأشوفك بطولاتي شونها
هز راسة أباوعلي راح وخر تشيرتة من الجرباية بلعت ريگي السالفة صارت صدك ترا والله انا جذابة ماعندي لا بطولات ولا بطيخ باوعتلة يباوعلي أجة تقرب من يمي قفل الباب وي قفلت الباب طاح گلبي بالگاع أحس
يباوعلي مثبت عيونة بوجهي طفة الأضوية صارت ضلمة ماشوف شيء صحت بصوت يرجف
-نبأ : علي لا تسوي هيج
أجاني صوتة من وراي
-عـلي : أدوشفج الرجال على أصولة ، وانتِ شوفيني بطولاتج
وين ماحجاها من ورا شالني صحت بصوتي عالي ونزلت دموعي
-نبأ : نزلنييي علي نزلنيييي بداعة أمك نزلني
أخذني يمشي بية للرجرباية وهمس بأذني
-علي : أمي ماعدها داعة يمي لان عافتني
دموعي تنزل رجف گلبي من الخوف الدنيا ضلمة كلشي ماشوف وأيدية ترفس بطنة نومني على الجرباية وراح دار للجهة الثانية دموعي تنزل حسيت نفسي راح أموت جاي أدفع ثمن غلطتي
أنمطل غطاني ماگدر أحرك نفسي لازم بأيد وحدة مسحت دموعي أشو هذا گبل جرني حضني ضهري صار صدرة وأدي محاوطتني ضليت أرجف دفعتة ماكو همس بصوت ناصي
-عـلي : نبعتي خلينا نام
ضليت أرفس بس هو مقيدني بأدي ماگدر لا اتحرك ولا شيء
-نبأ : علي هدني بداعتي هدني
-عـلي : نامي نبعتي ماهدج والله
-نبأ : تمام انتَ رجال بس هدني
نفسة يضرب برگبتي من ورا همس وهو نعسان
-عـلي : أدري مايحتاج تگليلي
-نبأ : لا يدخل أحد ويشوفنا علي
-عـلي : محد يشوفنا نبعتي
-نبأ : خليني أروحح حباب
-عـلي : ماخليج نبعتي صغيرتي
مسحت دموعي وگتلة
-نبأ : أثبت على لقب واحد نبعتي لو صغيرتي
حسيت صدرة يهتز من الضحك
-عـلي : ثنينهن أنتِ
-نبأ : حيدرة ماراح !
-عـلي : حتى لو راح ماخليج ترحين
-نبأ : هسة مو كنالك انتَ رجال شبيك جلبت
من حجيت هيج قربني الة أكثر وأكثر بحيث ضليت أرجف وانا من أتوتر لو يصير وياي شيء أضل أرجف رجفة فضيعة
-عـلي : ليش ترجفين نبعتي؟
-نبأ : من قُربك
-عـلي : شبي قربـي؟
-نبأ : يوترنـي
شد على حضني أكثر ونفسة يضرب برگبتي
-عـلي : هو المطلوب
-نبأ : تريد تأذيني!
-عـلي : بودي أذيج وأندمج بس گـلبـي ماينطيني
-نبأ : أستاهل الأذية
-عـلي : تحبينة؟
-نبأ : لا والله ماحبة بس غلطت ورطتكم ثنينكم
-عـلي : چا ليش تكرهيني؟
-نبأ : لان مكروة
-عـلي : ماشي نبعتي
حجاها ونام ضليت احاول أحجي ويا أريد يهدني ماكو حتى ماگدر أتحرك لان حتى وهو نايم حاضني كل قوتة صرت محاوطة بين أدي ومادري شوكت غفيت ويا ....
•••
ايسـون ...
دفعت نبأ راحت يم علي أدري بي يريد يشوفها وهو طلب أبقيها يمي بس هيّ تستحي حيل خجولة نبأ بشكل مو طبيعي دفعتها رحت ذبيت نفسي على الجرباية سمعت مبايلي يدگ گمت شفتة الأكبر
أكيد وصلة الخبر هسة فتحت خط أجاني صوتة يحجي بعصبية خرب يومك أكبر شهل صوت المُزعج
-ايـسون : شبيك يمعود شبيك صوتك يگعد الميت من گبرة
-الأكبـر : ايسون انا جوة أنزلي بسرعة
-ايـسون : شجاي تحجي جايني بنص الليالي شتريد مانزل!
-الأكبـر : وحق أبو فاضل وداعة أمي ترا أطفر ايسون تعالي بسرعة
-ايـسون : تمام أنتظر شنو انتَ بلوة طاحت على راسي
-الأكبـر : هسة أشوفج البلوة على أصولها ايسون بسيطة بت گلبي المعلعلتني
سديتة من گبل فتحت الباب لگيت حيدرة گاعد بالصالة باوعتلة مستغربة
-ايـسون : شجاي تسوي أهناء؟
-حـيدرة : عود طلعت أحجي أتصال وي صديقي وأشرب ماي وين مافتحت الباب شفت نبأ دخلت الـ غرفة علي گبل طبگت الباب وين مادخلت دزلي رسالة علي كاتبلي بيها "لا تدخل لغرفتك بعدعة أمك ضل گاعد بالصالة "
-حـيدرة : مافهمت السالفة ولو جذب فهمت نبأ تستحي مني وهو يريدها تضل يمة واضحة
يحجي وانا ميتة من ألضحك
-ايـسون : علي سوالف علي هههههههههههه راح أموت من الضحك خطية نبأ حيل خجولة هسة صارت طماطة ههههههههه
ضحك وهو گام ياخذ مبايلة باوعلي وگال
-حـيدرة : خليني أروح أنام أحسلي
-ايـسون : تمام حبيبي تصبح على خير
تقرب باسني بخدي وشامني
-حـيدرة : إنتِ الخير كلة لبوتي الشرسة
دخل جوة نزلت فتحت باب السيارة لگيت الأكبر مرتجي على السيارة شافني گبل أجة دخل وسد الباب راح للدوانيا
-الأكبـر : تعالي بلوة تعالي
-ايـسون : لا والله انتَ البلوة شتريد بنص الليالي
-الأكبـر : تردين توافقين على هذا النذل؟
حجيت بكل ثقة وغرور وانا أحط شعري ورا أذني
-ايـسون : أيَّ ليش لا أنسان يحبني وجاي طلبني من بيت أهلي
-الأكبـر : چا وانا طالبج من الحايط غير من الباب ، وهذا النذل عود أذا ضل صاحي وافقي علي
فتحت عيوني بصدمة تقربت علي وحجيت
-ايـسون : ليش شسويت؟
-الأكبـر : ماخليت بي عضم صاحي وداعتج هاي جيتي منة
-ايسـون : صخام صخمك أكبر ليش سويت هيج هسة مات الولد
-الأكبـر : وموتتهم حتى مايتقرب الـ شيء يخصني انتِ كل ممتلكاتي انتِ تخصيني انا وبس ومحد يوصلج وحق أخو زينب بكلشي عندي تفاهم وعاقل الة بيج أحـرگ الدنيـا والبيها وما أخلي أحد يتقربـج
أسمع كلامة وجاي احاول أخفضي ضحكتي بس ماتحملت ضحكت بصوت عالي باوعلي متعجب على برودي
-ايـسون : ليش هيج معصب احنا منفصلين خلاص يعني لا تدخل
تقرب من يمي يحاول ما يلزمني مسح على وجهة وگال
-الأكبـر : تعرفيني أحبج صح لو لا !
حجيت وعيوني بعيونة والأبتسامة شاگة حلكي حجيت بتنعوص
-ايسـون : صح أكبري
رجع مسح على وجهة وشعرة المخربط وجسمة الي يرجف
-الأكبـر : أحترگت روحك زاهر تتنعوص وتگلي أكبري خرب روحك مات أكبرج
حجيت وانا برطمت
-ايسـون : هاي ليش أكبر شسويت من كتلك هيج لان أدري بيك بيك تحبني
-الأكبـر : تعبني بُعدج هدلي حيلي
-ايـسون : الي صار من أيدك
رُغم يحاول يخفي نبرة صوتة الي بيها الحزن ورجفة ألي بي جرف نفس أبتسم وحجة الكلام الي خلة گلبي يدگ
-الأكبـر : نجرتي مستعدة تبدين وياي صفحة جديدة؟
گلبـي ضل يدك من كلامة حسيت روحي طايرة فوگ الغيم أبتسم وهو يكمل كلامة
-الأكبـر : وعد أعوضج عن كلشي فات ، أريد تسامحيني ونبدي صفحة جديدة لان تعرفين الأكبر بدونج ولا شيء انتِ أكتمالي ونصفي الثاني ، إنتِ الي يدگ بصدري ايسون
-الأكبـر : أذا مستعدة تصيرين زوجتي من باجر أجيبلج مشية تسد عين الشمس
مركزة بكل كلمة يحجيها وروحي طايرة بس لازم أثگل ومابين علي حاولت أخفي فرحتي باوعتلة وگتلة
-ايـسون : شنو ألي يثبتلي ماضام عني شيء؟ وشنو ألي يثبت بعد ماتضم عني؟
-الأكبـر : والله العظيم وداعة أمي وغلاتها ماضام عنج أيَّ شيء وماضم عنج أيَّ بعد همين ولج انا ماصدك تسامحيني لو تگيلي مو هسة أروح أموت
تقرب من يمي وعيونة تتفحص كل تفاصيل وجهي
-الأكبـر : أنـتِ أكثر بـشـر صـح بحياتـي نجرتي
تقرب أكثر من يمي واندفعت على الحايط
-الأكبـر : أنتِ نجرة الأكبر
تقرب راد يلزم أدية بس أبتعد رجع ليورا
-الأكبـر : أخاف عليج من نـفـسي ولو أنتِ نفسي كلها
عيوني مثبتة بوجهة وبكل كلمة يحجيها مركزة بيها أبتسم بتعب وهز براسة بمعنى شنو ؟
-ايـسون : أفكر أرجعلك لو لا
-الأكبـر : تمام باجر رجعيلي الخبر
تخوصرت وگتلة
-ايسـون : شنو يعني شنو باجر أنطيني مجاب أفكر
-الأكبـر : روحي توجعني بفرگاج ماريد أطول أكثر
-ايـسون : تمام أفكر عود
أبتسم شفتة يرجف رحت أركض جبتلة ماي لازم أسالة شبي ليش هيج يصير ويا
-ايـسون : ليش هيج يصير وياك أكبر !
-الأكبـر : لا تشيلين هم نجرتي نوبة غضب عادي
-ايـسون : تتأذة؟
أبتسم وعيونة بعيوني
-الأكبـر : ما أتأذة انا بس من أفارگ عـيـونج الـ تايهة بيهن ، عيـونج مسواتلي وأهس للحياة أنتِ فرحة الأكبر
أبتسمت همست يمة بصوت ناصي
-ايـسون : أنا مصدر قوتك وضعفك
-الأكبـر : فعلاً أنتِ قوتي وضعفي الأكبر بدونچ مايضل صدگيني
-ايـسون : چا بعد لا تغلط بحقي
-الأكبـر : مو رجال أذا أغلط بحقچ نجرتي وانا ماجانت نيتي أغلط بس ماجنت متوقع يجي يوم والي بصدري يدگلج
-ايـسون : تحبني؟
-الأكبـر : لا انا ماحبج انا عابرها واصح مرحلة الجنون والهوس بحيث تجي نبأ تندهني من نومتي عبالي أنتِ أكلها ها نجرتي
ضحكت بصوت عالي أبتسم وهو ويحجي
-الأكبـر : هاي ضحكتج مال برابيگ تفزز الميت من گبرة
من گال هيج فحطت من ألضحك أكثر سكتت خزرته
-ايـسون : برابيگ أكبر ، تجاوز عليّ!!
-الأكبـر : كلمة برابيك مو فاشورة حبيبتي ولا تجاوز
-ايـسون : أعرف حبيت أتشاقة وياك
-الأكبـر : ميت بيج نجرتي ، وخري أذا اضل بعد شوية اسويلي عملة
گام خلة الماي على الطبلة وأخذ مبايلة
- الأكبـر : أحبج نجرتي
-ايـسون : لا تتسولف أكبر
-الأكبـر : خلي أخطبج وأشوفج المتسوفل على أصولة
ضحكت يتأملني خلى وطلع طلعت ورا توي أريد أسد الباب صاحني
-الأكبـر : نجرتي
-ايـسون : عيونها
-الأكبـر : أتأكدي دائمًا الأكبر يحبج وينتظرج لأخر يوم بعمرة ولو ما أنجمعنة بالدنيا ننجمع بالأخرة
أحس روحي باتت من كلامة أول مرة الأكبر يحجي هيج شيء رحت أركض وكفت يمة
-ايسـون : ليش تحجي هيج الأكبرصاير شيء
-الأكبـر : لا ياروحة أنتِ ماكو شيء بس هيج جاي أكلج انا أحبج وميت بيج وردت تنطيني هسة الموافقة بس أخ منج فوگ ماشالعة گلبي تردين تشعلي بعد
مادري ليش نغزني گلبي من كلامة ومادري بدون تفكير ماحسيت غير نفسي وانا أنطق الكلام
-ايـسون : تمام أكبر تگدرون تجون باجر تخطبوني
ضل صافن بوجهي بلعت ريگ والكلام گوة يطلع من عندة
-الأكبـر : شنو شجاي تگولين يعني موافقة؟
هزيت راسي بمعنى" أي"
-ايـسون : أي تعالوا باجر
نزلت دمعتة دار وجهة مسحها رجع باوعلي يضحك فرحان
-الأكبـر : يعني راح نرجع ننجمع !
ضحكت مدري ليش نزلت دموعي
-ايـسون : أيَّ
-الأكبـر : باجر نجي نجرتي وها عگبة الخطوبة ولا تشيلين هم التجهيزات كلشي يوصلج للبيت
ضل يباوع منا ومنا متلبك ويمسح بوجهة
-الأكبـر : ماريد ألزمج بالحرام وخري أذا اضل شوية اشيلج وأحضنج روحي روحي نجرتي أحبج
ضليت أضحك وأبجي صرت مثل المخبلة راح صعد بالسيارة شخطها وانا دخلت للبيت أضحك وأبجي صعدت الـ غرفتي فرحانة
بحيث گوة نمت ، گعدت ثاني يوم لگيت أمي بلمطبخ تسوي ريوگ عطلة
رحت الها أضحك ومتحمسة حيل حجيت وجريت الحجاية جر
-ايـسون : يمااااا
باوعتلي مضيقة عيونها
-ميـاسين : وغمة شبيج
-ايـسون : هاي ليش يمااا
-ميـاسين : فوتي بالنفضيف شعندج
حجيت وانا احاول أتصعن الخجل وكذا وانا ذرة خجل ماعندي
-ايـسون : يمة راح يجون أهل الأكبر يخطبوني
حاولت تتصنع الصدمة
-ميـاسين : صدك
باوعتلها بطرف عيني وگتلها
-ايـسون : عندج علم يمة؟
-ميـاسين : طبعاً الأكبر حارك الدنيا حرگ مامصدك وبالليل يجونة
-ايـسون : أشو جنج مافرحانتلي
تقربت حضنتي وباستني وعيونها مدمعة
-ميـاسين : شلون ما ما أفرحلج وانتِ كل دنيتي فرحانتلج بگد روحي بنيتي أتمنالج السعادة دموم مامصدكة بنيتي كبرت وراح تصير عروسة
تقربت أبوس بيها وحضنتها
-ايـسون : يابعد روحي أميمتي غاليتي فدوة اروحلج ، ربي يخليج ألي
سمعت صوت حيدرة وراي وهو يحجي
-حـيدرة : شنو هاي المشاعر من الصبح شصاير؟
حجت أمي وهيّ تحاول تخفي ضحكتها
-ميـاسين : أكو ناس جاين يخطبون بنيتي
باوع النا من فوگ ليجوة حجة وهو يهز بأيدة وراح يغسل
-حـيدرة : عود شنو تردين تحرگين گلبي من الصبح
ضحكت بصوت عالي
-ايـسون : لا ما مانحرگ بگلبك بس حقيقة هاي
-حـيدرة : شنو منو؟
-ايـسون : الأكبر
ضرب على رجلة كل قوتة وگال
-حـيدرة : شنو يعني هذا ماناوي يعوفج
-ايـسون : لا لان يحبني
باوع مصدوم من كلامي تقرب من يمي وشالني على متنة ضليت أضحك
-حـيدرة : گتيلي يحبج مووو
-ايـسون : متتت حيدرة نزلني بشرفك دخت يبوو
فرني كل قوتة وانا أرفس
-حـيدرة : خوش خوش خلي الأكبر يفيدج
نزلني وراح لغرفتة هذا زعل كل عقلة يا ضحكت سألتني أمي عن نبأ
-ميـاسين : نايمة لو گاعدة نبأ
-ايـسون : أخذها علي نومها يمة
ضحكت وگالت
-ميـاسين : يابعد روحي خليهم ربج عوضة علي شاف تعب بحياتة كلش تعب خلي نبأ على الأقل تنور حياتة
-ايـسون : يستاهل هذا عزيزنا
ضحكت خليت ورحت أحضر وياها اليروگ ...
•••
نبأ ...
نايمة بحضن علي فتحت عيوني لگيت نفسي حاضنتة شوكت غفيت مادري دغيتة ماكو مايگعد تقربت عضيتة من صدرة فز مفزوع
-عـلي : شكووو جلب عضني من الصبح
دفعتة وانا أحجي واتذكرت هسة گاعدين شراح يگولون عني الناس
-نبأ : كلة من وراك والله هسة شيگولون نايمة يم خطيبها عيب
تقرب من يمي مصلخ ياربي هذا ماليبس تشيرتة لو يستعرض عضلاتة لو شنو الموضوع!
-عـلي : وشنو گاايلج نامي يمي؟
فتحت عيوني مصدومة هو الي نومني بحضنة شجاي يحجي
-عـلي : أي گايلج تعالي نامي بحضني
-نبأ : لعد منو قيدني ونومني غصب عني وحضني
أبتسم وگال
-عـلي : شنو رأيج بي الحضن؟
-نبأ : علي بديت تستفزني هاا
تقرب من يمي وخلى أيدة على خدي
-عـلي : شبيج نبعة أتشاقة وياج
- نبأ : وخري عني علي أكرهك
حجة بجدية
-عـلي : خوش أكرهيني ، وأيهم؟
درت وجهي أباوعلة عيونة تتفحص عيوني
-عـلي : جاي تحسين نفسج عندج مشاعر أتاجهة؟؟
-نبأ : لا ماحبة بس خلي ننفصل علي
عاط بعلوا صوتة رجع الغرفة رجد
-عـلي : ماننفصل نبأ شيلي هالفكرة من راسج لو تخضر نخلة براسج ، والله انا أحب علي والله تعال ننفصل شبيج نبأ !
نطقت كلمة وياريت مانتطقتها تندمت على ألي حجيتة حجيتها بعصبية
-نبأ : حقهاااا أمك من عافتك أنتَ أصلاً مايتعاش وياك مكروة حيل
صفن بوجهي وضل مايرمش أنبتهت الـ نفسي شحجيت بلعت ريگي عيونة أنملت بيها الدموع وصافن بوجهي نزلت دموعي أبجي
-نبأ : مو قصدي والله مو قصدي
حجة وعيونة حمر مثبتهن بعيوني
-عـلي : هيج انا مايتعايش وياي!
-نبأ : مو قصدي علي والله
أشر على الباب وگال بغصة
-عـلي : أطلعي برا نبأ
ماتحركت أبدً ضليت مكاني واكفة أبجي رجع عاط بصوت عالي كلش خفت يسمعون أهله
-عـلي : أطلعي نبأ برااااا أطلعي
طلعت أبجي لاگتني ايسون خايفة أشهگ انا ضليت تقربت حضنتني
-ايـسون : شكوو نبأ تعالي
أشهگ وگوة يطلع الكلام مني
-نبأ : مو قصدي مو قصدي والله
أجت خالة مياسين ورا ايسون
-ايـسون : نبأ شصار
-نبأ : عووفيني عوفيني خليني أروح
جرتني للغرفة أبجي أشهگ يردون يفهمون مني شيء بس انا ماحجيت شحجي أگلهم عريتة بـ أمة شگلهم أگلهم انا انسانة أنانية وحقيرة
-نبأ : ليضل بالكم هيج عركة بينا
-ميـاسين : ماشي بنيتي مانضغط عليج بس أذا تردين شيء گليلنة خوش؟
هزيت راسي طلعت خالة مياسين ضلت ايسون يمي وانا بس أبجي أول مرة أتمنى الموت انا انسانة ما أستاهل أعيش ابدً ما أستاهل أعيش والله ايسون حاضنتني
-ايـسون : اشش كافي حبيبتي أمسحي دموعج حبيبتي وگومي يالله غسلي وجهج وكلشي صار أنسي ماعرُف شنو صار بس متأكدة أنتِ مُتسرعة ومستحيل تحجي شيء متقصدة
أشهگ وأبجي وگوة أجر النفس
-نبأ : أتمنى أموت جاي أجرح الناس بدون قصدي والله مادري شبية ايسون
-ايـسون : كلنا نمر بفترة صعبة وضغوطات أنتِ حاليًا تعبانة مادري شنو سبب تعبج بس عندج ضغوطات كلش وتتنفرزين بسرعة كل الي أريدة منج تاخذيلج فترة تبتعدين عن الكُل تصلين تشكين الـ ربج غيري من روتينج
-نبأ : تعب ايسون رب العالمين جاي يعاقبني لان جرحت أيهم بس والله ماحبة أفهموني
-ايـسون : أدري بيج ياروحي المشاعر مو بأدين الشخص قابل تجيرين نفسج علي ! طبعاً لا وأنتِ تحبين علي خلاص موضوع أيهم حاولي تنسي وهو أن شاءالله رب العالمين يعوضة
گعدت ايسون شوية تحجي وياي وتغير من نفسيتي كلامها ريحتي شوية بس بالي يم علي گالت ايسون راح يجون أهلي يخطبوها بالليل كلش فرحت وأخيراً راح ينجمعون هيّ والأكبر طول الوقت هيّ وميار صاعدات أتصال
گعدنا نتظر علي أبد ماطلع من غرفتة طول الوقت شوية وطلع متأنق كلش أعتقد عندة علم باوع الـ ايسون مبتسم بس واضح الحزن علي
-عـلي : وأخيراً راح أفتك منج
-ايـسون : وانا هم أفتك من عندك
-عـلي : دنجبي بعد أذا رحتي منو يگعدني يومية ويدفر الباب عليّ ويعطرة
باوعلة حيدرة خازرة وحجة بضوجة
-حـيدرة : أكلك ترا انا يجوز ما أوافق وانتَ راح تخيليني ما أوفق على كلامك هذا
حجة علي وهو يغمز الـ ايسون
-عـلي : اي اي لا توافق احنا مانگدر بدونها
-ميـاسين : خلوا البت فرحانة يلمسربتين شبيكم
-حـيدرة : كافي يمة كاااافي أختي تريد تنخطب شنية ماريد أعوفها ليوتي الشرسة
حجت ايسون بضوجة
-ايـسون : بطلت ما أوفق خلاص
وين ماگالتها أندك الباب راح حيدرة يفتحة دخلوا أهلي كلهم الأكبر لازم باقة وردي باوعت الـ ايسون شلون تدلع مو توها على أساس ماتريد توافق اشو هسة مشرعة حلگها والضحكة شاكه حلگها
الأكبر عيونة مشالهن عن ايسون وكل شوية حيدرة يستغفر ربة
-حـيدرة : أموركم أحوالكم شنو؟
حجة الأكبر وهو مبتسم وعين على ايسون وعلى حيدرة كأنُ خايف ايسون ترفضة
-الأكبـر : كلش زين أحبها
كلنا صفنة شجاي يحجي ايسون تحاول تخفي ضحكتها حيدرة حجة بنبنرة عالية وغضب والأكبر عيونه على ايسون
-حـيدرة : كتلي تحبها مو
باوع الأكبر أنتبة الـ نفسة وتحمحم
-الأكبـر : بخيرانتوا شخباركم
-حـيدرة : بخير أخبارنا بس أنتَ مو بخير الواضح وراح تصير مو بخير أكثر اذا ماتحط عيونك بعيوني
-الأكبـر : لا كلشي تمام
بدوا يسولفون سوالف عادية لحد ما گالت أمي
-ليلى : اليوم جاين نطلب أيد بتكم ايسون على سنة الله ورسولة الـ أبنة الأكبر وتعرفون أبنة أخلاق وخوش ولد وينحلف بي
-سُلطـان : وانا أشهد وكل النساء قاتلات نفسهن علي
خزرتة ميار وحجت بغضب
-ميـار : وأنتَ شمدريك بالنساء؟
-سُلطـان : حبيبتي غير هو يسولف النا هههه
هزت راسها رجعت أمي تگل كلامها وطلبت ايسون حجة الأكبر
-الأكبـر : نتظر جوابكُم أحنى
-حـيدرة : نسأل بتنا اذا موافقة تجون باجر تمشون
كلهم باوعوا الـ ايسون الي عيونها على الأكبر حجة حيدرة وعيونها عليهم ثنينهم
-حـيدرة : شنو رأيج حبيبتي موافقة لو لا ؟
حجت ايسون بصوت ناصي ونعوصة
-ايـسون : كلمتي من كلمتكم ششوفون انتوا انا وياكم
ضحك حيدرة والأكبر باوع الـ ايسون باهت لونة لان يدري بـ حيدرة ماينطي ايسون لان يغار عليها
-الأكبـر : وإنتوا شنو رأيكُم؟
-حـيدرة : ماعدنة مرة للزواج
فزوا ثنينهم الأكبر وايسون حجو بصوت واحد
-لا حيدرة بشرفك
-سُلطـان : أي صحيح لا تنطون بتكم خلوها تكمل دراسة
خزرة الأكبر وعض على أصعبة
-الأكبـر : تسكت لا أگوم أطيح حظك
حجت ميار رافعة حاجبها وعينها على سُلطـان
-ميـار : شگلت عيني شگلت بتنا يحبها أبنكم لا تدخل سُلطان
-سُلطـان : هيج صارت حبيبتي ؟
-ميـار : أيَّ حبيبي هيج صارت
دارت وجها عنة ضحك حيدرة وگال
-حـيدرة : شرأيج يمة؟
-ميـاسين : يشرفنة الأكبر يصير نسيبنة مثل أبني ماكو مثلة
حجة علي وعينة بعيني وضحك مستهتزء
-عـلي : فعلاً والله إنتوا عائلة ماتتعوضون وخاصة نبعتي
-الأكبـر : أستغفرالله ياربي
-عـلي : لا تستغفر ربك أنتَ هم راح تزوج أختنة وانا خاطب أختك وراح تخطب أخت حيدرة ههههههاييييي
ضحك سُلطان كملها ويا
-سُلطـان : يتصل حيدرة على الأكبر الو وين أنتَ؟
ضحك علي بصوت عالي وكملها
-عـلي : انا يم أختك حيدرة ههههههههههه
-رجع حجة سُلطـان
-سُلطـان : يجي يتصل الأكبر علي وين أنتَ؟
-عـلي : انا يم أختك سُلطان
غابت ضحكت سُلطان من أتذكرني انا أختة انا ميتة من الخجل
ضحك الأكبر بصوت عالي
-الأكبـر : الدنيا دوارة حبيبي تحب أذكرك أختك ترا همين
حيدرة ميت من الضحك
-حـيدرة : انا يم أختك سُلطان هههههههههههههه
يحجون وانا وايسون نريد نغط من الخجل أنطت موافقتها ايسون وباجر نجي نعقد الهم كلشي محظر الأكبر حتى الفُستان ميت من الفرحة واحنا عدنا ملابس مشترين فساتين
گالو أهلي يالله نروح علي راح لغرفتة مادري شيسوي أستغليت الفُرصة ورحت ورا دگيت الباب دخلت لگيتة لازم السيمكارت بأيدة
باوعلي برود ودار وجهة وحجة
-عـلي : هذا السيمكارت مالتج لا تنسينة
أستجمعت قوتي خجلانة من الي حجيتة شلون راح أعتذر بكل عين صلفة
-نبأ : علي انا أعتذر على الي صار تصرُفي غلط بس والله مو قصدي والقران مو قصدي مادري شلون طلعت مني
أحجي ودموعي ضلت تنزل داير وجة يجيني بس صوتة
-عـلي : نبأ روحي أطلعي برا
-نبأ : سامحني عليك الله
-عـلي : نبأ روحي گلت
ردت أحجي أشر بمعنى أطلعي طلعت ماحجيت شيء مسحت دموعي رحت عدلت نفسي وطلعت ودعناهم ورحنا للبيت ...
•••
ايسـون ...
اليوم أحلى يوم بحياتي اليوم راح أصير خطيبة الأكبر بدون ضغط نفسي انا وافقت لان أحب الأكبر وبالتالي الأكبر عرف غلطة وهو همين مالة ذنب صحيح الي صار مو سهل بس بالأخر كل أنسان يغلط
عرفت نفسي ماگدر بدون الأكبر ولا هو يگدر بدوني الأكبر شيء عظيم صار بحياتي اتأكدت هو روحي وانا الي أصدك بصدرة
بديت أحظر بنفسي مارحت للمركز يشتغلولي الأكبر طالبهم للبيت ضلو يمكيجوني دگ مُبايلي باوعت لگيتة الأكبر ضحكت فتحت خط اجاني صوتة يضحك والفرحة ماسايعتة
-الأكبـر : هلا بنجرة الأكبر ياهلا الي يدگ بصدري
-ايـسون : شلونك أكبري
-الأكبـر : بنص الخير يابعد حيلة أنتِ وأخيراً مابقى شكم ساعة وتصيرين شرعاً حلالي ايسونتي
ضحكت فرحانة واحجي والفرحة مسايعتني
-ايـسون : وأخيراً أكبري فرحانة تدري أشگد أحبك صح لو لا
-الأكبـر : ميت بيج نجرتي ميت والله ماضل شيء بالطريق أحنا أحبج وحق علي
ضليت أضحك شوية حجينة سوية وراها سديتة ضليت أمكيج كملت شوية وأجت تولين
-تولين : وصلوا أهل الأكبر
-ايـسون : تمام كملنا شلون طالعة
حجت وهيّ تبوس بخدي
-تولين : تجننيننن نجرة الأكبر
-ايـسون : اويي وانتِ طالعة تخبلين
أبتسمت دخلن البنات مريم تضحك ونبأ تصور وميار تركص
-ميـار : لكم عينييي واخيراً وأخيراً راح تصير للأكبر
-مريـم : أكو وحدة جانت دوم تگول الأكبر ما أرجعلة منية
-نبأ : وحدة مانعرفها مانعرفها
-ايـسون : والله مستهترات انتن
-ميـار : تربيتج ايسون
شوية ضلينا ناخذ صور أجت أمي تعض بأصبعها
-ميـاسين : ولجن فضنها الناس منتظرين يالله
-مريـم : جاينج حبيبتي ميسووو
-ميـاسين : صجيجة لفتج ميسو شني أسميش هذا
-مريـم : جاي أدلعج مسيووو
غمتها وطلعت نزلنا انا والبنات النسوان يتباركون النا معارف خالة وأهل اصدقاء حيدرة ومعارف الأكبر
تأخر الأكبر ماكو باوعت الـ نبأ وگتلها
-ايسـون : شنو الأكبر وينة؟
-نبأ : والله مادري ماكو أشو أنتظري أشوف علي
هزيت راسي مدري ليش گلبي مامرتاح ليش اتأخر الأكبر المفروض موجود أول واحد لان متلهف لهل يوم ليش ماكو !
شوية وأجت نبأ وجها باهت قلقتني
-نبأ : ماكو مايدرون بي وين حتى هم ينتظروا يتصلون علي ماكو
بلعت ريگي باوعت الها
-ايـسون : شنو ماكو شجاي تحجين من شوكت ماكو!
-نبأ : مادري بس يگولون جاية أتصال وگايلهم خمس داقايق ما اتأخر ولحد هسة ماكو
-ايـسون : جيبي مُبايلي أتصل جبيبي
راحت جابت مبايلي أتصلت ماكو صارن خمس مُكالمات والأكبر مايجاوب ضليت قلقانة الناس تنتظر وعيونها عليّ
خالة ليلى ضلت تلوب الولد مخبوصين يتصلون وماكو اجاني صوت مرة من وراي
-خاف الولد شارد مايريد العروسة
دروت وجهي مصدومة من كلامها خزرتها
-ايـسون : عيب عليج هالكلام خالة شنو شارد الولد أحبة ويحبني أكيد صاير شيء ويا لهذا سبب ماكو
-شمدريني انا صار ساعة نتظر وماكو
-ميـاسين : أذا تعبتي من الگعدة تگدرين ترحين مايحتاج تگعدين وتذبين سمج على بتي
-يا يا شوف شلون تطردني عيب عليكم
-ميـاسين : وأنتِ هم عيب عليج تذبين سمج أهناء
خلت وراحت المرة مصدومة وأرجف وين راح ليش سوة هيج معقولة صاير ويا شيء يارب دخيل أسمك كون بخير ومابي شيء
ضليت ألوب نبأ خطية ضلت تبجي خايفة ومريم تزگر بيها
وخالة ليلى الولد مخبوصين أخذت مبايلي أخير مرة أتصل اشوف ليش ماكو گبل أنفتح خط
-ايـسون : أكبري وينك وينك
اجاني صوت ولد سامعتة من قبل بس وين مادري ضحك مستهتزء
-أكبرج بحححح ودعاج صار بجهنم ...
للحكاية بقية ⛓️...
______________________
بـاقلـم : زهـراء لؤي
شنو رأيكُم بالبارات🌚🙈💙؟
توقعاتكُم🫦💙💙💙✨
عيوني موعد التنزيل البارت (يوم سبت والأثنين والأربِعاء)
لا تنسون تضيفوني وتعلقون بين الفقرات
مُتابعة جميلة مثلكُم نجراتي 💅🏻✨✨💙