بسم الله الرحمن الرحيم
'أراد القــــدر ان نلتقـــي'
للكاتبه شــاهـــَ
Shahd Hisham
لاتنسون التعليقات بين الفقرات /
/التصويت بالنجمــه/
والمتابعه للحساب /
حساب الانستا: s.a.rm2
قناة التلي: ريمانات شـــاهـــ 🤍
- أرتعش حيل من آشـوفك ،
<><><><><><><><><><><><>
ميلا:
فاجأتني وصدمتني مهره لمن كالت
مهره: ولج يكولون ارشد مات وهسه الولد وعمو راحو يشوفون شنو صاير
ميلا: عزا صخام بوجهي وهسه يمتى طلعو حاجيني مهره خاف متأذي
مهره: مادري ولج بس لا بي شي خطيه مرته حامل وينها وين الصدمات
بجيت بقهر ماردت هيج واحد يتأذه
ميلا: مهره شسوي خاف اخوي بي شي والله صح ادعي على الشمطاء بس ما اريد يطلع بأرشد دعائي
حضنتني مهره تمسح على ضهري
مهره: كافي عمري ميلايه على كيفج ويه روحج هسه يطلع مابي شي
ميلا: امين والله ماكو مثله ارشد حنين وطيب احسن من الشمطاء وبناتها
مهره: يابويه شنو ماتبطلين سالفة الشمطاء تره عيب ولج بكبر امج
ميلا: امي احسن منها هاي حقيره وخبيثه ام السحوره
مهره: تريدين ريوك لولا
ميلا: مابيه اسوي صبيلي انتِ
هزت راسها ودخلت سوتلي جاي وقدمته الي وحجت
مهره: اكلي واني راح اروح احاجي شاهين اشوف شنو صار عندهم
ميلا: اي بس طمنيني
راحت وانا صفنت بغير عالم حسيت روحي بعالم يختلف سألت نفسي شنو الي موجود بحياة غيري ماموجود عندي وليش رب العالمين هيج جاي يختبر صبري بهيج طريقه
طلعت قلادت امي بستها ودموعي نزلت حجيت وانا اباوع للقلاده
ميلا: يمه مشتاقتلج ماتحنين وتجين تشوفين بنيتج تعاليلي بحلم لو طيف خلي اشم عطرج يمه وحيده والله محتاجتج وياي
دموعي احس مثل النار وتلسع بخدي
ميلا: بقيت وحيده ادور حضنج ياحبيبه عشت والعيشه من دونج مذله مذله انا بنيتج ييمه ليش رحتي يهون عليج بنتج تبجي سكته
ضحكت ودموعي ماترضه توكف
ميلا: يمه من كثر مامشتاقتلج صرت اطلع شعر من يمي واسوي ابجي عليج بي
درت وشفت مهره منتجيه على الميز ودموعها تصب حجيت خايفه
ميلا: ها شبي ارشد بس لامات
تقدمت حضنتني بكل قوتها وكالت
مهره: مو وحيده انتِ ميلا اني وياج وغر هم حاجتني مشتاقتلج لاتعتقدين انتِ وحدج
ميلا: عمري انتِ مهرتي اموت عليج
مهره: واني هم اموت عليج ارشد ضاربينه ونايم مستشفى بالعنايه المشدده
ميلا: عود صدك ومنو ضاربه
مهره: على حسب كلام شاهين واحد من اصدقائه ضاربه صايره بينهم مشاحنات كلاميه وضاربه بكل قوته
ميلا: الله اكبر هذا خبل شلون يضربه هيج ماخاف يموت بين اديه
هزت كتوفها بمعنى مادري دخلو وره العشه ابوي واخواني وام ارشد صاحت
ام ارشد: ابني وين شو راجع بس بولد الفصليه ابني وين حاجيني
ابو شاهين: على كيفج ويه روحج ام ارشد ابنج بقه ببغداد رجعنه نريد نقرر شنو نتصرف ويه اهل الشاب الي ضربه
شاهين: مبينين ناس خيره وولد دوادين وخطيه مرته لرامي من سمعت بزوجها ضارب ارشد طاحت ونقلوها مستشفى
كيان: اي والله انوب يكولون سقطت الجنين يعني حامل
ام ارشد: ولكم ولد الفصليه ولد الغجريه واكفين ويه كتال ابني حقكم مو لانه مو اخوكم من امكم الفصليه
عطت بيها
ميلا: امي بعيده عنج كفيها شرج ولاتذكرينها مثل مامحروك گلبج على ابنج احنه محروكه گلوبنه على اخونه اذا انتِ حقوده وتشيلين بگلبج احنه مانشيل موكلنه رضعنه من الحليب الي انتِ رضعتي منه
شاهين: ميلا دخلي لغرفتج بساع بويه
حجيت وياه بس ماخلاني اكمل يعيط بيه علمود الشمطاء
ميلا: شا
شاهين:ميلااا كلت لغرفتج يلهه
دخلت وكفت يم الباب اسمع الشمطاء تكول لابوي
ام ارشد: جيبولنه منهم ضمان نضمن بي لحد مايلاكون ابنهم
ابو شاهين: والحل عندي ناخذ فصليه
تقدم مادري شنو كال لام ارشد بس فرحت وكالت
ام أرشد: يعني دارت الدنيا وهم خذينه فصليه منهم هههههه
ضحكت بالنهايه بدلع ايعع عيوز رجلها بالكبر ومامستقره هزيت ايدي ومتأكده اخواني راح يرفضون فكرة الفصليه وصدك ما ايدوه
طلع شاهين لان دك تلفونه رجع بوكت متأخر من شفته ركضت لغرفتي سويت روحي نايمه انفتح الباب حسيت بي تردد بصفي رفع الغطه وحضني بكل قوته همس
شاهين: امي الثانيه انتِ بس كون تبطلين وكاحه
لفيت اديه على رگبته وحجيت
ميلا: بابا انت تحبني
باوعلي وكال بكل حنان
شاهين: شلون ما احبج غير عزيزت روحي انتِ ميلتي
ميلا: چــا ليش تصيح عليه علمود الشمطاء ها احجي لاتسكت تحب الشمطاء وانا لا عود شكو تدافع الها
شاهين: لج بابا مو حب بس انتِ موصغيره وعيب تغلطين على الي اكبر منج حتى اذا جنتي مو غلطانه
ميلا: انت دائما تسوي هيج وهيه الحقيره ماتحترم
شاهين: ولج بويه لا تغلطين شكد اعلم بعد مايصير رويحتي غير لازم انتِ تحترمينها وبعدين هيه تحترمج
بجيت وكلت بقهر
ميلا: يعني عادي عندك تحجي وتسب بأمي ليل ونهار تحجي عليها
لزم راسه وكال
شاهين: شلون اقبل بس مابيدنه شي تبقى مره جبيره
ميلا: والله بيدكم البيت بأسمنه نطردها مثل ماجانت طاردتنه ونخليها تتوسل ترجع
شاهين: وتعتقدين امي راح ترضه بهيج شي انو نظلم احد جانت دائماً تكول
ام شاهين: نامو يمه مظلومين ولاتنامون ظلام لان نومت الظالم مثل نومت الكافر ونومت المظلوم نفس نومت المؤمن الجيد الي يدري رب العالمين راح ياخذ حقه
شاهين: يعني هيه دائما تنصحنه وتريد نمشي على الطريق الصحيح وانتِ تريدين نعامل ام ارشد نفس ما عاملتنه تريدين رب العالمين وامي يزعلون عليج
ميلا: لا ماريد يزعلون مستعده انام مظلومه ولا انام ظالمه احجيلي عنها شاهين احجيلي عن امي
بده يسولف عنها والابتسامه مرسومه على وجهي
______العوده للماضي______
شاهين:
جنت كاعد بره بالشارع صادفت بالحضتها جانت ميلا بعدهي صغيره بس عمرها جبير وتبين اصغر لدرجه جانت امي تكمطها علمود لاتتعبها صاحتلي من البيت
ام شاهين: يمه شاهيني تعال حبيبي ادخل سويتلك اكل
من هذا الي يحبه کلبك
شاهين: جاي ياروح ابنج
نفظت ملابسي ودخلت وراها نسولف جانت شايله ميلا ومطلعتها من الكماط جانت من كثر مابيضه هيه وميلا تحس روحك تمشي يم قالب ثلج حجيت
شاهين: يمه انتِ ليش هيج حلوه وبيضه بهاي الطريقه ميلا طالعه تشبهج
حجت بحزن
ام شاهين: جمال بلايه حظ بشونو يفيد يايمه اريدك ماتهتم لاحد ودير بالك على نفسك وعلى اخوتك صيرلهم سبع احميهم من الكل خلي ابوك ومرته يعرفون انتو مو ضعفاء تذكر يمه ربك وياك وال بيته يعينونكم على المصايب
كعدت بصفي تخليلي الاكل وترتبه لزمت وجها وحجيت
شاهين: هاي الخدود الحلوه تنباس على هذا الكلام الحلو اوعدج ماراح اترك اخواني ابداً وادير بالي عليهم بس كوني موجوده وياينه هذا كلش كافي
حضنتني توكل بيه وتسولف وياج وانتِ تضحكين اجو ارشد واركان وكيان حجه ارشد مدنك
ارشد: مرت ابوي اكعد وياكم لو ماترضين
ام شاهين: اكعد يمه ليش ما اقبل غير انت اخوهم وجاي ويه اخوتك موغريب انت
ابتسم وكال بحزن
ارشد: مادري شنو اكول الج بس عمايل امي تخزي بس مابيدي اسويلها شي تبقى امي واعزها
أم شاهين: خليك ولد بار بأمك هذا كلش كافي يمه اكعد اكل ويه اخوتك
جانت حنينه على الكل بس ابوي الظلمها جنت اسمع انينها وبواجيها طول اليل بس مابيدي شي جان الحل الوحيد تاخذنه تشرد بينه وصدك اخذتنه بليله ظلمه
وطلعت بينه ل ذي قار دخلنها وره ساعات بس ضلينه انا واركان وكيان واكفين بره وهيه دخلت لبيت ابوها تلكاها واحد من اخوانها جانت دائما تكلي صير حنين على ميلا مثل حنيت ياسين عليه اول مادخلت صاحت
ام شاهين: ياسيننن
طلع رجال متوسط العمر بس الي يشوفه ينطي بس اصغر رجال مبين عليه كله هيبه طاغيه طلع وياه ولد ثنين نفس تحسهم من بعيد يفوح منهم الهيبه مع العلم همه ويانه بنفس العمر
حضنها لامي يبجي وبوسنه هم واجو اخوانها البقيه بجو حاضنينها
اله واحد صاح رافض جيتها كرهته بهذيج الحضه ووحده من خواتها الي ماجانت رايداه بقائها تعرفنه على ولد خوالنه الي جانو خيرين مشيت ويه هذولي الولدين وعلموني كلشي على الرمايه والتهديف وخلوني اسوي تمارين رياضيه تعودت مثلهم صرت وياهم نبين اكبر من عمرنه الى ان بيوم اخذونه من حضنها مانعرف منو همه وانطونه لابونه ومن يومها ماعرفنه شي عن امنه
____العوده من الماضي____
ميلا: يعني امي ماتخلت عنه انوخذنه غصب من حضنها
شاهين: اي ولو اختها لو اخوها لو ثنينهم الهم ايد بالي صار ويانه
ميلا: كلشي اعتقد منهم
نمت ومرن ثلاث ايام ورجعو راحو لبغداد والصدمه من كالتلي ام ارشد
أم ارشد: هههههه راح يرحون يجيبون الفصليه ويجون
خطيه يكولون وحيدة اهلها
باوعتلها وحجيت
ميلا: جاي تجذبين اخواني مايسونها وماراح يقبلون على سالفة الفصليه
ام أرشد: مو هيه بكيفهم مايوافقون جهزن الغرفه للفصليه راح تنور بيتنه وراح اظلم حياتها
كالت هيج وراحت ضليت محتاره رجعت باوعت لمهره وكالت
ام أرشد: نسيت اكلج راح يعقد عليها حبيب الگلب وانتِ خليج ماتخلفين
نزلت دموع مهره ودنكت وراحت للمطبخ لحكتها
وحجيت
ميلا: مهره لاتصدكين مايسونها
مهره: واذا سواها شنو راح اسوي
ضلينه محتارين صعدت فوك صافنه مرن الساعات وروحي تلوب شفت سيارتهم دخلت البيت ونزلت بنيه من السياره جانت ضعيفه بس موكلش وسط وبسبب النقاب ماعرفت شكلها اخذوها للمضيف (ديوان يكون خارج البيت علمود الكعدات العشائريه)
من دخلو نزلت جانت ياسبحان الخالق ايه من الجمال تعاركت ويه شاهين ومافاد الحجي وتمر الشهور وموت رامي جان صدمه رحت وياها انا ومهره وتعرفت على اهلها بس اكو مريه جانت تباوعلي وتكول كل ماتشوفني
_جنها هيه والله جنها اختي
جنت ما اهتم عبالي مشبها عليه ورجعنه ومشت الايام والحياة قائمه وباليله من اليالي سمعت ام ارشد ومحمد ابن عمي يسولفون من شافوني ضربني على راسي وسد حلكي وسحبني خارج المكان من فتحت شفت نفسي بمكان مجهول وصارلي مادري شكد هنا
رجعت من دوامت افكاري على صوت فتح الباب دخل وبيده اكل كعد يكول بيه ويحجي
محمد: لاتتعبين روحج ماراح تطلعين منا
ميلا: حقير مايفيد وياك ايه شي جشع وعديم غيره
ضحك وهوه يصنف عليه مر مادري شكد وبيوم دخل محمد جان مبين شارب وريحته تلعب النفس جنت خايفه لدرجه جبيره انا ماعرف شنو مصيري ومحمد مبين ماناوي على خير صحت بصوت عالي اريد احد يسمعني
ميلا: ياناس ياعالم يا اهل الغيره ساعدوني
ضربني راجدي واردف بصوت يأكد انو هوه شارب
محمد: انتِ حلوه وتدرين انا هواي احب الحلوات لذالك انطيني نفسج انا احق بيج من الغريب
صحت بوجها من كثر الغضب الي جاي احس بي
ميلا: انجب سا**** لو بيك خير چــا اجيت لأخواني وطلبتني مو خاطفني وتريد اصيرلك مره تحلم ماما روح العب بعيد
دفعني بقسوه على الكاع واعتلاني صحت بي احاول ابعده عني
ميلا: ولك وخر الحكولي ساعدوني ياناس ولك وخر محمد ابوس ايدك وخر لاتلمسني
بجيت بكل قوتي اريده يوخر تمنيت الموت اريد اهلي
صيحت شكك ملامسي وجان اسمع الباب تكسر وهوه من كثر الثماله ماكام من فوكي دخل شاب يركض شاله من فوكي يضرب بي
تقدم شالني من الكاع وحجه وهوه يمسح بأيده بحنيه على خدي
-بويه سوالج شي حاجيني حاولي تصحصحين وياي
ميلا: ماما اريد امي حباب اريد اروح لأهلي اخواني هسه خايفين عليه
هذا اخر شي كلته وغمضت
/////////////////////////////////////////
نسرين:
دخلنه جانت هجران تبجي خطيه تريد تجيب نقلوها للمستشفى مرت الساعات ومانعرف عنها شي جنه محتارات اني وزهراء باوعتلها وحجيت
نسرين:اكلج زوزه اني راح اروح اخابر هشام انتِ خابري ضيغم تأكدي منه خلي نشوف هجران شلونها
زهراء: روحي وانا هم راح اصعد اتصل واشوف شصار عندهم
صعدت اتصلت عليه جاوبني وره ثلاث مرات اتصال
هشام: الو يابه خو مابيكم شي
نسرين: هلا هشام هجران شلونها جابت لو بعدهي
هشام: اي عمري جابت والطفل اللهم صلي على محمد وآل محمد حلو وهادء
جاوبته بحماس وفرحه راح يصير عندنه طفل بالبيت
نسرين: حباب حباب صوره الي اريد اشوفه
ضحك بهدوء واردف
هشام: اهدئي يابه ما اصوره نطلعها وتشوفينه
نسرين: ما ما صوره اريد اشوفه يله
هشام: ولج بويه كافي لاتصيرين طفله كلتلج نجي وتشوفينه
اتذكرت شي واردفت
نسرين: هشام اريد اكول الك شي بس اريدك تهدء
تعرف اخاف اضم عليك شي
هشام: احجي شكو نسرين
نسرين: هشام اني سقطت
حجه بصدمه بينت بصوته
هشام: شنو شلون ويمتى وليش توني ادري نسرين
سولفتله كلشي من موته لحد من دفعتني عمته اردف
هشام: بسيطه اله اربيهن وحده وحده شافني ماكو تطاولن اصبري وشوفي شلون اخذلج حقج منهن
سد الخط نزلت اركض جانت زهراء تحجي ويه ضيغم بعدها سمعتها كالتله
زهراء: مادري حبيبي بس تعبانه شويه لاتخاف
سدت الخط وكالت بفرحه
زهراء: اي ولج هجرانو جابت ولد يكول ضيغم كلش حلو
حضنتها وحجيت
نسرين: زهراء انتِ شكد حنونه وماكو منج ويلومونه لان نحبج
ابتسمت بحنان وكالت
زهراء: وانا هم احبكم والله اعتبركم عائلتي الثانيه يله خلي نرتب غرفة هجران علمود من تجي ترتاح بيها
كمنه سود دانظف ودك تلفوني رفعته جان رقم هاذي مو اول مره يتصل عليه رقم غريب ونفس الرقم احتاريت وسمعت صوت زهراء تصيح الي
زهراء: ولج ماما وينج سونه تعاي علمود نكمل شغل بساع
نسرين: جايه بس خلي اودي تلفوني واجي
اشرتلي تمام صعدت شمرته على الجربايه وطلعت جابو هجران بعد ساعات جانت كلش تعبانه خطيه رحت كعدت يمها وحجيت
نسرين: خليني اشوفه حبابه هجرانو
باوعتلي وحجت بتعب
هجران: شوفي لازمتج انا شبعي منه شبع بس علي كيفج لايتأذه
شلته كزكزت عليه يخبل ايه من الجمال دخل هشام كعد يم هجران لازم ايدها يسولف وياها وهيه تحجي بتعب اردفت
نسرين: هشام كافي شكد سولفت وياها خليها ترتاح
باوعلي مقلص عيونه وحجه
هشام: جاي اسولف ويه اختي انتِ شنو الي غاثج
تغارين
نسرين: اوييي حوبي مايلوكلي الغيره
هشام: اجت ابالي شغله من هاي الاوي بس اخلاقي تمنعني اكولها
هجران: كافي تتعاركون تره تعبانه مالي خلك
هشام: صرت مزعج هسه اكوم رايح
اجه يكوم جلبت بي رفعت نفسها مخليه راسها على صدره
هجران: لاتروح انا وديت عليك علمود تنومني وبعدني مانمت
باس راسها يلولي الها غفت وتعب طاغي ملامحها همس هشام
هشام: نامي ياروح اخوج تعبتي وصبرتي هواي ورب العالمين ماراح يضيع يصبرج
حضنها بكل حنيه صارت بحضنه عبالك طفل صغير حبيت حنيته عليها ماحسيت بدموعي الي نزلن اله بعد ماهوه حجه
هشام: شبيج سونتي ليش هاي تبجين
نسرين: انت ليش هيج حنين فهدي
مددها لهجران وغطاها اخذ محمد وخلاه بصفها واشرلي امشي طلعت وياه صعدنه لغرفتنه دخلنه حضني واردف
هشام: اذا ما اكون حنين عليكم انتو عائلتي چــا على منو اكون انتو مصدر سعادتي واتكائي عليكم
نسرين: احبك من كل گلبي
هشام: احبج يافلذة كبدي ياعيوني انتِ نسرينتي
مددنه نسولف حجيت
نسرين: يله نكمل سالفتنه
هشام: ياسالفه ولج
نسرين: شلون عرفت هاي اني وليش ما اجيت وجبتلي السياره
هشام: مو اكلج ماتنسين
_______العوده للماضي_______
هشام:
جنت راجع من يم ضرغام والولد مريت بواحد من الشوارع وجان تعبر كدامي بنيه صغيره وكفت السياره بساع وكل الي ابالي انو دعمتها نزلت التمت العالم عليها
جانت كاعده على الكاع من فتحت عيونها الخضر خذت روحي بجمالهن ضليت صافن جانت تناشغ وتبجي حجيت وياها احاول اهدئها
هشام: بابه بيج شي يوجعج شي اخذج للمستشفى
اباوع طلع رجال من واحد من البيوت يسأل شنو صاير رفعتها من الكاع وكعدتها فوك بنيد السياره بست خدها وحجيت اريدها تحجي اريد اعرف شنو بيها شنو الي جاي يوجعها ليش تبجي بسكته
هشام: باباتي بيج شي متوجعه لو لا
حاجتني خايفه حسيت روحي ذابته بيها
نسرين: عمو مابيه شئ بس اخاف من بابا لايطكني لان طلعت بره
رفعتها وحاجيت هذا الرجال الي اعتقد ابوها
هشام: عمي هاي طفله وجنت راح ادعسها وهيه خايفه
اخذها مني بقوه وحجه بنتر
ابو نسرين: معليك بيها ورحم الله والديك ارجع منين ما اجيت
اخذها بكل قساوه يضرب بيها رحت للبيت وبالي يمها
حسيتها الي حسيتها شي خاص بيه صرت اروح يم البيت على امل تطلع وارجع واموت نفسي واعاتبها
هشام: شبيك انت زلمه طول بعرض تركض وره طفله
هشام: طلعها من بالك كافي لاتفكر بيها
وترجعين تخطرين على بالي جان طيفج مايفاركني
وبعدها كلت هاي اخر مره اذا ماشفتج بعد ما اجي وانساها جنت جايب الها وياي هديه وكفت شكد وقررت اروح وجان اشوفها بملابس المدرسه ابتسمت من شافتني ولوحت بأيدها الي
رحت الها ثنيت ركبه ونص علمود اصير بطولها سألتها وفضولي اعرف هذا الجمال كله شنو اسمه
هشام: شنو اسمج يا حلوه
جاوبتني بحماس اطفال ابتسمت لا أرادي
نسرين: عمو اثمي نثرين وعمه تسميني نثو
ابتسمت وحبيت اخليها تعصب
هشام: نثو اسمج حلو بس غريب
جاوبتني بكل عصبيه
نسرين: عمو اسمي نثوو نثوو
هشام: اي عرفت نثو
اجت تسولف بس وكفها صوت عمتها تصيح الها
الشاب: يعني اسمج نسو وسونه
نسرين: اي
طلعت لعابه وانطيتها الها
الشاب: هاي الج لأنج حبابه
اشرتلي بايدها امد الها راسي وصدمتني من باستني وراحت هيجت كل المشاعر ببوسه منها مرت الايام وصرت انتظر شوفتها وبيوم طلعت تبجي وعرفت تريد
سياره صار عندي شغل وتأخرت عنها هواي وروحي تريد شوفتها من رحت محد طلع وهيه ماكو ضل بالي يمها وتمر الايام وهيه ماكو طفح الكيل عندي وسألت وكالولي انو شالو اهلها وهيه لغير منطقه ومحد يندل بيتهم
صرت انسان حاد الطباع اكثر من قبل وترقيت بالدوام مشت السنين ومانسيتها تصرفاتها ضلت ابالي وبأحد الايام جنت راجع من الدوام وجان يصير
كدامي ظل اسود سحبت بريك بساع ووكفت السياره نزلت ومشهد السنين الفاتت ينعاد خليت المسدس براسها وحجيت اريد اعرف منو هيه رفعت راسها عيونها رجعني سنين لي وره بس شلت الفكره من بالي.
نقلتها للمستشفى جانت عباره عن جثه هامده مابيها شي صاحي وصلت والتحاليل اثبتت دمارها وتعبها
صليت وكلي امل تصير بخير دخلوها غرفت العمليات وطلعوها بعد ساعات اخذت حيلي وياها شي بداخلي يكلي هاي هيه طلعت الدكتوره ومن سألتها صدمتني من كالت اسمها نسرين اخذت منها من كعدت كل المعلومات عنها
تزوجتها وروحي متأكده هاي هيه نفس الانسانه الي حبيتها وبيوم جانت نايمه قررت اتأكد. من اثر جرح برجلها اذا جان موجود لولا من شفته بلحضتها حسيت ملكت الدنيا ومابيها يعني الانسانه الي حبيتها تزوجتها وصارت من نصيبي صليت صلاة شكر لله
ومرت الايام وحبي اهلها يزيد ماينقص الى ان تممنه زواجنه وصارت روحي الثانيه
________العوده من الماضي ________
باوعتله صافنه بوجها وهوه يحجي عن مده حبه الي سويت شي ما حسبتله حساب ابداً رفعت نفسي وبسته من شفته وهوه يسولف
نسرين: احبك فـهـدي
باوعلي واردف بحنيه
هشام: عاشك تفاصيلج ياروح فهدج حبي الاول والاخير
كضينه ليله حسيتتها ليله تعبر عن مده حبنه بين مزحنه وبين حبنه
ثاني يوم سبحت ونزلت اساعد البنات اتصلت على وتــيـــن جاوبت ومبين عليها نايمه
وتــيـــن: ها زوجت ابن خالي شتريدين
نسرين: عيوني تينه هجران جابت ماتجون مشتاقتلج
وتــيـــن: مابيه حيل والله وامي مريضه سونه بوسيلي
الطفل حبابه
نسرين: سلميلي على عمه وكليلها تدير بالها على نفسها
وتــيـــن: ان شاء الله
سديت الخط صارت مقابيلي سجى حجت بحقد
سجى: اخذه منج اخذه وتذكري كلامي
نسرين: حلم ابليس بالجنه
تركتها ومشيت مامهتمه الها دخلت للمطبخ وكبت المشاكل وجان يدخل هشام وحجه
هشام: شوفن ولجن وحق من انزل القران افنيها فني الي تمد ايدها على مرتي لو تأذيها بحجايه ولله اخليها تتمنى الموت وماتلاكي
ام رياض: تصيح علينه واحنه عماتك علمود وحده مثل هاي
هشام: هاي مرتي واحترامها من احترامي الها اسم وتكولين اسمها وارجع واكول لاتخلني اتخذ وياجن غير اسلوب
حجت الحيه سجيوه بدلع
سجى:ابن خالي تره زوجتك هيه الي بدت ماتنعاد طلباتك اوامر بس لاتنقهر وتعصب
عطت بيها
نسرين: هييي منو انتِ حتى تهتمين لزعله وقهره شوفي لج وروح امي ساكتتلج احتراماً لهشام وعمه وعمو والولد لاتخليني اتجاوز عليج
ام مشعل: وحده زايحه المستحى نسوان اخر وكت
نسرين: والله زايحه المستحى على نفسي انتِ ما الج شغل
هشام: كافي حبيبتي لاتقهرين روحج عمري بسببهن وانتن والله اذا تنعاد اندمجن
هشام: وانتِ ام رياض ابني الي راح بسببج احاسبج عليه وثقي بذات الله انسى انتِ عمتي واتعامل وياج بغير اسلوب
اخذني وطلعنه بره حضني وحجه
هشام: لاتهتمين لأي وحده بيهن فهدتي
نسرين: ربي لايحرمني منك ياروحي انت
مرت الايام وبيوم اجوي اهل ضرغام والصدمه من خطبو هجران اله وهجران رفضت وسمعناها تصيح ضرغام تصاوب مدري شبي وخطيه تعبت من البواجي.
كسرت خاطري شفت وتــيـــن اجت ركضت حاضنتها سولفنه اني وياها وبعد ساعات طلعو لضرغام خطيه جان تعبان واجت الايام وراحت ووافقت هجران على ضرغام وتحدد عرسهم ويه وتــيـــن و ســبــع تزوجو وحياتنه مستمره ومر شهر وجنه واكفين ننتظر الاعلان عن النتايج باوعلي ضيغم وكال
ضيغم: هذا اسمج
دنك بخيبة امل وكال
ضيغم: معدلج كلش ناصي زوجت اخوي
ماعرفت شنو احجي نزلت دموعي باوعتله وكلت
نسرين: والله درست والله تعبت بالدراسه هواي
صاح وهوه يضحك
ضيغم: على كيفج يابه والله ذيبات بناتنه عمي معدلج 99.61
صحت مامصدكه وركضت شامره نفسي بحضن هشام نسيت وين اني
نسرين: هشامممم نجحتتت راح اطلع طبيه راح اكدر اصير دكتوره
هشام: الف الف مبروك ياروحي انتِ ادري بيج قويه وتكدرين
وجان نسمع صوت صدمنه
علي: ها زوجت اخوي ضاربج جفاف تبوسين بأخوي كدامنه
ركضو الولد اله شايلينه يبوسون بي مامصدكين علي كدامهم بجينه كلنه من الفرحه وسوينه عزيمه علمود
يلتمون الكل ومن سأل على غفران سولفوله الولد لو تخبل كطع روحه ومرت الايام والحياه هادئه جداً
///////////////////////////////
زهراء:
جابت هجران وجان الكل فرحان بالطفل دخلت وكعدت يمها واردفت
زهراء: الحمدلله على سلامتج هجو
ابتسمت وكالت
هجران: الله يسلمج عمري
زهراء: تريدين اجيبلج اكل فد ابالج اكله معينه احجي تغذيه الج وللجنين
دنكت ودموعها نزلت
زهراء: شبيج هجران ليش تبجين
هجران: ليش مقسوم لأبني يعيش يتيم الاب زهراء خطيه والله انا ندمانه على كلشي اطلب من رب العالمين يسامحني
زهراء: اشش لاتكولين هيج حبيبتي قدر ويريد يصير
شنو ذنبج انتِ بس رب العالمين يريد يختبر صبرج
هجران: ونعم بالله زهراء اطلب طلب من عندج
زهراء: اطلبي هجران انتِ اختي تأمرين مو تطلبين
ابتسمت ودموعها بعينها اعرف بيها شكد تعبانه
هجران: اريد تسويلي شوربه وتجيبيلي ملابس لحمودي
زهراء: من عيوني هسه الي طلبتي يجيج
طلعت صار مقابيلي بالمطبخ هشام باوعلي واردف
هشام: اجيتي بوكتج
ابتسمت وحجيت
زهراء: اي اجيت شنو محتاج خويه أمر
هشام: مايأمر عليج ظالم ام ذياب هذا معلاك لهجران اخذي وكليها ياه اذا مايتعبج الموضوع
زهراء: لا زعلت شنو هاي ماصايره ضيغم وين خلي يجي يشوف
باوعلي مستغرب
هشام: شبيج يابه شحجيت هسه انا
صحت لضيغم دخل مستغرب وحجه
ضيغم: شبيج زهرتي
عزا خجلني حجيت
زهراء: ترضاها اختك واخوك من يحاجوني يكلولي خاف تتعبين وانت تعرف معزتهم
ضيغم: أبداً ما ارضاها
باوع لهشام وهز ايده
ضيغم: اكربو عليها تحب الكراب هاي تموت على شغل البيت عندها قصة حب وياه
هشام: يمعود خوفتني عبالي شنو سويتلها امشي لج روحي وكلي اختي يله
ضحكت وحجيت
زهراء: شنو خدامه عندكم ضيغم ترضاها اخوك يتأمر عليه
هشام: خرب خبلتيني والله جان اعتقادي بس نسرين تنكد وجنت اكول زهراء عاقله طلعتي اخبل منها
زهراء: هههههه جيب الاكل يمعود نشاقه
اخذته وهوه يهز بأيده رحت وكلت هجران وخليتها ترتاح وبدلت لمحمد ثاني يوم العالم التمت ولتهينه بالشغل صعدت لغرفتي لكيت صفا مخابرتني اتصلت عليها جاوبت
صفا: الو زهو
زهراء: هلا صفصف شلونج
صفا: الحمدلله انتِ شلونج اريد اكلج موضوع زهراء
زهراء: الحمدلله شنو احجي خو مابيج شي صفا
صفا: لا لا مابيه شي بس زهراء اكو وحده تريد تموتج
حجيت مستغربه ودي استوعب شجاي تحجي
زهراء: منو هاي صفا ومن يمتى عرفتي اكو وحده تريد تكتلني
بدت تسولف واحس روحي تفور مامصدكه وصلت بيها الحقاره لهل درجه شنو من بشر هاي
صفا:
طلعت من الكليه وجاي امشي وجان اسمع وحده تسولف
نورس: اي اريدك تدعسها بالسياره ما اريد يبقى الها اثر لازم اقضي عليها واخذ حبيبي وارجعه الي
جاوبها
-بس شلون خاف احد يشك من عائلتها لو هوه رجلها بنفسه يمكن يشك انتِ الج ايد
صفنت وضلت تجي وتروح
-فكري واحسبي احساب لكولشي انتِ تريدين جريمة قتل لازم تكونين مستعده لكلشي
نورس: اي كلامك صح بس اني لازم اقتلها هاذي انسانه جشعه اخذت حبيبي
كعدت تبجي وتكول اله
نورس: اني انسانه مظلومه هوه ظلمني علمود وحده مثل هاي هيه سوتله مكيده وخذته
-راح اساعدج لانج بنيه مؤدبه ومبين صدك ظالمينج
نورس: اي اني فقيره ماعندي غير ضيغمي وهاي زهراء اخذته مني
من طلعت زهراء اشرتله عليها وتباوع بحقد الها قررت احجي لزهراء علمود تاخذ الحذر
صفا: سولفتلج علمود تكونين حذره منها
زهراء: ان شاء الله صفصف لاتخافين عليه ادبرها واعرف شنو غايتها
صفا: حبابه زهو ديري بالج على نفسج
ابتسمت وكلتلها
زهراء: من عيوني ادير بالي على روحي
سديته من يمها دخل ضيغم يغني باوعلي وكال
ضيغم: عاشق من ساسي لراسي خايف مايكفي احساسي بحقك اعطيكي بعرف لو عندي حنيه
اد الدنيا وزيد شويه ماراح تكفيكي ماراح تكفيكي
لف اديه على خصري وخله راسه برگبتي وحجه
ضيغم: مابدي غير هيك وبس ضميني وبيحبك حس
ونقسم هاي الفرحه بالنص داخيل الي سواكي شو تأنه
بيحالاكي مش لأني بهواكي عم احكي
ضحكت وكلت اله
زهراء: على كيفك حسام جنيد
ضيغم: وثول عود جاي اتغزل بيج
زهراء: ضيغم ابعد نورس عني
وسع عيونه بصدمه
ضيغم: شنو شبيها نورس وشجابها عليج هم رجعت اذتج زهراء احجي
زهراء: جاي تخطط علمود تكتلني ضيغم وانا ماخايفه على نفسي بس خايفه على اهلي هاي كلشي تكدر تسوي
ضيغم: بسيطه يا نورس جنيتي على نفسج
مشه وترك المكان وطلع ركضت وراه وصحت
زهراء: ضيغم اوكف اوكف لاتروح
ماسمع مني وطلع تاركني محتاره منين طلعتلنه هاي
مرت الايام وراحت ايام ومن اجو اهل ضرغام جنت فرحانه انو يخطبون هجران لاني متأكده ضرغام يحبها
رفضته وكامت تصيح لان صار يم ضرغام صاير انفجار
اجو عماتها ونسوان عمامها سمعت صوت محمد يبجي رحت اسكته وياها
دخلن عماتها وبناتهن يشمرن حجي حركن دمي طلعت وتركتهن توني جاي اصعد الدرج وجان اشوف سجى وراي ذبت روحها وصاحت
سجى: يمههه لحكيلي دفعتني زوجت ضيغم
زهراء: يمتى دفعتج جذابه
باوعتلي وحجت بحقاره
سجى: اله اخليج اليوم تطلكين مادامج واكفه ويه نسرين الحقيره
التمو علينه وامها تصيح خلن ضيغم يعيط بيه علمودهن حز بخاطري تركتهم ومشيت دخلت ودموعي نزلن غسلت وسوينه اكل للكل
من اجه اليل راحو الخطار كاعدين الولد وعمو يسولفون وهوه يباوعلي ما باوعتله أبداً حجه عمو
ابو هشام: بويه مسحيها بوجهي
زهراء: على شنو عمو خو ما صاير شي
ابو هشام: بويه هجران سولفتلي شلون اختي ضلت تكول عنج انتِ عاكر وماتخلفين وشلون هيه وبنتها لعبن ضدج
وكفت وبست راسه وحجيت
زهراء: انت ابوي الثاني عمو مازعلانه منك ولا من احد الله شاهد
هشام: كوم لك ضيغم بوس راسها وثق بالله اذا مره ثانيه عطت بيها كدام هذن الكح****** اله انومك بالنجف
زهراء: مايحتاج ابو الادهم بس منو كالك
هشام: سولفت النه هجران هيه و وتــيـــن انا نبهتهن هذن الرديات بس مايفيد وياهن
سولفنه وصعدت دخلت بدلت ومددت سمعت صوت باب الغرفه انفتح غمضت ما الي واهس احاجي تمدد بصفي وحجه وهوه يخلي ايديه على خصري
ضيغم: حاجيني زهرتي زعلانه مني
زهراء: لا مازعلانه وخر اديك ضيغم اريد انام
ضيغم: جذابه زعلانه مرتي واعرفج حق المعرفه
درت عليه وحجيت مستهزئه اعترف اول مره اعصب
منه هيج
زهراء: لا مبين تعرفني حق المعرفه من حجيت وياك وجذبتني
خله راسه على راسي وخرت منه وهوه لازم بأديه
زهراء: وخر ضيغم وخر جاي اكول الك ما اريدك
ضيغم: بكيفي اريد اضل لازمج هيج شنو تمنعيني ولج
زهراء: ما امنعك بس وخر يله وخر ما امنعك
حجه بعصبيه
ضيغم: لا ماتريديني مو جاي تنفرين مني
زهراء: لا والله شبيك بس معصبه منك
ضحك وهوه يبوس بوجهي
ضيغم: احاسيس گلبي احبج لاتزعلين ياروحي انتِ الي غايه بألي سويته
زهراء: وشنو غايتك حضرة المحقق ضيغم ياسين ال*******
ضيغم: يذوب حضرة المحقق ضيغم كدامج
نمنه وهوه بس يتغزل الى ان غفينه سوه وتمر الايام ويزوجون ضرغام وهجران وتينه و ســبــع ومشت الحياه واجت يوم نتايج البنات فرحتنه جبيره بمعدل نسرين واكتملت بجيت علي جان متغير هوه والولد
تقدم وكف مقابيلي وحجه
علي: شلونج ولج مشتاقلجن كلجن
زهراء:حتى احنه مشتاقيلك علي
علي: مو بأيدكم تحبوني تموتون عليه
محمد: كافي شكد تلغي ماتعبت
علي: شنو الغاثك فهمني ابو وجه المسطح
محمد: تهي بيه عود هسه وجهك الحلو امده الجهره الكشره
تناركرو وكلها تضحك سوه العزيمه وصدمت علي بالي صار بروحته مرن الايام ودخلنه سنه جديده تمنينه تكون احسن من السنه الي راحت
نزلت اريد اريد اسو غده باوعت لنسرين جانت تتقيء رحت الها وحجيت
زهراء: شبيج سونه
باوعتلي جوه عيونها جان لون اصفر وشكلها تعبان صفنت وحجيت
زهراء: نسرين شبيج
نسرين: مادري والله تعبانه زهراء جاي احس روحي تريد تطلع
زهراء: احجي كولي لهشام خلي ياخذج دكتور دكتوره
انوب بطنج متفوخه
نسرين: مادري ولله
اخذها هشام ومن رجعو نسرين جانت صافنه بغير عالم
اردف هشام مبتسم
هشام: نسرين حامل ________ يــتــبــع
استودعتكم الله عزيزاتي
🌿للحكايه مسار طويل🌿
توقعاتكم للاحداث الجايه
رايكم يهمني
اسفه جداً على التأخير تعرفني مامتعوده اطول بالنشر بس تلفوني خرب وصلحته وكتبت البارت واتمنى يكون طويل🥲😃
وتنزيل البارتات راح يصير بسبب دوامي كل
- ثلاثاء وسبت
لو تريدونه كل
-خميس و ثنين
لو كل
-اربعاء و احد
انتو اختارو ياوكت تريدون بي البارتات